مراحب بااروع كاتبه منتظرينك ع احر من ااجمر

روايه بين الماضي والحاظر..

للكاتبة (شغف)

-/البارت الخامس و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

يوم جديد..

الساعه التاسعه صباحاً..

مليحه ليلة البارح لم تنم بجناحها كانت محرجه من فهد وليسا عندها استعداد للمواجهه وهو غاضب..

لذالك نامت بغرفة مزنه حتى اتى الصباح وتاكدت بان فهد غادر لشركه اتجهت لجناحها غيرت لبسها ونزلت.

لاول مره بحياتها تريق بروحها فهد لم يغيب عنها يوماً حتى لما يكون عنده سفر لشغل مهم كان ياخذها معه

مليحه بنسبه لفهد الحياة وزينتها الهواء الذي يتنفسه وهو بنسبه لها ليسا زوجها فقط بل والديها وعزوتها..

تشعر بتانيب الضمير بانها وقفت في وجهه و استفزته امام عساف لكنها تعلم بانها كانت مضغوطه نفسيا..

بسبب ابنائها وانفجرت لحضه غضب في والدهما وهو كان غاضب ولم يراعي مشاعرها الامومية..

بعد صلاة الظهر..

مزنه تدخل هي وخادمتها الذي تحمل عزام الصغير وجميلة تحمل شنطتها المدرسيه على كتفها..

مليحه قطبت بغرابه/حياكم الله اول مره تجون ذا الحزه؟..

مزنه اقتربت وسلمت عليها ثم جلست جوارها/الله يبقيك طلعت من الدوام مريت جميله بالمدرسه ومريت عزام بالبيت وجيتكم بنتغدا عندكم..

مليحه بتشكيك/اصدقي القول بينك وبين منصور شي؟..

مزنه تنهدت بضيق/تهاوشنا البارح واليوم قررت اخليه يجلس بيته لحاله..

مليحه شعرت بضيق اشد/ليش طيب وش السبب؟..

مزنه بقهر عميق/جا يصارخ وحط حرت عزام فيني يقول اخوك ماهو متربي ويبي يمشي الناس على شوره وانا انفعلت وتهاوشنا..

مليحه شعرت بصداع شتت مخها/لاحول ولاقوة الا بالله خلاص يامك ارتاحي الحين بعدين نشوف حل..

مزنه تنهض واقفه وهي تخلع عباتها وتامر الخادمه بهدؤ/تعالي شيلي عباتي ودي جميله وعزام غرفتي فوق يرتاحون لين يجهز الغداء..

الخادمه نفذت ما طلبت وهي تتجه لدرج مع ابناء مزنه بهاذي الحظه وصل عساف اقترب لهما بشموخ..

وعينيه تنظر والدته باهتمام سلم على مزنه/حي الله ام عزام اخباركم؟..

مزنه هتفت بود/الله يبقيك بخير نحمد الله شلونك شلون فهودي وامه؟..

عساف قبل راس مليحه وجلس ببتسامه/بخير الحمدلله ما مريته اليوم فهود انشغلت عنه..

مزنه ببتسامه/افا ليش؟..

عساف هتف بثبات/ عندي كم قضيه تو خلصتها وجيت البيت ارتاح..

مزنه تنهد بعمق/ الله يعين العمر يخلص والشغل مايخلص..

عساف ناظر والدته الصامته سالها بتقدير/شلونك يا الغاليه؟..

مليحه بهدؤ حاني/الحمدلله بخير وعافيه..

عساف بتوجس حذر/ ابوي متى طلع الشركه صحيت بدري ماشفت سيارته؟..

مليحه بركادة/ مادري كنت نايمه..

مزنه قطبت بغرابه لاول مره والدها يخرج من البيت والدتها تكون نايمه وليسى مهتمه لكنها لم تستفسر؟..

انفتح الباب على وسع ودخل فهد بهيبه عميقه هتف بسلام من بعيد وهو ياشر بيده واتجه المصعد..

مزنه استدارت لوالدتها بصدمه/ علامه ابوي مايبي يسلم علي ماهو بعادته؟..

مليحه ترفع حاجبها بمكابرة/ ينزل على الغدا وتسلمين عليه..

عساف ينهض واقف بخفه/ بطلع جناحي ارتاح لين يجهز الغداء..
————————————————————-
سويسرا..

كانت بثينه تنتظر النتيجه على احر من الجمر ملهوفه بانها تكون حامل و مفوجعة بان يكون اوهام..

كايد يهديها بسياسه بان لا تنصدم من النتيجه مهما كانت فالخير بما اختاره الله سبحانه..

بثينه زفرت باستعجال/ تاخرت الممرضه كل ذا الوقت عشان تحليل؟..

كايد يزفر بحزم/ بثينه وش بلاك رجيتي راسي ترا التحليل يبي له نص ساعه وحنا ماصار لنا خمس دقايق هنيه..

بثينه تصد عنه بزعل/ انسان بارد ماعنده مشاعر..

كايد مال عليها همس عند اذونها بخبث/ اذا انا الرجل العاشق ماعندي مشاعر اجل من اللي عنده؟..

بثينه تدفعه بكوعها بخجل/بسك من البارح وانت ماسك على الغزل..

كايد اعتدل بجلسته/هذ جزء من للي بداخلي اللي ماقلته اكثر بكثير..

بثينه صمتت وعينيه على اناملها الذي تعبث في عبايتها ذات لون العنابي الغامق ناعمه وانيقه..

بعد ربع ساعه اتت الممرضه تحمل بيدها ورقه فزت بثينه وهي تنظر لها بصمت عجز لسانها عن الكلام؟..

كايد وقف بثقل متسال/ هاه وش نتيجه؟..

الممرضه تمد الورقه له/ مبروك مدام حامل..

بثينه استدارت لكايد بشكل مفاجى وهي ترتمي على صدره وتبكي بنحيب عال وهو يشد احتضانها برحمه..

كايد خفت لها بسعاده/مبروك يا قلبي علي وعليك..

بثينه ترفع راسها وتنظر به بعيني دامعه/ واخيراً كايد بصير ام؟..

كايد عادها لحضنه وقلبها يتمزق لها ومن اجلها/واحلى واطهر ام بدنيا كلها..

بثينه تعلق بجيبه/انا اللي ببشر خالتي انا..

كايد هز راسه برضا/تم الحين اتصل عليها وخليك تبشرينها..

بثينه عادت جالسه وهي تحمد الله بداخلها على تحقيق ما كانت تتمنى وتخشى بان لا يتحقق..

كايد يجلس جوارها رفع هاتفه وتصل بوالدته رنتين اتاه صوت خزنه الحنون/ يا مرحبا..

كايد بموده/ شلونك يا الغاليه وربي اشتقت لك..

خزنه بحنان عميق/ وانا والله اكثر اشتقت لك و لبثينة لكن سعادتي يوم اشوفكم سعيدين..

