روايه بين الماضي والحاظر..

للكاتبة (شغف)

-/البارت الثامن و الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

رشا من دخلت الجناح دقات قلبها تصاعد وقفت بصاله تهدي نفسها لا تعلم لماذا هي متوتره هكذا؟..

اتجهت الغرفه وقفت على الباب عينيها امتلئت بالدموع ضعت كفها الصغير على شفتيها..

كي تكتم صوت شهقاتها من رات عساف متمدد على السرير لم ينتبه لوجودها يده السليمه تغطي عينيه..

توقعت بانه نايم لكن ماسرع ما ابعد يده وادار وجهه لباب من سمع صوت شهقاتها الذي بدات تزيـــــد؟..

عساف نادها بنبرة رجوليه حانيه/رشا تعالي؟..

رشا مازالت بعبايتها اقتربت و عينيها تنظر به بطفولة بريئه شعرها البندقي القصير متناثر على كتفيها..

عساف سالها بذات النبرة الحانيه/ليش واقفه على الباب؟..

حينها رشا اندفعت عليه بخفه وهي تدفن وجها بصدره وتنحب بصوت عال وكانها تنحب على ميتاً..

عساف طوقها بذراعه السليمه وهو يان باسم/اه كسرتي ضلوعي يا دوبه..

رشا ترد بشقاوه من بين شهقاتها/ماني دوبه انت الدوب..

عساف انفجر ضاحك وهو يشد احتضانها/شفيك تبكين هذا انا قدامك طيب؟..

رشا ترفع راسها وتنظر به من بين دموعها/احلف بالله مايوجعك شي تكفى قل للي عساف؟؟..

عساف ينظر خديها وانفها المتفجر بالحمار وعينيها الغارقه بدموع/والله ما يوجعني شي ياروح عساف انتي..

رشا تنظر كتفيه بتسال/وينها يدك المصابه؟..

عساف ابتسم من فهاوتها/مادري عنك وش تشوفين انتي؟..

رشا تنظر يده المرتاحة على السرير جواره/هاذي صح؟..

عساف هز راسه بولع/ايه هاذي..

رشا انحنت وقبلتها بلطف حاني/ليته فيني ولا فيك..

عساف انتفض بشده/بعيد الشر عنك لا تقولين كذا..

رشا ترفرف اهدابها برائه/تخاف علي؟..

عساف يذوب لها ويذوب فيها/اذا ماخاف عليك اخاف على من؟؟..

رشا صمتت بخجل بينما هو كمل بعشق/يقلون الاطباء نام بالمستشفى عشان المسكنات مايدرون انك انتي المسكن والعلاج كله..

رشا ابتسمت بعذوبه وهي تنظر به ومن ثم تنزل نظرها على كفيها الذي تفركهما ببعض/خلاص انا ادويك..

عساف يعتدل جالس مال وقبل انفها/اكيد رشرش؟..

رشا هزت راسها بنبرة خجوله/اكيد والله..

وصلهما ندا مليحه/عساف تعال سلم على عمتك..

رشا توقف مبتعده عن السرير بهدو/امي وفهود جايين معي..

عساف ينهض واقف ببتسامه ودوده/الله يحييهم ويحيك معهم..

منذا خرج الصاله تقدمت انتصار له وهي تقاوم بكاها لكن دمع عينيها خانها/يا جعلك ما تشوف الشر يا الغالي..

عساف قبل راسها بموده/الشر مايجيك افا يا عمه ترا دموعك غاليه علي..

انتصار تمسح دموعها بطرف شيلتها/والله مانزلت الا من غلاك عسى الله لا يفجعنا عليك..

عساف ينظر فهود الذي بين يديه مليحه وهو يمد يديه بلهفه/عطيني فهودي يومه..

مليحه تقترب له بحنو/لا تشيله يدك تعبانه سلم عليه وهو معي..

عسافه انحنى وقبل انف فهود وهو مازل بين يدين مليحه/اشتقت لك يا بابا..

انتصار هتفت بموده/عسى الله يخليك لفهود ويخليه لك..

مليحه هتفت بتقصد وهي تنظر رشا الذي واقفه على باب غرفتها/ويخلي له ام فهود هي الاساس..

عساف استدار وناظر بها كانت منزله راسها بخجل هتف باسم/امين يارب..

انتصار تستاذن بتقدير/يلا يامك مابي اطول عليك بكرا ان شاءالله امركم..

عساف بحزم هادئ/الله يحفظك من توصلين البيت عطينا خبر..

مليحه تنادي لرشا/تعالي خذي فهود بنزل مع امك..

رشا تقترب حملته وهي تتبع عساف الذي عاد لغرفته جلس على السرير اشر على المكان المجاور..

بندا/ تعالي هنيه انتي وفهد بشبع منكم..

رشا جلست مكان ماشر عليه قريب منه جداً ركبتيها تلامس ركبتيه وفهود بين احضانها..

عساف مال وقبل خد فهود/كل مايكبر يزين حلاه ويزيد غلاه..

رشا تبتسم وهي تنظر ملامحه الوسيمة/يشبه لك صح؟..

عساف ينظر ملامحها بدقه/لا والله انه نسخه منك وجهه دائري خشمه نتفه عيونه وساع شفايفه تسحر..

رشا مالت وقبلة فهود مع شفتيه/ياحلوه يشبه الماما..

عساف بنبره عاتبه مقصوده/مو المفروض تكون لابوه هو شبع من بوساتك كل يوم ولا ابوه مسكين متشفق بوسه وحده..

رشا رفعتها نفسها قليلا قبلت شفتيه بقوه جريئه ثم ابعدت بتسال باسم/تكفيك؟؟..

عساف بلع ريقه/لا والله ماتكفي..
——————————————
يوم جديد…

بعد الغداء..

عزام يرشف من كاس الشاي ويهتف بحزم هادئ/يوبه لا تنسى موعدنا بعد المغرب..

فهد زفر بعدم راحه/يابوك يمكن رواف ناوي يسوي فينا مثل سواته اول نجي نخطب ويردنا؟..

عزام رفع عينيه وقعت بعيني عساف مبــــــــــاشرة موجعه هاذي الذكرى اليمه لكل واحد حاول يتخطاها

لكنها تعود من غير سابق انذار يتوسط القلوب المها وحرمانها و انكســــارها ماكان يجبره سوى حلم جديد

مليحه لاحظت على ابنائها التغير المفاجئ لذالك تجاوزت كلام فهد..

وهي تزفر بتسال حازم/انت متاكد انها تبي ترجع لك؟؟..

عزام بحزم واثق/اجل ماني رايح لبيت رواف الا وانا متاكد من رجعتها..

فهد قطب بغرابه/طيب ليش ماتروح انت لحالك وتفاهم معها؟..

عزام تنهد بضيق/وانا ادري عنها تقول خل ابوك يجي معك..

عساف هتف باسم/تبي تشهدك يا بوي على ولدك..

عزام ابتسم كذالك/والله شكلها بس الله يستر وش يبي يشهد عليه فهيدان..

فهد ابتسم معهما بلطف/ماني شاهد الا على سواد وجهك..

عزام وعساف بصوت واحد/ههههههه…

مليحه زفرت بضيق شديد/بكلم مزنه تكلمها وتفهم هي وش تبي ماهو تروحون على وجيهكم ماندري لو بتنتقم..

عزام تصلب بصدمة(تـــــــــنتقم!!)..

فهد تعطا مليحه نظره قارصه/وش تنتقم منه انتي الثانيه؟..

مليحه ترد بثبات/حريم ونفهم بعضنا اجل ليش ماتكلمت وقالت شروطها وفكتنا من ذا الطاري..

عزام زفر بانفعال/والله لو فكرت مجرد تفكير تنتقم لا قطع لحمها هي وابوها الكلب سوى..

فهد زفر عليه بصرامه/انت مثل الكبريت ادناة شي يشعل نارك هذا وانت ما بعد سمعت منها جالس تحد سكاكينك عليها..

عزام شعر بضيق من كلام مليحه ايعقل انها تريد تنتقم منه امام الجميع تدوس على قلبه الذي حبها بصدق؟

لا يستحيل تفعل هكذا جمانه اكبر من هذا التفكير الصغير لكن براسها موال تريد تطربه فيه امام والده؟..
—————————————————————
بعد صلاة المغرب..

