تسلم هالانامل عسى ايدك ماتمسها النار ياشغف الحب نتظر على نار التكمله

صباح الخير..كيفكم..حبايب قلبي بذلت كل جهدي من اجل انزل لكم بارتين الرابع والثمانون والخامس والثمانون..ابي كل وحده قرات الرواية تكتب توقعاتها؟؟..ماذا سيحدث لابطالنا بالبارتات القادمه..؟؟

تفضلو وتستاهلون بارتين ممتلئات بالحداث❤..


روايه بين الماضي والحاظر..

للكاتبة (شغف)

-/البارت الرابع و الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

رشا حكت لوالدتها ماحدث من عساف بقهر وغل تنتظر عودته كي تنتقم منه وتنحره كما نحرها تماماً..

هذا الحل الوحيد بنسبه لها الانتقام جرحها كثير منذا تزوجته وجمانه عالقه بحياتهما حتى وهي بذمة رجل اخر؟..

انتصار حاولت تقنعها بانه كبير العائلة ولابد ان يساعد والديه ويلحق بشقيقه بما انه خاطف البنت فعلاً..

لكن رشا لم تقتنع مركز بعقلها انه خاين وليسا له طب من حب مراهقته وهي لاتريد العيش معه بعد ذالك..

انتصار تنهدت بحيره/يا بنتي كذا مايصير تقفلين جوالك ترا كل يوم يدق علي يسال عنك وعن فهد؟..

رشا بعدم اهتمام/قصدك يسال اذا رحت الحفل ولالا كل هذا همه لكن يستاهل اني كسرت كلمته ورحت..

انتصار زفرت بحزم/لا طبعاً ما كسرتي كلمته وهو من كلمني وقال خليها تروح كان تبي لو مارضى ماخليتك حرام تطلعين من البيت من غير علم زوجك..

رشا ترص على الكلمه بغل/الله وزوج العاشق الولهان لحب المراهقه يومه خلاص لاعت كبدي منه ومن طاريه لاعاد تكلمين فيه..

انتصار هزت راسها بياس/ياربي والله مادري وش فيكم تصالحون يومين وتزعلون شهور انا مستغربه فهود كيف جا واغلب وقتكم هجر..

رشا احمر وجها بخجل/يومه الله هداك وش ذا الكلام؟..

انتصار تبتسم بلطف/والله اني صادقه ليله تنامين عنده وشهور تطمحين عندي يا دافع؟..

رشا ببتسامة مشابهه/اجل وش تبيني اسوي ازعل ونام معه؟..

انتصار هتفت بجديه/اي والله هذا المفروض حنا اول كذا لا زعلت المره من رجلها ما تنحاش وتترك بيته وفراشه حرام وعيب تجلس عنده وهو يرضيها..

رشا كشرت ملامحها/ماعندهم كرامه حريم اول سراحه..

انتصار عطتها نظره قارصه/مخلين الكرامه لجيل الوراعين اللي انتي منهم..

رشا اتسعت عينيها/انا ورع افا يومه افا؟..

انتصار ترشف من كاس الشاي برود/اي والله لونك مره عاقله ما هاذي فعلتك كل ما زعلتي من رجلك قلتي طلقني اخذه الدنيا لعب بزران..

رشا تهز كتفيها بزفره/لاني فعلاً ابي الطلاق..

انتصار رفعت حاجبيها بتعجب/وفهد مافكرتي فيه من يربيه مشتت بينك وبين ابوه ومرت الاب؟..

رشا قطبت جبينها/من مرت للاب؟..

انتصار زفرت بثقه/عساف مو جالس طول عمره اعزب بيتزوج ويجيه عيال ولدك هو اللي ينظلم صدق..

رشا صمتت كلام والدتها حقاً بصميم لتو تفكر بان عساف يتزوج غيرها وينجب اطفال وينساها؟..
————————————————————
يوم جديد..

طرابزون..

تحديداً المستشفى..

عزام جالس على طرف السرير الابيض قدميه على الارض وكفيه مرتكيات جواره يشعر بهم عميق..

اقتربت موعد الفراق لم يبقى على رحلتهما الى السعوديه سوى ساعات معدوده..

فهو منذا الامس لم يرا جمانه فهي كانت مستقره بالغرفة المجاوره لغرفته تنتظر وقت العوده لاهلها..

