رواية زئير النمر لا يقتل الفريسه..للكاتبة ( شغف)..

مبدعه كعادتك حبيبتي شغف سلمت اناملك الذهبيه استمري اكيد نتظر على احر من الجمر 😍😍😍😍😍

بداية مشوقة للرواية أرجو منكِ الاستمرار.
رواية ريح المطر رائعة و أتمنى أن تكون هذي الرواية أروع.
في انتظار بقية الفصول.

رواية مشوقة و أسلوب سلس و نرجو منك الإستمرار و بالتوفيق إن شاء الله

يسعد صباحكم..كيفكم حبايبي.. شكراً على كلامكم الرائع وتشجيعكم..مستمره معكم باذن الله..ولكن خلونا نتفق على موعد تنزيل البارتات؟؟..اختارو يومين بالاسبوع انزل لكم بكل يوم تختارونه بارت طويل وعميق بالاحداث..لان الرواية والله غامضه جداً ويبي لها روقان😉..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

~\البارت الثاني/~

(ادعو لوالدي برحمه والمغفره)..

شيخه بذات الخبث المتقصد/ايه ضيوف نمر بنات عمي صايب..

سلطانه بصدمة كاسحة/بنات صايب بيجون بيتي وانا اخر من يعلم؟؟..

الجدة نشميه توقف بحزم شديد/بنات صايب حالهن من حال غيرهن بس تعوذي من الشيطان وستقبيلهم لا تفتحين لناس عليك باب..

سلطانه بحزم اشد/حالهن من حال غيرهن عندي وعندك لكن عند نمر لا..

الجدة نشميه تنهى النقاش فالوقت ليسا مناسب للمناقشه لذالك خفتت بتهدئة/والله ان نمر مادرا عنهن و اذا للي قدر عندك يا عمتك تستقبلين الضيوف لا تفشليني وتفشلين نفسك..

شيخه التي تجلس تشاهد مايحدث بسعاده هتفت لسلطانه بتقصد كي تغيظها/ماتدرين نمر وين طبخ ذبيحة ضيوفه بي مطعم؟؟..

سلطانه عطتها نظره محتقره ثم اتجهت لدرج وهي تهتف بثقه/ابي البس ياعمه وانزل عشانك انتي بس..

المجلس الخارجي..

نمر حينما راء معاذ يدخل سال بحزم/هلا معاذ جبت امي؟؟..

معاذ جلس وهو يرص على اسنانه بتماسك/عمي بسالك خالتي سلطانه عندها خبر بالعشا وبضيوف؟؟..

نمر هز كتفيه بجمود/مادري عنها..

معاذ مازال يحاول التماسك/كيف ماتدري عنها من حقها تعرف من بيستقبل ضيوفك عمي اللي سويته غلط..

نمر قدم جزئه العلويه وهو ينحره بغضب/انا عمك يا الهيس وانا من كبرتك وعلمتك الصح من الغلط جاي الحين تقول اللي سويته غلط؟؟..

معاذ تنهد بعمق/طيب وش يبي يضرك لو علمتها الحين من بيستقبل الضيوف وهي زعلانه؟..

نمر صمت ثواني ثم سال بتوجس/وينها خالتك الحين؟..

معاذ تنهد بطولة بال/بغرفتها تقول خل الخدم يستقبلون ضيوفه..

نمر عاد للجمود/امي وشيخه موجودات يقومون بواجب ضيوفي..
————————————————————
مابين المغرب والعشا..

عند النساء..

من بعد استقبال بنات صايب وضيافتهم بالقهوه والحلا وتبادل السوال عن الاخبار و الاحوال..

الجدة نشميه تنظر فيهم بتفحص/يا سبحان الله يالدنيا ماتغيرتي يا بدريه من وانتي بشبابك..

بدريه تضحك بلطف/الحمدلله اهم شي ما كبرت..

الجدة نشميه تنظر في الثانيه بذات التفحص/بدور اللي تغيرت يوم رحلتم للجنوب كانت جذعه الحين يا ذكر عنها..

شيخه خفتت بنبرتها المتقصدة المعتاده/اكيد تبي تغير علينا بينا وبينهم حول عشر سنين..

بدور وجهت كلامها للجدة نشميه بحرج/والله يا عمه بكل سنه افكر اجيك وسلم عليك لكن الظروف ماتسمح للي..

الجدة نشميه هتفت بعتاب/والله اني شرهانه عليكن بيني وبين امكن وابوكن عيش وملح للي حق تجون وتسلمون علي..

بدريه تعتذر بتقدير/اي بالله ان لك حق لكن الاديار ماهي قريبه والرجال ماهي على كيفنا..