كايد بذات الموده/ يومه بثينه بتكلمك عندها لك خبر يفرح قلبك..

خزنه ابتسمت/ عسى خير يارب عطني بكلمها..

بثينه تحمل الهاتف هتفت بنبرة باكيه/شلونك خالتي؟..

خزنه انتفضت بحمية/شفي صوتك عسى ما كايد مضايقك بسي علميني لا تخبين علي؟..

بثينه لم تستطيع التماسك وصوتها يتقطع من شهقاتها المتواصله/انا حامل بجيب لك ترفه..

خزنه صمتت قليلا ثم بكت وهي تحاول تكتم شهقاتها/ الف مبروك يا بنتي والله انه اسعد خبر وصلني يا عسى الله يثبته ويقر عينا فيه بسلامه..

بثينه بختناق/ الله يبارك فيك يا روحي خالتي والله من وصلت النتيجه اول ما بشرت انتي..

خزنه بحنو خالص/ الله يبشرك بالخير خذي جواهر جننتيني بتكلمك..

جواهر تسحب الهاتف بفرحه/ بثينوووه حامل يا العوبا وحنا اخر من يعلم؟..

بثينه ابتسمت من بين دموعها/ تو دريت انا كيف اخر من تعلمون باركي للي بدل التشره..

جواهر تضحك بفرحه/ والله وتبين تاخذين غلا عيالي انتي وعيالك؟..

بثينه تضحك/غيورة موتي حره..

جواهر بحب/الف مبروك ياروح اختك وربي اني طايره من الفرحه..

بثينه تنظر في كايد الذي يراقبها بصمت/ لا جواهر لا تطيرين حنا يومين ونطير لكم..

جواهر بحرص/بثينه انتبهي من الطياره اجلسو لين تولدين..

بثينه انفجرت بضحك رقيق/ تبين الفكه مني تسع شهور يا ظالمه؟..

جواهر بمرح/ مالي خلق اقوم بنفاسك وحوستك وخالتي ماهي فاضي لك..

خزنه تبتسم من بين دموعها/الا بالله فاضيها لها ولك انتم بناتي اذا ماقوم فيكم اقوم بمن؟..

جواهر تغمز لها/ تقومين فيني انا اما هي لا خلي تولي..

بثينه كانت تسمع وهي تبتسم بسعادة/اقول فارقي بس يا حسوده..

جواهر ببتسامه/ لافضيتي كلميني انتظرك؟..

بثينه بود/ان شاءالله مع السلامه..

كايد ياخذ هاتفه الذي تمده بثينه له وهي تهمس بنبرة مبحوحه/شكرا..

كايد ينظر فيها بغموض/العفو ياروحي..

بثينه تبادله الانظار/ انت مبسوط؟..

كايد قبل جبينها قبله طويله/مادري كيف اعبر لك فرحتي مثل مانتي عبرتيها..

بثينه تبتسم وعينيها تراقب عينيه/ مايحتاج تعبر عيونك عبرت وخلصت..

كايد قطب/كيف مافهمت؟..

بثينه تقبل جبينه هي بعد/ نظرات الفرحه واضح بعيونك احبك كايد..

كايد نبض قلبه/ وانا اموت اموت فيك قومي خلي نطلع الفندق وهناك نعبر على راحتنا..

بثبنه توقف معه/ يلا..
———————————————————-
بيت الفاهد..

مزنه اتجهت جناح والديها كي تستدعي فهد للغداء طرقت الباب بخفه عدت مرات مامن مجيب..

نادت بهدو/يوبه انا مزنه ادخل؟..

فتحت الباب طلت براسها كان الجناح فاضي لتفهم بان فهد بالمكتب اتجهت لمكتبه طرقت الباب..

ودخلت ببتسامه/مساءالخير يا وجه الخير..

فهد كان مسترخي على الكرسي و فاكره تاخذه لبعيد مازال غاضب من مليحه بشده وكاتم ذالك الغضب..

لكن من ابنته الوحيده ابتسم بصعوبه/هلا مزنه تعالي يوبه..

مزنه تقترب انحنت وقبلة راسه/ شكلك مانتبهت للي وانا تحت عشان كذا صعدت انا اسلم عليك..

فهد يحاول يخفي ضيقته/كنت مرهق من الشغل حقك علي يا ابوك..

مزنه تقبل راسه مره اخرى/ انا افد راسك لاتقول كذا..

فهد ببتسامه/طيب ليش واقفه استريحي..

مزنه بتقدير/ لا باخذك و ننزل نتغداء..

فهد برفض هادي/ متريق ولا للي نفس بالغداء عليكم بالعافيه..

مزنه بشك/ يوبه انت زعلان منا؟..

فهد هتف بثقه/لا يابوك بس عندي شغل مهم وبجلس عليه روحي تغدي..

مزنه بمحاوله/ طيب انزل كل لو شي خفيف عشاني..

فهد بحنو بالغ/ماقدر اجبر نفسي على الاكل لاخلصت شغلي انزل اتقهوا معكم..

مزنه اتجهت الباب باستسلام/ اوك بنتظارك..

نزلت رات والدتها وعساف على طاولة الغدا صامتين وكانو بانتظارها هي و والدها لكنهما يصدمان!!..

من اقتربت مزنه لوحدها وهي تهتف بغرابه/عياء يقول متريق..

عساف تبادل الانظار مع مليحه ثم هتف لمزنه بحزم/طيب ليش ما حاولتي فيه ينزل معك؟..

مزنه تجلس/والله حاولت بس يقول مشغول ولا خلص يجي ينزل يتقهوا معنا..

مليحه باهتمام/ هو وينه بالمكتب؟..

مزنه تنظر والدتها بتسال/ ايه بالمكتب يومه انتي وابوي بينكم شي؟..

مليحه تبدا تغدا بهدؤ/ سمو بالله..

مزنه تنظر عساف بمعنى ماذا بها وهو اشر لها تغدا بصمت نفذت وقلبها مشغول على والديها..
————————————————————-
من بعد الغداء الجميع اتجه لصاله على براد الشاي روتين يومي والكل كان متامل بان فهد سوفا ينزل..

لكن الانتظار طال حتى وصلت الساعه الثانيه ظهراً لينهض عساف استاذن لجناحه كي يغفي قبل العصر..

مزنه تشعر بصداع وهي تنظر والدتها/يومه حتى انا بطلع فوق اخذ للي غفوه راسي مصدع..

مليحه بحزم حاني/روحي ارتاحي ولا اتصل عليك منصور ردي عليه و تفاهمي مع رجلك..

مزنه خفتت بتقصد/وحتى انتي يومه ليتك تفاهمين مع ابوي ترا مايتساهل تخلينه كذا متضايق..

مليحه تصمتها بحده/لا عاد تدخلين بيني وبين ابوك انا اعرف اتصرف خلك برجلك وكبري عقلك وعودي له..

مزنه توقف استعداد للمغادرة/تامرين امر تمسي على خير..

