مبدعه 💞💞💞💞💞💞💞💞💞💥

روايه بين الماضي والحاظر..

للكاتبة (شغف)

-/البارت الثاني و التسعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..


ماليزيا..

وقت المغرب..

عساف يفتح عينيه بثقل استدار راء رشا غارقه بالنوم لم تشعر بمن حولها بسبب الارهاق والسهر..

وفهود بسريره يلعب بيديه ويظهر صوت طفولي جعل عساف يبتسم بحب وهو ينهض كي يطل عليه..

خفت باسم/اص عن الماما تعبانه بغسل وجي العب معك..

اتجه الحمام غسل توضى صلى المغرب وعاد لفهود مازال يلعب بطفولة حمله بين يديه وخرج لصاله..

قبل خده بخفه/ياربي يخليك انت وامك للي مادري وينكم عني من زمان؟..

فهود يمص انامله الصغير ليشعر عساف بانه جيعان ضعه على الاريكه واتجه الغرفة كي يفيق رشا..

من اجل تعمل لفهود حليب لكن قلبه رق لمنظرها وهي متكورة على نفسها والغطا مرمي جوارها..

ساقيها وكتفيها عاريه بسبب القميص النوم القصير اقترب وغطاها وهو ينحني ويقبل جبينها حمل الهاية..

وعاد لفهود ضعها في ثمه يمص منها حتى نام ضحك بخفوت/تصبر يابوك على الجوع لين تصحى امك قلبي رحمها اكثر منك..

بعد ساعتين رشا تفيق على صوت صياح فهود بصاله رمت الغطا ونهضت راكضه رات عساف يهزه بورطه..

من راها تنهد براحه/واخيرا تعالي الورع ميت جوع..

رشا تنظر فيه بصدمه/ليش ما صحيتني اسوي له؟..

عساف بزفرة/الحين انتي جيبي شي يسكته بعدين تعالي حققي..

رشا عادت الغرفة اتت وهي ترج الرضاعه ثم تربعت على الاريكه واشرت لعساف يضعه بحضنها..

عساف ضع فهود بحضنها/ترا حده جيعان والله صبر كثير حبيب ابوه..

رشا هتفت بعتاب/حرام عليك لو قلت للي ولا انت سوى له ترا كله ما وحليب..

عساف قطب جبينه/مابقى الا ذي اسوي حليبه ماتبي اغير له بعد؟..

رشا تضحك بعذوبه/تكون احسن رجل بالعالم..

عساف هتف باسم/مابي اكون احسن رجل بالعالم عاجبني نفسي كذا..

رشا تنظر به بجرائه/والله حتى انا عاجبني كل ما شوفك تبتسم باب قلبي ينفتح..

عساف انفجر ضاحك/ ياويلي يا ناس هالبنت بتجلطني..

رشا انزلت عينيها بخجل وهي تغير الموضوع بتهرب/اه بطني جيعانه..

عساف مال لها بخبث/اه قلبي تعبان..

رشا احمرت خديها/والله جد جيعانه..

عساف حمل فهود من حضنها وضعه على الاريكه ومن ثم حمل رشا وهي فاتحه عينيها و فمها بصدمه!!..

وتجه بها للغرفه بذات الخبث/من امس اقاوم نفسي فيك..
—————————————————————
خزنه تقبل خد جواهر بفرحه عميقه/الف مبروك يا روحي انتي والله انها من اسعد الايام عندي..

جواهر تقبل راسها بموده/الله يبارك فيك يشهد الله حتى حامد ما قلت له من حللت جيتك على طول..

خزنه بموده اعمق/احمدلله وشكره انه رزقني فيك انتي وبثينه والله انكم الحياة بنسبه للي..

جواهر عينيها تلمعان/الله لا يحرمنا منك انتي حنونه علينا من وحنا صغار حتى يوم ماتت امي صرتي لنا الام وبكل مشكله توقفين معنا حتى لو كان الغلط علينا..

خزنه بحب خالص/يابنتي الله ماعطاني بنات لكن انتي و ختك والله انه حملكم قلبي قبل بطني..

بثينه تقترب وهي قاطبه/عسى ماشر شفيكم كذا حزينين؟..

جواهر تعطيها نظره وهي تهتف بمرح/الا فرحانين انا وخالتي بجيب لولدك عروس..

بثينه ابتسمت بمرح وهي تجلس/ليش ولدي ناقصه رجل ولا يد يوم ياخذ بنتك؟..

جواهر اتسعت عينيها هتفت بزعل ثمثيلي/الا يا بايعه للعشرة رفعه خشمك انتي وولدك على بنتي والله لاخلي تكشخ عند ولدك وهو شوف وحر جوف ما يتزوجها..

خزنه تضحك بلطف/والله من القراده اذا هي تبي تقهره يطق ويموت من حرها..

بثينه تبتسم بمكر/اخلي جمانه تجيب له بنت تشبها والله يسحب سيفون عليك انتي وبنتك الكويحه..

جواهر تنظر حولها تبحث عن شي تضربها به/ياربي هاذي بتجيب اخرتي شكلي بسقط من ورا طولة لسانها..

بثينه تضحك بعذوبه/يابنت هدي هدي نمزح معك يويلي لا يموت ورعها نبلش فيها..

خزنه تضحك بمتعه/ياربي يبشروني بسلامتكم وسلامة عيالكم وتملون علي البيت..