لايعلم عزام هل هي مازالت مصره على رايها بطلاق ام انها تراجعت وهو لا يسطع يسالها من بعد وعده لها؟.

دخل عساف بتسال حازم/انت مابعد لبست هذا وانا معلمك من ساعه ان حطيت لك ملابس و اغراض جديده هنيه؟..

عزام ناظر مكان ماشر عليه كان كيس موضوع على الطاولة فيه ملتزمات رجاليه كامله..

تنهد بارهاق شديد/بقوم الحين اخذ شاور ولبس..

عساف اقترب له باهتمام/عزام علامك انت مضايق من مواجهة ابوي تطمن انا اكلمه يخف عليك بالكلام؟..

عزام ناظره بوجع حقيقي/ليته على ابوي يا عساف اتحمل كل شي منه حتى لو يضربني..

عساف انقبض قلبه حقاً وهو يجلس جواره/ولد شفيك حاس مانت طبيعي من امس؟..

عزام يشعر كل اوردته تتمزق بالم/بطلقها..

عساف بصدمه/من طلق مافهمت؟..

عزام ناظر به خفت بنبرة ميته/مافي غير جمانه طلبتني الطلاق وانا خلاص مابي اجبرها علي اكثر من كذا كل اللي سويته عشانها حتى المستحيل ما غير من قرارها شي؟..

عساف شعر بحزن شديد على شقيقه يخشى على قلبه من الالم/لا عزام لا تستعجل ترا الركاده زينه عطاها شهر شهرين لين تنسى وتحل لامور بتتفاهم..

عزام بياس مؤلم/وش انتظر هي ماعاد تبيني وانا وعادتها وماعاد ابي اجبرها علي..

عساف بحزم عفوي/لو ماكانت تبيك ماهو يوم كنت مريض بالكوخ كلن يسمع نحيبها من خوفها عليك لبنت تحبك لكنها مجروحه منك..

عزام صمت و الغيرة تكهرب روحه بذات عساف لايريده يواجه جمانه بي سبب من الاسباب..

كان بوده يسال هل راها من غير عبايه لكنه لم يستطع يخشى من غضبه ورده فعله وهو لايريد ذالك؟..

عزام نهض واقف حمل الكيس بيده واتجه الحمام استحم ثم خرج وهو يحرك الفوطه على شعره..

لم ينتبه للذي جالسه على الكرسي تنتظره جمانه كانت تراقبه بنظرات اعجاب حتى بعز المرض وسيما؟.

كان عزام مرتدي بنطلون بالون الرصاصي و تيشرت اسود ماسك على عضلات صدره وعرض كتوفه..

رفع عينيه وقعت بعينيها ليراها جالسه بعباتها ونقابها على اتم الاستعداد لرحلة السفر القريبه..

عزام اقترب لها باهتمام صادق/شلونك جمانه؟..

جمانه هتفت بحذر/ طيبه الحمدلله وانت؟..

عزام تنهد بعمق وهو يرمي الفوطه على السرير/ماني بخير..

جمانه تعلم ماذا يقصد لذالك صمتت وهي تصد النظر عنه ردت فعلها كانت غامضه لم يفهما سواها؟

عزام بدا يجهز نفسه ثم استدار لها بتسال حازم/جاهزه نمشي؟..

جمانه وقفت بركادة/ يلا..

عزام اقترب لها خفت بنبرة غريبه ثقيله اسره/بطلب منك طلب واحد بيكون اخر شي بينا اتمنى ما ترديني؟..

جمانه قطبت جبينها/اللي هو؟..

عزام بروح ذايبه من الالم/ابي احضنك على صدري وحضن شفايفك بشفايفي اعتبريه الوداع بينا؟..

جمانه عادت خطوه للخلف باستنكار/عزام رجا..

عزام قطع كلامها حينما ضمها على صلابة صدره برفق شديد ودقات قلبه تصاعد من قربها ورائحتها المثيره..

رفع نقابها قبل شفتيها المزهره بشغف وهو يان بصوت متقطع انات متواصله معبرة عن الم مابداخله

ليتك رخيصه عندي يومك تغيبين..
ليتك مثل باقي الناس عادي غيابه..

جمانه ابتعد بخفه رغماً عن عزام ولو كان بيده لم يفلتها يريد يطبع بصماتها بصماتها حتى لاتنساه..

