5) اوراق صفراء تساقطت على الرصيف













المغرب
في البر
جالس مع اصحابه حول النار
لو مااصر عليه صاحبه خالد ماجاء وهو صح يحب طلعات البر لكن مع احد نادر يطلع معهم
خالد هو ينفخ النار بقطعة كرتون
:صقر يالله دام جلسه على نار ماتحلى الا بسوالفك
صقر ابتسم ب مجاملا : ابشرو ابقولكم لغز يالله الا يفوز هديته علي
تكلم واحد من اخوياه زياد : اجل فيها هديه قولو مدام العبقري زياد فيه
خالد حذف عليه علبة منديل: انت اخر واحد يتحدث عن العباقره
صقر يعدل لثمته على وجه : طيب خلو لكم من لغزي الحين بقول لغز ثاني بس زياد
عشان نثبته ذكاءه
زياد : قول يالله اصلن مثوبت من زمان بس انتم ماثبتوه
خالد : ماعليك نثبته
صقر يحط يدينه قريبه من عند نار ب سلوب حلو يطرح الغز:
زياد لو جاءك واحد مايتكلم ويبغى مويه وش يسوي
زياد:سهله..
يسوي بالحركات يرفع يده فوق كانه يسكب مويه فمه: صح.. حس لغزك غبي

صقر : نعرف غبي مين طيب ... لو جاء واحد اعمى طلب مقص كيف يقول
زياد هو يسوي بحركات فتح اصبعه السبابه والوسطى وسوي نفسه يقص
صقر يضرب كف يده اليمين باليسار: مسوحن عقله يا زياد الحين هو عمى لكن يقدر يتكلم
خالد:ههههههه اثبتنا غباءه
زياد بتصريفه: اصلن لغزك مشقلب مادري كيف قايل
صقر يحس غير جو مع اخوياه:طيب لغز ثاني والله اللي يحله الهديه علي
زياد: هات يالله
صقر بصوت جهوري في بحه:

انشدك عن رجلا كبيرا مقـــامـــــه

يامر وينهى دون رجلين ويدين

احيان الناس تبغى منه السلامــــه

تمشي في دربه في جميع الميادين

زياد: قول بيت بيت حنا مانقيم صوتك
خالد : صقر مازمان اقولك لما كنا بزران مره مره قديم
زياد: ياللي المبزره صدق ..قول خل رجال يقول لغزه
خالد: تذكره يوم اقولك ان زياد مايستوعب مره .,انت تقول تودك دريت
صقر : والحين ثبتنا غباءه وعدم استوعابه
زياد بصوت حزين :انا اللي اعتبركم .."بصوته ال عادي:والله مدري وش اعتبركم
"قام : هاذي صدق الاخوه
مسكه صقر من يده وجلسه : ماتبي الهديه يالعبقري
زياد وهو يتربع : يالله., نسايتها ., " يناظر بخالد : كان فمك حكي(ن) ايه عرفت
تقول ليش ماخليته يروح عشان انا احل اللغز براحتي مافيه العبقري زيادوه
خالد : مصدق نفسه ذا.. انت ماحليت اللغز تافه اللي مثلك ..تحل ذا
صقر : خلاص ينعوب بليسكم انتم بزارين ..شكلي ابطل لا لغز ولاغيره
زياد : خالد خلاص بلا مبزره ..
خالد كان بتكلم لكن قاطعه صقر يقول: ترا مابقى على صلاه الا شوي
عاد اللغز مره ثانيه: انشدك عن رجلا كبيرا مقامه
..زين تسذا
زياد بحماس : ايه كمل
صقر هو يكمل البيت:يامر وينهي بدون رجلين ايدين
سكت ثم كلم عشان يستعوبون :احيان الناس تبغي منه السلامه
"وعاد نفس الحركه وسكت وكمل: تمشي في دربه في جميع الميادين
صقر :تراني ماني عايده مرة (ن) ثانيه
زياد بتفكير : والحين انا وانت نمشي معه
صقر بتسليك : ايه كل شي
خالد نقز: والله عرفته
زياد بخوف خايف انه عرفه:وش هو
خالد : التقويم حق الايام ذاك عرفته.. اللي في المسجد
صقر : ايه., ماقلتي وش تبي تكون الهديه
خالد من الفرحه قام يرقص ويلف فروه يمين ويسار
صقر ناضر زياد قي ضحكه من شكله: امسك الولد انهبل., وخف من الثقه شوي
زياد : خله ينهبل وش علي منه .., اصلن غشاش حالها من قوقل
خالد : ياالعبقري مافيه تغطيه هنا ههههه
زياد: اجل صقر انت معلمه...صقر
صقر : حنا من يوم جلسين مع بعض شفتن اعمله
زياد : طيب احلف
صقر : والله ماعلمته ترا اللغز قديم وسهل
خالد : وش الهديه
صقر :تروح مع اللي افخم اسواق العطورات تشتري اللي تبيه
خالد يحط يده على كتف صقر: هذا الخوي ولا بلاش
زياد : ترا والله هذا صديقك بس عشان مصلحه
خالد : اقول اسكت يالعبقري
صقر قام : لو دريت انه كذا ماكان قلت شي ولا بعد ماجيت معكم ..
يالله صلاه
خالد : الله يايعيني بالماء البارده زياد تعال صب علي
زياد : اقول اللي فوزك
خالد: بز والله ماتشوف يأذن" مسك الجركل : تعال صب
زياد : طيب " تقدم له