جواهر وبثينه بصوت واحد/ويخليك لنا ويطول بعمرك..
—————————————————————-
بعد الغداء مزنه تقوم بضيافة الشاي و مليحه وجمانه يجلسان بجوار بعضهما على اريكه واحده طويله..

و قبالهم يجلس فهد ومنصور على اريكه واحده والاريكه الثالثه يجلس عزام ومزنه الذي انهت الضيافه

مزنه تخفت له باهتمام/عساكم مرتاحين؟..

عزام عطاها نظره قارصه/وانتي وش دخلك حاشرة نفسك بينا؟..

مزنه تبتسم بود/بطمن عليكم انتم مسببين للعائلة رعب..

عزام ابتسم بخبث/قصدك مسببين لك انتي ومنصور خايفين نتهاوش وتهاوشون انتم معنا..

مزنه رقصت حاجبيها بثقه/وش دخلنا هذا انتم تهاوشون كذا مره حنا نطلع منها حيلكم بينكم..

عزام يضحك بخفوت/اقول اتركي عنك تنبيش العلوم وين السمي بسلم عليه..

مزنه بموده باسمه/نايم فوق من يصحى اجيبه لك..

منصور كان ينظر جمانه بنوع من الاهتمام يريد يفهم ملامحها هل هي متضايقه ام مرتاحه لكنها غامضه..

عزام رفع عينيه وقعت على نظرات منصور ليثير غيرته هو يعلم بانه خالها ومقام والدها على قولتها..

لكن مايمنع ذالك غيرته بان عين غيره عينيه تراها بهاذي الفتنه و الانوثه الظاهره بكل جزء فيها..

فهد بحزم ودود/ترا اتفقت مع منصور لا رجع عساف بالسلامه بنطلع للمزرعه كلنا..

مزنه هتفت بحماس/اي والله من زمان عنها والشهر هذا بدا الجو يبرد..

مليحه ببتسامه رقيقه/بس نبي حليب نياق يابو جميله كثر لهن العف من الحين..

منصور ابتسم كذالك بتقدير/ابد ازهليها باذن الله بتلقون حليب واجد وعندي حوير صغير بهديه لجمانة وعزام مناسبة عرسهم..

جمانه تنظر فيه ببتسامه عذبه لكنها لم ترد فهي حقاً خجلانه بوجود فهد بينهما..

عزام من رد بتقصد باسم/ناخذه وين نقلعه؟..

منصور هتف بمرح/ربوه لين يجي ولدكم ويلعب عليه..

عزام ضحك ثم زفر بعيارة/ولدنا طموح ما يحب البران والنياق ماهو مثل ولدك لو مشى انطلق من الحين راعي غنم..

مزنه تضرب كتفه بخفه/وجع لا تنمر على ولدي هذا هو سميك..

عزام بذات العيارة/احسن مافي ولدكم اسمه اصلاً ولا هو و اذنيه و شدوقة تقولين قرد سبحان خلقة الله فيه..

جمانه كاتمه ضحكها وكل مايدور بالها(ياربي عليه عياره ترفع الضغط؟)..

مزنه تنظر والدتها المبتسمه بروقان/يومه فكيني من لسان ولدك؟..

مليحه مازالت مروقه/يجي ولده على خير وتاخذين ثار ولدك..

منصور وقف باسم/الوعد بعد تسع شهور..

فهد ينظره بتسال/على وين يابو جميله؟..

منصور بتقدير/بمر على ام سند اسلم عليها ومنك بطلع عندي شغل..

فهد بتقدير اعمق/تو الناس تقهو معنا؟؟..

منصور يتجه الباب/عليكم بالف عافيه..

فهد يهتف لعزام بحزم عفوي/عبدالله امس يعزم على عرسه هو حجز خلاص؟..

عزام بذات الحزم/ايه بعد شهر الله يوفقه يستاهل كل خير عبدالله..

فهد ببتسامه قاصده/اكيد يستاهل هذا رفيق الخير والشر عسى الله يوفقه بس..

عزام ابتسم فاهم مقصد والده/امين يارب..

مليحه بتدخل قاصد/اخته عرسها معه حددوه..

فهد قطب بغرابه/من اخذت ماشاءالله؟..

مليحه بحزم هادئ/ولد عم رشا امها امس تعزم على عرسها..

فهد بود/الله يوفقها يستاهلون من يتعنى ويحظر عشانهم..

مليحه زفرت بخبث/اي والله يستاهلون حتى عبير حظرت امس ومابقى على عرسها شي مانست المعروف اللي فعله عزام معها عزالله ماهو خساره فيها..

فهد عطاها نظره متوعدة وهو يرقع السالفه/الله يستر علينا وعليهم..

عزام صمت وعينيه تخطف النظر الى جمانه الذي كانت رافعه انفها بشموخ ولم يهتز بها شيء..

اخفت عاصفة من القهر والغيرة وذكرى الماضي والخذلان والانكسار خلف برودها و شموخها المعتاد..
————————————————————-
العنود بتسال مهتم/طمني يا منصور عساها سعيده؟..

منصور ببتسامه حانيه/والله مادري عن بنتك بس شكلها ماعليها متكشخه ورافع راسها ولا سالت عن ابن امه..

العنود تنهد بوجع/اكلت قلبي من الصباح تدق وتسال عن سند تقول ليش ما حظر العرس؟..

منصور بضيق شديد/الله يهديه سند لامتى وهو متخبي الناس خلاص نست السالفه؟..

العنود بهم عميق/وانا ادري عنه لازم نشوف له حل اخاف الولد تعقد؟..

منصور بتسال/هو وينه الحين؟..