مليحه جلست لوحدها لربع ساعه بتفكير عميق ومن ثم نهضت واتجهت مكتب فهد سوفا تحل مابينهما..

لم يعجبها هذا الوضع امام ابنائهم وهم القدوه ولابد التقاضي والتجاهل لبعض الامور كي تستمر الحياة..

طرقت الباب ودخلت ليرفع فهد نظره بها بحده/نعم؟.

مليحه تغلق الباب وتقترب بحزم/ بتكلم معك شوي..

فهد برفض قاطع/مابي اسمع منك كلمه والباب اللي جيتي معه اطلعي معه..

مليحه صدمت من رده لكنها تماسكت/فهد كذا مايصير لازم نتفاهم عيالنا ماهو صغار ترا كل لاحظ اللي بينا..

فهد اعطاها نظره حارقه/همك عيالك روحي عندهم انا مابي اسمع منك شي كلامي واضح؟..

مليحه بطولة بال/ عطني من وقتك دقايق بس..

فهد نهض واقف بغضب/ ماعندي وقت لك مليحه اطلعي برا..

مليحه نفذ صبرها/ماني بطالعه و بتسمعني يا فهد..

فهد اقترب لها وعينيه تقدح شرار/ انتي وش مفكره تفسك تبين تمشين كلمتك علي؟..

مليحه تحاول تسيطر على اعصابها/ ماهو قصدي كذا بس بتكلم معك..

فهد اتجه الباب منهى النقاش/تدرين انا اللي بطلع وخليك..

مليحه فار دمها وهي تلحق به منذا دخل غرفة النوم الا هي تتبعه اغلقت الباب خلفها وتقدمت له..

فهد استدار لها بصرامه/ ليش تلحقيني ماتفهمين؟..

مليحه وقفت امامه وهي تكتم بكاها/فهد انت علامك؟..

فهد رفع حاجبه واحد بحده/ انا اللي علامي اقول توكلي على الله بس ترا مالي خلق للمشاكل راسي مصدع..

مليحه صمتت وعينيها تمتلى بدموع لم تستطع تكتم اكثر فهي معترفه بخطاها لكن هو لم يعطيها فرصه..

فهد من راء عينيها غارقه بدموعها اختنق بشده لا يرضى عليها الانكسار والضعف مهما فعلت معه..

فهو من علمها على التماسك والمكابرة وتعود على شخصيتها القويه لكنها الان امامه ضعفت!!..

فهد تنحنح وهو يخفت بتماسك/تعالي اجلسي وقولي وش عندك؟..

مليحه اتجهت السرير جلست بصمت وهي تكافح دموعها ان لا تنزل ونجحت في ذالك عادت لقوتها..

فهد جلس جوارها سال بحزم بالغ من غير لا ينظر بها/اسمعك؟..

مليحه شدت لها نفس عميق/ فهد انا اعترف بخطاي معك بس ترا حتى انت اخطيت معي ومع عيالي..

فهد ادار وجهه لها بمقاطعه غاضبه/اخطيت معك انتي وعيالك بايش؟..

مليحه هتفت بثبات/ يعني بتهجم على الولد اخر اليل و ماتبيني اتكلم انا ام وقلبي ماهو بيدي..

فهد زفر بصرامه/ام ماقلنا شي احترمنا امومتها لكن تجين تغزين وجهك قدامي تحدين وانتي واثقه اني مستحيل امد يدي عشان كذا استهنتي فيني؟..

مليحه انتفضت بشده/لاوالله عمري ما استهين فيك انت عزوتي مقامك عندي بمقام ابوي الله يرحمه لا تشك اني اقلل من قدرك..

فهد ينظر بها بذات الصرامه/اجل وش افسر حركتك للي قدام عساف؟..

مليحه بحرج لم تستطيع اخفاه/ عصبيه وضيقه ومادري..

فهد صد عنها زفر بقهر/مادري هاذي هي السبب باللي حنا فيه..

مليحه صمتت لا تعلم ماذا تقول او كيف تعتذر/..

فهد صمت قليلا ينتظر منها كلام لكن واضح بان ليسا عندها شيء تقوله لذالك هتف بحزم/ انا تعبان وبنام قبل العصر..

مليحه تنهدت بضيق/ فهد انا اسفه..

فهد بحزم خافت/ اسفك ماهو مقبول عندي..

مليحه باختناق/ طيب وش اسوي عشان ترضى؟..

فهد استعاذ بالله من الشيطان هتف بتحكم/ حصل خير المهم لا عاد تدخلين بيني انا وعيالي خليني اربي على راحتي ماهو تجين وتهدمين اللي بنيته وتقولين قلب ام؟..

مليحه بحزم لا يخلو من العتاب/عيالك ماهو صغار عشان تربيهم فهد تكفى لا تعيد نفس الخطا بعزام يوم جاك يترجى تصلح بينه وبين اخوه طردته حتى شرد منا لو مارحمة ربي كانه مدفون من ثمن شهور..

فهد تالم حقاً لكنه اخفى ذالك/ عزام اخطاء ولازم ياخذ جزاه وانتي اطلعي منها..

مليحه تنهدت بطولة بال/اسمح للي ماقدر اطلع منها..

فهد اتسعت عينيه صدمه/ شلون يعني؟؟..

مليحه هتفت بثقه/ماراح اوقف بوجهك لكن هم ماقدر اسكت لازم احاول اصلح بينكم..

فهد زفر برجوله/ مليحه احذرك للمره الف لاعاد تدخلين وبس..

مليحه كتمت قهرها/حاظر في شي ثاني تبي تمنعني عنه؟..

فهد نهض واقف فتح غطا السرير/ بنام اطلعي وسكري الباب..

مليحه نفذت وهي مقهوره خرجت واتجهت لصاله العلويه جلست تحاول تهدي نفسها لا تنفجر..

فهي لم تعتاد على انه يامرها بشي غير مقتنعه فيه ويبعدها عن موضوع يخص ابنائها؟…
————————————————————
الساعه التاسعه ليلا..

رشا لتو تعود من الصالون عامله حمام سونا و بدكير ومناكير تريد ان تدلع نفسها من بعد الاربعين..

شعرها صابغته بالون البندقي الغامق مع لون بشرتها البيضا وفيس وجها الطفولي اصبحت فاتنه للعيون..

كانت بغرفتها تتانق لنفسها فهي سعيده من بعد مانتهت من مرحلة النفاس تريد الحريه..

ارتدت بنطلون برمودا بالون البني المحروق و تشيرت ابيض مشجر بورد بني ذات الون ميكب ناعم..

لم تكن تعلم بان عساف موجو كانت نازله تقفز مدرجات الدرج حبه ورا حبه بطفولة وحماس..

وقفت بصدمة وهي تنظر عساف الذي فاتح عينيه على وسع بها لم يتخيل بان تغير لون الشعر مثير هكذا؟..

فوق انها جميله بشعر الاسود الا ان البندقي كان عليها اجمل اظهر برائتها ونعومتها ودقة وسامتها..

