رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الرابع و السبعون /~

..المستشفى..

كانت دانه تصرخ من شعورها بالالم الذي صلب اقدامها وجعل جسدها يرتعش/يـــــــــوبه وينك والله بموت بـــــــــموت..

الجدة نشميه التي تقف جوار السرير شدت على كفيها بحنو خالص/قولي لا له الا الله سهالات سهالات باذن الله..

دانه تعض الوسادة/بموت من الالم ماقدر اتحمل..

الجدة نشميه تكافح دمعها كي لا ينزل/يامك هذا طلوق ادعي الله يسهل عليك ترا الدعا وقت الولادة مستجاب..

حينها صـــــــــدمتها دانه عندما دعت لوالدها حتى انها نست لا تدعي لنفسها/يارب فك عوق ابوي يارب انك تعلم انه مظلوم يارب اظهر برائته..

الجدة نشميه خفتت بوجع/يامك ادعي لنفسك ان الله يهون عليك..

دانه تنظر لها من بين دموعها/اقسم بالله ان ابوي بري بري هذا صياح هو السبب..

الجدة نشميه صمتت فسبق واخبرتها الظبي بما قالت دانه لها بان صياح السبب لكن الجدة غضبت عليها..

ولم تعطيها مجال لتكرار الكلام قاله لا تدخلين يالظبي بامور اكبر من سنك هاذي بين الرجال وهم ادرا فيها..

دانه مازلت تحاول اقناعها برغم انها تتالم/ام حاتم انا مادري اعيش ولا اموت لكن والله والذي نفسي بيده ان ابوي مايعرف حاتم ولا بينهم عداوه كيف يقتل واحد ما يعرفه؟..

الجدة نشميه غيرت الموضوع بحزم/قولي لاله الا الله اتركي ذا المواضيع لوقتها لا يبرد طلقك و تبلشين بعمرك..

دخلت الدكتورة وهي تهتف بهدو/ممكن يا ستي تحرجين بنشوف شغلنا؟..

الجدة نشميه هتفت بتوصية/بطلع بس تراها يتيمه وامانه عندي عليك الله يا دكتورة تهونون عليها..

الدكتوره تبتسم بلطف/ادعي الله هو اللي يهون عليها..

دانه امسكت يد الجدة برعب قبل ان تغادر/وين بتروحين وتخليني؟..

الجدة نشميه بتلك الوقت لم تستطع تحكم بدموعها التي بدات با الانهمار/ماني مبعده بجلس عند الباب انتظر لين ربي يفرجها عليك..

دانه اعتلى بكائها/ياربي ياربي..

الدكتورة تهدئها بينما الجدة نشميه خرجت لتسند راسها على الحيط وصوت شهقاتها تعالى و برقعها يبتل

فهي كل شيء تستطع ان تحمله الا ضعف اليتيم يكسرها لذالك ربت الظبي بحنانها وهي طفله يتيمه..

ثم احتوت معاذ عندما قتل والده وتركته عزيزة كانت الجدة تحرص على نمر لا يتركه برغم انه حريص عليه

لكن لايمنع من توصياتها فهي اساس العائلة وام للجميع حنانها يغرق الكل حتى شهاب رغم انه اخطاء

لكنه عندما اتى لها راجياً بان تقف معه لم تتخلا عنه حتى نال مناه وتزوج الظبي بامر من الله ثم منها..

والان دانه التي فقدت والدتها ثم والدها وعاشت وحيده لكن الله ساقها الى احن ام لتكون بجوارها وقت الحاجة..

شداد يقترب بثقل/نشمية ياخوك علامك عسى ماشر؟..

الجدة نشميه رفعت راسها ونظرت فيه بعيني غارقه بالدمع/قطعت للي قليبي لام ولاب ياحياة الشقى..

شداد امسك يدها وخذها معه لصالة الانتظار/تعالي ارتاحي وانا اخوك ترا الله ما يخلق خلقه ويضيعهم..

الجدة نشميه تجلس بتعب/لو ماني معها من يبي يقوم فيها بالولادة عزيزة والله لو تشوفها تموت ما حنت عليها..

شداد هتف بحزم حاني/الله ارحم مني ومنك تطمني ماحد يضيع..
———————————————————
..القرية..

مازالت الظبي تحوم بصالة ذهاب وياب وتدعو الله بالحاح بان يسهل ولادة دانه بينما قلبها يتمزق عليها

سعديه كذالك تدعو لها بان يسهل لها فالعائلة كلها سخرهم الله لدانه حتى العاملة ترحم ضعفها ويتمها

سعديه قفت بغرابه/من هذا صوت ينادي؟..

الظبي زفرت من طرف انفها/مافي غيره سربوت اليل شهاب روحي اطرديه..

سعديه تكتم ضحكها/قسم بالله انتي مخ خربان..

ثم اتجهت الحوش لترا شهاب فعلاً واقف بالحوش ينادي لجدته لانه اتصل على هاتفها هي والظبي لارد؟

سعديه بتسال/نعم شهاب؟..

شهاب بنبرة حاده/انقطع صوتي وانا انادي شفيكم ما تسمعون وين جدتي؟..

سعديه اجابته بعفوية/جدة روح مستشفى..

شهاب اتسعت عيناه/ليش شفيها؟..

سعديه بذات العفوية/هاذي دانه ولادة جده يروح معها..

شهاب انصدم حقاً فهو كان بالمنتجع مع معاذ لتو غادر بيت جدة التي تستقر فيه والدته كي ينام!!..

سال بتوجس/من يودي جدة مستشفى؟..

سعديه اجابته بهدو/جد شداد..

شهاب هز راسه بتفهم/طيب والظبي وينها؟..

سعديه تجيبه باسمه/داخل يصلي يدعي لدانه..

شهاب صمت ثوان ثم هتف بمكر/خلاص روحي قولي لها شهاب مشى..

سعديه تبتعد بينما شهاب اتصل برقم معاذ ليرد بصوت ناعس/وش تبي انت داق ما تخلي حتى الواحد ينام..

شهاب هتف بحذر/وينك انت؟..

معاذ بزفرة/ويني يعني بفراشي..

شهاب بحزم شديد/مكبر المخدة ومرتك بالمستشفى تولد قم رح شف ليش ما حد قالك..

حـــــــــينها معاذ قفز واقف بـــــــــصدمة عميقه بل اعمق من كل صدمة/انت وش قاعد تقول دانه وينها؟..

شهاب اجابه ذات الحزم/جيت القرية ادور على جدتي بسلم عليها مالقيتها سعديه تقول راحت مع دانه تولد وداهم جدي شداد..

معاذ كان يقف بغـــــــــضب جامح/انا يستغفلوني!!..

شهاب ندا عليه بخوف/الو يا ولد لا تهور هيه ولد..

ثم تافف عندما اغلق معاذ الخط لذالك اتجه الصالة لكنه وقف قريب من الباب عندما سمع الظبي تهاوش.

كانت الظبي غاضبه جداً/انتي ما براسك عقل حسبي الله عليك يا سعديه مالقيتي تبشرين الا شهاب جعلك ما تفرحين؟..

سعديه بغرابه/انا ما يعرف انتم مافي قول لا تعلمين..

الظبي كاد تقتلها حقاً/انا وش اسوي فيك اتوطى بطنك عنبو حيك حتى البقره تفهم انتي ما تفهمين؟..

سعديه زفرت عليها بحده/اقول اص ولا كلمه بقره انتي مافي انا..

الظبي صرخت بقهر/ابي اذبحك بس مدري كيف؟؟..

شهاب الذي يدخل وهو يضحك/تبيني اساعدك على ذبحها؟..

سعديه التفت له بحده/انت يساعدها على الشر لكن خير مافي من يتزوج الظبي مخ خلاص خربان..

شهاب اعتلى صوت ضحكه/على ان مخها اول اصلي مافي خراب..

سعديه تتجه المطبخ بتقصد/اول شوي خراب بس قلب مافي مشكل الحين مخ وقلب كله خراب..

شهاب اقترب لظبي التي تنظر له بحده همس لها بخبث/صادقه ذي الخبلة مخك وقلبك كله خراب؟..

الظبي تنظر له من تحت اهدابها/البركه فيك يا زير النساء..

شهاب كان سيحضنها لكنها ابعدت عنه بزفرة/الف مره قلت لك لا تلمسني انت ماتفهم؟..

شهاب تنهد بعمق/طيب ماني لامسك بس تعالي معي للجناح بنسولف شوي لين انام حدي تعبان من جيت من دبي ما ارتحت متر ذا الخطوط عشانك..

الظبي اتجهت غرفة جدتها بخبث/رح نام ماحد ماسكك..

شهاب اتسعت عيناه/وين رايحه تعالي معي؟..

الظبي تغلق الباب بالمفتاح/اقول فارق بس..

شهاب لحق بها و ضرب الباب بغضب مكتوم/افتحي مدام النفس عليك طيبه..

ثم عاد وضربه لامره الثانيه/بنت افتحي..

سعديه التي تخرج من المطبخ تبتسم/لا تعب نفسك هذا بنت مجنون ماراح يفتح..

شهاب شعر بالحرج لكنه لم يوضح ذالك/اقول انتي فارقي والله انهم معطينك وجه..

سعديه طنشته وذهبت لغرفتها و شهاب مازال يطرق الباب محاول انها تفتح حتى تعب وتجه لجناحه بخيبه
———————————————————
..المستشفى..

الجدة نشمية مازالت جالسه بالانتظار تسبح وتكبر وتهلل وقلبها مشغولاً على دانه مازالت بكشك الولادة..

شداد جالس جوارها لكنه نائم من غير لا يشعر حتى افتح عيناه من نبرة الجدة المرعوبة/يالله سترك ذا معاذ وش جابه؟..

معاذ الذي يقترب واضح على ملامحه الثوره العارمه ونظرت عيناه تقدح شراراً زفر بحده/وين دانه؟..

الجدة نشميه قفت بثبات/دانه بالولادة..

معاذ يرص على اسنانه بقوه/كيف يا جدة تودينها المستشفى من غير علمي تبين تحديني على ذبحها؟..

الجدة نشميه تهديه برعب/عين خير البنت بحالة ما يعلم فيها الا الله وانا جدتك وانا مابي اسريك بذا اليل..

معاذ انفجر بغضب/ماني مخبول تضحكين علي بكلامك ادري انه من تحت راسها طلبتك ما تعلميني وبديتي بنت راشد على ولد حاتم؟..

الجدة نشميه هتفت بحزم/اي طلبتني وانا مابي اردها وهي بين الحياة والموت غير لا تزعجني ترا ماني فاضية لك اطلب الله لذا المسكينه يهون عليها..

معاذ يحاول التماسك لكنه لم يستطع/المسكينه ذي انتي جنيتي عليها يوم طلعتيها من بيتك من غير علمني وذنبها ترا برقبتك..

شداد وقف بصرامه/اعقب وش ذا الكلام اللي تقوله لجدتك؟..

الجدة نشميه هتفت مهدده/خلي يقول اللي يقول ماعاد يهمني لكن والله وامان الله لو يمس شعره من شعر دانه مايلوم الا نفسه..

معاذ اتسعت عيناه/و تهدديني بعد؟؟..

الجدة نشميه اجابته بثقه/فسرها مثل ماتبي والله لا ابعدها عنك و ماتشوفها طول مانت حي..

معاذ كاد يجن من كلامها لذالك زفر بحده مرعبه/ابوها قبلك ماقدر علي اخذتها طرقن على خشمه ولا تحسبين انك بتهديدك هذا تبين تخوفيني والله واللي اسمه الله لاخذها ورميها بصحراء مافيه نقطة الماء..

الجدة نشميه تنظر فيه بذهول/لا انت وكاد انك انهبلت تبي من يقرص لك اذنك..

شداد ينظر معاذ بغضب/يصير خير اجل ترفع صوتك على جدتك يا قليل المروه؟..

معاذ ابتعد عنهما سال الممرضه عن غرفة دانه لتخبره بانها مازالت بالولادة لذالك قف بعيد ينتظر..

بينما هو يتعودها حين تنجب سيعاقبها على طلبها من جدته بان لا تخبره يريد ان يدق عنقها يريد قتلها فعلاً

خرجت الدكتورة مبتسمه/الف مبروك مدام دانه جابت بنت مثل القمر..

هل قالت بـــــــــنت!!..

يعني ماذا بكر معاذ بـــــــــنت!!..

اول فرحة شبابه بـــــــــنت!!..

ما اجمل تلك الخبر عندما بشرته بالبـــــــــنت!!..

معاذ ينظر لها بذهول حتى ان لسانه انعقد هل اصبح اب انجبت له دانه بـــــــــنت لم يخطر على باله ابداً!

توقع قدوم ولد كي يسميه حاتم لكنه صـــــــــدم بان رزق في بنت حتى انه لم يفكر ماذا ان يسميها؟؟..

الجدة نشمية من شدت فرحتها بقدوم مولودة معاذ نست مقال لها وهي تقترب من بين دموعها/بالمبارك يامك بالمبارك ربي يجعلها تنور عليك حياتك..

معاذ شدها واحتضنها بحنان وهو يقبل راسها قبل متتاليه/يبارك فيك يا الغاليه يام القلب الطيب..

الجدة نشميه تجفف دموعها بطرف الشيلة/والله يان فرحتي بنتك تساوي الدنيا ومافيها..

معاذ احنى وقبل كفها/ياجعلك دوم فرحانه..

شداد يقترب باسماً/عساه بالمبارك يابو حاتم..

معاذ اقترب وقبل راس بتقدير/يبارك فيك..

الجدة نشميه هتفت بسعادة/ماعاد نادي له ابو حاتم ناديه باسم بنته عسى ربي يخليها له..

معاذ صمت ثوان كان مخه تشتت لا يعلم ماذا ان يسميها ليهتف فوراً باول اسم خطر باله/سميتها ســـــــــلطانه..

الجدة نشمية اتسعت ابتسامتها/عزالله انك اخترت الاسم اللي يزهاك..
———————————————————
..القرية..

شهاب مازال سهران لم يستطع ان ينام والظبي حاقرته لا يعلم كيف ان يقنعها بالنقاش من حقه ان يبرر لها..

ياليل طل او لا تطول لا بد ان اسهرك..
لو بات عندي قمري ما بت ارعى قمرك..

نهض بدا يدور بالغرفة محاول ان يجد حل مناسب لحياته معها لابد ان تغفر له مهما اخطاء فهو تاب..

نعم تاب لله من قبل يتزوجها منذ راها وهو حالفاً بان لايعود طريق الحقاره لتو يشعر بان البنات لهم اهل..

البعض تهاتفه وتخرج معه من غير علم اهلها يفكر لو راها والدها او شقيقها او خطيبها سيقتلها بلا تفكير..

وهو السبب يتذكر حينما فيصل انقذ الظبي كيف جنت جنونه وكاد يقتله ويقتلها وينتحر هو بعدهما..

قطع حبل افكاره رن هاتفه ليرا المتصل معاذ رد عليه بهدو/ارحب..

معاذ هتف بنبرة عميقه/شهاب اول واحد اتصلت فيه انت ابشرك جتني بنت..

شهاب ابتسم بعدم تصديق/لا تمزح..

معاذ كشر ملامحه/الشرهه والله على اللي يبشرك..

شهاب ضحك بفرحة/بالمبارك يالغالي بس والله انه ماخطر بالي تجيك بنت يا رجال انت المراجل عندك ترند يبي لك ثلاث عيال توم..

معاذ يضحك بروقان/متزوج للي عنز مو مره..

شهاب كذالك روق من سعادته/ياربي يخليها لك وتشوفها عروس وانت شايب..

معاذ ينهى الاتصال/امين يارب يلا مع السلامه..

شهاب فوراً اغلق الهاتف التجه لصالة كي يبشر الظبي مستغل الفرصه لعل وعسى تغير نفسيتها ويلين راسها

لايعلم بانها سهرانه تحسر على حالها بينما دموعها لم تجف تشعر بالم وشتياق وحزن وانكسار ولهفه غريبه..

لا تعلم كيف اجتمعت تلك المشاعر المتناقضة فيها لكن التي تعلم بانها ليست بخير من عاد شهاب..

ليتني لم ارضى بزواج منك ذات يوماً ليتني تركتك غريباً كالبقية لا تعرفني ولا اعرفك ليتني تجاهلتك ولم افتح

لك ابوب قلبي ليتني يومها لم اسمح لك بتجاوز اساور وطني و ابقيتك بعيدا حيث لا قصة بينا ولا ذكرى..

الظبي حضنت نفسها بينما هي مازالت تبكي شوقها وحباً له فهي عاجزة ان تكرهه برغم انه خــــــــائن..

هكذا انا عنيده لكن دمعتي قريبة اسامح لكني صعبة النسيان احب بسرعه لكني مستحيل اكره من حبيته..

اتظاهر بالقوه لكني من داخل طفلة واذا تحدث عن ما يؤلمني تبكي عيني بسرعه لذالك اختار الصمت دوماً..

طرق الباب ليصلها صوت شهاب منادي/ظبي افتحي عندي لك خبر..

الظبي قطبت جبينها ثوان ثم صدت انظارها عن الباب ليعود يطرق شهاب بخبث/دانه ولدت..

الظبي فزت واقفه حتى لم يمديها تجفف دموعها من شدت ماهي موجوعه على دانه فتحت الباب على وسع

ثم قفت متساله/صدق دانه ولدت هي طيبه؟..

شهاب ينظر وجهها المتفجر احمرار وعيناها الغارقه بالدمع ليشعر بحزن استوطن روحه بانه هو السبب..

الظبي زفرت بحده/تكلم دانه ولدت صدق؟..

شهاب هز راسه بذهول/اي جابت بنت..

الظبي ابتسمت بشاشة وهي تعبر بنبرة عفويه/ياربي لك الحمد واخيراً صار عندنا ورع صغنون لا وبنت يا ويل قلبي..

شهاب اقترب لها بنظرات جريئه حتى هي استوعبت لترجع خطوه على دخلت الغرفه كانت ستغلق الباب

لكن شهاب كان اسرعه منها دخل وغلق الباب هو عليهما ثم طوق خصرها بذراعيه وقرب جسدها له..

مال وقبل ارنبة انفها ثم همس بحرارة/ماتبين حتى حنا نجيب لنا ورع صغنون؟..

الظبي توترت من جرائته/لا مابي منك عيال اصلاً..

شهاب نزل تدريجاً وقبل عنقها بنعومة/بس انا ابي منك عشره..

الظبي من غير شعور ضحكت/ليش انا دجاج عشان ابيض لك..

شهاب روق على ضحكها لينظر ملامحها بولع/واحلى دجاجه بالكون كله..

الظبي ضربته مع كتفه/وجع عاد..

شهاب لمها بضلوعه وهمس بعمق اذنها/والله اني فاقدك فقد الطفل لامه..

الظبي خفتت بزفرة/محسسني اني ما خليك تنام لين اطبطب عليك وقص لك قصص..

شهاب تنهد بعمق/طبطبتك غير وانتي كلك غير..

الظبي ابعدت عنه قليلاً وهي تهتف بجدية/لا تحاول يا شهاب تستدرجني باسلوبك اللي تستخدمه مع الف وحده غيري..

شهاب حلف من صميم قلبه/قسم بمن احل القسم اني مافي بحياتي غيرك لا يوسوس لك الشيطان تبين دليل انا مستعد اصنع لك الف دليل..

الظبي رفعت حاجبها/وش هو دليلك؟..

شهاب اظهر هاتفه من مخباه وفتح البوم الصور كي ترا عدد من صوره مع متابعينه ومتابعته بسفارته برا..

وهو يهتف بثقه/هذول صوري بكل سفاراتي كل بنت تعرف اني مشهور تجي تصور معي وش معنى هاذي؟..

الظبي قدمت وجهها ونفخت بوجهه/هاذي صورتها معك غير حاضن كتفها وعايش معها رومانسيه..

شهاب ارتبك بداخله لكنه لم يوضح/كنت جاهل واحسب تصوير برا عادي لكن بعدين صرت حذر لاني مشهور ومثل الاشكال ذي يستغلون الفرصه عشان يفضحون فيك..

الظبي صدت عنه بعدم اقتناع/كلامك غير منطقي وبعدين بما انها متابعه لك بي حق مديت يدك عليها وش ذي الميانه؟..

شهاب اجابها بثقه/وحده تتهمني باطل اكيد بنفعل ومد يدي وهي ماتقدر تشكي لانها تدري بالمحكمه وش عقاب الابتزاز..

الظبي تنظر له باحتقار/للاسف كلامك مادخل راسي روح دور لك بزر تضحك عليه..

شهاب زفر بغضب/وش تبين اقنعك فيه وانا مستعد لاني واثق من نفسي ماني براعي السوالف ذي..

الظبي اتجهت لسرير بتقصد/واضح انك رجل عاقل والدليل انك طلقت بنت عمك عشان الخمه..

شهاب لحق فيها وهو يهتف بحزم/مالها دخل والله لا تربطين الامور بعض..

الظبي رفعت هاتفها الذي يرن ليسالها شهاب بفضول لن الوقت متاخر/من يتصل عليك ذا الحزه؟..

الظبي لم تجيبه بل ردت مرحبه/هلا ياجدة..

الجدة نشمية هتفت بفرحة/البشارة يالظبي دانه جابت بنت..

الظبي ابتسمت بعذوبه/بالمبارك تو شهاب قال للي والله اني فرحت لها..

الجدة نشميه تسال باهتمام/شهاب عندك؟..

الظبي اجابتها بينما هي تعطي شهاب نظره/اي عندي ناشب بحلقي تعالي فكيني منه..

الجدة نشميه تهتف بحزم جدي/اقول خلي بربرتك واسمعيني ابيك الحين تحدرين المدينه وتروحين لسوق تجيين ملابس للبنت ما معها حتى مهاد يا دافع وانا نسيت اجهز لها قبل الولادة..