الجدة نشميه سالت باهتمام/ما تعالجتي يا بدور عشان الحمل؟؟..

بدور تنهدت بوجع/ماخليت شي لكن مالله اراد..

بدريه هتفت بنبرة مدروسه/العيب من رجلها ماهو منها تعبت وهي تطلبه يتعالج بس هو مايبي لين انفصلت عنه..

نشميه انتفضت بجزع/تطلقت ليش يامك الطلاق ابغض الحلال عند الله؟؟..

بدور بذات الهدو/هذا المكتوب مانقدر نعترض عليه..

عزيزة كانت مركزه على كل كلمه تدور بينهما مالت لسلطانه وخفتت لها بغبنه/سمعتيها تقول مطلقه؟..

سلطانه بذات الخفوت/واذا هي تطلقت وش علينا منها؟؟..

عزيزة زفرت بغبنه اعمق/خبله انتي تحسبين انهن طاقات كل هالطريق عشان يسلمن على عمتي لا يا قلبي ناويات على نيه..

سلطانه قطبت جبينها/مافهمت وش قصدك؟؟..

عزيزة بمكر نسائي/الله اعلم انهن يبن نمر واضح من كلامهن..

سلطانه ارتعشت رغماً عنها/نمر؟؟..

عزيزة زفرت بتوعد/اي مخططات و خالصان لكن والله مايطولنه وراسي يشم الهوا..

سلطانه صمتت وعينيها تراقب بدور بتفحص لا تعلم لماذا شعرت بدوران شديد وغثيان اشد من الصدمة!!.

لم يخطر في بالها يوماً بان نمر يتزوج عليها ينام في حضن من بعد هجر حضنها يقبل خد من بعد خدها؟

لم تتقبل ذالك حتى في اشد كوابيسها اطلقت تنهيده موجعه عميقه في داخلها اخفتها عن الجميع..

بدريه في كل ثانيه كانت تخطف النظر لسلطانه لم تتوقع جمالها بهذا المستوى والانوثة الطاغيه؟..

تبحث عن عيبا واحد في ملامحها ام جسدها لم تلقاه لتشعر بدريه بالم والحزن وحنين لشقيقتها المتوفيه..

مافي ذرة مقارنه بين البندري وبين سلطانه مختلفات في كل شي الجمال الشخصيه الثقافه الاناقه..

البندري متوسطة الجمال شخصيتها هادئ مسالمه مستواها الدراسي جامعه معدل نازل ذوقها هادئ..

سلطانه مثقلة بالجمال شخصيتها قويه وشامخه مستواها الدراسي قانون مرتبة شرف ذوقها راقي..

كل هذي المقارنه جعلت في روح بدريه غصه حتى انها تمنت لم ترا زوجة نمر الذي خذت مكان شقيقتها..

فهي من بعد وفاة والدها والبندري في حادث رحلت هي و والدتها وشقيقتها بدور للجنوب عند خوالها..

بعد سنه توفت والدتها بعد سنتين من وفاتها سمعت بان نمر تزوج ولتو تعود من بعد هاذي السنين الطويله
————————————————————-
بمجلس الرجال..

محمد يميل على نمر بتسال خافت/الجذعان هذول عيال بنت عمك؟؟..

نمر يرد بذات الخفوت/ايه هذا عيال بدريه الكبيره واللي معهم ابوهم علي..

محمد يركز انظاره في علي وابنائه واحد في سن السابعة عشر والثاني سن الخامسة عشر..

ثم خفت لنمر بذات التسال/طيب وزوج الثانيه بنت عمك وينه ماجا معهم؟؟..

نمر بحزم هادئ/مادري والله المهم اني سمعت علي يقول جبت مرتي واختها يسلمن على الوالده..

معاذ ينظر في شهاب الذي سرحان في عالم اخر همس له باهتمام/علامك اليوم مانت على بعضك؟؟..

شهاب همس بضيق/منغث شوي..

معاذ عقد حاجبيه المرسومه/افا وش غاثك؟..

شهاب بذات الضيق/يا رجال عالم الشهره متعب طلعت قبل شوي اخلص شغله الا تنشب للي بنت شوي و تجلس بحضني لعنبو شكلها ما بوجها حيا..

معاذ ناظره من تحت اهدابه/خف علينا يا ثقيل خابرك مغازلجي وش غيرك؟؟..

شهاب زفر بحده/بس مو قدام الناس اخاف احد يمسك علي صوره مقطع وانا بمكان عام..

معاذ خفت بسخرية/بسراحه انت واحد بليد اهم شي ما حد يمسك عليك شي لو كنت مكان خاص تقبلها؟؟..

