كاتب الموضوع :
طيف الأحباب
المنتدى :
قصص من وحي قلم الاعضاء
رد: للحب سجناء
الفصل "الثلاثون "
.
.
.
دخلوا وجلسوا وهم ينظرون لبعضهم با استغراب وفضول...؟!!
فهد / هذولا عمانتس اجتمعوا جيبي ماعندتس ...؟!
مضاوي بلعت عبرة خنقتها وهي تنظر للجد ارادت ان تتكلم وقاطعها صوت ثامر ...؟؟!
دخل كالمجنون يصرخ بعد ان ذهب لبيت سعاد واخبرته انها في بيت الجد...،
ثامر بغضب واشمئزاز يصرخ/ انا ابي افهم كيف لتس عين تدخلين ها البيت العفيف يا خبيثة يانجسه عقب ما انكشفتي ...؟!
الجم كلام ثامر الجميع ووقفو ماعدا مضاوي التي لم تستطع الوقوف...،
هل هو من اثر ضربه لها او من فجيعتها به لم تعد تحملها عظامها ...؟؟!!
دخل بدر يركض يبحث عنهم بعد ان اتصلت به سعاد يذهب ويهدئ الوضع...،
سحب ثامر الذي اراد ان يمسك بها وهي جالسه في مكانها
والجميع مازالو تحت تأثير الصدمة حتى انهم لم ينطقوا ولو بكلمة
وثامر يحاول ان يتفلت من بدر الذي تشبث به بكل قوته حتى لايصل اليها
استدركت الموقف بسرعة وصرخت وهي جالسة وبصوتها المرهق وبرجاء/ جدي تكفى انا بوجهك لين أخلص
كلامي ان محد يفتح فمه من كبيرهم لصغيرهم...؟
ثامر بتقزز / تخسي وحدة مثلتس تصير في وجه جدي...،
الجد الذي استوعب الامر بعد هذه الضجة...،
وبغضب اتسعت عيناه / يخسي وجهك انت عن مضاوي...،
التفت لها وبحزم / قولي الي تبينه يا بنت حزام ...؟ّ!
التفت لأولاده وبتهديد/ والله الي يفتح فمه بها المكان ان وجهي من وجهه حرام ليوم الدين لين تامر مضاوي...،
صمت الجميع عندما سمعوا حلف الجد...،
اخذت مضاوي نفس وبتعب إشارة برأسها دون ان تلتفت له / اليوم مرني هذا للمستشفى...،
والرجال ما هو طبيعي من ركبت معاه ...؟!
ساق السيارة بسرعة جنونية يوم قلت انت تبي تذبحنا ضربني على وجهي بقفا يده...؟!
وعقبها كملها كسر أصبعي وصلنا لشقة ونزلني من السيارة يسحبني على الدرج ...؟
دخلني لشقته وسلط علي عقاله ولسانه حط بعرضي وقذف بشرفي وشكك بنسبي...!
وشد شعري ما تركه الا هو مالي يده منه وختمها بتفله على وجهي ...،
وقفل علي الشقة واختفى ...؟
كلمت زميلتي هو يعرف بيت أهلها ويعرف لوحة سيارتها...،
وانتم شفتو كلكم سيارتها قدام بيت عمتي والي ما شافها...،
أشارة لشاشه في الصالة خصصت فقط لبرنامج كاميرا ت مراقبة حمل عليها / يعيد الكاميرا اقل من ربع ساعة ويشوفني انا وهي داخلها...،
زميلتي قد جت لبيتنا قبل هالمرة وأكلت من زادنا وجدي بعد يعرف سيارتها الي نزلت منها قبل شوي...،
اخذت نفساً عميقاً واكملت كلامها / كلمتها وجت وفتحت لها الباب الي قفله علي...،
واسعفتني لمستوصف خاص واخذت تقرير طبي بواقعة الاعتداء...،
أشارت بيدها السليمة الي ثامر دون ان تلتفت له / الرجال هذا لا فعله ولا كلامه طبيعي...،
الحين هو قدامكم ويسمعني ويقولكم هل انا كذبت بكلمة من الي قلتها الحين ...،
وبنبرة حادة / ولا ابي منه شي اللهم انه يعلمني بس وش سبب الي سواه فيني...،
يقول يا بنت حزام انتي سويتي واحد اثنين ثلاثة...،
اردفت بثقة / والله لا يستر عليه كانه بيستر على مثقال ذرة...،
وبحرقه وقهر هزت رأسها /ما جمعتكم يا العاصف من بيوتكم وقت ها المغربية على كلاماً فاضي...؟
ابتلعت ريقها بألم / وان كان هو والا أنتم بيوم شفتو علي شي يريب والا يشككم فيني...؟
ان كان في فعلي والا في قولي...؟
نهضت من على الكنبة وجلست على ركبتيها على الأرض...،
وبحرقة ضمت قبضة يدها وضربت على صدرها وهي تحاول ان تسيطر على عبرة خنقتها / فدمي حلال دمي حلال دمي حلال...،
وبنبرة حزينة/ قلت ما عندي يقول ما عنده وبيني وبينه الله...،
الجد علم ان الأمر عظيم وبشفقه وعطف / خلصتي يا أمي كلامتس...؟
اومئت برأسها اشارت بيدها بمعنى انتهى الكلام...،
فهد ومساعد وبدر وسلطان أرعبتهم الحركة التي قامت بها مضاوي...؟!
ونظروا لبعضهم وصمتوا ...؟
فهي تشبه لحركة قام بها والدها في يوماً ما اسود ...؟
الجد حرك رأسه بقهر وأشار لثامر / قبل تقول كلامك...؟
والله يا مضاوي لو يطلع من غرفتها رجال غريب وقدام عيني أدرى انها بريه وطاهرة...،
وبثقة هز رأسه / اكذب عيوني واصدق مضاوي لأني اعرف من هي مضاوي...،
أردف با امتعاض / جب ما عندك يا ولد جلال...،
سحب ثامر نفساً عميقاً ومسح وجهه / كل الي قالته صحيح ضربتها وتفلت بوجها وكسرت يدها ما أنكر...،
لكن في احد يضرب حرمته كذا من دون سبب ومن الباب لطاقة...؟
أردف وهو يشير لها / اليوم كلمتها الظهر قلت انا رحلتي من جدة لرياض بعد المغرب...،
وانا كنت واصل مطار الرياض قلت بفاجئها ...؟
كلمت سليم يجيب سيارتي مفتاح السبير معاه ...،
قال انا بالطريق مضاوي اليوم طالعة بدري...؟
قلت اجل تعال خذني قبل تروح لها...،
يوم وصلت للمستشفى انفجعت...،
شفتها بين رجالين الي يحب راسها والي يحب يدها ورجلها ...؟!