منصور دخل المجلس الخارجي باستعجال راء رواف جالس وامامه مجهزه الضيافه كامله على الطاولة..

تنهد براحه عميقه/اشوى مابعد جو احسب اني تاخرت عليهم؟..

رواف ينظر به باستهتار/معطيهم اكبر من حجمهم واذا تاخرت يعني وش صار؟..

منصور تقدم رفع ترمس القهوه صب له فنجالا/اقول بس احشم الرجاجيل اللي جايين وحاطين لبنتك قدر..

رواف زفر بقهر/اي قدر وهو خاطفها والحين جايب فهد معه يحسبوني برجع بنتي له و لاشكاله..

منصور كانا يرشف من الفنجال اتسعت عينيه ثم زفر بحده/القرار لجمانة اذا هي بترجع مالك كلمه ولا تنسى انها حامل..

رواف بذات الحده/واذا حامل يعني وش صار تغصب نفسها تعيش مع واحد ماعنده عقل؟..

منصور بتماسك/رواف تدخل بخير ولا اسكت ترا كل اللي صار من تحت دبرتك..

طرق الباب وصلهما صوت فهد الحديدي/يا اهل الدار؟..

منصور ضع الفنجال على الطاولة و التجه الباب بترحيب/ارحبو يالله حيهم..

فهد يتقدم بهيبه وعزام يتبعه بذات الهيبه سلما وتبادلو السوال عن الاخبار ومنصور قام بضيافتهم..

فهد ضع فنجاله على الطاوله وبدا بالموضوع بحزم بالغ/انا جاي بصلح مابين ولدنا وبنتكم ولعل الله يجمع شملهم واذا هي بتطلب من حقها وتبشر باللي تبيه..

منصور صمت بركادة معطي رواف فرصه للكلام من باب الاحترام بان والد جمانه واحق بها منه؟..

رواف هتف برود منرفز/بدري من بعد ما خطفها وحملها جاي يا فهد تبي تسمع طلباتها؟..

عزام انفعل كانا سوف يرد لولا بان فهد قاطعه بصرامه/انا موجود مالك كلمه الا من بعدي..

ثم ردف بذات الصرامه وهو يوجه كلامه لرواف/ولدي اخطا واخذ جزاه وكان يبي يطلقها لكن البنت حامل وطلبت منا نجي وحنا نفذنا طبلها وبنسمع منها؟..

رواف بذات النبرة المنرفزة/انا ابوها و انوب عنها تبون تسمعون مني هي ماتبي الا الطلاق..

منصور بتدخل حازم/رواف لا انا ولا انت لنا حق نقرر عنها هي موجوده تجي وتقول وش تبي سوى كان الطلاق ولا غيرة..

فهد بحزم شديد/ابد اللي هي تطلبه يتم حتى ولو كان الطلاق يتنفذ الان..

عزام دم راسه يغلي ليسا فاهم شيء لكنه متاكد بان جمانه لو طلبت الطلاق بالفعل سوفا ينفذ رغماً عنه..

من اجل فهد الذي اتى معه وكبر قدره وقدرها محاول يجمع الشمل لكن الواضح بان الامور مازالت معقده؟.

رواف وقف بتافف/بروح اشوفها كان تبي تطلع لكم ولالا؟..

منذا خرج عزام زفر لمنصور بخفوت/ترضاها على ابوي يا منصور يتنازل لرواف واخر شي تطلبون الطلاق؟..

منصور هتف بثقه/بس هي باقي ما طلبت الطلاق يا عزام قالت خل ابوه يجي وعلمكم وش عندي..

فهد هتف بثبات/تجي الحين ونفهم وش تبي..

دخل رواف وجمانه تتبعه زفر من غير نفس/هذا هي جت جمانه..

حيــــــــــنها!!..

رفع فهد نظره كي يراها اتسعت عينيه صــدمه لم يخطر باله فتاه بمستوى جـــمالها على ارض الواقـــع!

فـــــــــاتنه ســـــــــاحره قاتله بحسنها وجمالها..

جــــمالها يعجز قلم الرسام يتقن رسمها تعجز الحروف تصوغ لها العبارت والوصف الحقيقي..

تالم قلبه على عساف حقاً كان سيموت ليحصل عليها زوجه والان عزام سيموت لو طلقها هل تستحق ذالك؟

نعم تستحق فهي ساحره لنظر مذيبة لصخر تستوطن
الارواح وتنسخ بالعقل معجزه رائعه بمعنى الكلمه..

جمانه كانت ترتدي فستان ازرق مفصل على جسدها المنحوت طولها مميز فاتن صدرها ونحرها شامخ..

شعرها الاسود مثبته جز منه بنس وجز منسدل بنعومه على كتفيها ونحرها ميكب خفيف وناعم..

لاتعلم جمانه لماذا توترت وهي ترا فهد لاول مره ملامحه هادئه لنظر ليسا وسيم كابنائه لكنه هيـــبه..

عزام جالس جواره بجاذبية تسحر عيون العذارى بثوب والشماغ عينيه تراقب مابين نظرات والده و جمانه..

منصور بندا رجولي/تعالي جمانه سلمي على عمك ابو عساف..

جمانه تقدمت لينهض فهد بتقدير/حي الله جمانه..

جمانه تقبل راسه بود/الله يبقيك نورتنا وشرفتنا..

فهد ابتسم باعجاب/النور نورك شلونك يابوك؟..

جمانه بذات الود/الحمدلله بخير استريح..

فهد عاد جالس وعينيه مازالت تراقبها وهي تجلس جوار منصور فهو مصدر الامان بنسبه لها..

رواف جلس بطولة بال/هاذي هي جت وش عندكم خلصونا ترا ورانا اشغال..

جمانه شعرت بالحرج وهي تنظر فهد الذي لم يهتز به شي من كلامه وتنظر عزام وجهه محتقن احمر غاضب.

منصور هتف بتقصد/ابد يا بو سند تراك معذور اذا انت مشغول تقدر تروح تخلص اشغالك انا اكفي عنك..

رواف عطاه نظره وصمت فهد شد له نفس عميق ثم زفر بحزم اعمق/يا بنتي قبل تقولين شي ابيك تعرفين ان حنا ناس نخاف الله واللي ما نرضاه على بناتنا ماحنا راضينه على بنات الناس وابيك تثقين ثقه تامه ياللي تطلبينه بيتم باذن الله تعالى..

جمانه بنبرة رقيقه لاتخلو من الثقه/وهذا اللي خلاني اطلبك بالاسم انت رجال راعي حق وما ترضى بالباطل..

عزام انفاسه تعالى وعينيه عليها يريدها تكلم وتنهى النقاش قلب سيوقف من تصرفاتها الغريبه؟..

وهاذي اول مره يجلس معها امام احد وكل المجلس رجال حتى ولو كانو محارمها لايمنع من غيرته عليها..

فهد بتاكيد واثق/اكيد يابوك ماجيت الا وانا بوقف مع الحق وابشري فيه..

جمانه تنهد بعمق ثم هتف بحزم انوثي/انا كنت ابي الطلاق واتوقع ان عندك خبر رفعت بالمحكمه لاني كنت مصره لكن اللي خلاني اتراجع هو الحمل اللي ربي امر ان يكون..

فهد بتركيز/ونعم بالله..

جمانه تكمل بذات الحزم/واذا فكرت ارجع انا عندي اربع شروط اذا رضى عليها عزام تشهدون انتم على رضاه..

فهد ينظر عزام المتماسك وهو مستغرب منه الا الان لم ينفعل ولم يصدر منه كارثه او مصيبه!..

فهد يدعمها بالكلام/قولي يابوك وش هي شروطك؟..

جمانه تصنع القوه والثبات/اول شرط والاهم ابيه يواعدني قدامكم وترا كلمة الرجال مسموعه عند الرجاجيل ان ما توفقنا بزواجنا وصار انفصال الولد او البنت اللي رجعت له عشانه ما ياخذه مني انا اللي اربيه؟..

فهد قطب ثوان وهو ينظر عزام/شقلت؟..

كانت ملامح عزام وهزت رجله تاكد للجميع بانه فعلاً كاتم غضبه لكنه رد بثبات/موافق..

رواف بتدخل خبيث/طيب يلا امسك على شاربك..

