المنتدى :
الروايات المغلقة
جبرتني الظروف ابتعد واغدر فيك يابعد ناسي
بسم لله الرحمن الرحيم
رواية جبرتني ظروفي ابتعد واغدر فيك يابعد ناسي / بقلمي
.
.
البـــارت الاول (1)
الساعة الثانيه عشر بعد منتصف الليل .. داخل حديـقة قصر حامد " أبو عماد "
جالسين ف الحديقه وسط كومة من الأوراق والكتب والحسابات ..
وليد : خلاص كذا لخصنا كل قوانين الكتاب هنا وبكره قبل الاختبار تراجعهم
راكان وهو يناظر الوقت : الله ! شوف كم الساعه
وليد وعينه ع جواله : اوف حسبي الله عليك دكتورعدنان كانك قعدتنا لذا الوقت واخرتها درجات تسود الوجهه في امتحانك
راكان : اعوذ بالله من فالك خل اخر اختبار يعدي على خير . وجلس يتمغط ورجع ظهره ع ورا وقال : هاه شكلها راضيه عنك ست الحسن ما اشوفها دقت عليك ولا سألت ؟
وليد : تطنز انت ووجهك ؟ صوت مسج من جواله " وينك وليد تاخر الوقت
راكان : اكيد انها هي هههههههههههههههههههههههههههههه
وليد وهو يقرا المسج : ايه
راكان : ياخي ما تحس انها نشبه شوي انا لو اختي تلزق فيني اللزقه ذي اموت
وليد وهو يلملم اغراضه : والله ياخوك هي متعلقه فيني شسوي المحبه من الله
راكان وهو يتمغط : ولمى تتزوج وش بتسوي بتجلس طول الوقت اتصالات ومسجات ؟
وليد : هههههههههههههههه الله العالم شكلي ماني متزوج عشانها
راكان : ههههههههههههههههه اوف ؟
وليد : أقول خليني امشي لا تسوي لي سالفة نتقابل ف الجامعه
راكان : تخاف من اختك انت ؟
وليد : قصدك أخاف على زعلها
راكان : ي حليلك والله .. طيب صلحت سيارتك ولا امرك بكره
وليد : لا لا ماشي بسيارتي يلا سلام
_
على بلكونة غرفتها اللي تطل على الحديقة اللي جالسين فيها راكان ووليد كانت روان جالسه وبيدها دفتر وقلم .. وتسمع اغنية رومانسيه " انا لحبيبي وحبيبي إلي " .. وترسم بكل حب والهوا يدغدع ويلاعب شعرها اخذت نفس عميق بعد ما انتهت وقبلت دفترها بكل حُب وضمته لصدرها واخذته معاها ونزلت تحت للمطبخ خذت كاست الماي بتشرب وصوت وراها : ما نمتي ؟
التفت روان وقالت : بسم لله الرحمن الرحيم .. لا ما نمت
راكان نظر للكتاب بيدها : ماشاءالله تبارك الله من متى تسهرين ع روايات وكتب لو فيك حيل على السهر كان كملتي دراستك ابرك
خبت روان الكتاب وراها وقالت : مو شغلك وبعدين هذا دفتر يومياتي مو كتاب اذاكره
راكان : يا عيني ع يومياتك وش يومياتك انتي ماشاءالله غير النوم ولا طول يومك بغرفتك ما شفنا منك شي مفيد ؟
روان : والله حبيبي شهادة الجامعه خليتها لك انا طموحي واحلامها اقدر احقهها بدونها تصبح ع خير
رفع راكان حاجبه بإستغراب منها : وانتي من اهله
-
#صباح اليوم الثاني
صحت روان من نومها ع صوت صديقتها وهي داخله غرفها مسرعة وضربت الباب ف الجدار : صببباااااااااااح الخيــــر , وسحبت اللحاف منها وقالت : ليش نايمه للحين ؟
فزت روان من نومها وهي حاطة يديها ع قلبها من الفجعه : نعم شفيك انتي ! احد يدخل كذا ؟
اسرار لفت وجها ولااهتمت لكلامها , روان : هيه م فيه واتس تكلميني منه مافيه اتصال قبلها بيوم تقولين انك جايه ولاانتي كذا نظامك تدرعمين ع خلق الله
جلست اسرار على السرير بجانبها وقالت وهي تفك عباتها: وليش ان شاءالله حضرتك منو عشان اخذ معاك موعد صحبتي واعرفك فاضيه لا شغل ولا دراسة
روان : اي يمكن اكون طالعه
اسرار : اقول قومي قومي بس قومي بقولك اشياء صارت امس
روان : انا داريه والله ما بخلص من مصايبك
مدت اسرار يدها واخذت جوال روان على الطاولة جنب السرير وقالت : لا ابشرك منتي خالصه " الو صباح الخير شيف مراد لو سمحت ٢ اومليت وبطاطس مقلي وعصير برتقال واحد وشاهي وخليه يجهز بالحديقة "
روان : وليش كل هذا
اسرار : الكلام ما يحلى الا ب الاكل وغير كذا انا ميته جوع
