كاتب الموضوع :
لولوھ بنت عبدالله،
المنتدى :
القصص المكتمله من وحي قلم الاعضاء
رد: روايـة كمـا رحيـل سهيـل،, لـ لولوه بنت عبدالله (بـ حلة جديدة-2020م) الفصلين 12& 1
جبراً عميقًا يصلُ لقاعِ خيباتنا فينتشلها ويُبدلها بالسلام يا الله.. 💜
صباح النور يالولوه صباح مقبل بالبشاير والسرور 😍..
سلمت يداتش عالفصلين الدمارر والله والي غصت فيهن بكل مشاعري واحاسيسي اااخ بس تبارك الله على ابداعش الي خلانا نتعمق ونتفاعل لهدرجة 😭❤️💚..
اشكرش والله على جمال حروفش وحبكتش وابطالش.. واسفه لاني تفاعلت زيادة بالتعليق السابق ودخلت دخلة يهود لا سلام ولا كلام🤣🤣بس جدًا انكبدت من عبدالكريم وشاهين وجوهر وخلاص ماعاد بذكرهم..
نبدأ بحرابة وغابش والله احب لقطاتهم فيها ضحك وسلى غير طبيعي صدق غابش سوا لنا جو كوميدي وسط هالمآسي اشكره من قلبي😂 ضحكني بالمطار وضحكوني بالغرفة يوم راح لها وهي مستحية والله جد تنرحم موقفها صعب بس يلا الحلو ان على اساس غابش معتوه والشي الي مش حلو انها بعدين لمن تدري بتنغبن انها استغفلت بهالطريقة صدق صدق الاستغفال اكره شعور ممكن يمر على انسان بالذات لمن تكون نيتك بيضاء وصادقة وتلقى دناءه من الطرف الأخر مع ان بهذا الفصل توضح لنا ان غابش عنده سبب كبير لهذا الشي يمكن يخفف من حدة الأمر شويه بس برضو الاستغفال موجع لكن نقول عسى ربي يزينها.. غابش وحمايته لحرابة من الإرهابيين احس الأمر مو حق اسبوع ابدا دام فيها تعاقد من قبل وشروط وفلوس مدفوعه الظاهر ان هالسالفه لها فترة وغابش هو الي تحملها على عاتقه بس كيف؟! هل هو ضمن السلك العسكري بس تبع الاستخبارات وكذا وعرف بالقصة واخذها على عاتقه بحكم انها بنت عمه ويمكن كان يدور طريقة يوصلها بها ولمن صار موقف ابوه وعرضه الزواج حس انها جت له على طبق من ذهب واستغلها وجاني الحين توقع ان غابش او بالاصح طلب عدم مرافقة النساء لليمن عشان صالح حرابه ولأجل حمايتها يمكن من غابش ويمكن من القيادة نفسها بما ان حرابه عزيزة عليهم ومواطن عليهم حمايته وتأمينه اذا عرفوا انه بخطر مرصود.. غابش متألم من قلبه ياترى هو فيه مرض ولا إصابة عمل اذا كان عسكري ويمكن عشان كذا ما اخذ الشنط لأنها ثقيلة بتكشفه 🤣🤣🤣🤣🤣🤣" الله والتحليل لحد يطرقني عين..
مسك والله ياعزيزتي اقول مسكينة وتنرحم وطيبة بس ارجوش مو لذي الدررررجة قدها بتسحرش والنظرات والحقارة تكفي وعادش تبينها ترد لهزاع عشان بس تبعدينه عنش حرام والله فكري فيه هو اذا اليوم سوت كذا يوم ثاني يمكن تضره وتخبل به هو عشان مايشوف غيرها مفروض ناس زي كذا فرقاهم عيد ما تروحين تنذلين لها.. الحقيرررة تف عليها تستاهل تطلقت وبرد قلبي منها التجأت لأحقر الطرق على طول ما حاولت حتى تصلح هزاع او تجذبه ناحيتها عطول سحر وبلاوي الله يكفينا الشر..
وهزاع والله ما ينلام طفح كيله بس مع ذلك والله حبيته رغم كل الجنون الي كان فيه على طول راعاها واحتواها وهي للحين تحسب انه يبيها جسديا وكأنها ماتشوف حبه مسكين.. شخصيته جدا رائعه والله احسه واحد راقي ويحبها من قلب..