انتصار تنحرها باهتمام امومي/لا تنزلين مع الدرج كذا مره ثانيه ترا ماهو زين لك..

رشا تقترب وهي تحاول تجاوز نظرات عساف/ كنت مشتاقه لفهودي..

عساف بتقصد حازم/ وين كنتي عشان تشتاقين له؟؟..

رشا تعلم بان عنده خبر وين تكون والدتها لم تسمح لها بالخروج قبل ان ترسله وتستاذنه من باب الاحترام..

جلست ضعت رجل على رجل/ اتوقع امي العزيزة قالت لك وين كنت..

عساف ذايب معها وعينيه تجول مابين وجها العذب وسيقانها الثلجيه الذي ظاهره مع البرمودا..

لذالك صمت لم يكن عنده رد نهائي يذوب بهواها وهي لم تنصفه وتجاوز عن غلطه مر عليها شهور؟..

انتصار كانت محرجه من تصرفات ابنتها مع الرجل الذي واضح بانه عاشق ولهان لها لكنه متماسك..

عساف يحرك المسباح بين انامله وهو يراقب رشا وهي تقبل فهود وتحضنه وتبتسم له بعذوبه..

انتصار قطعت حبل الصمت والمراقبه/ شلون امك مع تجهيز الحفل كلمتها امس ابي اساعدها اذا محتاجه شي؟..

عساف نقل نظره لانتصار هتف بحزم هادئ/ والله مادري وش جهزت معها مزنه تكفي..

انتصار بموده/ خلاص ترا تجهيز الحلويات علي انا ورشا علمتها..

عساف ينظر في رشا الذي مازالت تلعب مع فهود ليست مهتمه لحديثهم عن تجهيزات الحفل..

رد على انتصار بذات الموده/ ابد شوفو المحل اللي تبونه وانا اتواصل معهم يجون لكم للبيت..

انتصار بامتنان/ ماتقصر يا ابو فهد عسى عمرك طويل..

عساف بوده يقول ليسا عمري طويل وبنتك تفعل بي هكذا اخشى بان اموت قاصر عمر من تحت راسها..

رشا ترفع نظرها لوالدتها هتفت بتقصد/ يومه ترا بكرا معزومه عند صديقاتي بشاليه..

انتصار شعرت بحرج شديد/رجلك موجود و استاذني منه انا وش دخلني؟..

رشا هتفت بخبث/ انتي امي وحبيت اعطيك خبر من بدري..

عساف يسمع و دماغه كاد ينفجر من اسلوبها زفر بحده/يعني نفهم انك مقرره وخالصه بس بتعطين امك خبر؟..

رشا ناظرته بثقه/طبعاً..

عساف ينظر بها بنظرات حارقه ثم هتف بصرامة بالغه/اقول لو فكرتي بس مجرد تفكير تطلعين شاليهات شفتي رجولك هاذي حشيتها لك حش..

رشا تغيرت ملامحها/وشو؟..

عساف بذات الصرامة اقرب للانفعال/اللي سمعتيه بس اعقلي وخلي عنك الخبال..

رشا ضعت فهود على الاريكه وهو توقف بغضب رقيق/انت بذات مالك كلمه علي لو ابي اروح مريخ تفهم؟..

عساف تعدا حدود الصبر والتماسك وهو يوقف بغضب اعمق/رشا يمين بالله كان ما اتقيتي شري لا ارتكب فيك جريمه ترا مافيني صبر على اسلوبك وحركاتك..

رشا كاد تطق وتموت من القهر/ ماحد قالك تصبر عساف ابعد عن حياتي رجا لا تحدني على المحاكم..

انتصار كانت واقفه وراسها صدع من عناد رشا استدارت لها بامر صارم/اص ولا كلمه تفهمين؟..

عساف مازال شاد على حبل التماسك/هذا انا اتكلم قدام امك والله لو تسوين شي من غير شوري لا يصير شي مايرضيك..

رشاء ضعت كفها على خصرها ثم ميلت جسدها بعفويه/ وش بتسوي؟..

عساف تافف بضيق شديد مشاعره من ناحيتها بدات تغلبه تقتله بحركاتها الساحره وفيس وجها الفاتن..

انتصار من ردت عليها بحده/ رشا عيب عليك ما ربيتك على قلة الادب؟..

رشا زفرت با استهتار/ والله عاد ناس قليلة ادب لازم اتعامل معها بقلة ادب وهو ماحد غاصبه يتحملني لو عنده كرامه كان طلق من زمان..

استفزت عساف بما قالت لكن ما مداه يفعل شيء من ردة فعل انتصار الذي اقتربت لرشا بغضب كاسح..

كانت تريد ضربها بالفعل وهي تزفر بقهر/والله لا ربيك وقدام زوجك يا متمرده..

رشا من رات والدتها ناويتها بشر شردت و تخبت خلف عساف وهي تدفن راسها بظهره وتشد ثوبه اناملها..

انتصار تصرخ بها بامر غاضب/تعالي وربي وربك لا دوس على بطنك..

عساف عرق جبينه بدا يصب انفاس رشا الدافئه تلسع ظهره حتى شعر بالتماس مع العمود الفقري كاملا..

ضع يده امام انتصار زفر بصرامه/ اهدي يا عمه الضرب ماهو حل..

انتصار منفجره بالقهر والحرج/ واللي يرحم والديك تخليني اربيها من جد وجديد هاذي فصخت الحيا مره وحده..

رشا تشد على ثوب عساف برعب/ تراها لاعصبت تخرع امانه انا بوجهك..

عساف كتم ضحكته الوقت ليسا مناسب لضحك وهو يهتف لانتصار بتهدئه/خلاص خليها علي انا اتفاهم معها..

انتصار زفرت باصرار/انا حلفت لا ادبها..

رشا تعود و تخبى بظهر عساف/ انا بوجهك يا عساف..

عساف ابتسم رغماً عنه وهو ياشر لانتصار ويمسح على شعر عارضه/تراها بوجهي خلاص اتركيها..

انتصار من رات ابتسامة عساف هدات قليلاً وعادت خطوه للخلف/تسبك وقدامي والحين تتخبى وراك صدق انها ما تستحي..

رشا اظهرت راسها تنظر والدتها بطفولة/اجل تبيني استسلم لك تذبحيني؟..

انتصار بتقصد/ ليته والله يمسكني رقبتك بس..

رشا فتحت فهما بفهاوه/ بتقطعينها؟؟..

عساف هنيه انفجر ضاحك وهو يعيدها خلف ظهره ويهتف بحزم/اسلمي براسك وخلي عنك المحارش..

انتصار تبتعد متجهه لدرج/علمها يا عساف كان ماصمت فمها تراي ماني عاجزه عن صمه لها..

عساف استدار لرشا ناظر بها بتفحص/ سمعتي امك وش قالت؟..

