له له له
وش هالعلوم الزينة يا لولوة ؟
جزءان مرة وحده ، راضيتن علينا يا بنت عبد الله عسى دايم 💜
.
أنا ليلاس على صفحة 23 اخر صفحة واقفه عليها
يوم دخلت وحصلت صفحتين زود بغى يهوي قلبي
قلت ليكون في جزء جديد وأنا ماني داريه
بس طلع قراء لولوة متفاعلين ما شاء الله اللهم بارك🙇🏼‍♀

السلام عليكم ورحمة الله وبركاتة
شحالكم ياعرب

ياليل ياعين فيه مفاجأة وعلوماً زينة
اصبروا عليه بس اتذكر مامضى ثم اسدح الشطحات والتخمينات.
هذا تسجيل دخول😎😎
تقول اشوفهم كثروا جمهور عائلة عبدالرحمن وعيالة🧐

اللهم جبراً لكلِّ الرضوض التي أغرقتنا الحياةُ بها 🌸


ياصباح الخيررررر يالولوه ومتابعينها الي في ازدياد وتعليقاتهم تشرح الصدر 😍😍.. انا والله مستحية مدري وين اودي وجهي الي طايح بسبب تأخري😵🤣بس صدق هالفترة انا من بيت سردة لبيت وردة 😂..

المهم نجي للفصل الجميييل ونقولش تسلم الايادي المنحدرات بدأت تكتسح الساحة وهذا أحلى شي قسسسم 😍😍..

نبدأ بمحمد الي طلعت روزه تعرفه من ايام وادي ابو الجن الي كانوا يسكنون فيه وكان محمد ضمن الساكنين في ذاك المكان وبكذا يطلع تحليل محمد نجتيف وانه مو سهيل 🤓🤓🤓😂😂🤣..
طبعا الفصل كله كوم وكلمة محمد عن ابوه كوم ثاني دخلتني في متاهات واسرار وقلت مثل قول باتمانه ان ابو محمد له دخل بسالفة سهيل ايام زمان شكله كان عايش قدام الناس كإمام متقي بينما من تحت الطاولة يسوي العمايل هم هكذا الخبيثين يتسترون اما بالدين او برجال الدولة الي دايما يكونوا بعيدين عن الشك ويعملوا البلاوي 🌝🌚المهم واضحة ان قصة ذالا الاثنين شرار ونار وواضح على محمد ان في قلبه مشاعر من زمان لكن ايش سبب حمايته لروزه وخوفه عليها من الي يبون لها الاذية مثل ماقال جاء ببالي تحليل باتمانه عن ان الاعداء لهم يد بربيع ويمكن يبون يأذونه عن طريق حرمته لذلك هي بخطر 🧐والحادث الي صار كان وحدة من محاولاتهم الي يحميها محمد منهن.. رحمت الصغيرة والله ياترى وش مصيرها هل بتأخذها روزه تربيها بعد حادثة دور البغاء بما انها ماعاد بتأمنها عند الشرطة مرة ثانية؟


منصور ولقائه بغابش كان مثل لقاء الجبابرة ياخي الاثنين هيبة كذا مع ان منصور واضح له علوم ردية لكن يلله مافات مات المهم الان رجال كفو🤣🤣🤣انا اقول شكل منصور بيوافق عالمشروع البحري والي اكيد بطريقة او بأخرى بيوديه امريكا بما ان المسؤول عن الاعلان بيكون امريكا وبكذا دورنا له صرفة يروح امريكا ويقابل سارة 🤓🤓🤓😂😂😂🤣 نجي لقصته مع سارة الي توضحت بعض عوالمها ولقائهم الأول الي كان لذيذ بشكل 😂🤤 سارة ممن تهرب؟ هي كانت خايفة قبل وخايفة بعد الان وذكرت انها هربت وبنت حياتها لكن ضل كلامها عن الي ضيع برائتها وحياتها في بالي هي تقصد منصور اكيد وبما انها واضح قابلت منصور ايام الدشرة وقلة الحطب فهل ياترى استغلها صدق او كان سكران وضيع علومه عندها او تزوجها في لحظة تهور بعدها ندم وتركها 🌚احاول ادور لهم قصة بس مدري كيف تتركب المهم سلكي سلكي 🤣🤣🤣🤣صدق انتظر قصتهم بشووق 🤤😍..