الظبي ترفرف اهدابها/اي والله نسينا طيب ومن يوديني لسوق؟..

شهاب زفر بحده/ماني مالي عينك عذا وانا واقف على راسك..

الجدة نشميه كذالك نحرتها/ماتقولين شهاب عندك خلي يوديك يلا عجلو علي..

الظبي تنهدت بحيره/ياجدة وين السوق اللي يفتح ذا الحزه بتالي اليل؟..

شهاب من اجابها بمكر/من نوصل الا قد اذن الفجر وتفتح بعض الاسواق..

الظبي تسال جدتها بهتمام/طيب ودانه وش اجيب لها؟..

الجدة نشميه ابلغتها ماذا ان تحتاج بينما شهاب يرفرف قلبه بسعادة واخيراً وجد عذر لتذهب معه..
—————————————————
..قصر النمر..

..بعد صلاة الظهر..

سلطانه كانت تنزل الدرج بحذر خوف على حملها كي لا يتاثر ليفتح الباب ويدخل نمر لتو يعود من الشركة..

تقدم لها ثم مد يده وامسك يدها كي يساعدها على النزول وهو يهتف بحزم/انا مو قايل لك لا تنزلين تحت ليش العناد؟..

سلطانه تبتسم بعذوبه/ما ارتاح اتقهوى الا بصالتي..

نمر رفع كف يدها وقبلها بدفى/كم مره افكر اسوي مصعد عشانك لكن يصير عندي شغل وانسى..

سلطانه هتفت بنعومة/ما يحتاج مصعد راح الكثير مابقى الا القليل على ولادتي..

نمر جلس بجوارها على الاريكه/الله يقومك للي بالسلامه..

سلطانه مالت وخفتت له بدلع/من اهم سلامته انا ولا سلامة شامخ اعترف؟..

نمر ابتسم بحب/طبعاً انتي سلامتك عندي بدنيا كلها..

فتح الباب ودخل معاذ بثبات/السلام عليكم..

نمر و سلطانه بصوت واحد/عليكم السلام..

معاذ اقترب وقبل راس نمر بتقدير/شلونك ياعمي..

نمر اجابة بمودة/بخير جعلك بخير..

ثم جلس مقابل لهما لتهتف سلطانه بعذوبه/ليتك جبت امك معك مشتاقة لها..

معاذ اجابها بحزم هادئ/امي بالبيت وانا توي جاي من المستشفى كنت عند دانه وجدتي..

نمر سال بصدمة/ليش امي شفيها؟..

معاذ اجابه بحذر/مرافقة عند دانه جتني بنت..

سلطانه شهقت لا شعورياً من شدت الفرحة/ياربي وش ذا الخبر مبروك يا حبيبي معاذ واخيراً صرت اب..

معاذ ابتسم من فرحتها/الله يبارك فيك ياروحي انتي..

نمر هتف بحزم بارد/مبروك الله يجعلها من مواليد السعادة..

معاذ ينظر له بهدو/يبارك فيك..

سلطانه تنظر له ببتسامة وعيناها تلمعان/ياربي ياكبر فرحتي بنتك..

معاذ هتف بتقصد/عاد كيف لو عرفتي اسمها؟..

سلطانه اتسعت ابتسامتها/وش سميتها؟..

معاذ اجابه بمودة عميقة/سميتها سلطانه..

سلطانه فوراً نزلت دموعها وهي تضع كفها على شفتيها تكتم شهقاتها ليبتسم نمر بثقل/والله واحلى من سميت عليه وابشر بسمايه..

معاذ ابتسم بخبث/تو فرحت فيها لن اسمها على اسم الحبيبه؟..

نمر اتسعت ابتسامته لانه حقاً سعد باسمها سلطانه تاتي منها نسخة ثانيه يا فرحة قلبه/اكيد بفرح تستاهل ام شامخ من يسمي عليها..

معاذ ينظر سلطانه بحنو/افا بدل ما تفرحين للي جالسه تبكين..

سلطانه اجابته بنبرة صادقة/والله اني اول مره ابكي فرح..

معاذ نهض وقبل جبينها بامتنان/الله لا يخليني منك..

نمر ينظر لها بوجع اعترافها كان كسهم اخترق قلبه لاول مره تبكي فرحاً فدموعها قبل كانت كلها حزن؟..

معاذ الذي مازال يقف هتف بحزم/بروح لامي ومناك بطلع المستشفى تبون شي؟..

نمر هتف بتسال مهتم/امك ما ترافق معها تعب على امي؟..

معاذ اجابه بثبات/جدتي عيت تقول هي بتضل معها..

سلطانه هتفت بعذوبه/انا اروح ارافق معها..

نمر برفض قاطع/انتي لا..

معاذ بذات الرفض/لا سلطانه تعب عليك المستشفى..

سلطانه هتفت بحزم/طيب مرني وانت رايح المستشفى بسلم على بنتك..

معاذ اشر على انفه/على هالخشم والحين ارخصوني..

عندما خرج سلطانه التفت لنمر بعتاب/ليش ماتخليني ارافق معها عمتي مافيها شده على الوقفه..

نمر بحزم بالغ/يعني انتي الحين اللي فيك شدة بعدين عزيزة موجودة ليش ما ترافق مع بنت زوجها..

سلطانه عطته نظره/ترا مو وقت دقك بالكلام..

نمر تنهد بعمق/ماعلينا منهم يا سلطانه الكبيرة..

سلطانه ابتسمت بسعادة/ياروحي يا معاذ وربي انه قطع قلبي..

نمر ينظر لها بنظرات حانيه/عرف من يسمي عليه معاذ يثمر فيه المعروف..

سلطانه تكتم بكاها/اي والله انه وفي وحنين فديت قلبه..

نمر ينظر لها من تحت اهدابه/بلاها فديت قلبه..

سلطانه تبتسم بخبث/تغار من معاذ؟..

نمر هتف باسماً/لا والله معاذ بذات مثل ولدي ما غار منه لاني اعرف غلاتك عنده..
———————————————————
معاذ يدخل البيت وهو يحمل هماً عميقاً لاخبار والدته بقدوم ابنته لانها لم ترضى على حمل دانه من اساسه..

عزيزة كانت تشاهد التلفاز بينما هي مازالت لم تحادث معاذ منذ اسبوعين بسبب حمل دانه..

معاذ اقترب وقبل راسها/مساءالخير..

عزيزة برود/هلا..

معاذ تنهد بطولة بال/يومه لا متى وانتي صادتني كاني مسوي جريمه؟..

عزيزة اجابته بذات البرود/اللي مسويه انت اصلاً جريمه تزوج بنت قاتل ابوك؟..

معاذ هتف بتقصد/وانتي تزوجتي قاتل ابوي بكبرة على العموم اللي راح راح وذا القدر ماهو بيدينا نغيره..

عزيزة هتفت بحده/الا تقدر تاخذ ولدك وتطلق بنت راشد وتفكنا منها..

معاذ شد له نفس طويل/يومه انا جايك بموضوع مهم واتمنى انك تقبلينه ولا تكسرين فرحتي..

عزيزة سالت بتوجس/وش الموضوع؟..

معاذ اجابها بحذر/باركي للي جتني بنت وسميتها سلطانه..

عزيزة برغم انها لا تريد ابناء من دانه ولكن ابنة معاذ والاسم هز شيئا بداخلها لتحضن وجهها وتنفجر باكيه

معاذ وقف بجزع/يومه شفيك؟..

عزيزة من بين دموعها/ماني مصدقه صرت جدة وبنتك سلطانه يا معاذ؟..

معاذ ابتسم بفرحة/اي يومه افرحي خلي فرحتي تكتمل..

عزيزة تنظر في بعيني غارقه/تمنيت هذا اليوم لكن تمنيت ام بنتك ماهي دانه بنت المجرم..

معاذ تنهد بعمق/خلينا من دانه وابوها و افرحي بسلطانه وابوها..

عزيزة ابتسمت رغم بكائها/سلطانه درت؟..

معاذ هز راسه باسماً/اي عمري ما شفتها فرحانه مثل اليوم..

عزيزة تنهد بعمق/الحمدلله على عطايا الله..

معاذ هتف بتوجس/تروحين معي المستشفى تشوفين بنتي..

عزيزة هزت راسها بنفي التام/ما روح ازور بنت راشد بنتك تجيني لين بيتي يا معاذ..

معاذ تنهد بطولة بال/يومه قلت لك اتركي بنت راشد عنك ابيك تشوفين بنتي..

عزيزة بذات الرفض/قلت لك ماروح بنتك جيبها للي اشوفها..

معاذ هز راسه باسى/طيب لاطلعت بالسلامه جبتها لك والحين ارخصيني ببدل واخذ سلطانه روح المستشفى..

عزيزة سالت بفضول/من مرافق عليها؟..

معاذ اجابها وهو يتجه لغرفته/جدتي..

عزيزة رفعت حاجبيها بتعجب/عشتو عمتي ترافق مع بنت قاتل ولدها صدق ماعندها كرامة؟..

معاذ وهو متجه غرفته صادف امنه تنظف الصالة نادها ليبلغها بان دانه ولدت فهو يعلم بان قلبها عليها

هتف بهدو/امنه تعالي..

امنه تقترب بتسال/هلا معاذ امرني؟..

معاذ ينظر فيها بمودة/ما يامر عليك ظالم حبيت ابشرك ان دانه ولدت و جابت بنت..

امنه شهقت لتجمع الدموع بعيناها ثم سالت عما يهمها حتى انها نست لا تبارك له/والله انها مسكينه دانه وين ولدت ومن معها؟؟..

معاذ يطمنها بحنو/بالمستشفى ومعها جدتي تطمني هي بخير..

امنه ابتسمت بفرحة/الف مبروك يا معاذ ربي يصلح لك ما اعطاك..

معاذ ابتسم بلطف/الله يبارك فيك..———————————————————
..المستشفى..

الظبي تخطي جوار شهاب وهي توعده بزفرة/هين والله بس اطلع من للمستشفى لا انتف رموشك..

شهاب يبتسم بروقان/ابد حتى ريشي نتفيه افداك كلي..

الظبي صدت عنه بغبنه لانها منذ الفجر وهي معه يدور فيها الشوارع لم تجد سوق فاتح بتلك الوقت..

لتفهم بانه ضحك عليها عندما قال تفتح الاسواق الفجر واستغل الفرصه لاخذها معه للمدينه..

ثم حنه عليها كي ياخذ فندق لكنها عاندت وهي تهدده بان فعلاً سوفا تتصل بجدها لذالك هو خاف..

لانه يعلم بان شداد لا يتفاهم ولا يعطيه فرصه يبرر مع الظبي بخير ولا شر لذالك افطر معها بمطعم راقي..

حتى فتحت الاسواق الساعه التاسعه صباحاً اتجه فيها للمول لتاخذ ما تحتاج دانه وطفلتها وهي مستمتعه..

الظبي التفتت له بحده/هاذي الغرفة اوقف برا ليكون بس تحسب انك محرم لها بتدخل بعد؟..

شهاب مروق على الاخر من جنونها حتى ان النوم طار من عيناه/لا بنتظرك هنيه اخاف معاذ يجي يبحلق عيونه عشان افقع وحده وخلي وحده يشوف بنته فيها حرام ينعمي وهو ما شافها..

الظبي تكتم ضحكها/لا فيك الخير ماشاءالله..

شهاب يراقبها باسماً وهي تدخل الغرفة وتطل براسها مناديه/جدتي هنيه ادخل؟..

الجدة نشميه كانت تجلس جوار سرير دانه التي منذ انتهت من الولادة وهي نائمه لم تشعر بمن حولها..

صغر سنها ورقتها لا تحمل الطلق والولادة كانت بنسبه لها هلاك في هلاك تحمد الله الذي عادها للحياة..

الجدة نشميه قفت ثم نادت لها بخفوت/تعالي يا الظبي..

الظبي تقترب وهي تنظر دانه بغرابه وجهها اصفر وشفتيها جافه وعيناها مطبقه شعرها مبهذل قليلاً

سالت بوجع/علامها؟..

الجدة نشميه تنظر دانه برحمة/تعبانه من الولادة عسى الله يكتب اجرها..

الظبي ضعت الاغراض على الطاولة ثم اقتربت وهي ترفع نقابها وقبلت راس جدتها/وانتي بعد الله يكتب اجرك..

الجدة نشميه سالت بخفوت/عسى جبتي كل الاغراض اللي وصيتك عليها؟..

الظبي هزت راسها وهي تلفت بغرابه/اي جبتهم وين البنت؟..

الجدة نشمية تبتسم بحنو/خذتها الممرضه تقول تبي تكشف عليها وترجعها..

الظبي ابتسمت بسعادة/وش حلوها يا جدة؟..

الجدة نشميه تنهدت بعمق/مثل القمر ربي يخليها لعين ترجيها..

الظبي التفتت للاغراض/ترا جبت لك غدا معي جريش شغل حريم ادري ما تحبين اكل المستشفيات..

الجدة نشميه هتفت بامتنان/الله يكثر خيركم..

ثم ردفت بتسال/الا شهاب وينه؟..

الظبي اجابتها بزفرة وهي تعبث بالاكياس/برا واقف حارس على الغرفه لاحد يجي وياكلنا..

الجدة نشميه تهز راسها باسمه/و قرادة حضه فيك..

الظبي عطتها نظره/ليش وانا وش فيني يحمد الله اللي رزقه بوحدة مثلي ولا هو ما يستاهل..

الجدة نشميه تنحرها بخفوت/اقول سدي فمك ماهو وقتك بربرتك البنت تعبانه ونايمه..

ثم اتجهت الباب وهي تضع عباتها على راسها/بروح اسلم على شهاب..

الظبي تقترب لدانه وعيناها تنظر ملامحها بحزن/ياربي ماتوقعت الولادة كذا تتعب مسكينه يا دانه..

ثم عادت تعبث بالاكياس وهي تظهر ملابس الطفلة وتقبلها باسمه/يويسي ويساه يحلو النفنوف..

وقعت الملابس من يدها برعب من صوت صراخ دانه التي فزت جالسه وتصرخ بصوت عال/ويـــــــــن ولـــــــــدي وين ولدي!!..

الظبي بدات ترتعش بدهشه/بسم الله عليك اي ولد؟..

دانه تصرخ وهي تحسس بطنها الازق بظهرها/ولدي وينـــــــه معاذ اخـــــــــذه ابي ولدي جيبو ولـــــــــدي..

الظبي اتجهت الباب بخطوات سريعه وهي تضع نقابها على وجهها خرجت لترا الجدة جالسه بجوار شهاب..

يدور بينهما حديث ودي حتى فزعتهم الظبي برعب/يا جدة الحقي دانه الظاهر فقدت الذاكره..

الجدة نشمية قفت برعب/علامها؟..

الظبي تهتف بذهول/مادري تقول وين ولدي؟..

الجدة نشميه تتجه الغرفه راكضه بثقل منذ دخلت رات دانه ترتعش كل اطرافها وهي منهاره بصراخ/وين ولدي ويـــــــــنه حرام عليكم ابي ولدي..

الجدة نشميه اقتربت وهي تحضن راسها على صدرها وتهديها/تعوذي من الشيطان انتي جبتي بنيه وبا امن وامان عند الدختور يكشف عليها..

دانه تهتف بنبرة ضعيفه/انا بوجهك يام حاتم وين ولدي؟..

الجدة نشميه تجيبها بوجع عميق/والله انك جبتي بنيه وانها بخير الحين اخلي الممرضه تجيبها لك..

دانه ترفع راسها وتنظر لها بصدمة/جبت بنت!!..

الجدة نشميه تبتسم بحسره/اي يامك ومثل القمر الحين تجيبها الممرضه و تحضنينها..

دانه تنهد بتعب/جيبوها وينها؟..

الجدة نشميه التفتت لظبي التي واقفه على الباب تراقب بدهشه/نادي الممرضه تجيب بنتها..

الظبي هزت راسها بذهول/طيب..

عندما خرجت صادفت الممرضة تقترب بينما هي تدف سرير الطفلة لتبتسم بتسال/ذي بنت دانه؟..

الممرضه اجابتها بهدو/ايوه هذا ماما دانه..

الظبي التفت لتبحث عن شهاب كي تدعوه ليرا الطفلة لكنه غير متواجد لذالك اشرت للممرضة بان تدخل..

دانه مازالت مريحه راسها على صدر الجدة نشميه التي تهدئها بحنو حتى فزت مبتعده وهي تنظر سرير الطفل

هتفت من بين دموعها/ابي بنتي ابيها..

الجدة نشميه تامر الممرضة بحزم/جيبي بنتها..

الممرضة تحمل الطفلة وتضعها في حضن دانه التي حضنتها على صدرها باكيه بنحيب مؤلم للقلوب..

طفلتي تتخبى في حضني ولا تعلم انني انا التي اتخبى في حضنها الصغير المتسع من خذلان الدنيا وبرودة القلوب..
———————————————————-
تحياتي(شغف)..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الخامس و السبعون /~

غروب تقفز بحماس وهي تعلق بكفي والدتها/ماما تكفين بنروح معك نشوف سلطانه الصغيرة..

شروق بذات الحماس/اي تكفين ماما لا رجعنا نذاكر..

سلطانه ابتسمت بعذوبه/طيب يلا البسو على ما البس عباتي ترا معاذ موصيني نكون جاهزين من يوصل..

سلطانه عندما ارتدت عباتها خرجت من غرفتها لتصادف بناتها ينتظرونها من اجل ان ترا ابنة معاذ..

غروب بشقاوه/يلا مشينا مانبي نتاخر..

شروق تهتف برائه/انا راح احبها حيل لن اسمها سلطانه..

سلطانه تنظر لها ببتسامه حانيه/ياقلبي انتي حنونه..

غروب عطتها نظره/وانا طيب؟..

سلطانه اتسعت ابتسامتها/وانتي بعد دايم صف امك جعلني ماخلا منكم..

نمر يصعد الدرج ليرا سلطانه وبناتها يبتسمان ليبتسم هو كذالك بتسال/على وين ان شاءالله؟..

غروب من اجابته بحماس/بنروح نسلم على سلطانه الصغيرة..

شروق تسال بسعادة/بابا تدري معاذ سمى بنته سلطانه؟..

نمر اقترب ثم انحنى لطولها وقبل جبينها/ادري ياروح بابا وبتصير بنت معاذ احلى بنت بالعالم صح..

شروق تبتسم/صح مثل ماما..

نمر اعتدل واقف ليهتف لغروب بحب/وش تبون تاخذون هديه لها؟..

غروب قفزت بفرحة/انا باخذ باقة ورد كبيره..

شروق ترفرف اهدابها/وانا باخذ لها شوكلاته..

سلطانه تضحك بنعومة/كلهم ما تستفيد منهم لا الورد ولا الشوكلاته..

نمر نظر فيها بهيام/اجل وش تبين انتي ترا الغالي يرخص لسميه..

سلطانه احمرت وجنتيها خجلاً من وجود بناتها التي تراقبان/باخذ لها ذهب تستاهل بنت معاذ..

نمر مازال ينظر لها بتلك النظره/اي والله تستاهل..

رن هاتف سلطانه لتهتف بحزم رقيق/يلا شروق انزلي انتي و اختك لمعاذ تحت..

شروق وغروب يتجهان الدرج بحماس بينما سلطانه سالت نمر بمودة/تبي شي قبل اروح مع معاذ؟..

نمر اقترب لها بخبث/ابي اشياء كثيره مو شي واحد..

سلطانه تضحك بنعومة/والله مو وقتك لا روقت..

نمر ابتسم ثم هتف بمودة اعمق/ابي سلامتك المهم بلغي امي لا ترجع للقرية وانا ما سلمت عليها..

سلطانه سالت بغرابة/طيب ليش ماتروح لها المستشفى؟..

نمر بحزم بالغ/بما انها مع بنت راشد ماني رايح لهم هي تجي للبيت قبل تمشي..

سلطانه لم تعلق على كلامه وهي تتجه الدرج/طيب مع السلامه..

عندما وصلت السيارة ركبت وهي تسال بحرج/تاخرت عليك؟..

معاذ ينظر لها بنصف عين/ما زانت لك السوالف مع نمر الا الحين؟؟..

سلطانه تضحك بهدو/ياربي اكيد غروب اللي قالت لك لسانها منفلت..

معاذ حرك السياره لتهتف غروب بطولة لسان/هو اللي يحقق معنا يقول وين امكم ابوكم هنيه؟..

معاذ ينظر لها بالمراءه مهدد/ترا ان ما سكتي رجعتك للبيت ماخليك تشوفين بنتي..

غروب رجعت ورا وهي تكتف يديها بزعل/صار عنده بنت وشغلنا..

شروق تخفت لها محذره/اسكتي لا يعصب وما يخلينا نشوف بنته..

غروب زفرت بخفوت/مو بكيفه نشوفها غصبن عليه..

معاذ سال بخبث/وش قلتي؟..

غروب توترت/اقول بنسكت خلاص..

معاذ كتم ضحكه/اي على بالي..

سلطانه هتفت بنبرة عميقه/ابي محل مجوهرات..

معاذ قطب جبينه/وش تبين فيه؟..

سلطانه ابتسمت بحب/باخذ لسميه هديه..

معاذ التفت لها بمودة عميقه/ما يحتاج زيارتك اكبر هديه اصلاً..

سلطانه باصرار/ولو هاذي بنت الغالي اذا ما هديت لها اهدي لمنو؟..

معاذ ابتسم بحسره/ابد اللي يريحك صرتي احسن من امي..

سلطانه سالت باهتمام/امك درت؟..

معاذ اجابها بوجع/اي فرحت لكنها عيت لا تروح تشوف بنتي معنها اقرب وحده لها..

سلطانه فعلاً تضايقت/امك خلها علي وانا راجعه من المستشفى امرها وتفاهم معها..

معاذ هز راسه باسى/ماينفع الكلام لا تعبين نفسك معها..

