رواية ريح المطر
-/البارت مئه وسته/-

رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه ..


بعد مرور سبوعين ….

اليلة ملكة صقر و بكر ليلة زفافه…
امه واخواته جهزن كل شي لحجوزات حفل الزواج
و هو يشعر بحزن داخلي حزن عميق انتظر من ملاك اتصال او رساله اي شي يعبر عن اعتراضها لاكنها صدمته انها ماعبرته لهدرجه بايعته وعايفته من قلب فقد الامل فيها ومستحيل اصلاً ان يتراجع عن قراره مهمها سوت وعملت ؟؟..

اخذ شاور من بعد ماجا من الحلاق وضبط نفسه لبس وكشخ تانق اكثر من كل مره حاس انه يبي يحرقها مايدري انه يحرق نفسه هو؟
طلع لاصاله وامه وخواته و زغردن له /كلووووووش كلوووش
صقر ابتسم مجامله / عشتو عشتو على عرس عيالكم

هدى تحب راسه وهي تجامل مثله /الله يوفقك ويبارك لك
ام مهند تسلم عليه /الله يجعلها ام عيالك رفيقة عمرك
صقر اوجعته كلمتها لاكنه رد بتحكم وصعوبه / اللهم امين والعقبه عند عيالك ان شاءالله
وفا تحب راسه وهي فرحانه من قلب / الف الف الف مبروك
صقر رد وعيونه على امه الصامته /الله يبارك فيكم
وفا تمد له البخور / تبخر عساه مايتبخر غيرك
صقر تبخر واقترب لامه انحنى وحب على
راسها /ماتبين تباركين لولدك ؟؟
ام صالح انفجرت باكيه/عسى الله يوفقك ويجمع بينكم ويجعلها تعوضك عن مامضى من الحريم

صقر مسح دمعتها بحنو / هذا دموع فرح ولا حزن؟
ام صالح تمسح دموعها بطرف شيلتها / لا ان شاءالله عسانا مانشوف الحزن هذي فرح يامك فرح
صقر ينهى النقاش الموثر له وهو يستاذن / ادعو للي بروح املك عليها
الكل دعا من صميم قلبه /الله يوفقك



تمت الملكه …وعقد القران …

ابو سعود يسال صقر باصول /تبي تسلم على مرتك؟؟
صقر عايف حتى النظر فيها بس رد مجاملة/ اسلم عليها بكرا بعرسنا ان شاءالله
ابو سعود ابتسم له / احسن ماتسوي
ابو صالح يقوم بتقدير / سامحونا يابو سعود ان كان الوقت ضيق عليكم وعلى البنت
ابو سعود قام معه بذات التقدير / لا بالله مامن ضيق اهم شي التوفيق


بسيارة صقر كان ابوه راكب جاوره ورا فالح وسالم وسياره الثانيه صالح وابو مهند وابو عمر

صقر طول الطريق صامت والحزن واضح على ملامحه المرهقه حتى ولو حاول يخفيه ابو صالح يناظر فيه بوجع وهو عارف ان ولد عاشق وموفي لعشقه بس الدنيا ماوفت له تنهد وهو يهتف بابوه صادقه / يابوك ماتدري لو هالعرس كله خيره لك يجمع شملك انت وبنت عمك مع بنت هالحلال
صقر لف لابوه وبعده صد لطريق بحسره وصمت /….
فالح يكمل معه / الشرع حلل لك اربعه ماهو بس ثنتين ومن حقك تزوج عشان البنت تادب وتعرف سنعها
ابو صالح لف لفالح بحده / قل كلمه زينه ولا صك فمك
سالم ضحك / شلون جبهتك
فالح ابتسمت /تحطمت
سالم يضحك بقوه /ههههههه

صقر كان معهم جسد بلا روح وكل مايدور بتفكيره ملاك هل درت وش ردت كانت فعلها ؟….
________________________________

بعد صلاة العشاء…

نهيل تبكي ودموعها ماجفت من عرفت ان صقر ملك
و حصه تحاول تهديها كل خوفها ملاك تدري وتقلب البيت عليهم وامل مع امها مانشفت دموعها

حصه تهتف لهم بزفرة / انتم علامكم تبونها تلاحظ من بكانا؟
نهيل تدعي من حر مافيها / الله لا يهنيك يا صقر الله لايوفقك
امل تكمل معها بذات الدموع / يويلي لو تدري ملاك عنه والله يوقف قلبها والله
جاهم صوتها المتسال/ ادري عن من؟؟
الكل لف لها بارتباك وصمتو /….
ملاك تعيد السوال وهي حاسه ان وراهم شي/وش صاير ماتبوني اعرفه؟؟
حصه تحاول تحفظ على الخبر قدر المستطاع/موضوع تافه ماله داعي ننقاشه
ملاك تطالع بامها اللي غارقة عيونها بدموع وسالتها بتوجس/ سمعتك تدعين على صقر وش هو مسوي؟؟
نهيل مسحت دموعها وهي ترد مفجره / صقر اليوم ملك وبكرا عرسه

ملاك شحب وجها فجئه وانفاسها بدات بالاختناق وهي تحاول تركز على ماقالته امها تعيد كلامها براسها عددت مرات تبي تستوعب (ملك وبكرا عرسه سواها صدق؟؟؟)

نهيل وقفت وهي تشوفها حايره ومحيره / يامك لا تضايقين راح يطلقك من ورا شاربه
حصه وقفت هي بعد وجه ملاك مايبشر بالخير/مرده لك بس هو سوى كذا يحسبه بيقهرك مايدري انك مادريتي عنه
ملاك تجول عيونها بين امها وحصه وجروحها بدات تنزف / انا مادريت عنه ؟؟
نهيل ارتاعت من سوالها الغريب / اي ولا عليك منه بعد


ملاك استدارت راجعه لغرفتها قفلت الباب و العبرة تخنقها حلفت بالله ماتنزل منها دمعه عشانه كتمتها وكتمت روحها معها … بدات تخيل سناريو ليلة دخلته وكيف يبي يحضن عروسته وينام معها …( بدبي ماراح لشغل رايح يحب وينحب؟؟)

قامت تدور بالغرفة ولا ردت على طق امها واخواتها على الباب ولا على مسك بنتها اللي تصيح تبي رضعتها كل تفكيرها هو (صقر ) اللي جرحها جرح ثاني والاول مابعد طاب يبي يتزوج عليها للمره الثانيه يدوس عليها قدام العالم اذا اول تقاضت فهي كانت طفله ولا تعرف شي اصلاً بس الحين مستحيل تسكت حتى ولو ودعت الحياة ومافيها الا يهمها شي واحد حقها تاخذه تاخذه ولا راح تنازل عنه جا الوقت اللي ترد كرامتها وتدوس على اكبر راس داسها…. قررت وانتهى القرار باقي التنفيذ؟؟….


نهيل ترجف بتوتر / اخاف سوت بنفسها شي؟؟
حصه تهتف لها بعتاب/ وانتي ليش تعلمينها تعرفين ان مابيدها شي الا القهر والحسره
امل تبكي/ ياربي ليش ملاك مكتوب عليها الشقى استغفرالله
نهيل جلست بوجع / مايرتاح صقر لين يموت بنتي ناقصت عمر
_______________________________

مهره من اجمل ايام عمرها هالاسبوعين حست
ان فهد في تغير كثير بس ماتعرف سبب تغيره ؟!
طول الايام اللي فاتت مغرقها حب وحنان بالفعل
بس خالي من الكلام و الغزل مايعرفه وهي راضيه ماتبي منه كلام اهم شي فعله والمشاكل ابعدت عنهم من ابتعاد شوق من بيتهم وفاطمه انشغلت بحياتها ….
بس اللي مضايقها تقديم الجامعه اللي كل ماكلمته قال ماني فاضي وهي متاكده ان عنده واسطه ويقدر يدخلها اليوم قبل بكرا بس لعين يبيها تهون من نفسها لاكن مستحيل يصير بتلح فوق راسه لين تدخلها هي ماصدقت على الله يرضى مشتاقه لدراسه …

جلست جوار فهد اللي يقرا بوراق مهمه بيده وهي تهتف بتسال رقيق / فهد وش صار على تقديم الجامعه؟؟
فهد رد عليها برود وعيونه على الاوراق / باقي يمكن الترم الثاني ولا على بداية السنه القادمه
مهره قطبت بزعل / كيف يعني ؟؟
فهد لف لها وهو رافع حاجبه / اللي سمعتيه مايحتاج اعيد
مهره تحاول تمسك نفسها ماتنفعل منه ومن
بروده / بس انا ابي الترم هذا دبر للي واسطه
فهد زفر فيها/ واسطه ماعندي وترم هذا مافي

مهره وقفت بغيظ/ طلعت تلعب علي و شروطي كلهن لعب عندك خذيت اللي تبيه والحين بتردني عن اللي انا ابيه؟؟
فهد رمى الاوراق على الطاوله بقوه وقف بوجها/ عيدي منو اللي يلعب ؟؟
مهره اخترعت وهي ترجع خطوه على ورا / مافي ولا واحد من شروطي تنفذت ؟؟
فهد صر على اسنانه / ابعدي عن وجهي لا نفذ لك بطراق

مهره ابتعدت لسرير وهي تذم بحظها/ استاهل هذا حزات اني مشيت ورا شوركم بالغصب
فهد اخذ علبة المنديل اللي على الطاوله ورمها فيها حتى صكت راسها / ترا بجي العن خيرك
مهره بكت بصوت عالي وهي تدخل فراشها /….

فهد جلس مكانه ورمى الاوراق بعيد عن وجهه ماله خلق يقراها ( عكرت مزاجي الله يعكر مزاجها)

مهره مازالت تبكي على ردات حظها وتحطم احلامها يوهمها بانه موافق على شرطها وبالاخير يصفعها بعدم تدخله فيها كيف ان تدرس اجل وهو شايل يده منها كيف ؟؟

فهد ملاحظ على نفسه ان صاير مايطيق زعلها مايدري وش اللي غيره من ابتعدت عنه شهرين عطته درس مستحيل ان ينساه مهمها حاول مايوضح لها انه متعلق فيها بزيادة الا ان فعوله تخونه ويروح يدور رضاها …هو عاش فراغ بحياته بعد والديه وهي جت وملتها عليه ومن غابت شهرين عن حضنه وعن عينه رجع لفراغه وتمنى الموت ولا يرجع له هذاك الشعور؟

قام توجه لها فتح الفراش ودخل معها انحنى لوجها الموجه له وباسها برقه حانيه / مهره متى بتكبرين على الصياح؟؟
مهره بدموع اياس / وانت لامتى تبقى تجرح فيني؟؟
فهد تنهد بعمق / لا تفهمينها كذا مهره انا قلت لك الترم هذا والله صعبه ولا يمديك اصلاً
مهره تنظر بعيونه / طيب اوعدني وعد ان الترم الثانيه ادرسه
فهد رد بحنو خادر / اوعدك الترم الثاني تدرسينه حتى ولو هونتي انتي ماراح اخلف بوعدي
مهره تنحنحت /احم فهد بطلب منك شي؟
فهد عطاها نظره / بدينا بطلبات اللي ماتخلص؟
مهره بدلع عفوي/ للي ثلاث سنين معك ماقد طلبت شي بس انفذ الحين خلني اطلب وانت اللي نفذ

فهد اقترب لها بذات الخدر / وش هو طلبك اللي تبين فهد العقاب بكبره ينفذه ؟؟
مهره ابتسمت ابتسامه تذوب / ابي اروح السوق اجهز للجماعه ملابس و شنط وجواتي
فهد مال وباس غمازتها بقوه سريعه / ابشري لا قربت الترم الثاني وقبلوك وديتك وخليتك تاخذين كل اللي بخاطرك
مهره شدت صدره بكفوف يدها / فهد تكفى لاتغير رايك وترجع لطبعوعك القديمه ترا ماصرت اتحمل نفس اول
فهد بحزم / وليش وش غيرك الدلع كبر راسك ؟؟
مهره ترفع كتوفها برائه / يمكن يكون دلعت ويمكن يكون تعبت

فهد مسح على ظهرها بحنو شديد وهمس عند اذنها بذات الحنو/ انسي يا مهره انسي ترا انا تو فتحت عيوني لدنيا صح لاتشرهين علي اول
مهره ناظرته بحنان / انا مقدره ظروفك وحياتك اللي عشتها من قبل بس الحين لا تكسرني وانت مجرب الكسر

فهد مارد وهو يشدها لحضنه بقوه وينثر بوساته على انحاء وجها العذوب برائته وحنانه

_______________________________

يوم جديدة ….