تغيرت وجوه جميع الحاضرين بما فيهم الجد لكن الكل تمالك نفسه خافوا من حلف الجد...،
والامر لا ينفع يسمع الا من الطرفين...،
زفر ثامر بقهر / لا استحت ولا همها ولا خافت لا من خالق ولا مخلوق اي رجال بمكاني وش كان بيسوي...؟؟
أردف وهو يرفع كتفيه بمرارة/ أنتم احكموا...؟
أشار الجد للجميع بمعنى لا تردون...،
اخرجت هاتفها من كيس الادوية وفتحته / والرجالين الي انت شفتهم لو شفتهم مره ثانية تعرفهم...؟
حرك ثامر رأسه بقهر وغيض / وشلون ما اعرفهم وانا من العصر وانا بالرياض لفيت المستشفى ابي بس امسكهم ما حصلتهم ...؟
اجابته وهي لم ترفع رأسها عن الجوال وبتهكم / ما يحتاج لكل الي سويته لو علمتني ان هذا السبب كان جبتهم لك وقفتهم قدامك...؟!
طلبت رقم وانتظرت الرد والجميع واقف ويراقب الموقف فتحت مكبر الصوت...،
مضاوي / مرحبا معن...،
معن بفرحة / اهلين مضاوي كيفك يا قمر...،
مضاوي / طيبة ما علي...،
اردفت / تقدر تجيني للبيت انت واحمد...؟
معن / خليها بكرة بنطلع المكتبة عندنا شغل...؟
مضاوي / ابغاكم بموضوع ضروري ما يتأجل...؟
معن / حاضرين لطيبين كم مضاوي عندنا واحنا في ذيك الساعة الي تطلبنا البرنسيسة...،
مضاوي باستفسار/ معن معاكم شهادات ميلادكم وبطاقة الأحوال...؟
معن / اتوقع موجودة ...،
مضاوي / جيبها وتعال انت واحمد لا تتأخرون...،
برسل لك الموقع وضروري تجيبون الشهادات والبطاقات...؟
معن با استفهام / ايش تبغي فيها...؟!
مضاوي تتنفس بتعب / بعدين اشرح لك...؟
اقفلت هاتفها وهي مازالت تبرك على ركبها ووضعته داخل الكيس...،
تقدم منها الجد واراد ان يوقفها رحمة بها فهذه الجلسة تؤلم قلبه قبل ان تؤلمها...،
مضاوي بنبرة غاضبة وبحزم / جعلني قبلك يا بن عاصف ما قوم لين يجون الريا جيل الي اتصلت عليهم ...،
لأول مره منذ تعلمت النطق تنادي الجد بهذا الاسم...؟!
علم الجميع انها تملك الدليل على سوء ظن ثامر لكن كيف ستثبت...؟!
بعد أكثر من عشرين دقيقة لاتصالها قضتها مضاوي تجثو على ركبتيها...،
والجميع كان يقف بصمت بما فيهم الجد...،
الذي حاول أولاده ان يجلسوه فرفض...،
رن هاتفها ردت بمكبر الصوت ...،
مضاوي / هلا معن...،
معن / انا في الموقع بس ماني عارف اي باب...؟
مضاوي احترفت لشاشة الكاميرات الموجودة بالصالة بصعوبة/ اشوفكم اول بيت على اليمين بابه اسود كبير...،
اردفت /الاوراق معاك...؟
معن / ايوا معايا واحمد جنبي مرعوب وخايف...؟!
مضاوي / طمنه ما في غير الخير ان شاء الله...،
اهم شي الاوراق محتاجتها ضروري بس خمس دقايق...؟
اردفت / با ارسلك الشغالة تاخذها منكم ولا تروحون خلكم واقفين عند الباب...،
انتظروا مني اتصال...؟
لحظة معن خلك على الخط ...؟
التفتت للجد وهي تكتم صوت هاتفها / جدي ناد أي وحده من الشغالات صوتي ما يساعدني...؟
قلها تأخذ الأوراق...،
وهي تصر على اسنانها بقهر / من الرياجيل الي عند الباب ولحد يطلع لهم غير الشغالة...،
ناد الجد الخادمة وامرها ان تخرج لهم...،
مضاوي عاودت فتح الصوت / شف الشغالة بتطلع لك انزل انت واحمد لها وعطوها الشهادات...،
وبتأكيد / انت واحمد لا تنزل لحالك...؟
ضحك معن وبممازحة / شكلك بخيلة ما تبغي تضيفينا...؟!
ابتلعت مضاوي ريقها بصعوبة وبجدية / الجايات اكثر لكن عندي ناس مشغولة معهم بعدين نفضى لها السوالف...؟
اغلقت هاتفها وعينها على كاميرات المراقبة التي توضح بدقة من خلفها...،
وبوجع / الله لايهنيكم خلو عيونكم على الكاميرا كلكم...؟!
نزل أخويها من السيارة كما أمرتهما واعطوا الخادمة الأوراق والجميع ينظر بتعجب واستغراب...؟!
ودون ان تلتفت لثامر وبازدراء ونبرة حادة / شفهم زين هم الي شفتهم معي واقفين قدام المستشفى...؟!
هز ثامر رأسه بمعنى نعم...،
وبسخرية لاذعة / ركز بالكاميرا علشان تتأكد...؟
اردفت / ما بغيتهم يدخلون علشان تشوفهم مباشرة...؟
اخذت نفسا عميقا لتستطيع ان تكمل كلامها فالوجع الروحي والجسدي قد بلغ منها مبلغ ...،
وبأسف / ما ابيهم يشوفوني بها الحالة وانا بعد الظهر كنت واقفة معاهم مافيني شي...؟
وبا الم مكتوم ابتلعت غصة بحلقها / وش نستفيد اذا نشرنا غسيلنا قدام الاغراب...؟!
قاطعتها الخادمة وهي تحضر الأوراق اخذتها منها...،
نادت فهد وهي تتأكد من الأوراق وتتفحصها / عمي بعطيك ها الأوراق وتأكد من الصور الي على البطاقات...؟!
فهد المنذهل ومرعوب ان يعيد التاريخ نفسه / ابشري يابنت حزام...!!
مدت شهادات الميلاد والبطاقات لفهد/ اقرا كل الي موجود با الأوراق...؟
وشف صور الي على البطاقات هي نفس صور الشباب الي واقفين برا...؟
اردفت / وإذا خلصت خلها تدور عليكم كلكم شوفوها...؟
نظر فهد للأوراق شعر ان صاعقة نزلت على رأسه...؟!
مضاوي بتهكم واضح / اقرا ياعمي بصوت عالي وش الي فيها...؟
قرا فهد اسامي الأولاد بصوت عالي والمفاجئة او الفاجعة با النسبة للجميع...؟
انه في شهادات الميلاد قد دون اسم والدتهم هيام وجنسيتها التي يعرفونها جميعهم...،
تململت مضاوي من جلستها حاول الجد ان يوقفها ورفضت وبحزم / ماني قايمة لين انهي هالموضوع كله...،
بدر / الموضوع يابنت حزام كله سوء تفاهم يعني الغلط من ثامر وانتي يلحقتس خطا...؟
ثامر الذي أحس انه تمزق من الداخل لم يستطع ان يقول كلمة واحدة ...؟!
مساعد بتعجب وذهول وهو يمسك با الأوراق التي أعطاه فهد وبنبرة هادئة / الحين أنتم وشلون التميتو على بعضكم...؟!
