كل عام وانت بخير يامبدعه بانتظار إبداعك

صباح الخير..كيفكم..كل علم وانتم بخير وعساكم من عوداه..عدنا لرواية وعسى ما تاخرت عليكم حبايبي❤..

روايه بين الماضي والحاظر..

للكاتبة (شغف)

-/البارت الواحد و التسعون/-

(ادعو لوالدي برحمه والمغفره )

في ظلام الليل والصمت المهيب...
ذكريات تزورنا ونشغل بالنا ..
تجعل الماضي من الحاظر قريب...
وتستعيد قلوبنا قصة لنا...
قصة عشناها نظن فيها نصيب...
والحقيقة مات فيها حلمنا..


بعد مانتهت مراسم الزواج رشا تدخل جناحها بشعور قلق وضيقه تخنقها وتكتم على انفاسها..

ليست مرتاحه من بعد رؤيتها لجمانة وكل تفكيرها بانها بدات تصير قريبه من عائلة عساف..

وتاتي لزيارتهما بي وقت تخشى بان يصادفها ويرا جمالها الذي لم ينساه اصلاً لابد ان تلقى لها حل؟

اقتحم تفكيرها وتخطيطها دخول عساف مازال متالق هتف باسم/عسى انبسطتي؟؟..

رشا تخلع عباتها وترد من غير نفس/الحمدلله..

عساف امسك معصمها ووقفها امامه/ماكنت متوقع انك تجين البيت خبري فيك لا زعلتي شردتي؟..

رشا ترفع حاجبها واحد وتنظر به بحده/وانت بودك هالمره اشرد عشان يفضى لك الجو؟..

عساف قطب بشده/وش قصدك؟..

رشا بجمود غريب/ممكن توخر عن طريقي ببدل ونام حدي نعسانه؟..

عساف شدها برفق قبل ان تبتعد/رشا بدلي وتجهزي طيارتنا الفجر مانبي نتاخر عليها..

رشا اتسعت عينيها صدمة/متى؟..

عساف حضن وجها العذب بين كفيه وعينيه تنظر عينيها/من عشينا ضيوفنا رحت للمطار ركض عشان اقدم الرحلة لعيونك ولرضاك شفتي وش كثر احبك..

رشا قطبت بحيره/بس مايمدي اجهز شي؟..

عساف قبل جبينها قبلة دافئه/اهم شي اغراض فهود المهمه الباقي انا اوديك السوق تسوقين من جديد..

رشا تخفي شعرها خلف اذنها وهي تهتف بتوجس اقرب للغيرة/اكيد تبي نسافر عشان ترضيني ولا عشان تشرد من الديرة..

عساف انتفض مبعد عنها بنفور غاضب/انتي صاحيه بالكلام اللي تقولينه وتقصدينه؟؟..

رشا لاتعلم لماذا ندمت على ماقالت لكنها كابرت امامه/مجرد سوال جاوبتي اذا انت واثق بنفسك؟..

عساف شعر بالخذلان حقاً هتف بياس/رشا تدرين اني تعبت وانا احاول ارضيك انتي وحده تفكيرك مسيطر على حياتك كل ماجيك يمين تروحين يسار..

رشا تكتم بكاها وهي تنظر به وهو يكمل كلامه بذات الياس/يعني بتفكيرك العرس يخلي واحد مثلي يهج البنت حامل يعني ذا كله بس اعتراف قدام الناس ولا انا ماحرك فيني شعره..

رشا بلعت ريقها/طيب انا..

عساف بمقاطعه حازمه/ولا كلمه و السفره كلها تكنسلت ماله داعي نهج على قولتك..

كان سيخرج لولا بان رشا لحقت به وهي تقبض ذراعه بكفيها هتفت برجا/عساف تكفى تكفى خل نسافر لا تكسر فرحتي؟..

عساف شد له نفس عميق/تجهزي..

ثم خرج وهي انهارت باكيه لامتى بتم هكذا لن ترتاح حتى تهدم فرحتها بسبب الغيرة والاوهام لامتى؟..
———————————————————-
بثينه من بعد ما استحمت وارتدى بجامة حرير بالون العسلي تمددت على السرير جوار كايد بسكون غريب..

كايد كان يشتغل بهاتفه هتف باهتمام/شلون العرس عسى ماتعبتي؟..

بثينه خفتت باختناق/زين..

كايد استدار ينظر بها بغرابه/شفي صوتك؟..

