لا تلهكم الرواية عن الصلاة في وقتها

موعدنا القادم بأذن الله قريباً

تذكروني واحبابي بدعوه طيبه


(سبحانك اللهم وبحمدك، أشهد أن لا إله إلا أنت، أستغفرك اللهم، وأتوب إليك)

أسعد الله صباحكم بنات ليلاس🌷🍃

الفصل هالمرة يكدّر الخاطر يا طيف،،
ترى مو سهل إنك تشوف أحد والدينك بهذا الضعف وفريسة لمرض لا يرحم،
ومضاوي بشر، وإن كانت موجوعة من أمها، ومن ماضيها الغير جيّد معها،، إلا إنها تظل أمها، رؤيتها بهذا الوضع،، الانكسار، والضعف، وقلة الحيلة، يهزّ القلب والنفس هزّ. رحمتك يا ربّ.😔
ما ألومها وضيق الصدر يلتهم مشاعرها،، ووصل إلى جسدها، الله يشفي مرضى المسلمين.🤲🏼
الجد سعد بفطنته ومعرفته بتفاصيل مضاوي ، أدرك إن الأمر عظيم وكبير عجزت مضاوي عن تحمله، ورحمة من ربي إن ثامر ما كان موجود وتأجلت جيته، حتى تكون عندها مساحة كافية لاستعادة قوتها المزعومة، وتقدر تقابله بنفسية أفضل.

(ريما باشمئزاز امالت فمها / تاريخ اسود معهم خص بدر يمكن سعد ارحم شوي مع انه كريه.)

والله يا ريما ما تدرين هالكريه حالته حالة من بعد ما شافك😂

(اردفت سعاد وهي تأشر على قلبها/ بلاه هِنا.)

ما شاء الله على الحِبّيبة سعاد عرفت علته 😅
عاد نشوف يوم تدرين باللي شغلت باله، بتقولين له هدّي اللعب، وللا تقنعين ريما فيه؟

( مضاوي تضحك / والله انا الي صدعت من الضحك الله يكفيني شر ضحكي...)

بعض البشر سبحان من خلقهم، مجلسهم شفاء،، تنسين الهمّ والضيقة اللي فيك🥰
مجربة هالنوعية، عسل على القلب، 😍

شكراً طيف على الفصل الممتع، بانتظارك بإذن الله.🍃🌷🍃

وتحية كبيرة للقمر اللي توقعت إن هيام مريضة مرض خطير 👏🏼👏🏼👏🏼
عيني بعينك يا قمر ،، الفلاش عندك صح؟ 😉



السلام عليكم
ياصباح السعد ..اجمل صباح لما تصبح على رواية طيف واحنا ببدايات الشتاء احساس جميييل ويرجعنا لأيام زمااان ..سقى الله ذيك الايام الي كان كل همنا متى يجي الصباح ونقرأ البارت واحنا متلحفين من البرد ..احساس جميييل مايحس فيه الا الي عاشة ..
الله يسعدك ياطيف على هالسعادة الي تغمرينا فيها كل صباح .. قلوووب من هنا لباب بيتكم

نجي للبارت الي كله كومة مشاعر موجعه ..ياالله ياطيف كيف اوجعت قلوبنا مضاوي اهنيك نقلتي لنا الصورة كأننا نعيشها ..اصعب احساس انك تشوف قطعة منك مسجى على فراش المرض ماله حيلة بعد ماكان كله حياة ..والاصعب الفجوة العظيمة الي بينكم لا انت تقدرين تحضنينها وتجلسين معها وتكلمينها مثل كل بنت تشوف اقرب الناس لها بهالوضع ..احساس الفجوة موجع ولا تقدر تشوفها بهالوضع وتتجاهلها .. الي سوته مضاوي عين العقل ..هذا حق امها عليها رغم كل الي سوته بس تضل امها ..
رحمت مضاوي واحساس التعب الي جاها ونوبة البكاء الي اجتاحتها . حسيتها تبي صدر حنون يضمها وتشكي له .. رحمتها لا ام ولا اخت ولا اخ .. ترى احساس اليتم والفقد يبقى ندبة بالقلب مايحس فيه الا الي عاشه ..الله لاييتم لنا ذرية ولانفقد غالي يارب

المصيبة الان في ثامر ..والفلاش عندي يقول ان الخبر بيوصل له .. يمكن خلود بالبنك تدري بسالفة الحوالة ..او خلود تدري بوجود هيام بالمستشفى وتبلغ ثامر بهالشي وطبعا البهارات الي بتحطها بتزيد النار .. او يمكن هيام تموت و واحد من عيالها يشوف ثامر ويبلغة ..المهم ان ثامر بيوصله الخبر كيف مدري وهنا بتكون القنبلة الي ننتظرها وياخوفي ثامر من غضب يطلق مضاوي ..يارب سترك
طبعا مضاوي ماراح تسكت بتعلم الجد بكل شي .. ودام هيام ماتت معناها الماضي الي كان خايف على مضاوي منه انتهى ..وهنا بيجي دور الجد ووقفته مع سمية امه ..

سعد .. وش فيك يالقيس ابن الملوح ..وضعك ماينسكت عليه الكل عرف بعلتك وانت ماتكلمت ..كيف لو تكلمت هههه
نشوف سعاد كيف بتحل علة سعد ..هل بترحب فيه زوج لبنتها والا بتمسك راسها وتقول بنتي قاصر ماتدري وينها هابة معه هههه ..

طيف سلمت يمينك هالمرة الجزء صدق طويل ومتروووس مشاااعر متعبة .. بس ان شاءالله انها اخر الاوجاع لمضاوي من ناحية امها وتكون صفحه وانطوت ..
ثامر القنبلة الموقوته الله يستر وش بتهبب وايش العاصوف الي بتجيبه معك ..
ولمن العصفر يابنااات ..هههه
.