السلام عليكم
ياهلا بالحامل والمحمول ..اشوف وروني وش خميتوا من السوق انت والشيخه ..ادري فيكم ماتنسوني هههههه
برد على الجزء وارجع اشوف صوغتي ..

مضااوي ..وياعيني على مضاوي هي الي طاحت وماأحد سمى عليها .. خنت حيلي نامت وهي تنتظر اتصال منه ياحسرتي عليتس بس لو تدرين وش جالس يخطط ويقرر الذيب ماهوجستي فيه ..

احساسي ان ثامر بيقول قراره لمضاوي ..وبعدها بيندم وبيعض اصابعه ندم لانه ماسمع كلام بدر وتروا شوي واستخار
طبعا مضاوي اتوقع انها بتقابل قراره بالصمت ويمكن تنسحب من حياته بكل سهوله ..بس ماهو الانسحاب الابدي لااا بتنسحب وبتخطط عليه كيف ترد له الصاع .. ممكن بعد ماتخلص تطبيق تاخذ اجرة وتروح بيت جدها وهناك تتعذر ان ثامر جاه دورة لجدة مثلا وهي ماتقدر تروح لان وراها تطبيق ..بهالفترة ثامر راح يفقد ريحة البخور والترتيب ونظافه البيت والاهم ريحه الطبخ والقهوة بمعنى اصح راح يفقد الحياة بمجرد ما مضاوي تتركه وهنا بيعرف انه اجرم بحق نفسه قبل يجرم بحق مضاوي ..وبعد ماتروح السكره تجي الفكرة ..بيرجع له عقله ويفكر ان مجرد المقارنه بين مضاوي وامها كانت مقارنه ساذجه وهالشي شافه بعينه ... عموما لك الله ياثامر يالله يمديك تكتب قصيدة اعتذار او خطاب جزل علشان ترضى عليك ..

رفعة ... انت ماتخافين من الله .. ياالله كيف الغيرة تعمى .. ماقهرني الا شوق وامها عارفين سبب تغير ام طلال وساكتين . يأختي روحي واجلديها او اشكيها للجد كود يفيد فيها مع اني ادري هالنوع من الحريم مايفيد فيها الا ان زوجها يهددها بالطلاق او بالزواج عليها لو ماكفت شرها عن الناس ..اعوذ بالله ..جعلنا مانشوف هالعينه بحياتنا يارب

سعاد ..الحين كيف البدر لاحظ كبر بطنك وهو رجال ماله بهالامور .. والبنات وحريم اخوانك الي تشوف النمل ببيته مالاحظوا حملك ؟؟

طيووفه تسلم يمينك ياعساها محرمة عن النار ياارب .. جزء جميييل ويشووق للي بعده وننتظر الحرب بين ثامر ومضاوي ..
تذكرت مضاوي اختارت تخصص عيون لانها كانت تحلم انها تعالج عين ابوها .. او كانت كل ماشافت صورته تتمنى انها دكتورة عيون وتعالجه ..واحساسي انها بتعالج عين احد من العائلة ماكان طايقها وعقبها بتتغير نظرته لها ..او يمكن ثامر ..
بس تخصصها في العيون ماراح يكون هباء ..خاصه انها ورثت هالشي من اهل امهم لان كلهم مهندسين ودكاترة ..
وسالفة معرفة مضاوي بدراسة ثامر يمكن تعرفها من البنات او من سعاد بيوم العزيمه
...
عموماا ننتظر ملاس طييف وش بيطلع لنا من القدر هههههه.
.
.

اكثر شي متحمسة له
هو لحظة معرفة مضاوي لدراسة ثامر من ثامر نفسه ممكن تنط من الفرحه وتخمه وتبكي فرح له
او ان عرفت من غيره اتوقع بتشيل بخاطرها وتزعل لانه استغفلها وجاراها بسالفه التسجيل
.

ننتظر الجزء القادم بكل شوووق وترقب لاتتأخرين علينا طيوووف .