_
في بيتهم المتواضع وحياتهم البسيطة اللي يجمعها حب الاخوة والترابط والتضحية بين الاهل , جالسين ف الصالة الام " عائشة " قاعده على السفرة تصب الشاهي : عبير اختك ماقامت ! استغفر الله ياربي
عبير : الا يمه قاعده تجهز
عايشه : هذا كله تتجهز متى يمدها تفطر وتروح استغفر الله هالبنت ما ادري طالعه على مين بارده ولا همها شي
دخل وليد وحب راس امه : صبحك بالخير يا جنتي شلونك
عايشه : هلا حبيبي انا بخير دامك بخير يا وليدي جعل ربي
يوفقكم بهاليوم ويسهل عليكم دربكم قول امين
وليد : امين , يازينها من لسانك هالدعوه ي يمه الله يسمعها منك
عايشه : اللهم امين تبي شاهي ولا حليب
وليد : لا شاهي ابي اصحصح زين على هالاختبار ، عبير عطيني الخبز
عبير مدته له الخبز وقالت : يعني نبارك بتخرجك ولا لسى ؟
وليد : لسى لكن نقول يارب , ماني مصدق إني بفتك من هالجامعه ودوام الصبح اللي قرفني بعيشتي
عبير : الللله يا وليد ذكرتني بنفسي يوم كنت مكانك هالحين اقول بلعكس وينها الدراسة اللي تشغلنا
عايشة : مو احنا قلنا لك توظفي شغلي شهادة اللي راميتها بالدرج بس انتي اللي مو راضية
عبير : وانا جاتني وظيفة وقلت لا يا يمة الله يهديك بس
وليد : ليش ما تخليني اكلم لك راكان يوظفك بشركة ابوه ؟
عبير : ما احب ومالي مجال بالعطور ولا افهم فيها بعدين روان قالت لي ان ابوها يرسل الموظفين للهند سنه كاملة عشان يتدربون وبعدين يتوظفون رسمي
عايشة : مو انا لو كلمت خالتك اكيد بتدبرك بأي شي غير انك تسافرين للهند بس انتي عنيدة
عبير : وللي يعافيك يمه ما ابي ولا هو طموحي من الأساس
مر ابو وليد وسلم وعليهم : صبحكم بالخير .. وليد لاتنسى عجل على اختك لاتتباطون ثم يروح الوقت يلا فمان لله
ام وليد توها بتتكلم الا طلع وسكر الباب وراه : ياربي تعال اكل لقمتين بس هالفطور كله من له
عبير : خليه يمه ابوي مستانس بوظيفته الجديدة
ام وليد : الله يوفقه يا رب ويثبته فيها ما قلنا شي بس ياكل عالاقل
وليد : اجل شرايكم
عبير : شعندك
وليد : ان شاءالله لارجعت من الجامعه ابشتري كيكه لابوي نوسه ونفرح له
ام وليد بحسرة : ي قلبي انت القرشين اللي معاك يادوبك خلهم لك وانا بسوي الغدا اللي يحبه ابوك وباخذ من جارتنا ام صالح شوية حلاو جلي واسويهم
وليد : افا عليك .. ابوي ياما قطع نفسه عشانا هالمره انا برد له الشي البسيط
دخلت لمى عليهم وهي نعسانه : وليد يلا انا جهزت
عبير : هههههههههه عبايتك لابستها بالمقلوب منتى حاسه ؟
نظرت لمى لنفسها وقالت : يوووه وفسختها وقامت تعدلها
ام وليد : ياخيه هالبنت ماافمها ابد انتي ذابحك السهر طول الليل ع وشو بفهم بس ؟
عبير : تنتظر وليد اكيد عشان يقولها قصه قبل لاتنام نفس كل يوم ههههههههههههههههههه
ام وليد : وااخزياه استحي يابنت اخوك كبر وانتي كبرتي مايصير اللي تسوينه
لمى : وليد وعارف نظامي ماانام الا ع صوته وهو تأخر امس وش اسوي يعني المهم يلا مشينا
وليد : ماني ماشي لين تخلصين كاسة الحليب
لمى : مالي نفس ابي اخلص هالاختبار وارتاح وتاليها ابلع
عبير : كيف بتركزين طيب ؟
وليد : اسمعي كلام اخوك وتعالي مالي خلق يتصلون علي المدرسه بنتك دايخه بنتك تعبانه وانا عارف ان مافيك شي بس قلة اكل
ام وليد : غصب تتعب لا اكل سنع ولا حركة اقعدي يلا وقابلي اخوك
عبير : وليش يكلمونك انت ؟
لمى وهي تجلس ع السفره : انا عطيتهم رقمه بدل ابوي عشان م يغثونه
_
في الحديقة على طاولة الطعام , صوت فيروز ورائحة ورد الحديقه مالية المكان .
اسرار : احب حديقتكم شرحه والجو حلو ما دري ليش كل ما اجيك تقعدينا داخل
روان : اخلصي شسالفتك صحيتني من نومي عشانها
اسرار بهدوء : امس طلعنا
روان : نعم ! انتي وماجد !!!