بدر نظر لثامر وكأنه يخبره الحمدلله ان عمي مساعد يتكلم بهدوء...!
مدت يدها بصعوبة بعد ان دارت الاوراق بينهم واخذتها...،
هزت رأسها بتعجب / السالفة ياعمي أبو سعد ان الدنيا صغيرة...!
صادف ان في ممرضة عندنا با المستشفى تعينت قريب...،
كانت بمستشفى خاص في قسم الاورام وامراض الدم...،
في مريضة باللوكيميا موجودة بالمستشفى الخاص الي كانت فيه الممرضة...؟
ومرضها بمراحل متقدمة وعلاجها يكلف يوميا مبلغ باهض...،
والحرمة من فترة طويلة جاية من المدينة المنورة عند عيالها...،
رحمت حالها وقالت شوفي أحد هنا او واسطة ينقلتس لمستشفى حكومي...،
علاجتس مكلف ويحتاج ميزانية قوية...،
قالت ما اعرف اي أحد في الرياض الا وحده اسمها مضاوي عاصف...،
ولا ادري عنها هي حيه والا ميته...؟
لكن نطقت ها الاسم صدفة قدام الممرضة ...!!
والممرضة هذي تعرفني وتعرف اسمي...،
سألتني الله يجزاها خير اعرف وحده هذا اسمها...؟
انكرت اني اعرفها او مر علي بيوم ها الاسم ...؟
يوم شافتني مصرة أني ما اعرفها ترجتني اشوف لها سرير فاضي خدمه لله وما هو لازم يكون بينا معرفة ...،
تيسرت الأمور ورحت نقلتها وكنت موقعه اوراق خروجها من الخاص للحكومي...،
شافو عيالها اسمي على اوراق النقل ورقم جوالي...،
واكيد هي قايله لهم ان عندها بنت اسمها فلانه الفلاني...،
فدورو علي ولقوني...،
وكل الموضوع ما كمل 48ساعة من عرفت بوجودها الي جلستي هذي قدامكم...؟
وبنبرة سخرية واحتقار / عشان اجي اشرح لسيد الفاضل الموضوع...،
يوم شافني معاهم كانوا جايين يشكروني...،
وطلبت منهم ان هذي اول واخر مره يشوفوني واشوفهم ...،
لأنه لا اهلي ولا زوجي راح يسمحون لي اتواصل معاهم...،
وافقوا ما قالو شي واعتبروها حرية شخصية انا حره سواءً اتقبل وجودهم او لا...؟
واشارة بهاتفها باتجاه الجميع / شوفوا حتى رقم معن الي اتصلت عليه ما سجلته تحت اسم للحين كنت ناوية احذفه...؟
يعني لوما هو طور السالفة ما كان شي صار ابداً...؟!
خدمة يسرها الله قدمتها لمريض على اعتاب الموت...،
بغض النظر عن انها امي هذي مهنتي...،
والطبيب بذمته قسم عظيم لمهنته واحترام لحياة الانسان...،
اردفت بتهكم / لا انا بحثت عنها ولا دريت ان كان لها عيال...،
كلكم يا العاصف تنطقون اسمها با الشين والا بالزين...،
الا انا الغيتها والغيت اسمها من قاموس حياتي...،
من سألني عن اسم امي قلت اسمها حوا...؟
ولا شفت ولا حسيت بالدنيا ان لي ام غير امي النيرة ...،
وبا الم ومرارة / كله علشانكم وان الي يوجعكم يوجعني قبلكم والي تبونه ابيه والي ما تبونه ما ابيه...،
لأني من طلعت لدنيا ما اشوف لي حياة الا حياتكم ...،
نظرت لثامر با احتقار / رب ضارة نافعة وجاني اخوان شالنا بطن واحد على طبق من ذهب...،
كلامها أرعب الجميع لكن ليس هناك فرصه او مجال للأخذ والعطا لأن ثامر قطع جميع الحبال...،
مدت الأوراق للجد / جدي عط الأوراق الشغالة توصلها لهم وانا بكلمهم ياخذونها ويمشون بسرعة ...،
وقفت بصعوبة وهي تتسند لطرف الكنبة التي بجانبها / الحين تشوفون علي ملام والا عيب والا خطا...؟
نظرت للجد /هذي السالفة الي بيني وبينك امس وقلت لك بيجي يوم واعلمك فيها...؟
والتفتت لثامر / ورقتي تجيني بعد اسبوعين بالضبط والا المحاكم بينا...،
فهد با استعطاف / عيني خير يا بنت حزام سوء تفاهم وان شاء الله بنلقى له حل...؟
مشت وهي تتوكأ على الجدار / مشكلتي معه محد يحلها غيري ...؟
اردفت بحزم وبجدية / ما بركت لحملي يا عيال عمي الا وانا أقدر اشيله...،
وقفت اتعبتها الحركة دون ان تلتفت/ ولد اخوكم خسيس ما يستاهلني ...،
وبفخر ونبرة حازمة/ انا مضاوي الحزام يستاهلني الي أشرف وارجل من شاربه...،
حرام اضيع عمري وشبابي مع واحداً مثله...،
الجم الجميع ما قالته لم يستطيعوا الرد منظرها وهي تمشي وتستند على الجدار يدمي القلب...،
ناد الجد الخادمة واعطاها الأوراق...،
وخرج من الصالة وهو مكسور وبوجع وقلة حيله التفت لثامر/ لا تقهر بنت أخوي زود قهرها و كانها تبي الطلاق طلقها...،
مشي وهو يحرك رأسه بأسف وندم / ما سويت بتس خير يا بنت حزام ...،
واخذها يرددها حتى دخل غرفته...،
بدر لحق لخادمة بسرعة واخذ منها الأوراق قبل ان تخرج وخرج لهم من باب الرجال
سلم عليهم واعطاهم الأوراق بنفسه...،
وقف لدقائق ودعهم وذهبوا...،
.
.
.
نادت مضاوي الخادمة وطلبت مفتاح غرفة الجدة...،
لم تستطع ان تصعد لغرفتها احضرته الخادمة...،
أرهقها المشوار من الصالة الي غرفة الجدة بالإضافة الي الضغط النفسي وقت المواجهة ...،
دخلت للغرفة وجلست على طرف السرير وبأمر للخادمة / بسرعة نادي ميري وليليان ونظفوا الغرفة عن الغبار ومسحوها...،
التفتت لسرير / وهذا شوفو من المفارش الشتوية حطوها عليه...،
دخلو الخادمات وطلبت من سوناتي ان تساعدها لدخول دورة المياه...،
توضئت بصعوبة وذهبت بمساعدة سوناتي لصالة ...،
بعد ان تأكدت ان الجميع خرج لتقضي صلاتي العصر والمغرب بعد هذه المعركة...،
وتنتظر ان يتم الانتهاء من ترتيب غرفة الجدة ...،
لتنتقل للعيش فيها حتى تتماثل لشفاء وبعدها ستقرر ماذا تفعل
.
.
.
في مكان آخر قريب...،
مجلس بيت الجد ...،
توجه الجميع للمجلس ليرو حل لهذه المصيبة التي لم تكن بالحسبان...؟!
