رواية غرامك يالخفوق ذبحني هآت حضنك يحتويني - الصفحة 6

08-08-19, 12:28 AM

المشاركة رقم: 26

المعلومات
الكاتب:	كلارينت
اللقب:

البيانات
التسجيل:	Jan 2013
العضوية:	249546
المشاركات:	232
الجنس	أنثى
معدل التقييم:
نقاط التقييم:	190

االدولة

مدونتي

الإتصالات
الحالة:
وسائل الإتصال:

كاتب الموضوع : كلارينت المنتدى : الروايات المغلقة

رد: رواية غرامك يالخفوق ذبحني هآت حضنك يحتويني

بسم الله الرحمن الرحيم
،
"ربِّ ادخلني مدخل صدق وأخرجني مخرج صدق
وإجعل لي من لَدُنك سُلطانًا نصيرا"

،
السلام عليكم ورحمة الله وبركاته
البارت طوّلته لعيون اللي طلبوا والله الله
بالتفاعل الحُلو ..

"البـارت السابع"

رواية غرامك يالخفوق ذبحني هآت حضنك يحتويني/بقلمي .

،
*

أنا ألـف أحبك.. فابتعدي
عني.. عن نـاري ودخاني
فأنا لا أمـلك في الدنيـا
إلا عينيـك... وأحـزاني
*نزار قبّاني.

،

دخل المصعد وهي قدامه ، حاسه نفسها يضيق
وتناظر رقم الأدوار تنتظر متى يوقف ، عُمر قرب عندها اكثر
شموخ مغصها بطنها توترت اكثر عمّضت عيونها لما حست
انه نزل البشت على كتفها ..سمعت جرس المصعد
فتح الباب طلعت بسرعه تنفست براحه ،عُمر عض
على شفته السفليه "ايه اهربي بس تكونين زوجتي على سنة الله
ورسوله* مالك مفر مني"
عُمر طلع من المصعد بطابق تصميم غير عن الطوابق الثانيه
هالطابق خاص بُعمر محد يدخل غيره فيه مكتبه الخاص لكن له
بوابة ثانيه اما هذا الطابق محد يدخله غير هو فقط وبإذن منه
، اما زوجاته السابقات ممنوع يدخلونه ، مشى بهدوء وشموخ
وراه تتأمل بالمكان اعجبها حيل ابتسمت بإعجاب ..عُمر لمح
سرحانها وابتسامتها ثم وقف بقصد ، صدمت فيه شموخ
عُمر ابتسم بخبث ورفع حاجبه: ماتشوفين انتِ ؟
شموخ ترقع : اااسفه ماشتفك ،عيوني تعورني ابي انام
عُمر فتح باب غُرفته الخاصة بالبصمه: خلاص وصلنا تفضلي
شموخ بإنبهار من الغرفة كبيره تتميز بشبابيك طويله بستاير دانتيل
لون أبيض ويتوسطها سرير كبير بمفرش قطني لون
ابيض وكنبه طويله عند المدفئه* وباب غرفة ملابس داخليه له
شموخ بإستغراب من الاثاث قليل ، شافت عُمر بيده جهاز
يقفل الشبابيك من برا ،شموخ : لا اتركها انا احب ضوء الشمس
عُمر استجاب لطلبها : اوكي عموما هذا سريرك تنامين عليه الليله
ان احتجي شي اتصلي على هذي الارقام المشرفه الخدم
كل شي موجود عندك ..
شموخ بتساؤل : طيب وان احتجتك انت ؟
عُمر استغرب من سؤالها وابتسم* اخذ الجهاز وسجل رقمه
بأسم* "زوجي العزيز عُمر " : خلاص سجلت رقمي فيه اوامر
ثانيه سيدة شموخ ؟
شموخ : لا مشكوور ..
عُمر طلع عند الباب: العفو تصبحين على خير ولا تنسين بكرا
ملكتنا ،ولا تشيلي هم كل شي راح يكون جاهز
شموخ انحرجت منه نزلت راسها : وانت من اهله ،اان شاء الله
تنفست براحه لما طلع ، نزلت البشت على الكنبه
شافت باب غرفة الملابس مفتوح دخلته كانت غرفه كبييره
مقسمه لبدل رسميه وثياب وبشوت ، واشمغه وملابس طلعات
ودولاب كامل كله جزم "انتم بكرامه" اخذت لها بجامه حرير
من بجايم عُمر ولبستها كانت كبيره عليها لما شافت نفسها
بالمرايا : يلا شي احسن من لا شيء
حطت ملابسها على الكرسي ، وطلعت راحت لدورة المياة
غسلت وجهها وجففته طلعت وارتمت على السرير
وتركت شعرها مفتوح وناامت ...

