السلام عليكم ورحمة الله وبركاته..

صباح الخير على لولوه ومتابعينها وجعل صباحاتكم سعادة واجر من الله زيادة 😍💜


يامرحباااا مليوووون بلولو وروايتها من زماااااان واحنا ننتظر خبر نزولها وجاء في وقته والله 😍😍😍😍😍😍المزاج يبي رواية خليجية عالية الجودة ههههههه بجد شكرًا لأنش اخترتي هذي السنه بالذات تنزلين فيها قدش اخبر وش جتنا من ابتلاءات فيها لكن لله الحمد له في حكمته شوؤن..


اولًا وقبل كل شي ابي اشكرش على رواية بات من يهواه لأن ماصار لي فرصة من قبل اكون من متابعينش واعبر لش عن مدى اعجابي وحبي لها ولشخصياتها وحبكتها بجد ابدعتي فيها والله ولها في قلبي نصيييب ونشكر طعون لأنها عرفتنا عليش اكثر واعطتنا الفرصة ننضم لمتابعينش في الرواية الجديدة بحلتها الجميلة دامها من قلمش وابداعش🤤😍..

كما رحيل سهيل العنوان لحاله حكاية قوية فكما علمنا سهيل كان احد ابطال قصتنا لكن الظاهر انه رحل لكن رحيل مشوبه فيه الصراحة وعاد لا تسأليني ليش لأن حاستي السادسة اشتغلت بدري وتقولي لا تصدقين موته لين تجي النهاية ان ظهر كان بها وان ماظهر جعل ربي يرحمه 🤣🤣🤣.. موته كان بطريقة فظيعة ومؤلمة جدًا لكن الاهم من الطريقة هو السبب؟! ليش قتلوه ايش المصيبة الي المفروض سواها شاب او نقول مراهق ماتجاوز ال١٦ سنه مثل ماوضحت ريسه عمر صورته! في داخلي شيء يقولي ان ربيع مو خال من السالفة وله يد وجوده وقت الحادثة ورقصته الشيطانية بأعماقه ماهي ببريئه ابد..
الظاهر من البنات انهن كلهن متعلقات بسهيل سواء حرابة وروزه الي هن خواته بالرضاعه ولا مدية فهل كان هذا سبب في بغض ربيع لسهيل مثلا؟! في ذكريات الماضي لمن راح منصور وسهيل الوادي المحرم الذهاب له هل لهذا يد في موت سهيل وهل ربيع الي حرش عليهم وفتن بمكانهم؟ كلها تساؤلات ننتظر جوابها بالفصول القادمة 🤤

عيال صياح بأستثناء ريسه هل صدق ماتت قلوبكم وقتلتوا سهيل؟ ولا تحايلتوا وهربتوه منا مناك " احاول اسلك لهم واظهر سهيل 😂😂🤣..

ريسه تعور القلب والله ياسعة صدرها ربت وصبرت وتحملت وكلن بالأخير تركها لحياته رغم حبهم لها 😢 ظنتي لو سهيل عايش ماكان تركها..

نوره ياوجع قلبها والله شافت ابنها تلتهمه النيران وبكل قواة عين يقولون ليه ماتجي عند ابونا الخلاااء لش ولأبوش ياقليلين الخاتمة 😭😫🌚مابرد قلبي الا ريسه تعطيهم حقهم والله..

منصور اقولش ومن بدايتها دخل قلبي من اوسع ابوابه والله يووووو يالشخصية قسم تطيح الطير من السماء 🤣🤣🤣😍واضح جدًا انه شايل على ابوه واخوانه يمكن بسبب سالفة سهيل لأن شكلهم كانوا مقربين من بعض 😢عشان كذا حسيت ريسه تتشمت كنها تقول انتو ماخسرتوا سهيل بس خسرتوا سهيل ومن يحبه..