عزام استدار الباب استعداد للمغادرة/البسي ويلا مشينا..
————————————————————
الدكتوره تحرك السونار على بطن بثينه المشدود وتراقب الشاشه بصمت وبين كل ثانيه تعقد حاجبيها..

بثينه دقات قلبها تزايد وانفاسها تعالى برعب وهي تنظر في كايد الذي واقف بثبات يتابع الشاشه بتركيز..

والدكتوره مازالت تحرك السونار يمينا ويسارا حتى نفذ صبر بثينه من هاذي المهزله تريد احد يطمن قلبها؟..

زفرت بغضب مكتوم/انا بدري شفيكم كذا مشوشين ما تكلمون وتقولون للي وش صاير؟..

كايد ناظر بها بحده/ما صاير شي شفيك انتي مخروشه نبي بس نتاكد من النبض..

بثينه ابعدت يد الدكتوره بعنف عن بطنها/خلاص وخري عني ذبحتيني كيف يصير في نبض وانتي تركين هذا بقوه؟..

الدكتوره زفرت بزعل/لاله الا الله يا بنتي هدي لازم نطمئن من نبض الجنين الصبر زين..

بثينه تجلس بعصبيه على السرير/خليتو فيها صبر انتي وهذا اللي اهم شي عنده ماروح المستشفى العام لو يجيبني لاخيس دكتوره..

كايد اتسعت عينيه بصدمه وحرج من الدكتوره الذي نحرتها بقهر/عيب عليك هالكلام تقولينه لوحده في مستواي بعدين انا الان اللي مابي لك مراجعات عندي..

بثينه توقف برود وهي ترتدي نقابها/احسن بعد..

كايد رص على اسنانه بتوعد/انا اوريك يا بثينه لسانك ذا بقص لك قص..

بثينه تتجه الباب/ ودني البيت بس..

الدكتوره تراقبها بدهشه/هذا مش طبيعيه عمري ما مر علي بنت بقلة ادبها..

كايد بحزم بالغ/نعتذر على اللي صار وشكرا لك..

بثينه كانت جالسه بسياره تنتظر كايد وهي واصله حدها من العصبيه والتوتر على جنينها..

كايد ركب السياره اغلق الباب بقوه نظر بها بانفجار غاضب/ انتي شفيك ماتستحين ماتعرفين تكلمين مع الناس تبين اعلمك بطريقتي الادب ولاحترام؟..

بثينه تنظر له بتقصد/ودني المستشفى باخذ سونار عند الدكتوره صفا؟..

كايد حرك السياره بتماسك عميق/اوديك للبيت تنطقين فيه لين تولدين انتي وحده ضارب عقلك مفروض ماخذك مكان عام..

بثينه صرخت فيه بقهر متراكم/ضرب عقلي من سلوبك تبي تمشيني على كيفك حتى الطب تختار للي بمزاجك..

كايد ينظر الطريق وهو يشد قبضة مقود السيارة حتى برزت عروق كفه من شدت ماهو شاد على اعصابه..

بثينه مازالت تصارخ عليه/بتوديني الدكتوره صفا تفهم ولا ترا والله لا روح مع السواق وماني خايفه منك..

كايد لم يرد عليها كان ومازال متماسك حتى ان يشعر برؤية ضبابيه من شدت الصداع الذي اقتحمه بسببها

بثينه استفزها باسلوب التطنيش/اكلمك انا ليش مطنشني وانت السبب بكل شي فيني مابقى الا تحط برقبتي سنسل وتسحبني مثل الكلبه؟..

كايد ناظر بها بطولة بال/انزلي..

بثينه رفعت عينيها للمبنى لتو تنتبه بانه واقف امام المستشفى العام منفذ طلبها لدكتوره صفا؟…

كايد زفر من بين اسنانه/ما تسمعين اقول لك انزلي..

بثينه تنظر به بذهول/ وانت ماتبي تنزل؟..

كايد بحزم متماسك/بصفط السياره و اجي وراك روحي غرفة الدكتوره صفا لين اجي..
————————————————————
تركيا..

تحديداً بالمطار..

عساف جالس بالانتظار بمكان بعيد عن عزام وجمانه كانا يهوجس وقلبه مشغول على حياة شقيقه؟..

هو الوحيد الذي فهم سبب مرض عزام ان الفراق مابين العشاق مرض خطير وليسا له طب ولا علاج؟..

