👏🏼👏🏼👏🏼👏🏼👏🏼شكراً على احلى بارتين

تسلم الانامل ررررررررررروعة البارتين ونتظر القادم

روايه بين الماضي والحاظر..

للكاتبة (شغف)

-/البارت السادس و الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

مرور سبوعين…

جمانه في كل يوم تنتظر توصلها ورقة الطلاق لكن عزام مابعد نفذ وهي لاتعلم لماذ لم تعود وتطالبه؟..

حتى انها رفعت دوامها اجازة من غير راتب لمدة شهرين تريد الراحه عقلها وفكرها ومصيرها مشتت..

مازالت لم ترا سند منذا وصلت من السفر سالت والدتها عنه لتخبرها بانه يسكن بشقة رواف و زكيه..

طلبت من العنود بان تتصل به تريد ان تراه وتحقق معه كيف فعل هكذا لكن سند لم يستجب لهما..

كان مرعوب وكل تفكيره بان جمانه تريد معاقبته وهي مابعد غابت صورتها المحزنه عن باله وقت الخطف..

كان يهدد ويتوعد بينه وبين نفسه بان ينتقم من عزام في كل ليله ياتي لشارع يراقب بيتهما ينتظر عودته..

لكنه عزام يتاخر بسهر برا البيت ولم يعود الا على اذان الفجر وسند قد رحل قبل يراه احد من اهله…

لذالك قرر سند ان ياتي اليوم قبل العصر والناس قيله من اجل ينفذ تخطيط عقله المراهق بتهور؟..

كان جالس مابين سيارة عزام ومابين الاشجار المصفوفة امام بوابة فلة الفاهد متخبي كاملاً..

وبيده يحمل سكين حاده من راءه يخرج من البيت
توتر حقاً لكنه كان مصر على فعلته لحق به من الخلف

وهو يراء عرض كتافه بثوب الابيض والشماغ ناسفها بترتيب ادخل يده بمخباه كي يظهر مفتاح السياره..

كان على وشك يستدير للخلف بسبب مصدر صوت خطواته سند القريبه لكنه غرز السكين بكتفه بتسرع..

سند رجع للخلف بصدمه مرعبه من بانت له ملامح عســـــاف وليسا عزام كان ينظر فيه بحده صادمه!!..

سند شرد لبيتهما برعب عساف شعر بدوران من راء الارض امتلئت بدما وسكين مازالت مغروزة بكتفه..

بهذا الوقت وقفت سيارة منصور امامه ونزلت مزنه وهي تهتف باسمه/مساءالخير ابو فهود..

عساف شد كتفه وصد عنها لا يريدها ترا السكين/نادي منصور سرعه..

مزنه صرخت بصوت عال من رات الارض دم/ياربي ياربي سترك منصور الحق عساف الحقه..

منصور نزل من السياره برعب/شفيكم وش صاير؟؟..

مزنه تبكي وترتعش وتصارخ/عساف دم الحق عليه..

منصور اقترب لعساف وعينيه تتسع بصدمه من راء السكين زفر بغضب/من سوى فيك كذا من؟..

عساف بامر حازم/خل عيالك ومزنه يدخلون وانت تعال ودني المستشفى..

منصور سحب السكين بقوه لينتثر دما عساف ثم سنده عليه وهو يصرخ بحزم/مزنه داخل سرعه انا بوديه المستشفى..

مزنه دخلت البيت باستعجال وهي تصارخ ومازالت تبكي/يوبه عزام الحقو عساف..

مليحه كانت بصاله جالسه تجهز قهوة فهد قبل يخرج الشركه وقفت برعب و لسانها ثقل عن السوال؟..

وفهد ينزل الدرج بخطوات سريعه/علامك تصارخين..

مزنه من بين شهقاتها/عساف مطعون عند البيت..

فهد اتجه الباب راكض و مليحه اغمى عليها مزنه تجلس جوارها بصارخ مناديه للخدم يسعفونها..
———————————————————-
جمانه بهذا الوقت جالسه بصاله تهاتف بثينه/وش عندك بتسيرين على غدير ام لسان؟..

بثينه ابتسمت بعذوبه/ياربي للحين حاقده عليها وعلى لسانها؟؟..

جمانه بزفرة/خلينا منها وقولي للي انتي عداك زعلانه من امي؟؟..

بثينه بنبرة زعل حقيقي/اي والله كيف تخبي عني انك مخطوفه وتقول مسافره برضاها؟..

جمانه ابتسمت بعذوبه/رحمتك ماتبي تطير عقلك وانتي خلقه مامن عقل..