شهاب ابتسم بخبث/والله ماطوفها لعيش معها ليلة رومانسيه..

معاذ هتف بياس/الله يعين اللي بتاخذك زير بنات..

شهاب ضع رجل على رجل بغرور/ومن قال اني افكر بزواج اصلاً ماوراه الا وجع الراس..

معاذ رفع حاجبيه بتعجب/بتجلس طول عمرك عزابي؟؟..

شهاب هتف بثقه/ايه عادي المره ما ترفعني مكانه ولا تزيدني عمر ليش ابتلش فيها..

معاذ صدم من تفكيرة/والله ان تفكيرك غريب اجل العيال منين يجون يا الحبيب؟..

شهاب بثقه اعمق/مابي عيال عاجبتني حياتي كذا مسؤل عن نفسي فقط..

معاذ زفر بثبات/تقوله الحين بس بعد مايروح عمرك تعرف ان تفكيرك ماهو صحيح..

شهاب همس بحزم/خلك مني انت طيب ماتفكر تعرس؟..

معاذ بثقه حازمه/حالياً لا لين اخذ ثار ابوي ذاك الساعه تزوجت على خير..

شهاب ببتسامة ماكره/الله يعين اللي بتاخذك نفسيه غامض طبق الاصل من عمك نمر..
————————————————————
بعد الانتهاء من العزيمه شهاب يوصل والدته للبيت وهو يهتف بحزم/ترا يمكن انام برا اليله لا تنتظريني..

شيخه تنظر به باهتمام/يامك انت علامك ماتمسك ارضك بعرف وين تنام انت؟؟..

شهاب بذات الحزم/وين انام يعني بالمنتجع عند معاذ نلعب كوره لا تعبت نمت اعجز عن رجعة البيت..

شيخه بهتمام اعمق/معاذ ينام معك؟؟..

شهاب هز راسه بايه وهو ينزل شماغه من على راسه ليحرر شعره الكثيف ويمده لشهد التي تجلس بالمقعد الخلفي/شهوده خذي شماغي حطيها بغرفتي..

شهد مدة يدها وخذتها هتفت بتردد/طيب بقول لك شي..

شهاب استدار ناظر بها/الا هو؟؟..

شهد اشرت على والدتها بمعنى حتى تنزل ابتسم شهاب وعاد ينظر في شيخه الذي مشغولة تظهر مفتاح البيت من الشنطه..

ثم فتحت باب السياره وهي تهتف بتوصيه/المهم بكرا مر على امي بيت نمر سلم عليها قبل ترجع لديرة تراها متضايقه منك..

شهاب يسايرها/ان شاءالله..

من دخلت شيخه البيت خفتت شهد له/شهاب استاذة منى تسلم عليك وتقول انها بتفتح مشروع محتاجه دعمك..

شهاب التفت لها بتسال/وشو مشروعها؟؟..

شهد هزت كتفيها/والله مادري بس هي قالت مشروع بسيط..

شهاب سال بخبث/عاد استاذة منى مزيونه تستاهل الدعم ولا؟؟..

شهد ضحكت برائه/اي والله تهبل..

شهاب ابتسم بمكر/خلاص قولي لها تم بس جيبي رقمها اول عشان اقدر انسق معها..

شهد تفتح الباب كي تنزل/حاظر بكرا اقول لها..
—————————————————————
يعود نمر للقصر من بعد مغادرة ضيوفه كانا بالفعل مرهق لكنه اتجه غرفة والدته ليسلم عليها قبل النوم.

طرق الباب بخفه ودخل هتف بحذر/لا تكونين نايمه و ازعجتك؟..

الجدة نشميه كانت جالسه على سريرها وبيدها المسباح ناظرت به بحزم/تعال ماني نايمه..

نمر اقترب قبل راسها وجلس جوارها على السرير هتف باهتمام/شلونك عسى ما تعبتي من الطريق؟..

الجدة نشميه تنهد ذات الحزم/طيبه الحمدلله مامن تعب بس عاد خلاص من غير شر لو يجيكم وزير لا تتصلون علي خلوني بديرتي..

نمر ابتسم بثقل/ما لنا غنى عنك حظورك عندنا مهم..

نشميه تركز عيناها بعيناه ثم خفتت بتقصد/لا ماهو مهم مدام البيت فيه مره هي من تقوم فيك وبضيوفك..

نمر لم يفته تلك النظرات و النغزات المقصودة ومع ذالك هتف بتحكم/انتي الاساس المره وجودها وعدمه واحد..

نشميه زفرت بغيظ/كلامك ماهو صحيح اللي سويته يا نمر عيب تعزم الجميع على عشا واللي بيتك اخر من يعلم؟..

