طيب نبغى جمانة😿
شو صار معها

حبايب قلبي لا تستعجلون جمانه لها احداث خاصه💔 راح تنزل بالبارت الجاي..

يسعد مساكم واخيراً فتح منتدى ليلاس عندي من البارح معلق مادري انتم كذالك ولا بس انا؟؟..كنت احاتي لو مافتح كيف بنزل لكم باقي البارتات لكن الحمدلله..


روايه بين الماضي والحاظر..

للكاتبة (شغف)

-/البارت الثمانون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

بالمطار..

عساف ومنصور مازالو ينتظرون الخبر الاكيد عن الرحلة الذي سافر بها عزام وجمانه لاي دولة؟..

منصور يخفت بنفاذ صبر/ هذول علامهم من الصباح ننتظر الظاهر انهم مغطين على خويهم..

عساف بتهدئة حازمه/مايقدرون يغطون عليه مسوليه لكن يبون يتاكدون من رحلته خل نتظر شوي..

منصور بضيق شديد/احس اني جالس على نار ابي اعرف وينها بالحقها ورجعها..

عساف ينظر به بذات الحزم/عين خير يا بو جميله وين تلحقه الله هداك؟..

منصور بقهر عميق/لو بالمريخ لحقته..

اتى الموظف/ تفضلو معي بالمكتب..

وقف عساف ومنصور لحق به وجلس الموظف وهو يفتح الجهاز الرحلات المغادرة ليلة البارح..

هتف بثبات/عزام الفاهد وجمانه رواف؟..

منصور باستعجال/ايه وين سافرو؟..

الموظف بحيره/للاسف فيه لخبطه هو طالب رحلة اخلا طبي لندن ولان موجود عندي اسمه واسم زوجته برحلة تركيا..

منصور شدت اعصابه/كيف فهمنا سافر لندن ولا تركيا؟..

الموظف بثقه/ تركيا طبعاً لكن هم عنده حجز رحلة على لندن اخلا طبي..

منصور وقف بصرامه/ احجز للي على تركيا الان..

عساف وقف بصرامه ابلغ/يارجال اعقل وترك عنك التهور تركيا وين تروح فيها شمال ولا غرب وبعدين يمكن يكون طلع لندن من مطار تركيا تر عزام خطير ويدرس كل شي قبل يسويه..

منصور يتمزق بالم/طيب والحل يا عساف اجلس كذا وانا مادري بنت اختي ارضها من سماها؟..

عساف امسك به بحزم خافت/ منصور امش معي لسياره وهناك نفكر بهدو..

منصور يتبعه وعقله يعتصر محاول يبحث عن حل سريع ركب جوار عساف بالمقعد الامامي بصمت..

عساف ادار وجهه له هتف بسياسه حازمه/ ركز معي وخلك هادي ترا عزام ماتصرف كذا عشان يخطفها لا هو محتاج يجلس معها بعيد عن العالم ويتفاهمون بينهم وحنا ما عطيناه فرصه..

منصور ناظر به بعتاب حاد/ تبريه يا عساف عشانه اخوك وانت اكثر واحد توقف بالحق؟..

عساف زفر بثقه/ لا طبعاً انا ما بريه هو اخطا فعلاً ولابد ياخذ جزاه لكن انا اطمنك انت انه مستحيل يضرها هي زوجته ترا واكبر دليل على حبه لها انه رمانا كلنا ورا ظهره عشانها..

منصور يريح ظهره على المرتبه بارهاق/ بس هي ماتبيه غصب يرجعها؟؟..

عساف بعدم اقتناع/ لو ماتبيه ماكانت تزوره بالمستشفى وتقضي معه وقت طويل لو ماتبيه ماكانت زعلت يوم قال بطلق بس هي تكابر وعزام واثق من هذا الشي عشان كذا ابتعد فيها..

منصور قطب/ ماني فاهم قصدك؟؟..

عساف بحكمه و ركادة/ تاكد يا منصور اذا هي مصره على الطلاق راح تقدر ترجع بطريقتها وهو راح يحررها..

منصور تشتت مخه/ والله ماني فاهم دامها تبيه ليش ترفع بالمحكمه؟..