سلطان الذي مازال مذهول مما حصل / يا رياجيل انا بحلم والا بعلم ...؟!
فهد / لا والله بعلم وعلم الله يستر من الي بيجي من وراه...؟
بدر بممازحة / بتعدي على خير اهم شي عمي مساعد ما عصب...؟
هز مساعد رأسه وحرك يديه بتعجب / عمك مساعد اليوم هو يمديه يعصب...؟
بنت حزام ما خلت عليها منفذ قفلت كل المنافذ...؟!
سلطان بتأثر تنهد / ضربني قلبي يوم شفتها بركت...؟
مساعد / انا مثلك والله ما شفت الا ابوها يوم برك قدام البيت الي دخلته امها وعيو يطلعونها...؟
وضع كفه على صدره وتذكر ذلك الموقف المرعب...؟
زفر بوجع وضيق / يوم يضرب على صدره الله يرحمه من القهر...،
وهذي بنته سوت مثل سواته ...؟!
وبذهول / وهي لا شافته ولا وعت عليه...؟!!
فهد / اجل انا وش اقول ما غير عيني على الكيس الي معها...؟
ومتأهب قلت الحين بتطلع سلاح با اخذه قبل تذبح نفسها...؟
عقد مساعد حاجبيه بحيرة واندهاش/ من انولدت ها البنت وكلكم تقولون انها جدتي العنقا الله يرحمها الا انا...،
واليوم لاوالله أني تراجعت ودريت انه من خلف ما مات وان الي براسها مثل الي براس جدتها وابوها...!!
سلطان هز راسه بشفقة ورحمة/ الله يتجاوز عن ابوها ويرحمه ولا يجعلها مثل نهايته...،
ثامر الصامت لا يعلم ماذا يقول القنبلة التي فجرتها مضاوي لم تبق مجال للكلام...،
فأن كان هم تذكرو والدها وقارنوه بحركتها...؟!
هي فعلتها امامه قبل هذه المرة يوم اتفاقهم الاحمق...؟
عندما بركت ذلك اليوم نفذت ما قالته قالت اخت وتلبست مشاعر الأخت لم يرى منها الا ما يرى الأخ من اخته...،
لم تشعره ولو جزء من الثانية انها غير ذلك حتى ارعبته ان يتقدم معها خطوة ليلغي ذلك الاتفاق وينقض العهد الذي عاهدها...،
فهل ستفعلها هذه المرة وتصر على الانفصال كما قالت وتنفذه...؟ّ!
نظر له بدر بشفقه يعلم ان القادم أصعب فمضاوي قررت الانفصال وستفعلها...،
ثامر لن يحتمل سيموت با التأكيد لأنه هو من صنع لعلاقتهم هذه النهاية الحزينة...،
التفت فهد لثامر / الحين وش بتسوي بها المشكلة...؟
ثامر رفع كتفيه بيأس وقلة حيله / السواه سواة الله الموضوع طلع عن السيطرة...،
سلطان / اكيد بيطلقها الحرمة ما قالتها الا وهي جازمة ...،
وضع فهد يده على يد ثامر الذي يجلس بجانبه / كانك رجال تبيها ومتمسك فيها بندور لنا حل...،
ما تبيها طلقها امساك بمعروف او تسريح با احسان...،
ثامر بألم وأسف/ اي والله اني ابيها والا ما كان سويت الي سويته...؟
مساعد بنرفزة/ على كيفها يطلقها ما عندنا طلاق يعتذر لها ويراضيها وخلصنا...،
التفت لبدر / وانت وص حرمتك واختك...،
هن خوياتها من صغرهن يلينن راسها والبيوت يصير فيها مشاكل ومن ها الكلام...،
نظر بدر لهاتفه وضحك /هذي حرمتي محرقه جوالي تدق وترسل تبي تعرف السالفة...؟
سلطان بتمني / ليت لها ضنى والا حامل كان الواحد جاها من ها الباب...،
فهد /ابو ماجد صادق لو بينهم طفل يصير الموضوع فيه اخذ ورد...،
اقفل بدر جواله ووضعه امامه...،
ضحك سلطان / توكم على قفل الجوالات...؟!
بدر بممازحة / الله يعيني عليها ان درت يمكن تطردني من البيت فزاعة للعنقا...؟
أردف / الحين نبي حل لها السالفة وش السواه...؟
الحمل لو فيه ما راح تخبيه كان قالته...؟
وبتأكيد / يعني اغسلو ايديكم من ها الأمل...،
فهد / بالوقت الحالي اشوف ما في الا ان ثامر يهدي الوضع وما يحاول يناقشها ولا يستفزها...،
كم يوم لين تهدى اعصابها يمكن الله يهداها اقل شي تتراجع عن فكرة الطلاق...؟
مساعد با انفعال / لا يطلقها لو تموت خلها تدابك بيديها ورجليها...؟
سلطان بملامه/ كنك جاهل يبو سعد الحين الحريم ماهن مثل اول...؟!
من البيت تدخل على ناجز وموعد للمحكمة وشكوى وخصوصا هي معها تقرير طبي...،
من تثبته بمحضر من الشرطة تطلقها المحكمة وهي واقفة...؟
وان تعسرت الامور وكلت لها محامي يسحبك على وجهك لين تاخذ حقها وزود ...؟
حرك بدر رأسه بيـأس/ هذا البلا ان اشتكت وجدي معها...،
لازم تقنعون جدي يوقف معنا...،
سلطان / وشلون تبينا نقنعه الا مضاوي عند ابوي...؟
يهون عليه يشيل الجمرة بيده ولا تلمس طرف ثوبها...؟
ضحك بدر/ تعلمني ياما انطردنا وحنا صغار من بيت جدي عشانها...،
أردف / الحين لازم نشوف احد يحاول بجدي...،
التفت لثامر / قبل واسطتنا ثامر وخربها الله يصلحه ...،
ضحك فهد/ والله يالمطفوق يجي منك...،
ابوي خلوه علي...،
هو اليوم زعلان بكرا امره واطلبه اقل شي يقنعها ما تشتكي...،
سلطان / هي لو بس تترك فكرة الطلاق خلها عند ابوي لين ترضى بكيفها...،
عدل سلطان من جلسته / خل بالك طويل...،
اسفها لين من نفسها تستسلم...،
أردف / مثل ما قال أبو بدر لا تحاول حتى تناقشها...،
عقد فهد حاجبيه وتذكر/ انا سمعتها قالت تبي الطلاق بعد أسبوعين والا انا غلطان...؟!
مساعد / لابالله ما انت غلطان انا بعد سمعت الي انت سمعته...؟
بدر با استغراب / بس وش معنى أسبوعين با العادة الحرمة من تزعل تقول طلقني...؟!
سلطان با استنكار / لا يكون ترتب وضعها مع اخوانها وتروح لهم...؟
مساعد بغضب / يخسون يقربون لها...،
هذي بنتنا وما تعدانا والله لو يصير الدم لركب...،
فهد أشار بيده / هد هد اعصابك لازم نحط قدامنا كل الاحتمالات ترى الموضوع ماهو هين...؟
اردف / الحمدلله ما دخلتهم وشافوها كان دخلنا بمتاهة ثانيه..!
