رواية قسوة زماني

🖤 الــــــــــبــــــ(1)ــــارت🖤

ماجد:: حمد انت ايش سويت ذبحت الرجال
حمد::ب يد ترتجف وملطخه بالدم ورجفه تسري بكل جسمه مكان قصدي اذبحه ي ماجد ايش نسوي وطاح على ركبه يبكي وملابسه كلها دم
ماجد::تعال معي قوم بسرعه قبل الشرطه تجي





كت كت كت نرجع للوراء قبل 4سنوات

صمود:: فتحت عيونها بتعب وماعرفت تنام بالليل من ارتفاع حرارتها لماصارت بتقوم حست بشي صغير نايم جنبها والتفتت وبلحضه ابتسمت على شكله وكيف هو نايم جنبها وقربت منه وباسته على خده عزوز عزوز يله اصحى ي روحي بتتاخر على دوامك
عزوز:: توه يفتح عيونه ويستوعب المكان وبلحضه فز وقرب من صمود
عزوز:: ثمود كيف ثرتي (عنده حرف الثاء مشكله ههههههه)
صمود:: صرت احسن ي روحي وانت ليش نايم معاي اخاف تمرض
عزوز:: لاتحافي انا رجال ما. امرض
صمود:: يا فديت الرجال والله يله قوم بدل وننزل نفطر بتتاخر على المدرسه
عزوز:: اف ثمود ما ابي المدرسه انا حايف عليش حليني اكون معاش واذا تتعبي اكون معاك
صمود:: عزوز اعرف الحركات ذي يله قوم قدامي لا اعضك يله
عزوز:: مد البوز وزعل وطلع
صمود :: ي فديته وفديت حنيته مايحن علي ويخاف علي غيره صح صغير بس احسه كبير وتصرفاته دايم احس انه سند رغم صغر سنه دايم اذا مرضت القاه معي ودايم عمتي تعصب علي وتغلط ماتبيه يكون قريب مني تقول ابغا العب بعقل عيالها استغفر الله لازم ابدل وانزل تحت اشوف ابوي قبل ينزل واسوي فطور للتوام

....................
بنفس البيت بس بغرفة ريم
ريم: يمه ايش اسوي لا الولد ولا امه ولا اخته يبوني صمود تعجبهم اكثر مني
ام حمد: :وانتي شايفه الفرق بينش وبين صمود انتي اجمل منها بكثير ولازم تشوفي لش ححل اذا صمود اخذت فيصل لاتلومين الا نفسك انتي تعرفي ايش تسوي
ريم: يمه ايش اسوي اقول حبني غصب لاتحب اختي وبعدين مدري ايش شاف فيها انسانه معقده وتقرف وتشبه امها
ام حمد: الله ياخذها مثل ما خذا امها وارتاح
ريم: يمه لاتدعين مايجوز
ام حمد ;انتي ولا كلمه قومي جهزي نفسش العصر بنمشي ل خوالش
ريم: وناسسه وناسه بس صمود من بتجلس معاه دام جدتي مو هنا
ام حمد: ويش علي فيها تجلس معا الشغاله وانتي تعرفي المشوار لخوالش مره بعيد وبناخذ ثلاث ايام وابوش معنا وصمود حمد بيكون موجود والشغاله معها وخليها تطبخ ل لولدي
ريم: الي تشوفينه يمه


طلعت ام حمد ودخلت غرفة التوام وماحصلت حد ونزلت ولقتهم بالمطبخ على طاوله ياكلون عزوز وعبود وصمود.
ام حمد:: عزيز انت وين نايم البارح
عزوز: بعرفتي
ام حمد: من متى صاير تكذب علي والاهي علمتك وناظرت صمود بنص عين
صمود; ولدش نام عندي ولو حسيت بوجوده ماخليته ينام معي لاني اخاف عليه وفي قلبي رحمه ماهو مثل غيري
ام حمد: ويش قصدك ان مافي قلبي رحمه والزمي لسانش اذا صرتي تكلمين الي اكبر منش وبمقام امك
صمود: امي ليتك مثل امي وناظرتها بنص عين
ام حمد: والله وطلع لش لسان ي بنت امش الله ياخذش مثل ما خذاها وارتاح
صمود: مايهمني كلامش وامي ابعدي عنها وراحت للي ارحم منك ناس مريضه وسحبت الكرسي وقامت تبي تطلع بس سحبتها عمتها بيدها ودفتها. ام حمد: قبل تطلعين خلصي شغلش الخدامه عندها شغل والمطبخ ابيه نظيف ولا ابي اشوف شي والا راح اقول ل حمد ويتصرف معك
صمود: كتمت غضبها وابتسمت وتدري ان الابتسامه تقهرها