نمر كتم غضبه/انا مايطلع مني العيب يومه واذا هي اخر من علمت وش صار يعني؟؟..

نشميه بحزم خافت/صار انها زعلت وما كانت تبي تستقبل بنات صايب الا لين انا ضغطت عليها انت بتموت لو علمتها؟؟..

نمر نهض واقف كي نهى النقاش/ماحد يموت قبل يومه وماهو مهم تستقبل ضيوفي انتي تكفين وتوفين..

نشميه تنظر به بوجع لا يخلو من الاياس/يا وليدي لا تظلم نفسك وتظلم المره معك حتى الله قال(فأمسكوهن بمعروف أو سرحوهن بمعروف ولا تمسكوهن ضرارا لتعتدوا ومن يفعل ذلك فقد ظلم نفسه)..

نمر اتجه الباب بجمود/تصبحين على خير..

رقى الدرج بخطوات ثقيله وهو يشعر بصداع شديد من وصل الطابق الثاني كانت شروق وغروب باستقباله

كل وحده تحضن ساقه واحده نمر نزل لمستوى طفولتهما جلس ليقبل كل وحده مع خدها بحنو..

على قسوته و جبروته وسلطته الا انه مع بناته اب حنون بمعنى الكلمه مهتم وحريص جداً عليهما..

شروق تعدل عقاله من على راسه بكفها الصغير/بابا اشتقت لك..

نمر ابتسم بحنو خالص/وانا اكثر ياروح بابا اشتقت لك انتي وغروب..

غروب تقبل خده/بس انا اكثر وحده مشتاقه لك..

نمر ينظر في عينيها الواسعه بذات الحنو/طيب نروح غرفتي ونسولف شوي قبل النوم..

نهض واقف امسك كف شروق بكفه الايمن وكف غروب بكفه الايسر وهو يخطي متجه غرفته..

تلك الحضه تماماً كانت سلطانه خارجه من غرفتها لاول مره تخرج بجامتها الحرير بالون التركوازي..

امواج شعرها الاسود متناثر على متونها بنعومه ملامحها خاليه من الزينه بشرتها تلمع بصفا وتوريد..

كانت تنادي برقة قبل ان تنتبه لوجود نمر/شروق غروب يلا ماما جا وقت النوم..

وقفت مكانها من رات نمر ناظر بها ثم صد بسرعه لتعود غرفتها فوراً وقلبها يعتصر بالالم والحسره..

حينما تتذكر كلام عزيزة الذي اثارت غيرتها و جرحتها لتشعر بالالم والحرقه غمرت روحها حتى فاضت..

نمر اكمل طريقه لغرفته بصمت غريب حتى انه لم يركز على حديث شروق وغروب الطفولي..
—————————————————————
يوم جديد..

الساعه العاشرة صباحاً..

كانت تصرخ بانفعال حاد/نعم ليش جايبها بيتي طلعها برا لا طلع بروحك وروحها..

راشد يخفت لها برجا/تكفين عزيزة قصري صوتك البنت تعبانه من وفاة امها مالها احد بدنيا غيري..

عزيزة ترتعش بالغضب/اقلعها دار الايتام ماني مكفوله فيها..

راشد برجا اعمق/اصبري عليها بس كم يوم لين ازوجها وفكك منها..

عزيزة تنظره بحده/ومن يبي يتزوجها؟؟..

راشد يسايرها كي يسلم من شرها/واحد من الجماعه بس ينتظر لين تنسى امها وياخذها..

عزيزة تزفر عليه/ومتى تبي تنسى امها شهر سنه؟؟..

راشد تنهد بطولة بال/لا سبوع سبوعين با الكثير..

عزيزة صدت وجها ليقترب راشد ويقبل خدها ويهمس برجا اعمق/عشان خاطري خليها عندنا سبوع بس..

عزيزة زفرت بتوعد/طيب بخليها سبوع عشانك لكن والله ان ماتزوجت خلال هالاسبوع لاشوتها برجلي مثل الكوره تفهم؟..

راشد ابتسم بصعوبه/افهم يا حبيبتي الله يطول عمرك..

عزيزة تجاوزه متجهه الصاله/بروح اشوف خشت بنتك ازين هي ولا خشتك..

راشد يراقبها وهي موجهته ظهرها ليرفع كفه ويكش عليها همس بغبنه/مالت عليك والله لولا فلوسك ما تجلسين بذمتي ساعه..

عزيزة تقترب للفتاه الذي جالسه محتضنه عباتها وعينيها من تحت النقاب ذابله من شدت البكا..

عزيزة تجلس وعيناها ترتكز بعيني الفتاه الواسعه واهدابها طويله كثيفه متراصه في بعضهما..

