صبااااح الخييير.
كالعاده لولوه أبدعتييي و اعطيتينا عيديه ولا أحلى.

ابغا ابدأ مع البارت 14.
ولي رد ثاني لبارت 15 بعد قرائته.

جواهر *
ياحبيبتي يا جواهر قويييه مع الكُل و في كُل المواقف و بنظره من ديدريك تضعف وتتشتت، بس اللي يعجبني فيها إنها صريحه واللي في قلبها ع لسانها.
الموقف الاخير اللي صار بينها وبين ديدريك قطع قلبييييي، بداية الجمله رفعها لسابع سما و فالنهايه قال (انتِ اختي الصغيرة يا سنجابة) رماها لسابع أرض .
يالله قد أيش الحب من طرف واحد مُهلك، خلاص يا لولوه لازم ديدريك يعترف بحبه لها اعتراف صريح حتى لو كان بينه وبين نفسه لأني زعلانه عليها .

ديدريك *
واضح له دور قوي برجعة سهيل وأتوقع انه يساعده كمان مثل محمد و غابش، يذكرني بسلطان في بات من يهواه بس مستفزني بمعاملته مع جواهر حرام ما تستاهل ياليت يعدل وضعه مع جواهر عشان لا أعصب عليه

أم آرنود *
شخصيه جديده ومليانه شكوك وحيره.
كيف وصل سهيل لها؟ مو معقوله تكون كانت متزوجه أبو سهيل واخذت سهيل معاها؟
بس واضح من كلامها انها كانت قريبه من احمد!
جاااات ودوختني معاها
وايش كانت أسباب فعلتها؟! محد راح يجاوب ع سؤالنا الا أم جواهر ياحبي لها هيا وبنتها

غابش *
ياحبيبي طلع كمان ماخذ كورسات في الأدب المسرحي و التمثيل يعني الشخص الصح في المكان الصح، الزواج ابداً مو جاي بطريقه عشوائيه.
وأنا اقول كيف لين دحين ما انكشفت حقيقته؟؟ طلع لاعبها كويس.
موقف الرساله اللي جاته عالجوال وربي خفتتت تخيلت إن حرابه كشفته وربي لا تأكله بقشوره
بالنسبه لطيحته شكله مريض بالقلب وأهله مايدرون ولا كانوا قالوا لحرابه عن المرض!! ويمكن يكون سبب ثاني لبعده عن ابوه؟

حرابه *
على نااار انا وقلبي على نااااار.
يعني فوق ما إنها مخدوعه من أقرب الناس لها كمان يبغونها تستقيل من عملها اللي اختارته بنفسها عن قناعه وحب وثقه! حتى لو كان فيه مضره لها مو من حقهم يتحكموا في مستقبلها وحياتها! مني قادره أستوعب كيف إنها عسكريه و وافقوا يلعبوا عليها كذا ؟؟؟؟

مديه *
هذي صندوق مقفل و مليان أسرار.
أتوقع مروان طليقها كان يقولها انو يحبها ومع ذلك يضربها فسببلها عقده نفسيه وأزمة ثقه؟
وخوفها من هزاع وقربه لها بسبب خوفها من انو يتكرر معاها نفس الموضوع؟
(كفاك ترنحاً بين الحقيقة المرة والخيال العذب
اخاك الحبيب سهيل ميت ......... وكفى !)
أتوقع انها شاكه بموته لانها قد شافته صدفه فالشارع! او صار موقف غير هذا معاها في الماضي؟؟
واتوقع هيا اول وحده من العيله راح تعرف برجعة سهيل بشخصية آرنود

هزاع *
موقفه اللي صار مع محمد والخنجر اللي شافه هل راح يعلم عليه احد من اهله او راح يلتزم الصمت؟
اتوقع راح يقول لمديه وهذا اللي راح يزيد شكها بموت سهيل اسفه لاني حرقت عليكم الروايه

محمد *
(ذلك الصديق الذي ان طلب

"روحه"

سيهديه بلا تردد)
أكيد الصديق هو سهيل
بس كيف وصلت صداقتهم لهذي القوه لدرجة انو يهديه روحه من دون تردد؟

سهيل *
متحمسه لردة فعله بعد مايعرف من محمد ان حتى روزه تعرف بموضوعه والتهمه الملفقه عليه، ابغاه يعترف انو نساها ومايهتم فيها .
وليش راسل محمد يحمي له أهله؟ روزه وقلنا اوكي بس هزاع؟ وكيف يعرف عنهم و عن اللي ناويين لهم شر؟
يا وجع قلبي عليك يا سهيل ايش حتسوي بعد ما تعرف ان جدك مريض وممكن ينسى اللي سواه وصار عليك

ربيّع *
حتى ربيع اللي كنت شايفته السوسه بعد ما سمع خطة ابوه شاهين ماقدر يصدق اللي ينقال، حاولت ادور شي إيجابي في شخصيته للاسف مالقيت بس ممكن يكون ندمان؟ وبسبب كذا يشرب؟ بس لسا مو متأكده
شخص عايش عالغيره والحقد والخوف وفوق هذا عنده أب مجرم وبسبب أبوه ضاع.

