❤‍🔥❤‍🔥❤‍🔥❤‍🔥❤‍🔥❤‍🔥❤‍🔥

روايه بين الماضي والحاظر..

للكاتبة (شغف)

-/البارت واحد و الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

الساعه العاشرة ليلاً..

فهد يعود من الشركة برفقت عساف الذي لم يرتاح منذ ليلة البارح اتصل على والده كي يوصله للبيت..

فهد هتف بحزم حاني/ترا كذا ماهو زين عليك سهران من امس مانمت تركض ورا الجميع ومهمل صحتك؟..

عساف يقاوم النوم وهو يشد مقود السياره هتف بتقدير/ماقدرت انام وانا مادري وين سافر الحين ارتحت..

فهد زفر بهم عميق/والله اني منحرج من منصور ولا رواف ماهمني ولا حركه شعر من راسي..

عساف بثقه هادئه/منصور تفاهمت معه وهو مقدر الوضع وعزام لا تنقل همه انا اجيبه لك مع رقبته..

فهد قطب بشده/مافهمت؟..

عساف بذات الثقه/وصيت رجال بتركيا يشوف للي وين عزام بضبط ولا جاب الخبر لحقته..

فهد برفض قاطع/لا ما تروح وتتعب نفسك هو مرده بيرجع..

عساف باصرار بالغ/بروح له يوبه عزام ماحد يقدر عليه الا انا خلك متاكد ما راح يصير الا الي تبي..

فهد تنهد باستسلام/ابد اللي تشوفه انا اثق برايك..

عساف ابتسم وهو يوقف سيارته امام البيت/ثقتك تكفيني..

فهد يفتح الباب/تصبح على خير..

عساف يفتح الباب هو بعد/بنزل معك بتطمن على امي..

فهد بحنو بالغ/امك طيبه بس انت رح ارتاح من البارح غايب عن مرتك ولدك..

عساف باهتمام عميق/بتكلم مع امي شوي مزنه تقول انها تعبانه من التفكير..

فهد يتجه الباب الداخلي/لاحول ولاقوة الا بالله..

عساف جلس مع مليحه لساعه متواصله وهو يحاول يهدئها بكلامه الموزون و اسلوبه الهادئ..

ثم وعدها بانه سوفا يسافر لعزام بتركيا ويعود وهو معه حتى ارتاحت والدته نفسياً فهي تثق بكلامه..

عساف غادر متجه بيت انتصار وهو يفكر برشا حقاً اشتاق لها لكنه لم يكن معه وقت حتى يمر عليها..

هناك لقطات من الزمن مع رشا يتمنى لو انها تبقى ثابته قربها و غيث وصلها يسقي الفؤاد…

دخل البيت كان هادئ و الاضائه خافته الواضح بان الجميع نايم رقى الدرج وهو يرفع طرف ثوبه..

منذ وصل غرفتها فتح الباب بخفه راها ظلام والتكيف بارد دخل واغلق الباب خلفه ادار نظره لسرير فهود..

كان نايم و الهايه بين شفتيه الصغيره ابتسم عساف ومن ثم وجه نظره لرشا الذي غارقه بنوم العميق..

عساف علق شماغه ونزل ثوبه واتجه لها داخل الفراش بهدو لا يريد ازعاجها فهو حقاً مرهق ونعسان بشده..

لكن رؤيته لملامحها الطفوليه الفاتنه الساكنه حطمت مقاومته من شدت لذاتها وجاذبيتها..

انحنى وقبل شفتيها الممتلئه لتفتح رشا عينيها وتنظر به بنعاس/عساف جيت؟..

عساف قبلها للمره الثانيه ثم همس بذوبان/تو جيت..

رشا تبتسم وعينيها عالقه بعينيه/طيب ليش تخرب نومتي يعني لازم هالحركات؟..

عساف ضع ذراعه تحت كتفيها وسحبها قريبه له وهو يرد بذات الهمس/والله ماكنت ابي ازعجك بس عجزت اتماسك حدي مشتاق لك..

رشا تقبل شفتيه فهي حقاً مغرمه به/بس انت مابعد راضيتني؟..