،

في احد الغرف اللي نام فيها بعيدًا عن بكاء زوجته نورة
ورفضها لعُمر يكون زوج لبنتها، كان يشوف كابوس من سنين
يجيه بين فتره وفتره يراوده هالحلم ، جسمه عرقان ونفسه يضيق
اكثر يتنفس بصعوبه ،اخذ من الثلاجة علبة مويه يشرب
وباله مشغول بهالكابوس يلاحقه و يشوفه يتردد عليه كثير
شريط حادث قديم صار قبل 9 سنوات
في الليل كان واقف عند الأشاره مافيه سيارات كثير
لكن ينتظرها تصير خضراء، تأفف شاف العداد قرّب يصير اخضر
حرّك بسرعه ما انتبه للسيارة تاكسي مسرعه
ناصر شافها وسحب بريك* يوقف ، االتاكسي لف عن سيارة
ناصر وصدم بجزء بسيط من سيارة ناصر ، ثم صدم التاكسي
بعامود الإشاره صدمه قويه بسبب سرعته
وشاف حرمه طارت من السياره وطاحت على الأرض
ناصر نزل من السياره مصدوم من اللي صار قدامه
معرف وش يسوي شاف الحرمه تسنتجد فيه : تكفى
ساااعدني سااااعدني ...
لكن ناصر تركها وهرب بسرعه بسيارته لأن نسبة كبيره الخطأ
عليه ، لكن مانسى صوتها الى الآن يرن في اذنه ..
غمّض عيونه : استغفر الله واتوب اليه هذي حيّه ولا ميته
مسح وجهه وتعوذ من ابليس ..
شاف الساعة 4:00 قام من سريره يروح يصلي
في المسجد وجلس فيه يستغفر ويقرا ، بالله
مشغول فيها وده يعرف هالحركه ميته ولا حيّه
ماحس بالوقت الا الساعة 7 قام ركب سيارته واتجه لإدارة المرور
يستفسر عن الحادث وش صار عليه..!