السما تمطر من الصباح ولا جفت القاع من ماها
و ليلة زواج صقر اللي حجزه باستراحه بسيطه وعزم ناس معينين ومهمين مايبي يزود على زواجه من ملاك بشي مايدري هو مراعاه لمشاعرها ولا عشان مايقلل من قيمت عمه الله يرحمه حتى نفسه ماهو فاهمها …

امه خواته قامو بجميع تجهيزات الزواج وحاولو اقناعه يحجز فندق لزفة وهو اصر صرار غريب تكون زفتة بالجناح مايبي فندق ماهو قصد فلوس ولا دفع ولا هو ناقصه حلال بس يبي بجناحه بيحس بقربه من بيت عمه يبي يسمع اي شي يصير مايبي يخفون عنه شي؟..

..تم الحفل و اقترب موعد الزفه ….



ملاك كانت حابسه نفسها من البارح بغرفتها حتى مسك عطتها امها من الصباح مالها خلق عليها وهي تسمع صوت الرعد وطق المطر على سقف الغرفه ومع كل قطرة ماء تقطر على قلبها بالجرح والالم،،؟؟؟

و نهيل تهوجس فيها و حزينه بالحيل عليها وعلى حظها وعيونها على مسك اللي بين احضان امل/ روحي نوميها لاتعود على الهز
امل تهز راسها بنفي / تكفين يومه خليها بشبع من شوفتها
حصه بتنهد / ملاك وش وضعها حتى ماكلت شي من امس ؟؟
نهيل تهز راسها بحزن / لا بالله ماطب بطنها الا الما حتى بنتها من الصباح ماسالت عنها
امل بوجع / بندر يسال يقول ليش مايطلقها مادام تزوج عليها
حصه بغبنه / حتى عاد يقول حرام يعلقها كذا هذا مايخاف ربه
نهيل بقلة حيله/ ربك اقوى منا ومنه ياخذ حقها

قطع حديثهم خروج ملاك من الغرفه معها روبها ومتجهه الحمام تبادلت النظرات نهيل وبنتها باستغراب و تهتف بخفوت/ اشوى كان الله هداها نهضت نفسها
حصه براحه / اي والله اقتنعت ان الحياة يبي لها صبر

شوي وطلعت ملاك بروبها من بعد ماتحممت ورجعت غرفتها قفلتها عليها وامها واخواتها مازالو مستغربين من حركاتها الغريبه ؟…
_________________________________


الساعه 11 ليلاً….

امل تقوم تدور عباتها /بندر بيجي الحين
حصه بتسال/هو حاظر الزواج ؟؟
امل تهز راسها بايه / ايه يقول تعشو وطلعو العريس لزفة
نهيل بكت غصبن عليها/حسبي الله ونعم الوكيل عساهم يزفونه لقبرة
حصه برجا/ يومه ماهو زين الدعا استغفري ربك
نهيل تقوم متجهه الحمام / من حر مافيني الله يذوقه حر قلبي وقلب بنتي

شوي وطلعت ملاك من غرفتها وهي بكامل اناقتها
حصه وامل فتحو عيونهم بصدمه وهي هتفت بتوصيه / انتبهو لمسك عندكم
حصه وقفت بتسال حاد / وين رايحه وش ناويه عليه؟؟
ملاك ترفع حاجبها بمكابرة وهي تسمع صوت الطق بدا يعلى من بيت عمها وتضح لها انها بدات مراسم الزفه / بروح اخذ حقي منه
امل برعب / ملاك انتي صاحيه ؟؟
ملاك تتجه الباب / واصحى من كل يوم
حصه تشد ذراها / ملاك كبيري عقلك وش بتسوين ترا هذا رجال ماتناطحه مره ؟؟

ملاك بزفرة موجعه / ملاك الصغيرة ماتت اللي ماتاخذ حقها اذا هو تزوج علي بالاول ماقدرت ارده اليوم انا قادره يا حصه قادرة واتحدى ابوه مطلق كان تم هالزواج

حصه جمدت مرتاعه وهي تشوفها طلعت ولا سالت عن احد هتفت لامل بتوتر / روحي نادي لامي تلحقها البنت انجنت
امل تركض لحمام وتطق على امها/يومه الحقي ملاك راحت لبيت عمي
نهيل طلعت مدهوشه وهي تجفف وجها ويديها بالمناديل / انت وش تقولين ؟؟
حصه تركض لامها باستعجال/ يومه الحقي بنتك هجمت على صقر بزفته تقول مايتم هالزواج
نهيل انتفضت وهي تلفت يمين يسار/وين عباتي بسرعه
_______________________________

ليلة شتويه بارده بصحبتها صوت الرعد
والمطر والريح وشهقات اليمه ودموع حزينه ....
.
صوت الطقطقه ورقص تعلى مع صوت الرعد والريح المطر….

صقر بالبشت واقف مشتت تفكيره ويسمع صوت تبريكات وصوت الطق والموسيقه مع صوت الرعد

هدى / يلا المعرس ادخل بنزفك على العروسه
صقر بضيقه/يلا بسم الله

كللللووووووش
كلووووووش
كلووووووش

العروس جالسه بفستان الابيض على الكوشه بصاله جناح صقرر

دخل صقر وسلم على الموجودين امه وام العروسه واخواته وسلم على العروسه بيده من دون مايطالع فيها وجلس قريب منها. وعتلا صوت الطق والرقص تبريكات خوات العريس.
.
.
.
فجئه

دخلت كالبدر في نصف الشهر. الشعر اسود ناعم كالحرير يوصل لظهرها. العيون وساع لون العدسه كالؤلؤ الخشم صغير منحوت الفم صغير مزموم الذقن مرسوم والوجهه دائري كالقمر جميله بخلقة الخالق. الجسم منحوت الخصر ضعيف ..الظهر طويل الردف مليان جسمها انوثي طاغي فاتنه بمعنى الكلمه عليها فستان مخمل ماسك على الجسم مظهر المفاتن احمر بدون اكمام عضدها ونحرها ابيض كالثلج و فاتحه شعرها وحاطه مكياج ناعم يبرز ملامحها ملاك كالملاك اسم على مسماء

واقفه بشموخ رغم الحزن الداخلي اللي خافيته؟…

وفاء تحاول تطلعها وقفت بينها وبين العرسان عشان ماتدخل وتصير مصيبه وفاء /ماله داعي تدخلين ي ملاك وش ناويه عليه؟؟؟
ملاك وعينها ع صقر والعروسه /ابتعدي ي وفاء عن وجهي
وفاء بصوت خافت /اطلعي برا
ملاك مازالت تطالع العرسان /قلت لك بعدي

هدى شافتها وجت لها تبي تهديها/ملاك مانبي مشاكل خلي اليله تعدي على خير
ملاك تطالع بصقر اللي جالس ع الكوشه ولا انتبه لوجودها تكلمت بصوت حزين / ماحد ردني يوم رقصت بعرسه الاول جايين الحين تردوني ارقص له؟؟

ملاك دفت وفاء اللي كانت واقفه بوجهها وجت قدام العرسان الكل انتصدم ويطالع فيها؟؟…

وصقر رفع راسه و ناظرها مصدوم وبنفس الوقت والهان من زمان ماشافها !!!....
سمع همس ام العروسه عند اذن بنتها /ترا هاذي زوجته
سلوى ترفع راسها وتطالعها بصدمه وترجع تطالع بصقر اللي عينه على ملاك مصدوم من جيتها مايدري وش ناويه عليه / !!!؟؟؟….

(تبي تذبحني بشوفتها
تبي تذبحني بشوفتها)

امنت سري بصدر اليل لاكني ؟..
نسيت احرص نهاري والنهار افشى
بنت عزيزة على قلبي ولو اني ؟..
اعتب عليها بعد ماشفتها ترشى
عشيقتي والعلاقة من صغر سني.
واحبها كثر ما افنى الوالي وانشى
ودعتها من بعد ماخيبت ظني.
مثل ماودع هرير قبلي الاعشى
من يشيل الحظوظ المايله مني.
كل ماتمنيت وقفه طول الممشى.
ما للاماني طريق الواقعي كني ؟..
اطرب تمنى يقول (احبك ) لطرشى

اعتلت صوت السماعه بغنية بالعرسان !!
وملاك رقصت قدام صقر وقدام عروسته بثقه وثبات مخفيه الانكسار اللي يحتويها وتبتسم بعذوبه ابتسامتها اللي انحرت صقر من الوريد للوريد كان بوده يقوم ويدفنها بصدره وبين ضلوعه عن عيوان المخاليق ويصرخ بالعلى صوته ويقول هاذي ملكي ملكي انا انا صقر اللي تحديت العالم وما فيه عشان املكها لاكنها عرفت بغلاها و تغلت ؟….

صقر جمد مكانه من تصرفها لغير متوقع و عيونه عليها وعلى كل تفاصيلها وهي ترقص بنعومه وانوثه اقتربت هدى منها بحميه ورقصت معها و ملاك تحاول ما تضعف وما ماتبكي ماتبكي وعيونها على صقر وكل مايدور بالها ( قهرتني قهرتني ياصقر بس انا ماراح ابكي ولا راح اضعف لك ولا لغيرك انا قويه قويه )

صقر تحطم قلبه من تصرفها ( ليش ياملاك ليش تسوين فيني كذا انا اللي حبيتك و بديتك على العالم كله ليش تجين تبين تذبحيني تبين اموت بسكته قلبيه عشان ترتاحين ليش ليش ياربي هذا عقاب للي ولا اختبار صبر ؟…)

سلوى شدت على يد امها بقهر وعيونها على ملاك اللي اول مره تشوفها وصدمت من فتنت جمالها
وكل اللي يدور بالها(معقوله هاذي مرته يويلي زينها يذبح و كيف يتزوج عليها كيف؟..!! )

شذى اللي كانت تنظر لملاك وهي اكثر وحده تفهمها عدل وتعرف انها تصنع القوه ولا هي مكسوره مكسوره تقدمت لها وام مهند تحاول تمسكها لاتروح بس هي اسرع ومسكت بذراع ملاك وتكلمت بين دموها اللي تنزل بدون مقدمات /تكفين ياملاك بس بس !!
ملاك رمت كف شذى من ذراعها بعنف وصرخت فيها بعنف اكثر / لا تبكين فاهمه
شذى تشهق وتبكي بحزن /ملاك تكفين تكفين بسك مكابره خلاص؟؟

صقر مازال جالس ويشاهد صراخ ملاك على شذى اللي ترجاها من بين دموعها وهو مشتت مشتت وعاجز عن اي تصرف صقر اللي يحل مشاكل الناس ولكل ينتخي فيه الحين ماهو قادر يحل مشكلته
ماهو قادر ؟….