العنود زفرت بضيق/نايم مايطلع يا منصور من البيت مثل اول بس جالس معي ولا نايم..

منصور بحزم حاني/خيرة ماتدري يمكن الولد تادب اول بس هايت مع الشوارع لا ليله ليل ولا نهاره نهار..

العنود هزت كتفيها/والله مادري عسى الله يسمع منك..

منصور بتسال اعمق/و رواف وينه مامركم بعد العرس..

العنود زفرت بياس/الا جاء الصباح يسال اذا محتاجين شي يقول بيسافر مصر مرته بتسلم على اهلها..

منصور قطب/متى يبي يسافر؟..

العنود بذات الياس/مادري والله بس مرنا مرار الكرام وراح الله يستر عليه..

منصور يوقف استعداد للمغادرة/ زين تسوين مريحه راسك منه ومن همه..

العنود تبتسم بلطف/مارتحت لين تزوج وفارقنا خل نتحرر من صياحه اول حتى الجيران يشكون منا..

منصور يضحك/فرقاه خير اجل..
————————————————————-
الساعه التاسعه ليلا..

بالشقة..

جمانه تجفف شعرها من بعد الاستحمام تحاول تطفي نار الغيرة الذي اشعلتها مليحه اليوم بكلامها بعبير؟..

لا تريد ان توضح لعزام غيرتها من اجل لا يستخدمه سلاح معها يثيرها بكل مره فهو خبيث لا يعجزه شيء..

عزام كان جالس بصالة على اضائه خافته يشاهد فلم رومانسي من اختياره يريد يعيش اجمل اليالي..

بقرب جمانه كي يعوض نفسه عن الشهور الذي طافت بعيد عنها وكان الشوق يقتله لرؤيتها وقربها..

جمانه تقترب مرتديه بجامه حرير كحليه مشجره بورد زهري شعرها ملموم كله على فوق الا من خصل نازله..

عزام يضرب الاريكه بخفه/تعالي عندي اشبعي روحي بقربك..

جمانه جلست مكان ماشر عليه خفتت بنعومه/ليش طفيت الاضائه كذا؟..

عزام ابتسم بعباطه/مسوي اني رومانسي عندك..

جمانه تضحك بذات النعومه/المشكله اني عارفتك من زمان لاتسوي انك رجل مثالي قدامي..

عزام داعب انفها بطرف انامله خفت باسم/يازينك سبحان من صورك وسواك ودي عندي ثنتين منك عشان لا غابت وحده تسد الثانيه عنها..

جمانه تنظر به بنوع من الغرور/ماحد يسد مكاني اللي خلقني ميزني عن غيري..

عزام ابتسم باعجاب من ردها ومن ثم حضنها بشده كما لو كان يريد اخفائها بين حناياه امطر وجها بقبلاته.

قطع جوه الحميم رن الجرس جمانه انتفضت مبعده وهي تسال بغرابه/من جاي لك ذا الحزه؟..

عزام وقف بغرابه اعمق/وانا ادري بروح اشوف من..

جمانه اتجهت الغرفه كي ترتدي روبها سمعت عزام يفتح الباب ويهتف بصدمه/رواف؟؟…
————————————————————
ماليزيا..

بارقى الكافيهات..

رشا تحضن جاكيتها من شدت البرد وهي تنظر عساف الذي جالس على الكرسي امامها يلعب مع فهود..

رفع عينيه ونظر بها بهتمام/بردانه؟..

رشا تهز راسها بيه واسنانها تصاك ببعضهما/اي والله خل نرجع الفندق اخاف فهود يمرض؟..

عساف ابتسم بحنو/هذا وانا حاجز لنا بكرا فله على البحر شكلك انتي و ولدك تقفص قلوبكم..

رشا تبتسم بعذوبه/عاد وش نسوي ما نحب الاماكن البارده تجينا حما على طول..

عساف بنبرة بالغه/لا ان شاءالله مافيكم الا العافيه بس البسي زين ودفي فهود بعد..

رشا بذات العذوبه/طيب بنمر على اقرب مول ناخذ لنا لبس ادفى وفراش ابي دافي البارح جمدت..

عساف اشر على انفه/على هالخشم كل شي تبونه انا حاظر فيه..

رشا بامتنان خجول/الله لا يخلينا منك انت احن اب على هالكون..

عساف بخبث باسم/بس احن اب طيب وزوج؟..

رشا تضحك بخفوت/واحن واجمل واغلا زوج..

عساف اتسعت ابتسامته/ياروحي انتي والله..

من بعد مانتهت رحلة التسوق يعود عساف الا الفندق يحمل الاكياس ورشا تتبعه وهي تحمل فهود..

عساف ضع الاكياس على الارض وهو يتافف بارهاق/اه تعبت ابي اسبح بما دافي عشان انشط..

رشا تتجه الغرفه/بنوم فهود وابي ارتب اغراضنا..

عساف يخلع جاكيته ويضعها على الاريكه بترتيب ومن ثم يلحق بها الى الغرفة راها تخلع عباتها وتعلقها..

هتف لها بسكون/رشرش عيني سوي للي كاس شاي على ماسبح..

رشا تاشر على عيونها بغنج/من عيوني الثنتين..

عساف يتجه الحمام/تسلم العيون وراعيتها..

رشا جهزت الشاي بصالة ثم جلست تهاتف والدتها تطمنها على امورهم المستقره وتاخذ اخبارها..

انتصار بحزم هادى/الحمدلله اهم شي التفاهم بينكم وخليك مطيعه لابو فهد..