بثينه من غير مقدمات ارتمت على صلابة صدره باكيه وهي تعلق بعنقه وتستمر بنحيب..

حينما انفجرت كايد صق صعق منها وهو يضمها بحنو ويصمت لا يريد ان يستفسر حتى تهدا ويفهم مابها؟..

بثينه هدت وابعدت عنه قليلاً خفتت بحرج/اسفه كايد ادري اني الفترة هاذي مره ضايقتك بتقلباتي بس والله ماهو بيدي؟؟..

كايد يعودها لحضنه بحنو رجولي خالص/لا تقولين كذا بثينه حضني وكلي لك تبين تبكين و تشكين انا حاظر اللي يزعلني شي واحد تكتمين بقلبك ولا تبكين من وراي؟..

بثينه تقبل عنقه بدفى/حبيبي الله لايحرمني منك..

كايد يبعد الشعر من وجها وهو ينظر بها من قرب/وش مضايقك تكلمي؟..

بثينه تريح راسها على كتفه/مادري احس يوم ودعت جمانه كني ودعتها العمر كله حسيت بشعور فقد..

كايد بحزم واثق/طبيعي هذا الشعور ولو سالتيها بيوم زواجك بتقول لك حتى هي حست بذا الشي لكن بالنهائية تراها مو مهاجره بنفس الديرة ومتى ما اشتقتي لها وديتك انا تحت الخدمه..

بثينه تخفت بتوجس/حتى لو قلت بزورها بدوام وروح معك عادي؟..

كايد ابتسم/طبعاً عادي..

بثينه تنظر ملامحه بصدمه/يعني تاخذني داوم معك عادي قدام ربعك؟..

كايد بثقه عميقه/قلت لك اكيد عادي بثينه انتي زوجتي وافتخر فيك لا تقارنين نفسك باول؟..

بثينه بنبرة موجعه/يعني اول بس عشان كنت دكتوره؟..

كايد بهدو/ايه..

بثينه صمتت قليلا ثم هتفت بذات الوجع/ما توقعت انك لذا الدرجه متعقد من الطب؟..

كايد شد له نفس عميق ثم نفس اخر ثم هتف بحزم بالغ/لو ماكنت متعقد منه ما كان هاجرت وتخليت عن وطني واهلي بثينه اتمنى منك ماعاد تفتحين سيرت الطب قدامي انسيها حتى باحلامك..

بثينه هزت راسها برضا وتفهم/حاظر ولا يهمك الشي اللي يضايقك ببعد عنه نهائي..

مايد قبل انفها بامتنان/عفيه على حبيبتي الشاطرة تسمع كلامي..
———————————————————
بالشقه..

عزام خلع بشته وغترته علقهما ثم جلس على الاريكه بجوار جمانه الذي مازالت بكامل زينتها وفتنتها..

تعبث بشعرها الاسود بشجن/شرفتي المكان يا احلى عروس..

جمانه تنحني وتخلع حذاها/مشرفته من زمان ماهو شي جديد علي..

عزام حضن كتفيها العاريه بذراعه خفت باسم/هذاك اول بدس و الخش الان قدام الجميع ماهذ اللي كنتي تبين؟..

جمانه تنظر به بثقه/قلتها بعظمة لسانك كنت و انت ترفض لين حملت و انكشف زواجنا غصب علينا..

عزام قطب لتو يتذكر/ايه انا بسالك كيف حملتي وانا منبه عليك تاخذين موانع كنتي قاصده ذا الشي؟..

جمانه بذات الثقه لا تخلو من رقتها/لو كنت مخططه له كان نفذت من زمان لكن ضغوطات الحياة خلتني انسى حتى الموانع..

عزام تنهد بعمق/عسى بالامر خيره يمكن لو ماصار يمدي انا وانتي الى الان مابين نار ودخان..

جمانه تنهض واقفه بثبات/ببدل ملابسي شنطي وين حطتها مزنه؟..

عزام يضع رجل على رجل وعينيه تراقبها/وين بتكون بالغرفة اكيد..

جمانه اتجهت الغرفه اظهرت لها قميص نوم ناعم بالون الزهري الفاتح من القماش الدانتيل..

استحمت جففت شعرها بالحمام وارتدت لبسها ثم خرجت رات عزام متمدد على السرير سارح بافكاره..

مرتدي شورت مقلم اسود برصاصي و تيشرت رصاصي من راها اعتدل جالس وهو ينظر بها بهيام حقيقي..