عزام اعطاه نظره حارقة ثم وجه نظره وكلامه لجمانة بحده/وغيره؟؟..

منصور يخفت لها/قولي شروطك خلصينا قبل ابوك يجيب العيد..

جمانه تنحنح لتصفي نبرة صوتها/احم الشرط الثاني وظيفتي ما يفصلني منها ولا يدخل بدوامي..

فهد بثقه/تم وغيرة؟..

جمانه هتفت بحرج/الشرط الثالث يحط للي بيت بروحي..

فهد بذات الثقه/تم وغيرة؟..

جمانه بحرج اعمق/الشرط الاخير يبعد عن ابوي وسند ويفكهم من شره..

عزام نفذ صبره زفر من بين اسنانه بشدة/هم اللي خلي يفكونا من شرهم اللي يسمعك يقول ابرياء ما يجي منهم شر؟..

فهد ينهى النقاش بصوت جوهري/انت موافق على شروطها حتى انا عندي موضوع مهم بقول لكم؟..

عزام قطب بغرابة/وش الموضوع؟؟..

فهد سال بصرامه/اول جاوبني موافق ولالا؟؟..

عزام ناظر في جمانه الذي تنظر له لتجعله يوافق من غير تردد/موافق..

في عيونها ينتهى كل الكلام..
في عيونها شيء ابلغ من الجمال..

فهد بصرامه اعمق/اجل اسمعوني كلكم الناس ماتدري ان عزام متزوج وانا رجال للي اسمي بالمجتمع ولله الحمد عشان كذا لازم نسوي عرس رجاجيل ونعلن هالزواج..

رواف زفر بتقصد/والله حتى حنا نبي عرس لبنتنا قبل يكبر بطنها الناس وش دراها انهم متزوجين؟..

جمانه من شدت الحرج لاتعرف كيف تتصرف وقفت واتجهت الباب بارتباك حتى انها نست لا تشكر فهد..

منصور ينحره بخفوت/استح على وجهك هذا كلام تقول بمجلس رجال؟..

رواف ينظره برود/ما قلت الا الصدق ولا شرايك يا فهد؟..

عزام وقف مطنشه ومستهين بعقله/يلا يوبه مشينا..

فهد يوقف بثبات/ابد يا ابو سند نسوي عرس حريم والله الموفق..
————————————————————
عساف يشد مقود السياره بيده السليمه ويهتف باسم بجاذبيه/رشا خلي اركز على الطريق بسك حنه؟..

رشا جالسه بالمقعد المجاور وفهود بحضانها هتفت بدلع/ماتبي حنه ليش من اول تقول عندي لك مفاجئه تعرفني ما فيني صبر؟..

عساف ينظر بها بحب عميق/والله مابقى شي بس اصبري نص ساعه..

رشا تبتسم بشقاوه/طيب حلوه؟..

عساف يضحك منها/واحلى من ما توقعين..

رشا تنهد بطولة بال/ياربي نوصل طفشت..

عساف يذوب بطفولتها/بنوصل ان شاءالله يا روحي..

دقايق وقف امام مبنى غريب لكنه راقي جداً اطفى السياره وناظر رشا الذي تلفت يمين ويسار محاوله تفهم شيء؟..

عساف ابتسم/انزلي..

رشا تنظر به بتسال/وش ذا؟..

عساف نزل بهدؤ/لا دخلتيه تعرفين وش..

رشا تفتح باب السياره كي تنزل عساف اقترب وقف امامها حمل فهود بين يديه بحنو بالغ..

رشا كانت تتبعه وهي مستغربه من المكان من دخلت تعرفت عليه كان مطعم راقي على واجهة البحر..

عباره عن جلسات رومانسيه هادئه و الاضائه خافته لايجود بالمطعم احد سواهما..

عساف امسك كفها بكفه واتجه لباب قزاز منذ خرج صرخت رشا بحماس طفولي وهي تقفز من غير شعور.

من رات شموع متراصه بينهما ممر يوصل البحر وقلب كبير مرسوم بشموع داخله حرفين R-A..

امراء اجنبيه تعزف الجيتار مرتديه فستان احمر وكاب احمر واقفه قريب من كرسيين وطاوله وعربة لفهود..

عساف حضن كتفيها وهو يبتسم بفرحه من ردة فعلها/اعجبتك؟..

رشا بسعادة بريئه/اي مره مره مشكور عساف..

عساف بحنو خالص/باقي ماشفتي شي المفاجئه هناك على الطاولة تنتظرك..

رشا ترتعش من شدت سعادتها/وش المفاجئه؟..

عساف يمسك يدها بيده واحده والثانيه شاد حضن فهود وهو يخطي معها ممر الشموع حتى وصل البحر

وقف امام الطاولة ضع فهود بعربته واشر على علبتين مغلفات بتغليف احمر موضوعات فوق الطاولة..

عساف بامر هادئ خافت/هذي الهدايا لك افتحيهم..

رشا خلعت نقابها وضعته على الكرسي وهي تمد يدها و تحمل وحده من الهديا محاوله فتح تغليفها..

تحت انظار عساف المراقبه لها بهيام منذا انهت فتحها اخرجت ورقه وهي تقطب جبينها الشفاف بغرابه؟..

عساف مد يده واخذ الورقه فتحها وعادها لها كي تقراها رشا ابتسمت من قرتها بفرحه عميقه..

رحلة سياحيه بعد ثلاثة ايام على ماليزيا لمدة سبوع ومن ثم رحلة اخرى على تايلندا لمدة سبوع اخر..

رشا تنظر عساف بعذوبه/مشكور يا قلبي حتى لو الرحلة مره قريبه مايمدي اتجهز..

عساف ابتسم بذات الهيام/يمدك ان شاءالله والان افتحي الهديه الثانيه..

رشا تميل رقبتها بدلع/وش فيه اكثر من كذا؟..

عساف تنهد بعمق/افتحي وشوفي بنفسك..

رشا ابتسمت وهي تفتح الهديه لتغير ملامحها بالصدمه من رات شيك بمبلغ مية الف ريال سعودي؟

عساف لم يعطيها فرصه تسال وهو يهتف بثقه/هذا مهرك اللي رفضتي تاخذينه قبل توثيق زواجنا..

رشا بعتاب رقيق/بس ذا كثير وبعدين انا..

عساف بمقاطعه حازمه/ماهو كثير عليك انتي تستاهلين اكثر يا ام فهودي..

رشا تقترب وتقبل جبينه/مشكور على كل شي..

عساف مال لها كان سيفعل ويقبل شفتيها لكنه ابعدت وهي تزفر بخفوت/عيب حنا مكان عام؟..

عساف تلفت بجديه/وين مكان عام انا حاجز المطعم كامل اليله لنا حتى اللي تعزف راحت..

رشا تنظر لم ترا احد وهي تضحك/متى راحت مانتبهت لها؟..

عساف سحبها وحضنها وهو يهمس بعمق/والله ورب السما والارض اني احبك..
———————————————————-
فهد خرج من بيت رواف متجه بيته المقابل لهما عزام يمشي جواره و يخفت بقهر/قسم بالله اني ماسك نفسي عن رواف عشانك..

فهد بحزم هادئ/ماعليه شرهه حتى بنته اركد منه كلامها مازون ماشاءالله عليها..

عزام هدت اعصابه حينما اتى والده بطاريها خفت بتوجس/يوبه اول مره تشوف جمانه شرايك فيها؟..

فهد هتف بخبث/رايي فيها من اي ناحيه تقصد..

عزام ابتسم بخبث مشابه/انت ادرى وش اقصد؟..

فهد بحزم خافت/اسمع من سنين مدح عن بنت رواف مزيونه بس ماتوقعتها كذا بسراحه؟..

عزام قطب جبينه/كيف يعني؟..

فهد زفر بجديه/حرام بنت مثل زينها ابوها واحد مثل رواف يخطبونها رجال فيهم خير وهو واقف بنصيبها وبعدين يستغل جمالها عشان فلوس؟..

عزام صمت فهم ماذا يقصد والده ان رواف رفض عساف وهو من كانا يستحقها ومن ثم يزوجها لعزام؟..

