عزيزتي اموره
مشكوره على هذا الابداع اله يعطيك الف مليون عافيه
والله الواحد لمن يقراء قصصك تردله الروح وانا بصراحه جداَ رومنسيه واحب هاذي القصص
واحس قصصك قريبه من اواقع اكثر بكثير من قربها من الخيال فهنى يكمن الابداع
ما اطول عليك وعلى فكره سبب تسجيلي في هل المنتدى هو انتِ والله
لاني حابه اتعرف عليك شخصياَ اذا ما كان عندك مانع ولي اشرف في ذلك غاليتي
وعلى فكره انا من اشد المعجبات بك وبكتاباتك الراقيه ومن اشد المتابعين لقصصك
تقبلي تحياتي
واتمنى ان اكون خفيفت الظل
*الشـــــــــــموخ*

الفصل الثالث..
الجزء الاول..
دخلت نجوى الخيمه وغيرة العالم بقلبها قالت لجود وهي ترفع اصبعها علامه تهديد في وجهها :-ابعدي عن رجلي يا عمه (قالتها باستهزاء)
حقرتها جود ماتبي المشاكل بينهم تكبر ..والحقران يقطع المصران
قالت نجوى وهي ترتجف :-لاتحقريني وتناظريني بغرور على ايش انتي مغتره على الاقل ماجد لي فاهمه لي حلالي يعني ما من خوف منك ابدا ههههههههه
وبكل لغات العالم جود انقهرت منها قهر ماله مثيل ونوت ترد لها الحركه حتى ولو ماكانت تقصد وقالت بملامح هاديه وحاجب مرفوع وصوت هامس :-متاكده ان ما مني خوف يا بنت اخوي
طلعت عيون نجوى قدام من الفجيعه والله وطلعت جود موب سهله قالت بخوف :-تهدديني
همست جود بثقه :-لا تخليني احطك براسي ترى مو من صالحك
قالت بثقه تتدعيها وهي ابعد شي عنها في هالوقت :-ما تقدري ؟
قالت جود وهي تمر من جنبها :-جربيني
وقفت نجوى وهي ميته غيض قهر ...تناظر في جود الي طلعت تمشي من عندها ..
دخلن خواتها الخيمه وشافن وجهها مولع وعيونها متحجره من التعصيب
ناظرن بعض وقالت اسماء بطفاقه :-نجيو شفيك كن ميت لك احد
عايشه تهزئها :-يا ثقل دمك فيه وحده تكلم اختها كذا
اسماء ببلاهه :-انطمي خلينا نشوف علامها معصبه
وقفت نجوى تعض اظافيرها قهر :-جودوه ذي تبي تموتني ناقصه عمر
قالت عايشه :-ليه وش صاير ؟
نجوى وهي تعض على اسنانها لا تصارخ :-تهددني انها تبي تاخذ ماجد مني
صرخت اسماء :-سايبه هي ..
نجوى بقهر :-مدري مدري بموت من الخوف
عايشه :-هه والله انك غبيه لاتعطينها اكبر من حجمها ماتقدر تسوي شي انتي عارفه تفكير عيال العيله مستحيل ماجد يطلقك لو ايش انتي ناسيه ان ابوي ولد عمه وناسيه جدي ياماما انتي مستنده على ظهر قوي
ناظرتها نجوى بلهفه وقالت :-تهقين
عايشه بثقه :- الا اهقى ونص
كن نجوى ارتاحت شوي من كلام خواتها ...
*
*
*
قالت اماني للبنات :-بنات شرايكم نسوي لنا جلسه برى بدل القعده بوسط الخيمه
البتول بلهفه :-أي والله تكفين حنا نبي نطلع نشم هوى مو ننحكر بالخيمه
قالت نجوى بدلع :-معكم حق وناسه
وطلعن برى وتجمعن حول الجزه وراح الوقت في السوالف وسعه الصدر توقعت جود ان جمعتهن نكد بس عدت على خير وكانت حلوه وممتعه ..
قال نجوى وهي توقف :-انا استاذن بروح انام
ووقفن خواتها معها ..وراحن
قالت جود من قلب :-اوف فكه
ندى :-ههههههههه الي يسمعك يقولون جالسات على قلبكـ
البنات:-ههههههههههههههه
جود :-أي والله كنهن جالسات على قلبي ..