سلطانه ببتسامة حانيه/انت لا تفكر الا بنوتك وامها والباقي يتسهل..

معاذ تنهد بعمق عندما تذكر حالة دانه بعد الولادة نائمة لم تشعر بمن حولها كما لو كانت جذه جامده..

تنهد ثم غير تجاهه لمحل مجوهرات لتاخذ سلطانه طقم ذهب بناتي انيق واساور صغيرة ناعمه انيقه..

بينما هي تاخذ راي شروق وغروب بكل اختياراتها من اجل تسعد طفلتيها تحت مراقبة معاذ الودودة لهما..
———————————————————
* ..المستشفى..

الجدة نشميه تهتف باصرار/لازم تشربين الشوربة انتي نفاس والوجع عليك ماهو زين..

دانه تنظر لها بتعب/والله مو مشتيه شي..

الجدة نشميه بحزم حاني/يامك حتى لو مانتي مشتهيه اجبري نفسك عشان صحتك..

الظبي هتفت باسمة/ترا جدتي بتضل تلح تلح لين تشربين الشوربة كلها اختاري راحة راسك و شربيها..

دانه تبتسم بامتنان/الله يجزاها خير اتعبتها معي..

الجدة نشميه بذات الحزم الحاني/لا تقولين كذا انتي مثل الظبي عندي مدام ربي معطيني الصحة والعافيه ما خليك لين تطيبين..

طرق الباب بخفه ثم دخلت سلطانه وهي تهتف بعذوبه/مساءالخير..

الجدة نشميه ترحب بمودة/ياهلا يالله حي الاميره..

سلطانه ترفع نقابها ثم قبلت راسها باسمه/الله يحيك بالمبارك عليك بنت معاذ..

الجدة نشميه ابتسمت بلطف/الله يبارك فيك تعالي سلمي على سميتك..

سلطانه ضعت الهدايا على الطاولة ثم سلمت على الظبي و دانه وتسالت عن الاخبار والاحوال..

واتجهت لسرير الطفلة ببتسامه حانيه/يا مشاءالله يجعل ربي يجعلها من مواليد السعادة..

الجدة نشميه تبتسم بامومة/وين بنياتك ليش ما جبتيهم يسلمون على سميت امهم؟..

سلطانه حملت الطفله ثم التفتت للجدة باسمه/الا جت معي شروق وغروب بس حشرهم شهاب برا..

منذ انهت جملتها الا تدخل غروب وهي تزفر بغيظ/يا جدة فكينا من شهاب ما خلانا ندخل لين حبينا راسه انا وشروق..

الظبي كتمت ضحكها(ياربي ماحد يسلم من شره يمال الماحي اي والله)..

الجدة نشميه تبتسم وهي تنادي لهما/تعالي سلمي علي انتي وشروق وانا اوريكم فيه شهاب..

شروق سلمت عليها هي وغروب ثم اتجهان لوالدتهما بفرحه لتهتف غروب باسمه/يويسي البنت صغيره كانها لعبه؟..

شروق ترفع اقدامها كي تراها/تهبل ماشاءالله..

سلطانه هتفت باسمه بحب/سلمى على دانه مرت معاذ وذي الظبي مرت شهاب..

شروق سلمت عليهما بينما هي تخفي نظرت الاعجاب كل وحده اجمل من الثانيه لكن دانه لاول مره تراها!!..

بينما غروب سلمت لكنها لم تصمت سالت بذهول وهي تاشر على دانه/ذي مرت معاذ؟..

سلطانه توترت شعرت بانها بتجيب العيد/اي ماما هي سلمي عليها..

غروب تقدمت ثم سلمت عليها وهي تزفر بطولة لسان/تهبل احسن من خشت معاذ..

دانه تبتسم لتبين غمازتها/حتى انتي تهبلين..

الظبي زفرت بشطانه/وانا طيب ماني ماليه عينك ليش ما تمدحيني؟..

غروب عطتها نظره/حتى انتي حلوه بس تصلحين لشهاب المقرود..

الظبي انفجرت ضاحكه لتهتف سلطانه بحرج/غروب خلك عاقله..

غروب سمعت الكلام وهي تجلس جوار والدتها تراقب ملامح الطفله وتبتسم بينما شروق كذالك تراقبها..

الجدة نشمية هتفت بحنو/عقبال ما يجي اخوكم بالسلامه..

سلطانه هتفت بعذوبه/اللهم امين..

ثم التفتت لدانه لتسال باهتمام/شلون الولادة عسى ماتعبتي؟..

دانه اجابتها برائه/شوي تعب..

الجدة نشمية تنظر لها بحزن/الا والله تعبت لكن عسى ربي يكتب اجرها اللي بعمرها توهم على الحمل والولادة..

الظبي مالت وخفتت لجدتها بخبث/وعلامك مشغلتني تبيني احمل وانا اكبر منها بسنه؟..

الجدة نشميه بذات الخفوت/انتي زولك غير عن زولها انتي ربي معطيك عود مليان ياذكر ربي ولا هي مسكينه مامن صحه..

الظبي اتسعت عيناها تعجب/وانتي تحكمين على الزول؟..

سلطانه راتها تخافت مع جدتها لا تعلم ماذا يدور بينهما لكنها سالت برقه/شلونك يا الظبي ليش ما تسيرين علينا؟..

الظبي وجهت انظارها لها/بخير الحمدلله انا ماجي المدينه كثير..

انفتح الباب ودرعمت شيخه لتهتف بذهول/مجتمعين كلكم؟..

الجدة نشميه هتفت مرحبة/يالله حي ام شهاب..

شيخه مالت وقبلت راسها بتقدير/الله يبارك فيك يالغاليه..

ثم سلمت على الجميع برود واتجهت لسرير الطفلة وهي تهتف بتقصد/بسلم على بنت معاذ مفروض يسميها نشمية لانك انتي اللي مرافقه معها..

الجدة نشميه هتفت بعفوية/لا اسمي قديم وش يبون فيه؟..

سلطانه هتفت بمودة/والله انك تستاهلين من يسمي عليك ياعمه..

شيخه بعد ان سلمت على الطفله التفتت لشروق وغروب بتسال/انتم هنيه ليتني داريه اجيب شهد معي..

غروب بزفرة/اصلاً انتي بس حابستها بالبيت..

شيخه تجلس جوار والدتها وهي تخلع نقابها/مابقى الا انتي يام لسان تعلمينا السنع..

غروب طنشتها بينما شيخه التفتت لظبي لتهتف بحده/وانتي ورا ما تيسرين على عمك ما تعرفين صلت الرحم؟..

الظبي عطتها نظرة قارصة/اللي يبيني يدل مكاني..

شيخه اتسعت عيناها/والله مابقى الا هي تبين عمك يتعنى للقريه عشان يسلم عليك؟..

الجدة نشميه خفتت لشيخة بحده/عنبو حيك انتي ورا ما تسكتين فضحتينا..

شيخه التفتت لدانه ونظرت لها بتفحص ثم خفتت بتقصد/يخلف الله على ولد حاتم طول وعرض واسم ومكانه واخذ له بزر؟..

الظبي احمر وجهها غضب لذالك زفرت بحمية/وش فيها البزر جمال وكمال والف واحد يتمناها..

شيخه التفتت لها بحده/انتي ماحد طلب رايك وش فايدة الزين وهي ورع هاه؟..

الجدة نشميه حقاً غضبت/والله ومان الله ياللي ما تصم فمها لا اطلعها مع ذا الباب..

الجميع صمت بينما دانه تراقب ماحدث بدهشه من تلك المراءه الغريبه التي اقتحمت الجميع بشرها!!..

وسلطانه كانت تراقب برود لكنها حقاً معجبه بشخصية الظبي لم تنتظر احد يدافع عنها بل هي تاخذ حقها بلسانها..

دقائق ورن هاتف الظبي قفت وبتعدت قليلاً وهي ترد من غير نفس/نعم؟..

شهاب هتف بارهاق/يلا نمشي حدي نعسان..

الظبي زفرت بخفوت/يلا بس بشوف جدتي اذا محتاجه شي..

عندما اغلقت الهاتف سالت جدتها باهتمام/جدة انا بمشي تبين شي؟..

الجدة نشميه هتفت بحرص/ابي سلامتكم وانتبهي لجدك ولا تجون بكرا تعب عليكم لاطلعت دانه اجي انا وهي..

الظبي مالت وقبلت راسها ثم حملت شنطتها اليدوية وهتفت باحترام/يلا مع السلامه نشوفكم على خير..

سلطانه هتفت باسمه/بحفظ الله..

الظبي التفتت لدانه بنبرة ودودة/لو تحتاجين شي خلي جدتي تكلمني..

دانه هزت راسها بصمت بينما هي تراقب الظبي حتى غادرت تحمد الله وتشكره بان اهداها صديقه حنونه..
———————————————————-
معاذ يسال شهاب باهتمام/كيف اموركم؟..

شهاب اجابه باسماً/لا حنا اللي تصالحنا ولا حنا اللي تهاوشنا معلقين بين السما والارض..

معاذ يبتسم بخبث/عرفت لك بنت احمد شوف وحر جوف..

شهاب هز راسه ضاحك/ياربي منك والله اني نعسان ودايخ ولا كان عرفت ارد عليك يرب الاسره..

معاذ يضحك كذالك/رب اسرة مره وحده؟..

شهاب ينظر هاتفه الذي رن ليقف بحزم/يلا انا استاذنك بكرا ان شاءالله نتقابل..

معاذ وقف كذالك بتقصد/وخيراً عطتنا مجال اشوف حرمتي وبنتي مناشبتنا حتى بالمستشفى؟..

شهاب ابتسم وهو يبتعد/لانها تنعس مانامت من البارح ولا كان رابطت عندها لا بكرا العصر..

عندما اقترب لظبي زفرت بحده/كان جلست شوي عادي انتظرك لين انام وانا واقفه..

شهاب ينظر لها بهيام/يا كثر بربرتك ويا كثر غلاك..*

الظبي حقرته وهي تقدمة بخطواتها الناعمة تحت مراقبة شهاب ليبتسم عندما خطر باله كلام معاذ..

خفت بحسرة/اي والله اني شوف وحر جوف..

الظبي التفتت له باستغراب/من تكلم؟..

شهاب اقترب حتى صار كتفه قريب لكتفه مال وخفت بنبرة عذاب/
الزين واضح مايبي له علامه..
بوصفة على طول و افوت..
الشعر فتنه والجسم هامه..
والنهد واقف والخصر منحوت..
والردف بارز وخامته خامه..
ما يستره كود عبايات وبشوت..
اذا وقف له من الطول قامه..
واذا جلس فرش الارض ياقوت..
لاحد يتشره ويحط الملامه..
في حبه خلوني اعيش واموت..

الظبي كانت تستمع وهي تذوب خجلاً حتى انتهى خفتت بتوتر/قليل ادب..

شهاب تنهد بعمق/خليني ساكت بس..

الظبي تنظر له بنصف عين/كل ذا وتقول خليني ساكت؟..

شهاب يفتح سيارته بصمت لتركب الظبي بذات الصمت حتى سال هو بهدو/سلمتي على امي؟..

الظبي اجابته بزفرة/اي سلمت عليها..

شهاب حرك السياره وهو ينظر لها بغرابة/وعلامك تقولينها من غير نفس؟..

الظبي اجابته بشفافية/سراحه امك ما تحترم احد فشلتني قدام مرت نمر بعدين غسلت شراع دانه ياربي ما تتعب..

ثم التفتت فيه باستغراب حقيقي/انا بسراحة مستغربه عمي كيف متحمل مابعد تزوج عليها؟..

شهاب عطاها نظره/اقول لا اسمع ذا الكلام مره ثانيه واذا انتي ناسيه اذكرك ترا ذي امي ما ارضى عليها..

الظبي هتفت بجدية/امك ما اختلفنا بس شهاب جد اسلوبها ينرفز..

شهاب ينهى النقاش بحده/خلاص اسكتي ولا تجيبين سيرتها لا بخير ولا بشر..

الظبي صدت عنه بتقصد/ليش وانا ناقصه عقل عشان اجيب سيرتها وغث نفسي؟..

شهاب تنهد بطولة بال/ظبي قلت لك خلاص..

الظبي صمتت ليصمت هو كذالك دقائق ثم هتف بتوجس/نعسانه انتي مثلي؟..

الظبي اجابته بعفوية/اي والله من البارح ما نمت..

شهاب مد يده وامسك كفها قبلها ثم حضنها على صدره/تنامين عندي بالجناح؟..

الظبي صمتت ثوان ثم اجابته بوضوح/طبعاً بنام بالجناح بما ان جدتي مو موجودة اخاف بروحي..

شهاب شد احتضان كفها/تخافين وانا عندك افا عليك بس..

الظبي تسحب يدها بخفه/انام بالغرفه وانت بصاله..

شهاب ينظر فيها برجا/تكفين لا ترحميني منك عطيني فرصة اثبت لك برائتي..

الظبي هتفت بنوع من الهذيان/اي برائه وانا شفت الصورة بعيني خلاص الخاطر طاب منك ماعاد لك بالقلب مكانه..

شهاب تنهد بوجع/قسم بالله لو تعرفين وش كثر احبك ما قلتي ذا الكلام ظبي انا ما خنتك والله شاهد على كلامي..

الظبي سالت بفطانه/افهم ان الصورة قبل الزواج؟..

شهاب اجابها بثبات/هي فعلاً قبل الزواج لكنها مجرد صورة مع متابعيني البنت تعرفني لكن انا ماعرفها..

الظبي ترص على الكلمه/وش يثبت للي كلامك؟..

شهاب اجابها بحزم/اعطيك الباسورد لحساباتي راقبيني واذا لقيتي علي شي سوي اللي تبين وقتها مالي عذر..

الظبي صمتت ثوان شهاب امسك كفها برجا/لا تفرقينا وانتي ماشفتي شي بعينك يثبت خيانتي لا تظلميني..

الظبي التفتت له بثبات/بعطيك فرصة يا شهاب لكن بشرط..

شهاب هتف بسعادة/انتي ما تشرطين انتي تامرين امر..

الظبي اجابته بذات الثبات/ابي توعدني ماعاد تصور مع بنات حتى باماكن عامه و لو تكرر وشفت لك صورة مع اي بنت لو قديمة لك خيارين يا انا يا الشهره..

شهاب انتفض بجزع/لا تحطيني بين نارين انتي عمري كله والشهره مصدر رزقي مستحيل اتخلى عنها..

الظبي هزت كتفيها باصرار/والله عاد انت قلت للي اشرطي اللي تبين وذا شرطي..

شهاب صمت بحيرة ثم هتف بضيق/طيب موافق لكن مو صور قديمه لا تحاسبيني على الماضي لانه يخصني انا بروحي اذا صورت مره ثانيه لك حق تحاسبيني..

الظبي زفرت بحده/ماضيك يخصني معك نسيت اني خطيبتك من وانا صغيره يعني اللي سويته يعتبر خيانه..

ثم التفتت له منهيه النقاش/صور قديمه جديدة كلهم عندي سوى راضي بشرطي ولالا؟..

شهاب شعر باختناق لن كلامها صحيح منذ طلعت على الدنياء وهي محيره له وهو كان راضي قبل فيها

لكن حينما كبر ودرس و اشتهر تكبر عليها ورا بانها ليست من مستواه لذالك طلقها قبل الزواج ثم ندم..

شهاب نظر فيها بتوجس/راضي بس نعلن الصلح من اليله وتنامين عندي؟..

الظبي هزت راسها بهدو/طيب..
———————————————————-
..المستشفى..

شيخه هتفت بحزم/يومه انا بمر ولد نمر اسلم عليه تروحين معي؟..

الجدة نشميه تالمت حقاً من ذكراه/اي بالله ودي اسلم عليه هو هنيه بالمستشفى؟..

شيخه تجيبها باستعجال/ايه يلا بروح له قبل امشي..

الجدة نشمية التفتت لسلطانه بمودة/تروحين معنا؟..

سلطانه اجابتها ذات المودة/تروح معكم السلامه..

شيخه ناظرتها بنصف عين ثم قفت ومدت يدها لوالدتها/يلا يومه قومي..

الجدة نشميه قفت بثقل وهي تهتف لدانه بحنو/يامك بروح اسلم على ولد نمر وعود عليك سلطانه عندك لا تخافين..

دانه ابتسمت بعذوبه/ابد خذي راحتك..

شروق سالت والدتها بتردد/ماما عادي نروح انا وغروب تشوف اخونا؟..

سلطانه اجابتها بحنو/اي ماما عادي..

الجدة نشمية هتفت بامومة/يلا تعالو معي..

غروب مازالت جالسه لتخفت لها سلطانه بغرابه/ليش ماتروحين معهم؟..

غروب تنظر والدتها بتوجس/عادي عندك؟..

سلطانه اجابتها بوجع/اي ماما عادي روحي عشان بابا لا عرف انكم زرتم اخوكم يفرح..

غروب لحقت الجدة نشميه التي صادفت معاذ امام باب الغرفة كان يريد الدخول سال بغرابه/على وين؟..

شيخه اجابته بهدو/بنروح نشوف ولد نمر ونتطمن عليه..

معاذ هز راسه بتفهم/زين تسوون..

ثم دخل الغرفة وعيناه فوراً اتجهت لدانه التي كانت منزله راسها تعدل غطا الفراش بمساعدت سلطانه..

عندما سمعت نبرته الثقيله الذي هتف بالسلام انتفضت لا شعورياً وهي تخفت لسلطانه برعب/ابي بنتي..

سلطانه تبادلت الانظار مع معاذ بصدمة لكنها استجابت لها وهي تحمل الطفلة وتضعها بحضنها..

دانه شدتها على صدرها وعيناها تنظر معاذ بريق من الخوف والرجا بان لا ياخذ طفلتها لا ياخـــــــــــــذها

رغم ان معاذ ملهوف على تقبيل ابنته ونظر الى وجهها لكنه قهر رغبته كي لايرعب دانه اكثر من ماهي مرعوبة

جلس بعيد عنها وهو يسال باهتمام/شلون صرتي؟..

دانه اجابته باختناق/طيبه..

سلطانه شعرت بتكهرب الجو لذالك هتفت بمرح/يا حلو البنوته مادري هي اللي مزينه اسمها ولا اسمي مزينها؟..

معاذ ابتسم بلطف/لا اسمك هو اللي مزينها..

سلطانه تضع نقابها على وجهها/عن اذنكم بروح اسرب للي شيء دافي..

معاذ وقف فوراً/ارتاحي انا اجيب لك..

سلطانه اقتربت له وهي تخفت بتقصد/لا انت ارتاح وانا ماراح اطول..

معاذ فهم عليها بانها تريد ان يتحدث مع دانه براحتهم لذالك عاد جالس وهي خرجت من الغرفة..

دانه كانت تشد احتضان طفلتها على صدرها بارتباك ليهتف معاذ لها بحزم حاني/دانه تطمني ما راح اخذها منك..

دانه تنظر في بعيني لامعه/ما اثق فيك..

معاذ نهض واقف واقترب لها لتنكمش هي على نفسها مد يده ومسح على شعرها بحنان مصفى/مهما كنت قاسي بنظرك لكن ترا قلبي باقي مامات وعنده ضمير..

دانه نزلت دموعها وهي تخفت برجا/امانه يا معاذ لا تحرمني منها ترا شفت الموت بولادتها..

معاذ حضن راسها بصدره بحرقه/تكفين بس لا توجعين للي قلبي..

دانه تخفت بنوع من الامل/طيب اوعدني ما تحرمني منها..

معاذ اجابها بحذر/حالياً لا والذي رزقنا فيها ما فكر احرمك منها..

دانه ابعدت عنه بصدمة/وبعدين؟..

معاذ اجابها بغموض/كل شي بوقته..

دانه صدت عنه وهي تحضن طفلتها بينما معاذ ينظر ملامحها الصغيرة سال بهدو/بسلم عليها ممكن؟..

دانه هزت راسها بنفي/لا..

معاذ ابتسم من حركتها/ترا لو بخطفها خطفتها من الصباح وانا عندها بالحضانه..

دانه تنظر فيه برائه/طيب احلف انك بس بتسلم عليها؟..

معاذ حلف كي يطمنها/والله بسلم عليها ورجعها لك..

دانه مدتها له بينما يديها ترتعشان معاذ حملها بخفه ثم قبل خدها قبلة دافئه وهي يستنشق رائحتها..

هتفت بحب/ريحتك فيها يا دانه..

دانه هتفت باختناق/ممكن تجيبها..

معاذ عادها لها بحب اعمق/من عيوني تفضلي..

دانه تحضنها وهي تنظر معاذ باسمه/حلوه صح؟..

معاذ يبحر بعيناها/اكيد بتصير حلوه مو انتي امها؟..

دانه انزلت راسها خجلاً/شكراً..

معاذ تنهد بعمق/محتاجة شي اجيبه لك قبل تنتهي الزيارة؟..

دانه هزت راسها بنفي/لا..
———————————————————-
..قصر نمر بن فخر..

..الساعه العاشرة مساء..

نمر يدخل ليرا الصالة خاليه استغرب ليسا بعادة سلطانه ان تنام بدري لكنه توقع بانها بصالة الثانيه..

لذالك رقى الدرج كانت ايضاً خاليه اتجه الغرفة فتح الباب لم يجدها قطب جبينه ثم توجه لغرفة بناته..

ليتاكد من عودتهما من المستشفى فمثل تلك الوقت بليالي الشتاء متاخر حتى الزيارة منتهيه اصلاً؟؟..

دخل ليرا شروق وغروب جالسات جوار بعضهما على السرير واضح على ملامحهما الطفولية الحزن الشديد!

نمر سال بحزم/شفيكم وين امكم؟..

شروق من اجابتها بهدوئها المعتاد/ماما حطتنا بالبيت هي و معاذ وراحت تسلم على خالتي عزيزة..