*

،

جالس في مكتبه ينتظرها ، انفتح الباب عرف انها امه
وملامح وجهها ماتبشر بالخير ، قام عُمر يستقبل امه : هلا بالغالية
جايه تباركين لي فديتك والله
االاميره نجد : جايه ابارك لسواد وجهك اعنبو ابليسك ماتستحي
على وجهك ماتخاف ربك انت جايب البنت عندي هنا
عُمر : اولاً انا اخاف ربي ، ثانيًا البنت براضها ورضى ابوها
جت عندي
الاميره نجد : تخسسي ما جات برضها الا انك غاصبها
يالنذل هي وابوها حسبي الله عليك من ولد
عُمر بيده جهاز التسجيل اعطاه لأمه : لا تتحسبين علي يا يمه قبل
ماتسمعين هالصوت عشان يكون اثبات ودليل اني ما اجبر اي
حرمه بالزواج مني..
الاميره نجد سحبته منه : هات اشوف سواد وجهك
سمعت الحديث اللي دار بينهم البارح ، انصدمت على موافقة
شموخ لعُمر : معقولة هذي انبهلت شلون تاخذ واحد مثلك ؟!
عُمر ابتسم بثقه : اسألي نفسك عندك الجواب يا يمه
الاميره نجد نظرات حقد : اكيد ماوافقت عليك الا عناد بأهلها
اللي ماصدقوا بنتهم ،ورموها عليك حسبي الله عليهم من اهل
وانت مخطط هالشي من ورى راسك ،عشان تتزوجها
عُمر ضحك* ثم بنبرة حقد : ههههههههه
لا يا بمه مو عشان زواج ، معقوله نسيتي قبل 9 سنين
ولا اذكرك ؟!!
الاميره نجد بإستغراب : وش اللي تذكرني فيه !
عُمر : حادث زوجتي الاولىٰ نسيتيه معقوله* ؟! انا مُستحيل انساه
كل يوم يمر ببالي يايمه انتظر الفرصه عشان انتقم من هالحقير
الاميره نجد بصدمه : المتسبب لا يكوون نااصر !!!
حطت يدها على فمه ،رمشت بعينها معقوله ابو شموخ هو السبب
عُمر والحقد بقلبه : ايه ناااصر الخسييس
الاميره نجد : لييه ما قاضيته طول هالسنيين لييه تاركه عايش !
عُمر مشى ووقف عند الشباك ويشوف العمّال يزينون الحديقه
شد على قبّة يده : تركته يعيش حياته مع اهله وقفلت ملف القضيه
دام الغلط على الاثنين لكن ناصر الحقير هو المتسبب بموتها
وجاء الوقت* اللي انتقم منه ببنته شمووخ..
الاميره نجد جلست على الكرسي ماقدرت تشيل نفسها اكثر
من هول اللي تسمعه : حراام عليك يا عمر خربت سمعة البنت
مالها ذنب اذا ابوها هو السبب .. كان اخذت حقك من ابوها
موب من بنته شلوون طاوعك قلبك تسوي هالسواة !!
عُمر : بنته غالية على قلبه ،مثل ما زوجتي غاليية على
قلبي ..
الاميره نجد : ياويلي لا يكون بتذبح بنته ؟!!
عُمر ضحك : ههههههههه ما اوسخ يديني يا يمه مثل ناصر ..
الاميره نجد خافت : اجل وش بتسوي ؟!
عُمرالتفتت لأمه بإبتسامة خبث ومكر : ما راح اقول وش
بسوي فيها لكن بعينك بتشوفيين يا يمه ..
تركها عُمر بصدمتها وطلع متجهه لغرفته ..
الاميره نجد : ياويلي من هالولد وش يبي ببنت الناس !
خذ حقك من ابوها موب من بنته المسكينه
حسبي الله والنعم الوكيل