عند ابو حمد بالشركه دخل فيصل
فيصل: صباح الخير ي عمي
ابو حمد صباح النور ي ولدي عسى ماشر ليه انت هنا الوالد فيه شي
فيصل: لايعمي الوالد بخير بس جاته شغله خارج الرياض وقال اجي واساعدك اذا تحتاج شي
ابو حمد: لا ي ولدي يعطيك العافيه انت عندك شغل وانا بخلص الشغل. وبعد الظهر بحاول استاذن عندي مشوار. بودي الاهل

في بيت ابو فيصل
تهاني تصرخ يمه يمه يمه شوفي بنتش ماتخلي الواحد ينام
ام فيصل: صار الضحى ي بنتي مايصير كل ذا النوم يله تعالي لي تحت اجلسي معي
تهاني: اف طيب يمه باخذ دش وابدل واجي
ام فيصل: وانتي ي تماني صحي محمد وتعالي
تماني: طيب يمه من عيوني
تهاني: جعل عيونش البط
تماني: الي يبطش ي بطه
ام فيصل: لو اطلع لش انتي وهي اعلمش الهواش
كل وحده راحت لغرفتها جري


وفي بيت ابو ماجد
صراخ الجده مالي المكان الجده: يالي ماتخافون الله مخليني لحالي اجلس كني شيطان حسبى عليكم. مالقيتو رجال يعدلكم. ي نوره ي نوره نزلت ام ماجد: خير ي عمه ايش صاير كل ذا الصراخ معا الصباح الواحد يذكر الله وانتي تصارخين الجده: يالي ماتخافين الله وعادش تراددين قوومي لا بارك الله فيش صلحي لي القهوه وصحي بناتش المره سنعه تسنع حالها وبناتها
ام ماجد: بنفس صبوره ان شاء الله عمتي مالش الا طيبة الخاطر وطلعت فوق ودخلت غرفة شروق وكانت الغرفه مره بارده وكلها ظلام وجلست على سرير بنتها شروق يمه ي بنيتي يله قوومي جعني فداش وصحي خواتش مابيصحون لي وجدتش مسويه اضراب اليوم فتحت شروق عيونها شروق : لبيش يمه ابشري بقوم ابدل. واصحيهم وننزل ام ماجد: الله يرضى عليش يمه
دخلت على خواتها كانت جود)(على الجوال ومنشغله فيه )(وشوق كانت بالحمام تتسبح )(ورهف بعز نومتها غمزت شروق ل جود وجود فهمت عليها وعلى طول نطو فوق رهق وهي فزت من نومها مخترعه وجع يوجعش انتي وهي طيحتو قلبي وصارت شروق تضحك يله قومي جدتي تبينا
رهف:شكلها تحلمت فينا ايش تبي شروق: مدري خلونا ننزل ونشوف رهف;طيب وين ابوي
جود;مسافر لجده عنده شغل
رهف: ليش ما قال لي يروح بدون مايسلم علي وتجمعت الدموع بعينها شروق ;قومي عن الدلع بيرجع وين بيروح كلها يومين طلعت شوق من الحمام ايش فيكم كذا
جود ;ولايهمش بس اختش الدلوعه ماتقدر من دون البابا بتاعها
رهف:قومي عني لا ادوس بطنش هنا قالت بابا وقامت ماده البوز وطلعت
ونزلو تحت الجده: هلا وغلا بنات قلبي نزلو وباسوها فوق راسها هلا فيش ي جده وجلسو يتقهون ويسولفون معا بعض لين دخل ماجد وقال عازم لي ضيف جهزو القهوه والغداء هو في المجلس بطلع ابدل وانزل وكل شي جاهز قامو البنات ودخلو المطبخ وكل وحده بدت تشتغل ونزل بعد ربع ساعه واخذ القهوه ودخل على ولد عمه حمد ارحب ي ابو سالم تو مانور البيت. حمد: البيت منور ب اهله ي ولد عمي ايش حال عمي والاهل
