يسعد صباحك صدود
بداية أنا متأسفة لغيابي عن الردود للبارتات السابقة لكوني كنت في فترة امتحانات نهائية
وأحب أن أشيد بأختياراتك الشعرية لانها تشبه ذائقتي فأحييك على الاختيارات اللي تصيب في صمم الحدث وتوصل روحه لنا
نعود للبارت الحالي والذي معه بدأ الضباب ينزاح عن بعض الصور قليلاً

سديم ويوسف وعلاقة جميلة لنقاء روح الطرفين بالأخص سديم وعاصفتها التي بدأت بالهدوء أخيراً عند يوسف واحتوائها واحتوائه له حواراتهما لاشك ستكون النسمة لنا في وسط الثنائيات الاخرى
سراب ويبدو أنها فعلاً ماهرة في ايهام الشخص بان السراب ماء أتمنى فعلًا أن تلتزم بكلمتها ويكون الأمر دون نصب ليس لتعاطفي مع فهد ولكن فقط لأجل مساعد
رعد وحنين ولازلنا حائرين بين سرهما الذي على مايبدو قد اقترب من الانكشاف وخصوصا بأنه بدأ يتضح لنا أن التوأم فعلًا ليسوا توأم وأن أحدهما عقاب والآخر ابنها الذي لم يعرف باحتمالية وجوده حتى
مساعد وأيرم والعذاب المستمر بسبب مكابرة وسوء ظن اساسه الجد يجعلني اشعر بالحنق تجاهه

مستمتعة بحرفية تكوينك للشخصيات وسأحرص على أن أكون موجودة دائماً في هذه الرحلة

أتمنى أن تبقي ومن تحبين بخير وعافية

بإنتظارك رواية جداً جميلة اعادتنا لماقبل عام 2012

مساء الخير...
متأخرة بالتعليق مع انه كاتبته من ايام بس ليلاس
ماكان راضي يبطل عندي.. ندخل بالتعليق على طول
———
يوسف بطل البارت هالمره ♥♥♥♥ حبببيييييته بتعالجه سديم ويرد مثل اول واحسن وشكله في شعلة حب بقلب القزمة 😂
•رعد مافهمت خطته القديمة احس عندي اسئله واااجد ليش يكره ظافر وهل هو صج حب حنين ولا كان يمثل عليها! شنو سوالهم وشنو السر اللي خاشه مبارك! يمكن هو اللي فرق بينهم ؟ وشكله ظافر طيب مومسوي شي لرعد يمكن مبارك مسوي شي له وحطها براس ظافر؟ واصلاً ابو حنين شلون رضى يزوجها لواحد معاديهم حتى لو ماكان مبين عليه لو ثار او قصة قديمة بينهم شلون يعطي لهالعايلة بكل سهولة؟؟ دخت اكثر بهالبارت.
•مساعد وايرم حلات اللي يقعدهم بغرفة ويقفل عليهم ويخليهم يسولفون غصب عصبووووني هي سلبيه بزيااادة كل شي يسويه تتوقع انه سلبي لها يعني امانه كارهج ومعاديج ويجي لعيادتج تسوين اسنانه! غبيه انتي الله ماكثر دكتاره الاسنان بالعالم يجي لمتدربه بعد وهو يكرهها ومايبي يشوفها يما من الغبااااء غثتني موراضيه تفهم
•قصايد حقيرة حقيرة احس مستحيل اصف معاها لو شنو كان مسوي رعد لهم يمكن سديم لها الحق تكرهه اكثر من قصايد ، سديم لانها عانت بزيادة وانحرمت من اختها وانصدمت بطفولتها منه . يعني فوق ما انتي ماخذه عياله اثنينهم وواحد منهم مو ولدج اصلاً والثاني ياعمري على رعد مايدري عنه حتى تاخذين فرسه بعد!!! ياكلبه مو ناقص الا تاخذين روحه يارب يلقاج ويلعب فيج مثل ما لعبتي باعصابي وقهرتيني
•فهد وسالفته بنصدم حيل ان مشوا فيها وما جيكوا على الشركه الوهمية ومكانها ومشاريعها القديمة واذا موجودة بالصج بالمحاكم والاوراق الرسمية! مو لهدرجة غباء يعني وان مشت على فهد شلون بتمشي على مساعد؟؟؟ وضربه قويه لهم ان سووا المشروع وتعبوا بفلوس البناء واخرتها مايكون في شي ! حقاره هذي

البارت عباره عن قهر 🤬 الوحيد اللي ونسني فيه يوسف حياتي 😂
————-
ليلاس شكله زعلان مني لان حتى لوحة الادوات تكبير الخط او تغيير اللون مو عندي 😂💔