،,



صباح الورد
ما أحلاكم يا بنات وما ألطفكمممممم

كنت بأجل شوي ردي ع تعليقاتكم بس قلت ع الاقل اعبر شوي عن فرحتي بوجودكم حولي مواحححححححححح


عبيرك
حكايا الروح
شهههههدد
فيتو


لا خليت منكن يا رب
جبر خاطر انتن والله

يلا اترقب تعليقات باقي البنااااااااااااات محد له عذر هالمرررة
بارت طويل ودسم ويستحق منكم كل كلمة صغييييييرة بحقه
:)

ووووالشكر موصول لصديقة الروح طعون
شكرا ع النقل يعطيج العافية
تسلملي عيوووونج الحلوة

السلام عليكم ورحمة الله وبركاته،


وه بسسسس فديت لولوتي يا ناس


شو هالابداع شو الجمال

استمتعت واتمزمزت فيه ع الآخر


لقاء الأكابر كان جمييييل ومووووجع جدا

شوق ومكابرة وحنين ومثابرة

اااااخ يا مدية ما لقيتي تجي الا هالحزة اخخخخ بس

قطعت علينا معرفة هامة وحاسمة بموضوعهم.




روزة خلاص رحمتك اخدتي جزاكِ بس ما بعرف مستكثرة عليها السعادة الآن >>> الوضع طبيعي ولا اروح اتعالج قولكم🙈





سهيل اااااااااه من حزنك وقهرك جعله ما يتعدى شويهين التيييييييييييت

ويا حليل نورة المتولهة على عيال سهيل وتشم فيه ريحتهم

رائعة يا لولوتي متحكمة بإقتدار في تسيير الاحداث

عيشتيني كل تفاصيل المشاهد وكأنها نابضة أمامي بالحياة


كلي شوووق للقادم
تقبلي مروري و ودي

°•○اللهم أغفر لي هزلي وجدي، وخطئي وعمدي، وكل ذلك عندي○•°

البااارت يجنن يجنن

منصور ونارة الاثنين كرامتهم ماتسمح يعبرون عن مشاعرهم بس تعجبني ردودهم 😁

مدية قاسية على هزاع وصراحة غلطانة وبقوة اتمنى تفهم

واخيرا التقوا غابش وحرابة مقطعهم كله من بدايته لنهايته من مشاعر وحوارات وردود فعل رااائع 😍😍😍 (مدية بغيت اذبحها دخلت وقت غلط &#128529
بس الخبل وراه مالاحظ بطنها😂😂


نجي عن سهيل وجواهر يااه حزني سؤاله عن امه وبكية جواهر
واعترافه بالاشتيااق 😍😍

اما النهاية الصادمة ماودي تعرف الصورة ابي تشوفه قبل ماتعرف
وابي حرابة بعد

.....

شكرا شكرا عالبااارت مثالي وشاعري بقوة

ياسهله وقربه باللولو وماجابته 💛

اولا ولاني قريت البارت اللي قبل ولاعلقت وكل يوم اقول بكتب تعليق وانزله وراحت الاسبوعين كلها م علقت ☠ وبناء ع ذلك وجب علي اكتب تعليق ع البارتين كلها منعاً لتسيب مرةً اخرى ^ رفعت الجلسه🤣


وثانياً ومن هنا لين بو ظبي دار الفلااا والحي 💜
شكراً يالولو شكراً شكراً على وقتش وعلى قلمش وعلكثر ماحنا ممنونين ومشكورين ومبهورين ومستمعين ومندمجين ومتخرفنين ومتصوعيين 🤣
مع سهيل وقومه 🧡🧡🧡🧡🧡🧡 وانه بكل بارت ينزل اجزم قبل اقرآه انه ينافس البارت اللي قبله واني بوصل لنهاية الفصل وانا في قمة انبهاري واندماجي وحماسي 🙏🏻🙏🏻 ماتوفيش الكلمات ياأم مريم يشهد الله ولاخلا ولاعدم منش ومن ابداعش الفريد 🤍🤍🤍


وبعد م أخذت لمحه على البارت السادس والعشرون اللي كان بارت عــاصـف جداً جداً
ببدايته القويه وانتقام سهيل اللي ابعد م توقعته
واخر م فكرت فيه ان سهيل اللي رسمته ببالي ينتقم
بهالاسلوب صحيح مفروض من البدايه م ارسم سهيل بهالشكل وكان لازم انتظر منه فعلا انه ينتقم
وسبق وقلتي لي عطيني عقاب يخليج ترقصين محلش من السعادة وقلت انفيه من الديره رغم انه يستاهل الجزاء من جنس العمل بس عشان بناته مابيه يموت موته شنيعه ولاني كنت واثقه ان سهيل طيب ويرحم وكانت هذي صورة سهيل في بالي
وجهلت ان الويل اللي ذاقه سهيل مارح يمر بالساهل على روحه وانه من الطبيعي جداً انه يفكر بالانتقام ولكن اللي مش طبيعي الاسلوب اللي اتخذه سهيل التعذيب النفسي 💔💔💔💔

