يامرحبا يامرحبا بصدود نورتي وانرتي المكان عودحميدا قلوب تنبض
الله حنونه من اين اتيتي يافتاه

اهلن بالمعرفات الجديده

قلوب تنبض لكل العابرين

تحليل أول بارت وانتي يا صدود أختاري الصح 😂

1- تكون حنين هي بنت خال قصايد وصديقتها المقربة ، وجابت عقاب وتوفت وربته قصايد مع ولدها .
2-يمكن تكون قصايد اللي انتقمت لحنين من رعد يوم شقت (جرحت ) وجهه !! 🤔

3- قصايد شراكتها وأنتقامها بتكون من شركة مساعد لان السكرتيرة جاسوسه لهم 🙂

4- اتوقع رعد واح يعرف قصايد عن طريق شركتهم من اجتماع او مقابله 🙂😆

5- مساعد و أيرام بيتواجهون بس يمكن تصده تبعده عنها !

6- متوقعه موت الجد مساعد وبيوصي مساعد على أيرام ؟

وبس توقعاتي المتواضعه .

أهلًا وسهلًا صدوود، وعودًا حميدًا ياقمر
لما شفت إعلانك للرواية انهبلت من الوناسة، و أخيرًا فيه رواية تستحق إني أتابعها و أنتظر أجزائها ( بالعادة مستحيل أقرأ شي إلى أن يكتمل، لكن إبداعات صدود دايم استثناء )
نبدأ يلا بالآراء و التوقعات:
إيرم: قولوا عني شريرة واللي تبون، لكن ترا أعجبني انتقامها لمساعد والجد، ما كان لهم حق أبدًا يحرمونها من أمها حتى لو الموضوع كان فيه قتل لشخصين و قصاص للقاتل، بما أن القصاص تم و أخذوا حقهم، بشرع مين يحرمونها من أمها ؟ لذلك يستاهلون، بما أن شرع السماء ما نفع معهم، يمكن ينفع معهم حكم إيرم الحلوة ( مدري إذا حلوة ولا لا بس صدود ما تكتب لنا إلا الحلو، عاد لا تبخلين علينا بأوصافهم و أشكالهم، نبي أوصاف تبرد القلب لكن ما تقتل الخيال بدقته
نرجع لموضوع إيرم؛ هي قالت أنكم أخذتوني من أمي قبل ١٦ سنة والحين عمري ١٦؛ يعني أخذوها من أمها بعد ولادتها على طول و ((مع بداية أزمتهم بالقتل))، والحين مرت سبع سنوات، يعني موضوع القتل و سحب إيرم صار له ٢٣ سنة > برجع لذا النقطة مرة ثانية.

أتوقع مساعد بتصير له وصاية على إيرم بشكل من الأشكال؛ إما تزويج أو وصاية من الجد أو غيره بما أنها بنت عمه، والجد بيمرض أو يتوفى، و هالوصاية بتخليه قريب منها و مُعجب بها لكن بيكابر كثيييييييييير عشان سالفة الحكم اللي فرضته عليه هو و جده وبعدها انحرم من جده، وبيحس نفس احساسها مع امها لكن بيكاببببر، واضح من شخصيته

قصايد: هذي سوت أزمة بعدما نزل البارت ، والصراحة وصفها لأولادها بالجوارح إضافةً لاسم ولد رعد ( عقاب ) خلانا نقول أكيد بينهم شي، و الصراحة كلمتها لما قالت رضعتهم (دم قلبي) أوحى لي أنها عانت كثيييير بأيامها معاهم أو في ولادتهم و تربيتهم، ويمكن ٨٠-٩٠٪ في رابط لها مع رعد إذا مو ١٠٠ ٪ :)
عندي توقعات كثيرة:
١. تكون هي حنين باسم آخر، أو يكون اسم حنين هو لقب أعطاها إياه أثناء وجودها معاه، و يكونون الأطفال كلهم أولاد رعد لكنه مع الغيبوبة قدر يتذكر واحد بس، ويمكن مع الأيام يتذكر أنهم توأم، يمكن ليش لا ؟
٢. تكون حنين أختها و جابوا أطفال مع بعض بنفس المدة و قصايد رضعتهم وصاروا أخوان، لكن بالبدايات تكون ظروف الولادة مجهولة فالكل يحسب أنهم أخوان فعلًا. ومع الرضاعة واحتضان قصايد لهم، يكون أبو جابر معتبر هالأطفال أحفاده من ابنه الميت (مع افتراض أنها اساسًا أرملة جابر )
٣. يكونون أطفالها أصلًا ماهم أبناء رعد ! و فعلًا يكونون توأم مختلف، وين المشكلة يعني ؟ شكلنا من كثر التحليل والتفكير مصرّين يكون فيه رابط :):)
٤. توقع آخر، تكون حنين بنت أبو جابر واخت القاتل ( رغم اني استبعد كثيرًا أن صدود تكرر هالشبه بين إما غرام و هالرواية الجديدة ) بس ما يمنع نقول يممممكنن :)
٥. بما أن مرت ٧ سنين على غيبوبة رعد، يعني عقاب الحين عمره ٧ سنين أو أكبر، و قبل غيبوبته يكون مر على قتل أبوه ١٦ سنة (نفس عمر إيرم)، يعني خلال هالـ ١٦ سنة - من حادثة القتل إلى وفاة أم إيرم ودخول رعد بغيبوبة - أكيد صارت أحداث كثييييييير تحت مسمى ثأر و انتقام، وتوقعاتي هنا: أن بعد قصاص جابر خال إيرم، تكون قصايد هي زوجته و تترمل وبعدها ترجع لأهلها و يكون لها مصير مع رعد بما أن زوجها قاتل أبو رعد وعمه، لكن هالتوقع ماينربط مع توقعي بخصوص أولادها فوق، مدري أحس فيه كثيييير حلقات ناقصة ( طبعًا يا ست عذاري بتكون فيه حلقات ناقصة، بعدنا بالبارت الأول !! )

ما أقدر أتوقع شي زيادة خلاص صدعت :) محتاجين البارت الجاي ( أو بارت هدية قبل يوم السبت بعد إذن حضرتكم يا صدود ) عشان نعرف نربط الأمور ببعضها شوووي زيادة.

كل الحب: عذاري
[/COLOR][/SIZE][/FONT]

تسلم يمينج صدووردي ماراح نتكلم بالابداع لأنج ساسه ومنبعه
اقدر اقول ماخاني حسي البوليسي بتوقعاتي توقعت انه قصايد تكون هي نفسها حنين وطلعت هي فعلاً وانه عيالها هم عيال رعد بس اللي استجد هالبارت انه اتوقع انه واحد منهم ولده منها وواحد ولده من طليقته نوره وهي. هربت بالاثنين بس يبقى الاهم وهو كيف انتقمت منه ، من كلام رعت اتوقع انه اعتدى عليها وحملت وعقب تزوجها وعالاغلب مايدري بحملها لانه شكله يدور عن ولده من نوره فقط واللي اظنه قرناس ولا درى عن الثاني
سديم تكسر الخاطر بتواجه الطوفان بروحها وبتكون ضحيه لرعد وعمتها وزوجها لما ترجع تطلع حنين على الساحه
الواضح انه سراب وفهد بيشكلون ثنائي رهيب بالروايه
بانتظارج حبيبتي وبانتظار البارت الجاي
🌹🌹🌹🌹