لا تلهكم الرواية عن الصلاة في وقتها

موعدنا القادم بأذن الله قريباً

تذكروني واحبابي بدعوه طيبه لعلها تصادف ساعة اجابة


(سبحانك اللهم وبحمدك، أشهد أن لا إله إلا أنت، أستغفرك اللهم، وأتوب إليك)

تسلم يمينك طيف على الفصل،، رغم إنه محزن😔
ما في غير سعد وريمته اللي شوي أنعشوا الأجواء،،😍
يا حلوهم، ويا حلو اللقطات اللي بس تطالع فيه،، مو هينه هالريم 😅
أتوقع راح تبهر سعد، وهو اللي ماخذ عنها فكرة إنها مدللة،

الصدق يا طيف الفصل موجع موجع ،، لا من حال مضاوي مع ثامر، ولا من قصة خالة ثامر ،،
صحيح إن البيوت أسرار، وكل بيت فيه من الخبايا ما الله به عليم، الله يصلح الحال.

ما زلت أقول تصرفات مضاوي مو طبيعية، أحس من تشوف ثامر، بس ودها تحرق قلبه بأي شي،
ما أدري بالضبط شنو تفكيرها لما قالت لك البنت بس طلقني،،
هل فعلا البنت جنين ميت، لذلك تلاعبت عليه وتنازلت عنها، بينما التوأم الثاني ولد، وراح يكون عندها؟
بس المعروف إن بقاء الجنين الميت لمدة في بطن الأم يسبب تسمم حمل وهذا خطر على الأم وعلى الجنين الثاني، ليش تنتظر وتغامر بحياتها وحياة الثاني 🤔.!
لغز محيّر يا طيف عجلي علينا وخل تولد مضاوي بالسلامة ونشوف المفاجأة😁
ساعات أقول ليتك يا ثامر تطلقها، وش لك بالغثى، خلها تطخ، ويطيح اللي براسها، تالي يحلها ألف حلال.

العلّة خلود،، أحد عنده متفجرات ديناميت ويخلصنا منها 😖😤

مسفرة، هل راح تكون من نصيب أحد من عائلة العاصف ؟ 😉

كل الشكر والتقدير لك طيف، بانتظارك بإذن الله.🍃🌷🍃