كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: روايـة كمـا رحيـل سهيـل،, لـ لولوه بنت عبدالله (بـ حلة جديدة-2020م) الفصل السابع
اقتباس :-
المشاركة الأصلية كتبت بواسطة زهرة منسية  |
صباح الخيرات و السعادة احلي صحبة
كل عام و انتم بخير و جمعتنا مباركة ان شاء الله بداية لعام كل خير و بركة و سعادة باذن الله
عاشت الايادي لولوتي كعادتك دوما مبهرة و مش بلقي عندي كلام يوضح مدي اعجابي الشديد و انبهاري بموهبتك و امتناني للمتعة اللى بتخليني اعيشها و انا مع ابطالك
حزنت على موت سارا كنت احب شخصية سارة اللى عيشنا معاها الفصول الماضية كلها و هفتقد لثغت لسانه هههه
و تعاطفت جدا مع نارة و قصتها و شتمت ابوها و امها يالا ما يجوز على الميت الا الرحمة و اتمني ان منصور يلاقي معا نارة السعادة و راحت البال و المودة
مكالمة سكرتير غابش لمنصور في ها الوقت بالذات مش بس بغرض اتفاق الشغل يا تري بتفكر في ايه يا غابش
تفتكروا مين ارسل الرسالة لمنصور اللى بيقدر يعرف كل الاسرار و اللى اكيد عارفة قصة سارة و نارة و قدر يوصل لانه يحصل على تحليل DNA لمنصور و بينه
شخص صاحب نفوذ مراقب و عارف كل خفايا آل صياح
اتوقع انه هو نفسه اللى عرف ان روزة معرضة لخطر و هو اللى اتفق مع محمد على حمايتها و هو نفسها اللى عرف ان هزاع معرض لخطر من مروان الحقير و قدر يبعت اللى يكون جنب هزاع في الوقت المناسب و هو نفسه اللى سرق خناجر شاهين و ابنه لانهم ما يستحقوا يحملوها
و كمان هو نفسه اللى يعرف ادق التفاصيل بالنسبة لموضوع تهديد الدواعش لحياة حرابة ده ان مش كان هو له يد في المباحثات اللى بدور لحماية حياة حرابة
شخص يهمه انه يعرف عن آل صياح قبل ما اصحاب الشأن نفسهم يعرفوا و يهمه ان يحمي من يستحق فيهم الحماية و يهمه ان ما يرجع يرجع يرجع مرفوع الرأس برئ من كل تهمة
الحقيقة يا لولو الاحداث كلها كانت مخلياني مقتنعة ارنود هو سهيل لكن الفصل ال15 قلب معايا الموازين و احساسي قادني الى ان ديدريك هو سهيل احساسي مع بعض الشواهد زى مكالمة التليفون بين ارنود و ديدريك و تعامل ام جواهر مع ابن جوز اختها وقت ما سلمت عليه بحرارة لو كان ابن اختها مش كانت علقت لكن لأنه محرم عليها و هي مسلمة علقت على النقطة دي لانها بتعبره بمثابة ابن اختها
و بكدة يبقي الشاب اللى كان مع ريكا في ليلة القصاص هو اخو سهيل ارنود
ربيع مش قدرت اتعاطف معاه لا في مشهد الماضي مع منصور و لا في الحاضر و الوصول الى انه طلق روزة كل واحد بيجنى اللى زرعه اها اعترف اني اعتبر ربيع ضحية هو ضحية لشخصية ابوه لكن ربيع بنفسه ملام لان مش ينفع شخص يتحمل نتائج شخصية ابوه في فروق فردية و شخصية طيب ما هى ام المسك اخت ربيع من نفس الام و الاب لكنها شخصية طيبة بالفطرة انما ربيع مش طيب في شخصيته شر و حقد علشان كدة كان بيشعر انه منبوذ من الجميع ماهو مش معقول يعني الكل مفترين و بينبذوا ربيع و هو ملاك
اكيد بيكون في غيرة بين الاخوات الغيرة الطبيعية لكن لما توصل ان الغيرة تكون مؤذية لدرجة ان ربيع يكمن الشر لـ سهيل بس لمجرد انه يتخلص منه و يتجوز هو روزا يبقي عذرا لا يستحق التعاطف
و اهو جني ما استحقه بالاخير طلق روزا و يا ريت انفصلوا بالمعروف حافظوا على حق صلة الدم اللى بينهم الا طلقها مجبر و مع تهمة بالشروع في قتل ام ابنه مع ان اتوقع ان روزا تتنازل مع ان مكالمة شاهين لهزاع دليل على ان روزا اتهمت ربيع و هو يستاهل
خلي خو لسه شاف حاجة هو و ابوه لسه الحساب ما ابتدا كل واحد بيأخد جزاء عمله و اول الغيث قطرة فرحانة حتى في امه يستاهلوا
اللى كانت بتوذ ربيع يتجوز علشان يذل روزا
يُحسب لروزا أنها صارحت هزاع بكل اللى حصل معاها و ما خبت عليها اوقات بيكون عندها حُسن تصرف صحيح هي غلطت بس كفاية انها اعترفت بينها و بين نفسها بغلطها حقيقي فرحت لطلاقها من ربيع
يا ريت تكون التجربة اللى مرت بيها درس لها في المستقبل انها ما تتسرع
حبيت من هزاع تفهمه و انه مش حمل روزا وحدها المسؤولية و انه حمل نفسه جزء من المسؤولية احب شخصية هزاع كتير من الشخصيات المتصالحة مع نفسها فعلاً ما جمع الا ما وفق و الطيبون لطيبات
يسلموا الايادي لولو فصل ولا اروع مع انا واثقة ان لسه عندك الاروع و الاروع و الاروع
بانتظار الجديد بكل شووووووووووووووووووووق
مممممممممممممممممممممممممووووووووهات
|
كعادتج ي نونا مبهرة ومبدعة بطريقة تحليلج وتوقعاتج
بطريقة ربطج للامور
ما شاء الله
اسعدتيني الله يسعدج ويحفظج ويخليج لاحبابج
|
22-08-20, 11:59 AM
جديد مواضيع قسم القصص المكتمله من وحي قلم الاعضاء
العرض العادي