شاهين *
(كيف لـ انسان يستطيع حمل كل هذا الكم العظيم من الشر
والخبث
والشيطنة !!)
شكراً لك لولوه اختصرتيه لنا بثلاث كلمات.

صياح *
خلاااص الشايب بدأ يخرّف وانتهى.
روحته للبيت القديم وزيارته لأرملة عبدالكريم راح تكشف حاجه متخبيه؟

* وبكذا نكون سيداتي آنساتي ساداتي انتهينا من بارت 14.
لي عووووده ثانيه.

واســـــــ عليكم ـــــــلام
كيف الحال ؟ أخبار علوم ؟


كالعادة نبدي بشكر والعرفان للكاتبة المبدعة الي عسى ربي يبلغها صدور روايتها الورقية والتوقيع لنا
عاد وقتها ننتظر الإهداء الخاص لنا😌😂



في الحقيقة الأصداف هي من تحتضن اللؤلؤ بداخلها ، ولكنكِ أنتِ يا لولوتنا أحتضنتِ بين دفتي أوراقك الإبداع

لولوة :
أسمحي لي أن أقول لكِ تميزتِ وأبهرتي الجميع .
ليس من الآن بل منذ روايتك الأولى وأنت تبهدين قرائك بهذا الخيال الواسع المتقن .

واليوم هأنت لا تزالين تبهريننا بإبداعك .
ماذا أقول إلا " لا حرمنا الله هذا الفن " ♥

.
.
أما بخصوص الحزء اليوم فحقا أنتِ انتقلتي بنا إلى مرحلة جديدة ، استطيع أن اسميها مرحلة الخيوط الأولى للقضايا كلها ..

بمن ابتدي ..
نعم أود أن ابتدأ بـ صياح .
هذا الهرِم الذي فجع بابنه ليُقهر بحفيده ثم ليعض أصابعه ندما لتكون نهايته السقوط في وعثاء النوم الطويل !

" وانخــــرط ببكـــــاء شديــــــــــد "

أواه يا نجمي ويا تعثري ويا هرمي !
لكم أشتقت إليك ، وهلكت الروح توقا لمحياك
آواه يا صغيري شاب الرأس جوعا لقبلاتك أنت
فمن بعدك يهدي العجوز برًا ؟
هل تراني من هناك ؟
من منفاك في السماء ؟
نعم يا فقيدي .. لا أريد فقد ذاكرتي كي لا أنساك
كي لا أنسَ ذنبك .. لا أريد لها أن تفقدك
أريد أن اتألم كل يوم ولحظة حتى تبقى هنا
بجانبي
بجانب جدك القاسي
ارجوك لا ترحل من ذاكرتي .

صياح القاسي يبكي ! يا لله شنو صار بالدنيا
وهل فعلا هو في بدايات الزهايمر ؟؟
ولا يظن ذلك بس !


" مسح دموعه وهو يستل بعض الاوراق المهترئة .... وخاتم فضة يتوسطه عقيق مُصمم ليُفتَح نصفه للأعلى ..
ترك الخاتم ليفتح ورقة صفراء مميزة
اخذ يقرأ ضاغطاً على محاجره كي يلتقط الاحرف بوضوح
سلاماً مني انا الموجود الموعود المهدى لي من السماوات عين الحق وظل السيف
اما بعد،
ابني سهيل ... ابني الذي تحمل بروحك ارواحهم ... بعيناك اعينهم الطامعة
وبقبضتيك افئدتهم المتناحرة الكاذبة "


🧐🧐🧐 أمممممم شنو قصة هالصندوق ؟!
وليييييش يا ترى أحمد وصى إن سهيل يشوفه بسسس؟

وشنو قصة الرسالة ؟؟
أقول شطحتي !😎
اتوقع والله العالم أحمد يعترف فيه لاسهيل إنه عنده ولد وزوجة ويبي من سهيل يتعرف على اخوه 🤪


" لم يكن يعلم ان دعاء نورة سيستجاب مع آخر نظرة مشوشة مبهمة له نحو مغيب الشمس !"