،

رجع من بيته بتاكسي عقب ما استفسر من ادارة المرور
ماقدر يسوق من هول الخبر اللي سمعه ماهو مصدق
يمشي مصدوم يالله يشيل نفسه ، شافته ام شموخ : بسم الله
ناصر وش فيه وجهك قالب؟!!
ابو شموخ يتصبب عرق : ياااويلي يا نورة انا وش سويييت
ام شموخ بخوف : نااصر قلي وش فيك ؟!!
ابو شموخ يشرب كاس الماء : اااه ليتني مت بذاك الحادث
ام شموخ ماتت خوف : بسم الله عليك اي حادث ؟!
ابو شموخ التفت لها : تذكريين حادث التاكسي والحرمه اللي
صار؟
ام شموخ توسعت عيونها : ايه وش فييه ؟ لايكون اكشفوك ؟!
ابو شموخ بحسرة : لييييتهم كاشفييني يا نوورة ولا وديت
بنتي للنار
ام شموخ تضربه بصدره: وش تقصد يا ناااصر فهمممني بنتي
وش فيها لايكون سوى لها شي النذل عُمر ؟!!
ابو شموخ : عُمر يطلع زوج الحرمه اللي صدمتها..
ام شموه بصدمه حطت يديها على فمها : وش قللت شلون
عرفت؟!!
ابو شموخ : قبل شوي رحت استفسر عن الحادث وش صار عليه
طلعت الحرمه توفت بالحادث ،والحرمه تطلع هذي زوجته
ام شموخ حطت يدها على وجها : ياويلي ويلاه بنتي راحت
فيها حسبي الله عليك ..
ابو شموخ سكتها : لا محد يدري من المتسبب وملف القضيه
تقفل من سنيين عُمر بنفسه مايدري لو يدري كان قضى علي
تمطني يا نورة
ام شموخ ماهي قادره تستوعب : يعني عُمر مايدري انك المتسبب
في حادث زوجته ؟
ابو شموخ : لا مايدري ولا احد يدري ان مافتحتي فمك
ام شموخ تمسح وجهها : حسبي الله عليك يا ناصر ليتك ما وافقت
عليييه الحين وش يضمن انه مايدري عنك ؟!!
ابو شموخ :عُمر ماجاء يستر على بنتنا الا عشان نوافق عليه
لأن طبيعي ماراح نوافق على رجل يتزوج ويطلّق عقب فضيحتها
وبرء بنتنا من الفضيحه ، تطمني يا نورة عُمر بياخذها
شوي ويطلّقها مثلها مثل غيرها وترجع لنا بنتنا
ام شموخ تبكي بحسره : ااه ياحسرتي على بنتي،
تجيني مطلّقه* والله راضيه اهم شي بنتي ترجع لي ...
ابو شموخ يشوف الساعة : قومي يا نورة خلينا نتجهز
نحضر الملكه اللي كلها كم شهر وترجع لك بنتك
مثل غيرها ....
ام شموخ بكت اكثر : الله يساامحك يا نااصر وديت بنتي للنار
الله يسامحك ..
ابو شموخ بضيق : خلاص يا نورة اللي فيني مكفيني قومي
لا نتأخر ..
تركها وصعد فوق لغرفته يتجهز ، شلون دارت الدنيا بناصر عُمر
صار زوج لبنته عقب ما تسبب بوفاة زوجته الأولىٰ..

