لا تلهكم الرواية عن الصلاة في وقتها

موعدنا القادم بأذن الله قريباً

تذكروني واحبابي بدعوه طيبه


(سبحانك اللهم وبحمدك، أشهد أن لا إله إلا أنت، أستغفرك اللهم، وأتوب إليك)

السلام عليكم ورحمة الله.🍃
تسلم يمينك طيف على الفصل الجميل،
جلسة سعاد مع حريم إخوانها والبنات ،،
حبيت تصويرك للجلسة العائلية، وحواراتهم وسرد الذكريات، تخليني أعيش جو كأني قاعدة معاهم وأسمع سوالفهم. 😍

حزّني عبداللطيف، وشلون كان يهرب من مشاكل بيت أهله بالسكر، وما لقى من يوجهه، وشلون كانت أمه وأخوانه يدفعونه دفع لطريق الانحراف.
ما أبرر له طبعاً،، والحرام يظل حرام، بس حسيت فعلاً بنعمة الأهل اللي على قلب بعض، والبيت اللي قوامه الدين والأخلاق ،،

الفصل هذا أظهر لنا جانب من شخصية لطيفة أخت عبداللطيف، وأنا كنت أظن كل العايلة من نفس الطينة، لكن الحمدلله طلع فيهم واحد عاقل، ويقول كلمة الحق،، حتى فالح رغم إنه في بداية أمره ماشي مع أمه، إلا إنه في النهاية أدرك خطأه، وساند عبداللطيف في رحلة توبته وعلاجه. وأتمنى إنه يستمر في دعمه لأنه ممكن في أي لحظة ينتكس ويرجع زي ما كان.

يا شين جخيدم الكبير بلّاع البيزة، صدق وجه بن فهرة، شين وقوات عين،،
يعني تلهف فلوس أخوك وحاسد عياله على سياراتهم، لا حمداً ولا شكوراً،
جليل الحيا،، لا بعد يقول لأخوه أزين بعد تطلقها!! 😡

( بيتي لي وعيالي لهم بيوتهم )
تدرين عاد يا طيف هاذي قناعتي اللي دايم أقولها،، وعندي بعض من خواتي يتعجبون شلون ما ارضى أسكّن عيالي المتزوجين معاي !!،،
أقولهم روح بعيد وارجع سالم،، وعساهم بعيدين وسعيدين 🤗
ووحدة من خواتي قالت لي ليتني سمعت نصيحتك ،،

بانتظارك باذن الله .🍃🌺🍃

السلام عليكم
يالبي قلبك ماتفقدين غالي بس هاليومين تعيبانه خبرك العجازة بدت تاخذ مجراها ههههههههههه
بعيدا عن الرواية ..اثرتي نقطه مهمه وحساسه وحابه اشوف ايش الرأي الصحيح
قلتي :
الرسميات بكل علاقاتك ما تجيب لك الا كل خير ..
هل تشوفين ان هالشي زين مع تعاملك مع زوجات عيالك ؟؟
لاني اشوف زمان بعض الامهات تعامل زوجة ابنها وكأنها بنتها ..
هل تتوقعين بهالزمن هالشي ماعاد فيه !!
او منطق امهات هالزمن يختلف عن اول وهو الي بنى الرسميات بين الام وزوجة ولدها !!