تنهد ثم زفر ثم اظهر هاتفه من مخباه واتصل على والده رنتين واتاه صوت فهد الودود/هلا عساف وينكم..

عساف بود مشابه/هلا فيك يا الغالي حنا بالمطار مابقى على رحلتنا شي..

فهد بتسال سريع/عزام ومرته معك؟؟..

عساف هتف بثقه/افا عليك اكيد معي..

فهد تنهد براحه/الحمدلله اجل انا بانتظاركم..

عساف بسياسته الخاصه/يوبه للي طلب عندك وماقد طلبتك قبل ذي المره قل تم؟..

فهد بجزم شديد/طلبك مقدر يابوك تم..

عساف بوجع عميق مغلف بنبره حازمه/ابي تعفي عزام من العتاب تراه بوجهي كان للي وجه عندك..

فهد انقبض قلبه/ ليش وش صاير؟..

عساف بذات النبره الحازمه/ما صاير الا كل خير يبي يحرر البنت خلاص وما نبي نزيد عليه اللي فيه يكفيه..

فهد قطب بغرابه/مدامه مفكر يحررها ليش خطفها؟..

عساف ينهى النقاش/حاول يتفاهم معها ما عطته مجال وقال خلاص لك ماتبين..

فهد تافف بضيق/الله يستر من تاليها انا شاك ان وراه شي عزام ما يتنازل بهالسهوله؟..

عساف هتف بحزم لا يخلو من نبرة فخر/من قالك تنازل بسهوله عزام سوى المستحيل سوى اللي ماحد سواه حتى انا قبله ماسويته لكن بالاخير ماهي مكتوبه له..

فهد سحب نفس عميق/ابد يابوك تم لك ما طلبت ماني مكلمه عشانك بس هذا مايمنع اني زعلان عليه..

عساف ينهى الاتصال/ابد حقك ومالك الا اللي يرضيك والان مع السلامه..

منذا اغلق عساف هاتفه رن باسم منصور رد عليه بهدو/ارحب يا ابو جميله..

منصور بتحكم/البقى اخبارك وينك فيه؟..

عساف بموده حازمه/تو بركب الطائره اقتربت رحلتنا وانت وينك فيه؟..

منصور بصوت مرهق/بالمطار انتظركم..

عساف عقد حاجبيه/بدري يا منصور وش معجلك رح ارتاح بيتك البنت بيد امينه وقبل نوصل نكلمك وتجي..

منصور بعدم تجاوب/ماني متحرك من مكاني بنتظركم لين توصلون..

عساف تنهد بطولة بال/منصور ارجوك فكني من المشاكل مانبي فضايح بالمطار؟..

منصور بحزم واصرار/ماجيت ادور المشاكل باخذ بنت اختي وبتوكل على الله..

عساف زفر بضيق شديد/اصلاً عزام تفاهم معها وخلاص راضي بالطلاق بس انت لا تدخل بينهم خلاص..

منصور صدم بغرابه/ انت تكلم جد؟..

عساف هتف بثقه/الامور هاذي مافيها الا الجديه..

منصور بتسال مهتم/انت اللي جبرته يطلقها ولا هي ولا كيف؟..

عساف بذات الثقه والثبات/لا طبعاً انا من جيت وهم متفاهمين و خالصين بس اللي اخرهم ان عزام كان مريض من كم يوم..

منصور ارتاح قليلاً/زين الحمدلله فكنا من المشاكل والمحاكم..
————————————————————-
انتصار تراقب رشا الذي تلعب مع فهود بطفولة تبوس بطنه وصدره وهو يضحك بقوه وهي تضحك معه..

هتفت لها ببتسامه/جننتي ولدك يا مهبوله..

رشا تضحك بغنج/يومه تجنن ضحكته ماشاءالله..

انتصار مازالت تبتسم/بس كذا مو زين عليه تخلينه بس فاتح فمه ويكركر عند الناس..

رشا زاد صوت ضحكها/وانا وش علي من الناس خليه يكركر يسعد قلبه..

انتصار بود حاني/رشرش ترا عساف ارسل للي قبل شوي يقول اليله رحلته اذا للي قدر عندك استقبلي رجلك باحترام..

رشا تغيرت ملامحها بضيق/اكيد مارجع الا وهي معه ولا ليش تاخر كذا؟..

