كاتب الموضوع :
طيف الأحباب
المنتدى :
قصص من وحي قلم الاعضاء
رد: للحب سجناء
اقتباس :-
المشاركة الأصلية كتبت بواسطة شبيهة القمر  |
السلام عليكم
ياصباح السعد ..اجمل صباح لما تصبح على رواية طيف واحنا ببدايات الشتاء احساس جميييل ويرجعنا لأيام زمااان ..سقى الله ذيك الايام الي كان كل همنا متى يجي الصباح ونقرأ البارت واحنا متلحفين من البرد ..احساس جميييل مايحس فيه الا الي عاشة ..
الله يسعدك ياطيف على هالسعادة الي تغمرينا فيها كل صباح .. قلوووب من هنا لباب بيتكم
نجي للبارت الي كله كومة مشاعر موجعه ..ياالله ياطيف كيف اوجعت قلوبنا مضاوي اهنيك نقلتي لنا الصورة كأننا نعيشها ..اصعب احساس انك تشوف قطعة منك مسجى على فراش المرض ماله حيلة بعد ماكان كله حياة ..والاصعب الفجوة العظيمة الي بينكم لا انت تقدرين تحضنينها وتجلسين معها وتكلمينها مثل كل بنت تشوف اقرب الناس لها بهالوضع ..احساس الفجوة موجع ولا تقدر تشوفها بهالوضع وتتجاهلها .. الي سوته مضاوي عين العقل ..هذا حق امها عليها رغم كل الي سوته بس تضل امها ..
رحمت مضاوي واحساس التعب الي جاها ونوبة البكاء الي اجتاحتها . حسيتها تبي صدر حنون يضمها وتشكي له .. رحمتها لا ام ولا اخت ولا اخ .. ترى احساس اليتم والفقد يبقى ندبة بالقلب مايحس فيه الا الي عاشه ..الله لاييتم لنا ذرية ولانفقد غالي يارب
المصيبة الان في ثامر ..والفلاش عندي يقول ان الخبر بيوصل له .. يمكن خلود بالبنك تدري بسالفة الحوالة ..او خلود تدري بوجود هيام بالمستشفى وتبلغ ثامر بهالشي وطبعا البهارات الي بتحطها بتزيد النار .. او يمكن هيام تموت و واحد من عيالها يشوف ثامر ويبلغة ..المهم ان ثامر بيوصله الخبر كيف مدري وهنا بتكون القنبلة الي ننتظرها وياخوفي ثامر من غضب يطلق مضاوي ..يارب سترك
طبعا مضاوي ماراح تسكت بتعلم الجد بكل شي .. ودام هيام ماتت معناها الماضي الي كان خايف على مضاوي منه انتهى ..وهنا بيجي دور الجد ووقفته مع سمية امه ..
سعد .. وش فيك يالقيس ابن الملوح ..وضعك ماينسكت عليه الكل عرف بعلتك وانت ماتكلمت ..كيف لو تكلمت هههه
نشوف سعاد كيف بتحل علة سعد ..هل بترحب فيه زوج لبنتها والا بتمسك راسها وتقول بنتي قاصر ماتدري وينها هابة معه هههه ..
طيف سلمت يمينك هالمرة الجزء صدق طويل ومتروووس مشاااعر متعبة .. بس ان شاءالله انها اخر الاوجاع لمضاوي من ناحية امها وتكون صفحه وانطوت ..
ثامر القنبلة الموقوته الله يستر وش بتهبب وايش العاصوف الي بتجيبه معك ..
ولمن العصفر يابنااات ..هههه
.
|
هلا وغلا بالنوري
ردي بيكون با اختصار لأن ردودي عليك غصب تخليك تحرق مشهد قادم
اولاً نقطة انك تشوف احد والديك على فراش المرض
انا شفتها با امي وابوي وعساكم ماتشوفونها
تحس ان الدنيا ولا شي انا امي توفت بمرض لحد ماتوفت محد عرف نوع مرضها وتوفت صغيرة
الله يرحم ذاك الوجه
وابوي توفى كبير بالعمر لكن وجع فراقهم شي يعجز عنه التعبير
نرجع للفلاش الي جننتيني عليه
في الجزء الي نزل شاف ثامر عيالها وهم سبب اول خلاف وخيبة وخذلان على قولة مضاوي شافته من ثامر
في موضوع في البنك وفي فلوس بتكون سبب الخيبة والخذلان الثاني والثالث من ثامر <<حررررررررررررررررق لحدث قام او تشويق
الجد الله يعينه مايدريمنين يلقاها هو من حفيده والا من بنت اخوه
والكل فيبهم عزيز عليه
قيس ماعليك له فصل خاص في ليلة ليلاه بعد
مع ليلة ليلاه ثانية
خلي العصفر قريب قربت قربت
ودوري لنا منتدى اليلة السوداء قادمة
الله يسعدك النوري على المرور
|
12-10-24, 11:54 PM
جديد مواضيع قسم قصص من وحي قلم الاعضاء
العرض العادي