وقف ثامر..؟!
سلطان / وين تبي...؟!
أردف بقلق / لا يكون تبي تروح لها...؟
ثامر بضيق / لا ماني رايح لها ...،
اردف / بقوم اتوضى و اصلي العصر والمغرب نسيت اني ما صليتهن...،
حرك مساعد رأسه بأسف / اعوذبالله من حزات ابليس
خرج ثامر من المجلس...،
حرك فهد رأسه وزفر با اسى / الله يعينه على بلواه ...،
سلطان بحيرة / انا الحين اخوانها اشغلوا مخي ...،
اردف / وش الدبرة معهم ...؟!
بدر / اخوانها انا طلعت لهم بشوف وش هم من لحى ...؟
التفت فهد لبدر / شفناك بالكاميرا ولا بغينا نطلع وراك...؟
استحينا وش بنقولهم واقفين قدام بابانا ولا قلطناكم ...؟!
أردف با استفهام/ وش نظرتك لهم طولت وانت تسولف معهم...؟!
بدر / لو اقول لكم شي بتنبهرون ...!!
سلطان بخوف / لا يكون قالو بنجي بكرا ناخذها لبيتنا...؟
ضحك بدر وبممازحة / عمي ما عنده حل وسط...؟
أردف / اول شي هم ما يدرون بسالفتها...،
والشي الثاني هم يدرسون وساكنين بشقق عزاب وين يسكنونها لو اخذوها...،
فهد / اشكالهم صغار واضح انهم طلبه...،
ابتسم بدر/ هالصغار اثنينهم طلاب طب وعلى قولتهم يسابقون الزمن...!
علشان يتخرجون وياخذون امهم ويرجعون للمدينة ...،
سلطان بتعجب واستفهام / من جدك طب طب...؟
التفت له بدر وحرك رأسه بمرح/ أي والله ياعمي طب طب مثل اختهم...!
حرك مساعد يده بتعجب / والله أنك صادق انه شي يبهر هم واختهم طب وهم ما يعرفون بعض غير اليوم...؟!
فهد ضغط على جانبي رأسه / لا تعجب ولا شي...؟
تذكر ابوي يوم قال لعمي الله يرحمه انه بيخطب بنت اخت صديقة...؟
يقول ان ابوها دكتور جاي للمملكة بعقد وتوفى هو عايلته بحادث...،
أردف / حتى اذكر ان ابوي قال شاف ابوها كم مره مع خالها ...،
سلطان / الله يوفقهم ويبعدهم عنا...،
نظر لساعة هاتفه ووقف / الامام على وشك الإقامة خلونا نروح نصلي...،
غادر وتبعه مساعد ومن ثم فهد...،
جلس بدر ينتظر ثامر...،
عاد ثامر للمجلس والتفت في انحاء المجلس / وين عماني...؟
وقف بدر / طلعوا للمسجد وانا جالس انتظرك نروح سوا...،
امسك ثامر برأسه...،
بدر بخوف / وش فيك مسكت راسك...؟
ثامر بتأفف / دايخ وراسي يوجعني...،
وقف بدر / يمكن جوعان وضغطك منخفض...؟
ثامر / تدري من فطوري بالطيارة لا اكل ولا مويه ناسيهن...!
امسك بدر بهاتفه / خلاص اجل بكلم سناء تزين لنا عشا...،
وبعد الصلاة يكون جاهز...،
حرك ثامر رأسه باعتراض / مالي نفس با الاكل...،
وبضيق / بطلع الحين العيال إذا درو اني هنا كلهم بيجون
وانا مالي خلق اشوف أحد...،
بدر / خبرك عتيق كلهم هناك بمخيم عمي سلطان شبة نار وناسة ...،
ودي اني معهم لكن كل ما جيت طردوني انت توك معرس جديد ...،
توجهوا للمسجد لصلاة
.
.
.
بعد الصلاة امام سيارة ثامر التي طلب من السائق مفتاحها...،
فتح بدر جواله وانهالت عليه رسائل واتس ونصية وسناب وخدمة موجود...،
ضحك وهو يفتح رسائل هاتفه / شنت الحرب علينا بنت مساعد...،
فتح ثامر باب سيارته وزفر بتذمر / بمشي أحس اني مخنوق...،
امسك بدر بيده وابتسم بود /انتظر شوي بروح معك ...،
أردف وهو ينظر لملابسة/ بالبس جاكيت والا فروه الدنيا موت برد...،
وبممازحة / من يوم دقت عمتي علي طرت لكم زين لبست نعولي...،
هز ثامر رأسه بموافقة / انتظرك بالسيارة...،
توجه بدر لملحقة من الباب الآخر لبيت والده...،
ركب ثامر سيارته ينتظر بدر...،
وكالعادة نافذة بيت عمه سلطان خلفها الظل الذي يراقبه...،
تجاهله وتقدم بسيارته الي باب ملحق بدر ينتظره...،
.
.
.
في بيت سلطان
عاد سلطان من المسجد...،
كانت رفعة تجلس في الصالة با انتظاره فعندما جاءه اتصال فهد كان في البيت وسمعته...،
رفعة بتهكم / عسى ماشر من جاك اتصال اخوك بسرعة طلعت...؟!
وبا استفهام / عمي فيه شي ...؟
سلطان وهو ينزل غترته ونظارته ويضعها بجانبه ويمسح وجهه / لا الحمدلله ابوي طيب
أردف بعفوية / مضاوي متهاوشه مع ثامر ونادانا ابوي ...،
رفعة با استهزاء / وعلى هوشة بين حرمة ورجالها تجمعتم ...!!!
يصبح الصبح ويتراضون...،
زفر سلطان با اسف / لا والله ما ظنتي تبيه يطلقها ماد يده عليها وضاربها...،
رفعة / من يومها عنيدة وتحب تشغل الي حولها لو انه بالكذب...،
اردفت با امتعاض / مهي كفو لها الرجل الي اخذته ...،
سلطان بضجر / امسي يا مره وعيني خير وش ها السوالف تراها ما تصلح ...،
وقف وهو ينظر لساعته / حولكم عشا بتعشى وانام ورانا بكرة دوامات...،
وقفت رفعه معه / جاهز بس أقوم اغرف...،
سلطان / اجل بتسنن على ما يجهز عشاتس...،
غادر سلطان الصالة...،
ودخلت رفعة للمطبخ وخلفها خلود تناولت علبة ماء لتشربها...،
خلود با استغراب / وش عنده عمي نادى ابوي...؟!
رفعة تغرف العشاء / مجتمعين عشان ها المقرودة الي تبي تخرب بيتها...؟!
اردفت با استهزاء / ما امدانا نخلص من اجتماعات عرسها بدينا باجتماعات طلاقها...!