دخلت نهيل باستعجال غاضب غاضب لابعد حد وسحب ملاك وصرخت فيها/انتي انهبلتي انهبلتي؟؟
ملاك صرخت باعلى صوتها /ماحد له دخل فيني فاهمين ابعدو عني ابعدو عني
هنيه وقف صقر برزته وطوله الثابت ولم بشته تحت ذراعه و اقترب لها ونادا عليها بصرامه حاده /ملاك ؟؟

ملاك لفت له بحده اكثر وطالعت فيه بحراره غاضبه
صقر انتفض من داخل من نضرتها الحاره وتكلم بذات
صرامته/اللي تسوينه ماله داعي ارجعي البيت وانا امرك وتفاهم معك
ملاك تقدمت له بتحدى وتكلمت بثقه /والله واللي رفع السماء بلا عمد ماطلع من هالباب الا وانت مطلقني

صقر احمر وجهه وشعر كان الدم بيشطر من عروق راسه تكلم بين اسنانه/طلاق ماني مطلق لو دفنوك تحت التراب والحين قدامي على البيت يلا؟؟
ملاك صرخت بوجهه قدام الكل اللي كانو خايفين من ردت فعل صقر ومن عناد ملاك /بطلقني غصبن عليك ياولد مطلق طقلني ؟؟
صقر حاول يتماسك نفسه لايمد يده عليها قدام الجميع وتكبر المشاكل بينه وبينها صرخ فيها بغضب /لا تجبريني ياملاك على شي انا مابيه اسويه اطلعي سالمه احسن لك وللي؟؟
ملاك كتفت يديها ورفعت حاجبها بعناد/وش تبي تسوي تضربني وتوري عروستك وامها شطارتك !!
نهيل تشدها وتحاول تطلعها/ملاك مانبي فضايح بعدين تفاهمين معه
ام صالح برجاء/ وانا عمتك اكسري الشر وكان لك حق والله تاخذينه

ملاك بعدت يدين امها وصرخت بجرح عميق /حقي الحين باخذه وقدام الكل يا يطلقني ولا يطلقها والحين الحين لاقسم بالله ماراح تعدي هاليلة على خير ؟؟

صقر شدها مع كفها الصغيره الناعمه اللي حس من نعومته راح تسيح بين يديه وصرخ فيها بعصبيه/انا ماتزوجت عشان اطلق والحين اذلفي مع امك لاقسم بالله العظيم لرميك برا مثل الكلبه ..
ملاك عيونها بعيونه وصمتت ثواني صمتها اللي ارعب صقر وبعد ثواني انفضت كفها من كف يده وتكلمت
بتسال/ترميني انا مثل الكلبه انا؟؟

صقر حس من نظراتها ان براسها شي كايد رجع كفه وسحب كفها اللي كانت ترجف يحاول يهديها لا تتصرف بتهور ؟…

ملاك انفضت كفها للمره الثانيه بس هالمره با اقوى وبتعدت منه ووقفت بزاويه بعيده عن الكل وطلعت سكينه صغيره من صدرها وفتحتها ومدت يدها اليسار وحطت السكين على الوريد وصرخت بجنون/والله العظيم لو ما طلقتني لاذبح نفسي

الكل حط يده على فمه بشهقه مرعبه و نهيل صرخت فيها بشهقات متقاطعه /لا ياملاك لا يامك لا تعوذي من الشيطان!!

صقر لاول مره يدق قلبه برعب حقيقي تقدم لها وملاك صرخت فيه بتهديد /لو تقدمت خطوه وحده وربي اللي خلقني ماتوصل الا وقد قطعت الوريد

صقر وقف مجبور وعيونه عليها حاس ان الحياة توقفت بينه وبينها وهذا هي النهايه؟…
ما اصعب ان تبقى حائراً مابين
:قلبك:
و :عقلك:
و :ضميرك :
الى ان يمر العمر …
لا العقل يقنعك ؟؟..
ولا القلب ينصفك؟…
ولا ضميرك يريحك ؟..

صقر حاول يتكلم بهدو رغب الغضب اللي فيه/ملاك استهدي بالله وتركي السكين من يدك وخلينا نتفاهم بهدو؟؟
ملاك بمقاطعه مجنونه/صقر تبي تطلقني ولا ذبحت نفسي ؟؟؟
صقر ابتلع ريقه الناشف وتكلم برجا حازم ونسى الموجودين/ملاك اطلبي اي شي اي شي غير الطلاق غير الطلاق ؟؟؟
ملاك مزالت ترجف بذات جنونها /وانا مابي الا الطلاق؟؟
صقر صرخ فيها بغبنه وحسره /ما طلقك ولو شفت دمك يسيل الموت اهون عندي من طلاقك افهمي
ملاك تضغط على السكين بقوه والم /اجل تطلقها هي هي والحين الحين

صقر سكر عيونه لثواني يحاول يخفي صورتها المرعبه ورجع فتحهن وطالع بيدها اللي ترجف وفيها السكين صمت وماهو قادري يتكلم /…..

سلوى تبكي بين يدين امها اللي ضامتها وتبكي معها عرفت من كلامه وتصرفاته ان يبيها وميت عليها
وخافت انه فعلاً ينفذ اللي تبي ويطلقها ؟..
(لا مستحيل يفضح نفسه ويفضحني قدام الناس )

شذى كانت حاضنه امها وتبكي بشده خايفه ان صديقة عمرها تذبح نفسها صدق وتخليها وحيده
نهيل ترجف بضعف وشاده على يدين هدى اللي ماسكتها بمسانده وخوف ….

ام صالح هي اللي كانت تشعر بمرارة ولدها
(اه ياوليدي كان مالك حظ بالحياه يويلي على حاله الحين لو صار فيها شي والله لغير يلحقها ياربي الطف بحال هالولد ياربي انه راعي وقفات و فزعات ياربي افزع له و لاتخليه)

ملاك تكلمت باصرار وتهديد /والله ياصقر والله لو
ما طلقتها الحين وبسرع وقت والله لا قطع عرق قلبي وانت السبب ؟؟
صقر طالع فيها بنظرت عتاب وحزن شعر بحنجرته تمزقت و ماهو قادر يتكلم لين شافها ضغطت على وريدها بالسكين ناويه صحيح على الانتحار
صرخ فيها بصرامه وهو ياشر على يدها /خلاص بطلقها بطلقها

الكل انتفض من كلمته و سلوى قفزت واقفه وام سعود صرخت فيه / والله ما طلقها وتفضحها وش ذنب بنتي حسبي الله عليك وعليها؟؟؟
ام صالح بصوت مهزوز من البكى /لا ياصقر لا يامك حرام حرام لا تظلم بنت الناس
وفاء صرخت بغبن وحقد /البنت مسكينه وش دخلها بهالمجنونه ؟؟

صقر ماكان يسمع لاحد ابد ولا يشوف قدامه احد
الا هي هي هي وبس /….
ملاك تكلمت بصوت مخنوق وهي تصر على السكين بقوه ولا سالت عن احد /طلقها ياصقر؟!!
صقر صمت ثواني ثم فجرها للمره الثانيه /سلوى انتي طالق
سلوى صرخت بصدمه / لالا يومه طلقني طقلتي
ام سعود ترجف بصدمه حايره /حسبي الله عليكم
يا الظالمين يا قليلين خوف الله عساكم تشفونها بعرضكم وبشرف بناتكم

ام صالح حست بدوران من دعاوي ام سعود /…
وتقدمن بناتها هدى ومها و سندنها وهن مقهورات من تدخل ملاك بينهم وخراب ليلة زفة اخوهن/ …

صقر كان يسمع تحسبها عليه ويتالم من داخل
اقترب لملاك بغضب ناري وسحب السكين من يدها وسكرها وهي من شافته اقترب جمدت بخوف منه وعيونها الدامعه تنظر لعيونه الحاده برعب تكلمت برجا خافت /تكفى لا تضربني قدامهم ماهو قدامهم ؟؟

صقر مد يده وسحبها مع شعرها ورفع راسه لافوق وامال من طوله لطولها وهمس عند اذنها بصوت ملتهب بالغضب /ارجع القاك بالجناح عشان اتفاهم معك وان مالقيتك يا ملاك ترا والله لارجع سلوى لذمتي ولو سال الدم بيني وبينك لركب فاهمه ؟؟
ملاك هزت راسها بخوف وصدرها يرتفع وينزل بين يديه /فاهمه فاهمه

ابتعد صقر منها وطلع مع الباب تحت صوت صراخ وناداهم له/ صقر صقر
ام سعود تكلم ام صالح برجا وهي تناظر بنتها المنهاره بالبكا /تكفين روحي رجعي ولدك لا يفضح بنتي

ام صالح تطالع بملاك وتكلم بعتاب غاضب/ ليش ياملاك ليش تسوين فيه وفينا كذا ليش هذا جزا صقر معك وحبه وتقديره لك كذا جازينه تبين تفضحينه بين الناس مدامك ماتبينه يعرس ليش مارجعتي له من اول؟؟

هدى تشد كف امها بخوف/يومه استهدي بالله العصبيه ماهي زينه لك لاتضغطين تفسك
وفاء تهدد بقهر / والله لو يصير بامي شي لاطلع روحك بين يدي فاهمه ؟؟
ام مهند تمسك يد سلوى اللي تبكي بنحيب
محزن/لاتبكين راح نكلمه الحين ويرجع لك بس انتي اهدي اهدي
وفاء بتسرع /بدق على ابوي وخواني يرجعونه كذا مايصير مايصير

نهيل جالسه وحاطه راسها بين يديها من الصدمه
بنتها كانت بتموت بتموت قدام عيونها و من سمعت كلامهم و عتابهم وقفت و اتجهت لملاك اللي كانت واقفه وتسمع لهم وماهي قادره ترد على احد حست انها بلعت السانها الطويل وماهي مستوعبه شي؟…

نهيل تشد على يدها وتسحبها معها /يلا لبيتنا
ملاك تاشر على عباتها /عباتي
نهيل راحت وخذت عباتها لبستها ورحو للبيت

ام سلوى تحضن بنتها اللي سال مكياجها مع ماء دموعها /ا هدي اهدي يامك الحين يجي باذن الله
سلوى تحسب من بين شهقاتها /حسبي الله عليها حسبي الله عليها
ام مهند كانت تدق على صقر ومايرد طالعت فيهم بقلة حيله/مايرد مايرد؟؟
ام صالح تنهدت بدوخه /دقي على صالح خلي يسحبه غصبن عليه اهم شي ابوك لايدري عن شي

ام منهد تدق على صالح وتعلمه بختصار بكل شي صار
صالح غضب منه حيل/ والحين وين راح وين راح؟؟
ام منهد صدع راسها /مادري طلع وادق عليه مايرد
صالح ينهى النقاش /طيب طيب انا بجيبه بس انتي علمي ام سعود هي وبنتها لايروحون ولا يكلمون احد بنحلها بينا مانبي فضايح
ام منهد تهز راسها/طيب ان شاءالله

ام صالح كانت جالسه بتعب وتسال بذات تعبها/هاه وش يقول ؟؟
ام منهد ترد وهي تشد على راسها /يقول بيكلمه بس سلوى وامها لا يدقون على احد هو يتصرف مانبي فضايح
ام سعود تمسح على ظهر بنتها /ماراح ادق على احد ابوها لو درا وخوانها والله توقف قلوبهم من القهر
هدى تهديهم /مايصير الا الخير بس تطمنو

شذى طلعت من الجناح كامل وهي ترجف لاحد الان ماهي مستوعبه ملاك صديقة عمرها كانت بتنتحر؟..
______________________________

ملاك هي وامها دخلن البيت وحصه وامل فزن وقفات يطالعون فيها بتسال وهي جلست على اقرب كنب وانفجرت بالبكاء نهيل نزلت عباتها وجلست قريبه لها وهتفت بعتاب / ليش سويتي كذا كنتي بتذبحين نفسك عشانه وعشان مرته مافكرتي فيني يامك ولا بنتك؟؟

حصه بستغراب/وش صاير ؟؟
نهيل بكت بحرقه /كانت بتذبح نفسها بسكين عشان صقر ومرته
حصه شهقت وحطت يدها على فمها/ملاك انهبلتي مايستاهل تضحين بعمرك عشانه
امل اللي مو قادره توقف من الرعب / وش صار طيب وش سوى صقر؟؟
نهيل تنهدت بوجع/طلق مرته
حصه و امل ناظرن بعض بصدمه و رجعن نظرهم لملاك اللي مازالت حاطه وجهها بين كفوفها وتبكي وحصه تكلمت بتسال مستغرب/كيف طلقها؟؟؟