،

كان جالس يتأملها نايمه ولابسه من بجايمه ابتسم ،كان عارف
انها ماراح ترتاح بلبسها وترك باب غرفة الملابس مفتوح
عُمر همس بأذنها : شمووخ حبيبتي يلا قومي كفايه نوم
شموخ بعدت وجهه : بابا خلاص روح ابي انام ..
مسك يدها بلُطف : شموخ انا عُمر قومي بلا دلع
شموخ تحاول تستوعب فتحت عينها الصوت غريب عليها
شافت عُمر قدام وجهها قامت مفجوعه : بسسم الله وش جابك
هنا..!!
تتأمل بالمكان واشعة الشمس عورت عيونها
عُمر طبطب عليها : بسم الله عليك صحصحي يلا العاملات
ينتظرونك تحت...
شموخ استوعبت وتناظر لبسها وتفشلت غطت نفسها
بإحراج : طيب جايه ممكن تطلع ؟!
عُمر اخفى ضحكته : لا تطولين عجلي ، وملابسك عندك
والفتسان موجود داخل بغرفة ملابسي
شموخ : اوكي مشكور ..
طلع عُمر ، ونزلت الغطى من وجهها خدودها حمراء
متفشله من الموقف ، قامت من السرير راحت فتحت شنتطها
كل اغراضها مجهزه ، اخذت اللي تحتاجه وراحت لدورة المياه
"انتم بكرامه"* تحممت وجففت شعرها ، ولبست
بجامة حرير من فكتوريا سكيرت،ورفعت شعرها كله فوق
طلعت من غرفة عُمر، نزلت وسلمت على الاميره نجد
كانت جاهزه وخالصهه تحاول تمسك أعصابها عند شموخ
وماتبي تبين* المصيبه اللي ناويها عُمر لشموخ ..
ثم دلّتها لأحد الغرف عُمر مهجز كل شي من الى مخطط كل شي
عشان انتقامه من ناصر ....
شموخ دخلت وشافت اشهر
ميك اب ارتست جايه وهير ستايل موجودين ، سلمت عليهم
وعبرت عن مدى اعجابها لشغلهم ، وجات
المصوره بعدتها وعاملاتها ،يصورون شموخ من كل الإتجاهات
استحت شموخ بالبدايه ثم تأقلمت مع الوضع
الميك اب ارتست بدت بشموخ طلبت منها يكون مكياجها خفييف
ونفذّت مثل ماتبي والهير ستايل سرحت شعرها ويفي خفيف وتاج
ناعم فيه ورود ، جابت العامله الفستان على المانيكان
من جيفنشي بتصميم كيب لون ابيض بصدر سبعة مفتوح
ومزين بأحجار كريمه من الزمرد عند منطقة الصدر وماسك
عالجسم .. اعجب شموخ تحب الناعم
ووصل طقم الماس فاخر ودبلة خطوبة الماس من بوشرون
جات ام شموخ* بعد ماسلمت على الاميره نجد
كانت باكامل زينتها لكن عيونها حمراء من البكاء
شافتها شموخ وسلّمت عليها : هلا والله بالغالية ماتوقعت تجين؟
ام شموخ كاتمه حزنها : افا عليك يوم مهم لبنتي وماتبيني احضر
شموخ تتفحص عيون امها : ماما ليش تبكين ؟
ام شموخ ترقع : ابكي من الفرحه ياعمري عسى الله يوفقك
شموخ بنبرة حزن: ماما لا يكون زعلانه مني ؟
ام شموخ تمسح على وجهها : افا فيه احد يزعل من شموخي اذا
عن البارح انسيه كنت وقتها معصبه ولا تاخذين كلامي على محمل
الجد وانا جايه افرح فيك
شموخ ابتسمت: بعد قلبيي ماما خفت تكونين زعلانه عشاني
وافقت على عُمر
ام شموخ تحاول ماتبين* : لا والله عُمر رجال والنعم فيه
جاء يستر عليك وكشف الحقيقة وشلون ما نرضى برجل مثل
انا صحيح البارح كنت معصبه بس ابوك طمني انه رجل طيب
وزين وما عليه خلاف عسى الله يوفقكم يارب
شموخ حست براحه : آميين يارب ماما وين غِيْد
ام شموخ : جايه بالطريق ..
احد العاملات جايه : سيدة شموخ السيد عُمر ينتظرك برا
شموخ : اوكي انا جايه
القت نظرة لشكلها النهائي كآنت جميله ابتسمت برضىٰ على شكلها
نزلت تحت معها امها طالعه للحديقة
كانت الحفلة بالعريشة "المظلة الخاصة بالحدايق" كبيره
مصنوعه من خشب الخيزران مكشوف بستاير دانتيل ومُزين
بالورد الأصفر وممر* ابيض أطرافه ورد أبييض واصفر منثور
المدخل باب بستارتين* على جنب وكرستالات لؤلؤيه نازله ..
الكوشة كنبه طويله لون سُكري وخلفها ستاره
وعلى جنب شموع عطرية برائحة الكرز وكيكة كبيرة ...
موسيقى هادئه تطرب المكان،
شموخ تحس روحها بحلم تحقق بين يوم ليلة ،عيونها تدورعُمر
ماحصلته، جلست على الكوشة ، لمحت غِيْد جايه
لابسه فستان طويل بأكمام طويله مطرز بالورد من
تصميم ماركيزا نوتي عاري الظهر بشكل دائري
مسرحة شعرها ستريت وتاركته مفتوح
وميك أب خفيف بروج لون ترابي بدرجة اغمق من ماك
قاامت ضمّتها : يا حيياتي واخيرًا جيتي مابغيتي والله
غِيْد نزلت دمعتها : شلوون ما احضر وحبيبة قلبي اليوم
