مرسي كتير على ردودكم ....
بس انا بؤمن بالحب عن طريق النت بس عشان يوصل لمرحله الحب لازم يمر بمراحل
ممكن اللى يكون ع النت اعجاب بالشخصيه اللى قدامك بس لو شوفتيها وتكلمتي معاه وجلستي معاه
ممكن يوصل للحب ويكون اه بدأ من النت بس يكون الحب ع النت لا هو اللى بيكون ع النت بس اعجاب لااكثر ولا اقل
ولازم يكون في اهتمام بالطرفين بعضهم ببعض
وشكرا ليكم على ردودكم

انا شايفة ان موضوع الحب والعلاقات من على النت دة بيعتمد على صدق الطرفين ودى اهم كلمة الصدق ممكن تنجذب للشخصية قبل الشكل وممكن ترتاح فى الكلام مع حد وتتعود على الطريقة اللى انتوا بتكلموا بعض بيها اللى هيا الاسلاك والشاشة والمايك بس ممكن لما تتقابلوا وتتجمعوا مع بعض كتير يحصل تغيير وصدمة وتحس ان اللى ادامك دة مش هو اللى كنت بتحبه وبتحب تتكلم معاه وانت ممكن تتعود على طريقة انك ممكن تكلمه من غير ما تشوفه انما لما هتشوفه ممكن مترتاحش فى الطريقة الجديدة دى اهم حاجة التفكير كويس اوى قبل ان تطلق مشاعرك للحب بهذه الطريقة

مع أحترامي لجميع الآراء أنا بصراحة مبأمنش لا للحب عبر الانترنت ولا بغيره وده في رأيي كله كلام فاضي ولعب عيال ومصخرة حتقولوا أنتي سعودية وعندكوو تزمت في العلاقات دي أبدا أن مامتي مصرية ومن مواليد مصر وبحب مصر موووووت وبأقضي كل اجازتي في مصر بس أحس أن المسألة دي غبية خالص عشان الحب مايقيش إلا بالعشرة والحياة المرة والحلوة يعني ماتقيش كدة ابدا ولو خيروني بين راقل بيقولي (أنا بحبك موووت ومئدرش اعيش من غيرك ) وراقل تاني بعتتهولي عمتي يعني معرفهوش خالص بختار التاني.



ومتششكرة اوي على الموضوع ده

س: هل تؤمن بالحب عن طريق النت؟
ج: نعم


س: هل شاهدت تجارب من هذا النوع؟
ج: نعم شاهدت أكثر من تجربة ناجحة.. منها تجربة لقريب لى تزوج من فتاة من بلد أخر وهم يعيشون سعداء والحمدلله



س: ما هو تفسيرك؟
ج: النت هو مكان مفتوح يوجد به كل أنواع البشر.. شأنه فى ذلك شأن الجامعة والشارع والأوتوبيس والعمل إلخ.. أى أنه يوجد به الصادق والكاذب والأمين والمخادع والمتدين وغير المتدين وحسن الخلق وسئ الخلق.. وكما أننا لا ننسب الحب إلى المكان الذى بدأ فيه.. فكذا ليس هناك معنى لنسبة الحب إلى النت.. فالحب هو الحب أيا كان مكانه وزمانه.. فقط يشترط أن يكون هناك قدر من الصدق والمصارحة حتى يصير هذا الحب حبا عادياجدا مثل ذلك الحب الذى قد ينشأ فى أى مكان أخر.. وحتى يكلل هذا الحب بالزواج الناجح لابد من اكتمال باقى معايير الزواج الناجح من التكافؤ والتفاهم والقبول بين الطرفين.. وهذه هى الأسباب الحقيقة التى يؤدى غيابها إلى فشل الحب و الزواج عن طريق النت.. وليست طريقة التعارف بحد ذاتها هى سبب الفشل..



س: بلاش فلسفة وكلام كتير, وقولى.. هل لديك أقوال أخر ى؟
س: كلمة أخيرة..قال الحكيم المجهول الذى هو أنا: ليس المهم هو كيف وأين ومتى بدأ الحب.. ولكن المهم هو إلى ماذا سينتهى هذا الحب..