نهيل حكت لهم كل شي بختصار….
اقتربت حصه و حضنت ملاك بخيه /لاتبكين ولا تضايقين اللي تبينه وصار وطلقها والناس الحين بتاكل وجهه هو ماهو انتي؟؟
نهيل تكمل معها تحاول تهدي لوعت قلب ملاك/اي ويبون يقولون طلقها عشان مرته الاولى والخلي الغيران يزيد غيرة
امل تجلس ودموعها تنزل /مرده لك وهذا يدل على انه يبيك و شاريك

ملاك ترفع راسها وتمسح وجهها بكفوفها /قهرني حيل بس والله ماراح اسكت والله لاخذ حقي منه
نهيل بستغراب/طيب ارضاك وطلقها وش تبين غير؟؟

ملاك تنفجر وهي تمسح انفها الصغير المحمر من كثر البكا/وش بعده ارضاني بعد ماتزوج والكل عرف بزواجه بعد ماجرحني وقهرني بعد ماخلاني اهجم عليهم مثل المجنونه كنت بذبح نفسي بدون شعور بسبته هو هو

نهيل تضمها وتبكي معها/بس يامك بس هدي نفسك قلعته ماهو متوفق من دعاوي سلوى وامها
ملاك تطالع بامها بتسال طفولي / يومه انا سمعتهم يقلون يبون يدقون عليه ويرجعونه لها ؟؟
نهيل تشد احتضانها/ماطلق وهو بيرجع ولله مايرجع لهم وتذكري كلامي
حصه بحزن على حالها / انتي لاتفكرين بشي والحين قومي غسلي وبدلي و ارتاحي
ملاك تحط راسها بين كفوفها وتمسح شعرها وترجعه على ورا وتكلم بخفوت/بس هو قال للي ارجع القاك بالجناح
نهيل بصدمه /متى قاله!؟
ملاك مازالت على وضعها/يوم اخذ السكين من يدي قال للي ارجع القاك بالجناح عشان اتفاهم معك ولا ترا والله ارجع سلوى لذمتي
نهيل بذات الصدمه / ليش يبيك ترجعين لجناحه؟؟

ملاك ترفع راسها وتطالع امها بتوتر /هو مفكر يرجعها يومه والحين كيف اعرف اذا هو رجع لهم ولا لا؟؟
نهيل بحده /مردنا بنعرف و مانتي رايحه له وهو غاضب والله لايقطع لحمك
ملاك باصرار / لازم اروح له بس كيف اعرف الاوضاع عندهم قبل لاروح ؟؟؟
امل هتفت لها بهدو /شذى هي اللي تعلمنا
ملاك تصد بوجهها /شذى مابي ادخلها بمشاكلنا
نهيل بصرامه /اجل كيف بتعرفين اخاف تروحين ورجال مرجع مرته؟؟

حصه تمسح على ظهر ملاك بحنيه/اصبري انتي لين تهدا الامور ونسال شذى وبعده تروحين لجناحك
نهيل برفض/مابيك تروحين له والله ما يرحمك
ملاك توقف /يومه لازم اروح لازم الحين بروح اغسل وبدل وبعده اكلم شذى وافهم منها كل شي

بعد مابعدت ملاك منهم نهيل لفت لبناتها وتكلم بخفوت متوتر /انا ماودي تروح له والله لو شفتو وجهه احمر من القهر والعصبيه
حصه بذات الخفوت/يومه احنا ماصدقنا وهي تقتنع ترجع له خليها تروح وهم يتفاهمون بينهم
نهيل بتردد/وكان ذبحها
حصه بجديه /لو يبي يذبحها خلاها هي تذبح نفسها قبل شوي ورتاح

____________________________


عند بيت ابو صالح مازالو يدقون على صقر ومسكر جواله ولا يرد عليهم
ام سعود تقوم واقفه بنفاذ صبر /انا من اليوم صابره وساكته انتضر وراكم صرفه وحتى ابوها يدق وخوانها يقولون ليش جالسه عندها لالحين وقول حصل عندهم ظرف بس شكل ولدكم ماهو راجع ولاهو راد عليكم ؟؟

ام صالح تقوم معها وترد بحرج/يا ام سلوى والله ياللي صار لبنتك انه تقل صاير لوحده من بناتي بس شوفة عينك هذا حنا وخوانه وحتى ابوه اللي من درى ارتفع عنده السكر ندق عليه ولا هو راد علينا
ام سعود تاخذ جوالها/حسبي الله عليه وعلى مرته ان شاءالله انه بقرب شاحنه عشان يعرف ان الله حق
ام صالح انتفضت بجزع / تكفين تستغفرين اللي تبيه انتي وبنتك بيصير كان ما رجعها اليوم يرجعها بكرا بس لاتدعين عليه

ام سعود ردت بغضب /خايفه عليه من دعاي وهو ماخاف ربه بالمسكينه الله يجعلني اشوف فيه يوم هو ومرته الظالمه
هدى بتدخل/يام سعود صقر ترا ماهو راد علينا وكان بتعلمين خوانها وابوها علميهم ما بيدينا شي
ام سعود بذات الغضب / لو قلتو هالكلام من اول انتم صافين مع بنت عمكم وانتي بذات حتى يوم رقصت قمتي رقصتي معها و شجعتيها على الفرقى

هدى بزفرة /احنا ناس نخاف الله ولا نبي الفرقى لبنتك بس هي بعد بنت عمنا ومانرضى عليها
ام صالح تحاول تقنعها / انتظري يام سعود يمكن يجي

ام سعود ماردت عليها و دقت على عيالها وبلغتهم بكل شي صار غضبو بالحيل الحيل و بدقايق وصلو اخذو امهم واختهم ورجعو لبيتهم وهم يتوعدون بصقر والعتاب طاح كله على ام سعود اللي ماقالت لهم من البدايه وابو سعود من عرف بالخبر طاح عليهم وشالوه للمستشفى ماقدر يتحمل المصيبه اللي طاحت على راسه؟….
__________________________________

ابو صالح ينتفض من الغضب وزعل /هاذ متى بيعقل قلت له من البدايه لاتزوج على بنت عمك اصبر اصبر لين الله يهديها وترجع لك من نفسها بس هو عند وقال بتزوج واكسر راسها والحين يطلق بنت الناس قبل يدخل عليها وش بيقولون الناس عنها حسبي الله عليه من ولد؟؟

ام صالح تبكي بحرقه /تكفى لاتحسب عليه تكفى
يا مطلق ادع له بالهدايه
ابو صالح يصرخ فيها/ذالتن عليه ابشرك ماهو متوفق وهو ظالم البنت واهلها والله يان ربي بيعاقبه عقاب عسير
صالح يوقف ويمسك ابوه بتهدئه /يابوي هد نفسك تكفى ماحدن نافعك لاصار فيك شي ؟؟
فالح يمكل معه بحده /انت وش عليك منه يابوي خله رجال ويتفاهم هو واهل البنت بينهم ويعرف يتصرف قلعته غير لاتتعب نفسك عشانه
ابو صالح يجلس بتعب/ ماهو قادرين على صقر ماقدرنا عليه حنا ياهله
صالح يشد يده بحنيه/ماعليك تيسر الامور
____________________________

-/البارت المئه وسبعه/-


رواية ريح المطر (للكاتبة شغف
ادعو لوالدي برحمة والمغفرة..

لبيه ياريح المطر والسما غيم..
ولبيه ياصوت المطر بعد غيبه

واقف بسيارته بصحراء مظلمه وجالس فيها بعد مانزل شماغه وبشته وجواله الصامت بالمرتبه المجاوره ونزل مرتبته على وراء وساند راسه عليها وذراعه على عيونه و يفكر بالاحداث اللي صارت مرت كانها حلم؟..

( كانت بتذبح نفسها صدق ولا تبي تختبر حبها؟؟
لا هي اصلا تعرف وش كثر احبها عشان كذا عرفت تلوي ذراعي الحين وش بيسكت الناس بيقولون طلق عشان مرته اه ليتني ما طلقت وقلعتها تموت اريح للي ولها بعد )

ابعد ذراعه من عيونه وهز راسه برفض (لالا لو ذبحت نفسها كان كان الحين انا مكفنها بيديني لا ياربي
الا ملاك تعرف حبي لها لا تاخذها مني حتى لوانها ماتستاهل هالحب الحيوانه ليش يارب تذلني عشانها ليش استغفرالله وتوب اليه يارب صبرني على الدنيا
و مصايبها )

عدل مرتبته وجلس شغل سيارته وحرك متجه لها بسرعه جنونيه -؟؟
_______________________________

ملاك كلمت شذى وفهمت منها كل شي ان صقر مارجع واهل العروس خذو بنتهم وراحو زعلانين ويدعون عليها وعليه ؟؟..

ملاك تنهدت بارهاق /طيب شذى اذا رجع صقر دقي علي ضروري تكفين؟؟
شذى بوفى /ابشري ولايهمك
ملاك بوفى اعمق /مشكوره ياشذى ادري انك تضحين عشاني وادري انك الان متخبيه عن اهلك عشان مايدرون انك تكلميني والله مقدره كل اللي تسوينه للي

شذى اللي كانت بالفعل متخبيه عن اهلها ردت عليها بمرح /اتركي الموضوع هذا انا بكرا بس اشوفك راح احاسبك على جنونك اليوم وعلى صراخك علي
ملاك تبتسم بذات ارهاقها /جنوني انا احاسب نفسي عليه اما صراخي لك اللي تبين حاسبيني على راحتك

شذى صمتت ثواني بعده تكلمت بهمس /ملاك ؟
ملاك ردت بذات الهمس/هلا
شذى وهي تسمع صوت الصراخ /صقر جاء
ملاك وقفت برعب/وشو متى جاء؟
شذى تنهي النقاش برعب اشد /هذا انا اسمع صراخه هو وجدي وخوالي لازم اسكر
ملاك حست برجفه /طيب مع السلامه

ملاك طلعت لامها وخواتها وهي ترجف بشده/يومه صقر رجع رجع
نهيل توقف بعدم فهم/رجع مرته!؟
ملاك تاشر براسها بنفي /لالا اللي ما تنسما هي واهلها قد ذلفو
نهيل تقترب لها/اجل شفيك ترجفين ؟؟
ملاك ردت وهي مازالت ترجف/شذى تقول يصارخ هو وعمي وخوانه اخاف يصير بعمي شي والله يذبحني صقر
حصه تقترب لها تحاول تهديها / لاتحاتين عمي لو بيصير له شي من ورا عمايل صقر كان من زمان مات من فعايله
نهيل توترت صدق /الله يستر لاوالله هالمره كبيره
ملاك تجلس ماهي قادره توقف /يومه لا تخوفيني
______________________


عند ابو صالح وعياله شابه نار و دخان بينهم ؟..