نمر اقترب بذات التسال/ليش عزيزة فيها شي؟..

شروق كذالك من تجيبه/لا بس تقول من زمان عنها..

نمر تعلقت عيناه بعيني غروب الدامعه لينتفض قلبه بين اضلعه/غروب شفيك بابا؟..

حينها غروب انفجرت باكيه وهي تحضن ركبتيها على صدرها وتدفن وجهها بحضنها كتفيها التي ترتعشان..

نمر انحنى وامسك كتفيها برفق/تكلمي شفيك ياروحي؟..

شروق تجيبه من بين دموعها/تبكي لانها شافت اخوي فخر..

نمر التفت لها بصدمة عميقه/انتم رحتو له؟..

شروق تهز راسها/ايه..

نمر حضن غروب ثم حضن شروق وهو يغلق عيناه من شعوره بان الحزن اصبح رفيقاً له يلاحقه اين ماذهب؟

هتفت بحنو بالغ/اخوكم ان شاءالله طيب ومحتاج منكم الدعاء ترا البكا يا بابا ما ينفع..

غروب رفعت راسها ونظرت له بحزن/صغير حيل وشكله يحزن فمه في سلك عشان يشرب الحليب؟..

نمر اخفى المه بنبرته الهادئه/عادي يا بابا كل الاطفال الخدش كذا لين يكبرون ويكتمل نموهم..

شروق تسال بيقين/يعني راح يعيش ويرجع لنا؟..

نمر تنهد بعمق/الله اعلم..

ثم سال بتوجس/امكم راحت معكم شافته؟..

غروب اجابته من بين دموعها/لا عيت تروح بس قالت لنا رحوو عشان انت ترتاح..

نمر هز راسه بتفهم/ومن راح معكم؟..

شروق من اجابته/جدتي وعمتي شيخه..

نمر وثق وهو يمسد جبينه بانامله من شعورة بصداع غريب/طيب ياروحي ارتاحو وانا بروح غرفتي ببدل ورتاح..

عندما وصل غرفته فوراً جلس على طرف السرير وهو يخلع شماغه ويرميها جواره ويفتح اعلى ازرة ثوبه..

يشعر بانه يخـــــــــتنق بسبب الكتمان عندما يتالم لا شي يجذبه سوى الكتمان تلك عادته التي ستقتله يوماً ما..

لكنه ادرك موخراً بان كلما كتم المرء احزانه ورا كمها كلما تحولت تدريجاً الى الم جسدي ونفسي..

تخيلو مدى هشاشة المرء حين يظن ان الكتمان انتصار بينما هو بالحقيقه اكبر هزيمه قد يرتكبها بحق نفسه..
—————————————————-
سلطانه تخفت لعزيزة بعتاب/ليش مارحتي مع معاذ وسلمتي على بنته ليش تكسرين بخاطره؟..

عزيزة اجابتها بقهر/بنته يجيبها للي لين عندي واسلم عليها ماني عديمة كرامة مثل عمتك مرافقه مع بنت قاتل ولدها..

سلطانه هتفت بحزم/هذا ان دل يدل على طيب اصلها اجل تبينها تخلا عن يتيمه مالها ذنب بفعل ابوها..

عزيزة زفرت من طرف انفها/بلاك ماعرفتي اليتيمه هاذي حيه من تحت التبن يما كذبت علي هي وابوها وقالو ان فيها مس يما مدت يدها علي يما ويما..

سلطانه اتعست عيناها ذهول/مستحيل دانه يطلع منها كذا البنت بريئه؟؟..

عزيزة بحده خافته/ماهي بريئه لكن ذاك الوقت انا ماعلمت معاذ ولا كان ذبحها وفكني منها..

سلطانه هتفت بثبات/ولو فرضاً انها سوت كل اللي قلتي كانت قوتها بابوها هو اللي معطيها الامان الحين غير مالها احد ماتقدر تسوي شي تخاف..

عزيزة من بين انفاسها الغاضبه/انتي مثل معاذ انضحك عليكم..

سلطانه بحزم جدي/يا عزيزة معاذ ما يستاهل منك كل ذا الجفا يوم طحتي هو اللي احتواك مارد الاسى بالاسى وتخلا عنك رغم انك تخليتي عنه وهو صغير..

عزيزة صمتت لتكمل سلطانه كلامها بذات الحزم/لا تخلين الشيطان يلعب عليك ويفرق بينك انتي وولدك زين ان الله هداه وصار يتقرب منك اول حتى ما تشوفينه الا بعد مده..

عزيزة تنهد بعمق/كان يمر علي مرور الكرام ولا كني امه..

سلطانه خفتت بتحذير/طيب لا ترجع العلاقه بينكم اسوى من قبل اتركي دانه عنك وخلي قلبك على معاذ وبنته حفيدتك الوحيده..

عزيزة هزت راسها بهدو/بحاول بحاول..

سلطانه تنهض واقفه وهي تهتف بحرص/مو بس تحاولين لازم تغيرين..

عزيزة سالت بغرابه/وين رايحة تو الناس اسهري معي؟..

سلطانه اجابتها بوجع/ماقدر اتاخر على بناتي ونمر تعرفين الحين يمر بظروف صعبه لازم اكون يمه..

عزيزة زفرت بغبنه/انتي لا متى بتضلين كذا خلي يحس بالوحده مثل مانتي حسيتي فيها يوم وفاة شامخ خلي هذا نصر لك من رب العالمين..

سلطانه تنهدت بضيق/يا عزيزة الكلام اللي تقولينه حرام ترا الشماته مو زينه بعدين اذا ربي جازاه انا ليش اجازيه بعد خلاص هو اصلاً عارف ولكنه ساكت مايبي يتكلم..

عزيزة بزفرة/ماضنتي هذول ما عندهم ضمير اصلاً..

سلطانه هتفت بحرقه/والله انه حاس لكن وش تبينه يقول هذا جزاي لاني ظلمتك صعبه يا عزيزة يعترف بخطاه..

عزيزة خفتت بخبث/انتي لمحي له عشان يتوب ماعاد يعترض على قدرت الله مره ثانيه..

سلطانه ماكان لها الا ان تبتسم/ان جلست عندك فريتي مخي اقول بس تصبحين على خير..

عزيزة تسال باهتمام/من يبي يوصلك؟..

سلطانه تجيبها وهي تتجه الباب/معاذ برا ينتظرني وبيرجع ينام حده تعبان..
——————————————————
* ** تحياتي (شغف)..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت السادس و السبعون /~

* ..القرية..

شهاب تمدد بعد ان ارتدى بجامة دافئه ثم حمل هاتفه يتعبث فيه حتى تنهى الظبي من الاستحمام..

ملهوف جداً على مشاكستها حتى تزعل منه و يقضي ليلة يرضيها حتى ينام سعيداً من شقاوتها الطفولية..

لمن سكنت قلبي ماجمل سماع نبضات قلبك وغفوة بين ذراعيك دمتي للي حباً وعشقاً حتى نشيب سوياً..

الظبي تخرج من الحمام وعيناها بالارض خجلاً لانها مرتديه قميص نوم شفاف بالون العسلي مثير جداً..

شهاب ضع هاتفه على الطاولة المجاوره له ثم قف وتقدم لها باسماً/ياقلبي على المستحين..

ظبي صمتت بذات الخجل ليكمل شهاب كلامه بخبث وهو يحضن وجهها بين كفيه/ماصار للي سبوعين عنك نزل عليك الحياء مشاءالله وين الجرائه والكلام المعسول؟..

الظبي خفتت بزفرة/ياربي ما تخليني اعيش دور البنت الخجولة لازم تخرب علي؟..

شهاب شدها لحضنه ضاحك/ما كنت ادري مفروض تلمحين للي عشان حتى انا اعيش دور الزوج المحترم..

الظبي ابتسمت بفتنه/عاد تبي الصدق انا خجلانه كني توي عروس..

شهاب ينظر ملامحها بهيام/سبحان ربي خلقك كل شي فيك يوجع القلب..

الظبي انزلت عيناها خجل ليميل شهاب ويقبل عنقها بدفئ تلك الفتاة يشعر بان محبته لها تعدت الحدود..

واعز ثم اذل ذلة عاشق..
والحب فيه تعزز وتذلل..

الظبي ابعدت عنه بهدو ثم اتجهت لتواليت كي تجفف شعرها تحت مراقبة شهاب المتفحصة لتفاصيلها..

الهدو والاستقرار نعيم والصمت بعد التفاهم حياة وما بين الاثنين تفاصيل لاحد يدركها الا من شعر فيها..

شهاب اقترب وهو ينظر شعرها الطويل/مفروض باليل ما تغسلين شعرك مشاءالله يبي له وقت عشان تجففينه..

الظبي هتفت بخبث/عادي وش وراي اجففه الحين..

شهاب بخبث مشابه/اي والله عادي وش ورانا نسهر نجفف شعرك..

الظبي ابتسمت ليبتسم شهاب كذالك/احس الحياة تبتسم للي لا ابتسمتي انتي..

الظبي مازالت تبتسم بصمت بينما هي تجفف شعرها متجاهله نظرات شهاب لانعكاس صورتها بالمراه..

ما اجمل الذي يتالم ولا يتكلم والذي ينخدع ولا يخون فليس كل من ابتسم سعيد قد يكون ورا الابتسامات حزن..
————————————————————
** ..يوم جديد..

* ..المستشفى..

الجدة نشميه تطل على الطفلة بسريرها باسمه/ياذكر ربي عن بنت معاذ..

ثم التفت لدانه التي تفتح عيناها بنعاس وهتف بهذيان/بنتي وينها؟..

الجدة نشميه تنهدت بوجع/بنتك بخير وانا جدتك هاذي هي عندك..

دانه تعود لنوم بعد ان تطمنت بينما الجدة نشميه تنهدت بضيق/لاحول ولاقوة الا بالله..

طرق الباب بخفه ودخل معاذ يحمل بين يديه حافظات لوجبة الافطار ثم هتف بهدو/صباح الخير..

الجدة نشميه هتفت مرحبه/يا صباح النور والسرور بابو سلطانه..

معاذ ضع الحافظات على الطاوله ثم قبل راسها باسما/كيف اصبحتي؟..

الجدة نشميه تقصر صوتها من اجل دانه نائمه/يالله لك الحمد اصبحنا بنعمه..

معاذ التفت لدانه ثم خفت بتسال/علامها للحين نايمه؟..

الجدة نشميه اجابته بحنو/ما رقدت البارح مغصت شوي لازم بعد الولادة يمر عليها تعب..

معاذ تنهد بعمق ثم اشر على الحافظات/ذا فطور من سلطانه تقول خبز وسمن لك و لدانه وقهوه وشاي..

الجدة نشميه ابتسمت بامتنان/يالله انك تغنيها وترزقها اصيلة ام شامخ من يومها..

معاذ هتف بحزم/عمي نمر خاطره يسلم عليك قبل تمشين للقريه لكنه مايبي يجي للمستشفى..

الجدة نشميه هزت راسها بتفهم/عندي خبر كلمني قبل شوي قلت ابد لا زرت ولدك العصر اجي اسلم عليك وعليه..

معاذ تنهد براحه/زين تسوين..

ثم اتجه لبنته بلهفه/ياربي يزين الصباح..

الجدة نشميه تبتسم بلطف/هذي وهي صغيرة كيف لا كبرت تاخذ قلبك؟..

معاذ حملها بخفه ثم قبل خدها باسماً/فداها قلبي وكلي..

الجدة نشميه تنظر في بعيني لامعه/الحمدلله اللي بلغني وشفت عيالك يا معاذ..

معاذ التفت لها بحنو/الله يطول بعمرك وتشوفين عيال عيالي..

الجدة نشميه تنهدت بعمق/لا يوليدي الله لا يردينا لاخر العمر..

قطع كلامهما نبرة دانه المرتعشة/ابي بنتي؟..

الكل لم ينتبه لها عندما افاقت وهي تراقب معاذ يحمل طفلتها لتشعر برعب ينفض قلبها الصغير..

معاذ التفت لها وهو مازال يحمل بنته/صباح الخير شلونك؟..

دانه تجيبه باختناق/طيبه بس ابي بنتي..

معاذ مازال متفهم رعبها لذالك مدها لها/تفضلي هاذي بنتك..

دانه تحتضنها بصمت تحت مراقبة الجدة نشميه التي تحترق عليها لكنها لم توضح بنبرتها الحازمه/سلطانه مرسله عليك فطور يلا قومي غسلي وفطري وشربي شي دافي وكاد الدكتور يكتب لك خروج..

دانه هتفت بتردد/طيب تعالي خذي بنتي..

الجدة نشميه تقترب وتحملها بين يديها الحانيه/يلا قومي..

دانه نهضت واقفه بينما هي تحاشى النظر لمعاذ خائفه من ردة فعله من تصرفاتها لو ثار لم يرحم احد

معاذ سال بحزم/انا بطلع الشركة لو كتب لها خروج كلميني يا جدة..

الجدة نشميه هزت راسها برضا/طيب الله يحفظك..

معاذ خرج بينما دانه غسلت ثم عادت تفطر لتهتف الجدة نشمية بنبرة هادئه/دانه ترا اللي تسوينه غلط كل ماشال بنته خذتيها منه..

دانه نظرت لها بعيني لامعه/هو حالف لا ولدت ياخذه ويرميني بشارع..

الجدة نشميه بحزم واثق/وانا وين رحت يوم ياخذ ورعك ويرميك البسه لولدت عند الغنم والله اني اخذها هي ورعها وحطها بشبوك وحماها من الكلاب والناس لا تذبح ورعها وتحرق قلبها عاد كيف تبيني اشوف معاذ يحرق قلبك وانتي ام على بنتك واسكت والله ومان الله لقوم الدنيا على راسه وراس عيال الفخر كلهم..

دانه انخرطت بالبكاء/الله ينصر دينك الله ينصر دينك..

الجدة نشميه تقترب وتحضنها بحنان/بما انك عندي و بحمايتي تطمني والله ماحد يجور عليك..

دانه امسكت كفها وقبلتها بمتنان/الله يطول بعمرك..
———————————————————
* * ..قصر النمر..

نزل الدرج وهو يعدل نسفة شماغه ويهتف بحرص شديد/سلطانه عاد اليوم اجلسي بالبيت ارتاحي ترا ركوب السيارة ياثر عليك..

سلطانه التي تخطي جواره هتفت برقه/باذن الله لا تحاتي ماراح اطلع..

نمر التفت لها باهتمام/تبين شي انا بروح؟..

سلطانه سالت بذات الرقه/وين بتروح؟..

نمر اجابها بثبات/بمر ولدي وتطمن على صحته وبسلم على امي قبل تمشي ومناك بطلع لابو عبيد عنده عشا..

سلطانه تنظر ملامحه بتردد/نمر ودي اقول لك شي بس اخاف تاخذ بخاطرك مني؟..

نمر عقد حاجبيه/قولي؟..

سلطانه تنهدت بوجع/ما انصحك تكثر زيارات لولدك لا تعلق فيه وانت ما تعرف القدر وش مخبي لك..

نمر صمتت ثوان ثم هتف بحزم/انا ماشي لو تبين شي كلميني..

سلطانه فوراً امسكت ذراعه قبل يغادر/زعلت من كلامي؟..

نمر هتف بثبات/ليش ازعل كلامك عين العقل لكن عجزت عن قلبي كل ما احاول اصده يتعبني..

سلطانه تنظر فيه بوجع/الله يجبر قلبك جبر يتعجب منه اهل السموات والارض..

نمر مال وقبل جبينها بود/لا تحاتين المهم انتبهي لنفسك ترا الامل بالله ثم بشامخ..

سلطانه هزت راسها بصمت وعيناها تراقبه حتى خرج لتنزل دموعها بتدافع فهي اصبحت لا تحكم بدموعها..

ولكن المبكي بالامر باني اصمت امامهما حين اتمزق من الداخل كي اشعر من حولي بالقوه والثبات..

نمر عندما ركب سيارته ضع راسه على المقود حتى ولو استطاع تجاهل حزنه فتره من الزمان ولكنه لا يسطع

نسيان ابنه شامخ ففي لحظه يمر طيفه في ذاكرته فيشتاق لتلك الايام ولذالك المبسم الطفولي..

ولتلك الحظات والمشاعر الجميلة ثم يحزن لانها قد اصبحت ذكرى ولن تعود تماما كــ موعد ولادته..

يستطيع ان يتجاهل لفترة و لكن عندما يحين موعده يتذكره ليشعر بالحزن والحسره على عمره الذي راح..

فهو بسن 45 سنه والى الان لم يرزق بولد يحمل اسمه الذي بعمره ابنائهما طولهم ثنين و ثلاثه وربعه..

لكن بالنهايه يعترف بانه هو السبب لانه تاخر بالزواج حتى ان البندري كانت تلح عليه ثم بعد ذالك توفت..

وضل ثلاث سنين من غير زواج حتى دخل سن 35 بعد ذالك تزوج من اجل والدته واتاه ولد لكن توفى فجئه..

هجر سلطانه وضاع الكثير من عمره كان بمكانه رضا بالقدر لاتاه بدل الولد ثنين خلال تلك السنوات الاربع..

لا يعلم هل هو من ظلم نفسه او نفسه من ظلمته من البدايه عندما عافت النساء بعد البندري وضاع عمره..

حتى اتى اليوم الذي يحفى فيه على ولد واحد يكون معافى وسليم لا يريد من الدنيا بعد ذالك شيء..
———————————————————-
..القرية..

..بعد صلاة العصر..

الظبي تهتف بالحاح/بروح لهم اشتقت للبنوته حدي متولعه فيها..

شهاب ينظر لها بنصف عين/ماسرع تولعين فيها وهي امس جايه وبعدين معاذ كلمته يقول ممكن يطلعون اليوم ليش نتعنى للمدينه؟..

الظبي زفرت بغيظ/مالي شغل قوم ودني ولا ترا رحت مع جدي..

شهاب تمدد على الاريكة بخمول/والله انا حدي تعبان من جيت من السفر ما ارتحت وجدي ماهو متعني والناس بتجي..

الظبي تاففت بضيق/وانا وش يصبرني لليل انتظرهم؟..

شهاب ينظر فيها بتركيز/طيب ليش انتي مستعجلة؟..

الظبي اجابته بعفوية/بروح اشوف البنوته خذت قلبي..

شهاب هتف بتقصد/طيب ماودك حتى حنا نجيب لنا بنوته تاخذ قلوبنا كلنا؟..

الظبي قطبت جبينها/مافهمت؟..

شهاب اعتدل جالس ثم هتف بجديه/الظبي لنا كم شهر متزوجين ولا حملتي اخاف في سبب؟..

الظبي رفعت حاجبها بحده/اي عاد انت تدور الاسباب عشان تقول ما تولد..

شهاب ينظر لها بعتاب/افا توقعين مني كذا اصلاً لو لاقدر الله فيك السبب مستحيل اتخلى عنك اعالجك لين تجيبين للي ورع حلو زيك..

الظبي ترفرف اهدابها/طيب انا احس ان تونا على العيال؟..

شهاب هتف بحزم جدي/لو كنا متفقين من اول ممكن عادي لكن كذا انا سراحه ماني مرتاح..

الظبي صمتت ليكمل شهاب كلامه بتوجس/شرايك ناخذ موعد ونكشف نتطمن بس؟..

الظبي هزت راسها برضا/طيب عادي..

شهاب امسك كفها وقبلها/بكرا يناسبك؟..

الظبي اتسعت عيناها/بسرعه ذي؟..

شهاب هتف بثقه/خير البر عاجله ليش التاجيل؟..

الظبي هتفت بحذر/طيب لاتقول لاحد خله بينا افضل..

شهاب بذات الثقه/طبعاً ذا شي خاص فينا هم وش دخلهم..

الظبي لا تعلم لماذا هي متوتره تخشى بانها لم تنجب ماذا ستكون ردة فعل شهاب قد يفكر بزواج عليها؟..

لاحد يستطيع منعه او لومه لن الاطفال هما اساس الحياة الزوجية لذالك هي خائـــــــــفه من الغد!!..
———————————————————

* * ..المستشفى..


كان نمر يقف قريب من سرير ابنه بينما يدور كلام سلطانه بذهنه لابد ان يجاهد نفسه ويخفف زيارات..

لانه لو تعلق فيه وفقده ليسا من صالحه سيشرب من كاس مرارة الفقد من جديد بعد تلك السنوات الطويله

وقد يكون لا يتحمل مراراته سيقذف مافي جوفه وتبخر جبروته وتنهار قوته ويقل صبره وينكسر زجاج الكبريا..

ايها الموجوع صبراً ان بعد الصبر بشرى ايها القلب الذي ينبض باكي ليلاً سوفا ياتي النور فجراً..

ايها المكسور قل للي هل يديم الله كسراً يا عزيز القلب مهلاً ان بعد العسر يسرا ان بعد العسر يسرا..

التفت نمر لمصدر صوت والدته التي تقترب/لاله الا الله محمد رسول الله..

نمر اقترب لها مرحباً بتقدير/يا هلا حي الله بنت عذال..

الجدة نشمية تنظر له بوجع/الله يبقيك ويشفي غاليك..

نمر قبل راسها بذات التقدير/بالمبارك عليكم بنت معاذ..

الجدة نشميه تنهدت بوجع اعمق/الله يبارك فيك وانت لا يفجع قلبك ان الله يحيي ولدك حياة سعيدة ولا يموته موتاً شهيدا..

نمر بنبرة ثابته/اللهم امين المهم طمنيني عنك عساك بخير؟..

الجدة نشمية اجابته بمودة/اي بالله اني بخير يالله من فضلة وانت شلون مريتك وبنياتك؟..

نمر ابتسم بثقل/كلهم بخير الحمدلله وفرحانين بسميه..

الجدة نشميه تبتسم بلطف/عزالله ان معاذ اختار الاسم اللي يزهاه في احلى من سلطانه واسمها؟..

