لاتعليق وكالعادة عليج قفلات نتظر بارت البياي ع احر من الجمر

ابدااااااااااااااع وتسلم الأنامل

روايه بين الماضي والحاظر..

للكاتبة (شغف)

-/البارت السابع و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

قبل صلاة المغرب..

رشا تتجه غرفة والدتها كي تاخذ رايها بكشختها فهي اعتذرت منها بالحاح بما قالت لعساف وحلفت لها..

بان لا تعيد قلة الادب امامه سوفا تكون عاقله ومحترمه وانتصار قبلة عذرها بحنانها الامومي..

لكنها حرصت عليها بان تلتزم بوعدها ولم تفعل شيء يضايق زوجها وتثمن الكلمه قبل ان ترميها بوجهه..

رشا تدخل عليها وهي تهتف ببتسامه/شرايك؟..

انتصار تنظر بها بعجاب وهي تذكر الله بداخلها عن فاتتها الذي تكبر و تزداد فتنته وجمال في كل مره..

كانت رشا مرتديه فستان طويل ماسك بالون الحمي بتطريز اوربي حزام على الخصر الكتف والذراعين عاريه

شعرها البندقي عامله له ويفي متناثر على كتفيها العاريه ميكب دقيق مبرز ملامح الانوثه الوسيمه..

انتصار هتفت بذات الاعجاب/ماشاءالله تبارك الله جميله بسم الله عليك..

رشا تبتسم بعذوبه/وانتي بعد يومه تجنين حظ فهود فيك يا اجمل جده..

انتصار كانت مرتديه جلابيه ناعمه بالون الكحلي الغامق وحجابها مرتب ميكب ناعم وهادئ..

انتصار تحمل شنطتها وعباتها وهي تهتف بهدو/يالله بننزل عساف على وصول..

رشا قطبت جبينها/ليش مو السواق يوصلنا؟..

انتصار تنظر بها برفعة حاجب/ماتفرق السواق ولا عساف والحين يلا انزلي انتي وفهود..

رشا تنهدت باستسلام/فهودي تحت مع الخادمه بجيب عباتي و جي معك..

عساف كان لتو يوصل دخل الصاله راء الخادمه جالسه جوارها فهود متمدد على الاريكه يلعب بكفيه الصغيره

مرتدي ثوب ابيض و صدريه سودا مطرزه بكتابه فضيه(فهد بن عساف) طاقيه سودا وحذا اسود..

كان شكله ملفت يسحر النظر عساف تقدم له ببتسامه انحن وقبل كفيه ثم قبل انفه وعينيه تجوله بحب..

انتصار تقترب ببتسامه/شرايك بكشخة الشيخ؟..

عساف استدار لها ببتسامه وعينيه رغماً عنه تنظر في رشا الذي تتبعها وتبادله الانظار فهي حقاً معجبه به..

بثوب الابيض المسطر على جسده الرجولي حذاه اسود وساعه تحيط معصمه سودا ذات ماركه عالميه

وغتره بيضا مبرزه عارضه الاسود وحاجبيه المرسومه
انفه الحاد وشفتيه المستديره جذاب وسيم جداً..

عساف هتف باسم لانتصار/مشاءالله عليه انا مستغرب الثوب كيف جا مقاسه؟..

انتصار تضحك/انا مفصلته له نتفه مايجي عليه جاهز..

عساف يضحك برجوله/الله يطول بعمرك والله زين سويتي له..

انتصار تردي عباتها/يلا نمشي مانبي نتاخر على ام عساف..

عساف ينظر في رشا الذي تتجاوزه متجه لفهود انحنت كي تلف يديه بالمهاد ومن ثم ارتدت عباتها..

عساف اتجه الباب عجز يتحمل يراء زينتها الذي تهز براكين قلبه لناس وهو محروم منها ومن قربها..
————————————————————
بالمنتجع..

مليحه كانت واقفه امام باب الاستقبال برزة مرتديه جلابيه فخمه تصميم اماراتي بالون الكركمي..

حجابها رافعته قليلا ليظهر جز من خصل شعرها ميكب ناعم على ملامحها الحاده..