عساف هتفت بثقه شديده/ماني ناسي بس خلي اخلص شغله مهمه هاليومين وتفضى لك عندي مفاجئه كبيره..

رشا بفرح طفولي/للي انا وش؟..

عساف ذاب وانتهى وهو يشد احتضانها/ايه لك خليها بوقتها وخليني الحين بوقتي..
————————————————————
يوم جديد..

طرابزون..

جمانه تفتح عينيها وهي ترفرف با هدابها من شعاع الشمس الذي تطل عليهما مع البلكونه..

ادارة نظرها لجهه عزام كان نايم لم يكن عليه الا شورت و روب الاستحمام ضامه على صدره العاري..

جمانه انقبض قلبها وهي تتذكر بانها ليلة البارح استحمت بماء دافى ومن ثم جبرها بان تردي جاكيته..

رفضت تعشا نامت وهو مازال سهران لم تساله هل معه جاكيت غير الذي اعطاها ام لا؟..

نهضت اتجهت الحمام توضت وصلت وهي لا تعلم الساعه كم لكن الشمس تاكد لها بانها وقت الظهر..

عملت لها كاس حليب وتوست وجبن حدها جيعانه من شبعت اتجهت البلكونه وقفت تناظر..

الجبال الاخصر والنهر المندفع السما الصافيه جمانه ضعت الكاب على راسها من لفح الهوا الساكن..

مضى من الوقت ما يقارب ساعه وهي مازالت تتفكر بخلق الخالق هاذي طبيعة الدنيا تسحر الانظار..

فكيف بجنه عرضها السموات والارض كيف الانهار وكيف الجبال وكيف العطا و الرضا من الله سبحانه؟

جمانه تنهدت بعمق/اللهم اني اسالك الجنه وما قرب اليها من قول وعمل واعوذبك من النار وما قرب اليها من قول وعمل..

ثم اتجهت لداخل قطبت وهي ترا عزام مازال نايم يكون فعلا يسدد نوم عن الايام الذي سهرها؟؟..

لكنها لم ترتاح لمنظره وهو نايم وجهه كان شاحب شعرت برعب وجزع من فكرت انه يكون توفى؟..

اقتربت له ضربت خده بخفه/عزام قوم علامك نايم؟..

عزام فتح عينيه الممتلئه بالحمار نظر بها بذبول خفت بحه/هلا فيك شي؟..

جمانه انفاسها تعالت بعدم راحه/انت اللي فيك شي؟؟..

عزام يلم الفراش عليه برجفه/بردان حدي..

جمانه منذا تحسس جبينه بظاهر كفها الناعم ارتعشت/عليك حراره ليش نايم كذا من غير لبس؟..

عزام يكح بشده وهو مازال يرجف/ كح كح ما جبت ملابس ما امداني اخذ..

جمانه ضاق صدرها بالفعل وهي تحاول تخلع جاكيته لكنه امسكها برفض صارم رغم التعب الذي يسكنه..

زفر بشده/لا تنزلينها الجو برد..

جمانه بحزم خافت/ بس انت تعبان لازم تتدفى..

عزام ينظر بها بعشق/تعالي انتي دفيني خليني اشبع من قربك ترا ما كل مره تسلم الجره يمكن دعوه صابت..

جمانه تجاوزت كلامه وهي تنهض واقفه/بسوي لك كمادات..

عزام يكح وجسده مازال يرجف/ كح كح احم كح..

جمانه اتجهت المطبخ التحضيري توترت من صوت كحته وهي تبل فوطه صغيره وتعود له جلست جواره.

ضعتها على جبينه وهو ارتعش بشده ثم استكن وهي تهدئه بكفيها الذي تمسد شعر صدره بخفه..

عزام مغلق عينيه ويهذري/اول مره اشوف سجينه تعالج سجانها ترا هاذي فرصه لك اذا تبين تشردين..

جمانه تسمع بصمت وهي مازالت تكمده بخوف من حرارته الذي بدات ترتفع فهي دكتوره وتفهم ذالك..

عزام يكمل هذرته/جمانه تسمعيني كح كح لو اموت لا تجلسين هنيه بروحك جوازك كح بمخبا البنطلون خذيه ورجعي لسعوديه فوراً..