ملكتها على شايبها اللي جلطني
شموخ ضحكت : هههههه غِيْد لا تخيلني ازعل عليك الناس
تبارك وانتِ لا
غِيْد : بعد عمري الف الف مبروك والله مو قصدي يا قلبي
بس احس اني بحلم شلون قبل امس شايفته اليوم ياخذك
شموخ : والله موب بس انتِ انا بنفسي ماني مستوعبه يممه
شوفي شلون صار كل هذا
غِيْد ماحبت تنكد عليها فرحتها من تحذيرها لعُمر لأن هالقرار
راجع لشموخ وغمزت لها : ياعمري انتِ عسى ربي يوفقك
وان شاء الله تكونين قد التحدي وتكسبينه
شموخ مغصها بطنها من هالكلمة، عُمر بالنسبة لها كان
حُلم انها تتزوجه ،،على كثر الحريم اللي اخذهم ماجلست عنده ولا
حرمه زاد فضولها اكثر تبي تعرف السبب وش الشي اللي مخبيه
، قررت تجرب حظها معه دام مصيرها الطلاق
مثل غيرها ،لكن هل راح تكون الزوجة الأخيره مثل ماتبي !!
حذرتها غِيْد من هالخطوة لكن شموخ ما سمعت لها
كانت دايم تردد " انا اكيد بكون غير عن زوجاته
وبحاول اكسبه لصفي " غِيْد تنبهها الزواج مو لعبه
تجربين حظك ، الزواج مسؤوليه كبيره ، لكن شموخ
طنّشت كلام غِيْد وحطت راسها براس عُمر..!
وماتدري عُمر وش نااوي عليها...!
شموخ بتوتر: ان شاء الله تكفين دعواتك يا غِيْد
والله بديت اتوتر..
غِيْد : عادي كل العرايس طبيعي يتوترون انتِ خففي التوتر
وتوكلي على الله ..
شموخ ماسكه يدين غِيْد : ان شاء الله ياروحي انتِ وعقبالك..
غِيْد : لا وين مانيب مستعجله على الزواج مثلك توي بعيش
حياتي ..
شموخ ضحكت : ايه عيشي حياتك بكرا القاك عروس ههههه
غِيْد : لا تطممني ريحي راسك مانيب مثلك ..
قاطعت حديثهم وحدة من الخدم : السلام عليكم السيد ناصر بيدخل
غِيْد باستها وجلست بالكراسي عند امها وخالتها اللي تغطت
وعند الاميره نجد اللي مو عاجبها الوضع ، حضر ابو شموخ بارد
وجهه وبيده الكتاب شاد عليه وده يقطعه ويحرقه وياخذ بنته
ويختفي عقب* ما عرف ان عُمر زوج اللي ماتت بسببه ..!
حاول يتصنع الفرح وابتسم لبنته واعطاها الكتاب توقع وتبصم
باس راسها وبارك لها ثم طلع ، ركضت غِيْد تبارك
لها: الففف مبروك يا قلبي منه المال ومنك العياال
شموخ مسحت دمعتها : الله يبارك فييك وعقبالك
ام شموخ انفجرت بكااء مقهور وقلبها متقطع على بنتها*
وضمّتها بقوة لدرجة استغربت حست بالإختناق
منها شموخ : ماما شوي شوي مانيب قادره اتنفس كل هذا
فرحانه فيني..
ام شموخ بكت اكثر وبغصة : الف مبروك يا بنتي اعسى الله يوفقك
ويحفظك ويحميك يابنتي
شموخ : الله يبارك فيك آميين
ام غِيْد وراها : الف الف مبروك عسى الله يوفقك يا اجمل عروسه
شموخ وعينها على غِيْد : امين وعقبال غِيْد
ام غِيْد تناظر بنتها: امييين عسى الله يهديها وتتزوج مثلك
غِيْد من وراهم بعصبيه : ماما وش قلنا خلاص شموخ تكفي
انا شيلوني من بالكم ماراح اتزوج
الكل ضحك على عصبيتها: هههههههه
جت الاميره نجد بالها مشغول بالكلام اللي قاله عُمر "معقوله
ناصر هو السبب في وفاة زوجته* حسبي الله عليك يا ناصر
عقدت ولدي من الحريم الله ينتقم منك " تحاول تتصنع الابتسامة
وببرود : الف مبروك يا شموخ عسى ربي يوفقكم ويسعدكم يارب
شموخ استحت : الله يبارك فيك يا خالتي آمين
بعدها جابت العامله طقم الألماس والدبله ،وابتدت
موسيقى رومانسيه على حظور عُمر وهو يمشي بالممر
شموخ شافته حست بتوتر* كل ماتلمح زوله
يقرب ، نزلت راسها بحياء ، وصل عُمر وعينه على ناصر وكمية
الحقد اللي بقلبه له ابتسم بإنتصار انه كسب شموخ
وبنفس الوقت ناصر يحسبه مايدري عن جريمته !!
عُمر يبتسم للكاميرا تصوره ، وعيونه بعيون
شموخ كانت آيه من الجمال بفستانها الابيض اجمل بكثير من
الأسود ماتوقعها تحضر حفل بنت اخته،
حس بشعور الإنتصار لما يشوف برود ابو شموخ اللي
ما تجرأ بحط عينه بعين عُمر ، ناصر
يتصنع الفرحه لبنته وقلبه محروق على بنته...
وعُمر طبعًا وصل له خبر من إدارة المرور ان ناصر جاء
يستفسر عن زوجته المتوفيه ، انقهر منه بعد كل هالسنين
توّه يصحى ضميره ! يروح يشوفها هي حيّه ولا ميته
"هيّن يا ناصر توك ماشفت شي "