منذا اول يوم راها قرر يتزوجها عن اعجاب وتحول الاعجاب الى حب فهي من حولت مشاعره بطريقتها

بحسنها وكمالها فتنتها ورقتها وثقتها وشموخها كل الصفات الجميله تكسيها من راسها حتى قدميها..

عزام مازال غايب بعالمها ينظر بها بذات الهيام بعثرته بالروب الذي ترتديه مناسب مع لون بشرتها البيضا..

جمانه اقتربت وجلست جواره على السرير/وش تفكر فيه؟..

عزام ركز عينيه بعينيها/فيك جمانه كنت راح اموت لو ما رجعتي للي والله واللي عطاك ذا الزين كله انك بقلبي محفوره..

جمانه تنهدت بقلق/عزام ليش حبك اناني كذا؟..

عزام خفت بنبرة عميقه من اعماق جوفه/لاني عشت نص عمري ماعرف الحب ولا اعترف فيه اصلاً شايل فكرة الزواج من راسي نهائي لكن من شفتك ذاب جلمودي فيك..

جمانه تنظر عينيه العسليه/واحد بصفاتك وسامتك ومكانتك فر الكوره الارضيه ماهزته انثى من قبلي؟..

عزام ابتسم بخبث/ليش الف ودوران قوليها بوضوح ما اغراك اناثي من قبلي؟؟..

جمانه هتفت بثبات/احلى مافيك انك تفهمها وهي طايره ماسبق وحصل موقف قول عزام الماضي ما حاسبك عليه..

عزام انفجر ضاحك بمكر/اللي يسمعك يقول اني داس عنك ماضيي الاسود وخايف تكشفينه؟..

جمانه ترفع حاجبها بمكر مشابه/ممكن ليش لا؟..

عزام ينظر بها بحزم واثق/جمانه انا لو قلت لك ماسبق وحصل للي اغارات بالسفر بكون كذاب لكن اللي انا متاكد منه واثق فيه اني ما تعديت حدودي قبل لا خافك انا اخاف ربي..

جمانه شعرت براحة عميقه لكنها مازالت تسال/امم افهم انك ما تعرفت على اي بنت من قبل؟..

عزام بثقه اعمق/طبعاً واحلف على ذا الشي انتي اول بنت بحياتي واخر بنت بتكونين وعد..

جمانه خفتت باسمه/توعد وانت ماتدري عن الدنيا وتقلباتها؟..

عزام اقترب لها حتى تلامس انفه بانفها/ما سويت المستحيل حفرت الارض بيدي الا عشان تكونين للي وهذا انا ثمرت على تعبي ومستحيل افرط فيه..

جمانه صمتت وعزام يقبل شفتيها برقه دافئه وبتعد قليلا ينظر عينيها وعاد قبلها بذات الرقه الدافئه..

لكنها تحولت قبلته الى عمق وهو يشدها له ويزيد العيار عليها حتى تجاوبت معه فهي حقاً تعشق قربه..
————————————————————-
قبل صلاة الفجر..

بالطائرة..

عساف حجز له هو ورشا درجة اولى من المقاعد جلس من بعد ما تاكد انها جلست قريب النافذة..

وفهود نايم على فخذيها كان الجو مشحون بينهما صامتين طول طريقهما للمطار لم ينطق احد بكلمه..

عساف اغلق عينيه استعداد لنوم فالوقت طويل والرحلة لماليزيا تستغرق الى ثمان ساعات متواصله..

رشا كانت تراقب مابين عساف النايم ومابين النافذة بصمت مرت ساعتين كانت بطيئه ضاقت روحها فيها..

حتى افاق فهود الذي بدا بالبكا وهي تهزه حتى لايزعج عساف الذي بدات على ملامحه الضيق وهو نايم؟..

رشا تحاول مابين انها تصمته وهي تهزه ومابين تفعل له حليبه محاوله فتح الشنطه وخراج رضاعته..

عساف هتف بامر حازم/هاتي فهد وانتي سوي حليبه..

رشا تنظر فيه بحرج/ازعجك؟..

عساف بذات الامر وهو يفتح يديه/هاتيه..

رشا تمد له ثم بدات بعمل حليبه وهتفت بحه/احم برضعه..

عساف يعيده لها وهي ترضعه بصمت وعينيها تعود تنظر عساف الذي كان يراقبها ثم صد عنها بصمت..