تحمل بكفها الذي ممتلئ بذهب مبخره ذهبيه يفوح منها ريحة العود تستقبل ضيوفها بتقدير..

مزنه توقف جوارها باناقة و هدو مرتيه فستان طويل كلوش بالون البحري شعرها الاسود رافعته تسريحه..

المنتجع بدا يزدحم من الناس والضيافة لم توقف من القهوه والشاي والحلويات المعجنات والعصائر..

مزنه تقترب للعنود بموده باسمه/يالله تحيك وين جمانه ليش ماجت معك؟؟..

العنود مازالت محرجه/ماهي جايه على حفل عزام وهي رافعه فيه بالمحكمه..

مزنه تجلس جوارها هتفت خفتت بحزم/الله يهديها هي مكبره السالفه لو جت وخلت عنها هالكلام حنا اهل يالعنود ونقدر بعض..

العنود بود عميق/والله انك بغلاة بنتي يا مزنه وماكان ودي اللي يصير صار ولا علمت عنها هي ومنصور الا بعد ما عادو من المحكمه..

مزنه تمسد كف العنود بخفه/هذا شي مكتوب وان شاءالله بتنحل مشكلتهم بقرب وقت يا طلاق بالحسنا ولا يجمع الله شملهم..

عند مليحه ترحب ببتسامه/يالله انك تحيي خزنه وفضيله ومن معهم..

خزنه بتقدير/الله يبقيك ويبارك لكم بحفيدكم ويحظ لك عزام من كل شر..

فضيلة بحساس صادق/ والله وغلاة عبدالله من بشرني بسلامة عزام انها اجمل البشاير..

مليحه بتاثر ودود/الله لا يغلك على غالي والله يا ام عبدالله اني مو راضيه بطلاق عبير من عزام لكن طيحة بالمستشفى كانت طويله ونسيت الموضوع كله..

فضيله ببتسامه لطيفه/رضينا ولا مارضينا هذا المكتوب وهو اخذ نصيبه وهي ابشرك جا نصيبها وملكتها السبوع الجاي..

مليحه شعرت بغصه فقدت الامل وهي كانت مخططه ان عزام يعودها لذمته من بعد طلاقه لجمانة..

لكنها هتف بفرحه متصنعه/الف مبروك عسى الله يوفقها من اخذت؟..

فضيله تاشر على انتصار/ ولد زوج ام رشا اللي توفى العام..

مليحه بذات التصنع/مشاءالله عسى الله يبارك لهم..

فضيله تنهض واقفه خزنه بتسال/وين رايحه؟..

فضيله تعدل جلابيتها/بروح عند انتصار اسولف معها من زمان عنها..

منذ ابعدت مليحه خفتت لخزنه/ بنتها ليش ماجت معها ليكون شايله علينا؟..

خزنه بخفوت مشابه/ لاوالله انها تذكركم بالخير حتى عزام لكن ما لومها ملكتها السبوع الجاي وتستحي لا تجي..

عند انتصار من رات فضيله تقترب ابتسمت مرحبه وهي تاشر على المكان المجاور لها/حي الله الغاليه تعالي عندي مشتاقه لك..

فضيلة تجلس جوارها/الله يبقيك وانا اكثر والله انشغلت بدنيا حتى رشا مازرتها بنافسها…

انتصار بتقدير/معذوره يا ام عبدالله حتى انتم مرت عليكم ظروف والحمدلله عدت بسلامه..

فضيلة تنهد/الحمدلله بس رجع عيالي للي بسلامه..

انتصار بود/ ترا هاليومين بجي انا وطلال لعروستنا نشوف طلباتها قبل الملكه..

فضيله ببتسامه/ الله يحيكم مانطلب منه شي وانتي عمته يا انتصار..

انتصار بود اعمق/الله يرفع قدرك وحقكم يا فضيله اطلبو اللي تبون ترانا حاظرين..

فضيله بتسال/هو طلال اللي كان يبي رشا؟..

انتصار بصدق شفاف/اي هو بس مالله كتبهم لبعض وتراه رجال اجودي وطموح وتعتمدين عليه بعد الله..