اسرار : ايه رحنا السنما وتعشينا بس
روان بصدمه : وبس
اسرار : ههههههههههه شفيك لا يروح تفكيرك بعيد ترا مالمسني
روان : وابوك
اسرار : ابوي سافر امس مصر يومين وبيرد
روان : ياقلبك قلباه .. انتي كيف كذا بالله !! ماخفتي يحطلك شي بالعصير ولا الاكل !! وتاليها يسوي اللي يبيه
اسرار : مستحيل ما سواها من سنتين بيسويها الحين ؟ روان انا احبه وثقتي فيه فوووووووق ما تتصورين
روان : دامه كذا ما سألتي نفسك ليش ماتقدملك
اسرار : نسيتي ؟ اكثر من 6 مرات جاني وابوي هو اللي واقف بينا على غير سبب
روان : معناته مالكم نصيب ف بعض
اسرار : يعني شنو ! اتركة ؟ اموت مااقدر
روان : أي اتركية جد هالوضع مو مطمني انتي قاعده تنجرين معاه بدون وعي انا متأكده بيجي يوم وبتندمين
اسرار : روان تدرين اصلا انا ماافتح قلبي لأحد غيرك وهالكلام اللي اقولة وسواليفي مع ماجد مو عشان تغثيني وتقولين بتندمين ! بلعكس انا اقولة لاني احسك مثل اختك واكثر ولان انا ما أأمن اسراري مع احد غيرك
روان : احسني اخايفه عليك طيب
اسرار : ي قلبي انتي صدقيني مابيصير شي ولو بيصير صار من زمان
_
صفط سيارة على جنب ونزل منها متجه للكلاس وهو يسترجع اخر ما حفظه " قانون التكرار النسبي هو يساوي تكرار الدرجة تقسيم مجموع التكرار النسبي الــ....." واثناء مراجعته صدم في شخص وطاحت أغراضة على الأرض وتناثرت منها بودرة بيضاء في المكان اعتذر وليد من الشخص وقال له : اسف اخوي واخذ يساعده في حمل اغراضه عن الأرض لكن الشخص اللي قدامه عطاه نظرة تخوف وقال بنبره هادئة : راح تدفع الثمن غالي .
وليد : نعم ؟
فهد : اللي سمعته تقابلني بعد الاختبار عند مصفط السيارات والا ما بتشوف نور بحياتك .
وليد : اللي مثل اشكالك لو يهددون فيني من هنا لبكرة ما يحركون فيني شعره .
فهد : وانا ما اكرر كلامي ! انت ضعيت علي شي ثمين وراح تدفعه غصبن عليك .
وليد : تخسي والله , ومشي مبتعد من عنده متجه لراكان اللي واقف بالزاوية وقاعد يراجع في ملخصاتهم اللي لخصوها امس .
وقف راكان وسحب وليد عنده وقال : انت إيش عندك مع هذا ؟
وليد بهمس : تعرفة انت ؟
راكان : هذا أصلا مو طالب هنا هذا جاي يبيع اللي فــ باللي وبالك بس
وليد انصدم وقال : معقوله البودرة البيضاء هي مخـدراتـ........ !
ضرب راكان وليد ع راسه : تستهبل انت ؟ لا احسن سمع الجامعه كلها بصوتك ؟
وليد : غصب عني والله اني انصدمت
راكان : اسمع لاتروح له ولاتقرب منه مره ثانيه وشسمه راجعت الفصل الأخير ؟
وليد : أيه بركز ع القوانين الفصل الثامن هو اكثر شي مليان
راكان : خلك من الثامن الدكتور توه قال اكثر الاسئله من اخر فصل .
وليد : طيب وش باقي ع الاختبار
راكان مدة له الملخصات : مو كثير امسك اقرا
-
واقفة على التسريحة وتلعب بـ المكياج اسرار: روان ابي ارواجك وينها مغيرة مكانها انتي
ردت عليها روان وهي جالسة على سريرها وتطقطق بجوالها : بالدرج الثاني
فتحت اسرار الدرج وبدأت تنبش بالارواج وشافت دفتر مكتوب عليه من برا “my love “
فتحته وبدأت تدقق فالرسمة " هالوجهه موب غريب علي" وقالت : روان
روان : ها اسرار
اسرار : هاذا وليد ولد عمي صح ولا انا غلطانه ؟
روان فزت من مكانها وسحبت الكتاب منها وضمته لصدرها وقالت : اي هو وبعدين مو يعني انتي قريبه مني اسمحلك تدخلين بخصوصياتي مو من حقك ابد تفتحين الكتاب ولا تمسكينه
اسرار بصدمه : اشبك هبيتي فيني !!! ترا توني ما فتحت الا الصفحة الاولى واستغربت ليش راسمته
روان : كيفي ارسم اللي ابي
اسرار : إنتي تحبينه
روان لفت وجها عنها : لا ما احبه
اسرار : تحبينه تحبينه تحبينه , وسحبت منها الدفتر وقالت شوفي كم مره راسمته وكل ذا ما تحبينه علي هالحركات يا بنت حامد !
روان اخذت الدفتر منها وقالت : ايه احبه ارتحتي
اسرار : هههههههههههه شفتي لسانك اعترف
روان : اسرار ما ابي احد يدري
اسرار : حبيبتي انا سترك وغطاك وصاحبتك العمر كله قد خبيت عليك ولا فضحت لك سر ؟
روان : لا
سحبتها اسرار وجلسوا على طرف السرير : اجل تعالي تعالي وراي سوالف معاك انا
روان : فكيني بالله
اسرار : كلمتيه ؟ اعترفتي له ؟
روان : لا طبعا
ضربت اسرار راسها بيدها وقالت : غببببببباء كيف راح يدري عنك بالله الطير الاخضر راح يقوله يعني ؟
روان : اشبك انتي ما راح اقوله
اسرار : انتي ما تبينه ؟
روان : الا ابيه بس ما اقدر احس صعبه انا بس اشوفه ارتبك وما عمري قلت له شي او كلمته لحالنا
اسرار دقت صدرها بيدها : الخطه كلها عندي
-
بغرفتها كعادتها متعوده بهالوقت اللي يفضى فيه البيت تجلس ع سريرها وتنتظر يكلمها , رن جوالها بنغمه مميزة دق معها قلبها , رفعت جوالها وقالت : هلا راكان
راكان : كيفك عبير ؟ يالزين الصباح منك والله
عبير بإحراج : طيبه الحمدلله وانت
راكان : انا بخير دامك بخير
عبير : شسويت ب اختبارك ؟
راكان : وش احكي لك ادعي لي بس
عبير : افا ليش طول ليلكم تذاكرون انت ووليد
راكان : هالاستاذ ثقيل طينه واسئلته صعبه مثله .