غابش وابوه والله هالانسان " الحين كيف بمدحه ياخي حاصرتنا باتمانه أجل كلور اخرة جوالي يشرب كلور 🤨🙄بعدين اتفاهم معش ياخيه الحين بسدح علومي عن البارت 🤣المهم هالانسان ماكر والله يعرف دواخل ابنه وخوارجها ليت ابنه يفهم سبب جفائه الظاهري له رغم حبه الكبير ويعرف انه شي بغير إرادته وان الجد بوالشريس جعلهم يهرسونه هو السبب.. بس صدق حبيب هالغابش ورزززة واحسه بيطلع فوووول مع حرابة الي بدأ يتعرف عليها من الناس باقي يتعرف عليها فيس تو فيس 🤤انتظر زيارته لعمته الي مقهور انه مايعرفها ويحس بالظلم الي صار لها من اهلها ونبذهم لها..


حرابة وآه من حرابة ووجعها والله عورني قلبي وهي تتحكى عن سهيل 😢😢تحزن والله ويلهم منهاا قهروها قهرهم ربي 😭💔والمشكلة لو عاد صدق سهيل طلع بريئ وعرفوا برائته آخ من الغبنة..
قرار عدم انضمام النساء شكله جاي من تحت يدات بو غابش عشان يحمي بنت اخته وينفذ لأخته طلبها..

لقاء الجوهرة وحرابة وتعارفهن هل هو بداية لدخول ديدريك حياة ابطالنا في الإمارات 🌚😂لا تنسين شطحتي بخصوص ديدريك انه سهيل الاجبني 🌚🌚🌝🤣🤣..

من الرجال المرعب الي طلع لمنصور هل هو نفسه الرجال الي ساعده سهيل والي قصة تأخره ومساعدته شكلها بداية الحكايات قال منصور يعتقد انه رآه سابقا لذلك قلت شكله هو الرجال الي ساعده سهيل يمكن تقابلوا ايام قصص سهيل.. بعدين قلت يمكنه ابو محمد بس لو هو ابو محمد معقول منصور مابيعرفه وهو كان امام مسجد قريتهم؟! ولا الغربة والتغير الي عالرجال نست منصور شكله مع اني معتقد لأن انسان بيكون شافه بحياته كثير مارح ينساه لذلك شكله قابله مره بس لذلك ارجح انه نفس الرجال الي ساعده سهيل ويمكن تبلى على سهيل وانكر مساعدته له بالوقت الي سهيل كان يحتاج شهادته بأنه كان موجود معه لمن اتهموه بالقصة ويمكن اتفق مع الامام ابو محمد والي اقول مية بالمية انه له سوالف ردية واحس انه هو الي كان يصرخ اقتلوه لا تخلون الشيطان يوقف بينكم وبين حدود الله لأن ذا كلام انسان دين وهو الي كان وقتها مسوي نفسه صاحب دين يمكن سهيل شاف او عرف شي مفروض مايعرفه لذلك دبسوا له مكيدة وخلوا اهله يذبحونه والان الرجال ذابحه الندم والعذاب ويمكن الله عاقبه على ظلمه لسهيل لذلك جاي يدور عنه يبي يعتذر او يمكن يقصد الجد صياح 🤓


وااايه صح ترا شوش تشوه سمعتي انا ما قلت ان الرجال جني انا رحت افضفض لها عن الرجال المرعب الي ظهر لمنصور وهي قالت ااايه ذاك الجني حسبتها تقول انه صدق جني متلبس قمت شطحت عالشطحة ثم تقولي بعد مافضحتني عند العرب لا انا ماقصدت انه جني انا قصدت ان ملامحه مرعبه تقول جن 🌚🌝وتقول حسبتش بتفهمين بالله وش يفهمني ليكون معي جني ازرق بعد 🤣🤣انا اصلا من طاري وادي ابو الجن وانا انتظر واحد منهم يشرفنا فلمن شفت ذا الرجال يتقلب وفجأة عقل قلت شكله صدق جني 😂😂😂


المهم صدق السموحة والمعذرة عالتقصيررر لكن ابشررري بالي يسرش بإذن الله 🤤🤤😍




واااااايه ماتصدقين فرحتي وانا اشوووف كرمش الي الله لا حرمنا منه بتنزيل الفصلين قسم فزز قلببببببي 🤤🤤🤤🤤🤤🤤🤤🤤😍😍😍😍😍😍💜

بالاخير اي حروف مأكولة او متغيرة بالتعليق سوو لها سكب قد عيني نص مغمضة ونص مفتوحة 😂😂😂😂🤣