انتصار بحزم هادئ/وين تاخر ترا ماله الا ثلاث ايام وبعدين خلك بنفسك ماتدرين عن ظروف البنت..

رشا تعض شفتيها بغيرة وحقد/وش ظروفها انا شاكه انها هي اللي متصله على عساف ولا كيف فسرو ان عزام خاطفها كله من افلامها..

انتصار اتسعت عينيها باندهاش/والله مانتي صاحيه حرام تضنين فيها سوى؟..

رشا تعيد تلعب مع فهود وهي تزفر بذات حقدها/اه بس هذا اللي ذابحني ان الجميع رحمها ويدافع عنها..
—————————————————————
تحياتي(شغف)..

روايه بين الماضي والحاظر..

للكاتبة (شغف)

-/البارت الخامس و الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

بثينه تدخل جناحها من بعد ما وصلها كايد وغادر قلبها ارتاح من ناحيت سلامة نبض جنينها..

لكنها تضايقت من ناحيت كايد الغاضب حتى وهي تسولف عليه طول الطريق كانا صاد عنها بزعل وضيق.

بثينه تعترف انها بدات تنفعل على اتفه سبب وكايد بدا يتجاهل كلامها وفعالها لكن واضح بانها مضايقته جداً.

قررت تصحح خطاها وتبادر بالاصلاح هذي المره اول مافعلت اتصلت على جواهر تطلب منها مساعده..

جواهر تدخل الجناح ببتسامه/شعندها الاخت اليوم ناويه على الحفلات والرومانسيه؟..

بثينه كانت جالسه على الاريكه هتفت بضيق/زعلته علي اليوم حيل وابي اسوي له جو رومانسي واعتذر منه..

جواهر تجلس جوارها هتفت بحنو/زين تسوين صححي خطاك و اعتذري بطريقه ذربه لين يكبر عقلك وتنسين الماضي..

بثينه تنهد بتعب اقرب للحزن/حاولت جواهر بس كل ماشوفه يداوم ودي افصله مثل ما فصلني اليوم رحت المستشفى والله اني عجزت حتى لامر قريب مكتبي..

جواهر من رات دموع بثينه بدات تنزل حضنت كتفيها بحنان/يا قلبي ربك اخذ وعطا عوضك بالحمل يجي ولدك وينسيك كل مامضى..

بثينه ضعت راسها على كتف جواهر خفتت بالم/الله يسمع منك مرات اتمنى افقد الذاكره عشان ارتاح..

جواهر انتفضت بجزع/لا تكفين لا تفاولين على نفسك مافي شي يستاهل..

بثينه تبتعد وتنظر بها بسكون موجع/وقلبي ماهو مرتاح لغياب جمانه لاحد الان ما تصلت علي؟..

جواهر بحزم هادئ/خلاص امها طمنتك عليها وهي ادرى بنتها بعدين يمكن ما معها وقت تتصل عليك..

بثينه تنهد بعمق/طيب قومي خلي نرتب عسان يمدي اسبح وتكشخ قبل يجي..

جواهر تضحك بلطف/كني غرت بروح اسوي حفله لحامد..

بثينه تضرب فخذها ببتسامه ذابله/اول ساعديني بعدين روحي احتفلي على كيفك..
———————————————————-
بطائره..

كانا عزام جالس بالمعقد المجاور لجمانة شابك انامله باناملها شاد عليها بقوه وكنها سوفا تضيع لو افلتها…

جمانه لم تمنعه با لعكس كانت متجاوبه معه وعينيها تراقبه وهو مغلق عينيه وساند راسه على الوساده..

ترا على ملامح عزام الذبول والتعب الواضح لاتنكر بانه بدا يحزنها حاله لكنها تكابر وترتدي قناع الجمود..

جمانه تفكر هل فعلاً هاذي اخر مره تلمسه بها وتجلس جواره بهذا القرب نعم انها مقتنعه بذالك..

فهي من اختارت الانفصال لكنها وعدته ووعدت نفسها بان لا تزوج من بعده يبقى هو الشخص الراسخ بعقلها

عساف جالس بالمقاعد الاماميه بينهما مسافه وهو يفكر كيف ان الدنيا غريبه حب وحده منذا الطفوله..