فضيله تبتسم بخفوت/ما يحتاج نسال عنه وانتي موجوده؟..

انتصار بثقه/والله ماقلت الا الصدق وحقكم تسالون لكن انا اعرفه من قديم محافظ على صلاته ودينه..

فضيله باقتناع/ابد والله ماحنا سالين عنه انتي كلامك يكفي عسى الله يتمم..
————————————————————
عند الرجال..

رواف يرشف من كاس الشاي بروقان وهو يراقب ملامح عزام الذي كان مع الناس جسد بلا روح..

واضح عليه الضيق و التفكير وعدم التركيز ليعلم رواف بان ابنته سيطرت على قلبه وعقله هذا ماكان يريده..

منصور كان قايم مع عساف بالاستقبال والضيافه وتجهيز العشا ولكنه حاصل بينهما خلاف..

فهد يتحادث مع ثنين من رجال الاعمال بموضوع الشركه والاسهم بدقه وتركيز واهتمام..

عساف يخفت لمنصور بامتنان/ماقصرت يا ابو جميلة رح اجلس و ارتاح من اليوم واقف على رجولك..

منصور برجوله/ ماني جالس انا كذا مرتاح..

عساف ابتسم بلطف/اجل مدامك مرتاح الله لا يهينك رح شوف صالة العشا جهزوها العمال ولا باقي..

منصور يبتسم وهو ياشر على انفه/على هالخشم الحين اروح اتاكد..

عند عزام كان يخافت عبدالله بموضع جدي دقيق بنبرته الحاده/اسمع ابي اطلع انا اول وانت خلك موجود لربع ساعه تاكد احد فقدني ولا لا بعدين الحقني..

عبدالله بخفوت واثق/ولا يهمك ترا دارس الخطه صح..

عزام بحرص شديد/عبدالله تكفى خلك نبيه تراء لو احد لاحظ رحنا فيها..

عبدالله بثقه حازمه/افا عليك حطني على يمناك والله لتمشي الامور احسن من ماتوقعنا..

عزام بذات الحرص والتوصيات/تطلع المطار تاكد من تجهيز الرحلة اخلا طبي فوراً..

عبدالله بشهامه/والله كل جاهز انا مريت عليهم قبل اجي الحفل بس باقي تنفيذ..

عزام استعداد للمغادرة/يلا جا وقت التنفيذ انا بروح وبينا اتصال..

عبدالله يحرص عليه/بس لا تتاخر قبل الساعه 10 وانت بالمطار؟..

عزام يوقف وهو يخطف الانظار على الجميع/باذن الله قبل 10..
————————————————————
بهذا الوقت كانت جمانه بغرفتها تشاهد لها فلم محاولة تشغل تفكيرها عن الحفل وعزام والجميع..

لكن التفكير والهم مسيطر عليها دمر وقتها و لحظاتها ليست عارفه مصيرها بهاذي الحياة؟..

هل الخطوه الذي بدات فيها ستكون من صالحها ام انها سوفا تندم عليها لا تعلم لماذا لم تشعر بالراحه..

هي متاكده من حب عزام لها وهي كذالك تبادل نفس المشاعر لكنها ستدوس على قلبها وقلبه باصرارها..

وستختار الامان الذي فقدته من عرفت عزام بما ان الطفل الذي كان سيربطها به طاح وانتهى امره..

الان عليها الابتعاد من حياته سوفا تطالب بطلاق حتى اخر يوم بعمرها لتعيش حياة سعيده بعيده عنه..

جمانه تحسس بطنها فهي حقاً شعرت بالجوع لم تغدا اليوم نفسها كانت شبه مسدوده عن الطعام..

منذا وقفت انفتح باب غرفتها وصدمها دخول سند مدرعم واضح على ملامحه الارتباك!!..

جمانه قطبت/بسم الله الرحمن الرحيم شفيك داخل كذا ماتعرف تطق الباب؟..

سند بلع ريقه/الا بس كنت بطلب منك تسوين للي عشا ميت جوع..