بسبب فلوس ودين هذا دليل على نفس والدها الرديه حطم جمالها حتى وصلت هذي المرحلة زواج اجباري

عزام تنهد بعمق/يوبه انا بروح اخلص كم شغله تامرني على شي؟..

فهد بامر حازم/لا تسهر عشان بكرا على الغدا تكون متواجد ضروري بنتفق على زواجك ونحدد موعده بقرب وقت..

عزام بحزم/طيب اجي اليله بدري ونتفق..

فهد برفض هادئ/لا عساف الحين ماهو موجود يقول عنده شغل مايرجع الا الفجر خل بكرا افضل..

عزام قبل راسه بود/ابشر يالغالي..

فهد بحزم خافت/وانت عاد شف لك بيت قريب منا للبيع بنشريه لك..

عزام تنهد بضيق/سالفه البيت ماعجبتني لكن عندي شقه تكفينا موقت..

فهد اتجه لباب البيت/كيفكم المهم شاور البنت..

مليحه من رات فهد دخل هتفت بتسال/هاه بشر وش صار معكم؟..

فهد يسلم على مزنه الذي استقبلته بالاحضان/هلا مزنه يا بوك شلونك..

مزنه ببتسامه ودوده/طيبه انت شلونك..

مليحه بزفرة شديده/اترك مزنه ولونها وقل للي وش صار؟..

فهد يخفت لمزنه باسم/امك علامها يا دافع شابه ضو؟..

مزنه تكتم ضحكها/مادري عنها..

فهد يجلس جوار مليحه ثم بدا يحكي لهما طلبات جمانه وموافقه عزام وتصالح بينهما..

مليحه بعصبيه/وليش كل هالطلبات تبي تزوجه ولا تزوج فلوسه؟..

فهد بحزم شديد/ماطلبت من فلوسه الا بيت ترا ومن حقها..

مليحه زفرت يغيظ/ليش وبيتنا ماهو مالي عينها ولا لاتكون من اللي على راسها ريشه ماتحب تسكن مع ام الرجل؟؟..

فهد ينهض واقف بركادة/ اقول كبري عقلك واحمدي الله جمع شمل ولدك مع مرته لا تقوين راسه عليها..

مليحه تنظر فهد الذي يرقى الدرج وهي تخفت لمزنه بذات الغيظ/عشتو بنت رواف تبي بيت لحالها؟..

مزنه خفتت بجديه/يومه والله من حقها لانها عارفه مانتي متقبلتها اختارت راحة راسها وراسك انتي بعد..
—————————————————————-
تحياتي(شغف)..

😍😍😍😍😍جذي وجهي وانا اقرا الروايه شششكراً ♥♥♥

روايه بين الماضي والحاظر..

للكاتبة (شغف)

-/البارت التاسع و الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

بثينه تشهق بعنف كاد يوقف قلبها حقاً/جمانه انتي صادقه تبين ترجعين للمجرم الحرامي؟..

جمانه تمدد على سريرها براحه وتنقل الهاتف للاذن الاخرى هتفت بحزم رقيق/بثينه خلينا نتكلم بالواقع ولدي من يبي يربيه ابوي اللي مولي مع مرته ولا يدري عن هواء دارنا ولا سند اللي محتاج من يربيه ولا منصور اللي اقضى نص عمره بمشاكلنا؟..

بثينه تنهدت بهم/بس عزام خطير عليك جمانه واكبر دليل يوم خطفك هذا مو صاحي؟..

جمانه ماكن بها الا تبتسم/اصحى مني ومنك بس لعوب يبي الدنيا على كيفه..

بثينه خفتت بتشكيك/انتي مو راجعه عشان اللي بطنك انا متاكده انك قويه وتقدرين تربينه بروحك ومن غير اب؟..

جمانه قطبت باستفسار/وش قصدك؟..

بثينه زفرت بثقه/سبق وقلت لك انتي تحبين عزام بس ماتبين تقولين واكبر دليل يوم الحادث كنتي بتموتين عشانه..

جمانه صمتت ثوان ثم خفتت من صميم قلبها/اي احبه بثينه و ماتخيل حياتي من غيره صح انه عذبني لكني متاكده ان كل اللي سواه عشانه يحبني..

بثينه تصفر بضحكه رقيقه/واخيراً ظهر الحق وزهق الباطل..

جمانه ضحكت بذات الرقه/يا مخبولة فضحتينا وين كايد عنك؟..

بثينه تريح ظهرها على الاريكه هتفت باسمه/نايم منصرع بالغرفه دوامه امس شفتين واليوم دايخ..

جمانه تنهد بعمق/ما كلمتيه عن اجازتي؟..

بثينه تضرب راسها بخفه/والله نسيت ليش ما ذكرتيني؟..

جمانه تزفر عليها/منبه عليك بس عقلك مادري وينه؟..

بثينه هتفت بجديه/اتركينا من عقلي ليش تبين تمددين اجازتك؟..

جمانه تنهد بارهاق/برتاح لين يثبت حملي بعدين وراي رجعه للمجنون ابي اصفي ذهني..

بثينه تبتسم بخبث/الا قولي بتفضين له ماتبين شي يخرب عليكم الرومانسيه..

جمانه ابتسمت بود/المهم يا ام الرومانسيه انتي ترا بسوي زواج خاص قرايبنا بس عشان ينتشر خبر زواجنا..

بثينه بحزم هادئ/زين فكرتي فعلا قبل تمر الشهور وناس مالها الا الظاهر بيقولون حامل منه وكذا..

جمانه فار دمها بالفعل/يقولون اللي يقولونه عاد الناس تهمني انتي وابوي تفكيركم مادري شلون جاي؟..

بثينه كتمت ضحكها/ليش وابوك وش مسوي بعد؟..

جمانه هتفت بحرج شديد/قال نفس كلامك قدام عزام وابوه وقدام منصور يويلي تمنيت الارض تنشق وتبلعني من الفشله عاد انا ضربت الباب وطلعت..

بثينه انفجرت ضاحكه مجدداً/قسم ابوك نكته..

جمانه مازالت تشعر بالحرج/اكثر واحد استحيت منه فهد الفاهد اول مره اشوفه يا فضيحتي بس..

بثينه سالت باهتمام/عاد شرايك فيه هو ازين ولا عياله؟..

جمانه هتفت بثقه/لا والله جد عياله اجمل بس هو تحسين في كمية حنان و هدو و ركادة ماهو مثل عزام وامه بس مولعين نار..

بثينه تبتسم بخبث/امه وش سوت لك حرام عليك؟..

جمانه زفرت بضيق/اكثر واحده شايله همها مليحه الله يعيني على مواجهتها..

بثينه بذات الابتسامه/عشان كذا اخترتي بيت بروحك؟..

جمانه بثقه حازمه/لا طبعاً مو عشانها مابي اسكن بيت فيه عساف بثينه لا تنسين انه كان يبيني و عزام راح يجلس للي على الطالعه ونازله..

بثينه بتفهم/صادقه والله يحشرك بغرفه عشان ما يشوفك اخوه بالغلط..

جمانه شعرت بضيق/ايه ويكتم على انفاسي وانا ماتعودت على كذا احب الحريه..

بثينه تنحنح وهي ترا كايد يخرج من الغرفه/احم جمانه اكلمك لا فضيت باي..

كايد ينظر بها برفعة حاجب/انا بفهم البيت على كبره ضاق عليك يوم تكلمين عند باب غرفتي؟..

بثينه توقف بحرج/حامد موجود استحيت اطلع..

كايد زفر بحده/حامد هالحزة بجناحه عندك المجلس الصاله الحوش روحي كلمي و صفري و صارخي فيهم..

بثينه ترفرف اهدابها/سمعتني وانا اصفر؟..

كايد يعود للغرفه بكسل/اقول انزلي سوي بلعه ميت جوع..

بثينه تلحق به برجا/خل نطلع نتعشا من زمان ماطلعت..

كايد استدار بصدمه/من زمان واللي قبل امس طالعه منهي؟..

بثينه ابتسمت بعذوبه/ قلتها قبل امس اليوم والبارح ماطلعت؟..

كايد جلس على السرير بذات الكسل/مالي خلق اطلع احس جسمي كله مكسر..

بثينه تجلس جواره وهي تدلك عرض كتوفه بكفيها الناعمتين/عمري انا لو التعب ينشال كان شلته منك..

