يالله ليشششششش وقفتتتييي💔💔💔💔💔

حبيبتي شغف كيفش ..
حرفيا حرفياااا سجلت في المنتدا عشان اعلق بالروايه بلييييييييز بسررررعه حراااااام من متى منتضرين
واستمريييي ابداااااااع ولا غلطه الروايه
😁🙊🙈 العيوب البارت واااااجد قصير … طبعا من حماسي واندماجي يخلص بسرعه البارت 🤓

و كل عام وانتي بخير وعافيه وعساش من العايدين والفايزين باذن الله

مساءالخير عليكم..والله بنات انا على الوعد معكم لكن المنتدى علق البارح عندي..💔


روايه بين الماضي والحاظر..

للكاتبة (شغف)

-/البارت السابع و الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

جمانه صرخت بالم فجر كيانه/لا تدفعني يا عزام تعورني وانا حامل..

حــــــــــــــــامل!!..

هل قالت حــــــــــــــــــامل!!..

عزام تصلب وهو ينظر بها بذهول/انتي وش تقولين؟؟..

جمانه عادت للمره الثانيه وقفت امامه وهي تمد يديها يسار ويمينا على حافة الباب كي لا يكسره..

خفتت من بين انفاسها المتسارعة بالخوف/والله اني حامل طلبتك اعف عن سند هذا خال ولدك..

عزام عجز ان يستوعب مازال ينظر بها بذات الذهول ويبلع ريقه محاولة يرطب حنجرته الذي جفت تماماً…

جمانه تعلم بانه غير مقتنع بكلامها لذالك اقسمت له بخفوت وهي تضع كفها على بطنها..

من غير لا تشعر/قسم بالله اني حامل لا تنسى بتركيا(صمتت بخجل)..

عزام فهم ماذا تقصد وعينيه ترتكز على بطنها ثواني ثم عاد ينظر عينيها الناعسه الذي تنظر له بنظرات خليطه

من الرجاء والحزن ونظرات غريبه مالم راها تنظر مثلها من قبل شد له نفسا عميقا ثم زفر باعمق..

واستدار كي يخرج منذا وصل الدرج كانا منصور بوجهه هتف بتوجس مرعب/وش سويت؟؟..

عزام لم يرد عليه نزل الدرج بسرعه وحرج من البيت لا يعلم كيف جمانه امتصت غضبه بطريقتها الذكيه؟..
————————————————————
انتصار تشعر بتوتر وهما عميقا لايخلو من الرعب الحقيقي كيف تبلغ رشا بان عساف مصاب؟..

فهي من اخبرتها مزنه خافت عليه بشده فهو يعتبر ابنها وليسا زوج ابنتها فقط رجل شهم كريم حنون..

يقدرها ويحترمها ويصون العشرة حتى انه احترم طلبها بان يبتعد عن رشا فتره محدوده..

منذا سبوعين كانا يمر يسلم عليها وعلى فهود
ولم يضايقها بتسال عن رشا وعن زعلها الذي طال؟

لانه يعلم بان والدتها عجزت من عنادها وتحجر راسها لم يخفيه نظرات الحرج بعينيها حينما تراه..

رشا تهتف باسمه/يومه شرايك نطلع مول نتمشى ونلاعب فهودي؟..

انتصار زفرت بارتباك/رشا بقول لك شي بس والله مادري عن ردة فعلك الله يستر منها؟..

رشا شعرت قلبها وقع بوسط بطنها وتفكيرها يبعدها لا بعيد/يومه وش صاير!؟..

انتصار بحذر/ عساف..

رشا وقفت بمقاطعه مرعبه/خطب يبي يتزوج علي؟..

انتصار اتسعت عينيها باندهاش/انتي وش تقولين من جاب طاري الزواج و الخطبه الحين؟..

رسا تعود جالسه زفرت بذات الرعب/انتي قلتي للي اول انه راح يتزوج علي..

انتصار هتفت بحزم/الرجال بالمستشفى مصاب وانتي هذا تفكيرك..

رشا فتحت فمها بفهاوه/وشو من المصاب؟..

انتصار بذات الحزم/مزنه كلمتني تقول عساف انطعن عند البيت بس الله ستر عليه جته اصابه خفيفه..

عــــــــــساف انطـــــــــــــعن!!..

رشا ارتعشت وهي تهز راسها بنفي وعينيها تمتلئ بالدموع/لالا تكفين يومه لا تقولين عساف لا تكفين..

انتصار اقتربت لها حضنتها بحنو لايخلو من الرعب عليها/والله انه طيب وتقول انه شوي يبي يطلع من المستشفى..

رشا ضعت راسها على صدر والدتها بكت بخفوت هي تعلم من قبل بان قلبها يحب عساف حب عميقا..

لكنها لا تعلم بانه يخاف عليه بهذا الشكل جسدها كله خدر شعرت بدوخه شديده ومن ثم فقدت وعيها..

انتصار انتفضت بذات الرعب/يومه بسم الله عليك رشا رشا..

صرخت بندا/يا ميري جيبي مويا بسرعه..