ابو صالح كان واقف ويتكلم بنفعال/تروح الحين الحين وتصلح خطاك وترجعها بنات الناس ماهن لعبه عندك؟؟
صقر اللي مو اقل منه انفعال وغضب/ما طلقتها عشان ارجعها وماحد له دخل بحياتي انتم ماتفهمون قلت لكم الف مره اطلق اتزوج اموت احياء مالكم شغل فيني

ابو صالح يتقدم له بحده / اص ولا كلمه انا ابوك يالهايب وتحترمني وتنفذ اللي اقول غصبن عليك
صالح يشد كف ابوه/يابوي هد نفسك وتعوذ من الشيطان صقر ماهو رداك بيروح الحين ويرجعها بس انت اهدا
صقر رد بصرامه غاضبه /ماهو صقر اللي تمشونه بكيفكم رجعه ماني مرجعها وغير لا تزعجوني
فالح رد بذات الصرامه /ماهو حنا اللي نمشيك بكيفنا بس بنت طالب مشتك بكيفها وخلتك تطلق غصبن عليك ؟؟؟

صقر مايشوف اللي قدامه عيونه ضباب من الغضب تقدم لفالح وشده مع جيبه وعطاه كف على وجهه وفالح انفعل منه وقامو يتطارحون بينهم تحت صراخ ام صالح وبناتها …صالح تدخل ويفرق بينهم خوفن على ابوه اللي حس انه ماهو قادر يوقف من شدت التعب

هدى افزعتهم بصرختها العاليه / يوبببه يوبببه
صقر وفالح لفو له شافوه ماسك صدره وجالس على الكنب اتجهوو له برعب و صالح يساله / يوبه انت بخير انت بخير
فالح يطالع صقر بتهديد /لو صار بابوي شي انا ذباحك
صقر مارد عليه كل همه ابوه جلس عند رجوله
برعب /يوبه تكفى هد نفسك واللي تبيه ابشر فيه بس انت هد نفسك بجيب قياس الضغط والسكر وجيك
ابو صالح يتكلم بصوت متعب /بعد عن وجهي لابارك الله فيك من ولد
صقر راح يجيب عدته الطبية من غير لايرد عليه/…

ام صالح بين شهقاتها/ يابو صالح الامور كلها سهالات والدنياء ماتسوى زعلك وتعبك
صالح يسند ظهر ابوه على ظهر الكنب /يابو ارتاح انت ارتاح وكل شي راح يصير مثل ماتبي
ابو صالح بمكابرة / انا مافيني شي بس جيبو للي علاج السكر
صالح هتف له بحنو /صقر الحين يشوف السكر عندك والضغط وبعده نعطيك علاجاتك
ابو صالح برفض/مابيه يعالجني هو اللي امرضني
ام منهد هتفت برجا/تكفى يابوي خل يشوفك صحتك غاليه علينا
هدى بذات الرجا /اي والله تكفى مالنا غيرك لاتتعب نفسك عشانا
ابو صالح تنهد بقلة حيله /لاحول ولاقوة الا بالله انتم علامكم انا مافيني شي؟؟

دخل صقر ومعه عدته الطبيه جلس قريب من ابوه وقاس له ضغطه وسكره وابو صالح استجاب له بصمت عشان بناته/….
صالح يطالع صقر بتسال /هاه وشفيه؟؟
صقر مسك كف ابوه بكف يده /الضغط مرتفع حيل لازم ابرة
ابو صالح نفض يده بعنف/مافيني شي ولا ابي ابرة منك اذلف عن وجهي بس
صالح باصرار /يابوي لازم الابره لازم ؟؟
ابو صالح يطالع صقر بحده /مابي علاجه خلوه يفارقني

صقر هتف بنبرة موجوعه هزت قلب ابوه / تكفى لاتحملني فوق حملي تكفى يابو صالح لاتصير انت والزمن علي ؟؟
ابو صالح حس بصوت ولده الحزن العميق ورد عليه
بحزم /عطني الابرة ورح عن وجهي
صقر يفتح الابره /ابشر بروح بروح بس انت ارتاح

صقر من بعد ما حقن ابوه بالابره شال عدته وطلع لجناحه بصمت /….
ابو صالح يقوم بثقل /بروح غرفتي ومابي اشوف احد عندي خلوني براحتي ابرة وخذت غير مافيني شي
صالح يقوم معه /ابشر ابشر بس خلني اساعدك

ساند ابوه هو وفالح ودوه يرتاح وكلن راح جناحه
_________________________________

الساعه 2 ليلاً …

فهد كان نايم بسبات ومهره نايمه على عضده بين احضانه وبذات السبات …شوي الا يرن جوال فهد مرتين ورا بعض فتح عيونه بثقل اخذ الجوال وهو عاقد حواجبه من بيتصل بهذا الوقت استغرب من رقم الثابت رد بتحكم /الو من معي ؟؟
الطرف الثاني /السلام عليكم ورحمة الله الضابط فهد عقاب ؟؟
فهد اعتدل جالس / اي نعم امرني ؟؟
الطرف الثاني/ ممكن تحظر عندنا بالمستشفى العام
فهد قطب بتسال/ ليش وش صاير؟
الطرف الثاني/ المريض يوسف صحى من الغيبوبة وطالبينك لتحقيق لانه تغير بالاقوال بينكم
فهد قفز واقف وهذ اللي ماحسب حسابه / وشووو يوسف صحى ؟؟

مهره رجفت برعب من طاريه وهي تحط يدها على فمها تخفي شهقاتها/…
فهد ينهى الاتصال / جاي جاي
مهره هتفت بتسال وصوت خايف/ وش صاير فهد ؟؟
فهد لف لها شاف بعيونها الرعب سالها
بصرامه / شفيك خايفه ؟؟
مهره وقفت قريبه له / مادري فهد بس احس ماني مطمنه
فهد يتجه غرفة الملابس / تطمني ماهو قادر يفتح فمه بشي
مهره صدرها بدا يضيق ولا هي مرتاحه ابدً/ الله يستر الله يستر

فخد طلع من بعد مالبس ثوبه وشماغه وانحنى اخذ جواله ومفتاحه وهو يهتف لها بحرص / اياك امك ولا جدتي يدرون عن شي طيب
مهره هزت راسها وهي تشوفه يطلع / طيب
______________________________

بالمستشفى العام…

الضابط سال بحزم/ يوسف انت متاكد من اقوالك؟؟
يوسف يهز راسه الملفوف بشاش ابيض / اي والله متاكد ماهر ولد عمي هو الي هجم علي بقزاز وكسره على راسي
الضابط باستغراب/ فهد كان موجود ؟؟
يوسف قطب / لا ماكان موجود لانه مطلق بنت عمي من شهرين
الضابط اشر للكاتب /اكتب اقوله كامله

طق الباب ودخل فهد وعيونه على يوسف بشر /السلام عليكم
الكل رد السلام ويوسف عيونه تطالع فهد بتوعد /…
الضابط سال فهد بتوجس/ هو انت متاكد ان الضربه اللي على راسه منك انت؟؟
فهد شك بالموضوع لذالك سال بحزم/ وهو وش يقول من اللي ضربه؟؟
يوسف باستعجال / ماهر ولد عمي هو اللي ضربني
فهد برود / لا طبعاً انا اللي ضربتك وماهر ماكان موجود
يوسف انغبن/ انت كنت مطلقها اصلاً وانا اذكر كل شي
فهد لف لضابط / كيف تاخذون اقول واحد تو صاحي من الغيبوبه ويهلوس
يوسف اندفع / انا ماهلوس انا اتذكر انت بتغطي عليه لانك واثق ماحد يبي ياحسبك
الضابط ينهى النقاش/ نجيب ماهر ونحقق معه ونشوف
فهد برفض حازم/ماهر ماله دخل انا معترف وانتهينا
يوسف بلعانه / ماهر ماهر هو اللي ضربني وانا ماراح اتنازل
فهد يناظره بتوعد ارعب قلب يوسف بعده طلع والضابط طلع وراه وهتف بهدو / ياابو عقاب ماهر لازم يحظر التحقيق عشان نتامد من الاقوال
فهد تنهد بطولك بال/ انت مصدق المريض هذا ؟؟
الضابط يحاول فيه /لا طبعاً بس ابرا لذمه لازم توقيف ماهر
فهد هز راسه برضا احترام لصاحبه/ ان شاءالله ماهر اليوم يجي وحققو معه مثل ماتبون بس تاكد ان ماله دخل نهائي
الضابط ابتسم بمحبه / حاظر وانا واثق بكلامك بس ابز لذمه مثل ماقلت لك
فهد رد ثبات / بعد صلاة الفجر اجيبه لكم بنفسي
______________________________

ملاك واقفه بتردد /يومه اروح؟؟
نهيل بذات التردد/لاتروحين اكيد هو و ابوه متهاوشين راح يذبحك
حصه تطالع امها بعتاب / يومه الله يهديك هو مهددها يرجع مرته يحسبها تعانده ويزيد حقده عليها روحي ياملاك نصيحه
نهيل بحيره /بكيفك روحي بس وانا امك امسكي لسانك وتركي العناد
ملاك لبست عباتها وخذت جوالها/بدق على شذى تخلي للي الباب مفتوح

نهيل باستغراب /ليش وين مفتاحك ؟؟
ملاك مشتت عقلها /والله مدري وين حطيته
حصه تر بحزم وني تتجه الغرفه / انا شفته داخل بجيبه لك لا دقين على شذى اهلها يلاحظون وماراح تسلمين منهم ادخلي جناحك من غير لاحد يحس فيك
ملاك ترد بتوتر /طيب طيب
نهيل تطالع جوالها اللي يدق /يا قلبي يامل تدق راحت بيتها وهي شايله همك
ملاك بحنيه / ردي عليها وطمنيها

و قبل لا ترد نهيل على اتصال امل الا دخل عليهم مازن مثل الاعصار ويطالع بملاك بتسال /صدق الكلام اللي سمعته ؟؟
نهيل لفت له وتركت جوالها اللي يرن /وش اللي سمعته ؟؟
مازن وعيونه مازالت على ملاك بحده /خليتي صقر يطلق مرته ؟؟
ملاك ترفع حاجبها/وانت وش دخلك ؟؟
مازن صرخ فيها بزفرة / على بالك الناس ماتفهم اغبياء انتي ما تخافين ربك يهوديه انتي تفرقين بين رجال ومرته؟؟؟

نهيل صرخت فيه/فهمو ولا عساهم مافهمو وبعدين هي ماهي مرته بعد ؟؟
مازن يضحك بتستهزا/طلق الاولى قلنا نصيب بس يطلق الثانيه هاذي عاد واضحه وضوح الشمس
ملاك بستغراب من كلامه/وش تقصد!؟
مازن باتهام جارح /من السحور والطبوب اللي عندك
ملاك صرخت فيه بحرقه / اص ولا كلم يالحقير ياتافه انا اخاف الله قبل لاشوفك وشوف ولد عمك

نهيل تطرده بحسره / اذلف حسبي الله عليك من ولد كيف طاوعك قلبك تقول لاختك هالكلام كيف ؟؟
مازن متجهه لباب/انا طالع بس ترا صقر ماحد يقدر يمشي كلمته عليه الا انتي من ورا دبورك
نهيل بكت بغبنه /حسبي الله عليه هذا مايخاف ربه؟
ملاك تنهدت بالم /ماهو منه كله من الظالمه اللي عنده هي اللي تعبي راسه

حصه رجعت /شفيكم ؟؟
ملاك سالت بمقاطعه/لقيتي المفتاح ولالا؟!
حصه تمده لها باستغراب /خذي هذا هو
ملاك تاخذه وتطلع بصمت /…
وحصه تسال امها للمره الثانيه/شفيكم ؟؟

نهيل قالت لها كلام مازن وحصه انقهرت منه
بشده /كيف يقول كذا عن اخته انجن وش خلا لناس ؟؟
نهيل تمسح دموعها /ياقلبي ماهي ناقصه راحت وهي مجروحه والحين يزيدها عليها صقر اللي مايخاف ربه بعد

_________________________________

عند صقر من دخل الجناح بحث عنها بعيونه تاكد انها ماهي موجوده حس بالانفجار منها /طيب ياملاكووووه تكسرين كلمتي وترجعين تحديني والله العظيم لو ماني خايف على ابوي من الضغط لاروح و اسحبها مع رقبتها مثل البهيمه

جلس صقر على السرير وهز رجله بقهر ( صار اللي تبيه وخلتني اطلق وهي انخشت بيت اهلها بس وين بتروح وين بتروح مردها للي )