جواهر بلطافتها وصدقها على طول تداخلت مع ساره وطلعت علومها احبها والله ذكية ومش متهوره وتعرف كيف تتصرف بالمواقف الصعبة وضحكتني وهي تستعلم من ساره الي مو قادره توصف منصور مثل الخلق ساعه قصير وساعه طويل 🤣🤣 غريبة طولت وما رجعت لبنتها توقعتها على طول بتروح لها بس هل هي ماتعرف وينهم؟ المهم ماله داعي لأن منصور بنفسه شرفهم بكل جنون بعد ما شحنه خوليان وضحك عليه وقاله انه باعها وذكر ديدريك اكيد وذا جاء مشتحط يربد ويزبد لأن خوليان اوقع بينهم بس ديدريك لها بيتصرف بحكمه بالذات انهم اكيد بيعرفون منصور وانه عم سهيل الي هو آرنود 🏃♀️🤣واحلى شي نشوف لقائهم الجماعي 🤤😍هل بيلتقوا هنا وبتكون بداية خطوط ترابط منصور مع آرنود..
روزه وجعها من سهيل كبيرر وطلع انها تعرف الماضي الحقيقي واكيد رواها ربيع الصور والادله بالعاني عشان تكره سهيل وماتبقى على ذكراه بعد مايموت لو كان موته لأنه قتل لذلك رواها الحقيقة عشان تشوفه الشهم الي ما يرضى بالغلط والله يستر من علومك الي بعد دخلتوا خط اقشر انت ومنصور واذا كان منصور ماينلام بسبب تمرده على ابوه وجنونه بعد حادثة سهيل انت ليش مسكت الخط للحين وبقيت فيه هل هو تمرد ونسيان لوضعك الحالي تحب وحده من قلبك بس ماتحبك لأنك ماقدرت تعبر عن حبك بالطريقة الصحيحة..
رحمت ريسه والله واحبها من قلببي هي ضمن الي عرفوا الحقائق وسمعتها بس مع ذلك بقت مؤمنه بأن سهيل ما يسويها سهيل اشرف وانظف من كذاا سهيل ابنهم الي تربى تحت عيونهم وبين يداتهم سهيل الي راح ضحية حقد انسان تخلص منه بطريقة بشعه وزاد عليها انه شوه اسمه قبلهاا عشان محد يبقى يذكره بالحسنه واعتقد هذي الطريقة الي سواها لأحمد كمان احسه دبر له مصيبه في يوما ما وقتله بعدها ومسك سر المصيبة بيده ويمكن بشكل غير مباشر وصلها لنوره وسهيل عشان يتوجعوا من احمد وعشان يمسكها عليهم زله وهذا الي صار خلا سهيل يعترف بجرم ما سواه.. مع انه كان يقدر يتخلص منه ويقتله بأي شكل لو نيته بس التخلص لكن لا هو يسعى لتشويههم ثم قتلهم بحيث محد يذكرهم بالحسنى ويبقى هو الطاهر الشريف النقي من الدنس جعل جن سليمان تأخذك لمثلث برمودا وترميك فيه يالنمس ..
صياح طلع فيه بداية زهايمر 😭بغض النظر راحه له ولا لا يستاهلها ولا لا بس صدق حرام انه مايعرف براءة سهيل عالاقل هو صح بينقهرررر اذا عرف انهم ظلموا سهيل بس عالقليلة نقول خلاص معهم ادلة معذورين بس بيكون شعور الراحة اكبر لو انه عرف ان سهيل ماخذله ما سوا الفاحشة وانه عايش كمان صح بتكون قاصمة له بس عالاقل اهون من انكسار روحه بسبب فعلة سهيل من شدة حبه له يضل اهون انه يعرف ان سهيل كان بريئ وماخان تربيته وحبه.. ياترى آرنود كان يقصده بسؤاله لغابش؟ انا اقول يقصده دام انه سهيل ودام انه في احداث باقي بتذكرينها بنعرف كيف وصلوا ليوم الحادثة ومين الي ساعد سهيل يهرب هل هو جابر فعلا وقاله روح لعند بنتي صبحة الي هي ام غابش وبكذا تعرف سهيل على غابش وساعده يهرب لخارج البلاد ولا واحد ثاني كان مؤمن ببراءة سهيل لأن الي ساعد سهيل هو الي حط شي بالخيشة الي رموها للنار وعلى اساس سهيل داخلها ولا لو كان هرب والخيشة صارت فاضية كان عرفوا انه محد..
" ايماني قوي انه هرب 🌚🤣🤣اللقطة حقت الماضي تدل انه هرب في ظلمة الليل وفي الوادي"
المهم اخر شي ياعزيزتي كلنا شوووق وحماس للبارت وياريت تنزل عليش الرحمة الي تنزلينها لصياح وترحمينا مثله وتنزلينه لنا بالعيد و عادنحنا صدق غلابه ضعاف لا نهش ولا ننش ولا نأذي خلق الله ماغير نزرع في وجهش السعاده 🤣🤣💚
|
25-07-20, 01:55 PM
جديد مواضيع قسم القصص المكتمله من وحي قلم الاعضاء
العرض العادي
