الله يعطيك العافيه ويخليلك ربي كل أحبابك
النهايه كانت رائعه وعرفتي تصيغينها تبارك الرحمن
أعطيتي كل شخصيه حقها من غير ماتنحرفي بمسار القصه
نجي للشخصيات...

ماجد***جود
روعه نهاية قصتهم وحياتهم
ومو شرط أنه لابد تكون حياتهم كامله لأنها ماتصفى لأحد
وأنا ضد اللي أحتجوا ليش جود ظلت عمياء
لأن الحب أذا كان ساسه متين وماقام على مصالح راح يتجاوز كل الصعوبات ويتحدى كل العقبات
أحلى مافي القصه أنقلاب حال ماجد وتصريحه بمشاعره
وبذله المستحيل لجل يفوز بموافقتها
ومابعد ضيق إلا فرج لمعاناتهم
وفقدان جود لبصرها وعقمها كان خيره لها بحيث كان سبب زواج فيصل وبالتالي طلاقها وبالنهايه أرتباطها بماجد



كذا يعني .. كذا فجأه .. تغير كل شيً فات

كذا زالت مواثيق الغلا والحب من ذاتك !!

كذا كنتي .. كذا صرتي .. كذا خيبتي الهقوات

كذا .. والا كذا .. ضيعتي دروبي وخطواتي !!

انا مل الامل فيني .. يدور للشفاه اصوات

عجز صوتي ينادي لك .. قضى قلبي من سواتك !!

نصيتك والوفا زادي .. رحلتي والقلوب اشتات

مصايب والرجا خايب .. تقود خطاك رغباتك !!

كبيره طعنتك هذي .. تعودتي على الطعنات

غريبه حيل ذا المره .. ولاهي مثل طعناتك !!

سألتك بالذي خلى عيونك تذرف الدمعات

تكف الدمع لاتجني على خديك دمعاتك !!

انا ما قد خبرت اني تعمدت اجرحك بالذات

وانا ماهمني غيرك اعيش من اجل مرضاتك !!

سرقتك بالزمن لحظه وعشتك بالفراق اوقات

ولا ادري وش بقى لي بالعمر من دون لحظاتك !!

أحبك .. رحت ادور في قواميس البشر كلمات

عجزت القى حروفٍ تستريح بصدر كلماتك !!

أحبك .. يا ندى فجر الجروح وصحوة العبرات

أحبك .. كلمـةٍ تبكـي معـانيها على شفـاتك !!

تظنين الوفا كلمه عجب واصل الوفا وقفات

صغير الشي في ظنك يصير اكبر معاناتك !!

تردين الخطا يمي .. تزيدين الالم شرهات

وانا صمت الشقا فيني حكى من كثر شرهاتك !!

توالت كلها فجأه .. تعاظم بالحشا صدمات

يجي يوم وتواري شمسنا من ليل صدماتك !!

ذكرتك .. والدروب اللي تعانق خطوتك بالسكات

وانا ما زلت اسافر بين نظراتك وضحكاتك !!

ذكرتك .. وانطفى جمر الكلام وذابت الشمعات

سهرتك واستفزيت النجوم بليل خصلاتك !!

تعالي .. واذرفي دمعك على قلبٍ كثيره مات

تعالي .. واخذي الباقي يفيد لوقت عزواتك !!

تعالي .. لاتخلين السنين المقبله تقتات

من افراحي ولحظاتي وطرباتي .. وسبحاتك !!

تعالي .. وواعديني .. لاشقا .. لاكذب .. لاغلطات

ترى ما للصبر باقي على كذبك .. وغلطاتك !!

تغيرت ولا ادري وش جرى .. وش غير النيات

سألتك واعتكف برد الجواب فـ معطف آهاتك !!

تقولين انت في راحه .. واقول من القهر هيهات

انا لا جـيت للراحـه .. تطـاردني مسـافـاتك !!
رائعه
رائعه
رائعه
تلك الكلمات
مذهله
تلك العبارات
مثيره
تلك المشاعر
حوت أحاسيس _معاتبه_مصارحه_رجاء بأمل
يعطيك العافيه أحسنتي وأجدتي الأختيار والنقل


فيصل...
كثيييييييييير على شاكلته وأسلوبه ومانقدر نلومه لأن هذا من حقه لكن الطريقه والأسلوب اللي سار عليه غلط
ولاحاول يعوضها ويخفف معاناتها لو بكلام حنون
لكن كل وطريقته في العيش

نجوى...
مر عليها دروس كثيره :من ضياع سمعتها _ زواجها وطلاقها من ماجد_ رجوع زوجها لزوجته_ عمى بنتها
ومع ذلك ماتعظت ولا أستفادت من اللي مر عليها
وحرام تسميتها معاقه