نمر اتسعت ابتسامته/لا بالله مافي الا نشميه احلى..

الجدة نشميه تضحك بخفه/لا والله يا وليدي الظليمه شينه اسمي ماهو مثل اسمها..

نمر انحنى وقبل كفها/والله ان اسمك ينحط على الجرح يبرى..

الجدة نشميه تشد على يدة بخفه/الله يطول للي بعمرك يابو شامخ..

ثم التفتت لسرير الطفل/بشرني عساه اموره زينه؟..

نمر اجابها بيقين/نقول ان شاءالله ان حالته مستقره..

الجدة نشميه تقترب وتطل عليه لتنهد بوجع/الله يكتب له الخير صغير توه على شهره..

نمر يراقبها بحسره/هذا اللي ربي كاتب له يجي قبل شهره..

الجدة نشميه هزت راسها باسى من منظره/الله يعوضك بولد معافى سليم وهذا ان الله يلطف بحاله..

نمر صمت لتلتفت له الجدة نشمية بتسال/يامك انا خليت مرت معاذ لحالها بروح لها تبي شي ترا يمكن اليوم نمشي للقرية؟..

نمر هتف بحزم/اليلة روحي معي للبيت ارتاحي ومرت معاذ هو عندها..

الجدة نشميه برفض تام/لا بالله مخلي اليتيمه بيد معاذ ليته يسنع نفسه تبي يسنع البنت ورعها؟..

نمر بحزم اعمق/بنت احمد موجودة وصيها عليها وانتي ارتاحي..

الجدة نشميه ابتسمت بحسره/بنت احمد يبي من يراعها وحياة الشقى وش عرفها بالولادة و الورعان..

نمر ابتسم باستسلام/اجل الله يكتب اجرك ويعينك..

الجدة نشميه سلمت عليه ثم خرجت ليعود نمر ياخذ نظرة على ابنه قبل يغادر لكنه التفت للباب بصدمة!!

عندما دخلت لطيفه لتقف هي كذالك مصدومة لم تتوقع بانها تصادفه بتلك الوقت فهي كل ما تزور ابنها

تضل عنده بالحضانه حتى اذان المغرب متامله بان ياتي نمر بي لحضه و تصادفه لكنها تتعب وتغادر..

سالت الممرضه عن الوقت الذي يزوره والده واخبرتها بانه اغلب الاوقات ياتي لزيارته بعد صلاة الظهر..

لكنها بتلك الوقت لم تستطع تخرج من البيت لن والدها يكون متواجد ولم يسمح لها اصلاً بالخروج..

نمر اتجه الباب كان سيغادر باحترام لكنه قف من نداها/نمر..

نمر هتف بحزم/هلا..

لطيفه استدارت له/شلونك؟..

نمر بذات الحزم/بخير وانتي شلونك الحمدلله على سلامتك..

اطيفه اجابته بختناق/ماني طيبه وولدي بين الحياة والموت..

نمر تنهد بعمق/وكلي امره لله هو الشافي المعافي..

لطيفه تهتف بعتاب/ليش تخليت عني وعنه وحنا بامس الحاجه لك؟..

نمر انصدم ومع ذالك اجابها بثبات/انا ما تخليت عن ولدي وبعدين وش بيدي غير الدعا؟..

لطيفه بحرقه/بيدك اشياء كثيره اولهم كفر عن ظلمك للي وخل نرجع لبعض يمكن ربي يشافي ولدنا..

نمر اتجه الباب و خرج لم يعطيها مجال تكمل كلامها لانه حقاً انفعل كيف اتت لها الجرائه تكلم معه هكذا؟

لا يعلم بان هاذي هي البداية لطيفه لم تستسلم بعد ان صادفته فقلبها مازال مولع فيه لم تستطع نسيانه!!
—————————————————————-
* * ..المستشفى..

..بعد صلاة المغرب..

الجدة نشميه بعد ان سلمت على نمر وعلى ابنه اتصلت بمعاذ لتخبره بان الدكتور كتب لدانه خروج..

معاذ يدخل الغرفة وهو يسال بحزم/هاه جاهزين؟..

الجدة نشميه نهضت واقفه بثقل/اي بالله جاهزين..

معاذ بذات الحزم/رحتي لولد نمر سلمتي عليه؟..

الجدة نشمية اجابته بوجع/اي بالله رحت له الله يحييه حياة سعيده ولا يموته موتاً شهيدة ولا يحسر فيه..

معاذ تنهد بعمق/اللهم امين يلا مشينا..

دانه كانت واقفه بتعب محاولة ترتدي عباتها ليتقدم لها معاذ كي يساعدها على لباسها للعباية فقط..

ثم التفت لجدته كانت مشغولة بطفلة تلف مهادها* لم تنتبه لهما لذالك معاذ مال وقبل خد دانه بتروي

وهو يستشعر قربها لم يتوب عن حبها لانه يعلم بانه* لم يكن صادق بتوبته كيف يتوب عن حبها الذي يجري بعروقه؟..

دانه ابعدت بحرج بينما معاذ ينظر عيناها بوله لتنزل هي راسها ثم حملت شيلتها ونقابها وبعدت عنه بتوتر

الجدة نشميه حملت الطفلة ثم هتفت بحزم/يلا توكلنا على الله..

العاملة دخلت كي تحمل الاغراض و معاذ اتجه الباب بحزم/انتظركم برا..

وقف بالممر ثم استند على الحيط و اغلق عيناه مازال تحت تاثير رائحة حبيبته فهذا اقسى انواع الحــــــــب

انك تحب شخص وانت غير متاكد بانه سيكمل باقي العمر معك لسبب مجهول ولكنك تبقى تحبـــــــــه!!

معاذ انتفض بشده لا يعلم هل هو بحلم او حقيقه قد يكون يتهي له بانه سمع صوت راشــــــــــــــــــد!!..

لذالك التفت يميناً يساراً بــذهـــــــــول لكنه لم يرا احد ليعود تلك الصوت يتسال بخفوت وحـــــــــذر..

فهو يقف بالممر الثاني/سستر وين غرفة دانه راشد؟..

الممرضه هزت كتفيها/ما عرف ممكن يمين..

معاذ واقف متـــــــــصلب لم يتوقع بان راشد يجد تلك الجرائه لياتي المستشفى وعليه امر قبض!!..

اكيد علم بولادة ابنته لذالك عرض نفسه للخطر مره اخرى من اجلها فهو يراقب حياتها من بعيد لبعيد!!..
———————————————————
تحياتي(شغف)..


عطوني توقعاتكم البارتات القادمة...

وجود راشد بالمستشفى هل سيقبض عليه و امام دانه او معاذ يتصرف من اجل لا تراه؟..

ظهور لطيفه من جديد هل راح ياثر على علاقة نمر وسلطانه؟..

موعد الظبي لعمل تحاليل يسبب تاخير الحمل هل فيه صدمة؟..

يلا اطربونا؟👏🏻..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت السابع و السبعون /~

معاذ انتفض بشده لا يعلم هل هو بحلم او حقيقه قد يكون يتهي له بانه سمع صوت راشــــــــــــــــــد!!..

لذالك التفت يميناً يساراً بــذهـــــــــول لكنه لم يرا احد ليعود تلك الصوت يتسال بخفوت وحـــــــــذر..

فهو يقف بالممر الثاني/سستر وين غرفة دانه راشد؟..

الممرضه هزت كتفيها/ما عرف ممكن يمين..

معاذ واقف متـــــــــصلب لم يتوقع بان راشد يجد تلك الجرائه لياتي المستشفى وعليه امر قبض!!..

اكيد علم بولادة ابنته لذالك عرض نفسه للخطر مره اخرى من اجلها فهو يراقب حياتها من بعيد لبعيد!!..

الجدة نشميه خرجت لتهتف بهدو/يـــــ ...

معاذ اشر لها تصمت وهو يتل دانه مع يدها وجدته تتبعه بذهول ابعد قليلاً ثم تلفت ليتاكد بانه لم يراهما

فهو علم علم اليقين بان راشد من المستحيل يغادر من المستشفى حتى يطمئن على صحة دانـــــــــه!!..

لذالك معاذ قرر يوصل دانه وجدته السيارة ويعود يلعب معه لعبة القط والفار لانه واثق بانه سيهزمه..

الجدة نشميه تسال بغرابه/علامك يامك؟..

معاذ لم يرد عليها حتى وصلهما السيارة ليهتف بحزم شديد/بروح اخلص للي شغله وانتم خلكم بالسيارة لا تحركون مهما صار..

الجدة نشميه بحزم اشد/شفيك يا ولد وش صاير؟..

معاذ فتح الباب لدانه حتى ركبت بالمرتبة الخليفه وهي لم تفهم شي لكنها حقاً متعبه من الولادة..

معاذ خفت لجدته بحرص/امانه اذا تحفظين الامانه يا ام حاتم تحفظين دانه لا تبعد عن عينك لحضه..

الجدة نشميه انتفض قلبها/يا وليدي قل للي وش فيه؟..

معاذ يامرها بحزم/ماهو وقت كلام اركبي سرعه..

الجدة نشمية ركبت وهي مدهوشة حقاً لم تفهم شيء لكنها غير مطمئنه حساسها بقدوم عــــــــاصفة مرعبه!!..

دانه تسال برائه/علامه معاذ؟..

الجدة نشميه اجابتها بحذر/وكاد ولد نمر تعبان بيمر يشوفه..

دانه ريحت راسها على المرتبه وغلقت عيناها/الله يشفيه..

الجدة نشميه التفتت لها باهتمام/انتي توجعين؟..

دانه اجابتها بهدو/مغص خفيف..

الجدة نشمية بحنان مصفى/هانت الحين نروح البيت وترتاحين..
———————————————————
معاذ متجه المستشفى بينما هو يتصل بزملائه بالعمل** وطلب منهما مداهمة مستشفى النساء والولاده فوراً..

عندما وصل الغرفة التي كانت فيها دانه قف بحذر لانه متاكد بانه سياتي عندما يخبره الاطباء برقم الغرفه..

ومثل ماتوقع معاذ لمح راشد يقترب و يتلفت بخوف لذالك معاذ تخبى خلف الحيط حتى يدخل الغرفه..

فوراً دخول راشد الغرفة معاذ لحق فيه ودخل بسرعه حـــــــــينها راشد التفت للخلف بـــــــــصدمة!!..

صدمته تحولت لرعـــــــــب عندما راء معاذ يقف امامه ليرجع خطوه للخلف بينما هو يشعر بفتـــــــور

فهاذي هي الحياة اقصر من ان تتخبى فيها اقصر من ان تكتم شعوراً اقصر بكثير ان تقصر بحق احد..

او تحرم نفسك من قرب الاحبه ضناً منك ستعيش اطول لتعوض فيها كل ما فاتك بالماضـــــــــي..

في هذه الحياة ستتعلم كل شيء وحدك الا القسوة والجرام والقتل سيقوم شخص اخر بتعليمها لك..

ثم تعرض للخطر كما يتعرض الان راشد بسبب ابن عمه صياح الذي غدر فيه وجعله مجرماً برغم انه ليسا مجرماً!..

معاذ كتف يداه وهو ينظر له نظرات حاده قاصدة/حي الله راشد من طول الغيبات جاب الغنايم..

راشد ابتلع ريقه بصعوبة/ابعد عن دربي يا معاذ..

معاذ رفع حاجبيه بتعجب/بعد كل هالتعب اللي تعبنه تطيح بيدي و تبيني ابعد عن دربك؟؟..

ثم اعتدل بوقفته بجبروت وهتف بتهديد مخيف/كان ما خليتك تعض اصابع الندم ماطلع ولد حاتم شفت وجهك ذا بفركه بالارض حتى اخفي ملامحك وخلي بنتك لو تشوفك ما تعرفك اعذبك بعدها اقتلك..

راشد انفعل وهو يزفر بحده/تخسي وتعقب والله ما تلمس شعره من راسي وانا راشد..

معاذ اقترب له بثوره ليرفع راشد السلامح بوجهه مهدداً/اوقف مكانك..

معاذ وقف ليسا خوف لانه اصلاً متاكد بان واحد مثل راشد اكيد بيكون مسلح لحماة نفسه من الخطر..

لكنه يحذره بحزم ثابت/تحسب لا رفعت السلاح وهددتني بالقتل مثل ما قتلت ابوي بخاف والله وامان الله ماتسلم من يدي لو ذبحتك ولا ذبحتني..

راشد رجع خطوه وهو يهتف بوجع/معاذ عليك الله تبعد مابي اضرك لا تحدني على شين مابيه..

معاذ اقترب بتهور حقيقي/اللي ما توصل بيدك وصله برجلك..

راشد رجع خطوه حتى ضرب بالحيط وهو مازال رافع السلاح/ابعد احسن لك ابعد..

معاذ هجم عليه ليقع السلاح بالارض ثم تعارك معه كان بمكان راشد ان يصوبه ويهرب لكنه لا يريد ذالك يحدث مهما كان..

معاذ لكع راشد مع وجهه ثم شده مع جيبه ودفعه على الحيط وهو يزفر من بين انفاسه الغاضبه/قرب يومك يا الخسيس..

راشد استلم بتعب وهو يسند راسه على الحيط/اذا لك ثار عندي خذه بس انتبه من الظلم..

معاذ صفعه مع وجهه بثوره مرعبه/والله لاخليك عضه وعبره لغيرك والله لاخليك تمنى الموت وما تلقاه يالنـــــــــذل..

راشد هتف بنبرة ميته/بشوف دانه وبعده سو اللي تبيه..

معاذ دفعه بالارض ثم انحنى وحمل السلاح وضعه امام وجهه/تخسي تشوفها..

راشد فتح اعلى ازرت ثوبه باختناق/طيب ولدت طمني عليها وش جابت؟..

معاذ عطاه نظره قويه/ماهو شغلك ولا اسمع لك صوت افرغ ذا المسدس براسك..

ثم رفع هاتفه واتصل بزميله بلغه برقم الغرفه دقائق معدوده وتـــــــــم القـــــــــبض على راشـــــــــد!!
————————————————————-
** ..قصر النمر..

سلطانه جالسه بصالة العلويه تراجع مع بناتها الدروس وتاكد من واجباتهما وتصحح لهما الاخطاء..

لترفع راسها بغرابه لمصدر صوت خطوات نمر الذي يقترب لهما ثم هتف بحزم/مساءالخير..

سلطانه هتفت بهدو/مساء النور..

غروب قفزت واتجهت نحوه/هلا بابا حبيبي..

نمر انحنى وقبل خدها/هلابك ياروحي..

شروق تقترب بهدو وتقبل كفه لينحني نمر لها كذالك ويقبل خدها/عفيه على بناتي تذاكرون؟..

شروق تجيبه ذات الهدو/اي ونحل واجباتنا..

نمر اعتدل واقف بينما سلطانه هتفت بعذوبه/تعال تقهوى شاي نعناع..

نمر اجابها بحزم هادئ/بروح المكتب اخلص للي شغل مهم مابي ازعاج وانتي لا تكثرين من الشاي..

سلطانه سالت بغرابة/ما تبي تروح لعشاء ابو عبيد؟..

نمر اجابها بذات الحزم وهو يتجه للمكتبه/لا مالي خلق..

سلطانه تنهدت بحزن فحال نمر اصبح يوجع ليسا له خلق على احد تشعر بانه يريد الاختلى بنفسه كثير..

لذالك اتجهت لمكتبه لم تعطيه فرصه ان يحزن ويتحسر على حالة سوفا تغير نفسيته قدر المستطاع..

نمر كان جالس على الكرسي الاسود الخاص فيه بينما هو ساند راسه ومغلق عيناه لم يشعر حتى بدخولها..

هل اخبرك بشيء يا سلطانه انا لا اشعر الان باي شيء انا قيد الحياة فقط ابتسم احياناً في وجوه العابرين..

وعندما اصبح وحيداً تزداد مساحة صمتي واحيانا انام دون لا شعر بنفسي لاني اسهر اليل الطويل لوحدي..

وكلام لطيفه زاد همي وحزني تلمح للي بان مرض ابني بسبب ظلمي لها يالله ما اقساها من عبارة اصابة قلبي

لكني تظاهرت بالقوه وحينما اختلي بنفسي اعترف باني حقاً ظالم لو كان لسلطانه شقيق وهو من راء لطيفه

يستحيل اني اطلق سلطانه ممكن اعاقبها اهجرها لكن طلاق وانفصال مستحيل لاني احبها ولا اتحمل فراقها..

لكن لطيفه طلقتها لاني كنت منتظر تلك الحضه لا نهي العلاقه ورتاح ولكن لم احسب حساب الابناء!!..

نمر افتح عيناه وهو عاقد حاجبيه من طبطبة رقيقه على كتفه ليرفع راسها ويرا سلطانه تقف جواره..

وهي تهتف بعذوبه لا تخلو من حنان/تدري ان الله اذا حب العبد ابتلاه ورسول صلى الله عليه وسلم قال: إن عظم الجزاء مع عظم البلاء، كلما عظم البلاء عظم الجزاء، وإن الله إذا أحب قومًا ابتلاهم، فمن رضي فله الرضا، ومن سخط فله السخط..

ثم انحنت له ولصقت خدها بخده وهمست قريب اذنه بذالك الحنان العذب/ويقول صلى الله عليه وسلم:أشد الناس بلاء الأنبياء، ثم الصالحون، ثم الأمثل فالأمثل، يبتلى المرء على قدر دينه، فإن كان في دينه صلابة شدد عليه في الأذى، ولهذا لما كان الأنبياء والرسل أكمل الناس إيمانًا؟؟..

نمر ينظر ملامحها بصمت بينما سلطانه تبتسم بعذوبه/تدري ان الولد الحقيقي هو اللي يشفع لنا بالاخره ولا عيال الدنيا ماندري يبرون فينا ولا لا خل ايمانك قوي وتاكد ان شامخ طير من طيور الجنه وشفيع لك وفخر اذا ربي اراد له العافيه نزلت عليه الان واذا اراده لك شفيع فانت ما خسرته عند ربي ما يضيع..

نمر شدها مع عضدها لتجلس على فخذيه يده واحده تطوق خصرها ويده الاخرى تمسد صفحة خدها برفق

فهي عندما تكلم وتحاول ان تكون امامه قويه لكن نبرة صوتها المرتجفه تفضحها ليشعر بمقدار حزنها..

نمر تنهد وهتف بامتنان/شكرا على نقا قلبك وحسن كلامك ومثل ما شامخ شفيع للي هو شفيع لك انتي بعد..

سلطانه تخنقها العبرة/ما خسرنا شي العوض بالجاي..

نمر ضع كفه على بطنها ومسد بحنو خالص/الله لا يضيع لك تعب يا حبيبتي انتي..

ثم قطب جبينه عندما رن هاتفه امامه على الطاولة حمله ورد بهدو/هلا معاذ؟..

معاذ بنبرة استعجال/ياعمي روح مركز الشرطة الحين انا مسكت راشد وبروح القرية اوصل جدتي ورجع..

نمر انتفض وهو يبعد سلطانه من حضنه بخفه ثم وقف بتسال صادم/متى مسكته؟..

معاذ اجابه بحزم/تو الحين كان بالمستشفى يبي يشوف بنته ومسكته خذوه لسجن روح له خل عينك عليه لين ارجع تراه داهيه..

نمر ينهي النقاش بنبرة حاده/يلا مسافة الطريق وانا عنده..

سلطانه سالت بتوتر/وش صاير شفي معاذ؟..

نمر اجابها بحزم وهو يتجه الباب/مسك راشد وبروح اشوفهم..

سلطانه جلست على الكرسي بفتور فوراً اتت بالها دانه عندما كانت تبكي و تسال عن والدها هل قبض عليه؟

ملامحها المكسوره ونبرتها الميته تشعرها بضياع*
لاحول ولاقوة لها لذالك حزنت عليها حقاً لو علمت؟..
———————————————————-
بسيارة معاذ طول الطريق كان صامت حتى انه لم يجيب على اسالة جدته وهي تنظر ملابسه المبهذله!!

ليست غبيه فهي فهمت بانه متعارك مع احد لكنها لا تعلم ما السبب وهو صامت وملامحه غامضه جداً!!..

بينما دانه تشعر بتلامس كهرباء بكل اطرافها من نظراته الغريبه لها بالمراءه حساسها بشي غير طبيعي؟

معاذ يخشى من مواجهة راشد يخشى ان يصدمه بان دانه تعلم عن كل شيء من قبل لذالك يـــــتهـــــرب

لم يكن الهروب احد هواياتي لكنه اليوم اصبح بلائي اجدني اهرب حين ارفض المواجهه و ترفضني..

حين اراء ان الوجوه لا تشبهني حين تراودني شكوك انني قد افتقد نفسي حينما شعرت بالقلق اهرب فقط

لكن اي هروب ما دامت الاشياء تسكننا وما دمنا حين نرحل هرباً منها نجد انفسنا معها وجهاً لوجـــــــــه..

معاذ يقف سيارته امام البيت ثم هتف بحزم/يلا انزلو..

الجدة نشمية نزلت وهي تحمل الطفلة وتهتف بحرص/ساعد دانه على النزول..

معاذ نزل فتح الباب الخلفي ومد يده لدانه كي تستند عليه منذ ضعت كفها بكفه شد هو عليها لا شعورياً..

دانه رفعت راسها ونظرت له بنظرات تسال بينما معاذ شدها ناحيته برفق/انزلي يلا..

دانه نزلت وهي تان بالم من ارتفاع السيارة عن الارض ليطوق معاذ خصرها ويرفع قليلاً كي لا تتعب..

دانه همست له بوجع/اه بطني..

معاذ همس لها بعذاب/جعل الاه فيني ولا فيك..

دانه تبعد عنه قليلاً وتهتف بعذوبه/بعيد الشر عنك..

الجدة نشميه تقترب باهتمام/عسى ما تعورتي؟..

دانه اجابتها بهدو/لا الحمدلله..