رشا برقه خافته/لا توصين حريص عساف بقلبي..

انتصار هتفت براحه/يسلم قلبك و متى بترجعون؟..

رشا ابتسمت بلطف/ماسرع تشتاقين لنا؟..

انتصار بحنو باسم/لو علي من غير شر ما خليتكم تسافرون لكن اسال عشان عرس طلال بعد شهر ضروري حظورك ماعنده احد غيرنا..

رشا بثقه/اكيد باذن الله راح ارجع قبل العرس عشان اساعدك على الحجوزات..

انتصار تنهى المكالمه/يالله مابي اطول عليك سلمي على فهود وابوه..

عساف ياتي من بعد ما جفف شعره مرتدي ترنق رجالي شتوي جلس جوارها رائحة عطره المركز تذيبها.

هتف بتسال هادئ/من كنتي تكلمين؟..

رشا مازالت تحت تاثير عطره/امي تسال عنك تبي تكلمك قلت لها انك تسبح وتسلم عليك..

عساف خفت بموده/الله يسلمها كلمتني امس بطيارة توصي عليك..

رشا ابتسمت بدلع/حنونه الله يخليها للي..

عساف ابتسم كذالك/ويخليك للي صبي شاي..

رشا تسكب له كاس من الشاي ثم تمدها له وهي تهتف بحذر/عساف لازم نرجع بعد سبوعين عشان اساعد امي بتجهيزات العرس حرام ماعندها احد..

عساف بثبات/باذن الله..

رشا تنظر فيه بتوجس/ترا طلال ماعنده احد لام ولا خوات شبه مقطوع من الشجره انا وامي بنقوم بالواجب..

عساف بذات الثبات/وانا قايل شي الحين عشان تعطيني ملخص عنه؟..

رشا تغيرت ملامحها بصدمه/انا قصدي اعلمك عشان ما تضايق و..

عساف بمقاطعه هادئه/ماني متضايق رشا عسى الله يوفقه..

رشا صمتت وهي ترشف من كاسها ومن ثم عادت الكاس لطاولة وهي تستدير للخلف و تعطس..

عساف ضحك/بدينا من الحين السخنه ما امدانا لنا يوم بس؟..

رشا تبتسم وهي تنظر فيه/تغير جو طبيعي بسخن انا وفهود الله يعينك تعالجنا..

عساف مال وقبل انفها المحمر/انتم العلاج بكبره والله انكم جبر للقلوب يا رشا انتي و ولدك..

رشا تدس الخصله خلف اذنها بخجل/لو يرجع فيك الزمان تختارني؟..

عساف رد سريع واثق/طبعاً والله لا ختارك من بين بنات حوى كلهم حتى لونك دلوعه لكن يزين دلعك على قلبي..
—————————————————————
تحياتي(شغف)..

نطالب ببارت اطول من جذي☹☹♥♥♥اذا ماكو عليج تعب 😘

في انتظار القادم😍😍😍😍😍

روايه بين الماضي والحاظر..

للكاتبة (شغف)

-/البارت الثالث و التسعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..


عزام بصدمه/رواف؟؟..

رواف ابتسم بخبث/ممكن تفتح للي طريق بسلم على بنتي؟..

عزام انفعل حقاً/ماعندك ساعه تشوف الوقت فيها تبي اعطيك ساعتي؟..

رواف زفر بحده/ليش وانا جاي اشحذ اقول ابعد بس بسلم على بنتي ماتوقع انها نايمه؟..

عزام مازال واقف على الباب خفت بطنازه/خلصت من شحذتي اكلت ماوراي ودوني صفرت حتى رصيدي..

رواف تنهد بتماسك/فلوسك بترجع لك يا عزام قريب وفتك من حنتك..

عزام رفع حاجبيها بتعجب/حنتي ليش وانا عمري رفعت السماعه عليك وقلت خلصني؟..

رواف بضيق شديد/تنتظر الموعد عشان ترفع شكوى و تسجني اعرف نيتك وسخه..

عزام قطب بغرابه/كيف اسجنك وانا ماعندي دليل؟..

جمانه قطعت حديثهم وهي تغلق الروب عليها و تزفر بتماسك/عزام من الاصول تدخل ابوي بدل مانت واقف تحقق معه على الباب؟..

رواف تقدم لها بخبث/جيتي بوقتك باقي يطرني بس..

جمانه تقبل راس والدها باحترام وهي تاشر على الصاله/حياك يوبه المكان مكانك..

رواف يتقدمها ويهتف بتقصد/عامر بوجودك يا ام السنع كله..

بدات عاصفة النظرات الحارقه المتوعدة الغاضبه مابين جمانه وعزام لمدت ثوان..

كسرها عزام وهو يغلق الباب بقوه وينظر نحوها بنظرات حاده لو كانت النظرات تقتل لصرعها الان..

ثم اتجه الغرفه وهو يكتم غضبه لاول مره قبل ان يتهور ويطرد رواف امامها فهو حقاً غير طايق وجوده..

جمانه شدت لها نفس عميق ثم شغلت الاضائه و اتجهت لرواف راته منسجم مع الفلم الرومانسي..

كتمت ضحكها وهي تغلق الشاشه وتقترب له/حياك يوبه بي وقت بس المفروض تعطيني خبر انك جاي؟..

رواف زفر بخفوت/ليكون بس حاسبه لذا حساب؟..

جمانه بطولة بال/لا طبعاً مو عشانه لكن عشانك انت ماتدري كيف اتالم يوم اشوفك تهاوش معه مابي يغلط عليك..