قالت اريام :-شرايكم نلعب لعبة الصراحه
تحمسن البنات ونظراتهن على جود بالذات فهمت جود نيتهن وقالت بدلع :-الحين انتم ماعندكم الا انا
ريووف وهي تغمز لها :-ماحد في حياته اكشن زيك
جود بخبث :-عندكم الانسه ندى حياتها اكشنات حاليا (تقصد موقفها مع ماجد)
حمر وجه ندى :-جووووووووودوه
جود وهي تحط يدينها على خصرها :-لا والله يعني اكلها انا لحالي
البتول :-هههههههههه هذي اولتها وش عندكم كل وحده خايفه من الثانيه
اريام :-ههههههههههه أي والله شعندكم كل وحده خايفه من الثانيه
حمر وجه جود ووجه ندى وجلسوا البنات يضحكون عليهم
اماني :-يالله بسم الله نبدء
وفرت علبه المويه وطاحت على ندى والي يسألها جود
جلست جود تحرك حواجبها يعني ناويتك ناويتك ...وندى تتميلح عندها :-جود قلبي اذا لسى تبغين العطر الي شريته ذيك المره مايغلى عليك
جود :-ها ها ها فاتت ياا قلبي ماعاد ابيه عقب ماكرشتيني انا انسانه عندي كرامه
ريووف بهمس :-ياشين المهايط
جود :-تلايطي انتي دورك جاي
اماني :-ههههههههههههههههههه خير وش ذا الاسلوب حشا جالسه بوسط عيال مو بنات
جود :-ههههههههههه تكلمت الرقيقه اقول اها بس (وناظرت في ندى وابتسمت بخباثه) والان يا مدام ندى علمينا بموقف محرج معك صار اليوم ..
حمر وجه ندى وجلست اريام تضحك لانها فهمت قصد جود ..قالت ندى وهي تتوعد :-هين يا جويده مردي منتقمه منك
تحمست البتول وقالت :-يووووووه يالله علمينا اكيد صاير شي جود ونعرفها
ريووف :-هههههههههههههه اكيد اقطع يدي ان ماكان صاير شي
اماني :-يالله ولا حس ندى جاوبي على سؤال جود
اضطرت ندى تعلمهم عن موقفها المحرج الي صار مع ماجد اليوم .. وجلسوا البنات يضحكون بشكل هستيري خصوصآ ان جود واريام يعلقون عليها ...
اماني وهي متقطعه ضحك :- ههههههههههههه يالله فشيله بحق
ندى وهي مكشره :-حرام عليكم تعذبوني تراي ما تخطيت فشلتي للحين ..
البنات :-هههههههههههههههههههههههه
ودارت العلبه مره ثانيه وطاحت على جود والي تسالها ندى .. انقلب لون وجه جود واستانست ندى ..
قالت اريااااام :-الليله السهره تهبل
جود :-ايه شعليك اننتي فالتها ...
قالت ندى الي ماقدرت تتحمل تضيع وقت :-والان يا انسه جود علمينا ليش رفضتي تتزوجين حامد مدري شسمه هذاك الي خطبك
ارتاحت جود صحيح ان اختها عليها حركات نذاله بس مستحيل تعلم بالموقف الي صار لها مع ماجد اليوم قالت جود بدون نفس:-كذا مو معجبني
البتول :-لا ياشيخه دوري غيرها
رمتها جود بشالها ..
اماني :-ههههههه يالله علمينا هذا واحد من كذا واحد رفضتيه
جود بضيق :-كلهم اربعه لا تكبرين السالفه
ندى وهي مبققه عيونها :-هه مستقله اربعه ترى ما خطبني احد قبل مشاري بعد قلبي
جود :-هههههههههه احمدي ربك طيب بعدين انتي متملكه من زمان يعني لو ما ملكتي كان الخطاب طوابير
ناظرتها ندى بنص عين وقالت وهي تغمز :-للاسف ماراح تقدرين تنسيني السؤال
تاففت جود وقالت وهي تدفي يدينها على الجمر :-لاني مابي اتزوج ارتحتوا
هجدوا البنات فجاه وعم السكون ..ممكن تكون صدمه ممكن تكون مفاجاه الجمتهم ..
قالت اريام :-تتكلمين جد
سكتت جود
كررت اريام السؤال :-جد
جود بعناد لكن بهدوء :-ايه صدق
قالت البتول بفجيعه :-ليه
طبعا البتول ماعندها خبر عن قصه ماجد وجود تعرف عن الشي الي جمعهم بس ماتدري وش الي يعتمل بالقلوب للحين
جود وخدودها حمر :-كذا
وناظرت في الساعه ووقفت ..:-يالله الساعه ثلاث الفجر تصبحون على خير
وبعدها قامن البنات عشان ينامن ...
*
*
*
(الله اكبر ، الله اكبر ،اشهد ان لا اله الا الله اشهد ان لا اله الا الله ، اشهد ان محمد رسول الله اشهد ان محمد رسول الله ،حيا على الصلاه حيا على الصلاة ، الله اكبر الله اكبر اشهد ان لا اله الا الله)
قامت ام صالح من النوم على صوت ماجد وهو ياذن بهم لصلاه الفجر ..وصحوا البنات عشان يتوضون و يصلون ..
وبعد الصلاه رجعوا ناموا ..
طبعا ابو متعب ومتعب ماناموا عقب صلاه الفجر لانهم نايمين بدري ..اما الشباب فبعد الصلاه رجعوا ناموا على اساس يصحون الضحى ..