سمع صوت باب الجناح يتسكر وقف وطلع لصاله بستغراب شاف ملاك واقفه وتنزل عباتها وكانت لابسه بجامه ساتان بالون الابيض و مشجره بزهر بالون الزهري الفاتح فاتحه شعرها الاسود وحاطه روج زهري و مسكره ومرطب على وجهها اللي يلمع باشراق وصحه

ملاك من دخلت ماشافته بالصاله نزلت شيلتها وبعده عباتها ومن حطتهم على الكنب الا ترفع عينها و تشوفه واقف عند باب غرفة النوم وعليه ثوبه الابيض وفاتح ازاريره وباينه عضلات صدره و يناظر فيها بحده قاسيه شعرت برجفه مخيفه من نظراته لها وماهي قادره توقف من الخوف والارتباك ؟؟…

صقر ياشر لها بامر حازم /تعالي
ملاك تصنعت الثبات وتقدمت له /نعم ؟؟
صقر سحبها مع يدها بقوه ولفها بعنف وصار ظهرها لازق بصدر وزفر عليها بقسوه غاضبه /ارتحتي باللي سويتيه ارتحتي ؟؟
ملاك تهتف بالم موجع /يدي يدي
صقر شدها باقوى وصرخ فيها بصوت عالي /يدك بكسرها لك وبكسر لك راسك اللي نافخته يالحيوانه انا تهدديني تنتحرين تستغلين حبي لك ياملاك تستغلينه؟

ملاك حست طبلة اذنها انفجرت من صراخه وردت عليه بنبرة رجاء /صقر خل نتفاهم لاهديت انت الحين فاقد اعصابك ماهو زين لك ولا للي

صقر لفها لجهته ومسكها مع كتوفها وهزها بشده ونفخ بوجها باشد /خايفه على نفسك الحين وليش ماخفتي عليها قبل شوي والسكين كانت بيدك ولا بس بتقهريني و تبينهم يشوف صقر وش كثر يخاف عليك؟؟
ملاك صرخت بوجهه /بس بس ياصقر اللي بيني وبينك نتفاهم فيه لا هديت
صقر شدها من شعرها غارز اصابعه بفروت
راسها/ و ترفعين صوتك بعد والله يا روحك انا اللي بطلعها على يدي

صقر رماها بالارض واقترب منها يبي يضربها بس وقفه صرختها المرعوبه واضح /صقر انا عملية انتبه والله راح تموتني و تريحني منك ؟؟

صقر جلس نص جلسه قريب لها وشدها مع
شعرها ونفضها بقهر عميق /تبين اريحك مني ليش الشهور اللي فاتت ما كفتك باقي ما ارتحتي وجايه اليوم تنزعين علي عرسي كيف بواجهه الناس بكر وش اقول لهم مرتي هددتني تذبح نفسها اذا ماطلقت انتي كيف تجرئتي وسويتي كل هاذا ؟؟؟

ملاك بنبرة مخنوقه/وانت كيف تجرئت وكررت الغلط مره ثانيه كيف؟؟؟
صقر سحبها مع شعرها وقرب وجهها لوجهه /انتي السبب انتي اللي حديتيني انتي
ملاك انفجرت بالبكاء الطفولي/لا انت السبب انت هددتني بتذبح جنيني و جيت وهجمت علي قدام اهلي
و اتهمتني بالباطل و تهددني بالعرس صقر انت مابقيت فيني روح خلاص هذا اقل شي ارجع كرامتي فيه اقل شي

صقر ماتحمل بكاها سحبها لصدره وحضنها
بعنف /وترجعين كرامتك على حساب كرامة غيرك ؟؟
ملاك تشهق بين ضلوعه /جرحتني حيل حيل يا صقر
صقر شد احتضانه لها /وانتي جرحتيني اكثر ياملاك

ملاك ماينسمع الا شهقاتها المنهاره صقر شالها بين يديه و اتجهه فيها لغرفة النوم نزلها على السرير بهدو
وهي حضنت الفراش وغطت نفسها كامل حتى وجهها وبكت بكاء عن سنه كامله وهو ابتعد منها لحمام عشان يوضي ويطفي غضبه من بعد ما طلع فرش سجادته وصلى ركعتين وجلس على السجاده شوي يحاول يهدى نفسه

قام ورجع لغرفته شافها على وضعها مازالت حاضنه نفسها بالفراش وتبكي بنحيب فتح الغطاء ودخل معها وسحبها لحضنه وهمس لها بحزم /بسك خلاص اهدي
ملاك تبادله الاحتضان و شفايفها عند رقبته وتهمس له بعتاب موجوع /انت السبب انت ؟؟
صقر حاس بحرارة انفاسها على رقبته وابتسم رغم التعب اللي فيه/طيب انا السبب وانا اللي اخطيت وانا اتحمل الخطاء كذا ارتحتي ؟؟
ملاك ترفع عيونها الغارقه بدموع ترد بطفولة / لا باقي مارتحت ؟

صقر ناظر بملامحها الفاتنه المبلول من دموعها
و ارتعاش شفتها وهي تكلم اقترب لها وحط يده على مؤخرة راسها وباسها على شفايفها بحراره ولهفه وملاك جذبته لها بحراره اشد مرت ثواني و صقر ابتعد منها وطالع بعيونها بوله وهمس لها بتسال / والحين ارتحتي؟!
ملاك ناويه تجيب راسه وترد بغنج ونعومه/لا باقي مارتحت
صقر وزع بوساته على وجهها كامل بدفى صادق / علي الحرام حرم ان حتى عشقي لك ماهو خساره فيك

ملاك تطالع فيه بنظرة عتاب وترد عليه بعتاب
عذب /ليش تزوجت علي انا وش قصرت معك فيه ؟!
صقر شد جسمها الانوثي الناعم ناحيته
بتملك / احرمتيني وصلك وتقولين وش قصرت معك فيه ؟؟
ملاك خفتت بوجع /بس هذا مايشفع لك تزوج علي في الف طريقه وطريقه ترجعني فيها
صقر بعتاب عميق /ما خليت ولا طريقه ياملاك ماجيتك فيها بس انتي عنيده عنيده
ملاك بجرح اعمق / لاني كنت مجروحه منك حيل والحين مجروحه منك اكثر
صقر باسها بنعومه ذات نعومتها /اداويك لعنبو من لامني فيك
_____________________________

رجع مازن للبيت بعد ماصلى الفجر بالمسجد
شاف امه وحصه مازالو جالسات اقترب لهم بستغراب/مانمتو ؟!
نهيل تطالع فيه بحده وتصد بوجهه وحصه ترد
عليه/وش تشوف انت؟؟
مازن يرفع كتوفه/اشوفكم مواصلين وراعيت المشكله مكبره المخده ونايمه
نهيل توقف بنفاذ صبر / اص ولا كلمه لاتخليني يامازن اغضب عليك لايوم الدين
مازن بزفرة / ماهو انا اللي اخطيت هي اللي اخطت وفشلتنا عند الناس والله ياني بالمسجد ماقدرت احط عيني بعين صقر وعمي

حصه توقف بتسال/صقر صلى معكم بالمسجد؟!
مازن بذات الزفرة /اي صلى معنا اجل تبينه يندس بيته بعد عمايل اختك
حصه تطالع امها بارتياح/الحمدلله مدام صلى معهم اكيد ان ملاك بخير
مازن يرفع حاجبه بستغراب/ليش وملاك وينها ؟!
نهيل تصر على اسنانها /ماهو شغلك والحين اذلف عن وجهي
مازن بصرامه /اقول ملاك وينها وينها؟؟
حصه تنهدت بتعب /عند زوجها
مازن صدم /ومتى راحت؟!
حصه بتجاوب /البارح
مازن يضحك باستهتار /والله عشنا وشفنا طلقت زوجها من مرته وراحت هي تنزف عليه

نهيل بكت بالم/بسك بسك اتهامات حرام عليك ابك هو مهددها ان ماجت يذبحها وهي راحت له غصبن عليها انتم شفيكم على هالمسكينه انت جارحها بكلامك ولد عمك جارحها بفعاله اتقو الله اتقو الله
حصه تحضن امها بحنو /يومه اهدي اهدي خلاص تكفين

مازن انفجع من انهيار امه طلع بصمت /….
ودخل جناحه شاف وفاء جالسه على تسريحته الغرفه وتحط كريم على يديها /سلام
وفا/هلا شفيك تاخرت
مازن يجلس على السرير وعيونه عليها/كنت عند امي وحصه ودريت ان ملاك رجعت لصقر
وفا تقفز واقف /وش قلت متى رجعت له انت متاكد؟؟
مازن يرد عليها/اي متاكد من البارح عنده
وفاء تنتفض بغضب /وش وداها اختك وش ناويه عليه طلقت المره وراحت تنزف بمكانها
مازن يضحك/هذا كلامي اللي قلته لامي الحين رايحه تزف نفسها والله ياملاك انها صايره خطيره
وفا بغبنه وحقد /الا خبيثه خبيثه وتخطط اللي ماتخاف ربها
_______________________________

بعد صلاة الفجر ….

فهد راح البيت شاف مهره بصاله تنتظره ومن دخل اقتربت بتوتر/ فهد وش صار ؟؟
فهد سال بحزم /وين ماهر ؟؟
مهره شهقت بعنف / يويلي ماهر ليش بيسجنونه ؟؟
فهد اقترب لها خاف روحها تطلع مع الشهقه/ انتي شفيك احد جاب طاري السجن الحين؟؟
مهره تقترب له وتشد كفوفه /حلفتك بالله قل للي وش يبون بماهر ؟؟
فهد شد كفوفها بحنو وتهدئه / يبون يحققون معه ياخذون اقواله بس
مهره بكت / اخوي بيروح قصاص
فهد طارت عيونه / انتي خبلة قصاص ليش هو ميت يوسف هذا هو عايش بسبع ارواح ؟؟
مهره ترجف / ماراح يخليه بحاله يبي يظره حسبي الله عليهً
فهد ينهى النقاش/ روحي نادي لماهر بسرعه بتكلم معه

مهره راحت الجناح صحت ماهر توضى وصلى وجا وهو يسال فهد ببتسامه/امر يابو عقاب قالت مهره تبيني ؟؟
فهد شد يده وجلسه بجواره / اسمع يا ماهر يوسف مصر انه انت اللي متسبب بضربة راسه وانت مالك دخل بالموضوع صح ؟
ماهر هز راسه برعب / بس انا انا
فهد بحزم / انت مالك دخل ولا تعرف شي عنه هذا الكلام تقوله عند الضابط اياك تعترف بشي نهائي

ماهر دمعت عيونه وهو يطالع مهره اللي تبكي بخفوت / اخاف يضربوني لين اتكلم ؟؟
فهد انتفض بحميه / اكسر اليد اللي تنمد عليك وانا معك لا تخاف بس انت خلك معي على كلمه وحده مانختلف فيها
ماهر هز راسه برضا/ حاظر
فهد بتاكيد /اميد يا ماهر اعتمد عليك ترا تظرني ان اخلفت كلامي ؟؟
ماهر بتاكيد / لا تشيل هم والله ماراح اعترف
فهد وقف وهو يهتف لمهره بحزم / لا حد سال عنا قولي طلع معه مشوار تمام ؟؟
مهره عيونها على ماهر وكنها اخر مره تراه فيها/حاظر

فهد حزت بخاطره نظرت الحزن اللي بعيونها هتف لها بوعد يطمنها/ اوعدك انه بيطلع منها تطمني
مهره دفنت وجها بين كفوفها وبكت /…

فهد تنهد وهو ياخذ ماهر ويطلع مايبيه يشوف ضعفها

___________________________________

صقر دخل جناحه من يعد ماصلى بالمسجد
شافها توها مخلصه صلاتها وتنزل الجلال وترتبه ومنزل راسها بخجل منه ومن نفسها تقدم لها وحط يده على ذقنها ورفع راسها وطالع بعيونها
الرماديه/ليش منزله راسك؟!
ملاك بنبرة مخنوقه /عمي درا اني رجعت ؟!
صقر بحزم /واذا درا يعني وش بيصير ؟؟
ملاك تشهق تحاول تماسك عبرتها /بيقول عوبه وبياخذ فكره عني مو زينه
صقر رفع كتوفه بجمود /واذا قاله فهو ماكذب انتي صحيح عوبه
ملاك تطالعه بغيظ /مايهمني رايك انت ؟؟