بثينه تبتسم كذالك/والله اني كنت حاسه ونوح ماحد مصدقني يقولون متاثره من الفلام؟..

جمانه اتسعت ابتسامتها/اي قالت للي جواهر انك شيبتي براس كايد حتى انه هج من بيته بسبتي؟..

بثينه زفرت من بين اسنانها/هين يا جواهر نشرت غسيلي قدام كل من هب ودب؟..

جمانه اتسعت عينيها/من هب ودب انا يا سوسه؟؟..

بثينه تغير الموضع بضحك/اقول علميني الحرامي مابعد نفذ الحكم؟..

جمانه تنهدت بضيق عميق/بسراحه بثينه مو مرتاحه من عزام واعدني يطلق ولنا سبوعين من رجنا من تركيا ولا له طاري؟..

بثينه بقهر مكتوم/ارفعي عليه شكوى بالمحكمه واحد مجنون مثله ينخاف منه..

جمانه على وشك الرد لولا بانه قطع كلامها دخول سند المفاجئ يرجف ويبكي بنحيب..

منادي بصوت عال/يومه الحقيني يومه تكفين الحقيني ذبحته ذبحته والله مات..

العنود تخرج من المطبخ مخترعه/انت وش تقول من ذبحت..

سند يرجف بخوف/ذبحت عساف ذبحته والله كنت ابي اذبح عزام والله يومه..

جمانه وقفت بصدمه كاسحة/ذبحت عساف انت صاحي؟..

سند مازال يرجف وهو يرتمي امام قدميها/تكفين انا بوجهك تحميني جمانه كنت باخذ حقك من عزام النذل والله ماكنت اقصد عساف..

العنود انفجرت باكيه بشده/ياربي انت جنيت تذبح الرجال يا مهبول هاذي فيها قصاص..

جمانه تعود جالسه ليست مستوعبه كلامه ما هاذي المصيبه الذي وقعت على راسها لتفجر دماغها؟..

رواف وسند لم يرتاحون حتى ينهون حياتها سوفا تموت قاصرة عمر من افعالهم القاتـــــــــله!!..
——————————————————-
بعد صلاة العصر..

غدير تضع القهوه على الطاولة وهي ترحب بنبرة مقصوده/حي الله القاطعات زين تذكرتن ان عندكن اخو؟..

جواهر من ردت عليها بذات التقصد/اخونا ما عمرنا قطعناه هو مايقول لك انه يمر يسلما علينا بيت خالتي؟..

غدير تمد لها فنجال القهوه/الا يقول امر اسلم على خالتي والقى جواهر اما بثينه من زمان عنها؟..

بثينه بود عميق/صادق يا قلبي هو كنت مسافره ومر علي قبل يومين وسلمت عليه بس عاد زيارتي هاذي لك و لعيالك..

غدير ببتسامه/الله يحيك زين ما نسيتينا..

بثينه تستدير وتظهر اكياس الهدايا وتمده لها بذات الود العميق/هاذي الهديه لك وهاذي لفادي وافي..

غدير تشققت بالفرحة/يمال العافيه ليش تكلفين على نفسك زيارتك تكفينا..

بثينه تكتم ضحكها/لا كلافه ولا شي حقك اكثر يا ام وافي..

غدير تحمل الكياس متجهه لغرفه/الله يجود عليك..

جواهر مالت وخفتت لبثينة بطنازه/ياربي مامر علي بشر بوجهين مثلها تسب وتنقد ومسرع ما ترحب وتشكر..

بثينه تضحك بخفوت/مسكينه كلمه توديها وكلمه تجيبها خليها اهم شي انها مسعده مخلد..

جواهر تهز بوزها يمينا ويسارا/المسكينه انا وانتي هي كاسبه قلب مخلد بحيله ماهو حنا بس نتناقر مع ازواجنا..

بثينه ترفرف بهدابها/تكلمي عن نفسك لو سمحتي انا ماعرف المناقر مع زوجي..

جواهر عطتها نظره قاصده/اكثر ثنين يتناقرون بالحياة انتي وكايد اصلاً..

دخل مخلد وهو يرحب ببتسامه صادقه/حي الله من جانا انورت وسفرت..

جواهر توقف ببتسامه وتقدير/واستهلت وامطرت بوجودك يا ابو وافي..

مخلد يسلم عليها ومن ثم على بثينه/شلونكم عساكم بخير طمنوني عنكم؟؟..

بثينه بتقدير اعمق/طيبين طاب حالك انت شلونك؟..

مخلد يجلس بهدؤ/بخير يمال الخير خالتي ليش ماهي معكم؟..