لفت انتباها العدسه لامعه كنجوم بالون الرمادي الغامق عزيزة نزلت نظرها في كفيها الصغيرتان..

مشبكات في بعضهما بتوتر جلدها شفاف كالقطن سحرتها رغماً عنها فتاه على هيئة ايسكريم حقاً..

عزيزة هتفت بفضول/ارفعي نقابك مافي احد..

الفتاه نظرت بها بتردد ثم رفعت نقابها لترتمي الشيله على متنها و تساقط خصل من حراير شعرها البندقي.

حينـــــــــها عزيزة فتحت فهما بدهشة رات فتاة مذهـــــــــله مذهله مذهله بمعنى الكلمه!!..

الفتاه وجها مستدير ذقنها منحدر للامام شفتيها صغيرتان ممتلئتان كالكرز انفها منحوت عينيها رماديه

جبينها القصير محدد لون شعرها بندقي ناعم شديد النعومه كالحرير تعابير وجها ونظراتها معــــجزة!!..

عزيزة هتفت من غير لا تشعر/انتي بنت وصايف؟..

الفتاة قطبت/ايه ليش؟..

عزيزة قتلتها الغيره/وجها مثل وجهك؟..

الفتاة تنظر بها باستغراب/مافهمت؟؟..

راشد يقترب ليفهم على عزيزة هتف باختناق/لا ماهي مثلها ارتاحي..

عزيزة التفتت له عطته نظرة توعد وعادة تنظر الفتاة بتفحص لا تريد ان تفتها لمحه من تفاصيلها؟..

الفتاه تنظر والدها بعلامات تسال راشد جلس بتوتر وهو يلطف الجو/اعرفك على زوجتي الغاليه عزيزة..

ثم ناظر في عزيزة الذي مازالت تفحص ابنته ردف بهدو/بنتي دانه..

عزيزة بزفرة مرعبه/اعرف اسمها ما يحتاج تعرفني عليها..

راشد صمت وهو ينظر في دانه الذي تنظر لهما بغرابه لم ترتاح لنظرات عزيزة وتعاملها الغريب مع والدها؟..
————————————————————-
بسطة الديره..

الظبي واقفه جوار جدها وعباتها العريضه على راسها لكنها لم تخفي جمال طولها ورزتها رغم صغر سنها..

شداد يخفت لها بحرص/ترا سعر الحوير حول الثلاث والخمس ميه لا يكسرون سعره..

الظبي بذات الخفوت/افا عليك اذا ماخذ فوق حقه ما بعته..

شداد ابتسم بفخر/كفو كفو بنيتي..

اقترب رجل متوسط العمر/كم الحوير يا عم؟؟..

شداد اشر على الظبي بحزم/عندها ماهو عندي..

الرجل تفاجئ بالفعل/ماشاءالله بنت وتبيع بالابل؟..

شداد ابتسم بفخر/حلالها وهي حره فيه..

الرجل يسالها/بكم الحوير؟؟..

الظبي بحزم رقيق/اربع الاف..

الرجل خفت برفض/ماهو حقه لا تقطعين رزقك..

الظبي هتفت بثقه/هذا سعره تبيه خذه ماتبيه يجي رزقه..

الرجل ناظر بها/الله يرزقك باخذ لفه بسوق وعود عليكم..

شداد هتف له بحزم/خذ راحتك يابوك..

وقف شاب بعمر الثلاثين يلمس الحوير بتفحص ثم ناظر في شداد بتسال/كم البيع يا عم؟..

شداد اشر على الظبي كذالك/عندها ماهو عندي..

الشاب وجهه نظره لها/كم تبين فيه؟؟..

الظبي بذات رقتها/اربع الاف..

الشاب قطب ثواني/كنك مغليته؟..

الظبي اجابته بثقة/مغليه ربه تبيه خذه ماتبيه يجي رزقه..

الشاب مركز انظاره بها لم يخفي جمالها الواضح وجمال نبرة صوتها الرقيقه التي تذيب الصخر..

هتف محاول وهو ياشر على شداد/نزلي للي من سعره عشان هالحيه الغانمه؟..

الظبي هتفت باصرار بذات نبرتها الرقيقه/هذا سعره ولا ني منزله منه شي كان تبيه خذه وكان ماتبيه دور اقل منه..

الشاب زفر بداخله بهيام(هاذي تكلم ولا تغرد؟)..

هتف من غير لا يشعر/الا بالله ابيه لو تطلبين فيه خمس الاف..

الظبي ناظرت جدها بصدمه شداد زفر بغضب/توكل على الله ماحنا با يعينك لو تعطينا فيه عشر الاف..