شدخل نورة ؟؟؟🧐 بالأوراق وليش تذكر دعاويها يوم سالفة سهيل ؟؟؟

اتوقع والله العالم إنه دعاوي نوره هذاك اليوم كانت تقصد فيها (( أحمد )) وعايلته الكريمة الي كلها كذب وبلاوي .. وإنها كانت كاشفه سر أحمد

وهذا السر موجود في الأوراق الي بالصندوق
وصياح عرف انه ولده ماهو مضبوط
وانه نوره كاشفتهم 🏃🏽‍♂

وشطحات خياليه ادري

هزاااااع والله ماهو بهين طلع نعنباه صددددق إنه ولد آل صياح 😂

" اظهر ورقة من جيبه ولوّح بها امام عيني مروان واكمل: وهاي تنتشر في البلاد كلها "

شنهي الورقة الي ماسكها على مروان !
وخلتها يضعف لهالدرجة ويخاف ؟
يمكن تمس الدولة ؟؟؟ مدري ليش جاء بالي هالشيء
وــ بوشهري ؟؟؟؟
أو يمكن مهربين أو إرهابيين ؟!


أوو
يمكن ورقة إنه كان في الطب النفسي يتعالج
ومروان عشان صورته كدكتور جامعة ما يبيها تتشوه
خاف ووافق إنه يوقع على التعهد

>> ايه صح كذا السالفة مضبوطه هههههههههههههههههه
بس الكلب كان يكفخ مديه الحقيييييييير للوصخ
لا ويقول بعد خطيبتي ساحراتني على شنوووووو يالوصخ بس ؟ من حلاتك ولا من أخلاقك العالية ها ؟
طير بس .

مديه .. وعرفنا سبب حبها لاسم مسك عشان سهيل💔

" لمن آمنت دوماً انه النجاة .... انه الامل ...... انه الحياة !! "
نقدر نقول إنه وأخيرا مديه راح تبتدي علاقة مع هزاع ؟
ووجه بن فهره إلى الهاوية وبئس المصير ؟
الحمد لله الله عوضهم ببعض .





جواهر وديدريك وآرنود ..
تدرين شنو توقعت وأنا اقرأ ؟؟
توقعت إنه ديدريك هو أخ آرنود " سهيل " 🌚
بس تعوذت من الشيطان لم جاء موقف أم السنجابه
وانها ما تسلم عليه لو كان ولد اختها كان سلمت عليه عادي وهو ما عنده مشكلة
هذا يبين لنا لنا إنه ديدريك مو أخ آرنود لكن تربطهم صداقة ..

+ آرنود قال لديدريك " بوس " يعني أنه سيده وهو القائد لكن السؤال شلووووووون آرنود وصل له؟
وشلوووون اشتغل عنده ؟
صعب صعب اشطح هني .


ربيع و شاهين ..
والله يا ربيع لو تترك الشرب تبقى حقير دام أبوك شويهين الضفدع .

"وقبل ان يكمل سؤاله .... كان شيئاً يقتحم المكتب من النافذة الزجاجية
ليرى الاثنان غراباً مذبوحاً يسقط على سجادة المكتب الناعم الفاخر لينثر ما تبقى من دماءه عليها ويلوثها"

أمممممممممممممممممم
شنو هذا غراب عاد ؟
العرب قبل كانوا إذا شافوا غراب في السماء فهو نذير شؤم وشر ..
طبعا هذا من الطيرة وحنا ما حنا مطيريين إن شاء الله
لكن احس انه عواقبه وخيمه هالشيء والي حذف عليهم الغراب يبي يوصل لهم رسالة انتيهوا مني
وهو نفسه الي اخذ خناجرهم
ومنهووووو يا ترى؟
محمد ؟؟
ليش لا
اتوقع ايههه هو



منصور و ساره ..
منصور حب ساره صدقا لكن هي ؟
لا
ليش .. الله العالم

" بـ راء كـــاملـــة !

ولحظة ...... لحظة ...
كيــــــــف !
كـــيف تستخــدم يدهــا اليمنــى وهــــي عســـــراء ! "

تمثل عليه ؟؟؟ وليش طيب ؟؟؟
يمكن ساره نصابه وتعب على الكل
أو هي بس على منصور ؟؟
ويمكن ابوها عبد الرزاق مستخدمها عشان تلعب على منصور ... لأنه لو نرجع البارتاات الي قبل ليش اختارت منصور تركي معه ؟؟
هذا يقول لنا انه كان مستهدف وان ساره كانت تعرفه

ويمكن عبد الرزاق ماهو ابوها بعد
ولا ليش تشتغل وتجيب فلوس وهي عندها ورث
من ابوها التااااااااجر الكبير ؟؟
احساسي يقول انه ساره ذراع عيد الرزاق

.