رشا ترفرف اهدابها/كانت بطقني والله صدق؟..

عساف تبحر عينيه في ملامحها/ ليش قد ضربتك؟..

رشا بعفويتها المعتاده/اي مره عشاني طلعت مع صديقتي كوفي من غير علمها ضربتني..

عساف يذوب برائتها وعفويتها/ زين تسوي فيك..

رشا تنظر به بغيظ/اي انت ود عيونك تشوفها وهي تضربني..

عساف يبتسم بخبث/ لو كان صدق مثل ماتقولين ماكان حميتك منها خليتها ترنك رن..

رشا كان ستبتعد لكن عساف لم يسمح لها شدها وحضنها بقوه كاد يزرع جسدها بجسده وروحها بروحه


همس بدفى عميق/تدرين وش مصبرني على كلامك لانك مانتي قده وادري لو طلقتك راح يوقف قلبك..

رشا ارتعشت كتفيها حتى هو شد احتضانها مهدئ لها ثم قبل خدها بتروي وابتعد بخفه وخرج من البيت..
—————————————————————
مزنه كانت جالسه تحادث مليحه بموضوع منصور الذي اتصل قبل قليل يبلغها بانه سياتي لاخذها؟..

كانت سوفا ترفض لكن والدتها لم تسمح لها وهي تامرها بحكمه بان تعود بيتها وتقبل عذر زوجها..

ومزنه اقتنعت برايها لذالك نهضت واقفه كي تصعد غرفتها وتجهز ابنائها قبل ان يوصل..

مليحه بحزم امومي/ مزنه انا ماخاف عليك انتي ذكيه وتعرفين كيف تصرفين بهاذي المواضيع لا تخلين مشاكل عزام وجمانه تاثر على حياتك مع منصور..

مزنه هزت راسها بتفهم/صادقه يومه بس البارح هو اللي طلعني من طوري وقهرني اكثر انه رايح معها المحكمه بدل ما ينصحها يشجعها؟..

مليحه بذات الحزم/ بنت اخته مالها سند بالحياة الا هو لابو فيه خير ولا اخو فيه خير قدري وضع منصور الله يرضى عليك..

مزنه تنظر والدتها بنصف عين/اشوفك راضيه على منصور وجمانه اليوم؟..

مليحه زفرت بقهر مكتوم/لاوالله ماني راضيه على جمانه ابد لكن كلمة الحق تنقال..

قطع حديثهم دخول عزام وهو يكح بسبب احتقان صدره من الدخان لتو يعود من بعد غيابه بالامس..

مليحه فزت واقفه/هلا عزام يامك شفيك انت تعبان؟..

عزام اقترب لها قبل راسها ومن ثم سلم على مزنه وهو يرد بصوت مبحوح/لا طيب مافيني شي..

مزنه بتسال مهتم/ صوتك رايح انت مسخن؟..

عزام يجلس على الاريكه بخمول/شوي..

مليحه بغضب شديد/ريحتك تفوح من الدخان يا عزام لاتكون حاطه بفمك؟..

عزام ناظر بها بتصريفه/لا هذا خويي كان معي تو وصلته بيته بدخن..

مليحه بعدم تصديق/اصدق القول معي؟..

عزام هتف برجا عميق/ يومه تكفين ماهو وقت تحقيق..

دخل فهد بجبروت وهو يشد قبضة الباب ويغلقه بقوه من راء عزام موجود شد له نفس عميق واقترب لهما..
———————————————————-
تحياتي (شغف)..

يارباه شو هالابداع ياشغف ربي يغفرلح ولًوالديش كملي شو يصبرنا ع هالقفله ياليت تكملي باسرع وقت البارت متشوفه ع المواجهه فهد لعزام يالله 🥹🥹🥹🥹

يسلموووو ياعسل
الروايه من اروع مايكون اندمجنا معاها جدا وحبينا الاحداث والشخصيات استمري بالتوفيق

رحم الله والدك وغفرله واسكنه فسيح جناته وامواتنا واموات المسلمين

روايه بين الماضي والحاظر..

للكاتبة (شغف)

-/البارت السادس و السبعون/-

(ادعو لوالدي برحمه والمغفره )

في ظلام الليل والصمت المهيب…
ذكريات تزورنا ونشغل بالنا ..
تجعل الماضي من الحاظر قريب…
وتستعيد قلوبنا قصة لنا…
قصة عشناها نظن فيها نصيب…
والحقيقة مات فيها حلمنا..

دخل فهد بجبروت وهو يشد قبضة الباب ويغلقه بقوه من راء عزام موجود شد له نفس عميق واقترب لهما..

عزام نهض واقف بحترام وتقدير تقدم كي يقبل راسه لكن فهد لم يسمح له دفعه بعيد عنه بانفعال غاضب.

وذالك كانا من صالح عزام لو والده شم ريحته من قرب سيتفجر بالغضب الاعمق ويصبح العقاب عقابين

فهد زفر بصرامة بالغه/لا تقرب خلك بعيد عشان ما عطيك طراق يطيح ظروسك..

عزام تنهد بهدؤ/ على خشمي..

فهد ينظر به بحده و يزفر بذات الصرامة البالغه/على بالك لا اختفيت من البيت ماقدر اوصل لك واسحبك مع رقبتك و عيد تربيتك من جد وجديد؟..

عزام بحزم متماسك/يوبه انت لا تحكم على الظاهر وانت ماتعرف الخافي؟..

فهد بمقاطعه غاضبه حاده/الا اعرف خافيك وظاهرك ناشب بحلق البنت واهلها تبي تحكمها غصبن عليها؟..

عزام يكح بسبب الكتمه ثم زفر بغضب لا يخلو من قهر/ كنت بصبر واسكت لين اشوفها وتفاهم معها بس حركتها هي ومنصور ماهي على حق يروحون المحكمه ويرفعون طلاق؟..

فهد بغضب احد واعمق/ما رفعو بالمحكمه الا وهم عاجزين عنك يبون القانون يفكهم منك ومن شرك..

عزام يصد وجهه وهو يعض شفتيه السفليه محاول يكتم غضبه/طيب حاظر يوبه انا بسكت لين ينتهي الحفل ونتفاهم بطيب..

فهد تسال بحزم شديد/واذا البنت مصره على الطلاق تذبحها؟..

عزام ناظر والده بتلاعب/اذا مصره طلقتها..

فهد بتشكيك وعدم اقتناع/وش انت ناوي عليه ياولد؟..

عزام بذات التلاعب والمكر/قلت لك يوبه خلاص بصلح للامور بينا..

فهد زفر بنبرة صارمه لاتخلو من التهديد/والله وبعالي سماه لو تسوي شي من وراي لا خليهم يحطونك بالسجن لين تخيس وانسى اني افزع لك..

عزام انفعل حقاً/تهددني عشان بنت رواف عدوك..

فهد تفجر بالغضب من جديد/اللي بيني وبين رواف انتهى من سنين ولا عاد تحشرك عمرك فيه فاهم؟..