انتصار عادت تضرب خدها بخفه نادت عليها من بين دموعها/رشا حبيبتي قومي لا توقفين قلبي عليك..

اتت الخادمه تحمل كاس مويا ساعدت انتصار على تفيق رشا الذي منذ عادت للواقع انفجرت باكيه..

انتصار تحضنها بحنو رقيق/لا تبكين والله انه بخير شوي اروح انا وانتي له تطمنين عليه بنفسك..

رشا ابعدت عن حضنها وهي ترد من بين شهقاتها المتقطعة/ايه تكفين يومه ابي اشوفه..

انتصار تقبل عينيها بحنان/ابشري بس مزنه تقول عندهم رجال لين يسرون ونروح له..
—————————————————————-
عساف يعود البيت بخطوات هادئه وعينيه تنتظر عيني مليحه الذي متفجره بالحمار من شدت بكاها ورعبها..

ومن رات يده ملفوفه بشاش ومعلقه بعنقه انفجرت مجدداً بالبكا حتى انها عاجزه توقف كي تسلم عليه..

عساف انحنى وقبل راسها بحنو خالص/يومه الله يخليك للي ليش تبكين هذا انا قدامك بخير وعافيه..

مليحه تنظر ملامحه من قرب برحمه/الحمدلله على سلامتك جعلها بعدوك ولا فيك..

مزنه تقترب وتقبل راس عساف بتقدير/الحمدلله على سلامتك يا الغالي..

عساف هتف باسم/الله يسلمك يا المخبوله كلن يسمع صياحك من شفتي الدم؟..

مزنه تبتسم من بين دموعها/من حر مافي لا تلومني لا وزيدك من الشعر بيت دقيت على عمتك وعلمتها..

عساف قطب بشده/ليش مزنه تسوين كذا؟..

مزنه هتفت بحرج/امي اللي قالت ماهو انا..

عساف ناظر والدته زفر بعتاب/ليش يومه ماله داعي تعلمونها؟..

مليحه بحزم هادي وهي تمسح دموعها/تدري منا ولا تدري من الناس وتخترع عليك طمنها انك بخير..

عساف يجلس جوارها على الاريكه/الله يهداك بس..

فهد يقترب لهما بتسال حازم/عزام وينه ماجاكم؟..

مزنه تنهد بضيق/لا والله من طلع من بيت العنود ما شفناه..

فهد بذات الحزم/الله سلم رقبة ولد رواف ولا هو والله ناوي على قطعها لو ننصحه مايفهم عنيد ومتهور..

مليحه زفرت بغيظ/ليته دق راسه وعلمه ان التعدي على الناس ماهو من صالحه لو ماجت سليمه كان مات ولدي عند باب بيتنا..

عساف بخفوت صارم/منصور على وصول يومه رجا لا تكلمين قدامه بشي تراه رجال مقدرنا لازم نقدره..

مليحه خفتت بوجع/من حر مافيني كل اللي يصير فينا من تحت رواف وعياله..

مانتهت من جملتها الا انفتح الباب ودخل منصور واضح على ملامحه الحرج اقترب و سلم على عساف

هتف بذات الحرج/الحمدلله على السلامه يابو فهد خطاك السو..

عساف هتف بمودة/الله يسلمك يا بو جميله خطاك الاش..

منصور بحزم شديد/اسمع يا عساف لا تنازل عن سند عشاني تبي تسجنه حقك عشان يتادب ويعرف ان اروح الناس ماهي لعبه عنده..

عساف بحزم مشابه/والله لو جت السكين بصدري ماهو بس بكتفي وانت خاله لا عفي عنه افا عليك بس..

منصور اقترب اكثر كي يقبل راسه بامتنان لكن عساف وقفه بحلف/والله ماتسويها والله..

منصور برجا/طالبك والله انك تستاهلها..

عساف قبل انفه/يا رجال حنا خوان ومابين الاخوان حب روس..

فهد ببتسامه ودوده/ابشرو بالعشا بكرا بالمزرعه عند نياق منصور سلامة عساف..

منصور جلس ببتسامه/ابد مزرعتي تحت امرك..

مزنه تبتسم بسعاده/وحنا طيب يا قوم النساء يشملنا العشا؟..

فهد بحنو باسم/اكيد باذن الله..
—————————————————————
عزام منذا خرج من بيت رواف اتجه شقته يريد يختلي بنفسه بعيد عن تشتت العالم كي يستوعب ماحدث!!.

تكون جمانه بالفعل حامل يا اجمل خبر هز مشاعره بالفرح تجدد الامل بعودتها لروحه المشتاقه..

فهو من سبوعين كانا يوقف امام المحكمه يريد يطبع ورقة طلاقها لكنه لم يستطع لم يستطع..

يشعر بانه يطبع ورقة شهادة وفاته وربما يكون اخر يوم بحياته لذالك يعود مع طريقه بالم وانكسار..

كانا محتار ماذا يفعل وهو سبق و وعدها بان ينفذ طلبها ومحرج ان يتصل بها ويحاول يقنعها بالعوده..

لكن اليوم الذي يعيشه فرحاً جعله يحلق في السماء كطائر يغرد سعيداً بقدوم ضو الصباح..