عساف بثقه عميقه/قلت لك تكابر وتبي ترد كرامتها على العموم انت ارتاح وريح مخك البنت مع زوجها وبامان ومردهم بيرجعون و عزام يتحاسب على حركته حتى ولو كان متفاهم معها حقه من العقاب ياخذه..
——————————————————————-
تركيا..

جمانه فتحت عينيها بخدر وشعورها بصداع شديد حاولت تحرك لكنها لم تستطع بسبب الخمول..

والغطاء الابيض الثقيل شديد الدفى الذي مغطي جسدها كامل حتى كتفيها..

تجول انظارها يمين ويسار محاولة تعرف على المكان صدمت وهي ترا انها نايمه في كوخ ريفي..

اعتدلت جالسه على السرير برجفه رات من اليمين بلكونه على النهر مباشرة..

ادارة نظرها لليسار كان شباك قزاز لتر انها بين احضان الطبيعه الخلابه الارض خضراء الون..

السماء غيم وضباب والجو بارد لا تعلم هل جمانه وقت غروب ام شروق لكنها شعرت بخوف عميق..

الكوخ الريفي عباره زوايه فيها سرير و اريكه طويله الزاوية الاخر مطبخ تحضيري و دورة مياة..

عزام كان جالس برا امام الكوخ على كرسي من الخشب مرتدي جاكيت جلد ثقيله وكاب على راسه..

غارق بافكاره وعينيه على السماء لايعلم بان جمانه افاقت فهو منذ ليلة البارح كان يحاول يبعد النظر منها

ليسا ضامن نفسه من شدت شوقه لها يخشى بان يخونها وهي نايمه وهو لايريد ذالك كفا بان خطفها..

الوقت الان قريب المغرب وهي من البارح مخدره بسبب الجرعه الذي اعطاها لايريدها ان تفيق بطائره..

من اجل لا تنفعل و تفضحه بصراخها منذا وصل الكوخ ضعها على السرير غطاها عن البرد وبتعد عنها..

عزام استدار لشباك كي يطمن عليها قفز واقف مفجوع وهو يراها واقفه على البلكونه تنظر بالنهر..

دخل الكوخ برعب اقترب لها سحبها مع عضدها بقوه كل ماخطر باله انها سوفا تنتحر!!..

جمانه ناظرت به لثوان ومن ثم ابتعدت وجلست على السرير بجمود وهي تظر الشباك بصمت..

عزام مصدوم من ردت فعلها لم يتوقع منها الهدو تقدم وجلس جوارها وهو يراقب ملامحها بدقه؟..

هي مهره عيت على عاسف الخيل..
تعسف قلوب الخلق محد عسفها..

عزام خفت بسكون/تذكرين كيف جيتي هنيه؟؟..

جمانه لم تنظر به ولم ترد عليه/…؟؟

عزام تنهد بوجع لايخلو من قلق/جمانه هذا الحل الوحيد لازم اخذك ونبتعد عشان نقدر نتفاهم اذا انتي بايعه للعشرة انا مستحيل ابيعك..

جمانه عطته نظره قارصه وثم شاحت وجها بذات الصمت/…؟؟

عزام امسك ذقنها وعاد وجها له خفت بنبرة عميقه من اعماق قلبه/ادري انك انتي واهلي والناس كلها ضدي لكن كل هذا مايهمني المهم انك للي و مستعد عشانك اسوي اعظم من كذا..

جمانه واخيراً تكلمت/ مافي شي اعظم من الخطف..

عزام عينيه تراقب مابين عينيها/انتي اللي جبرتيني كيف تروحين للمحكمه وتعلنين التحدي بينا؟؟..

جمانه رفعت حاجبيها بتعجب/الحين صار الوم كله علي تبي تبري نفسك يا عزام وتصحح خطاك؟..

عزام هتف بثقه/ايه الوم عليك وانا ماخطيت زوجتي وخذتها معي بسفر عشان نقدر نتفاهم بعيد عن اهلي وهلك..

جمانه هزت كتفيها بجمود/مايحتاج نتفاهم خلاص انت حكمت علي مؤبد رضيت ولا انرضيت..