في نص وضوء خالد بحركه متعمده من زياد كب الماء البارد على رقبة خالد
نقز من شدة البروده
زياد بدلع يقلد صوت البنات يحط يده على فمه : يوه اسف ماكان قصدي
" وعدل صوته : عشان مره ثانيه ماتقول الحل
خالد : والله اني راحمك ولو احد غير كب عليك بركة مو جركل قم انلقع


..




بعد سوالف اللي نص الليل
الليله مقمره
والايام باردها
اكل راح للبيته



نجي في سيارة صقر

مشغل جواله على سورة البقره
بصوت ماهر المعيقلي
ويقرى معه


..
قبل يومين لما راح لشرطه يستفسر عن الموضوع اهل



مافيه اي نتجه
ولا بصمات
وحطو توقعات
يمكن عنده


عنده خلال في الكهرباء
او تسرب البنزين على chatmo
يودي الانفجار
او يمكن فعل احد...



كمل طريقه
حتى لوصل لبيت جدته
من بعد مات اهل اغلب وقته مع جدته






▪▪
























نايمه على الارض ولدها نايم جنبها
سمعت قفل الباب ينفتح
عرفته انه زوجها هو يملك مفتاح الباب
سمعت خطواته يقرب من عندها
خافت يكون سكران مثل عادته
او يكون يبغى حاجه منه يروح



ماعمره حس بالمسؤليه
متزوجه يتسلى فيه
وبعد متزوجها بسر بدون علم اهل
والمشكله مستواه المادي حلو
وهو مسكنها في حاره قديمه
والبيت الصغير لاسوى غرفه
حمام مطبخ وصاله صغيره

تذكرت لما علمته انها حامل
كيف انجن وعصب
شوي يقتلها
مااتدري وش قصته


اخذ ولدها وحط على جنب
قرب منها...
سلمته حالها....



في التالي
في نفس البيت
1:00م
قام ويحس نفس متكسر
من نومة الارض
مو تعود عليها

قام شافه في المطبخ
قال : ليه ماقومتيني اصلي

قالت في نفسها الحمدلله يعرف اصلاه
تحاول تجاهل: نومك ثقيل ..
طنشها دخل الحمام
ياخذ شاور
المتقرف منه ومن صغره

..

