يامرحبا حي الله العلوم الزينة حي الله شوش
بالمبارك التنزيل وعقبال التمام يارب💜
قلت لازم اسجل حضوري في الصف الاول
ولي عودة بإذن الله بعد القراءة..

صباح الجمال صباح السعادة عليكم جميعاً.
يااه واخيراً نورتنا الشمعة من متى ننتظرها يالله تحييها من ممشاها لين ملفاها♥♥
بداية جميلة فكرة اسلوبه حبكة حوارات كلش فخم..


اولاً نبدأ بشمعتنا، حبيت شخصيتها لانه باين من تصرفتها انها شخصيه متزنه، وتعرف تتخذ القرار الصح في الوقت المناسب.

قصتها غريبه وموجعه وفي نفس الوقت فيها شي جميل.
غريبه لانه مافيها عيب وباين انه الكل يتمناها بس فهد خذلها ولا كان من ضمن ذا الكل.
وموجعة لانه كل هاللي صار فيها وراح يصير سببه اختها، وياصعبه من وجع إذا كان من اقرب الناس لك.
والشي الجميل انه بإذن الله راح تاخذ واحد يقدرها ويعرف قيمتها ولا يشوف نفسه انها مفروضه عليه.
قرار العيش عند عمتها جداً قوي واكيد ماتخذت ذا القرار الا وهي قده وحاسبه حساب كل شي، وبما في ذلك اخوانها اللي باين عليهم انهم مو راضين عن ذا القرار ابداً.
بس ليش شالت عفشها وراحت عند عمتها؟
عشان اللي سوته اختها؟ والا فيه شي ثاني ولاعرفناه لسى؟

'
السؤال ليش اختها كسرت قلبها وسوت فيها كذا؟؟
هل لانه شمعه مميزه من الصغر والكل كان يثني عليها فصارت اختها تغار منها وماصدقت تجيها ذا الفرصه عشان تكسرها وشوفي ترا انا افضل منك بما انه فهد اختارني عليك؟
او مافكرت كذا ابداً واخذت الموضوع بلامبالاه وقالت نصيب واهم شي اتزوج وخلاص!!


؛
سهام وفهد: مايصير يابنت الناس هدي العب شوي داخله على سرعة 200، حتى الرجال استغرب من تصرفاتك كل شي عندك سرعه سرعه ابتداًء من الخطوبه الى الزواج وشهر العسل.
ترا هالفهد ماراح يطير عنك، اللي طار والله اوخيتك، اللي حطيتيها ورا ظهرك عشان رجال
لانه في ذا القرار ماحسبتيها صح ابداً دام ماحطيتي اختك ومشاعرها من اولوياتك..
تدرين وين المشكله إذا صار وحذفك ذا الرجال من حياته في يوما ما..
ترا مالك الا اختك هاللي كسرتيها..

فهد: عرفنا ليه ترك شمعه قالك يازعم ابغى اختار.. من حقك تختار شريكة حياتك بس المفروض اخترت لك وحده بعيدة عن العائلة .. مو تاخذ اختها.
قلبي يقول انك ماراح ترتاح مع سهام..


؛
دارين والكابتن طيار رصاص🤤
هالدارين ماعرفنا لها في الدوام جديه وفي البيت طلعت فلة.
صراحه انصدمت لما شفت تصرفاتها مع نويصر ماتقول ذيك الرزينه اللي في الدوام.
بس لايق عليها لانه هذي اللي بعد الله راح تطلع رصاص من الحالة اللي هو فيها، تبي اخصائيه موجوده تبي جديه وحزم موجود تبي فله ووناسة برضه موجوده..
واللي فهمناه من قصتهم الحين انه لما صار له الحادث كانوا مملكين بس، وتركها بس اخذ منها وعد..
طيب وين كان هل هو يتعالج ؟ والا يدرس؟ والا اعتزل العالم؟؟

وهو صادق ناصر وين وين شايله شلايلك ورايحه استريحي عند اهلك لين الكابتن يجي مع الباب ويسوي لك عرس ونفرح معاك.
مو معناته عشان رجع وقال لك كلمتين تدارين
خاطره وتمشين، لا اثقلي شوي والاصول اصول مافيه كلام..