ماجد ;;بخير لك الخير وابوي مسافر معا ابو فيصل ل جده ويومين وراجعين
حمد ::الله يقويهم
دخلت الجده: وسلمت على حمد وجلست معهم الجده:ايش حال ابوك ي حمد لايسئل ولايطمن على امه
حمد: والله ي جده مشغول بالشركه والحين كل شغل عليه بغياب عمي وابوفيصل
الجده: سلم لي عليه وقول له اني ابغاه يجيني ذا الاسبوع ابيه بموضوع
حمد: تم ي جده
ماجد: : لايكون ماهي عاجبتش الجلسه هنا ي ام سالم
الجده:: لاتدخل ي ولد نوره اذا صار الموضوع بين الكبار يسكتون الصغار حمد:هههههههه ماجد جبهتك طارت ي ولد عمي. ماجد: عض شحمه لا افصل عليك وعلى جدتك مسويه كفو عندي الجده:ايش انت تقول ي ماجد ان كانك كفوو ارفع صوتك اسمعه ماجد: ولاشي ي ام سالم بس اسئل حمد عن حاله حمد: يغمز ل ماجد اكيد ي ولد عمي ماجد: ترى ي حمد بدله براسك حمد لا خلاص سكتنا. دق الباب دقه خفيفه الجده قوم ي ماجد اكيد الغداء. قام ماجد واخذ الغداء من شروق وحطه عند جدته وحمد وسمو بالله وبدو ياكلون وفي الصاله كانت ام ماجد والبنات يتغدون.
رهف: ايش عنده ذا كلل يوم راز وجه عندنا ماعنده بيت يضفه
جود: يمكن يحب ياكل من يدنا
ام ماجد: لايسمعكم ماجد انتي وهي وينتفكم تنتيف كلو وماعليكم من حد
شروق: بس يمه تعب كل يوم وهو راز وجه وطفش حتى الحوش مانقدر نطلع فيه يروح لبيته مانقدر نتنتفس
شوق: حن نشوفه اكثر من هله والله وصرنا نعرف ايش يحب ويكره
ام فصيل: بضحك ايش رايكم نزوجه وحده منكم ونرتاح. ويصير منها
كلهم بشهقه لالالا. شروق: يمه ذا انسان معقد ناقصنا تعقيد حن
شوق :انا ابغا انسان علي جوي ماهو انسان يسوي كفو علي
جود;اتفق او رجال انا ارجل منه عادي
رهف: الله يقرفك ويش ارجل منه تصيري مسترجله وععع
ام فيصل: خلصو غداكم وقمو يله راسي صدع من هذرتكم
وننتقل لبطل خارج المملكه ✈️في تركيا وتحديد اسطنبول. كان يمشي بالجامعه ومعاه صديقه ناصر ورايحين للكافي يرتاحون قبل المحاضره الي مابقى عليها الا نص ساعه
ناصر: خالد ايش فيك احسك مو على بعضك ذي الايام
خالد: مدري ي ناصر اخاف اكون ظالمها
ناصر:خالد انت صاحي كيف ظالمها وانت شفتها بعينك وانا نضحتك وقلت لك هي فكرت ان عندك فلوس وخير يوم عرفت ان اخوك فيصل الي عنده مو انت انسحبت
خالد: بس انا حبيتها ي ناصر والله حبيتها
ناصر : ربي بيعوضك بوحده احسن منها وانسانه تحبك
خالد: قلبي مستحيل يحب غيرها
ناصر: قم قم خل الحب منك خلنا نروح نلحق على المحاضره
خالد: يله هيا
وطلعو لمحاضرتهم

انتهى البارت الاول انتظروني بالبارت الثاني وانشاء الله يعجبكم ☕