حطت صحن وفتحت الشباك
ونادت ولدها يلعب برا
: نواف تعال الغداء
: طيب الحين جاءي

: مخلى ولدك يلعب برا في الظهر
جلست في الارض وحطت يدها بتاكل شافت نواف : ماما روح غسل وتعال تغدا
نواف اول مشاف ابو رمى في حظنه : بابا
تميم برود وهو يطق طق في جوال؛ ايه
نواف بكلام طفولي : بابا ليه اللي عمرهم مثلي سته دخول مدرسه .يقولي
لي انت ليش مادخلت مدرسه
تميم ناظر فاتن: كم عمره
فاتن : ماسمعته يقول سته
تميم : وليه ماقلتيلي اسجله
فاتن بعصبيه قامت متوجه لغرفتها : هو ولدك وانت وادرأ فيه ... والمطبخ فاضي
مافيه شي ..

تميم : السنه الجايه ادخلك
نواف بفرحه : عشان اقهر عمر
يقول انت مادخلت المدرسه عشان ما عندك ابو يحبك





▪▪


دخلت رمت شنطتها على الارض وجاءت قدام المكيف
:يا الحر اف
رعد وستنشق ريحة طباخ امه دخل المطبخ وحط يده بياكل سلطه
لكن اضربته امه بيده: اصبر الحين تجي دليل وتقول عطيتي رعد ماعتطيني
ويعدن تقول اكبر حقت دليل وكذا اين تاكلون الصحن
جاءت دلال بصراخ: يمه انت حتى عادك رعد اسمي دلاااااااال
امها ضربت بالخزرانه: استحي صوتك يسمعونه اللي مادري وين
دلال : اااه حستوني اني حمار من كثر ماتضربوني
رعد انفجر ضحك: ههههههه حمار ثرثار بعد
دلال قرصت برجله
رعد : يارب يمه شو فيها شوهت جلدي
قاطعتهم دخلت جوري : بنام لاحد يقومني ليا العصر تشاو

وطلعت

ساميه هي تحط سفره في صاله : دليل جيبي صحن
دلال بيأس: دلال
رعد قبل يطلع حوس شعرها
دلال بصراخ : الا شعر اف .,
ساميه ؛ دليل والله اجيك الا اكسر العصا عليك
دلال: ايه
رعد جلس جنب امه: منالوه وين
ساميه: ربي بلاني مافيهم احترام راح تنقش وحده من الاجيران



جوري في غرفتها وغطت راسه بالمخده : اف منه مايخلون الواحد ينام







▪▪




كاعدته من سدح في الصاله على الكنبه وعلى الجوال وحاط سماعه .. يحفظ احد الاغاني مشغلها
ويكرر معها :
اوهو هو يا عشك موت .. اموتن بيك يالغالي
وقفل وكررها مره ثانيه: اوهو هو يا عشك موت .. اموتن بيك يالغالي
وشغل الاغنيه مره ثانيه: غير انت النفس مالي اعشقك ياقمر عالي عشق موت
تكلم ادريس: اخيرا ضبط اللحن وااااو
منذر جالس جنبه ويحضر بحث طلبه منه الدكتور: فاضي انت.. قوم ذاكر دروسك
ادريس بمزح: واااو قلبت من مطوع لدافور
منذر: قسم ليجي يوم تندم
ادريس : اصلن من قال اني ادرس جامعه ابوي حلاله يغطي العالم .. "ويغني:

يجيلك يوم تندم علي ماسويت
قول منك لله يكفي انا مليت

منذر : حتى مانسيت الاغاني القديمه
ادريس بدهشه مصنعه: وااااو يالمطوع تعرف الاغاني
منذر حذف عليه القلم : اسكت
ادريس : روح لغرفتك يالمطوع...لا تروع
وش فيني انا اليوم طربان هههخخه
منذر لم اغراض بحوثه طالع الغرفته اصلن مادري كيف يركز وادريس فيه

