الله يسعدك يا طيف ،،
فصل جميل ورائع كروعة روحك.

يُفترض في هذي الليلة تكون الأم مرافقة للعروس بكل خطواتها وترتيبها،
والأكيد إن غيابها،، راح يحز بخاطر عروستنا،، ويحسسها باليتم وإن زواجها غير عن باقي البنات ، والأكثر منه غياب الجدة.
بس العمات وبناتهم ما شاء الله عليهم بيضوها وما قصروا،،
ورغم إن الحفل بسيط ومحفوف،، إلا إنه بيترك أثر جميل في نفس مضاوي، وما راح تنسى وقفتهم معاها ..

الجد له نظرة بعيدة لما شرط الدراسة والوظيفة،
ما حب يكسر بخاطر مضاوي ، وعلشان لا يجي يوم وواحد يلومه، ويتهمه بالتقصير.

شروق،، الله يستر وضعك ما يسرّ،،
أتمنى يكون شي بسيط وتنحل أموركم .

ليش أحس إن اللي ورى الباب مفاجأة ! 😁

بانتظار اللقاء بين مضاوي وثامر .
شكراً طيف .🍃🌷🍃

السلام عليكم

اعتبر هالجزء الهدوء مابعد العاصفه
مضاوي هدوئها واستسلامها بيجي وراه شي كايد الله يستر عليك ياثامر لاتفجر فيك وتخليك لامقيد ولامفكوك هههه

ثامر كل كلامك ووعودك مردودة عليك خاصه لما تعرف ان الجد هو الي شرط الوظيفه والدراسه وياخوفي تشيل بخاطرك على الجد من هالتصرف ..

سعاد كم عيالها ؟ معقوله نقل لها زوجها مرض معين ومن بعدها خذت مانع واكتفت بعيالها الي عندها ؟؟ لان عندي احساس ان عبداللطيف مسوي مصيبة طالت سعاد وعيالها

شوق وطلال ..يافتاح ياعليم . تونا بالحمد وش فيكم شادينها من اول اسبوع ..ريلااااكس ياحلوين ..شكل طلال اما شكاك او غيووور ويمكن من حبه لشوق مو قادر يسيطر على طبعه ..

طيييف تسلم يدك ننتظر العاصفه القادمة واتوقع اول العاصفه هو دخول هيام للساحه من جديد واحتمال هي الي عند الباب ..
بس ان كانت هي فبيكون هذا اول واخر ظهور لها لان مضاوي هي الي راح تغسل شراعها هالمرة وبتحط قهر السنين وقهرها من ثامر فيها
اتمنى صراحه ماتكون هيام هي الي عند الباب مو حب فيها لا والله ..بس لاني راحمه هاليتيمه حتى بليلة العمر منكدين عليها ..
.
.
.