*

،

الى هنا نتوقف
*
لقاؤنا بالبارت الجاي بإذن الله تعليقاتكم تفاعلكم يهمني

" نهاية البارت"

قِراءة ممتعه للجميع

09-08-19, 03:00 AM

المشاركة رقم: 27

المعلومات
الكاتب:	كلارينت
اللقب:

البيانات
التسجيل:	Jan 2013
العضوية:	249546
المشاركات:	232
الجنس	أنثى
معدل التقييم:
نقاط التقييم:	190

االدولة

مدونتي

الإتصالات
الحالة:
وسائل الإتصال:

كاتب الموضوع : كلارينت المنتدى : الروايات المغلقة

رد: رواية غرامك يالخفوق ذبحني هآت حضنك يحتويني

‏الله أكبر الله أكبر، لا إله إلاَّ الله، الله أكبر الله أكبر ولله الحمد،
الله أكبر كبيرا، والحمدلله كثيرا وسُبحان الله بُكرةً وأصيلا ..

صباح الخير للجميع

وحشتوني والله ،كيفكم عساكم طيّبين

ماراحا اطوّل عليكم حاابه اشكر كل من تفاعل معي

من باب ..(لا يَشْكُرُ اللَّهَ مَنْ لا يَشْكُرُ النَّاسَ)

الروايه ماشاء الله لِسه ماصار لها اسبوع او اكثر لاحظت
التفاعل يزيد لكن حقيقي سعيده من كل قلبي ،وبإذن الله
بدعمكم وتشجيعكم وردوودكم المُستمره لي بعد كل بارت
راح نستمر للنهايه ،واللي خلف الكواليس اسعدوني
بتفااعلكم لو كلمة شكر بعد كل بارت. هذي تسعدني
الله لايخيليني منكم

اولاً حابه اشكر الأخت والصديقه غَدير ..

اعز واغلى انسانه على قلبي متابعه ومسانده ومساعده لي من خلف الكواليس
اقول لها شُكرًا من الأعمااق ، وما انحرم منك يالغالية
عسى ربي يحفظك ويسعدك ويديمك لي عُمْر ..

ثانيًا اشكركم كل من تفاعل معي في منتداي الأولي

( سوهان ،ابتسام ، فيتامين سي ،ام محمد وديمه
نبّيت ،من فهمني ملكني ،الربيع القلب ، امل الثنيان
Gucci502 ،nooni3 , Roya Omr,بنت آل تميم
وميرا كساسبه)

وفي المُنتدى المجاور ( jody34)
ومُنتدى ليلاس ( اام حمودي ).