الشاب اقترب وقبل راسه خفت له معتذر/يشهد الله نيتي شريف وانا طالبك طلبه لتقول تم..

شداد عقد حاجبيه بذات الغضب/مالك طلب عندي امش بس امش..

الشاب امسك لحيته بانامله السبابه والابهام وعاده لشفتيه وقبلها/انا طالبك ياعمي لا تردين قل تم..

شداد هتف بحذر/اذا تبي الحوير تم عزالله جاك هديه ما وراها جزيه..

الشاب بنفاذ صبر/لا بالله ابي راعية الحوير على سنه الله ورسوله تراي رجال معروف وعطيك اسمي اسال عني بين العربان..

ظبي شعرت بحرج شديد خطبه وبسطه يا الله لو علمت ذالك سيحدث لجلست بالبيت استر لها..

شداد صمت ثم هتف بحزم هادئ/تعال للبيت وعلمني باسمك كامل ويكون من الله خير..

الشاب اظهر هاتفه من مخباه/عطني رقمك والعصر وانا عندك..

شداد ناظر في الظبي بعفويه/عطيه رقمي..

الظبي ناظرت جدها بنظرات زعل ثم شاحت وجها بصمت الشاب كان يـــــذوب بكل حركه تفعلها..

شداد اظهر هاتفه من مخباه هتف بحزم/خذ يابوك حط رقمك وتصل عليك من جوالي..

الشاب طبع رقمه ثم عاد لشداد هاتفه و قبل راسه بتقدير/الله يطول بعمرك والحين بشتري منك الحوير..

الظبي زفرت بغيظ/هونا ماهو للبيع..

الشاب ضحك رغماً عنه/طيب مع السلامه..

الظبي من راته يبتعد هتفت لجدها بعتاب/ليش تعطيه رقمك هاذي الاشكال ماتستحي..

شداد بحزم هادئ/ماسوى شين غلط يبيك بالحلال..

الظبي انفجرت بذات الغيظ/اللي يبي بالحلال يمشي ويخطب بنات الناس بالبسطة؟؟..

قطع حديثهما الرجل الاول وهو يهتف باسم/لفيت السوق ورجعت لكم كم اخر شي تبين بالحوير..

الظبي تنهدت بضيق/خذه بثلاث الاف وخمس ميه..

الرجل اتسعت ابتسامته/زين ان الله هداك ونزلتي للي يلا على بركة الله شرينا..
—————————————————————
قصر النمر بن فخر..

سلطانه هتفت بحزم رقيق/غلط ماما حلك للواجب شروق لازم تعيدين صح..

شروق قطبت برائه/حاولت بس كل ما احل غلط..

سلطانه سالت باهتمام/ليش ما حظرتي الحصه مع الاستاذة؟..

شروق زفرت بضيق/الا حظرت بس نسيت ماما ساعديني..

سلطانه تنهدت بطولة بال/تعالي يلا اساعدك..

معاذ دخل فهو معه نسخة من مفتاح الباب اقترب لهما/مساءالخير..

سلطانه هتفت بمودة/مساء النور حي الله معاذ..

معاذ انحنى وقبل خد شروق ثم جلس جوارها هتف بمودة حازمه/شلونك شروق شلون المدرسه معك؟..

شروق اجابته وعيناها على الكتاب/طيبه الحمدلله..

سلطانه سالت باهتمام/غريبه اليوم سبت شعندك صاحي خبري فيك اجازه تنام وترتاح؟..

معاذ شد له نفس عميق/جيت بتغدا مع عمي نمر..

سلطانه قطبت باستغراب/هو عازمك؟؟..

معاذ يريح ظهره بثبات/لا انا اللي عزمت نفسي..

سلطانه تضحك بعذوبة/الله يحيك البيت بيتك..

معاذ تنهد بضيق/الله يبقيك..

سلطانه خفتت بتوجس/علامك متضايق بينك وبين امك شي؟؟..

معاذ اجابها بغموض/لا..

سلطانه باصرار حازم/قل يا معاذ وش فيك وجهك واضح عليه الضيقه لا تكتم بقلبك؟؟..

معاذ زفر بقهر/طلعت من المنتجع ورحت للبيت بتغدا معها الا تقول للي ان راشد جايب بنته تسكن بيتنا؟..

سلطانه اتسعت عيناها صدمة/بنت راشد مخليته امك تسكن عندها بالبيت غريبه؟..

معاذ يعضض شفتيه بقهر اعمق/من تزوجت هالراشد وانا مو مرتاح بس هي ماتفهم ما ادري وش لاقيه فيه يمين بالله لو ماني خايف على صحتها لا خليه يطلقها من ورا خشمه..