كايد ينظر بها بنص عين/ياحلوك لا صرتي مروقه..

بثينه تبتسم بدلع/قوم خل نطلع..

كايد مازال ينظر بها/اي قولي كذا من اول عشان تطلعين؟..

بثينه تقبل خده بلطف/احياناً يعجز لساني عن تعبير حبك..

كايد طاوق كتفيها بذراعه وحضنها برفق/وين تبين تعشين؟..

بثينه تريح راسها على عضلة صدره/ابي اكل هندي..

كايد قبل شعرها ثم نهض واقف/يلا بغسل ونطلع..
————————————————————-
يوم جديد..

قبل العصر..

عساف دخل جناحه راء رشا ترتيب شنطتها شعر بضيق من اجلها لا يريد هدم فرحتها وحماسها الواضح

لكن الظروف اتت كذا لا يستطيع يقول لوالده اجل زواج عزام حتى اعود من السفر وهو بحاجة وجوده؟..

رشا تنظر فيه ببتسامه/عساف امي تقول خلو فهودي عندي تعبت عليكم وعليه بالسفر؟..

عساف يجلس على السرير و اشر لها بحنو/تعالي بكلمك..

رشا تقدمت وجلست جواره بغرابه/شفيك احسك متضايق؟..

عساف بنبرة رجوليه حانيه/رشا اجلت السفر صار عندي ظرف وياليت تقدرين وضعي؟..

رشا كتمت غيظها/ممكن اعرف ظرفك؟..

عساف هتف بثقه/طبعاً ابوي يبي يسوي عرس عزام بعد ثلاث ايام عشان يعلن زواجه ولازم اكون متواجد اساعده و وقف معه..

رشا هزت راسها برود/حصل خير..

عساف قبل جبينها باعتذار/اسف يا قلبي ادري اني قصرت معك كثير بسبب اشغالي لكن والله غصب علي حتى انا محتاج السفر اكثر منك ابي اريح مخي..

رشا ابتسمت بصعوبة/عادي عساف ماتغير شي بعد الزواج نسافر..

عساف يبحر بعينيها/اوعدك راح اعوضك عنها؟..

رشا توقف بنعومه/ان شاءالله..

عساف ينظر بها بتسال/وين بتروحين؟..

رشا خفتت بهدو/برجع الملابس بالكبت..

عساف يوقف ايضاً/لا ترجعين شي من ينتهى الزواج نسافر بعده بيومين..

رشا سالت باهتمام/زواج عام ولا خاص؟..

عساف هتف بثبات/رجال عام الحريم خاص..

رشا بذات الاهتمام/كله بنفس اليوم؟..

عساف اجابها بذات الثبات/ايه يوم الجمعه باذن الله..
—————————————————————
عزام من بعد الاتفاق مع والديه وعساف على موعد الزواج اتجه جناحه كي يرتاح قبل صلاة العصر..

ثم اتصل في جمانه ابلغها بموعد الزواج المتكامل لرجال ونساء يوم الجمعه القادم كي تبلغ عائلتها..

جمانه زفرت بضيق/الجمعه بعد ثلاث ايام قريب مايمدي اجهز شي؟..

عزام هتف بحزم/وش تجهزين جمانه ترا مجرد اعلان لزواج قدام الناس..

جمانه بذات الضيق/بس انا ابي زفه لنا وبكذا مايمدي ارتبها مافي وقت؟..

عزام تمدد على سريره زفر بعدم اقتناع/كيف يعني تبين زفه ماله داعي؟..

جمانه باصرار رقيق/الا له داعي و من حقي ولا انت متكثرها علي حتى الزفه؟..

عزام بحزم خافت/ما تكاثرت عليك شي اللي تبينه انا حاظر فيه..

جمانه بذات الرقه/خلاص اجل نبي زفه قدام الجميع ترا ماحد يعرف بزواجنا الا اهلي واهلك؟..

عزام هتف باسم/حاظر لوني مو راعي هالسوالف بس لجل عين تكرم مدينه..

جمانه ابتسمت بخبث/اصبر علي بغيرك انا بطريقتي..

عزام ضحك بهدؤ/وش ناويه عليه الله يستر منك؟..

جمانه هتفت بذات الخبث/باخذ ثاري منك بليلة زواجنا..

عزام زاد صوت ضحكه/خليها بالفندق بينا لا تكشفين الصحف قدام الناس..

جمانه ضحكت بعذوبه/طبعاً قدام الناس بسوي نفسي ماعرفك مستحيه منك ولا طلعنا الفندق امسك رقبتك..

عزام يعتدل جالس بروقان/الرقبه وراعيها لك فدوه..

جمانه دقات قلبها تزيد/ترا لا صرت مغازلجي كذا ماعرفك؟..

عزام بنبرة عميقه/انا وين والغزل وين لكن من عرفتك عرفت الحب والغزل وكل شي يخصه..

جمانه تغير الموضوع فهي حقاً توتر من كلامه المبطن هتفت بحذر/خذيت للي بيت؟..

عزام بثقه حازمه/شقتنا موجوده تكفينا لين نستقر وندور لنا بيت قريب بيت اهلي..

جمانه تفتح غطاء السرير كي تمدد/تمام اهم شي اسكن بيت بروحي..

عزام سال بغرابه/ممكن افهم ليش الاصرار على البيت بروحك؟..

جمانه تخفي الحقيقه/لا صرار ولا شي لكن بقدر نفسي..

عزام قطب بشده/تقدرين نفسك بيت؟..

جمانه تنهى النقاش/عاد افهما مثل ماتبي اهم شي انا فاهمه نفسي صح..

عزام مازال قاطب/هذا اهم شي انك فاهمه نفسك..
—————————————————————-
مرور ثلاثة ايام..

نهار الجمعه..

مليحه تنزل الدرج بخطوات ثابته قمة بالتانق مرتديه فستان سماوي مطرز صدره ومن ثم كلوش حرير ناعم

شعرها العنابي رافعته تسريحه فخمه ونازل خصل ويفي على نحرها الطويل الممتلئ بذهب الثقيل..

عساف ابتسم لها برجولة/ماشاءالله وش ذا الزين غطيتي حتى على البنات؟..

مليحه تبتسم بامومة/الله يزين اعمالك الا ابوك وخوك وينهم؟..

عساف بخبث مرح/اخوي بشقته يتجهز مصدق نفسه انه عريس وابوي وش تبين فيه خلي بعد العرس يشوف كشختك لا ينسى ضيوفه وهو يفكر فيك..

مليحه تضحك برقه/يا شينك لا صرت مروق ماحد يسلم منك؟..

عساف هتف بجديه/وين البنات مابعد خلصو ترا وراي شغل وزين مني جيت اوصلكم؟..

مليحه ترتدي عباتها/يامك وش نسوي ماعندنا احد غيرك حتى السواق وصيته على طلبيه يوصلها للقاعة..

عساف يعدل نسفت شماغه/طيب هذول الكوفيرات متى يمشون سيارتهم برا؟..

مليحه هتفت بهدو/خلصو يضبون اغراضهم وينزلون..

عساف ينظر ساعته بطولة بال وهو يتجه الاريكه/يلا بعطيهم ربع ساعه والله يا اللي ماتخلص اروح وخليها..

مليحه تجلس مقابله له هتفت باسمه/مزنه جاهزه التاخير كله من تحت راس مرتك ماتقدر تروح وتخليها..

عساف ابتسم بحب صادق/لا والله ما يطاوعني قلبي الا رشا عاد ما قوى على زعلها..

مليحه تنهدت براحه/الله يخليكم لبعض اشوى اشوفها من كم يوم طاخه ما هجت لبيت امها؟..

عساف يضحك بخفوت/الله يثبتها والله مالها امان تقلب فجئه..

مليحه بحنو خالص/صغيرة يامك وتجهل بعض الامور تجاوز عنها لو انك يا عساف مانت محتاج توصية تقدر تحكم قبيلة كامله..

عساف هتف بتقدير/الله يطول للي بعمرك..

نزلت رشا مع الدرج وهي تحمل فهود بورطه وتنادي على الخادمة/مايا تعالي شيلي فهود..

عساف كان مركز نظره بها تقطر انوثه تردي فستان طويل بالون الفضي ماسك عليها من غير اكمام..