حرابة عليها شخصية قوية ودخلتها دخلت حروب تقولين خذت نصيب اسمها كله وداخله تقاصف حريم خلق الله الي مايتركين الخلق من السنتهن ولو انه عيب لكن دواهن يستاهلين..

ام المسك " مدية" احس شخصيتها مو مثل الظاهر احسها عاصفة راكدة تحت أمواج من الهدوء واللامبالاة للواقع الي تعيشه فأيش السبب؟ متزوجة هزاع ولد عمها زواج صوري شكله وهو يمكن يحبها ويبي يحرك ركودها قام تزوج الثانية يمكن تحس ووش سبب هجومه الناري؟ 🤔🙄المهم عاد ذي تحليلات ماهو بشرط صحيحة لكنها في خاطري وانا حالفه اسدحه كله 🤣🤣🤣..

روزه متزوجة ربيع الردي والي كلش ماحبيته من علومه الحاضره والماضيه بس وش سبب اصرارها على عدم الرجوع مع ان شخص مثله ينعاف اصلا بس هل عرفت عليه شي ذبح روحها كما ذبحت روح اخيها قبلها..

وايش سبب عداوة حرابة لروزه هل لأن حرابة مثلا تدري ان لربيع يد بسالفة سهيل وكرهت اختها روزه لأنها تزوجت ولد عمها الي كان سبب بموت سهيل 🌚🤣🤣بالله لا تطرديني من البيت شرات طردة حرابة للحريم تراها اول ضيافة لي هنا 🤣🤣لاقد تكررت بعدين خذي راحتش ههههههههه ..

غابش وسالفته الغامضة وايش سبب الكره الي يكنه لأبوه؟ مين المتصل الي طلب رقم منصور معقول يكون هو شريكه المخفي والي يطلع سهيل 😃😃🤣🤣🤣 حالفين اننا نجنن فيش لين تطلعين سهيل من المقبرة الوهمية 🤣😂😂😂..
غابش هو ولد خال حرابة الي كانت الحريم تحش فيهم بس حرابة غير رضاعت سهيل وروزه احفاد صياح وعيشتها عند ريسه ايش تقرب لاهل صياح بالاصح امها هل هي بنت عمهم؟! شوي شوي بتتوضح لنا العلاقات بس حنا ناس مفشوحة تبي تلقط كل شي من البداية 😂😂😂

المهم عاد شطحتي الاخيرة قلت ماني بمخليتها بخاطري وماشاء الله ياكثر الي بخاطري 😂🤣المهم ديدريك الأجنبي الي بالتوقيع جذبني وعاد قلت الا مايكون هو سهيل بعد ماطيرو به لبرع وعاش بشخصية أجنبية 🌚🏃‍♀️🏃‍♀️🤣🤣" انا رايحة والله رايحة وسوي نفسش ماقرأتي شي 🏃‍♀️😂هاا تقبليني متابعة بشطحاتي ولا اشل عفشي واسري مثل ماتسري بي شوش 🤣🏃‍♀️


الرواية يالولوه واضح انها تبي تجننا من بدايتها الغامضة وتداخل قصصها واحداثها اهنيش بصراااحة وسعيددين اننا معش بذي الرواية الي واضح انها بتلحق سابقتها بالابداع ويمكن تطوفها بعد 🤤🤤😍😍سلمتي وسلمت اناملش وكلنا شووق للفصل الجاي وعاد خليش كريمة مثل كرمكم يأهل الامارات وعطينا واحد والثاني مجاني 🤣🤣🤣🏃‍♀️

" من يومنا اذا عجبنا شي نشحت بقوة وتتغسل وجيهنا بمرق 😃🌚🤣"

وعذرًا عالتأخير لكن يقولون ان تصل متأخرًا خيرًا من ان لا تصل 🏃‍♀️🏃‍♀️
واخيرًا كما يقول صاحب الزمان خير الكلام ما قل ودل 😂🏃‍♀️