سلطانه زفرت بتنبيه/انتبه معاذ تسوي كذا لا تنسى ان امك مريضة قلب وماتحمل..

معاذ يجاول يسيطر على غضبه/هذا اللي مربط يديني من سنين انها مريضه..

انفتح الباب ودخل نمر بهيبه المميزه لتقفز شروق من جوار والدتها وتركض له ضمته وقبلت خده..

نمر قبلها ومن ثم مسك كفها وتقدم/سلام عليكم..

معاذ وسلطانه بصوت واحد/عليكم السلام..

معاذ اشر له ان يجلس/تعال من اليوم انتظرك في موضوع مهم ابيك فيه..

نمر جلس على الاريكه المنفرده مقابل لهما عدل نسفة شماغه/عسى خير شعندك؟..

معاذ بحزم هادئ/عندي مناقصه بشركه وابي استشيرك فيها..

بدا معاذ يستشيره في مواضيع الشركه والمناقصات
و نمر يصحح بعض الاخطا فهو خبرة بذالك الامور..

سلطانه كانت تحاول تشغل نظرها وعقلها في حل واجب شروق لتعود تنظر بنمر من غير لا تشعر..

تعجبها شخصيته العمليه ذكي مثقف واثق ناجح عكس شخصيته الزوجيه ظالم قاسي بارد فـــــاشل
————————————————————-
الساعة العاشرة ليلاً..

كانت تجلس على السرير وهي مستوحشة حقاً تنظر اركان الغرفه سكن غريب ناس غريبه عالم غريب؟؟..

نزلت دمعة يتيمه على خدها من ذكرى وفاة والدتها تمنى لو ترجع السنين لورا كي تنام في حضنها بامان..

نزلت عينيها تنظر بجامتها الزهريه منذا الامس عليها لم تغيرها فهي من اتت بيت عزيزة لم تملك غيرات؟..

من الصباح تطلب راشد تروح لشقة والدتها كي تحظر شنطة ملابسها لكن رفض بشدة لايريدها تروح الشقة.

من بعد وفاة والدتها لانه يعلم بانها ستنهار بسبب الذكريات الجميله التي قضتها بقربها وبين احضانها..

انفتح الباب بقوه ودرعمت عزيزة زفرت بحده/شنطتك تحت انزلي خذيها..

دانه قطبت جبينها/طيب الخدم ليش ما يطلعونها ماقدر اشيلها..

عزيزة زفرت بحقد/شالك ربك الخدم ماهو فاضين لك قومي اخدمي نفسك بنفسك..

دانه وقفت وهي تزفر بعصبيه/اول شي ثمني كلامك ثاني شي ماني بحاجتك انتي و خدمك ابوي يجي ويطلعها للي..

عزيزة وقف شعر راسها من الصدمة/وطويلة لسان بعد هيه انا عزيزة ماحد يرفع صوته علي تفهمين..

دانه مالت جسدها وتخصرت/والله عاد من طق الباب جاه الجواب..

عزيزة فار دمها بالفعل/طقو راسك يا قليلة الادب بتسكرين فمك ولا ارميك بشارع؟..

دانه بطولة لسان/ودي انك ترميني عشان ابوي يعصب ويطلقك ونفتك منك..

عزيزة تصرخ بجنون/انتي تبين اذبحك؟؟..

دخل راشد برعب وهو يشدها قبل تهجم/علامك يا مره انهبلتي؟..

عزيزة تدفعه بغضب/قص لسان بنتك ولا بقصه انا..

راشد ناظر دانه بتوعد ثم هتف لعزيزة مهدئ/ابشري ابشري بس انتي اهدي العصبيه ماهي زينه لك..

عزيزة تبتعد لغرفتها وهي مازات تفور وتشتم براشد و ابنته بعبارات قذرة..

راشد خفت من بين اسنانه/انتي ماتبين تعقلين ما قلت لك لسانك قصريه؟؟..

دانه بزفرة/مرتك مجنونه مادري وش مصبرك عليها..

راشد مازال يخفت/ما جبتي شي جديد ادري انها مجنونه من زمان لكن انتي يابوك اعقلي وتركي المشاكل عنك..

دانه زفرت بحده/كيف تبيني اعقل وانت جايبني عند هاذي؟..

راشد زفر بعصبيه/ترا ماني فاضي المشاكل عند اشيا اهم منك ومنها..

دانه ترفع حاجبها بتقصد/وش الاهم ليكون بتحطني بدار الايتام على قولة مرتك؟..

راشد انتفض بشدة/تخسي مرتي احط بنتي بدار الايتام ماعليك منها ومن كلامها..