جمانه تقترب له وهي تمايل بمشيتها/وليش يا حبيب الماما ماتعشيت اليوم عند خوياك مثل كل عاده؟..

سند يلقط انفاسه المتوترة/مادري جمانه تكفين سرعه انزلي المطبخ..

جمانه رفعت حاجبيها بتعجب/لهدرجه جيعان ليكون بتموت لو تاخرت عليك؟..

سند برجا/تكفين جمانه سرعه..

جمانه ارتعشت من رجاءه الغريب هتفت بحنو/طيب ابشر الحين اسوي لك احسن عشا وترا ابي اتكلم معك من فتره مافضيت لك؟..

سند مازال يبلع ريقه/طيب طيب بس انتي انزلي للعشا..

جمانه اتجهت الباب نزلت الدرج ولم تنتبه لتحركات سند بغرفتها وصلت المطبخ فتحت الغاز شغلت النار

اظهرت قدر من الدرج وهي تستدير للخلف كي تغسله بالما لكنه وقع من يدها ضارب بالارض بقوه..

من رات عزام واقف خلفها بجبروته وشموخه عناده وتهوره نظراته الحاده المبعثره وفعاله الصارمه..

مازال بثوب الابيض لكنه منزل شماغه بسياره شعره الاسود محرره عارضه الاسود مخففه بترتيب..

عزام كانت عينيه مركزه بها لا يعلم لو ما كان بغيبوبه يصبر كل هاذي المده والشهور عن لقاها؟..

يستحيل فهو من كان يخاطر بنفسه من اجل رؤيتها لم يكن يسمح لها تغيب شهر متواصل فكيف بشهور؟..

عزام حين راها تصاعدت دقات قلبه من جمالها الرباني كان وجها خالي من اي زينه بشرتها شفافه..

شعرها الاسود مرفوع و خصل طويله تنزل على نحرها قميصها ذات لون الاورنج مشرق بياضها وصفائها..

جمانه رجعت خطوه على ورا بصدمه ورعب غير طبيعي قلبها ليسا مرتاح لوجوده بهذ الوقت بذات؟

عزام يقترب لها من بين انفاسه المتسارعة بالعشق والشوق الهفه و الرغبه يتقرب وهي تبتعد على ورا..

اغالب فيك الشوق والشوق اغلب..
واعجب من ذا الهجر و الوصل اعجب..

قطع عليهم حبل النظرات المتبادله الصامته دخول سند وهو يحمل على ذراعه عبايه وشنطة يدويه..

زفر بتوتر/ هذي عباتها وجوازها..

جمانه ناظرت في سند بشكل سريع صادم وهي تراه رافع جوازها لهما لم تصدق بانه يفعل كما فعل رواف من قبل؟!..

شعرت بدوران حقيقي ودموع تجمع بعينها صرخت بشده/وش تقول يا زفت!؟..

سند صمت وهو يصد النظر عنها وعزام يمد يده له بامر حازم/عطني الجواز..

سند مده له لكن جمانه كانت اسرع وهي تاخذه وتخبيه خلفها وتنظر عزام نظرات مهدده؟..

عزام ابتسم بمكر رجولي/جيبي الجواز مانبي نتاخر ورانا رحلة..

جمانه احمرت عينيها بغل/قسم بالله لو ما تذلف لاخذ السكين و غرزها بصدرك..

عزام مازال يبتسم بذات المكر/هدي حبيبتي ترا انا زوجك وهذا اخوك مافي حرامي عشان تخافين..

جمانه كاتمه بكاها/قلت لك انقلع يا نذل تستغل مراهق عشان تخطف اخته انت ما تعرف الحرام؟..

عزام اشر لها بصرامه/عطيني الجواز وامشي معي دام النفس عليك طيبه..

جمانه استدارت للخلف كانت ستحمل السكين وتدافع عن نفسها لكن لم يمديها تفعل شيء..

عزام طاوق كتفيها تحت صراخها وهي تحرك بين احضانه بعنف كي تنقذ نفسها لكن ماسرع ماهدت..

و ارتخت بين يديه فاقده وعيها من المنديل المخدر الذي ضعه عزام على انفها ثم شد احتضانها..