معاذ هتف بحزم/جدة خلي سعديه تجي تاخذ الاغراض..

الجدة نشميه هتفت بحده/لا تروح بحط الورع وجيك..

عندما غادرت مع دانه لداخل معاذ رفع هاتفه واتصل برقم شهاب ليرد مرحب/ارحب..

معاذ بحزم عميق/اطلع بسرعه انا برا..

شهاب الذي كان يجلس بصالة الجناح يتقهوى شاي وامامه على الطاولة لاب توب يعمل عليه قف بغرابه..

لكنه هتف بهدو/يلا جايك..

معاذ ينبه عليه بحرص/يلا لا تتاخر..

الجدة نشمية عادت بينما سعديه تتبعها باسمه/معاذ مبروك بنوته..

معاذ اجابها بهدو/يبارك فيك خذي الاغراض ورا..

الجدة نشميه تقترب بخفوت/وش صاير يا معاذ علامك يا دافع انقلبت فجئه؟..

معاذ كان على وشك الكلام لكن قاطعه شهاب الذي يقترب وهو يغلق كبكات ثوبه سال بحزم/علامكم؟..

معاذ خفت بنبرة شديده بينما عيناه تراقب سعديه حتى دخلت البيت/مسكت راشد..

حيـــــــــنها الجدة نشمية شهقت بصوت مسموع لا تعلم ماذا اصابها هل تفرح بانه قبض على قاتل ابنها؟

او تحزن على حال دانه لو علمت وهي نفاس ستنهار ومن الممكن ان تصاب بصدمة تاثر على نفسيتها..

شهاب سال بذهول/انت متاكد وينه؟..

معاذ اجابه بثقه/كان بالمستشفى يبي يزور بنته ومسكته و الحين هو بالسجن لازم ارجع وحقق معه..

الجدة نشميه هتفت بنبرة حازمه غريبه/اسمع يا معاذ اياني وياك دانه تدري ترا الروعه على النفاس ماهي بزينه وانت يا شهاب احذر الظبي تدري ترا لسانها متبري منها لغير تعلم دانه..

معاذ هتف بحزم ثابت/اصلاً انا مابي دانه تدري لين اخذ الاجارات الازمه مع ابوها..

شهاب هتف باستعجال/يلا اجل مشينا..

الجدة نشمية تحرص عليهم/كلمو نمر لا تصرفون من روسكم..

معاذ هز راسه بتفهم/كلمته قبل اجي..
——————————————————
** ..مركز الشرطة..

نمر شد راشد مع جيبه ثم رفعه امامه بكل قسوه/تكلم وش بينك وبين حاتم ليش ذبحته ليـــــــــش؟؟..

راشد انتفض من نربته التي فجرت طبلة اذنه/والله العظيم ما بيني وبينه شي ولا اعرفه ولا ذبحته والله شاهد..

نمر دفعه على الكرسي وهو يرص على اسنانه بقوة/وانا بصدقك الحين انك بري و تحلف بعد انك بري وانت اكبر مجرم؟..

راشد تنهد بتعب/وش تبون اسوي عشان تصدقوني صياح هو السبب ياناس خافو الله فيني..

نمر انحنى وحمل علبة المنديل ورماها عليه بغضب متفجر/اقطع واخس تعلمنا الخوف من الله وانت ذابح لك نفس بس هين خل لين يجي معاذ والله لاعطيه الحريه التامه بتعذيبك واحد مثلك يستاهل يطيح بيده..

راشد صمت لانه تعب من الكلام ولاحد مصدقه او معطيه فرصه اصلاً يظهر برائته لذالك صـــــــــمت..

دقائق ودخل معاذ بخطوات سريعه يتبعه شهاب الذي ينظر راشد بذهول ويهتف بغبنه/ما بغينا نمسكك حتى بليس تبرى من فعايلك وش انت من بشر تقتل الرجال وتزوج مرته و تسرقها يا سلوقي؟..

نمر هتف بصرامة/معاذ حقق معه اول وخذ اقواله واذا ماصدق معك اجلده بعدين اجمعه مع صياح وشوف نفس الاقوال ولا لا..

معاذ هتف بحزم شديد/ازهله الكلاب هذول انا اعرف كيف اربيهم..

شهاب خفت لمعاذ بحذر/حط حراس على الباب ترا الاشكال ذي وراهم مجرمين اكيد..

معاذ اجابه بثقه/لا تحاتي مشددين الحراسه عليه وعلى صياح وبعدين لو وراه احد كان فاد ولد عمه له كم شهر خايس بالسجن..

نمر يحذره بحزم خافت/اياني وياك ترفع قضيته للمحكمه و تقرر تنفيذ القصاص من غير شوري..

معاذ هز راسه بهدو/حاظر..

نمر بذات الحزم/بطلع لمكتبك وانت حقق معه براحتك لا خلصت الحقني..

معاذ هتف لشهاب بثبات/روح مع عمي لا خلصت اجيكم..

شهاب سال بتوجس/طيب خلني عندك اسمع اقواله؟..

معاذ برفض قاطع/لا انا ادرى بشغلي..

نمر يتجه الباب وهو يهتف بامر/شهاب تعال معي..

معاذ يراقب حتى غادر نمر وشهاب ليتجه الباب ويغلقه ويعود لراشد مقرر ان يواجهه ما اخـــــــــافه

راشد الذي كان يجلس على الاريكة الطويلة حضن راسها باسى/اذا مانتم مصدقيني ليش تحققون معي؟..

معاذ جلس على طرف طاولة الاريكة بينهما مسافه قليله اجابة برود متصنع/حتى ولو ما نصدقك لازم ناخذ اقوالك لذالك بلا لف ودوران خلك واضح معي احسن لك..

راشد هز راسه بهدو/حاظر..

معاذ بنبرة تحكم/قل للي كيف قتلت ابوي وش السبب؟..

راشد اجابه بذات الهدو/بقول لك كل شي بتفصيل..

ثم حكى لمعاذ كما حكى لدانه تماما بان صياح السبب بكل شي وهو يقسم بالله بانه صادق بما قال..

معاذ يسمع بتماسك لانه قبل ياتي المركز خذ ابرة مهدئه كي لا ينفعل ويقتله قبل ياخذ اقواله..

راشد يكمل كلامه بقهر/من عرف اني زوجتك دانه اتصل علي وهددني يبلغ علي و هو اصلاً سبب الجريمه كلها بعدين انا فكرت ان خلاص مافي مفر لازم اخذ بنتي واخذ المعرض اللي تعبت عليه وشرد صح اخطيت ومعترف لكن النفس غاليه وماحد يرخصها..

معاذ قف ثم تجول انحاء المكتب وعاد وقف امامه بنبرة بالغة شديدة البلوغ/دانه متفقه معك صح وكانت تعرف بكل تخطيطاتك؟؟..

راشد حلف بصوت واثق/لا والذي نفسي بيدة انها ماتدري عن شي حتى انها اول كانت تطلبني اطلق امك وانت تطلقها تقول خل نعيش بعيد عنهم مانبي مشاكل لكن انا ارفض وهي تسال وش السبب وانا ماقول لها لاني خايف من ردة فعلها..

معاذ جلس على الكرسي لانه حقاً شعر بفتور لم يصدق بانها بريئه يتمنى ان راشد يكرر الكلام ليقتنع..

يوماً ما سياتي رياح الحقيقه لتعصف رماد الظلم الذي يغطي وجوه البشر لتندم على اياماً مضت بالقســـــوه

راشد هتف بوجع/بس بعدين والله ان دانه حبتك يا معاذ حتى يوم كنت بهرب فيها عيت تروح معي تقول مالي دخل بمشاكلك انت وعزيزة قلبي ماهو لعبه عندكم..

معاذ ينظر له بذهول بينما راشد مستمر بالكلام بذات الوجع/ومن عرفت بالجريمه انهارت حتى يوم كانت معي بالمزرعه ما تكلمني لانها مصدومة بس انا اقنعتها اني بري والله بري من دم حاتم..

معاذ اشر له بان يصمت لانه حقاً انصدم ايعقل بان دانه احبته بصدق حتى انها رفضت الهروب مع والدها

اختارته هو لكنه خيب ضنها قسى عليها عذبها جعلها رهينه عنده منعها من العالم فهو ظلمـــــــــها كثيراً

اعتقد ان الشيء الاكثر رعباً في هذا العالم انك لا تعلم ابداً ما هي النوايا الحقيقيه للاشخاص لتقع بالظلم..

لذالك لا تسرع في الحكم على الناس فقد تظلم عزيزاً وترفع رخيصاً وقبل ان تحكم على انسان اسمع منه..

ولا تسمع عنه فعشاق التاليف كثيرون كما كان يفعل معاذ لم يسمع منها بل اتهمها بان لها يد بالجريمه..

برغم انها ضحية مثله تماماً لكن هو شخصيته اقوى منها الكل يهابه لكن هي ضعيفه مكسورة الجناحين..
———————————————————
* ..القرية..

دانه كانت متمدده على سريرها وجهها الوسيم يبتسم من حركات الظبي لطفلتها تحادثها وتضحك بشقاوه..

لم تعلم بان والدها قبض عليه ولم تنتبه لنظرات الجدة نشميه لها وصمتها الغريب لانها تشعر بتناقض

مابين شعورين الشعور الاول النصر بانه قبض على غريم ابنها والشعور الثاني الالم بانه قبض بتلك الوقت

الظبي تحرك انفها على خد الطفلة التي بين احضانها وهي تبتسم/يزين ريحة البنات تذوب لونه ولد تلقين ريحة تصرع وهو ورع..

دانه تضحك بخفه/يا كذابه الاطفال كلهم سوى..

الظبي تنظر لها وهي ترقص حاجبيها/بحطها بالفرن وسويها للي مفطح صغير وعزم سعديه تستانس تعرمش عظامها..

دانه اتسعت عيناها/حرام عليك ذي حتى صمول اكبر منها..

الظبي تضحك وهي تقبل خدها بقوه/يويسي يا ناس..

الطفلة اعتلى بكائها لتزفر الجدة نشميه بحده/يمال اللي ماني بقايله تراها صغيره لا تذبحينها..

ثم التفتت لدانه بذات الزفرة/وانتي يالمخبوله تشوفينها تعور ورعك وتضحكين؟..

دانه تكتم ضحكها/ماقدر عليها..

الجدة نشميه تاشر لظبي بامر/جيبي الورع ولا عاد تاخذينها اقص يديك..

الظبي تضعها بين كفيها بغيظ/هالنتفه خذت غلا الظبي افا يا جدة هذا وهي مالها الا ليلة معك ولا انا سنين ودنين..

الجدة نشميه تهز الطفلة كي تهدى من البكاء/يا وليدي شيبتي براسي من وانتي ورع لين كبرتي عوبا ما تسمعين الكلام..*

الظبي بوزت بزعل تمثيلي/متحسفه على تربيتي؟..

الجدة نشميه ماكان لها الا ان تبتسم/لا بالله لو يعود الزمن لا ربيك من جديد..

الظبي اتسعت عيناها/الحين ذي سبه ولا مدحه؟..

الجدة نشميه لم ترد عليها بل وجه انظارها لدانه بحزم/تعالي خذي بنتك رضيعها وكاد انها جويعانه..

دانه كانت ستنهض لكن الظبي اسرع منها/ارتاحي انا اجيبها لك..

الجدة نشميه تحذرها بذات الحزم/يا ويلك تحبينها يتحسس وجهها ما عندها مناعه..

الظبي حملتها ثم قبلة خدها/ماقدر اقاومها انا..

الجدة نشميه تنحرها بعصبيه/انتي ليش ما تفهمين الكلام اتركي الورع يابنت..

الظبي ضعتها بحضن دانه وهي تبتسم/خذيها لا يرتفع ضغط جدتي عشانها..

دانه تبتسم كذالك وهي تحضن ابنتها بصمت لتدخل سعديه بتسال/جدة هذا عيال يحسب حساب بالعشا؟..

الجدة نشميه تنهدت بعمق/ما ضمتي يمكن يتاخرون..

الظبي التفتت لها بتسال/ليش وين راحو العيال؟..

الجدة نشميه اجابتها بغموض/مادري عنهم يقولون عندهم شغل..

ثم التفتت لسعدية بامر/سوي لدانه شوربة لحم..

الظبي هتفت بهدو/انا مابي شوربة سوي للي مرق بطاطس ولحم..

سعديه بزفرة/وانتي ليش مايقوم يسوي؟..

الظبي بزفرة اعمق/اقول اذلفي سوي للي انتي تاخذين راتب ولا انا ماخذ فلس واحد..

دانه تضحك بلطف/ذليتي امها على ذا الراتب..

سعديه تاشر على الظبي بنقد/هاذي مجنون اصلاً انا ماشره عليها..

دانه انفجرت ضاحكة لتهتف الجدة نشميه باسمه بلطف/عفيه على سعديه اي والله وانا جدتك لا تشرهين عليها..

الظبي زفرت بغيظ/بدل ما تخلين الشحاطة ترقص على ظهرها لانها تسب بنتك تقولين عفيه؟..

الجدة نشميه تقف بثقل وهي تهتف لدانه بمودة/ترا شداد جاب ذبيحه يقول سلامتك وسلامة بنت معاذ..

دانه هتفت بامتنان/الله يطول بعمرك وعمره..

الجدة نشميه بذات المودة/وانا ذبيحتي ان شاءالله بكرا اجيبها وحطها لك بالثلاجة تغدين وتعشين شحم ولحم..

الظبي هزت بوزها يميناً ويسارا/عزالله رحتي فيها مدام جدتي تبي تستلمك لا خلصتي الاربعين شفتي الباب ذا ما تطلعين معه..

الجدة نشميه هتفت بتقصد وهي تتجه الباب/عقبالك ان شاءالله استلمك وانتي نفاس..

الظبي تغيرت ملامحه فجئه من تذكرت موعدها بالغد لعمل تحاليل شاملة لها والتاكد ما سبب تاخير الحمل
————————————————————
** ..قصر النمر..

سلطانه جالسه على طرف السرير بينما هي تدعك كفيها با المرطب وتسال بهتمام/وش صار مع راشد اخذتم اقواله؟..

نمر يقترب بعد ان ارتدى بجامته ثم فتح غطا الفراش كي يتمدد اجابها بحزم هادئ/ماخذنا منه لا حق ولا باطل منكر ان هو القاتل..

سلطانه التفتت له بحذر/ممكن يكون صادق بكلامه اعطوه فرصة يثبت برائته..

نمر هتف بنبرة صارمة/مجرم طبيعي يبي ينكر بعدين كل الادله ضده ولد عمه يقول هو القاتل وعزيزة تقول لمعاذ هي سمعته يقول لبنته انا قتلت حاتم ولازم اهرب..

سلطانه حقاً احتارت/والله مادري بس الواحد يخاف يوقع بظلم..

نمر بذات النبرة الصارمة/هو اللي ظلم نفسه ماحد ظلمه ذبح حاتم وتزوج ارملته وسرق حلالها هذا مجرم كبير ولازم يعاقب قبل القصاص..

سلطانه تمدد بجوارة بهدو/الله يظهر الحق..

نمر سال بهتمام/شلون البنات مريت عليهم نايمات؟..

سلطانه اجابته برقة/ماعليهم الحمدلله وبكرا اخر اختبار وتبدا الاجازة ونرتاح..

نمر عقد حاجبيه بغرابة عندما رن هاتفه مد يده لطاولة وحمل الهاتف ليعتدل جالس بـــــــــصدمة!!

ضل الهاتف بيدة يرن وهو محتار يرد اولا يرد لكن سلطانه قطعت افكاره بتسالها/شفيك نمر من اللي يتصل عليك؟..

نمر اجابها بنبرة ثابته/لطيفه تتصل..

حـــــــــينها سلطانه اعتدلت جالسه بنبرة حاده/وش تبي تتصل بذا الوقت بينكم تواصل؟..

نمر التفتت له بحزم جدي/اول مره تتصل وبذا الوقت اخاف الولد في شي؟..

سلطانه صمتت ليعود هاتف نمر يرن مجدداً شد له نفس طويل ثم فتح الخط بنبرة رسميه/هلا؟..

لطيفه بصوت هادئ/مساءالخير ليكون نايم و ازعجتك؟..

نمر بذات النبرة/بغيتي شي؟..

لطيفه صمتت ثوان ثم هتفت بحزم/نمر ولدنا يمر بحالة صعبه وما لازم انا وانت نسكت تراه ولدك وبذمتك لا تتخلى عنه..

نمر سال بغرابة/مافهمت وش تقصدين؟..

لطيفه اجابته بوجع/خل نرجع لبعض عشان ذا الولد ونسافر المانيا نعالجه تكفى يا نمر خل الحق عليه قبل يموت واندم العمر كله..

نمر انتفض قلبه من ذكرى الموت والندم تنهد ثم هتف بنبرة ثابته/مافي اب يتخلا عن عياله يا لطيفه ولا تحسبين اني ما فكرت بموضوع اسفره و اعالجه لكن الدكتور يقول الطفل صغير وعلى تنفس صناعي ومايتحمل الطياره مابي اخاطر فيه..

لطيفه بنبرة باكية/اجل نخليه كذا يصارع الموت وهو صغير؟؟..

نمر تنهد بوجع/وكلي امرك لله وثقي بان لو كشفت لنا الصحف لاخترنا ما اختاره الله..

لطيفه بمحاولة اقناع/طيب خل نرجع لبعض اذا ربي خذاه يعوضنا بغيرة نمر لا تظلمني انا مالي يد بكل اللي صار..

نمر ارتبك من وجود سلطانه جواره وصمتها الغريب منتظره حتى ينهى الاتصال لذالك هتف بحزم/يلا استاذنك بنام و تاكدي اني ماراح اتخلى عن ولدي مهما كانت ظروفنا..

لطيفه صدمته بتسالها/تصرفني لن مرتك عندك صح؟..

نمر فار دمه لايحب تلك الاسلوب وتدخل بخصوصيات الناس لكنه تماسك باخر لحضه/مع السلامه..

منذ اغلق الهاتف صدمته كذالك سلطانه عندما لوته ظهرها لم تسال ما تريد ولم تعلق على الاتصال اصلاً!!

نمر ضع الهاتف على الطاولة ثم عاد لتمدد صمت دقائق ثم هتف بنوع من التبرير/تبيني اعالج الولد بالمانيا تقول قبل يموت و نندم ما تدري انها بسفر تعرضه للخطر..

سلطانه لم تعلـــــــــق لذالك نمر سال بحزم/شفيك ساكته؟..

سلطانه اجابته برود/بنام تصبح على خير..

نمر تنهد بطولة بال/سلطانه اتوقع سمعتي المكالمه ما طلعت اكلم برا فماله داعي الزعل..

سلطانه بنبرة منفعله/نمر لو تكلمت ماهو من صالحنا حنا الاثنين فا خلني ساكته افضل للي ولك..

نمر رفع حاجبيه بتعجب/يا سلام وليش ان شاءالله وش بتقولين لا تكلمتي؟..

سلطانه التفتت له بحده/تبي تسكت وتخليني انام ولا ترا بطلع انام عند بناتي؟..

نمر قطب جبينه/اقول تعوذي من الشيطان اللي نط براسك بذا اليل..

سلطانه صدت عنه بينما هي فعلاً تحاول التماسك كي لا تنفعل عليه لا الوقت ولا الظروف تسمح لها بالصراخ

لكنها حقاً مقهوره من تصرف لطيفه بي حق تتصل بتلك الوقت المتاخر بعذر علاج ابنها لم تنتظر الصباح

فهي تعلم كيد النساء وتعلم ايضاً بانها تريد استدارج نمر بالكلام ليعطيها مجال ثم تستغل عاطفته ناحيتها

لكنها لم تسمح لها تاخذ زوجها منها مره اخرى اذا كانت المره الاولى استطاعت هي و والدها باقناعه..

فكانت ظروفها اول غير عن ظروفها الان كان وقت هجره لها وبرود متبادل بينهما ثم تجاهل و مكابرة..

لكن الان حياتهما تفرق كثير بينهما وصل ومشاعر حب متبادلة اعترافات وتنازلات اعتذار وتسامح واقــــتراب.

لم تسمح لها تعود لتفرقتهم من جديد سوفا تفعل المستحيل لتبعد تلك الطيفه عن نمر وعن حياتها..
————————————————————

* ..القرية..

..الساعه الثاني عشر ليلاً..

الظبي تسال بغرابة/وين راحو العيال مابعد رجعو؟..

دانه هزت كتفيها بهدو/مادري بس معاذ اكيد راح بيتهم لكن شهاب اتصلي في شوفي وينه؟..

الظبي تمسك هاتفها بتردد/سراحه ماودي اتصل يحسب اني ميته على شوفته..

دانه تغمز لها/ليش المكابره واضح انك ولهانه اصلا..

الظبي عطتها نظره/الحركات ذي عندك انتي يالدلوعه انا لا يا حبيبتي بس بعرف وين راحو عندي فضول؟..

دانه هتفت بجدية/يمكن جدتك تدري اساليها؟..

الظبي هزت راسها بفطانة/جدتي من جت ماهي على بعضها حاسه صاير شي بس مايبون يقولون..

دانه تمدد كامله وهي تان بخفوت/اه يا ظهري بس..

الظبي تاففت بضيق/كلن على همه سرا انا الحين اكل عمري بعرف وش هم مخبين علي وانتي تونين..

دانه تنهدت براحة/ياحلو الخفه ماصدقت وانا اولد بطني اول ثقيل ياربي تحسين بذا الشعور قريب..

الظبي لم تعلق لتدخل سعديه وتهتف بنعاس/هذا شهاب كلام تعالي الجناح معاذ بيدخل..

الظبي قفت وهي تميل وتخفت لدانه بشطانة/شفتي جا معاذ معه قلت لك صاير شي بروح اخنق شهاب لين يتكلم..