والان تجلس جوار شقيقه كتفها بكتفه وهو بينها وبينه عدت مسافات حتى احكمت الظروف بان يتنازل عنها؟

لكن بهاذي الحضه كل همه هي رشا كيف تكون ردة فعلها لو علمت بان عزام يريد ان يطلق جمانه ماذا سيفسر لها عقلها؟؟..

يوجع قلب عساف انها سوفا تتهمه بانه المخطي والمتسبب بطلاق واكبر دليل الحاقه بهما بتركيا؟

انتهت الرحلة وتم الوصول بسلامه عساف نزل قبلهما وابتعد ينتظر بصالة المطار احترام لخصوصيتهما..

منصور من راءه تقدم له بخطوات سريعه زفر وهو يلقط انفاسه/وين جمانه يا عساف انت حلفت ماترجع الا وهي معك لا تقول تكذب علي؟..

عساف قدر وضعه لذالك رد بتحكم/افا عليك يابو جميله سبق وكذبت عليك؟..

ثم ردف بذات التحكم/هذا هم وراي ينزلون من الطايره ويجون..

منصور زفر بشده/اخاف يخطفها على رحلة ثانيه؟..

عساف رغماً عنه ابتسم/الدنيا فوضه عشان ينزل من طيارة ويركب الثانيه؟..

منصور بجديه/هو سواق الطايره يقدر ما يعجزه شي..

كانا عزام يخطي بثقه وثبات رغم العاصفه بداخله وهو قابض كف جمانه الناعم بكفه الجبرة بتملك غريب؟..

من لمح منصور بعيد شد قبضه لكفها مال لها بخفوت/تبين شي مني قبل تروحين؟..

جمانه تحاشى النظر له لا تريده يرا لمعة الحزن بعينيها/الله يوفقك..

عزام يشد على كفها بقوه من غير شعور/امانه خلك على وعدك ما تزوجين بعدي وانا اوعدك ماراح اتزوج بعدك..

جمانه اختنقت حقاً كلامه ونبرته تؤلمها/يدي وجعتها..

عزام خفف قبضته ثم خفت بحسره/ريحيني انتي عند وعدك؟..

جمانه تنظر منصور الذي يقترب لهما تنهدت ثم خفتت منهيه النقاش/عند وعدي والله..

منصور يقترب سحب جمانه من يد عزام بقوه وهو يحتضنها بين ذراعيه بحنان اب خالص وكانها ابنته..

جمانه انفجرت بالبكا الشديد اوجعت قلوب ثلاثة رجال كانت تسمع شهقاتها عساف منصور وعزام..

عساف كان واقف بعيد لايرد الخروج الا برفقة عزام
يعلم بقهره يخشى بان يسبب مشاكل مع منصور..

او انه يغادر ويختفي من شدت الحسره والوجع لايريد شقيقه ينكسر كما انكسر هو من قبل لو كان منه..
—————————————————————
الساعه الحاديه عشر ليلاً..

بثينه تهتف بامتنان عميق/الله يسعد يا جواهر ماتوقعت التجهيزات بتصير كذا..

جواهر تبتسم بشفافيه/افا عليك سلميني شغله و ازهليها بس..

بثينه تنهد بحب/الله لا يخليني منك..

جواهر تبتسم بخبث/ماتبين ازفك عليه؟..

بثينه تضحك برقه/ اقول توكلي ترا هاذي حزته يجي وراه دوام..

جواهر بذات الخبث الباسم/خليه يجي ويشوف مرت اخوه سنعه ولا مرته ماتعرف راسها من كرياسها..

بثينه تنحرها ببتسامه/وجع عاد يلا اذلفي ولا ترا ماخلي لك من الكيكه..

جواهر اتجهت الباب وهي تضحك/اهم شي الكيكه خلي للي انا و زيود بكرا نجي نتقهو عندك لادوام ابو الشباب..

بعد ساعه..

كايد يفتح باب الجناح وهو يحمل هما عميقا من تصرفات بثينه الذي بدات تضايقه وتجعله ينفر من قربها..

وقف مكانه بصدمه من راء الاضائه خافته والشموع متناثر على الارض بكل مكان وصوت موسيقه هادئه..

بثينه تقترب له ببتسامه وهي ترتدي قميص نوم تركوازي يوصل طوله لا فوق الركبه عاري الكتفين..

شعرها مرفوع على فوق كامل الا من خصل طويله تنزل على عنقها الطويل حتى وصلت صدرها المرتكز..