عبير : لا تخاف استودع الله اجاباتك وما راح يصير لك شي ومبروك مقدما ياخريج
راكان بعفوية منه : الله يبارك فيك يا عمري , الا بقول لك
عبير : هلا
راكان: ما ودك تجين يعني قصدي يعني روان لها زمان عنك واكيد انك وحشتيها ومنها تشوفين امي وذا؟
عبير : اجي عشان روان بس اشتاقت لي؟
راكان : كل البيت مشتاقلك
عبير : ههههههههههههههه اوكي راح اجي
راكان وهو يطير فرح : زين تحتاجين توصيله ولا وليد بياخذك ؟
عبير : امممممممممممممممممم
راكان : ها شقلتي ؟
عبير بضحك : اشوف وليد اول وبعدين اكلمك
راكان : اوكيه انا ف الخدمة ترا
عبير : هههههههه تمام يلا باي
راكان : انتبهي لنفسك
عبير اخذت نفس عميق وقالت: وانت بعد
وسكرت منه وهي حاطه يدها ع قلبها من كثر ما ينبض بقوه وقامت من مكانها وفتحت دولابها تدور شي تلبسه .
-
روان : اسرار افكارك مجنونه مستحيل اسويها
اسرار : طيعيني
روان : لا
اسرار : الوليد ذا اللي شال قلبك راح يشل قلبه وحدة ثانيه غيرك اذا ما كلمتيه الحين و اعترفتي له بحبك، روان لفت بوزها مو عاجبها الحكي ، واسرار تكمل: يمكن اهو يبادلك نفس الشعور بس مستحي وينتظر اشاره منك
روان : ابي اوصل له شعوري بدون ما اتكلم فهمتي ؟ مابي انجرح لو ما بادلني نفس الشعور
اسرار: هممممم جاتني فكره
روان : شنو ؟
اسرار : اكتبي له رساله وفيها كل شي بس بدون اسم وحطي بالاخير رقمك وقولي اذا تبي تعرفني تواصل معاي ويادار مادخلك شر
روان : جبتيها
اسرار : اهههه اخيرا اقتنعتي بشي ، المهم اهم شي هو ما يعرف رقمك ذا
روان : لا م يعرفه واخذت الورقة والقلم علطول وبدأت تكتب كل اللي بخاطرها
-
قاعدة ع طاولة المطبخ تقطع الخضار وتحك عينها ذابحها البصل
وتنادي : عبييرتعالي ساعديني يابنتي .. عبييييير
دخلت عبير على أمها وهي بكامل زينتها : ها يمه
عايشه : ها يمه اجل ؟ وش هالكشخه ! وعلى وين رايحة ؟ تعالي ساعديني نجهز الغدا
عبير : لا يمه انا طالعه لبيت روان عازمتني ع غدا عندهم فالبيت
عايشه: زين مع مين رايحه
عبير: مع وليد كلمته
عايشة : طيب سلمي لي ع خيتي لا رحتي لها
عبير : ان شاءالله يمه , وخرجت من الطبخ ووقفت لحظات ع المرايا قبل لا تطلع عدلت شكلها وحطت طرحتها ع راسها وبينت شعرها من قدام وتعطرت وخرجت من البيت وهي تمشي بكل اناقه وهدوء وطلعت السيارة وجلست قدام وقلبها ينبض بقوه
نظر لها راكان بـ ابتسامه وقال: هلا هلا نورت سيارتي
عبير بصوت خافت : بنورك
راكان : ما اسمع
عبيربخجل : بنورك
ضحك راكان وقال : شفيك استحيتي ! اشوفك بالجوال مو كذا ابد
عبير حمر وجههاا بحرج وماقدرت ترد ، نظر لها راكان وهو يضحك اكثر
عبير : لا تضحك ترا هاه انزل ؟
راكان : لا لا خلاص , وحرك السيارة ومشي , عم الهدوء بينهم لحظات ونظراتهم لبعض وصوت دقات القلوب هي اللي تحكي قطع راكان السكوت وقال : ايش تحبين تسمعين ؟
عبير : اي شي
راكان : اوكي ابحط لك من عندي
" قد المطر كثر الشجر .. حبي الك مالة عمر
بس يبتدي ما ينتهي .. ولا ينتهي بيوم وشهر
حبي الك فاق الوعود .. مثل السما ماله حدود
انت الي سر الوجود .. وانت حياتي واغلى شي
مهما علي تقسى وتغيب .. تبقى الي اغلى حبيب
مثل الرمش مني قريب .. كلشي حلو القاك فيه
مهما يمر بينا العمر .. شما تبتعد ابقى انتظر
لا ما امل ابقى اشتعل .. ما انطفي مثل الجمر
قد المَطَر كُثْر الشَجَر .. حُبِّيّ آلكِ مالهُ عَمُرَ
لو بالحلم بس تبتسم .. صحى ولا بقلبي القى هم
واتذب ملح ما حس بألم .. من نظرتك انسى الهموم
وياك اوصل للغيوم .. عني اذا تغيب انت يوم
ما يستمر قلبي يدق .. كل شي معاك احساسه غير
حتى الدمع ضحكة يصير .. من غير جنح معاك اطير
وانت الي اجمل عشق .. انت الي ناسي وهلي
حبك يعيش بداخلي .. لو تبتعد يموت الورد
لا ما يرد فيه العطر .. قد المَطَر كُثْر الشَجَر
حُبِّيّ آلكِ مالهُ عَمُرَ.. بَسَّ يبتدي ما يَنْتَهِي
وَلا يَنْتَهِي بِيَوْم وَشَهَّرَ "