جواهر تجلس وهي تهتف برحمه/والله انها تتعب ماهي مثل اول حتى السياره تضايق ماتبي تركبها..

مخلد تنهد بعمق/لاحول ولاقوة الا بالله عزالله اني ملاحظ من توفى ابو حامد وهي تعبانه..

اتت غدير ببتسامه/مخلد جيت؟..

مخلد ابتسم بمرح/لا باقي بطريق..

غدير تضحك بدلع/بس مكانك بالقلب محفور..

مخلد ياخذ منها الفنجال الذي مدته له بذات الابتسامه/سلمتي وسلم قلبك..

جواهر تهمس لبثينة بخبث/ تعلمي الرومانسيه..

بثينه طنشتها وهي تنهض وتمد لمخلد كيس هديه هتفت بود/هاذي هديتك يا بو وافي وساحمني على القصور..

مخلد اخذها وهى ينظر بها بحنيه/مايجي منك قصور يا بثينه وعقبال نهدي لك لا ولدتي بالسلامه..

غدير بصدمه/ليش بثينه حامل؟..

بثينه تنظر بها وهي تعود جالسه بهدؤ/مالي الا شهر ادعي بثباته..

غدير ببتسامه مغصوبه/مبروك الله يثبته ان شاءالله ويقر عينك فيه..

مخلد بتقصد لطيف/والله ماتوقعت كايد يحب الاطفال كذا امس طلعنا ناخذ اغراض للاستراحه شاف ولد صغير ياربي عجزت اسحبه شوي ويلحق الورع..

جواهر تضحك بذات الطف/ لا من زمان يحب الاطفال اصلا زيود لا سمع ان كايد موجود يفرح فيه..

مخلد ينظر في بثينه السارحة بفكارها/الله يرزقه بالولد الصالح الفالح..
—————————————————————-
بالمستشفى..

من انتهى الدكتور من خياطة جرح عساف اعطاه ابرة حديد بالمغذي بسبب فقدانه لدمه الغزير..

فهد واقف جوار السرير زفر بتسال حازم/من سوى فيك كذا هاذي عاشر مره وانا اسالك ولا تجاوبني؟؟..

عساف ينظر والده بارهاق/وش لك بالجواب وانا قدامك طيب؟..

منصور زفر بانفعال/هذا الموضوع ما ينسكت عنه بس علمنا قبل يجي المحقق..

عساف زفر بصدمه/اي محقق انت وش قاعد تقول؟..

فهد بصرامه بالغه/انا اللي رفعت شكوى والان يجي المحقق وتقول من الفاعل اترك عنك التستر؟..

منصور بغضب شديد/اللي سواها وبعز النهار وقدام البيت ماهو خايف ولا حاسب لنا حساب لازم نوقفه عند حده..

عساف كان بوده يقول عشانك انت بذات يا منصور انا ساكت ومتستر ولا ولد رواف يستاهل من يدوس عليه.

هو متاكد بان سند ناوي على عزام يحمد الله بانها اتت بكتفه هو عزام اتاه من مصايب وتعب الدنيا ما يكفيه..

دخل الضباط من بعد ما طرق الباب/السلام عليكم ورحمة الله..

الجميع/عليكم السلام ورحمة الله..

الضابط يقترب لعساف/اول شي الحمدلله على السلامه لاباس ان شاءالله..

عساف هتف بثبات/الله يسلمك..

الضابط بتحقيق/تذكر اللي صار؟..

عساف بثقه/طبعاً اتذكر..

الضابط مازال يحقق/طيب ممكن تحدثنا بتفصيل..

عساف بذات الثقه/كنت طالع من البيت متجه للمكتب ما حسيت الا بسكين تغرز بكتفي لفيت بشوف من الفعال ماحصلت احد اختفى..

الضابط بتشكيك/كيف يعني اختفى ماسرع؟..

عساف بحزم هادئ/مادري علمي علمك..

فهد بنبرة حديديه/لا ماهو صحيح كلامه هو يغطي عن احد اعترف يا عساف؟..

عساف ناظر والده بنظرت عتاب/تكذبني عند الرجال افا يابو عساف؟..

فهد بحزم لايخلو من حرج/يابوك انا ماكذبك بس من خوفي عليك احس انك متستر على احد؟..

عساف ينهى النقاش/اللي عندي قلته تبون اظلم خلق الله انا؟..

الضابط ينبه ويحذر/ترا انت كذا تظر نفسك واللي حولك من فعلها اول مره ممكن يفعلها ثاني مره؟..

عساف بحزم متماسك/انا دارس قانون وعارف كل شي بس قلت لك ماشفته ولا حتى لمحته..