عزام ضع انامله على جبينه وهو يغلق عينيه راسه سينفجر بسبب ضغط الدم المرتفع والسهر والتعب..

ناظر بها وهي تنهض مبتعده عادت ودخلت غطاء الفراش وتمددت وهو مازال جالس قريب قدميها ويراقبها..

عزام نهض واقف خلع جاكيته علقها رمى الكاب حرر شعره اقترب وتمدد قريب لها وجهه مواجه وجها..

كان ينظر تعابير وجها وهي تنظر عرض صدره عزام مسح شعرها باطن كفه العريضه بحنو شديد…

هتف بحه/في اكل حطيته لك بثلاجه سخنيه وكولي المطاعم بعيده عنا..

جمانه بنبرة ميته/بي دولة حنا؟..

عزام خفت بحذر/بطرابزون..

جمانه خفتت بتوجس/ وليش اخترت تركيا بذات؟..

عزام بذات الحذر/عشان نعيش اجمل الحضات..

جمانه تنظر به بوجع/قصدك تعيشها انت بروحك..

عزام شد له نفس ثم زفر بتسلط/بقربك عزالله اني عايش اجمل ايام عمري حتى ولو انك مو راضيه بيجي يوم وترضين..

جمانه بياس وخذلان/كل يوم يزيد كرهي لك بسبب تصرفاتك الحقيره..

عزام مال بانفعال ضع شفتيه على شفتيها و اخرسها بقبله ملتهبه وهو يحتضنها بشده بين ضلوعه..

جمانه لم يتحرك بها شيء كانت شبه جامده وهو يتعمق بتقبيلها واحتضانها محاول منها تجاوب..

من بعد مافقد الامل ارتفع عنها قليلا وانفاسه الحاره تختلط بانفاسها وعينيه تبحر بعينيها الناعسه..

اخاف بان يحل مكاني شخص اخر كثير الحظ وقليل الخجل يغازل عينيك وانا المفتون بها..

عزام همس لها بنبرة عميقه/من البارح وانا ماسك نفسي عنك ماهو لاني انتظر رضاك لا بس تكونين واعيه افضل..

جمانه بهمس غريب/غلطان سراحه بهيمه سحبتها مع رقبتها كان بمكانك تفعل فيها كل شي حتى وهي ميته..

عزام بتماسك شديد/جمانه بلاها هالكلام انا والله حدي مشتاق لو بتصبر عنك ماقدر اسمحي لي اليله بس وبعده اوعدك راح ابتعد لين انتفاهم..

جمانه بنبرة ساخرة/وليش اسمح لك على اني لو رفضت بتبتعد؟..

عزام ابتسم وهو يغمز بعينه بخبث/لا بقترب اكثر واكثر..
———————————————————-
الساعه الثامنه مساء..

مليحه كانت جالسه بصاله عاصبه راسها بسبب الضغط المرتفع حتى انها لم تنم الا ساعتين فقط..

مزنه تهدئها خوف على صحتها/يومه الله يطول بعمرك لا تضغطين نفسك كذا ماهو زين عزام ماسوى حرام مرته وبالحلال..

مليحه بزفرة حاده/انتي وعساف مادري وش مفكرين اني صغيرة تقصون علي بالكلام وانتم تعرفون ان عزام غلطان من راسه لساسه..

مزنه تنهد بالم/وش تبينا نسوي اجل نشمته ونزيد القهر عليك اللي صار صار وما بيدينا شي..

مليحه تنظر بها بتسال/منصور وش يقول عسى ماهو متضايق حيل؟..

مزنه تخفي عنها/لا بس زعل شوي بعدين اقتنع انه زوجها..

مليحه بتشكيك/اي اقص ذراعي اذا انتي صادقه..

مزنه تهتف بهم/المهم ماعليك من منصور انا بمر على العنود اشوفها والله ماجيتها مالي وجه..

مليحه زفرت بوجع/تكسر الخاطر ماتدري تلاقها من زوجها ولدها الطماعين ولا من بنتها المخطوفه..

مزنه بغبنه لم تستطع اخفائها/والله ماتوقعت عزام يستغل سند المراهق كذا؟..