غمضت عيونها ورجعت راسها لورى وهي تسمع الاغنية هالكلمات خذت عبير لبعييييييييد ولا شعوريا حطت يديها على يده
راكان ارتبك مكانه وانتظر لين ينتهي اخر مقطع وقال: عبير ؟
فتحت عبيرعيونها وسحبت يدها : ها
راكان : اخبارك
عبير بربكه : زز.. زينه الحمدلله
راكان ماسك ضحكته وقال : أحم حمم طب شرايك نسحب ع روان والبيت كله ونطلع نتغدا برا
عبير بصدمه : لا لا راكان واللي يعافيك ترا ما حد يدري اني طالعه معك مو بعد اروح مطاعم
راكان : خلاص اوكي بمشيها لك هالمرة
تنهدت عبير : أوه اشوا
راكان : طيب بما انك معاي عند لك مفاجأه
عبير : راكان ما احب المفاجأت
راكان بصراخ : استعدييييييييييي واخذ الدعسه وصار يفحط وعبير تصارخ وهو ميت ضحك عليها
-
اسرار : ما خلصتي
روان وهي تكتب : لا
اسرار نطت عليها وتسحب منها الورقه : هههههههههههههههههههه بشوف وش كاتبه
روان سحبتها منها وقالت : نذله ما راح اخليك تقرينها الا اذا خليتني اقرا محادثاتك مع ماجد
اسرار : اوف كروس لا والف لا بعد
روان : خلاص اجل اتركي كلن مع حبيبه
اسرار : ههههههههههههههههههههههههههههه ياعيني من الحب صرنا نرمي حكي وحكم
صوت طرق الباب ، اسرار بصوت عالي : اتفضااااااالللل
روان : خير وش اتفضل يمكن اخوي
اسرار وهي متعمده : عادي انا ما استحي منه ركوني حبيبي اشفيك مستحي تعال ادخل
روان : مالت عليك بس حمدلله انه ما يحبك
عبير مسكت اعصابها وهي ورا الباب لا تقوم تفلتهم واخذت شهيق ثم زفير ودخلت : السلام عليكم
روان قامت من مكانها تهلي وترحب فيها واسرار ما عبرتها .
روان : شخبارك انتي زمان عنك
عبير : الحمدلله وانتي كيفك
روان : الحمدلله والله انبسطت بشوفتك وين لمى ليش ما جبيتها معك
عبير : ههههههه قلت اسوي لك مفاجأه
اسرار بإمتضاض : فاجئتينا كلنا الصراحه
عبير : هه هه عسا قلبك ماوقف بس
اسرار : بلعكس زادت دقاته بشوفتك قام الخافق يهلي
عبير : اي واضح
روان : بسكم عاد اتركيها عبير ما عليك منها قولي وش اخبارك انتي
عبير : الحمد لله ماشيه احوالي
قامت اسرار وفتحت دولاب روان واخذت فستان احمر ضيق وقصير وقالت بغمزه : رواني احسسه بيطلع خيييييال حق موعد الغرامي اليوم
روان بصدمه : اسرار اتركيه اصلا هاذا ما ينلبس كذا
اسرار : اشفيك ترا مرررره حلو وخلي جسمك ***ي ومقسوم
روان : اسسسررررااار !!
عبير بصدمه التفت لروان : روان ! انتي اخر وحده فكرتها تتأثر بالحشرة اللي قدامي للأسف طحتي من عيني !! وقامت من مكانها وخذت شنطتها وخرجت من الغرفة
طاحت اسرار ع السرير وهي ميته ضحك وروان معصبه ع اخرها : ابد ابد ماكان لك داعي وش هالحركات منك ي اسرار !! خليتي عبير تفهم كل شي غلط ! ما ادري متى بس بتواطنون بعض اهي بنت عمك ف الاخير ليش تسوين كذا كفايه خلاص تعبت منكم اثنينكم لا تقابلتو كأنكم ابليس ! بروح اشوفها واطيب خاطرها
اسرار : تروحين لها وتخليني ؟ ترا راح اروح حتى انا بعد
طلعت روان من الغرفه وهي تقول : كيفك , ونزلت من الدرج وشافت عبير قاعدة بالصالة المفتوحة ع الحديقة الخارجية جلست جنبها وقالت : عبير انا كم مره اقولك انا مب راعيه الحركات ذي وانتي تعرفيني زين وبعدين إنتي مثل اختي مالك دخل فاللي تقوله اسرار تعرفينها غبيه وتحب تستفزك
عبير : روان لو سمحتي خلاص انا لو دريت ان هي عندك من الأساس ما كان جيتك تعرفين الماضي اللي بينا لا تحاولين تصلحين
روان : ما أحاول اصلح بس ترا كل شي بهالدنيا يتغير من قبل كانت أمها هي اللي تحرضها عليكم , بس ماتت خلاص وهي في الاخير مالها غيركم انتو بنات عمها الوحيدين امسحوا كل اللي فات وخلاص خلونا مع بعض
عبير : يختي ما شفتي كيف لسانها ؟ مين يتحملها ذي
روان : ساعات لسانها مبتري منها بس قلبها ابيض
عبير توها بتكلم الا تسمع صوت ضحكت اسرار بأعلى صوت ودخله مع راكان البيت ، لكن راكان طلع فوق وهي جلست معاهم
روان : اسرار احسبك مشيتي !
