مرحبا يا جميلات الليلة بأذن الله بينزل "الفصل العشرون "
كونو با القرب

آرائكم تهمني

ههههههههههههههههههههههههههه
والله ردودك حمااااااااااس اكثر من الروايه هههههه الحين بيشتغل بالي وين المكاااان ؟؟

بفكر واطل بالفلاش كود ألقط منه شي قبل تاخذه ابها ههههههه
.

اللقاء بيكون بعد زواج بدر صح
السؤال الي يطرح نفسه
هل هو بنفس ليلة الزواج ؟
او بعده بأيام ؟

كونان لازم يجمع الادلة

يسعد مساكم طيف وبنات ليلاس الجميلات🌺

الله يسعدك يا قمر 😅
لا تبلشيني بفلاش طيف والله لا شفته ولا أعرف شلون قايل ،، 🤗
ماشاء الله عليك قايلة لكم من قبل، الشبيهتين تبارك الله عمالقة التوقعات ،، محد يتفوق عليكم 😉


شكرا طيف على الفصل الجميل،، والمحزن في نفس الوقت،،
حالة ثامر عويصة، وتقطع القلب، شوف وحرّ جوف
أربع أشهر مرت !! 😳
كثير والله على رجل طبيعي مقابل زوجته وصابر ،،
يا رجل تحرك، عطها نغزات ،، إشارة، تلميح،، تصريح ، أي شي
وهي تفهم إنك باغيها زوجة حلال بلال ،،
أوف والله رفع ضغطي 😖

مبروك ملكة خلود،، الله يشغلها بمازنها وتفك عن مضاوي وسيرة مضاوي.

رفعة،، وطلع سلطان مطلقك من قبل؟ وما تجوزين عن خبالك ؟
شكلك ناوية على هدام بيتك، وإنتي كل ساعة مسوية مصيبة.😏

سعاد،، بدأ العد التنازلي ،، الله يهون عليك ولادتك وتقومين بالسلامة،،
وبالرغم من توبة عبداللطيف،، إلا إنها من الداخل مجروحة ، ولا يمكن تنسى فعايله فيها
ولو طلع في الولد مشكلة صحية،، ما راح تسامحه أبد، وهي اللي راح تصر على الطلاق .

أذكر في سالفة سمعتها عن رجل ابتلي بشرب المسكر وعنده عيال،، زوجته صبرت مثل سعاد علشان عيالها
وربّت عيالها وتعبت عليهم، كانت تقوم بدور الأم والأب ، وهو لاهي بخرابيطه،
يوم وصل جميع عيالها المرحلة الثانوية والجامعية، طلبت الطلاق ،
قالت له الحمدلله عيالي كبروا ويقدرون يعتمدون على روحهم وأسستهم صح ومافي خوف عليهم ،،
الحين انتهى دوري ومع السلامة.
الله يكون بعون كل من ابتلي بمثل هذا الزوج .

الغرفة المغلقة ،، بداية نقض العهد 😂
قالتها القمر ،، وأنا معاها ،، والله يستر من المنغصات،
يمكن في أحد بيصعد فوق غير سعاد والشغالة ،،
الجد مثلاً 🫣

شكرا طيف ،، الله يسعدك مثل ما تسعدينا بروايتك.🍃🌺🍃