الضابط بهدو/على العموم المحظر بيكون مفتوح لو تذكرت شي كلمنا..

عساف بذات التماسك/ان شاءالله..

الضابط اتجه الباب/ ماتشوفون شر..

بهذا الوقت درعم عزام بنار وشرار وجزع ورعب/عساف وينه وينه؟؟..

عساف نداه بحنو/موجود عزام انا بخير..

عزام اقترب جلس جواره على السرير سحبه بعنف وحضنه بقوه يريد يطمن روحه بان تؤمها بخير..

فهو افاق من نومه على نحيب مليحه سال مابها لتخبره مزنه بما حصل اتى المستشفى بسرعه جنونيه

حتى انه قطع الاشارة لا يعلم كيف نجى من الحوادث بسبب سرعته وهو يدعي الله بداخله لا يفقده عساف..

فهد كان يراقب ابنائه بشعور سعاده بان الله جمع شملهما من جديد هذا ما يكفيه بدنيا وما فيها..

عساف يبتسم بلطف/خنقتني يا مجنون..

عزام ابتعد قليلاً وهو يرا ملامحه من قرب/انت طيب مافيك شي؟..

عساف بذات الطف الباسم/ وش تشوف انت؟..

عزام وقف بشكل مفاجئ غاضب منفعل/من اللي سوى فيك كذا علي الحرام حرم الارقاب ما يصبح عليه الصبح؟؟..

فهد زفر عليه بحزم بالغ/اترك عنك التهور وخل نفهم بهدو من اخوك كاد يقول لنا ويريحنا..

عزام ناظر عساف بصدمه غاضبه/لا يكون متستر عليه بس عشان ما اخنقك وطلع بروحك انت صدق؟..

عساف هز راسه بياس/لاحول ولاقوة الا بالله قلت لكم ماشفته انتم علامكم تكذبوني؟..

منصور هتف بثقه/يا عساف انا يوم جيت انت كنت بوعيك اكيد انك شفته بس ماتبي تقول؟..

عزام يفور بالغضب الشديد/قل تكلم يا عساف لا تخليني اطق واموت من القهر..

عساف زفر عليه بحده/اقول عن من انا بنفسي ما شفته…

عزام حمل جيك الما الموضوع على الطاولة جواره رماه بالارض بجنون حتى تنتثر القزاز بكل مكان..

عينيه متفجره بالحمار صرخ بثوره عارمه/واحد جاي عند باب بيتنا ويطعنك وتستر عليه لا طلعني من طوري تكلم من؟؟..

منصور تقدم وشد عضده/اهدى انت جنيت اخوك ترا تعبان؟..

فهد اشر له يصمت بصرامه/اسكت ولا اطلع برا فضحتنا ترانا بمكان كله مرضى ما حنا بخلا؟..

عساف ضع يده على جبينه من شعوره بصداع/عزام فكني من شرك تراي ماني ناقصك..

عزام يبعد يد منصور بعنف وهو مازال ثاير/ماني طالع لين تقول من اللي تجرا وطعنك؟؟..

عساف رفع راسه ونظر به بتهديد/والله ان ماطلعت لا قوم انا اطلعك بطريقتي..

عزام بتهديد اعمق/ابك لا تخليني اخذ القزاز هذا واطعن نفسي انتحر ورتاح من هالحياة؟؟..

فهد ضاق صدره بالفعل/يابوك تعوذ من الشيطان هو بيقول بس اهدى..

منصور يظهر هاتفه الذي يرن بمخباه رد بهدو/هلا العنود…شفيك…علامك تصارخين؟؟…

عساف عض شفتيه السفليه بشده حتى تمزقت وهو يرا نظرات منصور ترتكز عليه بصــــــــدمه كاسحة!!..

فهد قطب بعدم راحه/ابو جميله عسى ماشر شفيكم؟..

عزام استدار وناظر في منصور انقبض قلبه لا يعلم لماذا خطرت باله جمانه فهو حقاً خاف عليها؟..

منصور تنحنح يحاول يظهر صوته الذي اختنق/العنود اهدي….عساف بخير وسند انا اجي وقطع راسه..

فهد ناظر عساف بصدمه اعمق/سند هو اللي طعنك؟..

عساف كل تفكيره ونظره على عزام الذي تصلب ثوان يحاول يستوعب ومن ثم اتجه الباب وخــــــرج..

عساف زفر بشده/منصور الحقه بسرعه..

منصور لم يتحرك وهو يهتف بحرج/ليش ما قلت لضابط خل ياخذ جزاه..