خلود بفرحة لا تصدق ما تسمع / يمه قصدك ثامر بيطلق مويضي...،
ضحكت رفعة / اي الله لا يبلانا تلقينها لاعبة بذيلها والرجال ما تحملها وضاربها قالت اتغدى به قبل يتعشى بي...،
خلود تركت المطبخ وذهبت مسرعة طرأت لها فكرة تريد تنفيذها...؟؟؟
دخلت لغرفتها وامسكت جوالها ارسلت رسالة عن طريق سناب واقفلت جوالها وتوجهت لنافذة كعادتها...،
.
.
.
في مكان قريب في نفس الوقت...،
سناء بغضب / وليش ما ترد على جوالك ...؟
بدر يحرك حواجبه ويبتسم بمرح / لأنتس مزعجه...،
سناء بقهر / وشو مزعجه ادق تعطيني مشغول عقبها تقفل جوالك...؟
أكلم عمتي سعاد تقول ما في شي...،
بدر يعلمتس وش صاير ...؟!
بدر وهو يلبس جاكيته ويلف غترته على راسه / ابد مختصر الموضوع ثامر ومضاوي تهاوشوا وشوفيها في بيت جدي...،
وبرجاء / تكفين إذا شفتيها حاولي تهدينها لا تهدم بيتها ...،
سناء بحنق / ما هو على كيفها تهدم بيتها...،
اردفت بتهكم / وانت لابس وين على باب الله...؟
بدر / بطلع شوي مع ثامر وراجع...،
سناء / اجل اصبر بلبس عباتي بشوف الي انهلبت تالي عمرها..!!
قبل خدها ورفع يديه يدعو / يا الله لا تحرمني من حرمتي العاقلة...،
دخلت سناء لغرفتها تلبس عباءتها وبدر أرسل لثامر ان سناء ستذهب لمضاوي يوصلها ويرجع له ...،
ارجع ثامر سيارته الي بيت الجد ينتظر ثامر...،
خرج بدر وسناء
.
.
.
دخلت سناء لداخل بيت الجد...،
وتوجه بدر لسيارة ثامر...،
ركب بجانبه واغلق الباب والتفت له / راحت لها سناء...،
أردف / علمتها رؤس أقلام ان بينكم خلاف...،
التفت له ثامر وابتسم با امل / توقع تقدر تأثر عليها...،
هز بدر رأسه با استهزاء / تأثر عليها ...،
أشار لهاتفه / انا قاعد أفكر اقفل الجوال والا اصمته علشان القنبلة الثانية الي بتفجرها حرمتي ...،
حرك ثامر سيارته وتوجه لشارع العام ...،
بعدها بربع ساعة ...،
رن هاتف بدر ورفعه في وجه ثامر / وش قلت لك ...!؟
.
.
.
في بيت الجد...،
فتحت الخادمة لسناء الباب ودخلت...،
سناء وهي تنزل نقابها / سوناتي وين مضاوي...؟
سوناتي / في غرفة جده تعبان...،
توجهت سناء للغرفة وطرقت الباب...،
مضاوي بصوت متعب / خلاص سوناتي روحي نامي بنام...،
فتحت الباب سناء وهي تبتسم / سبرااايــــ لم تستطع ان تكمل كلامها...؟؟!!
صرخت وجلست بجانبها...،
مضاوي مستلقيه على جنبها الايمن وترفع يدها اليسرى بوسادة ...،
وبخوف وذهول/ وش فيتس صاير عليتس حادث ...،
محد قال...!!
كيف صار الحادث ووين صار ...!؟
مضاوي تبتسم وهي تتألم / شوي شوي يرحم والديتس اوجعتيني لا تلمسيني...،
وقفت سناء وبا استنكار / وتبوسمين بعد...!!
اردفت وهي تسحب كنبه فردية احضروها الخادمات لتجلس عليها مضاوي وتضعها بجانب السرير / متى صار الحادث...؟
وبقهر / يا الله وش ها الحظ ...؟!
اردفت با اسف / ما هو على اساس الليلة مسوي لتس ثامر مفاجئة وحاجز لكم بفندق ...؟!
تنهدت مضاوي وعدلت جلستها بصعوبة / هذي مفاجئته لي...!
سردت لها القصة كما قالتها لجدها واعمامها وما حدث بعد ذلك...،
سناء بغضب / وش ادعي عليه هذا...،
واخذت هاتفها با انفعال واتصلت ببدر...،
.
.
.
بدر الذي أصر على ثامر ان يتوجه لأحد المطاعم ...،
رن هاتف قبل ان يصلو للمطعم ...،
ضحك ورفع هاتفه في وجه ثامر / وش قلت لك...؟!
أردف / تأخرت ما دقت شكل السالفة بالتفصيل الممل...؟
ثامر بملل وبرود / اتركها لا ترد عليها ...،
بدر / مجنون ما أرد تبي بنت مساعد تنومني برا الملحق...؟
أردف بممازحة / بايع عمري تبي البرد يجلطني...،
رد على مكالمتها وابعد الهاتف عن اذنه...،
سناء با انفعال واندفاع / وش السواه الي سواه خويك...؟
مستقوي عليها يحسب مالها والي الي ما يخاف الله...،
اسأله قل لو كانت بنت أي واحد من عمانه قدر يمد يده ويضربها...؟
والا يفكر ألف مره ويحسب حساب ان يده الي انمدت عليها بيكسرونها الرياجيل الي وراها...،
ندم بدر انه فتح الخط لكن انحرج ان يغلق الخط في وجهها فستزداد غضباً...،
وبمحاولة تهدئه لسيل الملامة والعتب الذي أطلقته سناء / يابنت الحلال...؟
قاطعته سناء / وشو يابنت الحلال هو شايف كيف مشوه وجها وكاسر يدها...؟!
اردفت بقهر/ والله لو ما شروق غاليه علي كان دعيت ان طلال يرسلها لك وتشوفها بنفس المنظر...،
بدر بغضب / تعقبين وتخسين انتي وطلال وربي لأنحره لويلمس شعره من شعر شروق...،
استوعب بدر ما قاله وصمت لا يعلم ماذا يقول...،
سناء با استهزاء / سبحان الله اختك انفلتت اعصابك ومضاوي قاعد تهدي السالفة...؟!
وبحرقة اردفت / ما اوجعتك مضاوي مثل اختك لو اوجعتك ما قلت كذا...؟
قل لخويك ان كانه يسمعني والا انا بوصلها له...،
مضاوي اخذته خايفه عقب عين جدي تاكلها الناس تبيه يحميها...،
وبسخريه اردفت/ اول من عضها هو...،
لكن الحمدلله ربي مايترك احد مضاوي الله نصرها عليكم با اخوانها...!
اردفت / يا الله مع السلامة بسكر الخط بعد لا تقول قفلت بوجهك...؟
وبنت مساعد ما تربت مثل سوالف خويك وتكسر وجهي...؟
اغلقت الخط وفتحت رسائل الواتس ارسلت رسالة وأغلقت الهاتف...؟
ثامر الذي سمع كل ما تفوهت به سناء فصوت هاتف بدر عالي بدون مكبر الصوت...،
ابتسم بسخرية / وش فيك انحرجت وتغير وجهك...؟
حرمتك كل كلامها صحيح انا مضاوي لو لها احد ما سويت الي سويته فيها...؟
وهذا هي طلعت بريئة وانا الي اكلتها...؟
بدر / قلت لك وحذرتك مضاوي إذا قلبت مهي مضاوي...؟
وحنا صغار كلنا نهابها وهي أصغر منا ما ينداس لها على طرف ولا تداني الشك ...!