رواف تنهد ثم زفر/على العموم يابوك انا جاي بسلم عليك عندي رحلة الفجر لمصر وبشوف اذا تحتاجين شي؟..

جمانه قطبت بتفاجئ/سفر ليش يوبه وامي وسند من عندهم تخليهم بظروف صعبه؟..

رواف بعدم اهتمام/وش ظروفه اكلين شاربين نايمين ومنصور عندهم كل يوم راز وجهه..

جمانه زفرت بقهر/الدنيا ماهو بس اكل ونوم سند يمر بضغط نفسي حتى العرس انصدمت انه ما حظره لازم تكون قريب له..

رواف ناظرها بحده/خلينا من سند الحين انا شرهان عليك يا بنتي الوحيده تو ادري انه مايهمك الا نفسك..

جمانه ارتعشت بصدمه/افا يوبه انا جمانه اللي وقفت معك بكل صغيرة وكبيره تقول للي ذا الكلام؟..

رواف بعتاب شديد/يوم تطلبين من عزام وتشرطين عليه قبل ترجعين مافكرتي بالورقه اللي ماسك رقبة ابوك فيها ما قلتي ابي احرره لوجه الله سبحانه؟..

جمانه تنهدت بوجع عميق/لانك ماتدري ولا كان ما وجعتني بكلامك يوبه انا حررتك من شهور قبل حتى احرر نفسي..

رواف هتف بصدمه/مافهمت وش تقصدين؟..

جمانه بذات الوجع العميق/الورقه احرقتها من زمان واتفقت مع عزام يعتبر الفلوس مهر للي وينساها..

رواف كاد قلبه يوقف من شد صدمته/انتي تقولين الصدق ولا تمازحيني يابوك ترا رجال كبير ماتحمل؟؟..

جمانه بحنو رقيق/والله اني صادقه بكل كلمه قلتها يوبه انت حر من زمان..

رواف ضع كفه على جبينه يحاول يستوعب ثم عاد ونظر بها بتسال/طيب ليش ما قلتي للي ريحتي قلبي؟..

جمانه بجديه خافته عميقه/مابيك تعيد التجربه وتروح تمشكل مع عزام و ماحنا بقده يوبه هذا مجنون يتصرف بدون عقل..

رواف بخفوت اعمق/والحين كيف امورك معه اجل ماله شي عندنا تقدرين تروحين معي نرفع طلاق؟..

جمانه زفرت بعتاب/يوبه تكفى خلني انا اقرر حياتي مثل مابي لو شفت ان مافيه رجا اكيد برفع طلاق وانتهى الامر..

رواف بامتنان موجع/مشكورة يا جمانه والله ان اول كنه محكوم علي اعدام واليوم جا العفو..

جمانه نبرة حانيه لا تخلو من الرحمه/لا تفكر يوم من الايام اتخلى عنك مهمها سويت فيني تبقى ابوي وتاج راسي..

رواف عينيه تلمعان/من وانتي ورع خيرك علي كبرتي قدري عند الناس الله يكبر قدرك يابوك..

جمانه برجا مذيب/يومه تكفى لا تسافر..

رواف برضا صادم/حاظر يابوك ماطلبتي شي..

جمانه تنظر به بتشكيك/اكيد ماتضحك علي؟..

رواف اظهر جوازه من مخباه مده لها كي ياكد بانه صادق/هذا جوازي خلي عندك عشان تدرين اني ماكذب وزكيه بحجز لها تروح تسلم على اهلها..

جمانه شعرت براحه ثم عادت جوازه له برفق/ماله داعي مصدقتك..

رواف من سمع خطوات عزام تخرج من الغرفه نهض واقف/يلا مابي اطول عليك عسى الله يهنيك ولو احتجتي شي تراي موجود..

جمانه تنهض معه وهي تلمح عزام بطرف عينها واقف على حافة باب الغرفه مكتف يديه على صدره بصمت..

هتفت برقه/ابي سلامتك بحفظ الله..

رواف ناظر عزام وخفت بنبرة قاصدة/اسفين على الازعاج وان شاءالله لابغيت اجي اتصل عليكم اول..

عزام قطب بغرابه لكنه لم يعلق صمت وهو يرا رواف يتجه الباب وجمانه تتبعه حتى خرج وعادت لصاله..

عزام نادها بصوت مشحون/اوقفي بتكلم معك..
—————————————————————
فهد بعتاب غاضب/كيف تقولين هالكلام قدام مرته انتي تبين تهدمين بيت ولدك بلسانك؟..

مليحه زفرت بغيظ/بدينا محاماه عنها من الحين؟؟..

فهد اتسعت عينيه بصدمه/مليحه ماهو من طبعك هالتصرفات انتي اكبر من كذا وش جاك يا مره؟..

مليحه تشعر بحرج لكنها تخفيه خلف نبرة صوتها الحازمه/وانا وش سويت ترا كلها كلمه وطلعت عفويه لازم يعني تحاسبني عليها؟..

فهد بحزم هادئ/ما حسابتك على شي بس انبهك وعلمك ان بعض الكلام ماله داعي يهدم البيوت ما يبنيها..

مليحه تجلس جواره/طيب فهمت خلاص فهد فجرت راسي بحنتك..

فهد ينظر بها بياس/الله يصلحك كانك ذي الايام صايرة نار وشرار..

مليحه تنهدت بتعب/لا تلومني يا الغالي من ضغوطات العيال عجزت افضي مخي ورتاح شوي..

