السلام عليكم ياهييه شحالكم شخباركم.
صباحكم فلة شمعة منورة😍

ايه الجمال دا ياستي ايه الحلاوه دي..
بسم الله وتوكلنا على الله وربطنا الاحزمه..
؛
مين هذا الملثم اللي قابل روزة ليكون هو نفسه اللي لحقها لين المطار..
والا ليكون سهيل
( ترا مالك الا الصبر في كل سالفه ندخله)

؛
ام حرابة متوجه ب عبدالرحمن عشان يساعدها في اقناع حرابة!!
ياسلام ياسلام واش ذا الفكره المنتازة.. معقوله انه اللي في بالها نفس اللي في بال اخوها ويرجعون المياه لمجاريها ويتناسبون.. والا بس هذي نية عبدالرحمن! وهي كل همها تغير بنتها وظيفتها وخلاص..

واللي جابها يم اوخيها الشوق ثم الشوق ثم حرابة..
بس مالها حق تجبرها على شي ماتبغاه والا تدخل واسطات.. امها وتبغى مصلحتها ولا قلنا شي بس مو تحطينها قدام الامر الواقع وتفرضين عليها شي ماتبغاه..

بس الحلو انه اخوها ماطاعها وقال ابشري واعتبري بنتك منقوله.. قال اشوفها اول ليتك من زمان شايفها هي من غير شي متشوقه لك وحلقها انشق من التفدي كيف عاد والحين انته مستقبلها ومتكرفس عليها ولا جالس تنسج الخطط والمخططات عشان تقربها منك يالليل ياعين بس..

متشوقين نعرف خطة ام غابش وكيف راح تحقق لك ذا الطلب وتجيب راس الكابتن..
والسؤال المهم كيف تقنع ولدها عشان يوافق!
لكن الصدق باين عليها من اول بارت انها حرمة ذكيه وفاهمه وحكيمه وتعرف تتعامل مع زوجها وولدها..
والتوقع يقول راح ينشف حلقها وهي تقنع فيه لانه باين انه راس يابس ولا كمان العروس بنت اخت ابوه ياسلام بس لا يطق العناد عنده..
والا ليكون يوافق على طول إذا عرف انها اخت شريكه سهيل
( وحده مصره ولا تقنعونها ابداً ابداً)

ياه على اللقاء انا غيرت رايي عن عبدالرحمن كنت حاطته في صف صياح.. لكن بعد ذا الاستقبال والعلوم الغانمه لاوخيته وبنتها
لا بالله انه كفووو.. ومليون كفو اللي يفتخر فيها ولا يسوي زي غيره ويقول فشلتينا ومن هالكلام..

؛
وراهم شيبانك يالولو تسذا!! يادافع البلاء جبابره وقلوبهم قاسيه.. والا واش حقه ينفي عياله تسذا؟ والثاني ذابح حفيده يالله عفوك ياكريمولا يقول ودوني قبره. ياجعلك بالماغص اللي يطق من صبح الخميس ولا يفك عنك الا صبح الاحد..

حرابة: حي الله حضرة الكابتن الحربي
اه بس لو تدرين انك تربعتي في قلب خالك
واش قاعد يقول عنك واش يخطط..
كان شقيتي حلقك ولا حزنتي بنوب بنوب.
بس اصبري شوي راح يجيك العلم..
مدري لييش يحبون يقهرونك الله يقهر العدو الخبل ربيع من جهه والشايب العايب من جهه


ام المسك: انا طالبتكم احد يمسكها ليه ودي ادبغها. شنو ذا الفهاوه اللي فيها الحرمه تزعق عليها وتنافخ وباين الشر في عيونها وكلامها واسلوبها وكل شي. وانتي مسويه نفسك مانتبهتي.. نفسي اعرف بس هي فاهمه عليها وتستغبي؟ والا هي من خلقه كذا ماهي داريه وين الله حاطها؟ والا قالت امشي حركاتها عشان ما ابغى اسوي مشاكل. احترنا معاها والله ذا الحرمه..
المهم واش هو مسوي طليقها الاغبر الله لايكثر صنفه هو وربيع..

سعاد جعل ماسعاد قالت وين رجلي.. ابد رجلك في كرشتها ياقليلة الذوق..واش دراها هي وين رجلك.. بعدين المفروض الخبله الثانيه تقول اص وصكي حلقش مثل ماهو رجلك رجلي انا كمان.. بس واش نقول معطيه الحرمه وجه لين استقوت وقامت تنافخ..
صراحه انا ناسيه مين تزوج الاول مديه والا سعاد..
لكن لو طلعت سعاد الثانيه وتسوي كل هالحركات يبغى لها ذبح ولا فيها كلام ابداً ابداً لانه من البدايه اخذه رجال من زوجته.. ليش المصايح الحين والغيره المرضيه هذي..

وهزاع دام المسك حقتك على قولك ليش ماتحركت طال عمرك شوي وزبطت حياتك معاها..
ليش النظرات هذي اللي من بعيد لبعيد؟
؛
ديدريك: مين هذي اللي كلمته لما وصلت مطار دبي؟
توقعت روزه بس لما قالت الفندق كنسلت التوقع..
تحمست اعرف ذا الشخصية المشاكسه الحزينه.. لكن الاكيد انها شخصية جديدة راح تطل علينا..

تقول اني بربرت واجد🙊🙊🙊

واخيراً تسلمين ياعيني على البارت الجميل
ونسلم عليكم سلاماً كثيرر✋🏻🙂