جمانه عينيها بدات تدمع وهي تصمته برعب/عزام خلاص اسكت عشان اقدر اعالجك..

عزام عاد لنوم و انفاسه الحاره من الحما تسارع وجسده مازال يرجف بشده..

جمانه حملت الفوطه اتجهت المطبخ بلتها من جديد عادت وضعتها على جبينه وهي تجول الكوخ بعينيها؟.

زفرت بهم/يالله وش ذا الورطه اللي حطني فيها هالمجنون قلعنا باخر الدنيا حتى مستشفى مافيه؟؟..
——————————————————
رشا تمغط يديها وهي مازالت متمدده استدارت لجهة عساف كانت خاليه قفزت جالسه باستغراب؟..

رات الحمام يفتح ويخرج وهو لاف فوطتها الورديه على جسده ابتسم لها/صباح الخير يا احلى صباح..

رشا تضحك بغنج/صباح النور وش عندك سارق فوطتي؟..

عساف هز كتفيه وهو يتجه التواليت هتف بتقصد/وش اسوي ماعندي شي هنيه الا سروال وفنيله وثوبي الي جيت فيه..

رشا تنفض الفراش وتوقف/جيب ملابسك ماحد رادك..

عساف استدار لها بحزم/ وليش ما تاخذين ملابسك انتي وفهود وتروحون معي للبيت؟..

رشا ترفرف بعينيها/وامي من عندها؟..

عساف زفر بثبات/بيتها مو بعيد عنا وكل يوم تعالي زوريها..

رشا بتردد/بس عساف..

قطع كلامها رن هاتف عساف وهو يتجه ويرد عليه بثقل/مرحبا…هلا سعود معك؟…متاكد انت…طيب…الله يعطيك العافيه ويبيض وجهك…سلمت سلمت…خلاص بحجز اقرب رحلة وجيك…مع السلامه..

منذ اغلق الهاتف سالته رشا باندفاع/وشو حجز ورحلة على وين ان شاءالله؟..

عساف ناظر بها بتماسك/بسافر تركيا عندي شغل مهم وانتي اجهزي بوديك عند امي..

رشا فار دمها حقاً/وممكن اعرف الشغل المهم اللي جا كذا فجئه؟؟..

عساف تنهد بضيق/رشا والله مو وقتك قلت لك شغل مهم يلا عاد تجهزي مامعي وقت..

رشا تجلس على الكرسي امام التوليت بعناد/مو رايحه وانت بكيفك روح خل شغلك ينفعك..

عساف اقترب لها مال وقبل حبينها/حبيبتي لا تعاندين قومي خلصيني..

رشا بتسال/طيب قل للي السبب؟..

عساف بثقه حازمه/عزام هناك عنده ظروف خاصه وبروح له ارتحتي الحين؟..

رشا قطبت/ليش عسى ماشر؟..

عساف اتجه المعلاق حمل ملابسه وعاد الحمام/مافي شر بس اجهزي يلا انتي وفهود وحسبي حساب النوم عند امي لين ارجع..
—————————————————————
مجلس الفاهد..

فهد بتسال صارم/انت متاكد من معلوماتك اخاف تروح على الفاضي..

عساف هتف بثقته المعتاد عليها/لا ان شاءالله متاكد الرجال اللي وصيته ثقه ورحلتي الساعه 6 المغرب ادع للي بس..

فهد تنهد بعمق/ الله يحفظك ولا يخليني منك و يعين على اخوك و هباله..

عساف بتحكم/لا تنقل هم هالمره تاديبه على يدي..

فهد بتسال/ منصور عنده خبر انك بتروح؟..

عساف بحزم/لا اتصلت عليه يجي الحين وعلمه..

فهد زفر بهم/كان ماقال بروح معك؟..

عساف بذات الحزم/ماراح اخذه وعزام ماراح يتقبله اصلا..

منصور دخل عليهم/مساءالخير..

عساف و والده/ مسا النور..

منصور هتف با استعجال/عسى ماشر عساف تقول تبيني ضروري؟؟..

فهد ياشر له بتقدير/اجلس يابو جميله ورتاح مافي الا الخير..