ملاك كانت بتروح غرفتها بس اوقفتها يد صقر اللي شدها بغضب وزفر عليها /لاصرت اكلمك ماتعطيني ظهرك وتمشين فاهمه ؟؟
ملاك تحاول تبعد يده من عضدها/لا مو فاهمه لاصرت ما تحترمني
صقر لواء يدها بعنف/حسك لا يلع اقطعه لك تراك رافعه للي ضغطي
ملاك رفعت حاجبها /اي قول كذا من اول رافع ضغطك حرمتك من حضن عروستك ؟؟
صقر يبي يغيظها/اي عشان حضنها براسك شي ؟؟
ملاك صرخت بغيظ/رح رح لها معك وقت رح رجعها وحضنها ترا انا ماني رخيصه لك ياصقر لا شبعت من لحمي رميتني تبيها طلقني وذلف لها
صقر صفعها على وجهها بانفعال /تقولين للي انا اذلف السانك هاذا من زمان وانا اقول يبي له قص بس شكلي الحين بنفذ وقصه لك
ملاك غارت عيونها بدموع وكف يدها على خدها اللي ضربه فيه/قصه ياصقر قصه ورتاح منه

صقر طالع فيها وهي تجهه لغرفة النوم وتكتم بكيتها اللي ماخفت عن عينه جلس على الكنب بتعب وتكلم بينه وبين نفسه بمراره( انا يكفينا نظرات ابوي وخواني للي بالمسجد وانا اتصنع البرود والحين تجي هي وتكمل علي بعد اوف)

قام و اتجه للغرفة انصد من اللي شافه تلبس عباتها اقترب لها وسال بصرامه/وين ان شاءالله ؟؟
ملاك ترد من غير لا تطالع فيه /بروح بيت اهلي
صقر بصرامه اشد/ومن سمح لك تروحين هاه!!
ملاك لفة له وطالعت فيه بشموخ/انا سمحت لنفسي وبعدين انت ماخذت اللي كنت تبيه وش تبي الحين !!

صقر شدها مع كتوفها وتكلم من اعماق قلبه /ابيك انتي ياملاك افهميني تراي ماني ناقص انا سويت اللي يرضيك خلاص ارحميني ترا في اشياء كثيرة ضدي ومنها ابوي وخواني واهل البنت لا تزيديني انتي بعد
ملاك تناظره بعتاب /الحين انا السبب بكل هاذا ؟؟
صقر يسايرها يبي يهدي الوضع /انا ماقلت كذا لا تقوليني كلام ماقلته
ملاك تشيح بوجهها/صقر انا برتاح برتاح ممكن تخليني اروح؟؟
صقر سحبها لحضنه ولمها بين ذراعيه /هنيه ترتاحين وانا ارتاح خلينا ياملاك نشبع من بعض وننسى العالم واللي فيه
ملاك تحوط خصره هي بعد وتمسح على ظهره/ابي وانا معك تنسى كل شي وانا ابي انسى بعد
صقر يبوس راسها /نزلي عباتك وتعالي على السرير باقي ماشبعت منك
ملاك بخجل /لا صقر انعس بنام
صقر افلتها / بخليك تنامين بس تعالي معي
ملاك بنبرة غريبه وهي تتجه معه لسرير وتنزل
عباتها / مسك ماشفتها اليوم كله ؟؟
صقر ابتسم بدون شعور/ يويل قلبي عليها ليش ماجبتيها معك ؟
ملاك تطالعه بتوجس/ صقر اكيد ماراح تاذيها؟؟
صقر انتفض بجزع / ملاك انتي ماتبين تفهمين مستحيل اب ياذي بنته انا كنت بنزل حمل مجرد دم ماتكون لظرف خاص فيني بس الحين مستحيل اذبح بنتي نور حياتي

ملاك تمدد جواره / ممكن افهم ليش كنت بتنزل حملي وش الشي الخاص؟
صقر يغير الموضوع بطريقته وهو يسحبها
لحضنه/ بعدين بقوله لك الان خلي اشبع منك عشان لاصحيت بشبع من بنتك
_______________________________

الساعه 9 صباحاً

ابو صالح قطب / وشو ملاك عنده متى رجعت؟؟
وفا بغيرة / البارح نايمه بجناحها وللحين عنده
ابو صالح وقف بغضب/ مدامها ناويه ترجع ليش ترفض وتسوي كل هذا وتسود وجيهنا عند الناس
ام صالح وقفت هي بغبنه/ تبي تذل ولدي تنزل من قدره

ابو صالح اتجه جناح صقر وطق الباب طق متواصل

صقر كان نايم مرهق من زمان مانام نوم عميق
ملاك فزت من صوت الطق وهي تهز كتفه/صقر صقر
صقر فتح عيونه بخدر ناعس/ شفيك؟؟
ملاك بتوتر /الباب يطق قوه قوم شوف من !!

صقر اعتدل جالس سحب تشيرته اللي على السرير لبسها واتجه الباب فتحه وانصدم من وقوف ابوه وراه امه ابو صالح بحده/ ابعد عن الباب
صقر فتح الباب على وسعه وهو يرحب بصوت عالي ينبه ملاك من وجود ابوه عشان تغير لبسها/ حياك الله يابوي اقلط
ابو صالح بذات الحده/ الله لايحييك انت والهايبه بنت عمك وينها؟؟

صقر صر على اسنانه / يابوي ملاك طلعها من السالفه انا رجال وتحمل خطاي
ام صالح بغيظ/ هي المخطيه ماهو انت تهجم على الناس بفرحهم وتشتت شملهم؟؟
ابو صالح كمل معها/ مدامها ناويه ترجع لك ليش تسوي كذا وتنزل روسنا ؟؟
صقر بطولة باله / قلت لكم انا المساول عن كل هذا ماحد جبرني على شي
ام صالح بزفرة / الا مجبور قامت تهددك بقتل نفسها لين نفذت اللي هي تبي

ملاك طلعت من بعد مالبست روب كامل ساتر وسمعت كل اللي دار بينهم وهي ترد عليهم
بتحكم / انا صح اني غلطت يا عم بس والله اني ماني ندمانه ابد على اللي سويته
صقر لف لها بغضب / قولي كلمه زينه ولا سدي فمك
ملاك تقدم لعمها وتمسك كف يده / ياعم والله اني ابي صقر وابي عشرته بس كنت مجبورة ومكسورة الحين اقدر اعيش معه من طيبت نفس من بعد ماجبر كسري

ابو صالح عقد حواجبه / والبنت وش ذنبها ترجعين كرامتك على حساب شرفها؟؟؟
ملاك تهز كتوفها بوجع / جاني اكثر من ماجاها اللي مسح على قلبي يمسح على قلبها
صقر صمت مصدوم من الاعتراف اللي صدر منها/…
ام صالح بعصبيه / تنزلين من قدر رجلك عشان قدرك تبين تشوهين سمعته عند الرجال؟؟
ملاك تنهدت بالام / هو تزوج ونزل من قدري وانا طلبت طلاقي ولا طلقها وهو اختار ماجبرته على شي

ابو صالح بعتاب غاضب/ اللي سويتيه غلط غلط بحقك وبحقنا والحين لازم تصلحين الغلط انتي والهايب هذا
صقر تنهدت بنفاذ صبر / وش اللي تبينا نصلحه ؟؟
ابو صالح بحزم / ترجع بنت الاجواد وتحفظ عرض اهلها
صقر صمت يبي يسمع ردت فعل ملاك /…
ملاك حمر وجها من صمته وتوقعها يقول انه يبي يوافق لذالك ردت باستعجال وبدون تردد/ مستحيل ارضى انا ماسويت كل هذا عشان يرجعها يا انا
يا هي ؟؟
ابو صالح زفر عليها بشدة / اص ولا نفس انتي اللي حديتيه على هالعرس يرجعها ان رضيتي ولا مارضيتي

ملاك امتلت عيونها بدموع / صقر ؟؟!
صقر تنهد وعيونها الدامعه توجع له قلبه وهتف لابوه
بثقل/ يابوي ماطلقتها وانا برجعها اللي صار انتهى عن النقاش
ابو صالح بحده / سمعتها وسمعت اهلها عادي عندك ؟
صقر رد بثبات / اكيد لا ماهو عادي انا بمر عليهم اليوم وتفاهم معهم والناس بقول هي اللي نحاشت مني
ام صالح طلعت من الجناح بصمت وماهو عاجبها اصرار ولدها/..

ملاك نزلت راسها بحرج من نظرات عمها اللي هتف لها بنقد / سواتك ماهي سوات بنات القبايل اللي بذر منك سواد وجه والله لونها وحده من بناتي مسويتها لاقطع راسها
صقر رد على ابوه بحزم / خلاص يابوي هي اخذت جزاها وزود
ابو صالح لف لصقر بتسال غاضب/ لايكون ضربتها؟؟
صقر رفع كتوفه /هاذي هي عندك انشدها
ملاك ردت بهدو / الضرب بيني وبينه اهون علي من قدام الناس
ابو صالح يطالع صقر بزعل / انت متى بتركد وتترك عنك الحركات الخايبه
صقر يناظر بملاك اللي دخلت غرفة النوم وهتف لابوه بخفوت / خلاص انا اللي اخطيت وانا بصحح خطاي


________________________________
بعد صلاة الظهر …

ملاك كانت بيت نهيل و حكت لها اللي صار وطمنتها
ان الامور زينه و خذت شاور على السريع ولبست لها فستان ناعم وخذت مسك ورجعت لبيت عمها وهي داخله سمعت صوت حريم غريب جاي من جهة الصاله قطبت جبينها وهي تدخل جناحها وتدق على شذى رنتين وجاها صوتها الخافت / هلا ملاك؟؟

ملاك بتسال/ شفي صوتك عندكم احد؟
شذى بتوتر/ اي سلوى وامها داخل بالمجلس ينتظرون خالي صقر
ملاك طارت عيونها / وشو وش يبن فيه ؟
شذى بذات الخفوت / مادري لازم اسكر انتي وينك
ملاك تنهى الاتصال/جايه وبجيب لك مسك
شذى بفرحه / اي امانه جيبيها بنتفها


بالمجلس ام صالح بحرج شديد/ والله ان سمعت بنتك من سمعت بناتي يا ام سلوى واللي صار ماهو مرضيني ابد
ام سعود بعتاب / حنا اهل دين صايمين مصلين ومحافظين على سمعتنا وهو دفنها تحت التراب من ورا عملت مرته
ام مهند ترد بذات الحرج / كلمناه يجي الحين وابشرو بالحق

هدى تطالع بملامح سلوى الصامته واضح عليها الحزن بشرتها سمرا فاتح ملامحها ناعمه هاديه متوسطة الجمال لا تزيد عن اميرة بشي ولاكن ماتوصل لجمال ملاك وبولا شي ؟…

دخلت ملاك الصاله وهي تمد مسك لشذى وتسال بخفوت / صقر جاهم؟؟
شذى تبوس مسك / لا مابعد بس امي كلمته وقال جاي
ملاك جلست بتوتر / وش يبون بضبط ؟
شذى تجلس جوارها / اتوقع تبيه يرجع بنتها تقول ابوهم تعب وسمعتهم كذا ماهي زينه لازم يصلح خطاه
ملاك بزفرة خافته / تبطي عظم هي وبنتها والله لوقف لهم بالبلوعوم

دخل صقر وهو يتنحنح / احم احم
ملاك وقفت تبيه ينتبه لوجودها وهي تعطيه نظرات تهديد بصمت /…

صقر ناظر فيها من فوق لا تحت بنظره حاده وطنشها ودخل المجلس من بعد مانادت امه عليه سلم من بعيد وهو يشعر بحزن وحرج من سلوى وامها
وملاك وقفت عند الباب تبي تسمع وش يدور بينهم ؟..