الذراعين والكتف وجز من الصدر عاري بياض ولمعان بشرتها يضوي شعرها البندقي مرفوع نصفه تسريحه..

والنص الاخر نازل ويفي عريض على نعومة عنقها وكتفيها ميكب مميز مع العدسات العسليه…

اتت مايا حملت فهود ورشا تحرص عليها/سوي له حليب و خلي ينام بروح اتجهز..

عساف بندا صارم/تعالي ابيك..

رشا تقترب بعفوية/هلا؟..

عساف عاقد حاجبيه سال بحزم/وش ذا البس؟..

رشا تنزل عينيها تنظر فستانها وتعود تنظر عساف بفهاوه/ ليش ماهو حلو؟..

عساف بغضب شديد/لا طبعاً ماهو حلو كله عاري اليدين والصدر..

رشا تنفخ عليه بغيظ/وانا يعني بروح كذا قدام الناس عليه شال بس ما لحقت البسه من صياح ولدك المجنون..

عساف زفر بغضب اشد/لا تعالي عطيتي طراق احسن..

مليحه هتفت بصرامة/خلاص عساف سكر الموضوع البنت بتلبس شال على صدر وليدين..

نزلت خبيرة التجميل وهي تهتف لمليحة برقه/عسى ان شاءالله شغلنا نال رضاكم؟..

مليحه تبتسم بموده/طبعاً هاذي مو اول مره بينا وبينكم عشرة تسلم يديك..

خبيرة التجميل تخطف نظره على عساف لفت انتباها رغماً عنها بوسامته وتالقه رجولته البالغه..

هتفت بمياعة/ابد اي شي تحتاجونه حنا بالخدمه تحت امركم بي وقت..

رشا لم يفتها ذالك النظرات الجريئه من خبيرة التجميل لزوجها وهي اصلاً واصله حدها منها..

لذالك زفرت عليها بحده/خلصتي شغلك مع السلامه ورانا عرس ماحنا فاضين ندق حنك معك..

عساف و مليحه اتسعت عينيهما ببعض بصدمه شبة حرج وخبرة التجميل تنسحب بصمت وتخرج..

مليحه زفرت على رشا بصرامة/ليش قلتي لها كذا؟..

رشا انفاسها تعالى بقهر/قليلة ادب ولا عاد اشوفها جايه البيت مره ثانيه..

مليحه ترفع حاجبها بحده/وليش ان شاءالله؟..

عساف وقف بنفاذ صبر/والله مابقى الا ذي تامرين وتنهين وامي موجوده؟..

رشا بحذر شديد/لا طبعاً الراي الاول والاخير لها لكن هاذي من اليوم تقول للي كلام ماهو زين..

مليحه توقف كذالك بتسال حازم/ليش وش قالت لك؟..

رشا تنزل عينيها لارض/ تغزل فيني..

عساف اتسعت عينيه/وشو؟؟..

رشا بحلف صادق/والله ماكذب شكلها مو صاحيه..

عساف احمر وجهه عضباً/انقلعي فوق لا ارتكب فيك جريمه انقلعي..

رشا امتلت عينيها بدموع/انا الغلطانه قلت لكم..

مليحه تنظر رشا وهي ترقى الدرج بزعل وتعود تنظر عساف بحده/ ليش تسوي كذا البنت ماهي كاذبه..

عساف بصرامة بالغة/لو انها تستحي ماهذا لبس تلبسه قدام احد وتعلمنا انها تغزل فيها بعد شين و قوة عين؟..

مليحه تافف بضيق/ ياربي مامداني فرحت انكم هديتم الحين تشيل شلايلها وتروح بيت امها بعد..

عساف اتجه الباب/انا بسيارة خلي يخلصن علي..
—————————————————————
تحياتي (شغف)..

صباح الخير..كيفكم؟..حبايب قلبي بعد ذا البارت بعتذر منكم الى بعد العيد ورجع اكمل معكم باقي البارتات..مارح اطول عليكم باذن الله تعالى..لكني بطلب منكم طلب صغير..لا تنسوني انا و والدي من خالص دعائكم بيوم عرفة..وكل عام وانتم بخير مقدماً..

روايه بين الماضي والحاظر..

للكاتبة (شغف)

-/البارت التسعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

بثينه اليله من اسعد اليالي عندها واخيراً ستحظر زفاف صديقة عمرها من بعد شقى وعنى طويل..

لكنها احتارت ماذا تلبس تمنت يكون الزواج قبل ان تحمل لكن لم يهم ذالك بما ان بطنها لم يكبر ويوضح

ارتدت فستان ناعم من عند الصدر ضيق ومن تحت الخصر كلوش يوصل نصف الساق بالون الزهري غامق

شعرها عملت له تكسير ميكب هادى مع روج فاقع بالزهري وهي تقف امام المراءه فاتنه رائعه انيقه..

كايد اطل معها عبر المراءه وهو يعدل نسفة شماغه ويهتف بحزم هادئ/بثينه انا سبق وتدخلت بلبسك؟..

بثينه نظرت في انعكاس صورته بغرابه/لا ليش؟..

كايد بذات الحزم/اشوف لبسك مره قصير ماله داعي وبعدين الكعب عالي مظر لك وللجنين؟..

بثينه هتفت بعذوبه/ترا كلها كم ساعه ورجع وبعدين مافي احد عرس خاص وانا طول الوقت اكون جالسه..

كايد هز راسه بتفهم/ابد اللي يعجبك بس عاد انتبهي لنفسك..

بثينه استدارت وهي تهتف بتقصد/احسن شي انك مثقف ومانت شديد بالبس الظاهر الغربه لها فايده وانا مادري؟..

كايد سال بتوجس/وش قصدك؟..

بثينه بهدو عميق/زوجتك كانت تلبس كذا؟..

كايد زفر بضيق/بثينه الف مره قلت لك لا تنبشين الماضي شفيك ماتفهمين؟..

بثينه هزت كتفيها برود/ما نبشت شي مجرد سوال لكن انت صاير منفعل..

كايد تافف بضيق اعمق/الحين انتي جاهزه نمشي؟..

بثينه علقت انظارها فيه/ايه جاهزة..

كايد بادلها النظرات بصمت يعلم بانها تقاوم غيرتها ويعلم بانه هو يقاوم غضبه بالاخير يهدا لعيونها..

بثينه تضارب مشاعرها من تتذكر بانه كان متزوج وبذات بعد ما تحسنت الاوضاع بينهما زادت الغيرة..

كايد يفتح يديه لها/تعالي ضميني..

بثينه تاشر على شفتيها/راح اوسخ ثوبك بروج..

كايد هتف باصرار/ماراح يجي شي تعالي بس..

بثينه تقترب ضعت راسها على صدره لكنه رفعته تنظر به كي لا تدمر ثوبه با الميكب وهو شد احتضانها..

كايد ينظر ملامحها من قرب همس بشجن/تؤمنين بالله بثينه؟..

بثينه بثقه/اكيد؟..

كايد بشجن اعمق/والله ان القلب ماسكنه غيرك لا تخلين الافكار تشكك بحبي لك؟..

بثينه تنهد بصوت مسموع/عمري ماشكيت بحبك للي ولا حتى واحد بالميه..

كايد قبل جبينها ببتسامه/ودي بمكان ثاني لكن خايف من تاليها..

بثينه تبتعد عنه بذات الابتسامه/يلا خل نمشي تاخرت على جمانه..
———————————————————-
الساعه التاسعه..

القاعة..

قسم الرجال..

اهلا هلا بمن شاركنا الافراح..
في ليلة يطرب لها الفن كله..

عساف ومنصور لم يرتاحو قليلا من استقبال الضيوف الذي مازالو ياتون حتى امتلئت الصالة الواسعه..

منصور يخفت له بضيق/ماشاءالله مابقى احد بالديره ماجاء؟..

عساف ابتسم بذات الخفوت/التعب علينا ولا ذاك متكي على المكيف مستانس انه عريس..

منصور ينظر عزام الذي جالس بشت سودا وغتره بيضا بوسط القاعه من يمينه والده ومن يساره رواف..

ضحك بمرح/من وين مستانس و رواف عنده انا خايف يتهاوشون الحين قدام الناس..

عساف كاتم ضحكه/يقول قبل شوي لابوي لاشوف رواف جالس عندي خل منصور يجي مكانه..