لو لقمتها بفمها ولمزتها بكلمة رمتها من فمها لو ذابحها الجوع...،
وصلت الرسالة لجوال بدر...،
ضحك وقراء الرسالة لثامر ( خل خويك يونسك وانا بنام عند خويتي )
ابتسم ثامر ...،
بدر / خلصنا من سناء بقى العلة الثانية شروق...؟
والله ان شافتها على وصف سناء لتسويها مناحة...،
أردف با استفسار / انت وش مسوي بوجها...؟
هز ثامر رأسه بندم / لا تسألني ما أدرى...؟
انا يوم كنت اضربها كنت اضرب هيام ماهي مضاوي...؟!
الغل الي في قلبي على هيام عشرين سنة كله طلعت بس ما ذبحتها...،
بدر / الله يعينك عمتي وسناء ماجابو سيرة الكسر الي في يدها...؟
كلهم منفجعين من وجها الله يستر اذا شافها جدي وش بعد بيصير...؟
.
.
.
في بيت الجد وصل اتصال لهاتف مضاوي...،
اشارة له بتعب/ سناء قفلي الجوال مالي خلق ارد...،
اخذته سناء واقفلته وبا استفسار/ مين مريم...؟
مضاوي با استفهام /وش فيها...؟!
سناء / هي الي اتصلت...،
مضاوي با اهتمام / ليش معلمتيني افتحي الجوال اكيد تبي تتطمن علي هذي الي اسعفتني...،
فتحت سناء الهاتف واعادة الاتصال بمريم ووضعته على اذن مضاوي...،
مضاوي / هلا مريم...،
مريم / اهلين بشريني عنس...؟
مضاوي / الحمدلله طيبة لقيت لتس اتصال...؟
مريم / ايوا حبيت اتطمن عليس واقولس تذكرت طلعنا من شقتس ما قفلنا الباب...؟
اردفت / انتبهوا لأحد يلاحظ ويدخل يسرق البيت...؟
مضاوي / خير ان شاء الله...،
مريم / توصين شي...؟
مضاوي / سلامة عمرتس ...،
سلمي على الوالدة والبنات...،
وإذا قدرتي تمرينا لا تقطعين...،
مريم / ابشري يا الله مع السلامة ...،
اقفلت الخط من مريم...،
سناء / الله يستر لا يكون في حرامي دخل وشال البيت...؟
مضاوي / ما توقع مفتوح اكيد النذل رجع عقب ما طلعنا...،
سناء ترفع حواجبها بمكر / عطيني جوالتس...؟
مدته لها مضاوي اخذته وارسلت رسالة ...!؟
ورأت في عيني سناء التشفي ...،
مضاوي تبتسم / وش سويتي من زمان عن حركتس هذي...؟
.
.
.
وصلت رسالة لهاتف ثامر ولتو دخلوا المطعم وجلسوا...،
نظر لرسالة بصدمة...؟؟
بدر / وش في وجهك تكهرب...؟
ثامر بذهول / رسالة من مضاوي...؟
بدر با استعجال / افتحها بسرعة...،
فتح ثامر على الرسالة ووقف ...؟!
وقف معه بدر / وش فيك مضاوي فيها شي...؟
ثامر / بسرعة انا طالع الخرج تروح معي والا انزلك لبيتك...؟
بدر / وش تنزلني اقابل الجدران يا الله معك...؟
.
.
.
في سيارة ثامر...،
بدر / وش الي طيرك من المطعم...؟
ثامر / افتح الرسائل النصية وتعرف السبب...؟
اخذ بدر الهاتف وفتحة على رسالة مضاوي / يا عنتر نسينا شقة الخرج بابها مفتوح خذ شيبوب معك ورحو سكروها...؟
ضحك بدر على الرسالة والتفت لثامر / وانت مصدق مضاوي ترسل ها الرسالة...؟
هذي سناء اعرف اسلوبها...،
أردف / اقول خلنا نرجع نعيد ذكريات ايام العزوبية بالملحق...،
ثامر / دام مسكنا الخط خلاص بغير ملابسي من الصباح وانا على ها الثوب وانت مأجز ما وراك شي...،
بدر حرك كرسي الراكب الي الوراء واسند ظهره وكتف يديه الي صدره ورفع راسة للأعلى / الدنيا هذي عجيبة...؟!
تقعد سنين امورك ساكنة وتدور الي يحركها ما تلقاه روتينك هو هو نفسه ...؟
فجاءه يجيك حدث بساعة ويمكن دقايق يقلب حياتك كلها...!!
الحدث الي صار في هالدقايق يشغلك سنين اذا ماهو العمر كله...؟
تنهد ثامر وعينة على الطريق / وش فيك صرت فيلسوف...؟
بدر / مو مسألة فلسفة الانسان هذا مخلوق عجيب يا اخي اليوم يوم شفت الشباب اخوان مضاوي...،
اقول بنفسي كلنا حكمنا على هيام انها بذرة شرانا كنت اتخيلها شيطان...،
أحس حتى المكان الي تمره يصير نجس ملوث ...،
مع انها راحت من عندنا وانا صغير...؟
واهلنا محرصين علينا نقطع سيرتها مره وحده...؟
كيف خلفتها كذا وش بينها وبين الله عطاها بنت مثل مضاوي وعيال زي الي شفتهم اليوم...؟ّ!
ثامر با امتعاض /عيالها لا تحكم عليهم ما ندري عن الخوافي ومضاوي ما تربت عندها عشان نحكم عليها ...؟
التفت بدر لثامر / الكتاب يقرا من عنوانه انا الشباب ما شفتهم الا اليوم لكن واضح عليهم الأدب والحيا...،
انا ماني ولد البارحة علشان اخطي بحكمي...؟!
من مميزات العسكرية تعيشك مع جميع فئات المجتمع...،
يومياً طول فترة عملك وانت تشوف اشخاص جدد نفسيات مختلفة...،
ثامر بتأفف وضيق / وش تبي بها الموضوع تفتحه ما في الا هالسالفة جب لنا غيرها...؟
بدر بحيرة/ انا ما ابي اخوفك...،
لكن كلام سناء خوفني...؟
ثامر با استفهام / عن ايش ؟
بدر / ان الله جاب لمضاوي اخوان وما عادت بحاجه لأحد ...،
كلام بدر هو ما كان يهرب منه ثامر ولا يريد ان يسمعه منذ ان قرأ عمه فهد اسم والدتهم...،
حاول ثامر ان يهون الأمر/ يابن الحلال بزران هذولا انت شفت اشكالهم...؟
بدر بتهكم / البزران هذولا طلبة طب واحد طب طوارئ والثاني عظام...؟
ويسابقون الزمن ابشرك الواحد فيهم ماجا عمره واحد وعشرين سنة...!!