ادريس ورجع يغني وبنفس اللحن انشودها : صباح الخير ياورد يعطر غصني النادي
عبيره ريحة ..
والله فيني بلا حنا العصر وغني للصباح ههه
قام يوم شاف امه وعدل جلسته صفر مثل عادته كل ماشافها يصفر : هلا وااااو كل يوم تزيدي حلاوه
جلست امه على اقرب كنبه لها : اعرف مو لازم تقول
ادريس" والله لا اخلي الثقه زايدها تروح ههه: جوهرتي الثمينه ماعندك سهرا اليوم
جوهره الفنجال في يدها: لا اليوم ابوك يقول لازم اليوم كل موجود على طاولة طعام
ادريس : وااااو اجتماع عائله ههههه اجتموع على اكل خدامتكم انا بروح راكان
جوهره بعصبيه نزلت فنجال بصوت عالي: ادريس انا كم مره اقولك لا تروح لها
ماتفهم الناس مايبغونك لازم تكون غثيث عليهم
ادريس برود: تدرين والله اني احب اغث على الناس مدري ليه ههههه
جوهره : ايه طالع على ابوك
ادريس: واااو تسبين زوجك اعلم هههه
جوهره: حتى لو تقوله زوجتك بتذبحك عادي عنده
ادريس : اصلن العائله ذي بارده ماغير المطوع هه
قال بكذب :اقول جوهرتي امس قالي واحد من سواقين حقتنا قال خلاص
انا بروح مافيه شغل قلت ليه
قال ماما حق انتا كبير واجد فيه بتموت بعدين مافيه راتب
'بمزح : شفتي رحتي عجوز ماعندك زين انا لما اقول بس اجامل







جوهره: بلا كذب اصلن ولا واحد من السواقين شافني
ادريس هو مستمر في الكذب : مدري هو قال كذا


..

عند نارا طقت الباب غرفة منذر ودخلت
قالت مثل عادتها بدون لف دوران : بروح اهل نضال
منذر رفع نظره لها : متى بتروحين
نارا حمدت ربها انه ماقال شي: المغرب
منذر بعذر: لا نارا مشغول الحين وراي ابحاث خليها بكره
نارا هزت راسها وطلعت



▪▪




في قهوة العصر
كل مجتمع

صقر جدته سديم ساره راكان

وراكان مثل عادته نايم على الكنبه وحاط المخاد على راسه

سديم بملل جلسه مو مثل الاول كل ساكت الواحد اذا تكلم كلمه وحده يسكت
فلا تلوم امها فقدت ولدها ثاني الاول ابو رائد وثاني ابو صقر ماعنده الا بنتين

ساره : اذا جلسه كذا بروح
سديم بسلوب ترجي: لا ساروه اقعدي شوي
ساره : ملل
سديم: صقر وش بلاك ماتهرج .,هههه قلد لهجتك
صقر : مافيه شي اقوله
سديم بحسره: اف مااحد محلي البيت الا خزامى وسحبت علي راحت اللي الماسوه
كلمت كلامها متوجه الي ساره: ساوره تخيل ماتزوجتي ابوها كان مافيه خزامى
راكان رمى عليها احد المخاد على سديم وطاحت على فنجال في قهوه وانكب
على السجاد: اختي لا تقولين اسمها عند رياجيل
ساره : قصدك صقر ماهو معنا

فعلا صح صقر الجسده معهم وعلقه في شي ثاني .