بقول شيء جاء على بالي كذا ولازم اكتبه
من الجميلة الي تقول اشطحت أنه ديدريك هو سهيل
أنا مدري ديدريك أو ارنود هو سهيل لكن

ربطت إنه في علاقة بين ( غابش ) وبين ( ديدريك )
تذكرون يوم غابش يقول حق منصور ادخل مسابقة ناشونال حقت الغوص
وقال له منصور لا ما اقدر ما عندي الخبرة ؟؟
قال له غابش ادخل وانا عندي الناس الي يساعدونك
وديدريك عنده شركة ( للجرافات ) اممممم وهو الي أسسها
امممممم اتوقع صح هو سهيل وبس والله
وبس والله💋💋♥

روايه اكثر من رائعه وكاتبه متالقه لها اسلوب منفرد عن غيرها لذلك تميزت جو الروايه مثير وغامض هل سهيل بالفعل مازال عايش ام نحن نتمنى ان النار لم تمسه بل كان القدر معه وانقذه وانا اميل ان سهيل لو كان عايش هو ديدريك وحتى اسم شركته استمده من اسم امه وارنولد هو الصديق الذي انقذه وسبب بياض شعره ممكن ان سهيل اخترق ولكنه لم يمت وتم انقاءه من ارنولد ومن غباش الذي على مااظن كان صديق لسهيل لما ذهب لتسليمهم اغراض بطلب من جده واما الشطحه الثانيه هي ان ساره ماتت اثناء وضع ابنتهاوهذه اختها التوئم لذلك هي لاتريده ان يلمسها ومصره على الطلاق ربيع اظن انه ليس بالسوء الذي نظنه بل السبب بما هو فيه والده الحقير الذي استغل حب ربيع لروزه وجعله بيدق بيده لينشر الشائعات عن سهيل ويمكن قريبا سيثبت لروزه حبه وتعود اليه او سيكون عقاب الله لوالده طبعا هناك شطحات كثيره بعقلي ويارب تكون شطحاتي مزبوطه وبانتظار القادم بشوق كبير

حتى انتي يا سارة طلعتي مش سهلة ابدا

بدأت مرحلة الانتقال الكبير لولوة وفي كل مرة تدهشيني أكثر بالاحداث والمنعطفات
وبما أني قرأت الجزئين الاخيرين مع بعض فتعليقي بيكون عامة عنهم

سارة ، بدأ احساسي بان وراها سالفة من لما جواهر بنفسها حست انها ماتحب منصور كثر مامنصور يحبها ولما وصلت للموقف ما انصدمت قد ما اني ماتوقعت يكون الامر بهذه الطريقة انه حتى طريقة حجيها ! شلون ماغلطت قدامه قبل
هل ممكن تكون بنته بعد مو بنته واختبار الابوة اللي وصله ماهو الا استدراج له ليكون هناك تحت مرماهم ؟ ادري واجد شطحت بالتوقع بس كل شي جايز صراحة مع الغموض اللي حول الموضوع من البداية


الجد والصندوق وسلسلة انكشاف الاسرار
هل فعلاً أحمد كان مرتد أم هي تهمة كانت من شاهين ايضاً وماكانت الرسالة الا فضح أحمد لشاهين واعتقد ان الصدمة اللي صادت الجد سببها صدمته بشاهين مش أحمد وفعلًا أوجد الخيط اللي يثبت لنفسه( رغم معرفته السابقة) بانه ظلم سهيل

مدية وهزاع
ياني استانست شكثثثر لما مدية واخيرا فتحت قلبها لهزاع
ان شاء الله بداية لجبر هالقلب الرقيق اللي تحمل شكثر وعلى يد هزاع يزهر من جديد
اما بالنسبة للغريب اللي ساعد هزاع هل هو محمد أو طرف آخر لازلنا نجهله في الرواية ؟


جواهر وديدريك
واخييييراً تزحزح هالديدريك يعني كان لازم تدري انها بتروح من ايدك
صراحة برافو عليييها أم جواااهر عجبتني لما ردت على ديدريك وبردت حرتي لما جاب طاري انجلينا واضح انها عارفته عدل وعارفة دواخله ودواخل بنتها واثارت الحريق رداً على شعلة ديدريك الاولى ومشت
وان شاء الله جواهر تنطّره اكثر من هاليومين لين مايحصل الرد عشان يتعلم


اخيراً اختم بحرارة وغابش اللي غابو عن اخر بارت لكن طيحة غابش باللي قبله تخلي قلبي متحفز أكثر عشانهم
صرنا شبه متأكدين أن غابش يعاني من مرض ما وكلنا شبه متفقين ان هالمرض هو راح يكون من الشفعاء له عندها وقت ماتنكشف الحقيقة طبعًا اضافة لقلبها اللي بدى يذوب تجاهه وأبو غابش ومنزلته والأهم سهييييل


نبييي تعووويض لنصيبهم بالبارت ونجوفهم بمشهد محترم يرضي الفضول اله بداخلنا