وهنا سهيل خلاني اسال نفسي وش فرقه عن شاهين الحقير؟؟؟

انا كرهت وحقدت وسبيت شاهين مليون مره باللحظه اللي عذب سهيل نفسياً بالافاعي


وسهيل الحين اذا م تراجع قبل تسوء حالة شاهين النفسيه ويستخف راح ينددددم كثيير ولاراح تروح حسررررته من قلبه ولا راح تنطفي النار اللي بصدره

خلاص لهنا كفايه ادري مثل م قال غابش بهالبارت ان سهيل دارس خطواته اكيد بس صدقيني
اذا تمادى بهالتعذيب اللي يتخذه راح يطلع بنتائج ماراح تكون سليمه ولا لصالحه ابداً وممكن تعرقل خطواته

الخوف لو يموت شاهين او يستخف وهو باقي عند سهيل ..

وانا متفاءله برجعه سهيل لنوره والله متفاءله
سهيل بس يرجع لحضن امه والله راح تطفى نار انتقامه وترد له حياته الطبيعيه

وجواهر الحب اللي اكيد بتكون سند له وحضن وراح تحتويه وتعوضه عن كل وجع ذاقه بالماضي

وعياله موجودين معه وطلع بهالدنيا فيهم

وقته ياسهيل وقته الي تسلم شاهين ياخذ عقابه بالقانون وتخلص نفسك من حياه الماضي وجوره


الأيام تداوي لكن حضن نوره دواك ياسهيل 🧡🧡



غابش وعبدالرحمن الشريس :

حبيت شفافية غابش مع ابوه وهو بالعمر
حبيت انه متلهف على حضن ابوه وتشجيعه وكان عنده الجرأه انه بالعمر ويصارح ابوه بهالشي

حوارهم مع بعض كان بسيط وعميق وحسيت بعزوة الاب لعياله 💛💛💛 من ألطف الحوارات




وحرابه والحمدلله استسلمت لأمر استبعادها ورغم غضبها الا ان حملها كان خيره وكان بوقته

احس هالحمل بيروض حرابه وبيخخليها تهجد من العناد والحده اللي عايشه فيها

بس طبعاً غابش ماراح يتنازل لولده بهالمهمه
لان هو اخبر فيها الخبيث 🤣😂

وياساتر لولا دخله ام المسك عليهم ولاكن صارت علوم ههههههههههه غابش مايخش شي في خاطره


وحرابه فعلاً غابش كشف عن روحها اللي مدفونه تحت قوتها وغرورها بنفسها .. شخصيه حرابه مع الكل لئيمه فعلاً 😭 يعني داخلها نظييييف ورحوم ومتوجع بس تظهر للي حولها صلابه حاده تنفر منها

من ناحيه اقول ياقو قلبها كيف صخت تحقد وتقاطع امها وابوها وهم متشفقين عليها كذا وبرروا لها اعذارهم ومن ناحيه مالومها استغفلوها بطريقه
بشعه ولا كان فيه حلول افضل من حلهم هذا

لكن زي ماقال غابش انه وابوه كان لهم مصالح من هالزواج

ابوه يرد صلة الرحم بينه وبين اخته
وهو عشان صديق عمر

ايضاً ام حرابه لها مصلحه من هالزواج عشااانها متشفقه على زواج بنتها ولشخص مناسب مثل غابش خلاها هالشيء هي وزوجها يتشجعون يدخلون بهالخطه..

راح تفهم حرابه موقفهم خصوصاً انها الحين استسلمت لقرار استبعادها ورضت بحملها
ولو اني كنت مستبعده صراحه وكنت متوقعه ردة فعلها عنيفه


لكن واضح حقد حرابه وغضبها كله بتفرغه بالشخص المناسب 🤣 غويبش


يله يستاهل حرابه تطلع عيونه وتكسر لها مزهرية ولا قزازه على راسه ووثلاثين غرزه ولا اربعين ويروح شره ويطيب وهي تشفي غليلها منه وشوي فيه
على حركاته وهو مسوي فيها معتوه و ماجن 😭😂



مديه وهزاع: صدق مسختها مديه بهالبارتين

شذنب هزاع !!!! هجرانها وصدها قلل من قدره قدام نفسه ومن حبه لها هو فعلا مديه ماراح ترتاح وتمسك عقلها الا اذا هزاع استخدم اسلوب الصد عنها مثلها
لكن خوفي هزاع يتهور ويسوي شي انا ماودي افكر فيه حتى !!!!!