رصاص: قصته تحزن حادث وتعب وزواج تاجل وابتعاد عن الحياة والناس..
ليكون حتى عملة تنازل عنة!!
صحيح صعب اللي مر علية بس خطوته لدارين كانت جداً موفقة.. صحيح خطوة جريئة لكن بإذن الله راح تكون نقطة البداي لحياة جديدة لكل الطرفين..

؛
يوسف وابتهال: من البدايه اقول لك اوزن قراراتك وزبط وضعك وبلاش ذا التخبط، الجسم عند وحده والقلب مع الثانيه..
ليه بس خيرتها خيارات صعبة، معقول بعد كل هالدلع والمعاملة الزينة تسوي فيها كذا!!
ولا كمان تعاملك ماش معاها من البداية ضاغطها ضغط.. وفي الاخير تروح تتزوج صديقتها وتاخذ بنتها، وحاولنا ندور لك عذر بس ابداً ابداً مالك عذر..
ولو فرضنا هي سمحت لك تتزوج كان حاولت تتعدل والا تصلح من نفسك شوي، مو على طول طيران تتزوج..
( في قلبي كلام واجد علية بس نكتفي بهذا القدر بمكن يجي يوم نوقف في صفه.. اص اص ماتتكلميش خالص انتي وهيه)

بس السؤال شنو سبب زواجة؟؟ ومين رشح لة نجد؟؟ وهل لما تزوج توقع انة ابتهال راح تكمل حياتها معاة طبيعي؟؟

ابتهال: بعد كل هاللي صار لك طلعتي بشي جميل انة كملتي دراستك وحققتي طموحك..
ولا حطيتي يدك على خدك وجلستي تبكين على الاطلال.
حبيت روحك الطموحة، واتمنى إذا رجعتي بسلامة تلتفتين لبنتك ولو لزم الامر تاخذينها بالقوة، لانة مافية زي الام ولا احد يقدر يسد مكانها ابداً..



؛
نجد: يانجد واعزي عليك اقحمتي نفسك في حياة معقدة للاسف..
شوفي اولاً واخيراً هو الزواج قسمة ونصيب.. بس المشكلة في هذا كلة لو كنتي تعرفين بتعقيدات اللي في حياة ذولا الثنين ودخلتي بينهم لاي سبباً كان فمع احترامي لك قرارك خاطئ.. والله يصبرك على اللي راح واللي جاي..
نفسي اعرف بس كيف وافقت على زوج صديقتها.. وباقي متحملته على كل هالحركات اللي يسويها..
بس اللي يشفع لك معاملتك لريما اعجبتني اتمنى نحصل في الواقع مرة اب زيك..
وتوقعي سكوتك هذا مو ضعف بس هذا هدوء ماقبل العاصفة..
لانة اللي يسكت ويصبر واجد إذا مشى ماعد يلتفت وراه للاسف الشديد..

؛

ام ناصر وام حمد: يازينهن ذا الثنتين هما
ملح الرواية.
ام ناصر وافقت على جلسة شمعة عندها ومن غير تحقيق وكلام كثير. لهدرجة هي فاهمتها وعاذرتها🤔
ونشوف هل وقفتها راح تستمر الى النهاية والا تتعب من كثر الضغوط؟

بس اتوقع ماباقي احد كلهم نفضناهم..
:
ام جويدة من الحين اقول لك ديري بالك على شمعتنا الجميلة.. لا تضغطينها واجد وترا اللي يزعلها والا يكدر خاطرها راح احطه في قارورة واقفل عليه عشان ينكتم ويموت ونرتاح
🤭🙂🙂
( باين اني داخله وابغى مشاكل ومحارش)

هذا وصل الله على نبينا محمد وعلى الة وصحبه اجمعين..

السلام عليكم ورحمة الله ..🍃

يا هلا ويا مرحبا تراحيب المطر ..🍃
طعون هنا براوية في وحي الأعضاء !! 😍
طعون اللي أعرفها وما أنساها في رواية سمبليس ،،ذات مقيدة.
من أكثر العضوات نشاط في الردود.،، وفي التحليل الجميل ،،
يا زينك يا طعون،، عندك هالموهبة الجميلة ومخبيتها عنا؟
ما شاءالله تبارك الله،،
بداية جميلة ومشوقة وماتعة،، أسلوب جذاب،، وتمكن في التعبير واللغة.
الله يحفظك ويبارك فيك وفي قلمك. 🤲🏼

متابعة لك بإذن الله 🍃🌷🍃