منصور يجلس بتوتر/طيب هذا انا جلست وش صاير؟؟..

عساف بهدو مدروس/انا عرفت مكان عزام وبروح له اتفاهم معه وخلي يرجع بنت اختك بطيب ولا بالغضب..

منصور وقف بامر حازم/بروح معك وانا ارجعها بنفسي..

عساف وقف بحزم متماسك/يا منصور انت وعزام ماراح تفهمون وبكذا تكبر السالفه ويمكن يعند والمتضرر الوحيد هي البنت..

منصور باصرار بالغ/قلت يروح يا عساف وماهو من حقك تردني..

عساف بذات التماسك/منصور ترا كان بمكاني اروح من غير لا ابلغك لكن انا احترمتك وانت احترم وجهة نظري..

منصور يفور دمه/عساف قلبي بيوقف من قهري عليها كيف تبي اجلس وانا اعرف مكانها؟..

عساف بوعد واثق/والله بترجع لك بسرع وقت وعد بس انت اهدى وتطمن..

فهد يوقف بهيبه/يا ابو جميله عساف واعدك وانت تعرفه لا قال فعل ما يتنازل عن كلمته..

منصور تنهد بحيره/اكيد يا عساف اعتمد؟..

عساف بثقه اعمق/لو تبي امسك على شاربي مارجع الا وهي وهو معي..

منصور هز راسه برضا/ما يحتاج تمسك على شاربك انا واثق بكلامك..
—————————————————————-
طرابزون..

جمانه مازالت على هذا الحال تكمد عزام لكن لم يكن فيه تحسن حرارته مرتفعه وهو نايم لم يشعر بشيء..

خلعت الجاكيت وهي تضع يدها تحت كتفي عزام محاوله بان تجلسه على السرير كي تلبسه ليدفى..

لكنها لم تستطع ثقيل عليها جداً عادت المحاولة حتى انتهت طاقتها وارتخت يديها وهي تنفجر باكيه بخذلان

من بعد عاصفه عميقه من البكا غطت صدره بالفراش وضعت الفوطه المبلولة على جبينه..

كانت تراقب الشباك الذي غطاه الضلام واتى وقت اليل شعرت بخوف لو هجم عليها احد من سيحميها؟

وقفت اغلقت الشباك و البلكونه ثم عادت جالسه على السرير بجوار عزام قربه لو كان نايم مصدر امان..

قفزت من صوت طرقات على الباب ضعت كفها على شفتيها تكتم شهقت الرعب وعينيها تذرف الدمع..

عاد الباب يطرق بخفه جمانه ضعت راسها على صدر عزام دقات قلبه تطمنها اغلقت عينيها ليزيد بكاها..

وصلها صوت ندا رجل بالغه العربيه/عزام هل تسمعني؟؟..

عاد وطرق بندا/هذا العشا امام الباب اتصلت على هاتفك مغلق اذا اردت شيء اخر هاتفني..

جمانه رفعت راسها تسمع بتوجس يكون احد من معارف عزام ترددت هل تنادي له كي يسعفه؟..

لكن بالاخير قررت بان تصمت لاتضمن الرجل الغريب تخشى بان يستغل الوضع وهي تعلم جمالها لا يقاوم..

تصبر على موت عزام وهي تعيش على شرف افضل من يعيش عزام ويموت شرفها وعرضها…

جمانه نهضت فتحت جز من الشباك وهي تراقب الرجل الاجنبي الذي ركب سيارته وغادر..

اتجهت الباب فتحته وادخلت الاغراض من اجل اذا عاد يفكر بان عزام هو من اخذها…
———————————————————
تحياتي (شغف)..

يرحم والدينك ياشغف ع هالبارت النارررري صراحه سلمت اناملك ياليت تكتبي لنا بارت تكمله اليوم لان صراحه مافينا صبر نصبر من بعد هالحدث 🥹🥹🥹🥹🥹🥹🥹🥹🥹

ابددددددددااااااااع 👏🏼👏🏼👏🏼👏🏼👏🏼

سجلت بالمنتدى لعيوووووونج ، لا تفكرين انج توقفين الروايه ونبي النهاية بأسرع وقت 😜 😍