كاتب الموضوع :
طُعُوْن
المنتدى :
القصص المكتمله من وحي قلم الاعضاء
ط±ط¯: ظٹط±ط§ظ‚طµظ‡ط§ ط§ظ„ط؛ظٹظ… / ط¨ظ‚ظ„ظ…ظٹ (ط§ظ„ط±ظ‚طµط© ط§ظ„ط«ط§ظ…ظ†ط©)
السلام عليكم ورحمة الله وبركاته
عظَّم الله أجركم وأحسن الله عزاكم ورحم الله ميتكم وأسكنه فسيح جناته.
طعون ليش جذي تسوين لرصاص؟ والله كسر خاطري.. موقفه صعب جدًا، ووجود دارين حوالينه على إنه يساعده بس بعد يصعب عليه الأمور. أتمنى العلاج ما يعقّد الأمور فيما بينهم.. خصوصًا إنّه يضطر يتعرى من أمور كثير يخجل منها قدامها. "ما تلاحظين أبدأ في هالاثنين إذا جيت أعلق؟ بس لأنهم الوحيدين الخفيفين اللطيفين على القلب، الباقي كلهم يعلون الجبد >_<" المهم، هالله هالله فيهم، وأرجوش ريحي رصاص في أقرب فرصة. موقف صحيح صَعب جدًا ومُرعب، يعني ما أقدر أتخيل موقفه لو أنه فكر يرجع لشغله، شلون بيكون حاله! أنا عندي خوف بسيط جدًا من الطائرات، أتوقع بعد اللي قريته نسبة الخوف بتزداد لو جيت وركبت طائرة :)
أبدعتين في الوصف.. واضح الشغل والتعب اللي بذلتينه عشان القصة، تستحقين التصفيق.
أخ يوسف، يوم إن كل هالحب في قلبك للأخت ابتهال ليش سويت اللي سويته؟ سواء من غيرتك التافهة من بنتك، أو دراسة ابتهال أو خطبتك لصديقتها؛ ليش سويت كل هذا وإنت متعلق بأذيالها؟ تسوى عليك اللحين هي ما تكن لك أي شعور غير الكره والرغبة في الانفصال؟ لا طبعًا ما تسوى عليك.. لذلك تستاهل اللي بيجيك. أتوقع ابتهال بتحارب لوحدها عشان الانفصال.. ما أحس بتحصل دعم من أبوها مثلًا. ممكن يكون الكل ضدها.. بس الواضح ثباتها على قرارها. والله يستر من يوسف لأن ما أتوقع بيرضى يتركها بسهولة.
شمعة وناصر ما أحس لكم دخل في اللي يصير بين يوسف وابتهال.. يعني أحس من الغباء إنكم تحشرون مشكلتهم في حياتكم اللي توكم بسم الله باديينها.. فليش تعقدون الأمور عليكم؟ المفروض بعد ما عرفوا طبيعة العلاقة بين كل واحد فيهم ويا يوسف وابتهال، المفروض لو صار مثل هالموقف في المستقبل يعتذرون بأدب ويتنحون عن المشاكل، عشان لا يخربون حياتهم. في النهاية أكيد كل واحد فيهم بيدافع عن صديقه.
يعني ليش القفلة يا طعون؟
أحس ما أقدر أتوقع ليش جاي فهد.. يعني شنو ممكن يبي من عمته هالوقت؟
ننتظر ونشوف.
يعطيش العافية يا حلوة وشُكرًا على الفصول الجميلة والالتزام، واعذريني على تأخري وتقصيري في التعليق.
|
19-10-20, 08:26 PM
جديد مواضيع قسم القصص المكتمله من وحي قلم الاعضاء
العرض العادي