فهد بحنو بالغ/عاذرك بس ابي لك راحة الراس خلي العيال وحريمهم عنك ترا ان تهاوشو ماحد تعبان الا انا و انتي وبذات عزام انتي خابره طبعه..

مليحه تنهد بعمق/صدقت والله بحاول اتجاوز عن جمانه وشروطها اللي مالها داعي..

فهد زفر بضيق/وش شروطها ترا كله بيت و ولدك ما بعد اخذ لها حطها بشقته..

مليحه زفرت بطنازة/ليش وشقته وش ناقصها ترا بارقى الاحيا وكبيره تسع عائله كامله ولا بنت رواف ماتسكن الا فله؟..

فهد هز راسه بياس حقيقي/سراحه انا تعبت اقنعك وانتي ميبسه راسك وحاطه فكرة ان بنت رواف تبي تسيطر على ولدك ولا كانك عارفه نذالته ماحد يقدر عليه..

مليحه ترفع حاجبها بفخر/خله ياخذ حقه بزمن هذا وحده مثل جمانه يبي لها واحد مثل عزام..

فهد قطب/وش قصدك؟..

مليحه بحزم/ قصدي انه خيره لعساف ماخذها لانه هادى وراكد ويتجاوز كثير وهي وحده تحب المسيطره عشان كذا الله اختار لها عزام..

فهد صمت قليلا ثم زفر بخفوت/اتركي البنت عنك هذا نصيبها ماتدرين لو انها تبي السلامه بس..

مليحه هتفت بجديه/فعلاً الحين هي تبي السلامه وانا يا فهد مابي لهم الا التوفيق..
—————————————————————-
الساعه العاشرة..

دخل كايد جناحه وهو مازل بالبالطو الابيض لتو يعود من الدوام كانت بثينه جالسه على الاريكه تشاهد فلم.

من راته وقفت مرحبه بعذوبه/هلا بحبيبي اشتقت لك..

كايد مال وقبل جبينها/وانا اكثر مشتاق لك..

بثينه تعبث با ازرت قميصه وهي تخفت بدلع/ولدك مشتهي دونات..

كايد هتف باسم/من عيوني الحين اطلب له..

بثينه تنظر عينيه/لا بتطلع ناخذ حنا..

كايد تنهد بارهاق/تعبان بثينه والله من الدوام خلي بكرا نطلع اليوم بطلب لك..

بثينه قبلة حده برجا/عشان خاطري والله ودي اطلع قول تم قول تم..

كايد يذوب لحركاتها/تم تم بس ابدل ونطلع الله يعني عليك يا العوبا تجيبين راسي بكم كلمه حلوه..

بثينه ابتسمت بدلع/وانت جايب راسي من زمان..

كايد يبتعد منها وهو يضحك بثقل/تجهزي يلا قبل اهون..

بسيارة..

سالها وهو يقف امام محل الدونات/وش الدونات اللي تبين؟..

بثينه بدلعها المعتاد/بنزل انا اخذ على نظري..

كايد هز راسه برضا/ يلا انزلي..


نزلت بثينه محل الدونات هتفت بحيره/مادري وش اخذ بضبط؟..

كايد خفت بحنو/اخذ لك بوكس ماكس افضل..

بثينه برضا تام/اي والله عشان اكل ولا شبعت ارسل الباقي على اختي الوحما..

كايد ابتسم من عيارتها/فيك الخير ماشاءالله..

كانا سوفا يطلب من الموظف ان يشكل له بوكس لكن قطع كلامه فتاه تقترب لهما..

وتهتف بنعومه/دكتور كايد وش ذا الصدفه؟..

كايد استدار ونظر بها ليشعر بضيق من تعرف عليها لكنه لم يوضح ذالك/هلابك دكتوره ريم؟؟..
——————————————————————
عزام نادها بصوت مشحون/اوقفي بتكلم معك..

جمانه استدارت ونظرت به بثبات/نعم؟..

عزام عينيه تشتعل بالغضب/تكلمين عن الاصول وانتي وابوك ماتعرفونه اذا مشرد من بيته قولي للي عشان اخذ فيه اجر ينطق بوحده من الغرف..

جمانه فار دمها بالفعل/احترم نفسك يا عزام ترا ماني عاجزه ارد عليك با سلوب اوسخ من سلوبك؟؟..

عزام تقدم لها بغضب اعمق/فيك خير تكلمي عشان ارفسك برجلي تراي ماسك نفسي عنك من اليوم..

جمانه نفخت بوجهه بعصبيه/انا اللي متحملتك فوق طاقتي ولا ني مجبوره اتحمل انسان مريض مثلك سبق و حذرتك ابوي واخوي فكهم من شرك لكن اشوف العكس؟..

عزام زفر بحده مقاطعه/ابوك كل تصرفاته عمد جاي باخر اليل عشان يستفزني وانتي لسانك طويل ويبي له قص..

جمانه تتجه الغرفه بزعل حقيقي/انا غلطانه اللي رجعت لك اصلاً..

عزام جلس على الاريكه وهو يشد شعره بقوه ثم نفخ بقهر/الله ياخذك يا رواف لازم يعني تحرق اعصابي؟..

عند جمانه كانت جالسه على طرف السرير وتهز رجلها بقهر اعمق احرقها باسلوبه الذي من المستحيل يتغير!

عزام يدخل عليها وهو يكافح غضبه تقدم وقف امامها مباشر/ترا الصراخ والعصبيه ماهو زين لوحده حامل مثلك..