اسرار جلست وحطت رجل ع رجل : كنت بمشي وقابلت راكان ف طريقي ورضاني بكلام حلو ورجعت ولا لو عشانك انتي وهي ما جلست
عبير انصدمت وقالت : هاذي طيبة القلب يا روان
روان : اسرار صدق هالكلام
اسرار : شمصلحتي اكذب مثلا
عبير وصلت اخرها وقالت : انا رايحه
روان بتحطيم : عبيير ، تركتها عبير ومشت خارجه
روان بعصيبة :اسرار والله عيب
اسرار : اسكتي اصلا ما قابلت راكان ولا شفته
روان : اجل ليش كل هذا
اسرار : شفتيها كيف قلب وجهها يوم جبت طاري راكان
روان : اسرار ذا ماله دخل ف حركتك اللي سويتها تو مع عبير ليه
اسرار : يا حبي هي وش مصلحتها تزعل لاني قلت اني مع راكان ولا غيره
روان سكتت وقالت : كيف
اسرار : لا نها تحبه يا غبيه
روان بصدمه : نعمممممممم !!!!!!!!
اسرار : اي تحبه وما قلب وجها وما عجبتها السالفه الا لاني قلت اسمه شفتي كيف
روان : يمه تهيقن يحبها بعد ؟
اسرار : ما يندرى
روان : اممممااا ! بس هي اكبر منه وهو اصغر منها كيف كذا !
اسرار : عادي الحب ما يعرف عمر
-
وقت الغدا على طاولة الطعام
بسمه : اهلين اسرار
سلمت اسرار على بسمه "ام عماد" وقالت : هلا خالتو كيف حالك وحشتيني؟
بسمه : يا زينك والله هالبيت ماله حس من غيرك
اسرار سحبت لها كرسي وجلست : بعد عمري خالتي
راكان بإستغراب : وين عبير؟
روان : مشيت
راكان : ليش
اسرار : عندها شغل بالبيت استأذنت منا وراحت
راكان : اهاا
روان : وين ابوي يمه
بسمه : ابوك بيتغدا متأخر واظن بعد بيتغدى بشركته مو ملحق عندنا
اسرار : احس السفره خاليه من غير عماد وينه
راكان : عماد مسافر دوره وراجع
اسرار : اي ادري بس وش هالغيبة الطويلة
روان : الا صح يمه ماقالك متى بيرجع
بسمه : اذكر قالي مدتها ٦ اشهر مادري اذا مددوها زياده ولا لا ماعطى خبر بالمره امس يوم كملته , كملوا اكلكم بعافيه.
-
وصل وليد لبيت خالته وطلعت عبير ورا بدون ماتنطق بحرف .
لمى التفت وراها : عبير شوفي الكيكة اللي اشترها وليد شرايك فيها ؟ كتبنا عليها الف مبروك الوظيفة الجديدة وانا خذيت له باقة ورد صغيره انتي ما تبين تهدين ابوي شي ؟
لفت عبير وجها لشباك وقالت : اتركيني بحالي
نظر وليد لانعكاس عبير ع المرايا مستغرب منها ثم نظر لمى وأأشر لها " لا تتكلمين معها "
لمى بإستغراب : طيب
كملوا طريقهم للبيت ونزلت عبير بسرعه ولمى تناديها : ما تبين تقعدين معانا ؟
وليد : شكلها متضايقه
لمى : يمكن ؟ بس أصلا هي ليش راحت عند روان
وليد : معقوله تهاوشت معها ؟
لمى : اكيــــد ولا مين بيكون مضايقها ؟
وليد : لا لا حرام نظلم البنت خلينا ندخل وتاليها نشوف
-
دخلت عبير البيت وصكت باب غرفتها ورمت نفسها على السرير وانهارت بالبكاء .. بنفس الوقت رن جوالها بنغمة مميزة ,عرفت ان هو وصكت الخط بدون ترد , أرسلها مسج " اذا ما رديتي راح البيت "ورد اتصل فيها مره ثانية .
فتحت عبير الخط لكن ضلت ساكته وما تكلمت وبس صوت شهقات بكائها هو اللي كان واصل .
سمع راكان الصوت وانكسر قلبه : عبير ؟ عبير ممكن تكلميني ؟ ليش طلعتني من بيتنا ؟ انا ادري صار شي خلاك تزعلين
عبير : .....................................