منصور زاد ضحكه/و قرادة الحظ مافي توافق بين العريس وابو العروس..

عند عزام مال لوالده بخفوت غاضب/انا ماني قايل لك هذا لا اشوفه جالس عندي؟..

فهد هتف بصرامة/ابلع لسانك هذا ابو مرتك رضيت ولا انرضيت..

عزام بذات الغضب/طيب يذلف بي مكان ماكبر من القاعه؟..

فهد زفر بحزم متماسك/اص وقص لا تفضحنا الناس يسالون من تزوج ولدك وش اقول لهم ابوها جالس مع الضيوف؟..

عزام بطنازه/عاد من زين وجه رواف نتفاخر فيه يسد حتى النفس..

فهد كتم ضحكه خلف نبرته الحازمه/اقول تلايط بس..

رواف يهز كتف عزام بكوعه/ولد..

عزام ناظر به من غير نفس/نعم؟..

رواف خفت بخبث/وش عندك انت وابوك تساسرون؟..

عزام كاد يمزق ملابسه من القهر/وانت وش عليك حاشر نفسك بينا؟..

رواف بخبث اعمق/انا نسيبكم ولا نسيت بعد؟..

عزام يشد له نفس عميق/يارجال فكني من شرك تراي مو ناقصك..

رواف ابتسم بروقان/لايكون بس بنتي غاسله شراعك؟..

عزام اعطاه نظره حارقه/والله ما مصبرني عليك الا بنتك يجعلها تحظر عزاك قريب..

رواف يريح ظهره على الكرسي ويهتف برود/الا عساها ترمل قريب وزوجها واحد يسواك..

عزام شد قبضة الكرسي وهو يرص على اسنانه/انقلع عن وجهي لا اطئ على بطنك..

رواف لم يرد عليه يعلم بانه لا يستطع عمل شيء من اجل منظره هو والده امام الحظور ورجال الاعمال..
—————————————————————
قاعة الحريم..

ليلة فرح بقدومكم زاد نورها..
زفة اميري تزيد القلب سرورها..

الترتيبات والاستقبال من اجمل وافخم مايكون تحت اشراف مليحه و مزنه الذي يستقبلان الضيوف بتقدير..

انتصار تهمس لرشا بهتمام/شفيك مو على بعضك؟..

رشا زفرت بقهر لايخلو من غيرتها المعتاده/عساف اليوم منفعل عشان حبيبة قلبه بتنزف..

انتصار تاففت بضيق/لاحول ولاقوة الا بالله متى تبين تتركين عنك العلوم اللي ماتنفع؟..

رشا تجول انظارها مابين الحظور/شوفي هذا وهم يقولون خاص الناس طلعت مع الباب من الزحمه..

انتصار خفتت بحنو/يامك انتي وش عليك منهم ومن الناس ترا ماحد منهدم بيته الا انتي..

رشا تنهدت بحزن/من زين عاد بيت اللي كل ما بنيته طاح..

انتصار هزت راسها بياس/انتي بسراحه مالك حل لكن عسى الله يعين على الجاي..

رشا تزفر بغيرة/تقول مزنه ان العروس حظرت جنابتها طالبه زفه لها هي وعزام..

انتصار خفتت بهدو/واذا طلبت عادي حالها من حال اي عروس..

رشا تذم حظها/و انا يخلف الله علي ليلة عرسي انتفض من الحراره..

انتصار ابتسمت بلطف/لايكون غرتي وتبين عرس جديد بعد؟..

رشا ابتسمت كذالك وهي تاشر على فهود الذي نايم بعربته بسكون/وذا وين اوديه لا سويت عرس وزفه؟؟..

انتصار تنظر فهود بحب/هذا عندي وبقلبي..

بجهه ثانيه فضيلة تخفت لخزنه/ترا قررنا نحدد عرس عبدالله وعبير الشهر الجاي مع بعض باذن الله..

خزنه ابتسمت بفرحه/زين ماتسوين يا عله بالمبارك..

فضيله تبتسم كذالك/يبارك بعمرك والله ماهو انا اللي سويت عبدالله وطلال اتفقو وعلموني..

خزنه خفتت باهتمام/ليش جايه عبير وراها عرس؟..

فضيله بقلة حيله/عجزت عنها تقول عزام له معروف علينا وبحظر عشانه اللي يسمعها يقول انه داري عنها جت ولا جلست؟..

عبير كانت حاظره بتانق فستان ليموني وشعرها عامله له استريت مفتوح على طوله الميكب دقيق وجميل..

مليحه تقترب لهما مرحبه/حي الله من جا وتعنى..

فضيله وخزنه بصوت واحد/الله يحييك ويبارك لكم..

عبير تقف احتراماً وتقديراً/الف مبروك دامت افراحك..

مليحه تنظر بها بموده/يبارك فيك يامك وترا حظورك يسعدنا..

عبير ببتسامه/اذا ما حظرت لكم احظر لمن؟؟..

مليحه بموده اعمق/والله ان المعروف ما يضيع فيك الله يوفقك ونفرح فيك قريب..

فضيله بحزم هادئ/الله يحيك الشهر الجاي عرسها هي وعبدالله بليلة وحده..

مليحه ابتسمت بفرحه وهي تحتضن عبير/ماشاءالله عساه مبروك يا حبيبتي..

عبير تقبل راسها/الله يبارك فيك..

مليحه تستاذن برقه/عن اذنكم والله يحييكم للمره الف..

خزنه تهتف بود/يبارك فيك ويتمم افراحك يا ام عساف..

بجهه اخرى مزنه تخفت للعنود بتسال/جمانه من عندها فوق والله مافضيت اطلع لها؟..

العنود هتفت بحنيه/عندها بثينه واختها جواهر عسى الله يكبر حظهم..

مزنه ببتسامه رقيقه/والله اني متشوقه على شوفة جمانه عروس عسى الله يتمم لها..

العنود تلمع عينيها بحنان/والله انها عندي اليله كانها عروس صدق..

مزنه بحنيه صادقه/وهي عروس جمانه ماخذت حقها بالحياة مطارده من كل مكان تستاهل والله نسوي لها عرس..

العنود بامتنان/الله يفرحك بجميله واخوها..
——————————————————————
يوم مختلف وليلة جميله..
يضوي الفرح بعالي سماها..

نور القمر كما نور خدها سواد اليل كما سواد شعرها
جمالها تسطر بها الاقلام وينقال عنها مالم قد قال..

جمانه تجلس بفستان الابيض بالغ بالاناقة والفخامه وهي متانقة غاية التانق مثيره مذهله بطرحه الطويله

كانت فتنه مجسده فتنه اسطوريه بكل تفاصيلها شعرها الاسود نازل على كتفيها العاريه ويفي مدرج

الميكب ليسا صارخ ولكنه ابرز دقة ملامحها وخلقة الله بها من جمال وكمال ووصف يعجز على السان..

بثينه تنظر بها بمشاعر مختلطه بالحزن والفرح كم تمنت تحظر زفاف جمانه والامنيه تحققت..

لكنها ليست مرتاحه لعودتها لعزام فهو حقاً اشعر الجميع بالخطر عليها من بعد اختطافئها؟..

جمانه ملاحظه نظراتها لذالك سالت باهتمام/وش فيك بثينه احسك مو على طبيعتك لا تكونين تعبانه؟..

بثينه هتفت باختناق اقرب للقلق/افكر فيك جمانه عسى هاذي اليلة بداية السعادة ويعوضك الله عن السنين اللي راحت..

جمانه تنظر بها بحنو/لا تنقلين همي انا مارجعت لعزام لين درست الموضوع صح..

بثينه تنهدت بمراره/اتمنى دراستك تكون ناجحه؟..

جمانه تبتسم بحسره/نص عمري راح بدون نجاح وش يضر لو جربت هاذي المره؟..

بثينه دمعت عينيها حقاً/لا تقولين كذا وربي قلبي يعورني اتمنى اعيش انا وانتي باقي سنينا براحة بال..

جمانه تنهدت ثم زفرت بمرح تخفي مواجعها/ترا مو وقت دموعك عاد شوفي جواهر وين راحت؟..

بثينه توقف امام التكييف كي تنشف دموعها/مادري قالت بروح الحمام واختفت؟..