وسنتين او ثلاث سنين ويصير طبيب ...،
ثامر باستهزاء / اما عاد اطباء وكله هذا كشفته جنابك بمشوار من الصالة لباب الشارع ...،
بدر / ليه ما سمعت ابوي قبل شوي بمجلس جدي يوم قال ان أبو هيام دكتور ...،
حرك رأسه بضيق/ والله مدري وش قلتو وش ما قلتو ...؟
بدر بتحذير / المهم الي انت تقول بزران لا تستخف فيهم ترى مضاوي إذا لجئت لهم ما راح يخلونها ...؟
ثامر بغضب / على كيفها والله عاد لأنحرها صدق وانحرهم ...؟
بدر / هذا كلام فاضي وعشوائي إذا قدرت تحصل على الطلاق خلاص ما عاد لها ارتباط فينا...،
جدي والله يرحم الحال كم عمره...؟
ما في الا اخوانها والدولة معها وبتنصفها لو وصل الموضوع للمحاكم...،
ضرب ثامر مقود السيارة بغضب / انا الي جبته لنفسي ليتني ما طلعت من سجني ولا عرفتها...؟
بدر / هييه انت هد هد ترانا ماسكين طريق...؟
اردف / الكلام هذا كله ماينفع اذا انت فعلن تحبها وتحس انك ما تبي تفرط فيها لا تستلم ولا تيأس...،
ثامر بتهكم موجع / انا تعديت مرحلة الحب...؟
الي لها في قلبي نساني فعل امها ...!
انت مستوعب اني نسيت المرار الي شفته بعشرين سنة...؟
العشرين سنة الي تمنيت فيها كل يوم اقتل امها انمحى كل هذاك الغضب والحقد وحل مكانه حبي لها ...؟
بدر / اجل خلاص مالك الا تنفذ الي قاله لك عمي سلطان...؟
التفت ثامر لبدر وضحك / قصدك انها تحمل...؟
بدر / ليش لا هي زوجتك للحين حاول معها ترى إذا حملت بتفكر بطفلها انه ما يعيش اليتم الي هي جربته...،
ثامر / والله ها السالفة بغيت ابخها ضحكة يوم سمعتها من عمي...؟
أردف وهو يضحك بسخريه على وضعه / تدري يا بدر اني لاحظت شي...؟
ان القرادة عاقده صفقة معاي بكل شي مصيري تنط لي...؟!
ضحك بدر لضحك ثامر / كيف يعني...!!؟
ثامر / وش كيف ...؟!
أردف / ابوي جاي يبي يشوفني صدم وتوفى...،
وعمي راح علشان يعترف اني مظلوم وصدم وتوفى الله يرحمهم ...،
اليوم المفروض خلاص اتفقنا انا ومضاوي نبدأ حياة زوجية حقيقية وتنتهي كل مشاكلي والحياة ورديه...،
بخمس دقايق حياتي كلها انقلبت...؟
بدر وهو يضحك / لا وطلعوا لها اخوان من تحت الارض ...،
حرك ثامر رأسه / شفت كيف القرادة متشبثة فيني...،
ضغط بدرعلى عينيه / خلاص اوجعني بطني من الضحك حرام عليك...،
ثامر / وأنتم تبون مضاوي تحمل...؟!
يا شيخ ما ودي اجزم واحلف، حتى لو فعلن صار زواجي حقيقي منها يمكن واحد منا من جد يطلع عقيم من كبر قرادتي ...،
ما هو كذب ...،
بدر / اقول بس اترك عنك التشاؤم وخلنا نلقى خطة تستدرجها فيها...،
ثامر / على يدك يبو الخطط قل وانا انفذ ...،
بدر / الحين لازم ما نخلي معاها احد ...؟
جدي ازهله ابوي دق الصدر بيقنعه لك ...،
باقي اخوانها ...،
ثامر بملل/ وش بلاهم هذولا بعد...؟
بدر / إذا جينا لصدق هم ناس مالهم ذنب با اي شي اذا بتلوم لوم نفسك انت الي حديت مضاوي عليهم...،
اكيد انها بتكرر اللقاءات بينكم...،
وجهك هذا افرده ما هو زي اليوم تناظرهم وهم ورى الكاميرات با احتقار...؟
ثامر / وتلومني بعد...؟
بدر / مو سالفة لوم لكن هم واقع ما راح يتغير...،
اقل شي خل الوضع طبيعي بينك وبينهم لو تواجهتم...،
وادع ربك ما يدرون بضربك لأختهم مهما كان هذي اختهم...،
ضرب جبينه / تذكرت موضوع كنت محتار فيه وتفسر اليوم...؟!
ثامر / اي موضوع...؟
بدر / قبل كم يوم كلمتني شروق تبي احول لها عشرين ألف...؟
تبيها ضروري حولتها واستغربت طلبها قلت وش تبين فيها قالت حول إذا معاك ولا تسأل...؟
رجعت لي الحوالة بنفس اليوم...؟
امس جتنا وحلفتها بالله وش تبي فيه قاصرها شي...؟
قالت انه ما هو لها وان وحده عزيزه عليها احتاجت مبلغ خمس وعشرين ألف...؟
وماكان بحسابها الا خمسة وطلبت مني الباقي...،
ثامر / قصدك ان الفلوس حولتها لحساب مضاوي...؟
بدر / بالضبط...،
شروق من خلقت مالها صديقات الا مضاوي والعوبة حرمتي...،
وحرمتي ماهي محتاجة ها المبلغ والا كان دريت ...؟
رفع ثامر كتفيه /ومضاوي بعد ماهي محتاجة ...،
معها فلوس عندها أكثر من صرافة...،
وحده لاستعمالها الدايم والثاني حاطتها تقول ادخار حتى ضايفتني وضايفها على ها الحساب...،
ووحده تقول مع جدي الظاهر اتوقع مجمع لها فلوس با اسمها...،
بدر / انا فسرت الموضوع مدري هو تفسيري صحيح او خاطئ...،
ثامر / كيف يعني...؟!
بدر / المبلغ الي طلبته مضاوي من شروق للمستشفى...،
ويمكن وقتها ما توقعت يطلبون منها فلوس عشان كذا ما اخذت احتياطها وكلمت شروق...؟
ثامر يتنهد / فلوسها وهي حره فيها لكن سبحان الله فعلن الدم ما يصير مويه...،
وها الكلمة دايم اسمعها والحين صدقتها...،
بدر بتعجب / يا الله كيف كذا لا ربتها ولا تركت لها الا السمعة السيئة...،
الا انها سوت لها شي لو متربيه بحضنها يمكن ما تسويه...،
اردف بمرح / قايلك الحرمة هذي لها خبيئة مسويتها عيالها كلهم عباقرة دراسة ...؟
ولا بعد دكاترة ماهو اي شي...؟!
وانتم يا العاصف عيالكم كليات صحية اهلية ودم قلوبكم حاطينه عليهم وعساهم يفلحون...،
.
.
.
|
14-10-24, 07:56 PM
جديد مواضيع قسم قصص من وحي قلم الاعضاء
العرض العادي