جمانه ترفع راسها وتنظر به بنظرات حارقه/الله اللي فكني من ولدك الاول ماهو عاجز يفكني من ولدك الثاني..

عزام انتفض بشده/انتي جنيتي وش ذا الكلام استغفري ربك تراها روح ماهي لعبه؟..

جمانه وقفت امامه بعصبيه/الروح اللي انت ابوها مابيها تعبت منك احترام ماتعرفه تماسك ماتعرفه المشكله لو كانت صغيره تكبرها حتى توصل السما..

عزام تنهد بعمق ثم مسح على خدها الشفاف بظاهر انامله ولكنها ابعدت يده بنفور وهي تعود جالسه بقهر

عزام جلس قريب لها خفت بنبرة غريبه/هذا اللي كانت متوقعه منك اذا عرفتي بحبي لك كبر راسك وقمتي تهددين بالانفصال؟..

جمانه تنظر فيه بذات القهر/هذا تفكيرك انت واقتنع فيه مثل ماتبي وبعدين الله والحب اللي ذبحتني كل كلمه والثانيه قلت احبك الحب افعال ماهو كلام؟..

عزام بشبه ابتسامه وهو يحوط كتفيها/حاظر الحين اوريك افعالي..

جمانه زفرت من بين انفاسها المنفعله وهي تحاول تبتعد عنه/بليد ماعندك احساس تقط الكلام ماتعرف معناه؟..

عزام قبل جبينها بحنو/المشكله ان بينا عشرة وتعرفين عزام زين اذا انفعل يقط الكلام من غير شعور لكن والله انه من داخل يندم عليه وبذات لاكن لوحده مثلك..

جمانه تنهد بطولة بال/ترضى يا عزام اني اقلل ادبي مع امك ولا ابوك؟..

عزام ابتعد عنها بشكل مفاجئ/عشان يكون اخر يوم لك بالحياة الا مليحه وفهد خط الحمر..

جمانه رصت على اسنانها/حتى ابوي خط احمر ترا اللي انت تشعر فيه تجاه والديك انا اشعر فيه؟..

عزام تاثر بالفعل من كلامها تخيل بان احد يهين فهد امامه بكلمه سوفا يحرق الاخضر واليابس بنار غضبه؟

تنحنح ثم خفت بحزم/حقك علي وان شاءالله ماراح تكرر و الحل الافضل عشانك لا شفت ابوك جاي مع الطريق اليمين انا اروح يسار لاني متاكد ماراح يكون بينا تفاهم..

جمانه بحزم هادي/ يكون افضل بعد ومهما قال احترمني وتجاوز عشاني؟..

عزام قبل ارنبة انفها/تامرين امر في شي ثاني بعد بتشرطين على عزام المسكين؟..

جمانه تنظر به من تحت اهدابها/انت مسكين تحتك سكين؟..

عزام يضحك وهو يقبل خدها بتروي ويستنشق رائحتها ثم همس بعشق/لك مني الاعتذار وللي منك تقبلينه؟..

جمانه تسحب لها نفس/ بقبله منك ذي المره لكن وربي لو تكرر ماراح اقبل منك شي؟..

عزام يبتسم بخبث/بس ناظري بعيوني راح ترضين غصبن عليك تراي كاشفك من زمان؟..

جمانه توترت/مافهمت؟..

عزام حرك انفه على خدها/مادري متى ببجي اليوم وتعترفين بحبك للي..

جمانه ارتعشت بداخلها وهي تهتف بمكابرة/مشكله لاصار الواحد واثق على عما؟..

عزام ناظر بها برفعة حاجب ثم هتف بحزم/طيب يمكن اكون عما على قولتك بس فسري للي واحد مجنون مثلي ليش تصبر عليه وحده مزيونه مثلك؟..

جمانه تخفي توترها بنبرتها الواثقه/من قال اني صابرة عليك كم مره انحاش وحتى رفعت فيك طلاق؟..

عزام مازال مصر على كلامه/وليش ماتنفذ الطلاق الا الان؟..

جمانه بذات الثقه/عشان الحمل طبعاً..

عزام اتسعت ابتسامته/لا تحطين اعذار تراك واضحه..

جمانه تغير الموضوع بطريقتها/طيب عيش خيالك والحين بعد عني بتمدد ظهري يوجعني..

عزام ينظر بها بمكر/حتى انا بتمدد عندك بشبع ولدي من ريحتي..
————————————————————-
كايد استدار ونظر بها ليشعر بضيق من تعرف عليها لكنه لم يوضح ذالك/هلابك دكتوره ريم؟..

ريم بذات النعومه/اخبارك طمني عنك؟..

كايد بنبرة ثقيله/ بخير نحمد الله..

ثم اشر على بثينه بتقصد/زوجتي بثينه اتوقع تذكرينها..

ريم اتسعت عينيها صدمه/بثينه طلعت زوجتك والله ماكنت مصدقه؟..

بثينه هتفت بتقصد/زين الحين صدقي شوفة عينك على العموم اخبارك؟..

ريم بحرج تمد يدها كي تصافحها/هلابك والله اجمل صدفه يوم شفتك..

بثينه تمد يدها بمسايرة/تسلمين من ذوقك..

ريم تنظر كايد بامتنان/مشكور يا دكتور كايد على كل شي سويته معي الله يوفقك بحياتك..

كايد بحزم عميق/ماسوينا شي بالتوفيق لك ان شاءالله..

ريم هتفت باعتذار/اسفه قطعت عليكم طلبكم..