كايد اغلق الباب خلفه ومازال ينظر بها بذهول وهي تقترب وتعلق بعنقه وهو يطوق خصرها بذراعيه..

بثينه ترفع نفسها لطوله و تقبل انفه/انا اسفه اذا زعلتك مني..

كايد ينظر بها برغبة عارمه/صح زعلتيني بس عرفتي كيف تراضيني..

بثينه تبتعد منه وهي تاشر على الطاوله/مسويه لك بوفيه على قدنا عشا وحلويات..

كايد ابتسم وهو يتبعها/ماقصرتي يا قلبي شوفتك تكفيني..

بثينه تسكب له عصير رمان بكوب وهي تمد له/اعرفك تحب الرمان..

كايد ياخذ كاس العصير من بعد ما جلس على الاريكه هتف بامتنان لا يخلو من اهتمامه/تسلمين على التجهيز الحلو اللي واضح اتعبك كثير؟..

بثينه تهز خصرها بدلع/لاتقول مو رومانسيه بعد؟؟..

كايد يضحك بروقان/احلى رومانسيه انتي..

بثينه تقترب وتجلس بحضنه بشكل مايل وتقبل خده وهو يضع كاس العصير على الطاولة ويحتضنها بدفى..

كان يتبادل الانظار هو وبثينه بصمت وقت ليسا قليل وهي مازالت بين احضانه و انفاسهما تختلط ببعض..

كايد عض شفتيه السفليه/ذبحتني بثينه كل شي فيك يذبح زعلك دلعك نظراتك قربك بعدك؟..

بثينه ابتسمت وهي تغمز بعينها/باقي ماشفت شي..

كايد ذاب حقاً معها ضمها بحنو اقضى معها اجمل
و اروع سهره كان يتمناها من سنين مضت..
—————————————————————
عزام منذا وصل البيت قبل راس فهد الذي كان صاد عنه بزعل كاتم غضبه من اجل طلب عساف فقط..

وقبل راس مليحه الذي تنظر له بعتاب نحر روحه لكنه صمت مجروح من الحياة لا للعتاب والحوار فايده؟..

عساف كان يراقبه بحسره لكنه اخفى ذالك خلف نبرته الحازمه/روح ارتاح عزام من كم يوم مانمت عدل..

عزام اتجه جناحه فوراً مليحه قطبت بتسال/شفيه اخوك يا عساف؟..

عساف تنهد بضيق/تعبان لاحد يتكلم معه نهائي خلوه لين يرتاح وهو يجي ويعتذر منكم..

مليحه ارتعشت برعب/شفيه ولدي علمني؟..

فهد زفر عليها بحزم/هذا قدامك مثل الاسد المفترس ياكل لحوم الناس ماحد ياكل لحمه..

مليحه تنحره بعتاب/خاف الله بنفسك يا رجال الولد ماهو طبيعي؟..

عساف يريد ينهى النقاش فهو حقاً تعب/يوبه يومه عزام له كم يوم بالمستشفى خفو عليه شوي مانبي مشاكل..

مليحه وقفت والدموع تجمع بعينيها/والله اني حاسه قلبي ماهو مثل قلوبكم القاسيه..

فهد ينظر بها وهي تلحق عزام لجناحه خفت لعساف بهم/صدق هو بالمستشفى ليش ماقلت للي؟..

عساف تنهد بارهاق شديد/مابي اخوفك عليه كان بين الحياة والموت بسبب الحما لو ماجيت بالوقت المناسب كان الله اعلم بحاله..

فهد انتفض بشده/لا انشاءالله عسى الله ما يختبر صبرنا فيه كفايه مامضى عليه من تعب..

عساف ينهض واقف بهدو/عشان كذا الله يطول للي بعمرك لا تضغط عليه..

فهد بتاكيد حاني/اكيد يابوك عفى الله عما سلف..

عساف يستاذنه بتقدير/عن اذنك يوبه بطلع اخذ شاور وروح اسلم على فهود..

فهد برحمه خالصه/يابوك ارتاح فهود بخير وبكرا تروح له..

عساف يبتعد لدرج باصرار/ لازم امره وبعده اجي ارتاح..
————————————————————-

رشا كانت جالسه بصاله تشاهد فلم اجنبي بتركيز وفهود متمدد جوارها يلعب بانامله الصغيره..