ريوف...
فعلا تعوض صبرها باللي بيعيشها الهنا والسعاده
وهو أفضل من طارق لأن خطبته لها كانت كأداء واجب لرفيق عمره وتنفيذ وصيته يعني ماراح يكون فيه عاطفه بينهم

بندر**البتول...
ثنائي رائع هالشخصين وتو ماتستحق بتول لقب زوجه بحق وحقيقه

أم ماجد ...
موقف شيخه خلى صرامتها وحزمها وحكمتها وشخصيتها تظهر وتمشي كلمتها على الكبير والصغير
باقي الشخصيات...
ندى_مشاري*أريج_عمر*
فارس*الوليد*آمال*أم بندر
أبوطارق_شيخه*أسماء
عائشه*مها*نوف*
كل شخصيه أظهرتيها بصدق وماهمشتيها أو الغيتي تواجدها
لك عن كل شخصيه وكل أسم أنذكر بالقصه مني ألف شكر وتقدير

صدقيني أميره تستاهلين أكثر لكن هذا اللي أسعفني فيه الوقت
وأبداعك مايحتاج شهاده مننا
لأن ردودنا مجرد أثبات تواجد لنا على صفحات فنك وبراعتك

الله لايحرمنا تواجدك وطلتك
وزهرتك الرابعه نتمنى تواجدها لكن أذا كانت ظروف الدراسيه والأسريه ماتسمح بهالشئ
راح نقدر هالشئ والله يكون بعونك ويوفقك في حياتك
والله يهنيك ويمتعك برضا وصحة والديك وجديدتك وأهلك وأحبابك جميع
لكن لاتحرمينا طلتك وأبداعك على صفحات ألم الإمارات



أميرة الــــــــــــــــــورد

وردة من أروع الورد تبث أزكى وأعبق العطور وتنثر لمساتها الرائعه فتكون كالبلسم الشافي
لها تواجد طاغي يجذب الكل مجرد لمحة أسمها
على طيات
ليلاس
تقبلي سلامي....
أختك:
ورد الارجوان

الله يسعد ايامك وينور قلبك..
ويفرحك..بالي تتمنينه ..

رائعة ..هي قصصك دائما..
تاخذنا الى مدى بعيد .
كلما قرأنا شخصية من شخصياتها..
اعترف لك..
اني في قرائتها جميعا ..ذرفت مني الدموع وبلغت مجراها..
حتى ذكرتني بما انا به..
وحينا اخر تغمرني سعادة لا استطيع فهمها..
الا من انحناء حروفي تبجيلا لك..
دمتي عزيزتي بخير دائما..
واسمحي لي فرصة تسجيلي هنا
لأوقع لك هذه الكلمات..
دمتي بخير
اختك..
حبيبة لودي

حبيبتي أميرة الورد

إبداع يتلوه إبداع....

ونجاح في إثره نجاح...

تتعثر أرتال الحرف عاجزة عن وصف دررك..وتتوارى الكلمات خجلى من فيض عطائك...

وكغيري كنت أنتِ السبب في تواجدي في هذا المنتدى الذي أنت نوره...

وكغيري أيضا أعجز عن شكرك والإعتراف بجميل فضلك...

قرأت الكثير من الروايات فلم ألمس العاطفة الجياشة التي تنبض بها حروفك..ولم أرى فيها صدق الأحاسيس والمشاعر التي تفيض بها كلماتك..

أتمنى أن لا ينضب معينك أبداً..وأن لايتوقف ابداعك مطلقاً..فنحن دائما سننتظر جديدك ولو بعد حين..

كل رواياتك رائعة وإن كنت أرى إن سرقتك فيها من الواقع الكثير الكثير...

عطني روحك..لمني بشوق..سرقتك..أسماء لن ننساها أبدا..

والقادم -بإذن الله-ننتظره بلهفة كلهفةِ طفلٍ صغير إلى حضن أمه..

فاصلة...

أتعجب ويشتد عجبي أن لا نرى ابداعاتك في المكتبات نحن بحاجة ماسة لمثل رواياتك الرائعة التي تلتزم بالشرع ويظهر فيها حب الدين و الوطن...

أتمنى من كل قلبي أن أرى أسمك ينير أرفف مكتباتنا قريباً..فهل ياترى تحققين الأمل..أتمنى.

قصتك احلى من احلام الخيال...


اميره الورد 25 اسطووره في الكتابه ومابالغ في كلامي..

انا من اشد المعجبين في قصصك ... لانه تمثل واقع نعيش فيه تمثل مجتمعنا.. فالف شكر لك ياميره..

دمتي كاتبه متميزه بافكارك ودمتي بصحه وعافيه.. بالتووووفيقـ..