وقبل لاينام ماجد شب النار وزين القهوه ورجع نام
<<الساعه 7 ونص الصبح >>
صحيح ان الشباب كانوا سهرانين لكنهم صحوا واحد ورى الثاني الجو حلو وريحه المطر
تخلي الواحد ما ينام كثير ولا قام يقوم نشيط ومنتعش ..
قامت جود قبل البنات وغيرت ملابسها ودورت امها لقتها تزين الحطب عشان تشب النار
حبت راس امها وقالت :-يسعد لي صباح احلى ام
امها :-هلا حبيبتي غريبه صاحيه
قالت جود وهي تمد يدينها في الجو وتتحسس قطرات المطر :-فيه احد يجيه نوم في هالجو الي يرد الروح
امها :-أي والله
ناظرت جود لقت امها مجهزه دقيق بر بتعجن وتخبز على الجمر طلعت عيونها قدام من الوناسه مافيه زي خبز الجمر ..
قالت جود ببزاره وهي ضامه يدينها وكانها طفله :-يمه تكفيـن تكفيـن بعجن انا
ناظرتها امها بابتسامه جعدت وجهها :-من يوم منتي صغيره وانتي تحبين الحوسه والتخبيص تعالي بس ارفعي اطراف بلوزتك قبل ..
جلست جود وتربعت متحمسه وامها تناظرها بحنان وحب والغصه بحلقها تخنقها *تحسبيني يمه مدري عن الي بقلبك والي تحسين فيه *
رفعت جود اكمامها وجلست تخبص في ذا الدقيق والمويه وامها تعلمها وتنبهها ..
جت ام صالح من برى لانها حبت تطلق رجلينها شوي ودارت حول الخيمه ورجعت
قالت بابتسامه مجعده وجهها الحنون :-بنيتي جود تسوي الفطور لنا
الا ام طارق تقول :-عز الله ما افطرنا اجل
رفعت جود حاجب وقالت ترد على جدتها :-ابشري بالخير ياجده
قالت ام صالح وهي تخز ام طارق :-يكفي بس تلمسه جود عشان تزيد حلاوته
الا وام ماجد تقول وراها :-أي والله صدقتي ياعمه جود تحلي الشي لا لمسته
انطمت ام طارق ..وماردت ام بندر لانه ما تنزل نفسها للمستوى ذا من التردي ..
خلصت جود ووقفت قالت :-يالله يا احلى ام خلصت مهمتي
وابتسمت احلى ابتسامه ...
قالت امها :-طيب يمه لاغسلتي يدينك تعالي ودفيها على الجزه لا تموتين برد
جود :-ابشري يا قلبي
وطلعت تغسل
قالت ام طارق منتقده وهي تصب لها فنجال قهوه :-البنت ما تنتدلع يا ام بندر
ناظرتها ام بندر بنص عين وقالت :- هذي جود حبيبتي واصغر بناتي
قالت ام طارق وهي مصره تخرب صباح ام بندر :-عارفه بس شوفي الي بعمرها متزوجات وهي تتدلع وكل خطيب ترده عمر الي يروح مايرجع
مسكت ام بندر اعصابها لانها عرفت المعاني بكلام ام طارق بس ماتبي تنفعل وتحقق لها مناها وقالت :-هذا جود بنت صالح وما راح تتزوج الا رجال من مستواها
قالت ام ماجد وهي تناظر ام طارق بعدم رضاء وتاييد :-صدقتي يا ام بندر مو أي واحد يصلح لجود جود يصلح لها رجال مركز وهيبه وشخصيه
قالت ام طارق بضحكه حاده ترفع الضغط وهي ميته قهر من رد ام ماجد :-هالكلام ماراح ينفعها لا عنست بنتها
قالت ام بندر ببرود :-واذا فرضنا انها ما تزوجت بتنتهي حياتها ولا بتقل محبتنا لها ..
قالت ام طارق غصب:- لا ما تنتهي
ام بندر :-اجل فضيها سيره
قالتها ام بندر باسلوبها القاطع وطبعا ام طارق ضعيفه الشخصيه سكتت ..
ابتسمت ام ماجد من قوة ام بندر وقالت في نفسها ماجابت جود القوه من احد غير امها !
طبعا ام صالح كانت متفرجه للي صار وهي تقول في نفسها (بو طبيع ما يجوز عن طبعه )
دخلت جود الخيمه ووجهها احمر من البرد دفت يدينها وجلست تفطر مع جدتها وام طارق وامها وام ماجد وطبعا نظرات ام طارق تخزها من وقت للثاني ..
طنشت جود نظرات ام طارق الاستفزازيه وجلست تسولف مع جدتها وامها ومرة عمها وتضحك وشوي الا البنات صاحيات من النوم وكبرت الجلسه ...