الجده توها انتبهت السجاد منكب عليه القهوه
: منهو الكب على فرشتي
سديم : وحتى ذي ماهي معنا " وناضرت لراكان لي وراء امها يشر لها بالحركات
بمعنى اسكتي " ابتسمت بخبث: راكان والله ماما انه راكان
امها بعصبيه : روح جيب منشفه وصابون وتعال نظف يالله قم
راكان : يالليل الحين وش فرقت لو انتو نظفتوها
والله لا اوريك سدوم
سديم : اسمع كلام جدتك ونظف






▪▪


عند الماس


وخزامى تنقز فوق سريرها: يالله ياسريركم يالغنياء يجنن
الماس : انا الخبله الا .... مدري كيف اعزمتك
خزامى بحركه تشقلبت وانسدحت على السرير: اصلن انا جايه بدون عزيمه
انت وجه احد يعزم
الماس : طيب اسكتي وراي اختبار
خزامى بملل: يالله ربي بلاني بصحبات الغنياء وبخيلات مافيه ولاحده قدمت لي هديه لا في عيد ميلاد ولاتخرج ولا شي .. وثقلات دم بعد
الماس بصراخ : خزامى خلاص بلا ثرثره
خزامى : طيب بس بقول شي واحد
الماس بنفاذ الصبر: قولي يالله
خزامى: يازين بيتك بلا ازعاج ولا شي ماالومك لما تقولي لي ثرثاره
متعوده على الهدوء والله لو اسكن عندك عادي
الماس : خلصتي
خزامى هزت راسها : ايه
الماس : طيب الحين انطمي واصلن انا ماتحملتك ساعه بعد تسكني عندي
اعز الله باروح شهار (شهار مستشفى امراض نفسيه)
خزامى : ككك





▪▪


كل مجتمع على طاوله
نارا ابوها امها ادريس
مافيه الا صوت ملاعق سكاكين


ادريس بملل: انت ليه ماتكلمون ولو تشفون جلسة اهل راكان ضحك وناسه
وجلسه على الارض
جوهره: بعد قول ابسكن عندهم
ادريس: هههه لو اقدر عادي اسكن عندهم
راشد : ما احد ماسك روح لهم
ادريس: واااااو الابو الحنون موافق باقي جوهرتي الثمينه
جوهره : كمل اكلك قم روح لغرفتك
ادريس: افهم انها طرده بس بسلوب ثاني هههخ
جوهره: افهمها مثل ماتبغي
ادريس : لا كذا مو منطق
راشد : اجل المنطق اكل وانت ساكت
ادريس: حاضر ...انتم تبغونا اصنام










نهاية البارت

حسابي السناب لتحديد
موعد البارتات xxxxxxxxxx

6) اوراق صفراء تساقطت على الرصيف













يوم جديد على ابطالنا





منهم من يصارع المرض والحزن........"صقر"
ومنهم من يشكي حياته في الرسم..........."نارا"
ومنهم من تحمل القسوه في الصغر والكبر...."فاتن"
ومنهم من مشى على خطوات قلبه............"جوري"
ومنهم من لايعرف حقيقته من يكون.........."الماس"
ومنهم من يقضي وقته في حفلات وسهرات ... واهمل تربية اولاده.."جوهره"
ومنهم من قضاء ثلاث سنين في السجن وقريبا قصاصه.."نضال"


..


منهم من خلفه سر لايعرف الا صديقه "غيث"
فمن هو هذا الشخص ..؟




















في احد السجون
في مدينة الخبر













منسدح على الظهر
ويده تحت راسه



ندم على مافعله ..كيف تدمر حياته على شخص مايستهال
ماستقبله.. احلام.. طموحاته.. امنياته...
كلها انتهت من دخوله السجن
مافيه شي واحد يفعله
الا الدعاء والمغفره



هو شخص متهور لم يضبط اعاصبه وقت الغضبه .. ولا تعوذ من الشيطان
باقي عن قصاصه ثلاث شهور وثلاث اسابيع
يبغى يشوف اشخاص قبل موته
منهم تؤمه اللي نفس طبعه متهور اناني مغرور
وامهم نادرا ماتزورهه
واشخاص اكثر
منذر
نارا
زوج امه عبد العزيز