انتصار تخرج من جناحها وهي ترتدي حجابها هتفت بتسال/مانام فهودي للحين؟..

رشا ناظرت بها باستغراب/علامك لابسه حجابك؟..

انتصار تجلس بثبات/عساف ارسل للي جاي..

رشا تقفز واقفه وكانت تريد تحمل فهود لكن وقفها امر والدتها الصارم/بنت خلي الولد و ارجعي اجلسي مكانك..

رشا تنظر بها برجا/تكفين يومه قولي نايمين..

انتصار بذات الامر الصارم/قلت لك اجلسي..

رشا تعود جالسة وهي تبوز بعتاب/الله يسامحك يومه دايم توقفين مع عساف ضدي..

انتصار زفرت بثقه/اوقف مع الحق ولا لو امشي على خبالك ضعت معك..

اتاهم صوت تنحنح عساف وهو يرقى الدرج/احم احم..

انتصار نادت له بتقدير/حياك يا ابو فهد مكانك ومحلك..

عساف يقترب لهما سلم على راس انتصار الذي وقفت ببتسامه ومن ثم على رشا الذي وقفت مجبوره..

وهي تمد يدها له لكن هو اقترب وقبل جبينها ومن ثم انحنى وحمل فهود وهو يقبل خده ببتسامه..

انتصار تاشر له يجلس/ارتاح يابو فهد سلامة الاسفار..

عساف مازال واقف هتف بنبرة مقصوده/الله يسلمك لا بمشي بس جيت اخذ فهد وامه معي..

رشا برفض قاطع/ماحنا رايحين معك..

عساف ناظر بها بتماسك/روحي جهزي اغراضك انتي وفهد انا انتظرك هنيه..

رشا اتسعت عينيها/ماتسمع قلت ماحنا رايحين؟..

انتصار تنهد بطولة بال من اسلوب رشا/نام هنيه يابو فهد اليله والصباح رباح..

عساف باصرار حازم/باخذ فهد وبروح انام بيت اهلي اذا رشا ماتبي تروح على راحتها..

رشا انتفضت وهي تقترب وتمد يدها بامر/جيب ولدي يا عساف..

عساف رفع حاجبه بهدؤ/مثل ماهو ولدك هم هو ولدي تبينه روحي معنا..

رشا تجمعت الدموع بعينها/قلت لك جيبه تبي تكسرني فيه؟..

فهد مازال ثابت هادي/وين شنطته ملابسه واغراضه؟..

رشا ناظرت في والدتها بغصه/يومه كلمي خلي يعطيني ولدي؟..

انتصار هتفت بحيره/روحي مع ولدك وابوه..

رشا انفجرت باكيه رغماً عنها/ماني رايحه معه واذا يحسب انه يبي يجبرني بفهود خلي ياخذه ماهمني..

عساف يراقبها وهي ترتعش من بين شهقاتها وكلماتها المتقطعة كانت ستغادر غرفتها بانكسار..

لكنه وقفها بندا/رشاء؟..

رشا وقفت وهي موجهته ظهرها/نعم؟..

عساف بنبرة رجوليه حانيه/تعالي خذي ولدك..

رشا استدارت له اقتربت وحملت فهود بين يديها حضنته على صدرها بامومة ثم غادرت غرفتها..

انتصار تخفت بضيق/يامك عساف ادري انها زعول وتعاند لكن ولدها لا تكسرها فيه تراها مامن قلب..

عساف بضيق اعمق واعمق/والله يا عمه هي اللي حدتني تعبت منها نطلع من مشكله تدخلنا بمشكله ثانيه؟..

انتصار برجا لاول مره/طالبتك تخليها هالمره علي وانا اتفاهم معها لا تضغط عليها؟..

عساف بحمية شديده/افا عليك انتي تامرين على الرقبه ياعمه..

انتصار بود عميق/الله يرفع قدرك بدنيا والاخره..
———————————————————
تحياتي(شغف)..

أعتقد أن جمانة حامل وبتالي لن تنفصل عن عزام فهي التي ينطبق عليها المثل يتمنعنا و هنا راغبات

اتوقع تكتشف جمانة إنها حامل بعد ماتنفصل عن عزام
وراح يحاول أبوها يزوجها من شخص غني عشان يستفيد ويقهر عزام.
راح تستمر المشاكل بين عساف ورشا.