صبحكم الله بالخيرات بنات ليلاس الجميلات .🌷

والله يا طيف إن ردودك لحالها كأنها فصل من كثر ما تلمحين وتحرقين الأحداث القادمة😍
الله يوفقك ويسعدك مثل ما تسعدينا بنقل صور وقصص من الواقع ،،

مبروك لعروستنا مريم 🌷🍃
قصة أمها المكافحة عجيبة،، سبحان من أعطاها الصبر والحكمة والقوة🍃

أم شامخ ويا كثر شبيهاتها في المجتمع،، اللي ضحت ودفعت ما وراها ودونها لشخص كانت تظن إنه نصفها الثاني، وإنه راح يقدّر لها موقفها ووقفتها جنبه،
لكنها تنسى إن طبيعة الرجل تختلف عن الأنثى، ومهما كان الزوج محب يظل هاجس الأبوة ومن يحمل اسمه، أمر مُلّح وضروري عنده ،
سمعت مرة عن قصة امرأة، عرفت إن زوجها متزوج عليها بالسر، وهو كان حريص إنها ما تدري، وما غيّر نظام حياته، علشان ما تحس فيه، ويداريها ويشتري رضاها، هي طلعت ذكية، قالت الفاس وقع بالراس، إذا عرف إني داريه بزواجه بيخليني تحت الأمر الواقع، وبيقسم الأيام، وشوي شوي يبتعد عني،،
سوت روحها ما تدري عن شي، واستمرت حياتها، إلى أن توفى الله يرحمه، وأيام العزا كلها كانت تحضر امرأة غريبة ومعاها أطفال، قالها أبو الزوج بعد العزا وبحزن وخوف على مشاعرها، ترى هالحرمة ضرتك، قالت أدري 😉
أهله طلعت عيونهم ، شلون عارفة وساكتة طول هالسنين 😂

بانتظارك بإذن الله، ومتشوقة للفصل الهدية😍