دانه تضحك بلطف/الله يعينه..

الظبي خرجت وهي تضع شال عليها احتياط تخشى دخول معاذ عندما وصلت الجناح خلعته بصالة..

و اتجهت الغرفة لترا شهاب لتو يخرج من الحمام بعد ان ارتدى بجامته ليبتسم لها ابتسامة حب واخلاص..

الظبي تسال بحذر/علامكم تاخرتو؟..

شهاب اقترب لها ثم مد يده وبعد الخصل من خدها ثم مال وقبلها برفق/ليش اشتقتي للي..

الظبي هتفت بهدو/ممكن ليش لا..

شهاب اعتدل واقف ثم هتف بذات هدوئها/رحت مع معاذ يخلص اشغاله وبعده طلعنا نتعشى وهه تو جينا..

الظبي هزت بوزها/صدق جيتو احسبكم للحين بطريق؟..

شهاب يضحك وهو يتجه لسرير/يوه يا عيارتك انتي..

الظبي اتجهت الكبت اخرجت لها بجامه ناعمه من القماش الدانتيل بالون الاسود والزهري انيقه جداً..

اتجهت الحمام ارتدت لبسها ثم رتبت شكلها وخرجت لتقترب وتجلس جواره كي تستدرجه بالكلام بشقاوتها.

مدت يدها و مسدت كتفه بخفه/معاذ يبي ينام هنيه ولا يسري للمدينه؟..

شهاب اجابها بعفوية/لا يبي يسري هو اصلاً جابني لن سيارتي هنيه..

الظبي بذات التسال/وش عنده خذك معه صاير شي؟..

شهاب ينظر فيها بمكر/ولد نمر تعبان وخذني يقول نبي نواسية..

الظبي بعدم اقتناع/بس قبل شوي تقول ان عنده شغل يخلصه؟..

شهاب اجابها بثبات/طيب وهذا الشغل..

الظبي زفرت بنفاذ صبر/بلا كذب انتم وراكم شي حتى جدتي من جت وهي بس سرحانه قل للي شفيكم؟..

شهاب شدها لتقع على صدره هتف بشجن/وانتي وش مشغلك بخلق الله؟..

الظبي هتفت بدلع/شي يخص جدتي يضايقني ودي اعرفه..

شهاب تنهد بعمق/ياروحي انتي..

ثم هتف بجديه/جدتي ضايقه من ولد نمر تعرفين انتي ظروفه ما عنده غير ذا الولد وبين الحياة والموت..

الظبي سالت بغرابه/انا مستغربه مرته ليش ماحملت كل ذا السنين يوم تزوج عليها وهي تحمل؟..

شهاب هتف بحذر/مادري عنهم..

الظبي تسال بعفوية/يمكن كان فيها حسد ترا بعض الحريم كذا واذا تزوج زوجها حملت يفك الحسد عنها..

شهاب ابتسم بخبث/معك شهرين اذا ما حملتي اكيد ان فيك حسد لازم نفكه..

الظبي اتسعت عيناها/وشو؟..

شهاب انفجر ضاحك/انتي جبتيها على راسك..

الظبي بوزت بزعل حقيقي/وانت ما صدقت على الله انا من زمان شاكه فيك ماتعرف الوفا انت..

شهاب اعتدل جالس وهو يهتف بحزم جدي/مستحيل اني اتزوج عليك لو يوصل عمري مية سنه من غير عيال عادي مكتفي فيك..

الظبي انزلت راسها بخجل/والله؟..

شهاب مد يده ورفع ذقنها بانامله/والله اني صادق بكل كلمه اقولها لك انتي الحب الاول والاخير تطمني..

الظبي سالت بقلق/بكرا اكدت الحجز؟..

شهاب اجابها بحنو/اي يا قلبي اكدته ومابيك تحاتين قلت لك لو صار شي طلعت فيك برا وعالجتك..
———————————————————-
* تحياتي(شغف)..

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الثامن و السبعون /~


معاذ يدخل الصالة بعد ان ابلغته سعدية بان الظبي غادرت لجناحها وقف حائراً هل يدخل غرفة دانه او لا

لايعلم ماذا ستكون ردة فعله عندنا يراها بعد ان ضحت له برائتها راشد حلف بانها لا تعلم عن شي ابداً

وبلغه كذالك بانها اعترفت له بحبها لمعاذ حتى انها رفضت المغادرة معه عندما كان سيهرب فيها..

فهي امنت لحضن معاذ على حضن والدها ولم تكن تعلم بانها حامل بذالك الوقت حتى ليلقى سبب معاذ

ثم يقول لم تستطع تركي من اجل ابنها لا يضيع لكنها اختارته حباً وعشقاً حتى انها فضلته على رجال العالم

معاذ دخل الغرفة بخطوات ثقيله ليقف على الباب عندما راها منحنيه لسرير طفلتها التي اهدته لها الظبي

دانه كانت منحنيه كي تغطيها عن البرد بينما هي تبتسم لطفلتها بعذوبه لم تنتبه لمن يراقبها بهيام؟..

معاذ يراقبها فعلاً بهيام لكنه مخلوط بوجع كيف اطاعه قلبه ان يعذب تلك الملامح البريئه والجسد الصغير..

مجنون حقاً حينما اتهماها بالغدر وهو يعلم بانها طفلة ممكن ان تفضح والدها بي لحضه لو كانت تعلم

دانه اني اراك طفلتي عند الحب و قوتي عند ضعفي وكل البشر عندما اشعر باني وحيداً لذالك احبــــــــك

دانه استدارت كانت تريد ان تعود لسريرها لكنها قفت باستغراب من وجود معاذ ونظراته وصمته الغـــــريب

هتفت بتسال رقيق/معاذ فيك شي؟..

معاذ اغلق الباب ثم اقترب لها وعيناه تبحر بتفاصيل ملامحها/مساءالخير..

دانه اجابته بذات الرقه/مساء النور..

معاذ سال بغصه/شلون صرتي؟..

دانه تجلس على السرير بنعومة/طيبه الحمدلله..

معاذ بذات التسال/تعشيتي؟..

دانه اجابته بهدو/اي الحمدلله جدتك ماقصرت جابت للي شوربة لحم..

معاذ جلس جوارها على السرير/بالعافية..

دانه تسال باهتمام/وانت تعشيت؟..

معاذ عيناه عالقه بعيناها/اي تعشيت..

دانه توترت من نظراته لا تعلم ماهي مشاعره تجاهها لذالك انزلت راسها بصمت وهي تفرك اناملها ببعض..

معاذ يراقبها بذات الصمت وهو يتمنى احتضانها بقوه حتى يطفي لهيب قلبه لكنه يخشى يوجعها وهي تعبانه

مابين خوفي من الدنيا وخوفي عليك..
ضيعت عمري مابين اقفي ولا اتبعك..
ماني خايف توادعني وانا محتريك..
خايف يديني تخون احساسي و توادعك..

معاذ امسك يدها وهو يهتف بحه/قطعتي يدك..

دانه هتفت بقلق/مادري احس حركاتك غريبه؟..

معاذ قطب جبينه/كيف يعني غريبه؟..

دانه تنظر له بذات القلق/من وحنا طالعين من المستشفى ونظراتك للي مو مريحه اخاف ناوي على شي؟..

معاذ شعر بتوتر قليلاً/مافهمت وش قصدك؟..

دانه اجابته برعشه/يمكن تبي تاخذ بنتي وترميني؟..

معاذ هتف بتسرع/مستحيل انا اصلاً شلت الفكره ذي من راسي والله..

دانه تنظر له بذهول/كيف شلتها من راسك وانت الصباح بالمستشفى تقول كل شي بوقته؟..

معاذ تلاحق نفسه/بس من شفتك تعبانه وتعانين قلبي ما طاوعني ليش احرمك من بنتك وانتي تعبتي عليها؟..

دانه امتلت عيناها بدموع بعدم اقتناع/حلفتك بالله لا تغدر فيني ترا انا والله ما تحمل الغدر..

معاذ حملها بخفه وضعها تجلس باحضانه ثم همس لها بحرقه/والله العظم ما غدر فيك دانه وانا ولد ما تحملت فراق امي يوم تزوجت ابوك وقتها كنت كبير بعد كيف بنتي تتحمل فراقك وهي طفله؟..

دانه تنظر فيه من بين دموعها لتهتف بنبرة مقصودة جداً/اذا كبرت راح تعرف وش معنى حب البنت لابوها مهما سوى يبقى بنظرها غير عن العالم كله..

معاذ فهم ماذا تقصد لكنه تجاوز لا يريد يعلق بتلك الوقت بذات/على العموم تطمني والله ما احرمك منها ولا احرمها منك مهما صار حتى لو لاقدر الله وتفرقنا..

دانه ريحت راسها على كتفه/تتوقع يجي يوم ونفترق؟..

معاذ مال راسه حتى لصق خده بخدها تنهد وهمس بسكون/مادري وش ربي كاتب بس اللي انا متاكد منه اني بضل احبك لاخر يوم بعمري..

لم احبك يا دانه لحاجتي للحب ولم احبك لتملي فراغ يومي لم احبك لاني وحيد واريد ظل استظل به..

بل احببتك لانك الامان والدفء لن الخوف معك يتلاشى احببتك كثير دون توقف برغم اني اعيش بقلق.

مازالت دانه ومعاذ على وضعهما بينهما هدو لايسمع سوى انفاسهما المنتظمة ويفوح عطره معاذ المثير.

دانه من قطعت الصمت بهمس صوتها العذب/اخاف تشم علي بعطرك؟..

معاذ اجابها بحرارة/تعودي عليه بينا احضان فقط لين تخلصين الاربعين..

دانه دفنت وجهها بعنقه من الخجل ليبتسم معاذ بحب/علامك؟..

دانه خفتت باختناق/كلامك يفشل..

معاذ كتم ضحكه/وش كلامي يفشل؟..

دانه هزت كتفها باسمه بينما هي مازالت داسه وجهها/مادري زلة لسان..

معاذ تنهد بعمق ثم شد احتضانها/جعلني فداك..

دانه صمت بينما هي مازالت دافنه وجهه بعنقه بينما رئتيها تتبخر من رائحة عطره المخلوط بالمسك..

احبك يا معاذ لو تنثر الملح فوق العوق..
واعزك لو تلحق الكيه بالكيه..

الجدة نشميه تفتح الباب بثقل لا تعلم بان معاذ موجود ليقفز هو ويبعد دانه عن حضنه بحرج شديد..

الجدة نشمية قفت مصدومة ثوان لكنها تداركت الوضع بنبرتها الحازمه/معاذ انت هنيه متى جيت؟..

معاذ يتمنى الارض تنشق وتبلعه فهو امام الجميع ثقيل راكد ولكنه وقع امام عيني جدته بمنظر محرج..

تنحنح وهتف بحزم مشابة/توي جاي بسلم عليكم وبسري..

الجدة نشميه برفض هادئ/وين تمشي بذا اليل ارقد بالمجلس الى الفجر وتمشي الله يستر عليك..

معاذ باصرار حازم/لا والله عندي شغل من الصباح بعدين امي بالبيت لحالها ماقدر اخليها..

الجدة نشميه زفرت بحده/هي ورا ما جت تسلم على بنتك وش رافع خشمها؟..

معاذ تنهد بطولة بال/مادري عنها المهم انا بمشي تبون شي؟..

الجدة نشميه هتفت بمودة وهي تعود مع الباب بعد ان تطمنت عليهما/سلامتك عسى ربي يحفظك..

معاذ التفت لدانه التي جالسه على السرير بصمت سالها بنبرة خاصه/تبين شي دانه بروح وبكرا امر عليكم؟..

دانه هتفت بهدو/سلامتك..

معاذ خرج تحت مراقبتها لتغلق عيناها هي وتسند راسها على حافة السرير لتنهد تنهيدات متواصله..

فأتبعته نظرها حتى غاب عنها وقالت في داخلها رحمتك اللهم فانني اخشى ان احبـــــــــه!!..

لكنها قد احببته من حيث لا تدري فان الخوف من الحب هو الحـــــــــب نفسه..
———————————————————-

* ..يوم جديد..

* ..الساعه التاسعه صباحاً..

..مستشفى خاص..

كانت الظبي تجلس جوار شهاب بصالة الانتظار بينما هي متوتره جداً وكذالك غاضبه لانه مرتدي كمامه..

كي يغطي وجهه لاحد يتعرف عليه وكانه فاعل جريمه واذا احد راءه جالس ينتظر امام غرفة دكتورة النساء؟؟

هي ترا انه عادي لانه متزوج والكل يعرف ذالك لماذا يفعل فيها خصوصية وهو من اتى فيها للمستشفى؟؟

الظبي مالت وخفتت له بزفرة/شوف عاد يتنزل ذا الكمام ولا يلا مشينا بلاها كشف..

شهاب خفت بحزم بالغ/ماني منزلها ولا حنا ماشين كم مره قلت لك ذا شي خاص فيني مابي احد يعرف ماتفهمين انتي؟..

الظبي بذات الزفرة/طيب واذا عرفوك ترا زوجتك بالحلال مانت مسوي حرام..

شهاب تنهد بطولة بال/ظبي يرحم والديك حلي عني تراي من صحيت و قلبي مقبوض..

الظبي انتفضت برعب/ليش شفيك؟..

شهاب ضع كفه على صدره/والله مادري بس احس اني مخنوق..

الظبي هتفت بذات الرعب/طيب خلاص خل نمشي ناجل الكشف بعدين..

شهاب هتف باصرار/لا نخلص كشفك بعدين نمشي..

الظبي صمتت لا تريد تلح عليه لانها فعلاً رات انه غير طبيعي منذ افاق بالصباح وهو متضايق او قلق لاتعلم!

الممرضه تخرج منادية/ظبي احمد شداد..

شهاب وقف لتقف الظبي كذالك و تتبعه لغرفة الدكتورة التي سالتهما كم سوال مهم وخاص فيهم..

وشهاب من يجيبها بينما الظبي صامته حتى طلبت منهم الدكتورة اجراء تحاليل شاملة لهرمونات الظبي..

وابلغتهما بان التحاليل تستغرق من ساعه الى ساعتين لذالك شهاب اخذ الظبي كي يفطر معها مكان هادئ..

بعد ساعتين متواصله عاد للمستشفى لتسمح لهما الدكتورة بدخول جلس شهاب والظبي امامها بصمت..

بينما الدكتورة مركزة على شغالها للتاكد من فحوصات الظبي ثم التفت لهما وهتفت بنبرة رسميه/مشاءالله البنت كل فحوصاتها سليمه ميه بالميه..

شهاب قطب جبينه/طيب دكتور سبب تاخر الحمل؟..

الدكتورة اجابته بوضوح/ممكن تحتاج انت تحاليل وقتها نقدر نتاكد من صحتكم انتم الاثنين..

شهاب صمت لتهتف الظبي باختناق/عادي اذا ماتبي تحلل مو لازم اهم شي الحمدلله طلعت تحاليلي سليمة..

شهاب اجابها بحزم واثق/ليش مو لازم الا عادي احلل لاني واثق باذن الله مافيني شي..

الدكتورة تهتف بهدو/ان شاءالله تكون تحاليلك سليمه..

شهاب بعد ان عمل فحوصات هو كذالك جلس بصالة الانتظار رافض يعود للقرية قبل ان يتاكد من تحاليله..

اظهر هاتفه من مخباه بضيق/جوالي طفى شحن..

الظبي هتفت بهدو/طيب روح اشحنه بسيارة..

شهاب عاد هاتفه لمخباه/مالي خلق..

الظبي صمتت بينما هي فعلاً تعبت من الانتظار تتمنى تنتهي تلك الساعات لتعود لدانه وطفلتها ولعب عليها**

بــعد ســـــــــاعتين من الانتظار استدعتهما الدكتورة لغرفتها جلس شهاب بثبات لتجلس الظبي امامه..

الدكتورة كانت ملامحها حقاً لا تطمن لذالك شهاب شعر بنوع من التوتر/كيف التحاليل يا دكتور؟؟..

الدكتورة نظرت فيه بهدو/للاسف تحاليلك لا تبشر بخير..

حيـــــــــنها الظبي وشهاب تبادلو الانظار بينهما بـــــــــصدمة كاسحة ودقات قلب مشـــــــــتركة!!

الدكتورة تكمل كلامها/اللي اشوفه قدامي بتحاليل ان مافي امل ابد للانجاب عندك عقم للاسف..

شهاب قـــــــــف بثوره/كيف عقم ماني فاهم؟..

الدكتورة اشرت له يهدى/يا ابني اهدى هاذي تحاليل قدامك ماجبت شي من راسي واذا مانت مصدقتي روح عيادة ثاني وعمل تحاليل من جديد..

شهاب هتف بنبرة ملتهبه/طبعاً بروح عيادة ثانيه اجل باخذ كلامكم على محمل الجد؟؟..

ثم اشر لظبي بامر صارم/يلا مشينا..

الظبي تتبعه بذهول عقلها عجز ان يستوعب شهاب عقيم يعني ماذا بتضل محرومة من الابناء للابد؟..

شهاب ركب سيارته ليخلع كمامه ويرميه بانفعال ثم حرك للمختبر الخاص لكنه طول الطريق كان صامت

الظبي كذالك صامته لم تعلق فهي الى الان غير مصدقه نزلت مع شهاب للمختبر كي تتاكد بسمعها..

عمل تحاليل اخرى ثم جلس بالانتظار يهز قدمه بتوتر بينما الظبي تجلس جوارة بصمت غريب او ربما ذهول

شهاب عندما سمع اذان الظهر اتجه الحمام توضى ثم صلى بالمصلى والظبي كذالك صلت وعادت للانتظار..

بينما شهاب مازال بالمصلى جالس يدعو الله بالحاح بان لا يفجعه بصحته بان لا يحرمه نعمة الابوه..

يدعو الله ان كان مذنب بسبب علاقاته مع الفتيات ولعب بمشاعرهم فان يسامحه ويغفر ذنـــــــــبه..

ثم عاد للانتظار بعد ساعتين ظهرت نتيجة التحاليل وكانت الـــــــــصدمة المؤلمه بانه فعلاً عقـــــــيم!!

عـــــــــقيـــــــم كلمه تحطم القلب تشعر بمن تلقاها بان الحياة انتـــــــــهت لاعيش بدون ابناء..

حتى قوله تعالى:(الْمَالُ وَالْبَنُونَ زِينَةُ الْحَيَاةِ)..
——————————————————
** ..القرية..

دانه افتح عيناها بنعاس فهي لتو تفيق لانها طول اليل سهرانه مع طفلتها التي تبكي بسبب مغص بطنها..

وهي لاتعلم ما السبب لانها تجهل الامومة والاطفال لذالك ضلت سهرانه ترضعها تغير ملابسها حتى الفجر

ولم تخبر الجدة نشمية بذالك لانها ترا انها مرهقه بسبب المستشفى والوقفه معها ومع طفلتها بالولادة

والان افاقت دانه ثم اعتدلت جالسه وعيناها على سرير بنتها توقعت بانها هي كذالك نائمه بعد التعب..

نهضت و طلت على سريرها لـتــــــشهق برعب ماخطر بالها الا ان معاذ كذب عليها بكلامه ليلة البارح

واليوم خطفها لذالك اتجهت الصالة بخطوات سريعه بينما دقات قلبها لم تهدا وعيناها امطرت الدمع..

خرجت لصالة ثم قفت بصدمة عندما رات الجدة نشميه جالسه على الفرشه قريب من باب الحوش..

امام شعاع الشمس و فاتحه مهاد الطفل كي تشمس وتدفى وهي تسولف معها وتبتسم بامومة وحنان..

دانه عادت غرفتها وهي تضع كفها على قفص صدرها تشعر بان قلبها سيخرج من مكانه بسبب تخيلاتها..

جلست على السرير تحاول تستوعب بان التي تمر فيه مجرد خيال رعب ليسا واقع فمعاذ حلف لها البارح..

بانه شال الفكره من راسه ومن المستحيل يحرمها من طفلتها حتى لو افترق هو وهي تضل معها لم ياخذها..

الجدة نشميه تدخل وهي تحتضن الطفلة من رات دانه ابتسمت بمودة/مشاءالله زين صحيتي عشان تغدين..

دانه التفتت لها بغرابه/ليش الساعه كم؟..

الجدة نشميه تضع البنت جوارها على السرير/الساعه وحده وانتي يا دافع راقده عسى ما تونسين شي؟..

دانه اجابتها بمراره/لا بس البارح ما نمت من بنتي تصيح بدون سبب غيرت حليبها وغيرت ملابسها وتصيح..

الجدة نشميه هتفت بحزم/وليش ما صحيتيني انتي وش عرفك بالورع الصغير؟..

دانه بنبرة لطيفه/مابي ازعجك وانتي تعبانه من المستشفى..

الجدة نشمية بذات الحزم/لو اني تعبانه تصحيني ذي ورع بذمتنا يمكن تمغص وماتقدر ترقد اقوم اشوفها..

دانه انحنت وقبلت خد الطفلة/مادري عنها والله..

الجدة نشميه امرتها بحنو/يلا قومي غسلي ابي سعديه تحط غداي انا وانتي..

دانه سالت بغرابة/ظبي وينها غريبه للحين نايمه؟..

الجدة نشميه اجابتها بهدو/لا صحت هي وشهاب بدري قالو عندهم شغل يبون يخلصونه ويعودون وكاد انهم تغدو برا..
—————————————————————-
** ..قصر النمر..

* ..الساعه الثانية ظهراً..

نمر ينزل الدرج بعد ان بدل ملابسه لانه لتو يعود من الشركة اتجه صالة المائدة لوجبة الغداء العائلي..

كانت سلطانه تجلس هي وطفلتيها امام الطاولة ينتظران نزول نمر حتى يتغدا الجميع سوياً..

نمر هتف بالسلام بنبرة هادئه/سلام..

الجميع بصوت واحد/عليكم السلام..

