لا تلهكم الرواية عن الصلاة في وقتها

موعدنا القادم بأذن الله قريباً

تذكروني واحبابي بدعوه طيبه


(سبحانك اللهم وبحمدك، أشهد أن لا إله إلا أنت، أستغفرك اللهم، وأتوب إليك)

الله يسعدك يا طيف ويوفق وليدك ويجمع بينه وبين حرمته على خير، ويرزقه الذرية الصالحة 🤲🏼🍃
المفروض تاخذين إجازة من الرواية ليما تتم أموركم على خير.🍃

فصل الفقد ،، مو بشارة يا طيف، دام إنك بكيتي هالبكا على الشخصية اللي بنفقدها،، فأكيد حنا بنشاركك مشاعرك، وبنجهز علبة الكلينكس،😭
هم اثنين اللي في بالي، الأول القمر قالت عنه وهو عبداللطيف، والثاني اعتقد الجد سعد.

مازن، الله يكون بعونك،
خذها نصيحة مني وأنا أمك، اللي هذا أوله ينعاف تاليه،، وش لك بالغربال،
لما تترك خلود وهي في بيت أهلها، الوقع بيكون أخف من لو تجي في بيتك ثم تنكد عيشتك وترجعها لاهلها مطلقة،،
وشينة الحلايا موصيتك تترك وظيفتك !! 😳صدق وجه بن فهرة😤
ما استحت وقالت الرجال توني أتعرف عليه، وعيب ومنقود هالحكي، 🫢
عندي لك يا مازن خطة علشان يردون لك مهرك،، 🤓
ماطل بالزواج وأجّل ثم أجّل ثم أجّل، ليما تملّ عيون الحصني، ويجي الرفض منها،
ثم تاخذ حلالك بالكامل، 💵💵💵 لأنها هي اللي عايفة😅.
ولا تخاف من حكي أحد، حنّا وخواتك خير داعم لك. 💪🏼

حلا،، ردة فعل مضاوي الغاضبة، بيأكد لحلا صلة القرابة بينها وبين هيام، خاصة إن الشبه كبير بينهم، ويمكن إذا حصل لها فرصة تلتقي بهيام مرة ثانية راح تسألها عن صلتها بمضاوي ( من باب الفضول)
وهني راح توصل هيام لمضاوي،، وتصير المعركة، لا لا مو خوش سيناريو 😂
ما نبي مضاوي يتعكر مزاجها،، وهي تنتظر ليلة الثلاثاء على أحرّ من الجمر .
ومو مشكلة مكان اللقاء وين يكون ، خلاص ما حنا مفكرين فيه، المهم يجتمعون على المحبة 😍

شكراً طيف على الفصل الجميل، بانتظارك بإذن الله.🍃🌷🍃

السلام عليكم
الله يوفق وليدك وييسر امره ويرزقه بوحده مثل العنقا جمال ودلال وعقل واخلاق ..
نجي للعنقا حقتنا ..ألحين ودي اجيب النجر واحط حلا وخلود امهات النكد فيه وادق روسهن ..ألحين لنا شهر ننتظر ليلة الثلوث وانتن بتخربن علينا المتعه ..لاعادها من حلا يوم تعرفتي عليها يامضاوي ماأمدانا نشوف وجهك مسفهل ومنور وتبين تغيرين اللوك لجل عين السيح تجي حلا خانم بهالخبر الي كنه وجهها .. يابنت الناس مانبي هيام ولا أبو هيام ولا أم هيام ولا خيال هيام ..خلاص فكوا البنت من ماضيها ماصدقت ان الحياة ضحكت لها جايين ينكدون عليها
مقهووووورة من هالحلا يقالك عندي خبر مهم ..الا على طاري الخبر المهم تتوقعون هيام مريضه بمرض خطير وارسلت حلا علشان تجيب مضاوي لها تشوفها ؟؟؟
هي ماقالت انك راح تشكريني الا ان هيام فيها بلاء .. يارب تعدي هاليومين على خير ولاينكد علينا احد ..
والا هالخبله ام عيون الحصني صدق ان الحسد ياكل صاحبه ..اكيد راح يطلقها مازن بسبب تصرف يشوفه بعينه منها يمكن يمر من عند بابهم ويشوفها عند الشباك تطلطل ..

طيييف مشكورة حبيبتي البارت اليوم ممتع بس كنه الهدوء ماقبل يوم الثلوث ههههههه
.

هانت يابنات بكرة الثلوث اليوم المنتظر