راكان : افا انا راكان ما تردين علي ؟ قولي لي مين مزعلك وانا والله اذبحه قدامه
خذ عبير نفس وقالت : يعني تذبح عمرك ؟
راكان : ها ؟
عبير : انت انسان حقير كيف تلعب ف مشاعري بهالشكل انا الغبيه اللي صدقت ان ممكن تكون اقرب شخص لي وغير عنهم كلهم لكن للاسف طلعت انا غبيه وانت تافه مثل التافهة اسرار جد انكم اصلا لايقين ع بعض
راكان بصدمه : عبير مين قالك كنت مع اسرار اليوم ؟
عبير : لا تمثل وتضحك علي انا شفتكم داخلين مع بعض وصوت ضحكتها واصل لسما وكانت بتطلع وانت اللي رديتها
راكان : كذابه هالانسانه كذابه اقسم لك بالله مابيني وبينها ولاشي ولا تكلمت معها قالت كذا عشان تغضيك
عبير : يعني ما صار بينكم شي!
راكان : ابد تطمني
عبير: طيب خلاص تطمنت
راكان : كل ذا عشان اسرار ؟
عبير : ايه اكرهها من كل قلبي هالانسانه
راكان : طيب روقي وانسيها خلاص
عبير سكتت شوي وقالت : راكان
راكان : عيونه
عبير : انت ليش سألت عني بعد ما رحت ؟
راكان : بتطمن عليك اكيد
عبير : بس تتطمن ؟ ماتبي تقول شي ؟
راكان : لا بس اتطمن عليك
عبير تحطمت وقالت : اوكيه تبي شي بنام؟
راكان : نوم العافيه
اغلقت عبير الجوال وحطته ع جنب " خبله انا فضحت نفسي بنفسي اكيد اسرار وروان فهموا السالفة وهذا الغبي موب راضي يفهم شي ".
_
دخلت روان غرفتها وهي لافه جسمها بالروب بعد ما تحممت وشافت اسرار قاعدة على تسريحتها وتحط مكياج مشت لعندها وقالت : تراك خلصتي مكياجي اليوم
التفت اسرار لها وهي تمسح اخر بقايا البودرة على وجهها بالفرشة : طالعه
روان: يا سلام , على وين !
اسرار : مع حبيبي مليت من جو الطفش اللي احنا فيه
انصدمت روان وتوسعت عيونها : احلفي
قامت اسرار من مكانها وهي تقول : غباء ما يحتاج حلفان لاني خلصت ولابسه عباتي
روان : ماجد؟
اسرار : طبعا مين بيكون غيره
روان : مو امس كنتي معاه ! خلاص عاد اجلسي عندي اليوم
اسرار : راح اجيك ف الليل, الا صح ليش ما تجين معانا ؟
روان : شدخلني اجي
اسرار : تتعرفين عليه , كلها ساعه ما راح نطول
روان : لا لا انا مقدر اساسن ابوي واهلي لادروا قصوا راسي
اسرار : اهلك مين ياحياتي ؟ ههههههههههه تقول اهلي هه ههه اهلك مين بس ابوك اللي في شركته ولا امك اللي ف جناحها وقافله على روحها ولا عماد المسافر ولا اخوك راكان اللي قافل على نفسه يعني مره ماحد داري عن احد
روان بتردد : اوكي بس ساعه ما نطول اكثر ؟
اسرار : أي أي يلا عاد بلا مصاخه تنكدين علي بعد
روان : طيب انتظريني اجهز واتجهمت لدولابها تدور شي تلبسه وهي تقول : مين بيودينا
اسرار : حجزت تكسي
-
جلست وليد ع الكنبة وهو يتنهد : ها يمة كل شي جاهز ؟
دخلت عايشة وهي تبخر المكان : أي باقي 10 دقايق ويوصل ابوك
وليد : اوكيه , بروح اتحمم انا
دخلت عبير عليهم وهي تقول : يا سلام على ريحته طبخك يا يمه وش طبختي
عايشه : الله رزقنا بشوية لحم قلت اسوي كبسة لحم بالبطاطس اللي يحبها ابوك
نظروا وليد ولمى لبعض وضحكوا على شكل عبير مسرع ما تغيرت بعد ما كانت معصبه ومو طايقه احد !
عايشة : شفيكم تضحكون
لمى : هاذي هي ع المزاج ما تتغير
قام وليد من مكانه : ولا شي يمه , بروح اتحمم قبل لا يوصل ابوي
ولحقته لمى : وانا ببدل ملابسي
عايشة : عبير جيبي العصير من الثلاجة
عبير : ان شاء الله يمه
-
ف السيارة بطريقهم للمطعم اللي متواعدين فيه , روان تهمس : وجعلنا من بين ايدهم سدا ومن خلفهم سدا ف اغشيناهم فهم لا يبصرون , وتكررها طول الطريق
التفت اسرار وهي معصبة منها : بس يا روان وترتيني خلاص ! منت مرتاحه ردي البيت
روان : خايفه يا اسرار ابوي معارفه كثير واخاف يقفطوني
اسرار بملل : يالله خلاص اساسن وصلنا والكلام ماينفع الحين كلها ساعه وراجعين افففففف .