رشا بالفعل شعرت بحزن لم تعود على صده بذات وقت السفر تريده يحتويها ولو كانت غلطانه معه..

عساف عاد ونظر بها بسكون/عطيني فهد ونامي لو ساعه ترا باقي لنا وقت كثير...

رشا بنبرة متقطعه/مافيني نوم..

عساف قطب من شعر بانها تبكي سحب نفس ثم زفر وهو يخفت بذات السكون/بتجلسين كذا صالبه نفسك لين نوصل؟..

رشا تنظر به/عادي مرتاحه..

عساف انتفض بشده من راها بالفعل تبكي عينيها واهدابها من تحت النقاب غارقه بالدموع؟..

رشا عادت تنظر بالنافذة بصمت و شهقاتها تزيد لم يستطع عساف ان يتجاهلها فهو حنون عليها بشده..

لذالك مال لها بخفوت/ليش تبكين؟..

رشا زاد بكاها وكتفيها ترتعش من تحت العبايه عساف طوقها بذراعه وقربها له وهو يقبل راسها بعمق..

ثم ابتعد قليلا همس لها بنبرة دافئه حانيئه/شرايك ننسى اللي صار ونكمل رحلتنا مثل ماتفقنا اول؟..

رشا تنظر عينيه وهي مازالت تبكي/عساف تكفى ارحمني انا ماقدر على زعلك وقت السفر احس اني بغربه ومالي وطن الا انت..

عساف شدها احتضانها وهو يميل ويقبل عينيها/اه يا قلبي تدرين وش كثر احبك واحن عليك وتزيدين علي بالكلام خلاص رشا ارحميني شوي..

رشا تقبل عضلة صدره/والله اني احبك واعترف بغيرتي بس وش اسوي مابي احد يشاركني فيك انت للي انا وبس..

عساف ابتسم رغماً عنه ومن ثم همس بجديه/وانا ماعندي مشكله غاري وحبي مثل ماتبين لكن خفي علي زعل وفكري بالكلمه قبل تقولينها..

رشا ترفع جز من نقابها حتى ظهرت شفتيها المزهره قبلة انفه/ياويلي وش كثر احبك..

عساف عض شفتيه السفليه وهو يزفر بهمس/عدلي نقابك لا تثيريني وافقد نفسي ترا ماعاد فيني صبر..

رشا تضحك برقه وهي تضع يدها الصغيرة على شفتيها من ورا النقاب كي تكتم ضحكها..

عساف تنهد تنهيدات متواصله/بنت خلاص قسم احس عرقي بدا يصب..

رشا تنظر فيه كان بالفعل جبينه ممتلئ بالعرق من شدت ماشعر بدرجة الحرارة ارتفعت بسببها..

همست بهدو/خلاص بسكت بس قول انك راضي علي؟..

عساف تنهد بضياع/كل ذا وللحين ماكد لك اني راضي وتمام الرضاء بعد..
—————————————————————-
يوم جديد..

بعد صلاة الظهر..

مليحه تشرف على تجهيزات الغدا بدقه وحرص فهي حقاً تشعر بسعادة لاتوصف لزواج عزام المقرب لقلبها

حتى ولو كانت غير مقتنعه بجمانة تكون له عروس وسبق شقيقه كان يريدها وتقدم لها عدت مرات..

لكن اصرار عزام وتصرفاتها المرعبه جعلت مليحه ان ترضى بالامر الواقع من اجل ابنها فقط لاتريده يتاثر..

مزنه تقترب وهي ترفع طرف جلابيتها باسمه/اخاف يسحب علينا ولدك انتي خابرته راعي سهر باليل ونوم بالنهار؟..

مليحه تبتسم كذالك بود/لا محرصه عليه بالغداء وان شاءالله عاد بمسك العلم ما يفشلنا عند ابوك ومنصور..

مزنه قطبت بغرابه/الا عساف ليش طلع من الزواج للمطار كان انتظر يومين يرتاح فيها..

مليحه تنهد بهم/زين ماسوى يبتعد شوي عن المشاكل مرته لو شافت جمانه ماهي ساكته بتقوم قيامته..

مزنه زفرت بضيق/الله يهديها طيب وهو وش دخله بجمانة لاجت البيت؟..

مليحه زفرت بجديه/والله من حقها هو اللي اخطا من البدايه وقال انه يحب بنت الجيران كانه ضامن انها من نصيبه..

مزنه ترفع حاجبيها بتعجب/اشوفك حميه على رشا؟..