جمانه بامتنان ودي/الله لا يرحمني منك ومنها والله وجودكم اكبر نعمه بحياتي..

بثينه تضحك برقه/اقول بروح اشوف اختي ليكون انخطفت ترانا بعرس عائله عيالهم حراميه..

جمانه انفجرت ضاحكة/لا تسمعك مليحه تطردك من القاعة..

بثينه توقف امام باب الحمام طرقت بخفه/جواهر علامك تاخرتي؟..

جواهر تفتح الباب وجها كله احمر/هلا بثينه..

بثينه انقبض قلبها/شفي وجهك؟..

جواهر تستند عليها/مادري كنت استفرغ احس كبدي تقطعت..

بثينه تجلسها على الاريكه بحنو/بسم الله عليك لايكون تسمم؟..

جواهر تسحب نفس عميق/الدورة تاخرت لها سبوع وماكنت افضى احلل حمل بس الحين تاكدت..

بثينه تقبل خدها بفرحه باسمه/الف مبروك جوجو واخيراً فكرتي تجيبين اخو لزيود؟..

جواهر تحرص عليها بحزم خافت/يا ويلك تفتحين فمك خلي لين اتاكد وبلغ حامد بطريقتي..

بثينه تضحك بعذوبه/اموت على الرومانسيه يا ناس..

دخلت مزنه عليهما باسمه بموده/هاه بشرو عسى عروستنا جاهزه؟..

بثينه تنظر بها بتقدير/اي داخل تنتظر بس الاوامر لزفة..

مزنه تتجه لغرفة جمانه بحماس/الاوامر وصلت يلا نجهزها..
————————————————————-

مليحه ومزنه والعنود واقفات على منصة الرقص قريب من الكوشه باستقبال عزام ومن معه..

الاضائه على الضيوف كانت خافته جداً احترام للحظور والممر من الباب حتى المنصه يضئ بالنور الساطع..

عزام يدخل على صوت مسيقه هادئه بالبشت الاسود قمه بالرجولة والتالق مثقل بالوسامة والجاذبيه..

من يمينه فهد متردي بشت بني بهيبه متدفقه ومن يساره منصور بثوب للابيض والغتره له حضور بالغ..

مليحه تيبب بحساس ام اسطوري ابلغها الله زفة ابنها من بعد مافقدت به لحياة سبعت اشهر بغيبوبة؟…

تيبب وعينيها تلمعان فرح/كلووووووش الف الصلاة والسلام عليك يا نبينا الله محمد..

العنود ومزنه بصوت واحد/كلوووووووش..

عزام من اقترب قبل راسها بود باسم/مانحرم من طلتك ومن وجودك يا بعد راسي..

ومن ثم فهد يتقدم هتف بحزم/بالمبارك بالمبارك يا ام عساف وام سند..

منصور يقبل راس مليحه/الف مبروك يا عمه عسى الله يتمم افراحكم..

ومن ثم قبل راس العنود الذي مرتديه عباتها ونقابها من وجود فهد/مبروك يا العنود عسى افراحك دايمه..

عزام قبل راس العنود باحترام/مبروك علي وعليكم يا عمه..

العنود هتفت بموده/عسى الله يبارك لكم ويهنيكم..

مزنه تقبل راس والدها ومن ثم عزام وهي تخفت باسمه/الف مبروك واخيراً جا اليوم المنتظر..

عزام ابتسم بصمت و مليحه تاشر على الكوشه/تعال يامك اجلس بنزف عروستك..

عزام جلس على الكوشه من يمينه يقف فهد و مليحه ومن يساره يقف منصور ومزنه والعنود..

هدأت الاضائه وانفتح باب العروس تحت انظار الجميع وكل الحظور البعض ينتظر طلتها بفضول..

والابعض يتنظر بحب و اخلاص ويتمنى لها حياة سعيده والبعض بغيرة وحقد ويتمني لها حياة تعيسه..

جمانه تخرج لهما بخطوات هادئه واثقه ضيها كضي القمر بوسط لنجم موجعه لقلب عاشق قد سهر..

اشتغلت كلمات الزفه الخاصه بها ثم بدات تخطي للامام بثقه وشموخ على غنية راشد الماجد..

اليله ليلة عيد واغلا الاماني..
وروح في قمة فرحها وهناها..
الدنيا تمطر من فرحها تهاني..
وروح في قمة فرحها وهناها..
ضاع الكلام ومالقينا معاني..
في وسط اللي سحرنا حلاها..
خلت قمر هاليل حاير يعاني..
يوم اقبلت زاه القمر من ضياها..
اليله ليلة عيد واغلا الاماني..
وروح في قمة فرحها وهناها..

عزام كان يلتهما بعينيه التهاما لم يستطع يرمش حتى لا تفوته لمحه منها شعرته بالاثارة بالفستان الابيض..

وثقتها بنفسها وكانها تنزف عروس بالفعل وليست تحمل بين احشائها طفلا مغريه مغريه بكل تفاصيلها

مزنه تستقبلها منذا وصلت لهما مدت يدها لها بالمسانده حتى اقتربت وقف عزام لها بعجاب واضح

مال وقبل جبينها برفق خفت لها باسم/والله احس اني عريس صدق؟..

جمانه لم ترد عليه وهي توقف جواره قريب من الكوشه وفهد يبارك لها بود و دعاء لهما بالتوفيق..

ومن ثم منصور قبل جبينها وبارك لها بحنو خالص وخرج مع فهد متجهين لقسم الرجال..

العنود ترفع نقابها وهي تبتسم بفرحه/مبروك عسى الله يهنيكم ويصلح حالكم..

مليحه هتفت بمودة عميقه/بناخذ صور معكم وبعده توكلون على الله فالكم السعادة..

عزام جلس من بعد ما امسك يد جمانه كي تجلس معه ومزنه تدعي المصوره كي تلتقط لهما كم صوره..

عزام يهمس لجمانه بتلاعب/يا ويلك كانك حاشره ولدي الحين وكاتمه انفاسه بفستانك..

جمانه تبتسم بذات الهمس/هذا اللي هامك ولدك لا وزيدك من الشعر بيت لبست كعب بعد انتحر..

عزام بزفرة خافته منفعله/تبين تجلطيني حرام عليك ماحد نافعك ولدنا اهم من الجميع..

جمانه همست بخبث/الناس الحين تشوفنا نتهامس تحسبنا نتغزل بعض ماتدري انك توصي على ولدك..

عزام ابتسم كذالك وعينيه تبحر بجمالها/ما يدرون انا متعدين مرحلة الزفه من زمان وهذا ثاني حمل لك..

مثل ماتوقعت جمانه رشا تهمس لوالدتها بغيرة/شوفي يومه شاقه الكشره تلقينه يتغزل فيها..

انتصار بهمس هادئ/يامك انتي وش عليك فيهم ان شاءالله يشيلها عسى الله يهني سعيد بسعيده..

رشا بذات الغيرة/خلصت من عساف ولعته فيها حولت على اخوه هاذي شيطان على هيئة انسان..

بزاوية اخرى فضيلة تهمس لعبير بحسره/ليت الله هداك ذاك الوقت وسمعتي كلامي وش لك بالطلاق من واحد مثله كامل والكامل وجه الله..

عبير تبلع غصتها/يومه تبين اعيش تحت رحمة واحد مايفكر فيني شوفي كيف مبتسم وفرحان فيها وكل شوي يهمس باذنها؟..

فضيلة تنهد بذات الحسره/لو رضيتي فيه كان يبي يسوي لك عرس وانتي مكانها بس عاد وش نقدر نسوي اللي فات مات..

بزواية اخرى جواهر تنحر بثينه بخفوت/بدل ذا البكى كله وكانه ميت لك احد ادعي لها بالتوفيق؟..

بثينه من بين شهقاتها/شوفي تبتسم قدام الناس والله اني ادري انها تجامل ولا قلبها موجوع يا جواهر موجوع..

جواهر تهديها بحنو/ والله انه واضح يحبها شوفي اكلها بعيونه لكن انتي الله يهديك تفكيرك كله غلط..
—————————————————————
تحياتي(شغف)..

وانتي بخيير وصحه وسلامه ياجميله
بانتظارك بكل حب وحماس ❤‍🔥❤‍🔥❤‍🔥