بعدين ام المسك كبرتها وهي فاهنه اللي صار بحكمه وارادة من ربي اللهم لااعتراض
وتوهم استقروا بحياتهم هي وهزاع وان شالله بدال هالضنا ربي بيعوضهم بعشره

ليش كذا اكتئبت على عمرها وصدت عن هزاع
وحسستني انها نهاية العالم وان هذا عقاب لها
وانها ماخذه شي مب من حقها!! وربي جازاها

شلون عقليتها ام المسك !!! معقوله في حد باقي بهالطيبه والسذاجه !!!

مقهوره من ردة فعلها وانعزالها على نفسها وكان هزاع اذنب في حقها !!


روزه : وكف حرابة والحقيقه المره على لسان مدية
اقوى على قلبها من كلام الناس في عرضها من وراها ...راح تجلد في ذاتها وتأنبها على الظن السيء اللي ظنته بسهيل كل هالسنيين

هي مو بس ظنت بسهيل ظن سوء وبس ،
الا ظلمت نفسها بعد باللحظه اللي فكرت فيها تاخذ ربيّع عشان تحر سهيل اللي عارفه انه مات محترق وتثأر لانوثتها منه


روزه فعلاً وحيده بحياتها وهالشي متعبها ومزعزع شخصيتها والاكيد محتاجه لشخص يحتويها ويقدرها ويرفعها عن كلام الناس اللي أكل في روحها زايد انها صارت بعيده من خواتها وكل وحده منهم ماخذه العزة بالاثم يااختي على حفيدات صياح بس ☹

وبما ان هالشخص ماراح يكون الا عاشقنا المتيم محمد فالله يسهل طريقك ويعينك على مشوارك مع هالروزه

حبيت شجاعته وانه قدم هالخطوه حتى لو انها كانت حب قديم لااقرب صديق له لكنه اكيد مااقدم
الا وهو عارف ان سهيل ولاواحد بالميه ممكن يردلها


لكن خل يحط في باله ان روزتنا لارجع سهيل
اكيد ماراح تكون رجعته سهله عليها ويمكن تقلب موازينها بس عسى وقتها قد تزوجت محمد واستقرت واستقرت واستقرت بقراراتها المتهوره ☠




نارة ومنصور : ناره فاقده كثييييير الااحساس بعايله وسند وام وديرة امان ومنصور كان خلاصها من الماضي ووحدتها وغربتها

لكن منصور قاسي والله حتى لو لاحظت بالبارت الاخير ان صار عنده فضول حولها وكان هه شويات
لطيف مش ممكن انسى قسوته عليها وكلامه

غير علاقاته اللي للحين م فهمنا نوعها ومنهي ذي اللي راح لها ذاك اليوم وشنو علاقته فيها !!!


ارتحت من ناحيه ان ريسه تقبلت ناره وحبتها
وصارت ناره تعتبرها بمقام الام بحياتها
هالشي ممكن يغني ناره كثييير عن منصور
اذا صملت وقوت قلبها قدامه لان م شالله عرق صياح باابطالش عامل عمايله كلن منهم مأخذ العزة بالاثم والله والاخ منصور مايشوف انه يوجعها ابدا ونافش ريشه عليها ومتعجرف



البارت الجاي احس سهيل بيظهر لأمه ولحرابه

بما ان غابش لمح بااهميه الاتصال اللي بيجي حرابه وبما ان حورية ربطت بين صورة ابو يعقوب وادم وبين صورة الرجال اللي ساعد نوره وخبرت نوره بهالشي اللي م راح يكون الا تمهيد قوي لأحساسها بضناها وريحه اللي شمته يومها فيه
وفي عياله وجواهر


ويالهفتنا يالولو على هاللقاء اللي راح يجمع سهيل باامه وحرابه ☹💜💜💜 احس ماقدرت اخمن ولا افكر كيف يمكن يكون اللقاء بداخلي وجع كبير
على نوره واحس ماراح يبرد كبدي الا لين يرجع سهيل لحضنها وهو سهيل الاولي ماعاد يربطه بذاك الماضي السيء الا نوره ويعوضها على سنين الفقد والحرمان

على كثر م عانا سهيل من ظلم وغربه وشوق لامه
الا ان فقد امه له وحرمانها منه وقتلهم لولدها قدام عيناها بالحرق اقسسسسسسسى وجع واصعب
من وجع سهيل نفسه

...



ويتجدد لقاءنا ولهفتنا وخالص محبتنا لش ولاابطالش بالبارت المقبل 🙏🏻💙💙 دمتي بود يالغاليه