مليحه بذات الوجع اقرب للخذلان/هذا اكثر شي صدمني فيه يمشيهم تحت شوره بالفلوس؟..

مزنه توقف وترتدي عباتها/الله يعين بس..

مليحه بتسال/ترجعين ولا تروحين مناك بيتك؟.

مزنه بثقه/لا اكيد برجع انام عندكم ماراح اخليك وانتي بهذي الظروف..

مليحه بحزم هادئ/لا يامك انا بخير عندي فهد وعساف روحي مع زوجك هو بحاجتك..

مزنه بتردد/بس يومه انتي بعد..

مليحه بمقاطعه واصرار/اسمعي الكلام روحي مع زوجك..

مزنه تقبل راسها/حاظر اجل الصباح اجيكم..
————————————————————-
منصور يهدئ العنود الذي مازالت تبكي منذا ليلة البارح ودموعها لم تجف مخذوله من هاذي الحياة..

مصدومه من البشر حتى انها طردت سند من البيت بغضب شديد بعد ماعلمت بان له يد بخطف جمانه!..

وهو راح مع رواف لشقته لكنه مازال مصدوم من نفسه غير مستوعب انه ساعد مجرم بخطف شقيقته!

منصور بحنو اخوي/يا العنود ترا البكى مايغير شي البنت مردها لك بس هدي عمرك..

العنود زفرت من بين شهقاتها/انا مقهوره من ابوها واخوها كل واحد حذفها حذفة الكلاب من عشان كم الف باعوها برخيص..

منصور يكتم قهره/ماعليك منهم جمانه قويه وبتاخذ حقها وانا معك ومعها افداكم بدم قلبي..

العنود تنظر به باعتزاز/عساها تبطي سنينك يا عزوتي والله اني ادري ماحد مقهور على جمانه كثرك..

منصور يتصنع الهدو/ليش انقهر وهي مع زوجها محرم لها ماهي مع واحد غريب ولا كان ولعت الدنيا صدق..

العنود بحكمه هادئه/وهذا اللي مطمن قلبي انه حلال عليها لكن ليش يسوي كذا ماهو عيب عليه؟..

منصور زفر بتماسك/خاف انها ترفع خلع ويخسرها ولا يقدر يتصرف يبي يتلاحق يرضيها..

العنود ارتاحت قليلاً/توقع كذا فكر؟..

منصور يسايرها/اكيد يومين باذن الله وهي عندك وامورها زينه..

العنود بيقين/ الله يسمع منك..

طرق الباب العنود بندا/سوسن شوفي من عند الباب..

سوسن فتحت الباب ومزنه دخلت بخطوات حذره وهي تشعر بالحرج الشديد اقتربت وسلمت بهدو..

العنود ترحب بود معتاد/حي الله ام جميله زارتنا البركه..

مزنه ترفع نقابها وكاد تبكي من الحرج/الله يبقيك يا العنود والله مالي وجه اتكلم لكن ماهن علي مامرك وشوف اخبارك..

العنود بحزم هادئ/يا مزنه انتي مالك دخل باللي يصير ماجا منك خطا عشان تنحرجين..

مزنه تنزل عينيها بالارض/الا والله انه قاص وجهي قدامك لكن الله يسامحه..

منصور امسك ذقنها بطرف انامله ورفع راسها بود/لا تنزلين راسك مره ثانيه فاهمه؟..

مزنه نزلت دموعها رغماً عنها/امي تعبانه ومرتفع ضغطها وابوي من جيت البيت ماشفته وانت وعساف من البارح ما نمتم والعنود ترحب وهي مقهوره كيف ماتبي انزل راسي؟..

منصور بحنان صافي/الامور بتزين ان شاءالله وانا وانتي اليله بنام هنيه عند العنود كان سمحت لنا..

العنود دموعها تنزل من كلام مزنه/اذا ماشالكم البيت تشيلكم عيوني..

منصور ابتسم بصعوبه/الله يسلم عيونك..
———————————————————

تركيا..

تحديداً طرابزون..

الكوخ اصبح كثلاجه بارداً جداً عزام جالس قريب من موقد النار وهو مازال بروب الاستحمام وشعره مبلول..