عزام يحاول يسيطر على نفسه/فاهم..

فهد لم يستطع ان يصدقه فهو حقاً شك من هدوئه الغريب/حط بالك ترا والله لو يصير شي يغضبني منك لا حاسبك عليه حساب عسير..

مليحه الان تدخلت بحزم متماسك/خلاص يا فهد الولد يقول بعد الحفل يتفاهم كان تبي الطلاق طلق ماله داعي اللي تقول..

فهد ناظر بها بحده غاضبه/الف مره اقول لك لا تدخلين ماتفهمين انتي؟..

مليحه احمر وجها رقمته بنظرات زعل وبتعدت لدرج رفعت طرف جلابيتها ورقت بنعومه وثبات..

عزام شعر بضيق شديد الا مليحه لايرضى عليها شيء مهما كان زعلها ينحر روحه..

تنهد وهتف لوالده بعتاب/يابوي انا قلت لك ابشر باللي تبي انا عصاك اللي ما تعصاك بس امي لا تزعلها..

فهد كانا اشد منه ضيقاً/ماهو شغلك بيني وبين امك؟..

مزنه الذي كانت تراقب بصمت ردت على هاتفها الذي رن برقم منصور/هلا….طيب..يلا دقايق بتجهز….

فهد تنهد بصوت مسموع ثم سال/ابو جميله برا؟..

مزنه هزت راسها بضيق/ايه تبي شي قبل اروح؟..

فهد هتف بحنو/ابي سلامتك..

مزنه قبلة راسه بتقدير ثم ابعدت لدرج وهي تحمل هماً عميق بسبب كثرة المشاكل المفاجئه بينهما؟..

فهد عاد ينظر عزام بتوعد ثابت/حط كلامي براسك وانتبه من تصرفاتك تراك محاسب عليها..

عزام فجر كيانه وهو يميل ويخفت له بتقصد/يوبه لو احد يبي يسحب منك مليحه بالقوه تستسلم ولا تحارب عشانها؟..

فهد انتفض بشده حتى ان عزام لاحظ عليه ثم صد وابتعد رقى الدرج بخطوات منفعله..

دخل الجناح كانا فاضي مليحه ليست موجوده تافف بضيق نزل شماغ والعقال علقهما ثم ارتد ثوب نوم..

جلس على السرير ينتظرها فهو يعلم بانها بغرفة مزنه تعطيها نصائح كما اعتادت قبل ان تغادر بيتها..

بعد ساعه انفتح الباب ودخلت مليحه بشموخ انثى اتجهت غرفة الملابس ارتدت قميص طويل حرير زيتي

تقدمت وتمددت على السرير وهي تلوي فهد ظهرها وهو جالس على طرف السرير ينظر بها بصمت..

يدور باله كلام عزام الذي ولع النار في قلب والده بفطانته يعلم بان لاحياة لفهد من غير وجود مليحه؟..

فهد تمدد جهته من السرير وهو ينظر بكتفيها وشعرها العنابي المنسدل على الوساده تفوح منه ريحة البخور.

خفت بحه/مليحه نايمه؟..

مليحه بهدؤ/بنام يا بو عساف تبي شي؟..

فهد اقترب لها مال وقبل كتفها/من قلتي ابو عساف الوكاد انك زعلانه؟..

مليحه بذات الهدو الغريب/وليش ازعل لانك صميت فمي قدام العيال وامرتني ماتدخل بعيالي..

فهد تنهد بضيق شديد/الظاهر انا وانتي صرنا ننسى كيف نتفاهم بينا امس انتي مزعلتني واليوم انا..

مليحه بوجع خافت/خذيت حقك مني وماله داعي نتكلم بشي..

فهد يهمس قريب اذنها بحب/ليش ماله داعي ماتبين ترضيني وراضيك؟..

مليحه استدارت ضعت عينيها بعينه مباشر/كسر الخواطر ماتجبر يا فهد..

فهد اتسعت عينيه صدمة/افا ومن كسر خاطرك لاتقولين انا؟..

مليحه زفرت بثقه/طبعاً انت اجل اللي سويته تحت وش يسمونه؟..

فهد بعتاب حازم/الحين كلمه طلعت بوقت غضب قلتي كسر خواطر واللي البارح توقف عند وجهي وتحدى وش يسمونه؟..

مليحه عادت تلويه ظهرها/تصبح على خير..

فهد بامر هادئ/ طالعي فيني وانا اتكلم معك..

مليحه تزفر بشده/فهد خل ننام افضل الكلام ماعاد يفيد..

فهد اقترب اكثر قبل خدها بشغف/اسف وحقك علي وحاظر باللي يرضيك..

مليحه شدت لها نفس/مابي الا سلامتك بس عاد قدرني ولا تمنعني من التدخل لاني ماقدر اشوفكم تهاوشون وسكت..

فهد بنبرة رجوليه/ تدخلي ماقلت شي بس بخير يا مليحه بخير..

مليحه تثاوب بنعاس فهي ليلة البارح لم تنم عدل بسبب الضيق/يصير خير والحين بنام..

فهد ابتسم بثقل/ كيف طاوعك قلبك تنامين بعيد عني البارح؟..

مليحه ادارة وجها كي تنظر به/ احترمت عصبيتك وقلت ابعد لين تهدا..

فهد قبل جبينها بحنو همس بذات الحنو/مهما كان حتى ولو كنت معصب لا تنامين الا عندي يا مليحه ترا عيني ما غفت من البارح بسبب بعدك عني..

مليحه صمتت وهي تنظر ملامحه من قرب مثقله با الحده والرجولة مخفيه بداخله قلب رحوم وحنون..

فهد ابتسم وهو يمسح على شعرها برقه/الحين تاكدت انك رضيتي من نظرت عيونك..

مليحه ابتسمت بعذوبه/تدري انك مزروع داخل قلبي واني ما اقوى زعلك؟..

فهد لم يرد قبلته الملتهبه هي من عبرت عن مافي داخله من حب ورغبه وتقدير وموده..
————————————————————-
عساف يوقف سيارته امام البيت وعينيه تنظر في سيارة منصور وهو بداخلها جالس ينتظر مزنه..

نزل عساف لينزل منصور بتقدير هتف بهدو/مساك الله بالخير يا بو فهد..

عساف اقترب له بذات التقدير/مساك الله بنور ليش واقف برا ادخل..

منصور بثبات/انتظر مزنه والعيال بنسري لبيتنا..

عساف بحزم هادئ/بحفظ الله..

منصور هتف بتوجس لا يخلو من ضيق/عساف بسالك بالله تقول للي الصدق ابوك زعلان اني رحت مع جمانه للمحكمه؟..

عساف بثقه عميقه/لا ماهو بزعلان لكنه متضايق ماتوقع انك انت بذات تسويها؟..

منصور بضيق اشد/هي انتخت فيني وانا استحيت اردها لو مزنه تنتخي فيك بتردها عشاني؟..