ادار وجهه لسند/جيب عباتها سرعه..

سند يشعر بحزن غريب مد العبايه له عزام لبسها عباتها وضع الشال على وجها وحملها بين ذراعيه بخفه

سند وقف بوجه قبل يخرج/عزام وين بتوديها؟..

عزام ناظر به بحزم بالغ/قلت لك بنسافر..

سند عينيه تدمع/طيب وين بتسافرون تكفى قل للي؟..

عزام بذات الحزم/ماراح اقول لك وين المهم حط بالك لو فتحت فمك بكلمه قبل لا اوصل المطار ترا موتك على يدي..

سند بلع ريقه بصعوبه/ماراح اتكلم بس امانه انتبه لها..

عزام زفر بثقه/تطمن هي بخير وبعدين انت اشتر سيارة بالمبلغ اللي عطيتك و اشتغل فيه افضل لك..

سند يراقبه وهو يتجه سيارته و يضع جمانه بالمرتبه الاماميه ومو ثم ركب بالمعقد السائق وحرك مبتعد..

لينفجر سند باكي بندم عميق كسرته نظراتها المصدومة و محاوله دفاع عن نفسها بالقوه..
—————————————————-
توصل الطائره من رحلة سويسرا لارض السعوديه نزلت بثينه بهدؤ وكايد يسندها باهتمام ورفق..

بثينه ببتسامه خافته/اللي يشوفك كذا يقول اني انزف ترا والله ماحسيت بشي..

كايد مازال شاد كفها الصغير/اقول خلي عنك البربره وامشي بهدو وتوازن..

بثينه تضحك بذات الخفوت/ليش شايفني اركض ولا اعرج..

كايد خفت بثبات/تعالي اجلسي هنيه ولا تحركين بروح اخذ الشنط ورجع لك..

بثينه تجلس على اقرب كرسي/طيب انتظرك..

بهذا الوقت دخل عزام بخطوات ثابته يدف عربه تجلس عليها فتاه مغطيه بسواد الكامل لم يظهر منها شيء..

حتى كفيها مغطاه بكم العبايه فهو كان شديد الحرص لا يريد احد ان يتعرف عليها ولو من اظافيرها..

بثينه قطبت قليلاً وهي تعرف على ملامحه منذا عرفته كشرت ثم خفتت بنفسها بغبنه..

( الله يمحيه هذا ولد الفاهد هب حتى الحادث ماقدر عليه يمشي بغرور وكان المطار باسم ابوه؟)..

فتحت شنطتها ورنت على رقم جمانه لتبلغها بالوصول ومن ثم لرؤيتها لعزام بالمطار معه امراه..

توقعت بان تكون والدته ام شقيقته مزنه سوفا تستفسر ماذا بها على العربه اكيد مريضه..

رن رقم جمانه عدت مرات ولم ترد لتعود الهاتف لشنطه وهي ترا كايد يقترب لها بهيبه..

اشر بان تقوم/ يلا قلبي مشينا..

بثينه تنهض وهي تنظر بوابة المغادرون/ شفت ولد الفاهد هنيه معه وحده شكلها تعبانه..

كايد عقد حاجبيه/من قصدك؟..

بثينه بثقه/عزام زوج جمانه..

كايد بغرابه/مو اليله عشاهم وش جايبه؟..

بثينه هزت كتفيها/والله مادري..

كايد بعدم اهتمام/المهم يلا مشينا بنروح البيت نبدل ونرتاح قبل تجي امي وحامد من حفلهم..
——————————————————-
تحياتي(شغف)..

حبيييييييييت مررررره مناسب لشخصية عزام❤‍🔥❤‍🔥❤‍🔥❤‍🔥
قووول وفعل😅🤝🏼

شكرا من القلب ياشغف ع هالبارااتات ابدعتي ياخيتيي زااااااد الحماس منتظرينك ع احر من الجمر😍😍😍😍😍😍😍الله يجعل هالسعادة للي نحس فيها من وراء هالكتابه والابداع بمولزين حسناتج ياقلبي ويغفرلج ولوالدينك 🌹