نزلوا من السياره ودخلوا المطعم .اول مادخلوا التفت اسرار يمين شمال تدوره لكن تفاجأت بشخص سحبها لحضنه من ورى وحضنها بقوووووه .. شمت ريحه عطره وعرفته : ييياااعمممري والتفت عليه وباست خده : وحشتني حبيبي
ماجد : عيون حبيبي وقلب حبيبي وروحه وحشتني اكثر كأني مو شايفك من سنة يا حياتي
اسرار التفت لروان : فديتك والله , أمم هاذي روان صديقتي
ماجد مد يده يسلم : تشرفنا روان اسرار تحكي لي عنك كثير
روان كتفت يدها وقالت : الشرف لي
انحرج ماجد من حركة روان وقال : شرايكم نجلس ؟
اسرار : معليش حبيبي اصلا روان اول مره تطلع و تقابل احد غير اخوانها عشان كذا اعذرها ما تعرف تتصرف
روان : اتصرف مثل ما ابي فهمتي
ماجد : اوكي , يلا نجلس ونكمل كلامنا بعدين
_
دخلت وليد غرفته لمى وهو لاف المنشفه على خصره وكل جسمه مبلول نظرت له لمى بأستغراب : شفيك وليد ؟
وليد : ما عندي ولا بجامه البسها انا متأكد كلهم عندك
ضحكة لمى بعفوية وقالت : انا ما عندي الا وحده زرقا والباقي ما ادري عنه
وليد : ماني مصدقك افتحي دولابك خل اشوف
لمى : يوه وليد مالي خلق انبش بملابسي امس اللي مرتبه دولابي
وليد : اجل خلك مرتاحة , وفتح دولابها وشاف كل بيجاماته مخبيتهم عندها نظر فيها بنص عين وقال : هذا اللي ما يدري عنها وانا دولابي كله عندك ؟
قامت لمى من مكانها ووقفت عند دولابها : لو سمحت خذ وحده بس
وليد : وتتشرطين بعد !!
لمى : أي حبيبي اتشرط ملابسك صاروا لي
وليد : ان لله عطيني بيجامه بس وخلي الباقي لك
.. صوت عبير تنادي" ابوي وصـــل "
لمى : خلاص خذ والبس هنا وانا بطلع ..
_
جالسين ف المقهى بين زحمة الناس حتى لا يشوفهم احد , بين لخبطة المشاعر مابين الحب والخوف .
ماجد وهو يرحب بصاحبه اللي انظم للجلسة معاهم ع الطاولة : منصور صاحب المكان وروان وطبعا حبيبتي اسرار اكيد مو غريبه عليك
منصور : اهلين والله تشرفت فيكم كلكم ونورتي المكان ي روان
ابتسمت اسرار لروان وناظرت بعيونها كأنها تقول " جربي واجلسي معاه "
روان بـ ابتسامه : مشكور
مسك ماجد يد اسرار وقاموا من المكان وهو يقول : اجل انا اخليكم تتعرفون ع بعض وبنروح احنا نتجول شوي
منصور : خذو راحتكم .. وجلس مقابل روان وقال : كيفك ؟
روان : الحمدلله زينة
منصور : خذي راحتك ولا تتورين اساسن انا متوتر اكثر منك ما عمري جلست مع بنت بحياتي بس انتي غير لفتيني من يوم ما دخلتي المكان
ابتسمت روان وقالت : كلك ذوق بس انا هالكلام ما يمشي معي عيال ونعرفكم تقلدون حكي بعض
منصور : ادري بتقولين كذا بس انا جد ما عندي احـد لاخوات ولابنات غيرهم انا وحيد امي وابوي وورثت هالمكان منه
روان انصدمت واخذت ع خاطرها كيف تجهمت عليه بسرعه بكلامها : الله يرحمهم يا رب
منصور : امين , قولي لي وش هواياتك وش تحبين ؟
روان : ما عندي امممم يعني احب الرسم والتصميم وكذا بس
منصور : الرسم والتصميم كفايه تخلينهم بزنسس مره كبير
روان : أي ادري بس ما افكر حاليا , اممم انت وش هواياتك ؟
منصور : عندي مره كثير , السباحه , الخيول , الادارة
روان : خيول ! وش تسوي يعني
منصور : عندي اسطبل كبير كله خيول أنواع واشكال لازم تشوفينه
روان : واو بس انا عادي مو مره احب الخيول يعني اذا مره ممكن اميل لطيور
منصور : لا اذا شفتيهم عندي راح يتغير رايك
روان : هههههه " يصير خير لاجيت عندك"
منصور : م قلتي لي شنو تخصصك ؟
روان : مادخلت جامعه
منصور : ليش ؟ باين عليك شاطره
روان : ههههههه لاني ما احتاجها
منصور : احب الواثقين هههههههههه .. وسكت شوي ثم قال بهدوء .. روان
روان وهي تشفط من العصير : هممم ؟
منصور : بصراحه انا ابحث عن علاقه جاده
روان نظرت فيه بصدمه : يعني ايش !
منصور : انتي لفتني وعجبتني وحاب اتعرف عليك اكثر واتقرب منك اذا ما تمانعين
روان : بس انا احب واحد ومـا.....
منصور بمقاطعه : وهو ؟
روان : وهو يحبني
قام منصور من مكانه وقال : الله يوفقك وياه
روان : لحظه منصور
منصور التفت لها بعد ما مشي بمعني " شفيك "؟
روان : اقدر اعطيك فرصه
.
.
نهاية البـــارت الـــاول
|
25-06-19, 03:01 AM
جديد مواضيع قسم الروايات المغلقة
العرض العادي