سلوى عدلت حجابها من غير نقاب وعيونها فيه تناظره بالم صامت /…
ام سعود بعتاب غاضب/ مدامك مانت ويا العرس ليش تجي وتخطب بنتنا من بين الناس كلهم وانت معاشرنا بدبي وعارف حفاظنا على سمعتنا وسمعت بناتنا ؟؟
صقر رد عليها بتحكم / والله ونعم العائلة والتربيه وماجيت اطلب منكم الا وانا شاري بنتكم لاكن اللي صار صار والغلط راكبني من راسي لين ساسي مالي عذر ابد
ام سعود ترد بحزم / العتذار مايغير شي مثل ماخطيت صحصح خطاك ورجعها لذمتك لاتحسبني جايه مرخصتها لاوالله بس من غلا سمعتها عندي ولا ابوها ولا اخوانها يدرون بجيتي

صقر تنهد بوجع حقيقي / يا ام سعود والله يارجوعي لها انه ظلم بحقها وانا اخاف الله من الظلم لاكن اطلبو اللي تبون وانا مستعد امشي مع الناس وقول هي هجت مني وانتم تراكم بحل قولو عني اللي تبون

ام سعود وقفت بزفرة / الكلام مايستر عرضنا ابوها طايح بالمستشفى من البارح البنت لازم ترجع لذمتك
ام صالح وقفت معها / صقر اصلح خطاك ترا ربك فوق يشوف اللي سويته ماهو من دينا
صقر وقف بحيرة وكل همه اللي تنتظره برا / والله ماعلمت عن تعب ابو سعود الا منك الحين بس كان يرضيكم ارجعها لين كم شهر وطلق سراحها ترا ماعندي مانع

ملاك كانت واقفه وراه وهو مانتبه لها ومن خلص جملته هي من ردت عليه / صقر اعيد وزيد يا انا
يا هي ؟؟
صقر لف لها بغضب شديد/ اطلعي برااااا
ملاك بعناد / ماني بطالعه وهذا انا اقولها قدام الكل ان رجعتها تراي حارمتن عليك حرك البنت على ابوها

صقر تقدم لها وصفعها بطراق قوي هز جسدها بقوه حتى اهتز قلب صقر معها خلاها تستدير وتطلع مع الباب اللي جت معه

ام سعود زفرت بقهر / البنت هاذي علامها ماتفكر الا بنفسها لونها هي اللي صار عليها ماصار على بنتي ماكان سكتت ؟؟

ام صالح تناظر بصقر واقف مكانه وجهه محمر من دخول ملاك وتدخلها بينهم وهي تهتف بنهى
النقاش/خلاص صقر بيرجعها لين تستقر الامور بعده يحلها الف حلال
ام سعود بتسال / ومتى تجي ترجعها؟؟

صقر لف لهم وعيونه طاحت على سلوى لاول مره يراها شاف فيها قبول لاكنها طافيه طافيه بعينه اللي ماضواها الا نور ملاك وكل همه يفكر بحياته هو اناني بحبها و سوى اصعب من كذا ومستحيل ان يتنازل عنها ابداً وتحريمها عليه ارعبه ومدت يده عليها زادت الطين بلا ؟…

صقر صد نظره عن سلوى و رد بثبات مصر غير قابل لتراجع / الله يعوضها باحسن مني ماقدر اجبر نفسي ورجعها ونصيبها ماهو معي وخطاي انا اصححه بطريقتي والموضوع هذا قفلوه نهائي
ام سعود طارت عيونها/ توك تقول برجعها ؟؟
صقر اتجه الباب / يجيها اللي يستحقها انا مااستحق وحده ذهبه مثلها
ام سعود لفت لام صالح وبناتها بزعل / غيرت رايه بس والله ماسكت لا لها ولا له لادعي عليهم ليل ونهار
ام صالح بكت من دموع سلوى الصامته /…
ام سعود اخذت بنتها وطلعت وهي تحسب وتوعد

صقر وهو طالع من المجلس لصاله لمح شذى ومعها مسك وملاك جالسه بجاوراها اقترب لهم انحنى واخذ بنته من يدين شذى باسها وعيونه تروح على ملاك اللي مازال خدها محمر من قو صفعته لاكنها بقت جالسه ماغادرت البيت تبي تشوف اخرتها معهم كان رجعها حلفت ان تطلع من غير رجعه لاكنها ارتاحت من داخل من رد صقر عليهم وهي تخفي راحتها عن الجميع …؟

صقر باس مسك وهو يستنشق ريحتها لف على صوت دعاوي ام سعود اللي غادرت هي وبنتها ولا انتبهت لهم / حسبي الله عليكم ونعم الوكيل الله يريني فيكم عجايب قدرته يحرق قلبكم مثل مارحقتو قلب بنتي

صقر عقد حواجبه ويناظر فيهم وهو يتالم من قو الدعاوي عليه ويديه تشد احتضان بنته خايف عليها من حوبته هو وملاك بسلوى

ام صالح اقتربت وهي تزفر على ملاك بزعل/ تو حلا بعينك ولد عمك يوم اعرس وينك من شهور عنه مبهذلته يركض وراك والحين ماهان عليه يرخصك ظلم نفسه وظلم الناس وبنتهم

ملاك كانت جالسه ولا ردت الكف اللي جاها يكفى ان يبرد قلوبهم بس مابردت /…
صقر يرد بصرامه بالغه وهو ينهى النقاش/ خلاص قلت سكرو الموضوع ولا عاد ينفتح مره ثانيه الخطا انا اصحهه ؟؟
ام صالح بقهر ام / طول عمرك وانت تحمل اخطا غيرك وتصحح لحالك ماحد قدرك ولا قدر وفاك
صقر هتف لامه بصوت حازم / خلاص يا ام صالح انتهينا
ام مهند بزعل / خلها تقول اللي بقلبها تعبت وهي تكتم

صقر عيونه على ملاك اللي صامته بتماسك واضح/…
ام صالح تجلس وهي تفتح يديها /عطني بنتك بسلم عليها للي سبوعين عنها
صقر مال وحط بنته بحضن امه وهمس لها مع ميلانه بخفوت /طالبك تنهين الكلام
ام صالح ردت بصوت مخنوق / من حر ما بقلبي
ام مهند تجلس جوار امها وطبطب على كتفها وتهتف بتقصد معتمد/ هذي بنت صقر بحضنك وماهي رايحتن عنك لو تفرقو اهلها

ملاك قامت وغادرت المكان كامل راحت جناحها/..
صقر هتف بزفرة غاضبة / مها ماله داعي كلامك احشميني انا ياخوك كانك مانتي بحاشمتها
ام مهند صمتت بخجل /…..
ام صالح تمد له مسك من بعد ماصاحت / ودها لامها ترضعها

صقر شالها وراح جناحه شاف ملاك جالسه على السرير ومازات بثباتها ماهو واضح عليها دمعه واحده
انحنى وحط مسك بحضنها / جيعانه عطيها حليبها
ملاك حضنت بنتها وهي تقوم تسوي رضاعتها تحت انظار صقر ومراقبته لها رضعتها ونومتها على السرير وتمدد بجاورها موجه صقر ظهرها وهو قام نزل شمغه وعلقها وتمدد وراها مدخل يده وحده تحت عضدها ويده الثانيه حوط خصرها لين وصلت كفه لمسك النايمه على بحضن ملاك ومسح على خدها بحنو

ملاك تشعر فيه كل شوي يقترب منها اكثر حتى حست انها دخلت بين روحه همس عند اذونها بنبرة اعتذار مخلوطه بعتاب / كلنا اخطينا بحق بعض دخولك بالموضوع و تحريم نفسك علي قدام الناس غلط منك ومدت يدي قدامهم غلط مني
ملاك ردت بغيظ شديد / اذا خطاي واحد انت خطاك كثير تبي ترجعها لذمتك وماتبيني اتدخل وتمد يدك علي بعد ؟؟
صقر ردت بثبات / كنت برجعها بالاسم بس لين الناس تنسى وبعده اطلقها
ملاك بزفرة مقاطعه / صقر مافي زواج بالاسم انا ماعدت بزر تضحك عليها
صقر انحنى وهمس لها بنبرة شجن / هذا انا عشت معك شهور زواج بالاسم وانتي اغلا من عيوني علي تبيني ماقدر اعيش مع سلوى بالاسم؟

ملاك ترفع كتوفها/ كنت مجبورة ومكسورة اخذتني بالقوه والغصب حتى عرس ماسويت للي عرس سنع
وفوق هذا مطلق وعرسك كلن يحكي فيه واكبر مني بكثير وكل مالك وتكسر ماتجبر

صقر صمت مايبي يقاطعها يبيها تبوح كل اللي بخاطرها/….
لفت ملاك لها وحطت عينها بعينه ثم ردفت / بس شي واحد جبرني منك وخلاني ارجع بكرامتي اللي انهدمت من زمان ومستحيل اسمح لاحد يرجع ويهدمها؟؟
صقر عيونه بعيونها وهو يتسال / وش الشي؟؟
ملاك بنبرة مخنوقه / طلاقك البارح منها ورجوعك علي هو العمل الوحيد اللي شفع لك ومحى كل عمل سيئ سويته فيني

صقر مسح على حاجبها بطرف اصبعه / يعني الحين عايشه معي برضاك ونسيتي مامضى؟؟
ملاك ترد بتاكيد واضح/ لو مابيك يا صقر ماكان عرضت نفسي للموت عشان ارجعك للي بس اليوم اوجعتني تمد يدك علي قدامهم؟؟
صقر باس شفايفها بتروي وهو يهتف باسم/ بختصار ساحيني وسامحك
ملاك تصد معطيته ظهرها / سكتهم عني اللي فيني يكفي مابي ارد على احد واكبر الموضوع وانت تعرف ان سكوتي ماهو ضعف لاكنه احترام

صقر يهددها بحزم / ملاك اياك تردين على امي واخواتي الكبار هذا انا حذرتك مهمها قالو
ملاك بزفرة / ماتبيني ارد عليهم سكتهم؟؟
صقر بذات الزفرة / انا حذرتك وانتي بكيفك
ملاك صمتت وهي تنحنى وتبوس خد مسك اللي صحت وفتحت عيونها الرماديه و تطالع بامها

صقر تقدم من ورا ملاك ونحنى هو بعد وباس مسك بتروي / ربي عطاني على قد صبري بدال ملاك صار عندي ثنتين
ملاك ابتسمت من تشبيه وعيونها على مسك/ حبيبة امها مسوكه
صقر همس لها بولع حار / وابو مسوكه ماهو حبيبك
ملاك لفت وجهت وجها له وهي ترفع كف يدها وتمسح عارضه / ماهو بس حبيبها انت نبض قلبها

صقر تصلب بصدمه من كلامها وعيونه مفتوحه على الاخر /…
ملاك ضحكت من شكله / شفيك قلت شي غلط؟؟
صقر عيونه غيمت بالعشق/ واخيراً سمعت منك كلمه حلوه
ملاك تبوس ذقنه / صقر انا مقدره اللي سويته على شاني وانك متحمل كلام الناس ولح اهلك واهل البنت ومتحمل كثير عشان توفي بحبك للي انت تستاهل ملاك وهي تستاهلك

صقر ضمها بقوه بقوه حتى اوجعها وسمع ونتها الخافته/ ملاك تكفين خفي علي خليني استوعب اللي تقولين حبه حبه
ملاك بشحن وهي متالمه من ضمها فيها/ماقلت الا الصدق
صقر باسها مع كل مكان / والله ماني نادم على اللي صار وتستاهلين اضحي بالعالم هذا كله ماهو بس بمره
__________________________________