رفع هاتفه وطبع لها رساله: جمانه ضروري اكلمك..

اتاه ردها غير متوقع: طيب..

عزام اتصل بها وهي ردت برقه/هلا..

عزام بهدو عميق/شلونك؟..

جمانه بذات الرقه/زينه وانت؟..

عزام يسترخي على الاريكه خفت بنبرة ساكنه/تو صرت بخير من سمعت صوتك واخيراً جمانه كنت فاقد الامل فيك؟..

جمانه باستنكار/وش تغير طيب؟..

عزام خفت بثقه وهو مازال مسترخي/الولد اللي بطنك نسيتيه؟..

جمانه بثقه اعمق/لا طبعاً مانسيته لكن ماحنا اول ولا اخر ثنين ينفصلون ومعهم اطفال؟..

عزام بحزم هادئ/ولدي ما يتربى الا بحضني وقدام عيني..

جمانه زفرت بتعجب/والله انت انسان غريب حكمت عليه قبل يجي على الدنيا؟..

عزام بتقصد باسم/وحكمت على امه قبله..

جمانه تنهد بصوت مسموع ثم زفرت بتوجس/قلت تبي تكلمني ضروري؟؟..

عزام خفت بعتاب/ليش ماقلتي للي انك حامل؟..

جمانه بثبات صادق/ما حللت الا امس ما مداني اقول اصلاً..

عزام بنبرة خبث/ماتوقعت انتاج تركيا سريع كذا؟..

جمانه اختنقت بخجل/الحين داق علي تقول هالكلمه؟..

عزام ضحك برجولة/برجع اخطبك توافقين تزوجيني؟..

جمانه ابتسمت رغماً عنها/لا مو موافقه عليك..

عزام شعر بدغدغة من نبرتها الباسمه/ماهو بكيفك بتوافقين غصب عليك..

جمانه زفرت بعصبيه/وين راح الوعد والحين داق تعلن الحرب من جديد؟..

عزام هتف بتلاعب/الوعد كان مابينا ورع صغير قمر مثل امه..

جمانه ارتخت اعصابها/عزام ليش مانت مستوعب حنا ما نصلح لبعض والله..

عزام يان من صميم قلبه/اه يا جمانه والله ان اكثر ثنين على الدنيا مناسبين لبعض واكبر دليل حبنا..

جمانه باستنكار شديد/حبنا؟..

عزام زفر بثقه/ايه انا معترف بحبي لك لكن انتي تحاولين تخفينه وهو واضح ولا ليش من سبوعين ما طلبتي الطلاق؟؟..

جمانه زفرت بتهرب/انتظرك تنفذ؟..

عزام هتف بثبات/تنتظريني ولا خايفه اني انفذ؟..

جمانه صمتت ليسا عندها رد على كلامه الصحيح فهي حقاً سبوعين عايشه برعب بان يوصلها طلاقه؟..

عزام بحزم هادئ/اليوم طلبتيني اعفي عن اخوك اللي طعن اخوي و عفيت عنه عشانك والان اطلبك تعطيني فرصه ثانيه ووعدك راح اتغير؟..

جمانه صمتت ثواني ثم خفتت بتردد/تفاهم بالجوال ما ينفع..

عزام وقف بتهور اقرب للفرح/الحين اجيك..

جمانه زفرت بحزم رقيق/لا عزام انتبه تجي بذا اليل..

عزام عاد جالس بحيره/طيب متى اجي ونتفاهم وطلبي اللي تبين؟..

جمانه تنهى الاتصال بطلبها الغريب/بكرا بعد المغرب تعال انت وابوك بيت ابوي والحين مع السلامه..
—————————————————————-
منذا غادر منصور ومزنه بيتهما وفهد صعد جناحه اتت انتصار برفقتها رشا استقبلتهما مليحه بتقدير..

انتصار خفتت باهتمام/شلون عساف طمنينا عن صحته؟..

مليحه حملت فهود بين يديها ردت بوجع/والله انه تعبان بس الحمدلله انها جت سليمه..

انتصار تنهدت بذات الوجع/والله مايستاهل ابو فهد عساه مايشوف الشر..

مليحه تنظر رشا الذي واقفه بصمت هتفت بحنو/رشا اصعدي لعساف سلمي عليه وبعده نلحقك انا وامك..

رشا هتفت بهدو/عطيني فهود عنك..

مليحه تقبل خد فهود باسمه/انا اجيبه معي روحي انتي..

رشا رقت الدرج تحت انظار انتصار و مليحه الحانيه لها راحمات حالها وصغر سنها ورعبها الواضح..

مليحه تخفت لانتصار بضيقه/كان زعلهم طال لازم نصلح بينهم..

انتصار بثقه باسمه/ما يحتاج لانهم خلاص تصالحو..

مليحه ابتسمت بتفهم/الحمدلله عسى ربي يصلح حالهم..
—————————————————————
تحياتي(شغف)..

بنات البارتات مو قصيرة على كل بعد يومين لو حاولت اطول البارت ممكن اتاخر يوم زياده وانا انسانه ماحب الانتظار و مابيكم تنتظرون اكثر❤🌹