عساف صرخ فيه بحده/اقولك الحق عزام ترا مجنون لا يروح يذبحه الحقه..
————————————————————-
كانا سند جالس على سرير جمانه حاضن راسه بين كفيه المرتعشة وهو مازال مستمر بالبكا والارتعاش..

جمانه جالسه جواره تمسد ظهره بحنو خالص/تعوذ من الشيطان ذبحت نفسك بصياح يمكن تكون جت سليمه..

سند خفت من بين شهقاته المتقطعه/لا انا حسيت فيها دخلت قلبه والله مات..

جمانه انتفضت بجزع لكنها هتفت بيقين/لو مات كان وصلنا الخبر من العصر..

العنود اتت وهي تزفر براحه/الحمدلله الحمدلله منصور يقول عساف بخير..

سند وقف بصدمه هتف بعدم تصديق/يومه تكفين احلفي احلفي انه بخير؟..

العنود بحلف صادق/والله يقول بخير اهم شي انه حي مامات..

رن هاتفها مجدداً فتحت الخط/هلا منصور؟؟..

منصور بامر قاطع/اذا سند عندك خلي يطلع من البيت يذلف بي مكان ترا عزام متجه لكم والظاهر ناوي يذبحه..

العنود شهقت بخوف/يويلي يبي يذبح ولدي؟..

سند ارتعب وهو يتسال/من يومه من الشرطه صح؟..

العنود تغلق الهاتف زفرت بذات الخوف/يقول منصور انحاش بسرعه عزام جاي يبي يذبحك..

سند كان سيخرج لكن جمانه وقفت بسرعه وهي تقبض كتفه/لا تروح مايمديك يشوفك بشارع ويذبحك ماحد ينقذك..

العنود بدات دموعها تنزل برعب/اجل وش الحل؟؟..

جمانه تبلع ريقها ليست اقل منها رعباً/يجلس هنيه بالغرفه ويقفل على نفسه..

سند يشد كفيها برجا باكي ضعيف/تكفين جمانه احميني تكفين..

جمانه كاد تبكي من منظره الذي قطع قلبها/لا تخاف والله ماراح يلمسك بس قفل الباب لا تفتح له مهما صار..

طرق الجرس بقو متواصله انفضت الجميع وبذات جمانه الذي رات الرعب الحقيقي على سند و والدتها..

وصل سمعهما صوت عزام يصارخ على سوسن/وين سند؟؟..

جمانه سحبت العنود وخرجت معها برا الغرفه وسند اغلق الباب بالمفتاح عدت مرات وصوت بكائه يزيد..

عزام رقى الدرج ليرا جمانه واقفه بشموخها المعتاد حتى باصعب الظروف تنظر له نظره اسره قاتله؟..

والعنود توقف جوارها وهي ترتعش زاد رعبها من رات نظرات عزام تقدح شرار وجهه لم يبشر بخير..

عزام اقترب بتسال منفعل/وين سند؟؟..

جمانه تاشر له بان يهدا قليلاً/اهدى عزام ترا سند صغير و..

عزام قاطعها بصرخه متفجرة جعلها تنتفض رغماً عنها/قلت لك وينه داخل غرفتك صح؟؟…

جمانه من راته يتقدم لباب غرفتها وقفت امامه وصوت بكا العنود يوترها يجعلها لاتعرف تصرف..

عزام اقترب وهو يمد يده من فوق راسها ويضرب الباب بقوه/سند افتح الباب لا قسم بالله لا كسره..

جمانه لم تنتبه لقرب جسده لجسدها وهي تضع كفيها على صدره تحاول تبعده عن الباب..

عزام مازال يصارخ بانفعال شديد/افتح يا سند والله وبعالي سماه ماطلع الا براسك..

تعالى صوت بكا سند خلف الباب وتعالى بكا العنود وجمانه تشعر بدوران ورؤيه اصبحت شبه ضباب..

عزام دفعها بعيد عن الباب وهو يضربه بقدمه بقوه محاول يكسره جمانه عادت وقفت امامه..

عزام دفعها للمره الثانيه بغضب/انتي ماتفهمين انقلعي عن وجهي..

جمانه صرخت بالم فجر كيانه/لا تدفعني يا عزام تعورني وانا حامل..

حــــــــــــــــامل!!..
——————————————————
تحياتي(شغف)..

رب ضارة نافعة❤‍🔥❤‍🔥❤‍🔥❤‍🔥❤‍🔥

يالله توقفي ع مشاهد الواحد يتنفس فبها تنفس الصغداء اشكرك ه هالبارت الناري سلمت اناملك حبيتي