يفكر لماذا استعجل مع جمانه هكذا لم يعطيها فرصه بان تستوعب ما حدث افترسها منذا افاقت من النوم؟

تبا لاطنان الشوق الذي قتله وجعله اناني لا يفكر الا برغبته وبين كل ماحدث يخشى بان يكون هذا حلماً..

فيستيقظ ولا يراها فيقضي اليل يحدث النجوم عنها لعله من صورتها ورائحتها يكون قريب…

عزام ادار راسه للخلف ينظر بها كانت جالسه على السرير لامه ركبتيها بذراعيها وتنظر النهر والجبال..

بذهول عقل مازالت مرتديه قميصها الصيفي بالون الاورنج نصف كم منذا خطفها لاتملك سوى قميصها..

وجواز سفرها سلب منها كل شيء قرارها اصرارها حكم حياتها معه بالقوه قبل يكون الانفصال..

عزام اقترب لها وقف جوار السرير خفت بحزم حاني/قومي استحمي بما دافى وبعطيك جاكيت تدفيك الجو بار..

جمانه مازالت لامه ركبتيها بذراعيها الثلجيه وشعرها الاسود منسدل بنعومه حتى وصل اسفل ظهرها..

لم تنظر به ولم ترد عليه/…؟؟

عزام تنهد بضيق/جمانه اوعدك ما تكرر الا برضاك..

جمانه هتفت بمراره ساخره/وحده مثلي تعتبر من ممتلكاتك ليش تنتظر رضاها؟..

عزام جلس جوارها ابعد شعرها للخلف تنهد ثم زفر ثم همس بنبرة موجوعه/والله انك رضاك يهمني انتي ليش ماتبين تستوعبين اني احبك تملكاً وجنون وغيرة..

جمانه ناظرت به بياس/اللي يحب مايجبر حبيبه على حياة ما يطيقها انت تحب نفسك بس..

عزام زفر من بين اسنانه/جمانه حياتك معي وبتم اجبرك عليها لين تقتنعين اني نصيبك..

جمانه برود مستفز/اذا بنتظرني اقتنع تبي تقوم القيامه وحلمك ماتحقق..

عزام بثقه حازمه/بيتحقق قريب وبلين راسك اليابس بس عطيني اقل من سبوع..

جمانه زفرت بتعجب/واثق؟..

عزام مال لها بخبث باسم/وبقوه بعد..

جمانه شاحت وجها عنه بنفور/ممكن اكلم امي وطمنها علي؟..

عزام بحزم حاني/لا طبعاً اليومين هاذي ممنوع المكالمه من امك وغيرها..

جمانه عادت تنظر به بغضب/اشوفك متقن شخصية المجرم خطفتني و تبي تحرمني حتى من امي؟..

عزام ابتسم بوسامة/من اجل عيونك اصير مو بس مجرم الا سفاح..

جمانه تنهد بطولة بال/عطني جوالك بكلم؟..

عزام قبل جبينها برفق/بكرا وعد اخليك تكلمينها اليله ارتاحي وانا برتاح من الدعاوي والاتهامات..

جمانه تنظر عينيه الواسعه عدساته العسليه/وتدري انهم يدعون عليك ماتخاف وانت سبق و اصابتك دعوة مظلوم؟..

عزام ضم وجها بين كفيه العريضه قبل شفتيها ثم همس بنبرة متعبه/عشان كذا مابي اسمع شيء خلي يدعون علي من غير علمي جمانه قلبي تعبان والله تعبان..

جمانه ارتعشت لاول مره تشعر بانه صادق بما قال عزام سحبها بخفه ودفن راسها بصدره العاري..

زفر بذات التعب الحقيقي/يشهد الله من صحيت من الغيبوبة مانمت ساعتين متواصله ماحد حاس فيني يحسبون ان قلبي ميت؟..

جمانه صمتت وهي تشعر بدقات قلبه متواصله ودفى صدره ورقت كفه الذي تمسد ظهرها بحنان خالص..

عزام ابتعد بخفه ثم هتف بسكون/قومي يلا تحممي وتعالي عند النار نبي نحط لنا شي خفيف نتعشا ونام..
————————————————————
تحياتي(شغف)..