مليحه بموده عميقه/والله رشا طيبه وعلى نياتها بس الغيرة تخرب عليها لكن ربي اعطاها عساف متماسك بفعاله وحكيم بقواله..

مزنه ضحكت برقه/لونه عزام نتف ريشها ريشه ريشه..

مليحه بحب باسم/عزام يا عين امه نار وشرار لكن الله يعينه على اللي خذها ماهي قليلة شر..

مزنه برجا خافت/تكفين يومه جامليها عشان منصور..

مليحه هتفت بثقه/طبعاً افا عليك ابو جميله يستاهل اللي يجامل عشانه..

بصاله..

منصور باستغراب شديد/عساف قال للي بروح المطار احجز اقرب رحلة بس ماتوقعته الفجر..

فهد بنبرة حانيه/ماقصر عسى الله لا يقصر بعمره يركض بالجميع وناسي نفسه خل يسافر ويرتاح..

منصور ابتسم بود/انشد ان ابو فهد مايقصر يبدينا كلنا على نفسه..

فهد بامتنان خالص/ماعليك زود يا منصور عزالله انك حاظر معنا بكل وقت افراحنا و احزانا..

منصور بتقدير عميق/واجبي وانت يا عم راعي الاوله عسى عمرك طويل..
———————————————————-
بالشقه..

عزام يعدل نسفة شماغه امام المراءه هتف بندا/يلا جمانه اخلصي علي تاخرنا والله..

جمانه اتت وهي تحمل المبخره بين كفيها/هذا انا جاهزه بس احط الجمر..

عزام استدار لها كانت مثيرة كعادتها ترتدي فستان طويل ماسك على الصدر والخصر و كلوش ناعم...

بالون الاحمر الناري وشعرها الاسود مفتوح كامل على ظهرها بنعومه ميكب هادي وروج احمر ناري فاقع..

عزام اشتعل بالغيرة لكنه اخافها بنبرته الصارمه/جمانه انتي عادي عندك تجلسين قدام ابوي ومنصور كذا؟..

جمانه تضع قطعه من العود على الجمر وهي تزفر بتقصد/ليش وانا عاريه وانا مادري؟..

عزام بذات الصرامه/خلي عني الكلام الفاضي وخلك بعباتك وبس..

جمانه اتسعت عينيها بصدمة/بعباتي سلامات عزام رايحه عزا؟..

عزام يامر بحزم وهو ياخذ من يدها المبخره/اجل روحي غيري لبسك وخففي مكياجك..

جمانه بدات نفعل من تصرفاته زفرت بعناد/ماني مغيرة لبسي ومكياج اصلا ماحطيت الا خفيف تبي اروح معك كذا ولا بلاها من روحه كلها؟..

عزام زفر بغضب/اتركي العناد وسوي اللي قلت لك..

جمانه تجلس على السرير وهي تخلع حذاها تحت انظار عزام المندهشة/وش تسوين انتي؟..

جمانه برود متقصد/مو رايحه رح انت وسلم للي عليهم..

عزام اقترب لها ضع المبخره على الطاولة/قومي يلا مشينا وبلا حركات البزران ذي...

جمانه تنظر فيه بعتاب/انت ما ترتاح لين تخرب علينا تحب المشاكل لذا الدرجه؟..

عزام ابتسم نصف ابتسامه/وانتي تحبين العناد لذا الدرجه؟..

جمانه تنهد بضيق شديد/ماهو عناد لكن انت تبي تحكم حتى بلبسي يكون بعلمك منصور خالي ومقام ابوي ودايم يشوفني كذا يعني ماهو شي غريب عليه وابوك عمي واكيد متعود على الكشخه مزنه وامك ماعليهم قاصر..

عزام امرها بحزم/طيب قومي البسي عباتك خلصينا..

جمانه ترتدي عباتها وتتبعه لسيارة كان طول الطريق يحرص عليها بان لا تفعل هكذا امام والده و والدته..

وهي كانت متماسكه بشده ليسا الوقت مناسب للانفجار تريد تنتهى من هاذي الزيارة الثقيله عليها..

وتعود لشقه لتفاهم معه يان يعتدل ام انها سوفا تعيد لموال السابق الانفصال لاتها بدات تعرف مفاتحه؟..
————————————————————-
تحياتي(شغف)..

🤪❤‍🔥❤‍🔥❤‍🔥❤‍🔥

😍😍😍😍😍😍يعطيج العافية ♥

موفقة