السلام عليكم ورحمة الله ..
يسعد صباحكم بنات ليلاس،،
سلامتك يا قمر، أجر وعافية، طهور إن شاء الله.
شوفي يا غالية ، مو القصد إن علاقة الأم بكناتها تكون رسمية حالهم حال الموظفة مع المديرة، لا أبد،
الله يشهد باللي أقوله،، عيالي المتزوجين اثنين، ويعيشون في شقة برّة،،
كناتي مثل بناتي أحبهم ويحبوني ولله الحمد، مابينا إلا كل خير ، وننتظر يوم التجمع بكل شوق،
عسى ربي يسعدهم مع عيالي ويبارك لهم في ذرياتهم،
المقصد لمّا العيال يعيشون في بيت لحالهم، يكون الاحتكاك أقل ، والمشاكل أيّاً كانت شبه معدومه، لا قالت ولا قلت ولا سوّت ولا سوّيت ،،😂
أنا ما اتهم الكنات بالشر، لكن أنا بعد بَشَر ، والشيطان حاضر،يمكن يجيهم شي من صوبي، وأخسرهم وأخسر عيالي !!
ترى أغلب المشاكل مثل ما يقولون من مقصود لم يُفهم، أو مفهوم لم يُقصد.
ليش عاد أوصل ل هالمرحلة؟ نقصر الشر من الأول ونخليهم بعيد !!
وفي نقطة بعد أحب أوضحها، بنات هالوقت مو مثلنا، يسمعون الكلمة ويبلعونها، ويصبرون،،
بنات هالجيل غير ،إلا من رحم الله،
حنّا سمعنا نصايح أمهاتنا وحثنا على الصبر والتطنيش، ومشّي الأمور كأنك ما سمعتي،
لكن بعض بنات هالوقت، الله يهدينا وإياهم، يتبعون نصايح الدورات الهادمة، أنا وذاتي والطوفان من بعدي .

وبس، وسلامتك يا غالية .🤗

الله يسلمك ياابها من كل شر
ويخليلك عيالك ويوفقهم يارب ..كلامك عين العقل ..بس انا اشوف وحده من قرايبنا من يجونها حريم عيالها تعطل كل اشغالها وتجلس تقابلهم وتضيفهم الى ان يروحون ..مع انهم يجون من مدينه بعيده ويباتون عندها ..
و زوجات عيالها عسسسل وحبوبات
بس يمكن البعض مايمون على حريم عياله او يمكن مايبي العلاقة تمتد ..
شاكرة لك تجاوبك معي ..نرجع لروايتنا
البارت اليوم بلا احداث بس تعرفنا على عائلة عبداللطيف واخوانه ومشاعر كل واحد منهم

الا هالمضاوي كم مرة تجيها الدورة بالشهر ههههه .. كل ماطق عود حطت هالمناكير هههه

مازلت اقول ان الشخصية الي بتموت هو عبداللطيف والدليل انه رافض انه احد يتبرع له بجزء من الكبد الله يبعد عنا الشر ويشفي كل مريض يارب ..

طيف السموحه ياقلبي اليوم الفلاش ضايع وضاعت علومي معه ههه
.

مرحبا يا جميلات الليلة بأذن الله بينزل "الفصل السادس و العشرون "

كونوا با القرب


آرائكم تهمني