اشكركم من اعماق قلبي على هالتفاعل الحُلو شكثر اسعدني

وايضًا اشكر المتفاعلين دايم معي في الواتباد
https://my.w.tt/SU5TJY70ZY

واعتذر ان سقط اسم احد منكم ماذكرته ياليت يقولي
عشان ارجع اضيفه

( زووزي ، رؤى ،ميلاد مون ، ن الراجحي ، سورا 2017
الهاسبيه ، سمر ،انجل ،امتنان عيسى ،سارونه
نهالين ، seoarsy،بعثرة مشاعر ،الأميره الملكيه
‏12647108z،معزوفة حنين ،ام حسن ،
سلوى، eunhyuk4496، زهرات، 01118911814A
عازفة لحن الفرح ،نجرسية اليديل ، nana
أكتفي بذاتي ، حنين صالح ،دلال ،ايه موني، جود، نانا كيوت
‏meemexii ،ودكتورة دلال ، maee,sarha8 مملوحهـ )

اشكركم من كل أعمااااااق قلبي
وطبعا فيه كل فترة شكر خاص للمستمرين معي
ربي يسعدك مثل ما اسعدتوني بتفاعلكم الحُلو
اللي بعد الله سبب فيه نجاح الروايه واستمرارها
وراح ارجع اكرر هالأسماء في البارت الجاي بإذن الله

وبإذن الله بس افضى راح ارجع ارد عليكم واحد واحد
بعد قلبي انتم ربي لايحرمني منكم

10-08-19, 01:58 AM

المشاركة رقم: 28

المعلومات
الكاتب:	كلارينت
اللقب:

البيانات
التسجيل:	Jan 2013
العضوية:	249546
المشاركات:	232
الجنس	أنثى
معدل التقييم:
نقاط التقييم:	190

االدولة

مدونتي

الإتصالات
الحالة:
وسائل الإتصال:

كاتب الموضوع : كلارينت المنتدى : الروايات المغلقة

رد: رواية غرامك يالخفوق ذبحني هآت حضنك يحتويني

'

شَمّر يَا صاح هَا هي عَرفة أقبَلت نَهارُها مُبارك
وصومُها مُبارك تكفّر سنةً قَادمة وسَنة مَضت!
قُم تَجهزّ وأعد عُدّتك، تَقرّب وادنُ منهُ سبُحانَه!

صباح الخير للجميع

هاقد أقبل يوم عظيم جهزوا امنايتكم شدّوا الهمّه فيه
أسأل الله ان يتقبل مني ومنكم صالح الأعمال
ويستجيب لي ولكم يارب ..

الكثير يسأل موعد البارت القادم ، والله حاليًا مشغوله
ولكن بإذن الله راح يكون بأيام العيد ينزل عسى الله يسهل لي ولكم

ولا تنسوني من دعواتكم في هذا اليوم الفضيل

دمتم بخير وبود

12-08-19, 02:18 AM

المشاركة رقم: 29

المعلومات
الكاتب:	كلارينت
اللقب:

البيانات
التسجيل:	Jan 2013
العضوية:	249546
المشاركات:	232
الجنس	أنثى
معدل التقييم:
نقاط التقييم:	190

االدولة

مدونتي

الإتصالات
الحالة:
وسائل الإتصال:

كاتب الموضوع : كلارينت المنتدى : الروايات المغلقة

رد: رواية غرامك يالخفوق ذبحني هآت حضنك يحتويني

صبّحكم الله بالخير

كيفكم عساكم طيّبين ؟!
كيف كان عيدكم ، ان شاء الله حُلو ولطيف عليكم
بإذن الله اليوم راح ينزل البارت 8 عيّدية منّي لكم
كنت ناويه انزله ثالثه عيد لكن شفت حماسكم هوّنت
وقلت لازم ينّزل اليوم بإذن الله تعالىٰ
لذلك كُونوا بالقُرب

12-08-19, 08:34 AM

المشاركة رقم: 30

المعلومات
الكاتب:	كلارينت
اللقب:

البيانات
التسجيل:	Jan 2013
العضوية:	249546
المشاركات:	232
الجنس	أنثى
معدل التقييم:
نقاط التقييم:	190

االدولة

مدونتي

الإتصالات
الحالة:
وسائل الإتصال:

كاتب الموضوع : كلارينت المنتدى : الروايات المغلقة

رد: رواية غرامك يالخفوق ذبحني هآت حضنك يحتويني

دقايق وينزل البارت