نمر جلس وهو ياشر لهما بحزم/سمو بالله..

بدات شروق وغروب بالاكل بينما سلطانه تحرك الملعقه وتعبث بلاكل لاشعورياً لانها غارقة بافكارها..

ترا الحياة بينها وبين نمر وطفلتيها تغيرت كلياً تشعر بالاستقرار والترابط الاسري عكس قبل تفكك اسري..

حتى على الوجبه لا يجتمعان سوياً كان نمر هو محرم اجتماعهم حتى بالنوم كل واحد له غرفة خاصه فيه..

والا حديث مشترك بينهما حتى بامور تخص طفلتيهما يسال الخدم وهي موجودة كان قاسياً لكنه تغير..

حينما صلحت الامور وعادو لتجمع من جديد تعود لطيفه للهدم لكن لا سلطانه ولا بناته سيرضون بذالك

نمر الذي يراقبها بطرف عين خفت متسال/ليش ما تاكلين؟..

سلطانه لتو تنتبه لنفسها لذالك ضعت المعلقه وقفت بهدو/شبعت الحمدلله..

نمر يراقبها حتى غادرت شد له نفس ثم زفر بضيق لتهتف غروب بشقاوه/شفيك بابا انت مزعل ماما؟..

نمر عطاها نظره/تغدي وانتي ساكته..

غروب تاكل برود/عادي اصلاً تعودنا كل يوم مشاكل..

نمر انفعل حقاً/غروب انا كم مره اقول لك لسانك ذا احكميه لا قصه لك..

غروب ترمي ملعقتها بزعل وتنهض واقفه متجه لدرج للتسع عيني نمر بدهشه/استغفرالله هذول شفيهم؟..

شروق تاكل بنعومة/بابا ترا غروب مفطره بالمدرسه بس ماما جبرتها على الغدا يعني مو مشتيه لا تحاتي..

نمر نظر لها بنظرة حانيه خاصه فيها هي/والله احسنهم انتي يا جعلني فدا خشمك..

شروق تبتسم/شكراً يا احلى اب بدنيا..

نمر يبتسم بذات الحنو/تغدي جعل ما يتغدا غيرك..

عندما انتهى نمر من الغدا قف وهو يتجه لشروق التي قفت هي كذالك مد يده وتجه معها للمغسله..

ثم رقى الدرج بينما هو مازال ماسك كفها بكفه ويسالها باهتمام/شلون اختباراتك؟..

شروق اجابته برائه/الحمدلله اخذت الدرجه الكامله وخلاص بدات الاجازة بكرا نرتاح..

نمر بعثر شعرها بلطف/عفيه على الشاطرة والحين يلا روحي نامي بغرفتك و ارتاحي..

شروق قبلة كفه ثم اتجهت الغرفة تحت مراقبة نمر الحانيه لها ثم اتجه غرفة ليصدم عندما وجد غروب..

كانت جالسه تشكو لوالدتها بغيظ/بس يهاوشني مادري شفيه علي من جابت لطيفه له ولد تغير..

سلطانه لم تنتبه لدخول نمر لذالك كانت تهتف بحزم رقيق/يا ماما انتي تخيلين اشياء مو صحيح مستحيل بابا يتغير عليكم حتى لو صار عنده بدل الولد ثنين..

غروب تدعك انفها الصغير/الا والله تغير هذا وولده بالمستشفى كيف لو طلع..

سلطانه التفتت لها بحده كانت تريد نحرها لكن الكلام قف على طرف لسانها عندما رات نمر واقف يستمع لهما..

غروب استدارت للخلف بغرابة عندما رات والدها انزلت راسها فوراً لانها تعلم بان كلامها كله غلط..

نمر هتف بحزم بالغ/لو بتغير عشان ولدي كان تغيرت على شروق بعد لكن انتي صايره قليلة ادب وانا راح اربيك من جديد..

غروب انفجرت باكية لتقف سلطانه وتحتضنها وتهف بتهدئه/ولو يا نمر ذي بزر ماله داعي ذا الكلام..

نمر ضع سبابة على انفه بحده/انتي اص ولا كلمه ولا تدخلين بيني وبين بناتي..

سلطانه اتسعت عيناها بصدمة بينما نمر هتف لغروب بحده اعمق/وانتي يلا اذلفي غرفتك بلا تبكبك على راسي..

غروب اتجهت الباب بينما صوت شهقاتها تعالى سلطانه انفجرت عليه بغضب/بس مكالمة منها غيرتك كيف لو تشوفها تمسكني انا وبناتي الباب؟..

نمر اقترب لها بذات الغضب/ما ترتاحين لين تدخلين الامور بعضها بنتك قليلة ادب وصايرة ما تحترمني حتى عند الناس وانتي كل كلمة والثانيه تقولين بزر بزر..

سلطانه بنبرة حاده جداً/لانها بزر صدق واللي مرت فيه بحياتها ماهو سهل كانت منتظره بي لحضه نتفرق و نشتتها هي واختها عشان كذا تنفعل من سيرة لطيفه اللي شالعه قلبك..

نمر يرص على اسنانه/شلعو راس العدو لطيفه صفحة و طويتها وقلت لك ذا الكلام الف مره لكن انتي ما تفهمين..

سلطانه بذات الحده/صفحة و طويتها وهي متصله عليك البارح اخر اليل وطلب منك تعالج ولدها انا ماني غبيه ادري وش ناويها تبي ترجع لك بس ما تدري كيف توصل لك المعلومة..

نمر استدار متجه الحمام بصمت لانه يرا بان النقاش معها ضايع لكن لايمنع ذالك انه ركز على اخر جملتها.

متوقعه ان لطيفه تلمح له بان يعيدها له لا تعلم بانها اصلاً طلبته بالعبارة الصريحه بالعوده لتنجب ابن ثاني

لو علمت ماذا ستكون ردة فعلها تنحره او تنحرها او تنتحر هي لا يعلم لكنه الذي يعلمه بانها لا تجاوز ابداً

عندما خرج من الحمام لم يجدها كانت الغرفة خاليه ليفهم بان زعلت جداً ومن الصعب عليه رضائها..

لذالك قرر يتجاهلها لم يرضيها لانه يرا بانها اخطت بحقه عندما تطاولت عليه بكلامها دون احترام..

وكانه هو من قال لطيفه اتصلي فيني اخر اليل وكذالك* تبرر لطولة لسان غروب بانها بزر بدل ان تعقلها؟..

نمر جلس على السرير ليرن هاتفه كان رقم محمد فتح الخط مرحب/ارحب يابو شهاب..

محمد بنبرة مفجوعه جداً/يابو شامخ تعال المستشفى بسرعه..

نمر وقف برعب حقيقي/وش صاير يامحمد؟..

محمد بذات النبرة/شيـــــــــخه صار عليها حادث مع السواق وهي الحين بين الحياة والمـــــــــوت..
——————————————————-
** ..المستشفى..

كان محمد يقف جوار باب العناية المركزة بينما هو ساند راسه على الحيط من شعورة بالحزن لو ماتت!!..

ماذا ستكون ردة فعل شهد التي من اتت من المدرسة نامت لاتعلم بما يحدث وماذا ستكون ردة فعل شهاب

لذالك محمد حزين جداً مهما كانت شيخه مؤذيه بلسانها لكنها تبقى زوجته وام لابنائه بينهما عشرة عمر

عندما الموت يستدرك الانسان بان الحياة لا تساوي ابدا خرم ابرة لذالك مهما غرتك الدنيا في عجايبها..

لتصبح متعتك هي الشماته بالبشر او ربما تفريق بينهما بالحقد والاذى فتذكر انك فاني من هاذي الدنيا

نمر يقترب بخطوات سريعه بينما عيناه تنظر محمد برعب حقيقي بان شيخه قد غادرة الحياة ومـــــــاتت

سال من بين انفاسه/محمد شيخه شفيها؟..

محمد التفت له بعيني غارقة بالدمع/والله مادري من ساعتين وهي بالعناية كل ماسال عنها قالو ادع لها والسواق مات عسى الله يخلف على اهله..

نمر امسك ذراعه وشد عليها بقوه/اذكر الله ياخوك وكل امرك وامرها لله فهو خير مدبر وخير وكيل..

محمد يمسح دموعه بطرف شماغه/ونعم بالله لكن انا اللي اكل قلبي شهد وشهاب لو درو..

نمر يتظاهر بالقوه امامه رغم انه يخشى فراق شقيقته الوحيده يخشى فقدها بعد تلك السنوات يخشى انهيار والدته وحرقتها..

لذالك هتف بنبرة مدروسه/من ناحيت شهد الحين اكلم ام شامخ تروح لها ومن ناحيت شهاب ارسل له معاذ يجيبه هو وامي قبل يوصل لهم الخبر و ينفجعون..

محمد هز راسه بضعف/سو اللي تبي..

نمر شده برفق/تعال اجلس ورتاح..

محمد جلس وحضن راسه بين كفيه ليبعد نمر قليلاً ثم اتصل برقم سلطانه رنتين ردة بنبرة غيظ/نعم؟؟..

نمر خفت بحزم/اسمعيني عدل ابيك الحين تروحين بيت شيخه وتاخذين شهد عندك بالبيت تعلب مع البنات لو تسالك وين امها طلعي لها الف عذر..

سلطانه تصلبت بصدمة/نمر وش صاير؟..

نمر ينهى النقاش/لا جيت اقول لك..

سلطانه لم تسمح له ينهى المكالمه وهي تناديه متساله برعب/نمر شيخه فيها شي؟..

نمر صمت ثوان ثم هتف بوجع/شيخه بالمستشفى تعبانه لكن عيالها مايدرون وانتي امانتك شهد يا سلطانه لا تدري عن شي..

سلطانه انفجعت حقاً/وش فيها حلفتك بالله تقول؟..

نمر ينهى المكالمه/قلت لك لا جيت اعلمك يلا روحي الان لشهد..

ثم اغلق الهاتف واتصل برقم معاذ الذي رد مرحب بحزم/ارحب يابو شامخ..

نمر بذات الحزم/البقى وينك؟..

معاذ اجابه بغرابة/بطلع من البيت لدوام ليش تبي شي؟..

نمر بنبرة قلق/معاذ شيخه صار عليها حادث وهي بالعناية المركزة وشهاب ما يدري ابيك تروح القرية تجيبه هو وامي لكن لا تعلمهم بشي لين يجون وانا امهد لهم الموضوع..

معاذ انتفض بجزع/لاحول ولاقوة للا بالله متى صار الحادث محمد معها؟..

نمر تنهد بوجع/لا كانت مع السواق مات المسكين الله يرحمه ومحمد منهار عشان عياله..

معاذ فعلاً شعر بحزن نفض قلبه يفكر برفيق دربه شهاب لو توفت والدته ماذا ستكون حياته الم وشقى؟

انهى الاتصال بحرقه/يلا بروح لهم دعواتك..

نمر ينهى الاتصال/الله يقويك..
————————————————————-
شهاب بطريقة للقرية كان صامت لانه فعلاً متحطم من نتيجة تحاليله الصدمة اثرت على نفسيته جداً..

مهما كان الشخص متفائلاً مجتهداً ذو عزيمه مقبلاً على النجاح لابد يعيقه شي بحياته ويفسد عليه ذالك

ولكن المفترض بانه لم يقتبس شعلة من ضياء الامل فلا يطفئها ولم يشجع نفسيته لتقبل الامر فلا يحبطها*

كي يعود سعيداً في عالمه يلاحق احلامه واماله وانجازاته كا يحب دع عندك يقين بان الله لا يضيعك..

سوفا يعطيك حتى ترضى فان اخذ منك نعمة الابنا فهو عطاك نعمة المال والجاه وحققت كثيراً من نجاحاتك

الظبي كذالك مصدومة حتى انها عاجزة تخفف عليه لو بكلمه واحدة كما لو كانت بلعت لسانها من الصدمة!!

حتى ولو كانت فتاة لا تعرف التعبير عما في داخلها لكنها تحب الموساة والاستماع للاخرين..

تبكي عندما لا تستطع الحصول على ماتريد تكره ان يراها احد وهي تبكي شخصيتها خيالية جداً..

تتعب من تصرفات من تحب كثيراً تسامح كثيراً تدخل الاستغباء الى حياتها خجولة ولكنها تملك جرائه

مفاجئه كتومة وطيبة القلب وافيه وعنيده حساسة في بعض الامور انانيه فيما تحب ولديها كبرياء قاتل..

لكنها اليوم شعرت بانها اشبة بالحلم تشتت تفكيرها وانعقد لسانها تشعر كما لو كانت نائمه ولتو تفيق!!..

شهاب وقف امام البيت ثم التفت لها وهتف بهدو غريب جداً/انزلي..

الظبي التفت له بتسال/وانت مو نازل؟..

شهاب اجابها بذات الهدو/لا..

الظبي سالت بحذر/وين بتروح؟..

شهاب صد لينظر انحاء القرية وعيناه تتبع الاطفال كل جزء منهم مشغولاً بلعبه البعض كوره والبعض لحقه..

تنهد وهتف بحرقه/والله مادري وين بروح..

الظبي عادت لصمت لكنها لم تنزل ضلت معه بالسيارة ليلتفت لها شهاب بتسال/وانتي ليش ما تنزلين؟..

الظبي هزت كتفيها بمعنى لا اعلم/مادري..

شهاب امسك كفها وشد عليها بخفه صمت ثوان ثم فجرها بنبرة مؤلمة/كل شي ممكن اعارضك عليه بخصوص الانفصال حتى لو احارب وقاتل عشانك لكن شيء واحد ماقدر اجبرك عليه وضميري ما يسمح للي الاستمرار معي وانا عقيم القرار الاخير بالنهاية لك فكر وردي علي كان تبين الطلاق ابشري وعلى خشمي وكان تبين تستمرين معي ونحاول باللي ربي يقدرنا عليه تراك بقلبي وبعيوني..

الظبي سحبت يدها ونزلت لانها لم تتحمل كلامه فهي شعرت بانها ستنهار امامه باكيه ولا تريد ذالك يحدث

نبرة صوته المؤلمة وصلتها من الوريد للوريد لتهز قلبها تراه حزين حزن شديد او ربما مصدوم ومحطم

لذالك تهربت من المواجهه والبكا امامه ستتخذ قرارها بعيد عنه كي لا تقيدها العاطفه ناحيته..

فالمساله جديه وتلامس شيء في القلب فهي مخيره بين شيئان يا انها تتم مع شهاب وتنسى الاطفال نهائي

لانه ممكن مهما فعل لا ينجح العلاج معه فالدكتورة قالت عقيم بمنعى كلامها بانه من المستحيل ينجب!!

والاخيار الثاني ان تدوس على قلبها وتنهي علاقة الحب بينهما وتطلب الانفصال بما ان تحاليلها هي سليمه..

تزوج من غيره وتنجب لها اطفال ممكن ان يعوضونها عن شهاب وتنساه وتنسى اياماً او ربما سنيناً احبته..

الظبي دخلت البيت متجه لجناحها تريد ان تبكي تبكي حتى ترتاح ثم تجلس مع نفسها وتتخذ قرارها الاخير..

الجدة نشمية كانت بالحوش تطل على اشجارها من رات الظبي تدخل هتفت مرحبه/يالله حيها علامكم تاخرتم يا دافع؟..

الظبي لم تجيبها بل اتجهت جناحها وغلقت الباب بينما الجدة نشمية لحقت فيها مرتاعه وطرقت الباب

مناديه/ظبي افتحي انتي علامك يابنت..

التفتت لمصدر الصوت شهاب ونبرته الرجولية/خليها يا جدة تعبانه وتبي ترتاح..

الجدة نشميه نظرت فيه بغرابة/وش متعبها انتم متهاوشين؟..

شهاب هتف باختناق/لا لكن هي متضايقه شوي وانا اقول خليها براحتها..

الجدة نشميه بغرابه اعمق/لا والله وكاد انكم مانتم بخير وانت وجهك علامه مسود؟..

شهاب اجابها بغموض/لاني ما نمت زين المهم انا بروح عندي شغل ويمكن اليلة ماقدر اجي لكن انتبهي لظبي ولو احتجتم شي كلمو معاذ انا مشغول..

منذا اكمل حملته الا صوت معاذ يقف على الباب الخارجي منادي/احم احم ياهل الدار؟..

شهاب نادا له بحزم/تعال يا معاذ مافي احد..

معاذ يقترب بينما وجهه كذالك لا يبشر بخير شاحب ونبرته مرتجفة عندما سال بتوجس/شفيكم واقفين هنيه؟..

شهاب قطب جبينه/نسولف انت اللي شفي وجهك؟..

معاذ هتف بتوتر واضح/جاي باخذك انت وجدتي مشوار ضروري..

الجدة نشميه اختل توازنها ليمسكها شهاب فوراً لانه كان قريب لها/بسم الله عليك..

الجدة نشميه تنظر معاذ بعيني لامعه/وش صاير نمر وبناته فيهم شي ولده فيه شي علمني لا تكذب علي؟..

معاذ تالم حقاً ذكرت نمر وبناته وابنه ولم تتوقع بان شيخه هي التي تنام على السرير الابيض تصارع الموت

شهاب سال بحده/معاذ شفيك ساكت تكلم؟..

معاذ احتار ماذا ان يقول/مافي الا كل خير ان شاءالله لكن نمر يبيكم ضروري انا ماقدر اتكلم..

الجدة نشميه هتفت بنبرة ميته/نادو سعديه تجيب عباتي وكاد ان في عزاء اعرف وجيهكم..

معاذ انتفض قلبه/لا ان شاءالله بس تفائلي بالخير..

شهاب ندا بصوت عالي/سعديه يا سعديه..

انت سعديه راكضة/نعم ايش فيه؟..

شهاب امرها بحزم/حيبي عباة جدتي سرعه..

سعديه عادت للصالة بينما شهاب ينظر معاذ بنظرات متسال واضح في مصيبه لكنه توقع يخفيها عن جدته

لايعلم بان معاذ يخفيها كذالك عنه هو لانه اكثر واحد ممكن ان يتاثر لو علم بان والدته بالعناية المركزة..
—————————————————-
** ..المستشفى..

مازال محمد جالس على الكرسي يشعر بانه خلاص فقد الامل لها كم ساعه بالعناية ولاحد طمنه عليها..

بينما نمر لم يترك دكتور لم يساله عن حالتها ليبلغه بانها بحالة خطره ويحاول قدر المستطاع اسعافها..

لذالك ابتعد نمر عن محمد لتنهار قوته ويجلس على اقرب كرسي يدعو الله بداخله بان لا يفجع ابنائها..

يطلب من الله بان لا تستيقظ شهد على صراخ الفقد ان لا يعود محمد وبنائه للبيت وعددهم غير مكتمل

ان لا يسرق الموت من شهاب والدته ان لا يفجع والدته على ابنتها الوحيده لن نمر يعلم جيداً..

بان موت الاحبه يجعلهما تحت الارض وهما فوقها بنفس الشعور يميتك وانت على قيد الحيـــــــــاة..

رفع راسه عندما اقترب شهاب يصرخ بصوت ثاير صوت موجوع/امـــــــــي وينها لـــــــــيش ماحد قال للي لـــــــــيش!!..

نمر وقف فوراً وحضنه لينهار شهاب لاول مره بحياته باكـــــــــياً مصيبتان بنفس اليوم لا يستطع تحملها!!

نمر يشد احتضانه بالم يقطع عروق قلبه/تـــــــــكفى يا شهاب لا تكفى وانا خالك انت القوي البكا ماهو لك..

شهاب يدفن وجهه بكتف نمر ثم انفجر من بين دموعه/امي يا نمر امي ان ما بكيتها ابكي من ابـــــــــكي من؟؟..

نمر يتمزق مع كل صوت شقه تصدر من بحة صوت شهاب الرجوليه هتف بيقين/ان شاءالله ان امك بخير لكن خلك قوي عشان ابوك وعشان شهد..

شهاب انتفض مبتعد بحرقه/شهد وينها درت؟..

نمر اجابه باختناق/لا مابعد درت هي عند بناتي تطمن..

شهاب ضع كفه على راسه وكفه الاخرى استند على الحيط/إنّا لله وإنّا إليهِ رَاجعُون..

نمر شد على كتفه بخفه/ايه اذكر الله وانا خالك اذكر الله..

شهاب التفت له بحرقه/حلفتك بالله يا نمر وش فيها بضبط؟..

نمر اجابه بذات الحرقه/والله ان علمي علمك من اليوم نسال يقولون ادعو لها..

شهاب جلس على الكرسي وهو يفتح اعلى ازرت ثوبه بينما نمر سال بغرابه/انت من قالك؟..

شهاب اجابه بهدو/معاذ قال للي..

نمر تلفت برعب/امي معكم وينها؟..

شهاب تنهد بحزن/بسيارة عندها معاذ يهديها..

نمر هتفت بعتاب/ليش يقول لها معاذ وانا موصيه؟..

شهاب اجابه ذات الحزن/انا نشبة بحلقه لين تكلم..

نمر هتف بحرص/انتبه لابوك جالس بالممر الثاني وانا بروح اشوف امي..

عندما غادر نمر شهاب قف وهو يحاول ان يتصنع القوه امام والده لانه يعلم بقلبه رهيف لا يتحمل..

اتجه للممر ليرا محمد جالس امام العناية المركزة وعيناه الذابله تراقب الباب بحسره وحزن يحرقان قلبه

شهاب هتف بتماسك/يوبه..

محمد قفز واقف وهو يرتعش/شهاب يابوك ترا الموقف ذي تبي الصبر..

شهاب شده لحضنه لتنزل دموع محمد/يالله لطفك..

شهاب قبل راسه ثم نظر ملامحه بوجع/يابوي ترا دموعك توجع للي قلبي..

محمد مسح دموعه فوراً/بني ادم ضعيف لكن عسى الله لا يفجعنا..
——————————————————-
تحياتي(شغف)..