كايد بذات الحزم/مافي مشكله نطلب الان..

ابعدت ريم بالجهه الاخرى تطلب دونات وبكل ثانيه تخطف النظر لجهة كايد وبثينه بتفحص؟..

كايد يحمل كيس بكس الدونات ثم ضع هاتفه على الشبكه كي يدفع الحساب..

خفت لبثينة بود/تبين شي ثاني؟..

بثينه بهدو غريب/لا خلصت..

كايد حينما ركب السيارة هتف باهتمام/بالك مكان ولا نطلع البيت؟..

بثينه سالت بشكل مباشر/ممكن اعرف ريم وش تشكرك عليه؟..

كايد هتف بثقه/طبعاً من حقك..

بثينه تنهد بعمق/تفضل قول للي؟..

كايد هتف بذات الثقه وهو يحرك السيارة/صارت مشكله بينها هي واحد الدكاتره ورفع فيها خطاب بانها تلفض عليه بكلام غير لايق وفي شهود عليها..

بثينه بتركيز/ طيب وش صار؟..

كايد مركز بطريقه/المهم دخلت مكتبي تبكي وترجا اوقف معها عشان ما تفصل وينقطع رزقها وانا قلت بتدخل بس بشرط تنقلين من المستشفى كامل..

بثينه شعرت براحه عميقه لكنها اخفتها بنبرتها الهادئه المتسائلة/طيب وش صار بعدين نقلت؟..

كايد يكمل بحزم/ايه كلمت الدكتور يتنازل عنها و نقلت مستشفى ثاني الله يستر عليها..

بثينه كاد تطير من الفرحه لكن ماسرع ما نقبض قلبها من تخيلت بانه لتو يعترف فيها امام ريم لانها نقلت؟..

كايد ينظر بها بتقصد/ارتحتي الحين قلت لك كل شي عشان ماتقولين غامض وكاتم اسراره؟..

بثينه بنبرة موجعه/قل الصدق لو كانت ريم مانقلت من المستشفى تعترف بزواجنا قدامها؟..

كايد عقد حاجبيه لثوان ثم زفر من بين اسنانه/معقولة تركتي كل شي اجابي وفكرتي بالسلبي بثينه يكون بعلمك لو كنتي جايه المستشفى وريم ولا غيرها موجوده بعترف فيك بكل فخر..

بثينه تنهد بضيق/اسفه كايد بس حبيت اتاكد..

كايد قرر يتجاوز عنها هاذي المره لايريد يعكر مزاجه ومزاجها امسك كفها بين كفه ورفعها كي يقبلها..

بثينه خفتت بدلع باسم/احبك وتو انفتحت نفسي لدونات..

كايد قبل كفها و ابتسم كذالك/ليش اول كانت نفسك مسدوده؟..

بثينه تضحك بلطف/تقدر تقول كذا..

كايد مازال يبتسم/على العموم ترا اخذت حجم كبير عطي اختك لا تاكلينه كله يجيك سكر..

بثينه هزت راسها بمرح/بعزمها على القهوه بصاله تحت عند خالتي وبذلها على الحبه عشان تفتح نفسي زياده..

كايد انفجر ضاحك/خبيثه انتي بقوه..
——————————————————————-
عساف افاق مفزوع على صوت انات رشا المتواصله
كانت غارقه بالنوم وجنتيها وانفها متفجرات بالحمار..

ضع كفه على جبينها الصغير لينتفض برعب كانت مولعه بسبب الحما التي من الممكن تسبب له مشاكل معها بالايام القادمة؟!!..

هز كتفها بندا خافت/رشا رشا قومي انتي تعبانه قومي..

رشا تفتح عينيها بخدر/هممم ماقدر كل شي يوجعني؟..

عساف بحنو بالغ/ياروحي ذي حراره الحين اطلب لك دكتوره تعطيك ابرة..

نفض الفراش واتجه لهاتفه اتصل بشركة السفر والسياحه الذي نظمت له الرحلة كامله..

هتف بحزم/هلابك …اسف على الازعاج …تقدرون توفرون للي دكتوره بالفندق الان ضروري معها خافظ حراره…

عساف اغلق الهاتف وعاد لرشا راها مازالت تان تمدد نصف تمدد جوارها على السرير وقلبه يذوب عليها..

انحنى يتحسس حرارة جبينها بشفتيه مولعه بشده
و تهذري بكلام متقطع ليسا مفهوم منه شيء؟..

رشا تكح وجسدها الصغير يهتز مع كحتها/كح كح كح..

عساف بحنو خالص/بسم الله على قلبك..

رشا تخفت بذات الهذره/بموت عساف..

عساف نظر ملامحها بسكون/بعيد الشر عنك يومي قبل يومك..

رشا تان وتكح/كح تزوج بعدي لو متت؟..

عساف ابتسم من برائتها/هذا اللي هامك اتزوج غيرك وفهود مافكرتي فيه؟..

رشا زفرت بخدر/لاتزوج عساف امانه انتظر لين تموت وتلحقني للجنه..

عساف انفجر ضاحك وهو يقبل خدها بدفئ/ضامنه الجنه انتي على العموم مانتي ميته حراره وبتنزل الحين..

رن هاتفه احد موظفين بشركة السياحه يبلغه بان الدكتوره قريبه من الفندق ربع ساعه وصلت..

ابلغته بان رشا مرتفعه حرارتها واصله اربعين و اعطتها ابرة خافضه لحرارة وصرفت لها دواء وخرجت..
———————————————————-
تحياتي(شغف)..