عساف بثقه اعمق/لا طبعاً اختي اولى منك لكن بنفس الوقت بحاول اشيل الفكره من راسها قدر الامكان..

منصور تنهد بذات الضيق/الله يجيب الخير ويهدي النفوس..

عساف ضرب كتفه بخفه وهو يهتف بحزم/بتزين ان شاءالله بس ياليت تتركون المحكمه لين نخلص الحفل عشان منظرنا قدام الناس..

منصور بتفهم وتقدير/ابد ابد ازهلها بعلمها تسكر موضوع الطلاق لين يجي وقته..

عساف راء مزنه تقترب تحمل بين يديها عزام الصغير والخادمه تتبعها تحمل جميله النائمه..

عساف زفر باهتمام/ليش تسرون والبنت نايمه لو نمتم بغرفة مزنه..

منصور اتجه وحمل بنته وتجه لسياره/ما نرتاح الا بيتنا لكن تصبح على خير..

عساف بود/تلاقي خير..

مزنه تقترب لعساف وهي تخفت بمحاتات/ترا عزام جاء وامي وابوي متهاوشين عشانه حاول تهدي بينهم..

عساف قطب بشده/ليش وش صاير؟؟..

منصور ركب السياره احترام لخصوصيتهم واضح بان بينهم موضوع مهم ولا يريدونه ان يسمع..

مزنه بذات المحاتات/مثل كل عاده امي تدافع عن عزام وابوي يهاوشها مايبيها تدخل..

عساف زفر بضيق/امي علامها كبرت وقامت تقلل من احترام ابوي؟..

مزنه اتسعت عينيها بغرابه/ماقالت شي بسراحه لكن ابوي ماتحمل منها كلمه..

عساف شد له نفسا عميقا/ماخلت شي البارح الله يهديهم بس..

مزنه تهتف بهدو/تبي شي قبل امشي؟..

عساف بحزم خافت/ ابيك تكبرين عقلك يا مزنه ترا ماحنا ناقصين مشاكل و منصور ماله دخل باللي صار..

مزنه زفرت بعتاب/كيف ماله دخل وهو اللي موديها للمحكمه؟..

عساف ذات الحزم الخافت/لونك طالبتني ارفع عليه طلاق ما رديتك لو العالم كلها وقفت ضدي..

مزنه ترفع نفسها كي توصل طوله وهي تقبل راسه بموده/مانحرم منك يا بو فهد تصبح على خير..

عساف اتجه الباب الداخلي/وانتي من اهل الخير..

من وصل الصاله العلويه احتار هل يطل على والديه ويحل المشكله بينهما قبل ان تكبر ام انه لا يتدخل؟..

بالاخير عجز ان يصبر قلبه مشغول عليهما اتجه الجناح طرق الباب بخفه/ يوبه يومه؟..

انفتح الباب وظهرت مليحه وهي مرتديه روب ساتر فوف قميصها نظرت له بتسال مهتم/هلا عساف يامك تبي شي؟..

عساف بتوجس خافت/ابي سلامتك بس بسال ابوي نايم؟..

مليحه استدارت للخلف تنظر في فهد الذي غاط بنوم من بعد ما شبعها حباً وحنان و اعتذارا..

ثم عادت تنظر عساف بذات الخفوت/ايه نايم ليش عسى ما خلاف؟..

عساف تنهد براحه/لابس مريت اتطمن عليكم قبل انام والحمدلله الاوضاع عندكم تمام؟..

مليحه تبتسم بحنو/ماعليك منا حنا نزعل ونرضى من بينا ماتعودنا على احد يراضينا..

عساف قبل راسها وهتف بتوصية حانيه/الله يديمكم لبعض بس تكفين يومه راعي ابوي تراه يكتم كثير عشانك..

مليحه بامومة/ابشر يامك انت رح نام لا تنقل همنا..

عساف كان سيغادر جناحه لولا بان مليحه نادت عليه بتسال/انت مريت ولدك وامه اليوم؟..

عساف استدار لها/اي مريتهم بخير ويسلمون عليك..

مليحه بتوجس حازم/هي خلصت الاربعين صح؟..

عساف هز كتفيه بمعنى لا اعرف/اتوقع خلصت..

مليحه تنظر له بشكل مباشر/مافي اتوقع انت زوجها واكيد انك متاكد انها خلصت بس ساكت عنها..

عساف بحزم هادئ/اكيد بسكت عنها اجل اروح اهجم عليها مثل عزام؟..

مليحه بطولة بال/مرت عزام تفرق عن مرتك وانت تفرق عن اخوك تقدر تجيب راسها بكم كلمه..

عساف زفر بارهاق/عجز عنها يومه راسها يابس حتى امها زعلانه منها..

مليحه بنفاذ صبر/طيب خل نخلص من ذا الحفل وبعده افضى لك انت وخوك اطلع حريمكم من روسكم..

عساف قبل راسها ببتسامه/ تصبحين على خير..

مليحه بود/وانت من اهل الخير..

عساف وصل جناحه وتفكيره بكلام والدته معقولة بانه قادر يلين راس رشا بكم كلمه وينسيها ما فات؟..

جلس على الاريكة يفكر بطلتها المثيره اليوم طولة لسانها وشتمها له ثم برائتها حينما تخبت بظهره..

ليتاكد بانها مازالت تراه السند الوحيد بهاذي الحياة حتى من والدتها احتمت به هو هو فقط..

عساف انشغل فكره بانوثتها وجمالها الرباني ودقات قلبه تزيد وانفاسه تعالى حتى نفذ صبره قرر يتجه لها..
———————————————————
رشا كانت متمدده على سريرها تشعر بحزن وضيق شديد فهي لم تعتاد على النوم و والدتها زعلانه عليها..

حاولت تعتذر منها لكن انتصار لم تعطيها فرصه حتى للكلام بسبب قلة ادبها لعساف وعدم احترام لوجودها

انفتح باب غرفتها ودخل عساف بخطوات ثابته وعينيه تبحرها بمشاعر عارمه ميته عطاشا يريد ان يرتوي منها

رشا قفزت جالسه على السرير وعينيها تتسعان صدمه/نعم وش تبي؟؟..

عساف اغلق الباب واقترب بثبات تمدد جوارها على السرير وهو يخفت بخبث/ابد جاي بنام في اعتراض؟..

رشا زفرت بحده/من سمح لك تدخل غرفتي ولا عشان البيت بيتك تبي تفرض رايك علينا؟..

عساف كان متمدد على ظهره ينظر بها بتركيز امسك معصمها سحبها بخفه حتى ارتمت على صلابة صدره..

رشا حاولت تبتعد لكن عساف ثبتها بذراعيه وهو يستدير كاملاً لها قبل خدها ثم اذنها بدفى..

همس بنبرة عميقه/رشا كفايه اللي تسوينه فيني كفايه يرحم ابوك تحت التراب ارحميني..