دانه انفجرت بقهر/زوجتك انسانه ماتخاف ربها عسى ولدها يرميها بدار العجزا عشان تعرف ان الله حق..

راشد ضع كفيه على راسه وهو ينظر الباب تهيا له بانها تسمع/اسكتي لا تسمعك تقعد تصايح على روسنا..

دانه تجلس على السرير برود/ابي شنطة ملابسي تحت جيبها ماقدر اشيلها..

راشد اتجه الباب/طيب طيب..
————————————————————-
يوم جديد..

الظبي تزفر برفض قاطع/قلت مو موافقه الزواج ماهو غصب..

شداد يحاول يقنعها/يابنيتي الرجال مايعيبه شي سالت عنه يمدحونه و مدرس شاريك باللي تطلبين..

الظبي بذات الرفض القاطع/لو يسوق الذهب والفلوس مابيه..

الجدة نشميه كانت جالسه وتسمتع لهما بصمت حتى نفذ صبرها/وش فيك ماتبين العرس؟..

الظبي زفرت بوجع/انا ماقلت مابي العرس انا قلت الرجال هذا مابيه..

الجدة نشميه بعدم اقتناع/واللي قبله جاك كم واحد ورديته انتي علامك لا تكونين هوايه ولد محمد بس..

شداد انتفض بغضب/يخسي ويعقب ما يطولها بعد سواته الشينه فينا وفيها..

الظبي كاد تبكي فعلًا/اصلا لو مابقى بدنيا الا شهاب ما خذته اقتنعو بس لا تجبروني على الزواج..

شداد تنهد بحيره/لا بالله ماني جابرك الشور شور والراي رايك..

الجدة نشميه تنظره بحده/وش شورها ورايها هي بزر ماتعرف مصلحة نفسها اذا الرجال فيه خير نقنعها وتاخذه..

الظبي وقفت بزعل/ماراح اقتنع واذا بتزوجني غصب ترا ذنبي برقبتكم..

شداد انتفض بشده/لا ماحد غاصبك عيني خير بس انتي امانه برقبتي وانا ماخون الامانه..

الظبي انحنت وقبلة راسه بود/جعل عمرك طويل..

نشميه تنهدت بياس/الشكوى لله سبحانه اخرتها بتعنس وانت تمشي ورا شورها..

الظبي ابتسمت بذات الود/لايكون تبين فرقاي يا جدة؟..

نشميه هتفت بحنو/لا بالله اني ابي لك السعاده..
————————————————————-
عزيزة دخلت المطبخ لتصدم عندما رات دانه تجهز خليط الكيك وكانه بيتها ليست ضيفه غير مرغوب بها

دانه من رات ملامحها كيف مدهوشه ابتسمت بخبث كي تغضبها/بسوي لك كيكه بنكهة السم..

عزيزة تنظر بها باندهاش حقاً/من سمح لك تدخلين مطبخي؟؟..

دانه هزت كتفيها بذات الخبث/انا سمحت لنفسي عندك اعتراض روحي قوليه لابوي..

عزيزة تقترب لها بغضب شديد/اطلعي برا لا احرقك بالفرن براااا..

دانه تسكب الخليط بصينيه هتفت برود/فيك خير مدي يدك بس شوفي وش راح اسوي..

عزيزة غرزت اناملها الطويله بشعرها البندقي وشدتها لصاله/تهددين بعد انا واريك..

دانه تحاول تبعدها لكن لم تستطيع/بعدي يا مجنونه بعدي..

عزيزة ترميها امام اقدام راشد الذي كان جالس على الاريكة و ينظر بهما برعب/بنتك هاذي تقلعها الحين برا بيتي لا قلع عيونك وعيونها براااا..

دانه وقفت وهي تصرخ بوجها/والله لرد لك الصاع صاعين انا تمدين يدك علي يمال الكسر..

عزيزة صرخت على راشد بغضب/طلعها براا ماتفهم؟؟..

راشد وقف شد دانه مع معصمها/اطلعي فوق اطلعي..

دانه تصرخ بنفاذ صبر/تمد يدها علي وانت ساكت يوبه مرتك مجنونه حرام يخلونها منفلته كذا ودها لصحه النفسيه..

عزيزة كاد يوقف قلبها/انا مجنونه اوريك الحين الجنون على اصوله..

دانه مفجوعه من راتها تحمل الفازه القزاز كي تضربها على راسها ليصرخ راشد وهو يشدها مع يدها/لاااااا..

انفتح الباب ودخل معاذ بصوت حاد/علامكم؟؟..
————————————————————
تحياتي(شغف)..

يلا اكتبو تحت الايام اللي تبون انزل البارتات فيها اكثر اختيار راح نعتمده..