رشا نبرة صوتها تختنق/عساف لا تكب زيت على النار لن ماراح يحترق فيها غيرك..

عساف بذات الهمس العميق مختلط بشجن اعمق وهو ينثر قبلاته على خدها/انا محترق من زمان خالص ذايب منتهي..

رشا تلويه ظهرها وهي تدفن وجها بالمخده كي لا يقبله وتخفت بزعل/ماراح اسامحك حتى يوم القيامه اللي سويته معي ماهو قليل ماهو قليل..

عساف اقترب لها حضن ظهرها على صدره همس بنبرة رجوليه/رشا يشهد الله اني احبك و ما بقلبي الحين الا انتي لا تبيعين انسان شاريك تكفين لا تقتليني مرتين..

رشا اسدارت له بصدمه غاضبه/وتعترف بكل وقاحه انك مقتول من بعدها؟؟..

عساف بثقه حازمه/كنت احبها وقتلني فراقها بس انتي جيتي من سابع سماء احييتي الحب بقلبي ماقدر اتحمل فراقك..

رشا ضربت صدره بكوعها وعينيها تمطر الدمع/عذرك اقبح من خطاك ابعد ابعد..

عساف تنهد بتعب حقيقي/طيب بس بنام عندك انتي وفهود لا تحرميني..

رشا قفزت من السرير مبتعده زفرت بين شهقاتها/نام بروحك انا بروح انام عندي امي..

عساف وقف بسرعه وهو يمسك معصمها قبل ان تخرج/لا تفجعين امك بذا اليل تعالي نامي انا بعود للبيت..

ثم اعطاها ناظر عاتبه وخرج ورشا انفجرت باكيه حتى فيقت طفلها من صوت بكاها العالي..
————————————————-
يوم الخميس…

بمطار سويسرا..

تحديداً بطائره..

بثينه جالسه بالمقعد القريب من النافذه وهي تنظر الغيوم تودع ارض سويسرا اقضت بها ثلاث اسابيع..

كانت بالايام الاولى حزن وصدمه من تصرفات كايد وانتقامه منها لكن الايام الاخيره ختمتها بسعاده..

وهي تعود لسعوديه تحمل بقلبها قبل بطنها اجمل هدي من الخالق تتمناها منذ سنين وما الطف تحقيقه

كايد يميل خافت لها بتنبيه دقيق/خليك مرتخية وقت القلاع وحطي الخداديه ورا ظهرك..

بثينه بخفوت مشابه/ لاتشيل هم مرتاحه والامور ان شاءالله زينه..

كايد زفر باهتمام/ الامور زينه وقت ماتستقر الطايره لكن الخوف من القلاع والهبوط..

بثينه تمرر كفها على بطنها/ربي استودعتك ما برحمي احفظه للي..

كايد ينظر كفها الذي على بطنها بحنان/امين ويحفظك انتي واللي بطنك للي..

بثينه تبتسم/الحين تاكدت انك دكتور شاطر عرفت اني حامل قبل احلل..

كايد ابتسم بثقل/حتى اللي ماهو بدكتور يبي يعرف وهو يشوفك تهجمين على صحن الكبسه بعنف..

بثينه تضحك برقه/ يالله كنت مدقق فيني حاسدني على القمه؟..

كايد ينحرها بهدؤ/لا تضحكين حنا مكان عام..

بثينه تعطينه نظره دلع/ ذبحتك الغيرة؟..

كايد ينظر عينيها من تحت النقاب بتقصد/اذا ما اغار عليك اغار على منو والله للحين مستغرب اني ماذبحت مديرك ومحيت وجوده من الحياة..

بثينه اتسعت عينيها مفجوعه/كل اللي سويت فيه وترقد بالمستشفى ومستغرب انك ماذبحته؟..

كايد بدا يفور من مجرد ذكرى/مثل اشكاله حرام يعيش كان بودي علقته بحبل المشنقه..

بثينه زفرت بياس/افضل انك تنسى اللي صار..

كايد رص على اسنانه/ والله ان الكلب الخسيس ذبحه حلال..

بثينه حاولت تغير الموضوع لاتريده ينفعل هتفت بتسال/الا ماقلت للي متى دوامك؟..

كايد مازال منفعل/ بعد سبوع..

بثينه قطبت بتذكر/اليله حفل الفاهد ماتبي تحظره؟..

كايد اعطاها نظره قارصة/والله لو كانو الفاهد من اهلي تبين اجي من سفر مرهق وروح حفلهم؟..

بثينه ابتسمت من كلامه/خالتي وحامد وجواهر يكفون عني وعنك..
————————————————————-
العنود تهتف لجمانه بحرج شديد/لا والله مالي وجهه احظر حفلهم وانتي رافعه طلاق على ولدهم..

جمانه بثقه معتاده/يومه لازم تحظرين عشان مزنه كفايه انا مو رايحه تراها اليوم مرسله علي تقول تعالي بس اعتذرت وقلت امي تكفي عني..

العنود بذات الحرج/مادري عن ردة فعل مليحه يمكن تكون زعلانه وانا بكل قوة عين جايتهم..

جمانه تهدئها وتدعمها ثقه/لو مليحه زعلانه ماكان مزنه ارسلت للي واصرت نجي لو انتي مارحتي هي اللي بتزعل وتحسب اننا قطعنا فيهم..

العنود قطبت بحيره/تهقين كذا؟..

جمانه ابتسمت بصعوبة/الا متاكده بس قومي اجهزي وكشخي وحظري معهم تراهم ناس زينين بس ولدهم عزام الاقشر..

العنود هزت راسها بياس حقيقي/ليتك تطيعين الشور وتعطين ولدهم فرصه ترا اللي فيه ماهو قشاره الا حرارة رجال وانتي ما تحملين..

جمانه بحزم هادئ/طبعاً ماتحمل احد يحكمني ويدوس على رقبتي لا عزام ولا غيره..

العنود تنهض واقفه/رايك وانتي ابخص فيه المهم بقوم اتجهز قبل المغرب..

جمانه تنظر والدتها حتى اختفت شدت لها نفسا عميقا وزفرت بعمق منذا فاقت وروحها تضيق بشده

شعور غريب كانه حجر قاسي شديد متراكم بصدرها
حتى خنق انفاسها عجز بان يتزحزح لتنفس قليلاً..

استعاذة بالله من الشيطان وسواسه وهي تحمل هاتفها كي تتصل في بثينه وتطمئن على صحتها..

ومن اجل ان تشغل نفسها وعقلها من التفكير والتوتر لكن هاتفها كان مغلق لتفهم بانها اقلعت طائرتهما..

جمانه من الفضاوه بدات تفتش برسايل تبحث عن اسم عزام تتاكد بانه لم يرسل ربما تكون مانتبهت؟..

فهي حقاً بدا تستغرب منذا هجم على منصور امام البيت لم يتصل ولم يرسل ماذا يخطط عليه؟؟..
———————————————————-
تحياتي(شغف)..