لتفت اللي مقرن و ياسر وتكلم بصراخ: هيه وانت وياه دوختو راسي ترا عندي عادي قتلكم مثل ماقتلت غيركم
واحد من سجون: طلعلك لسان ورحت تصارخ وحركات..
تكلم نضال: روح بشر امك
تكلم: ههههه مااقدر ماتشفونين في سجن
نضال يحس يشي بداخل وده يطلع حرته فيه : اقلب وجهك وثقالة دم عني
قام وكف كمومه: انت تبغي واحد يعدلك
نضال عطها نظرخ استهزاء وطنش الوضع
تقدم له مسكه من اعلى ثوبه قال : اسمع اذا انت قاتل واحد وثنين انا قاتل ثلاث
اشخاص.. تبغي تكون منهم
نضال دف على وراء وجلس مكانه بحزن : كلها كم شهر واموت مو لازم تقتلني يحكم عليك مده اطول
جلس جنبه صاحبه : نضال لا تيأس من رحمة الله
خل عندك امل في الله
نضال هز براسه بمعنى ايه
اتجه نظره اللي مقرن وياسر اللي عايشين الجو نكت وضحك
كان يقول في نفسه ياليت اكون مثلهم انسى واضحك وكاني عايش في حريه




▪▪












الظهر
طالعين من المدرسه مع رعد
يمشون في الشوراع حارتهم الفقيره
مرو من عند البقاله
وقفت دلال تكلمت حطت يدها على بطنها: يالله اني اشم ريحة بساكيتهم
جوري:بلا هبال انتي كيف يعني تشمينهم وعليهم غلاف
رعد بسخريه : انا اقولكم من زمان خشمها كبير ..شكلها امي متوحمه بك ب فار هه
"لتفت لجوري ومسك اذنه وقرب منها وتكلم :كاني سمعت تقولي غلاف متى التطور
ضربته دلال بكتفه : وترا انت لا تنسى نفسك لما اجيب بطاطسات من المدرسه
تسرقهم وتاكلهم .. وبعدين وش فيها اذا قالت غلاف وتطورت
"ضربته مره ثانيه على راسه :وانت خلك على قرطاس
رعد بتأفف: اف يادليل منك تكلمي بدون تضربين
دلال ضربته برجلها في ساقه بصوت عالي:دلال اف.. والله دلال حتى ابله حصوص تنادين دليل
رعد بصوت اعلى ماسك ساقه : هيه ترا زوديها وانا ساكت لا الحين يجيك تكفخ
دلال : اقول اسمي زين وابشر بدال اضرب بوسات
رعد : يع ..اجل الضرب احسن
دلال مسكت شعره وبقوه وفكته وصرخ رعد :ااه
دلال :انت ماتقول اضرب ازين
جوري بملل: عاجبكم اصراخكم وقفتكم هنا قدام بق
"كانت بتقول بقاله لكن غيرت وقالت: سوبر ماركت
رعد ودلال انفجرو ضحك:ههههههههه
رعد ماسك ضحكته: ياهبله ياغبيه والله مادري وش اقول اسمها بقاله ترا عادي
الاغنياء يقول بقاله بعض اتطور مشكله
دلال: صادق اول مره تقول شي كويس
جوري طنشت الوضع مشت : انتم خليكم تتأملون سوبر ماركت
رعد بصوت عالي : ترا لو امي درت رحتي لحاك مالي شغل
استمرت ولا هامها احد



رعد ودلال لا زالو واقفين قريب قدام بقاله

رعد :دلال
"رعد نطق اسمها صح لما يكون يبغى شي منها
دلال :قول وش تبي بلا مقدمات ولاشي
رعد :والله كنت باامدحك ودلعك بس ترا انت قلتي بلا مقدمات
دلال بنفاذ :هاذي مقدمه اقول اخلص
رعد مد يده: عطين لو ريلين ازيدها مع افلوسي وشتريلك ودلعك
دلال تحرك يدها عشوائي :مطفرها ماعند ولاشي "وسكت شوي ثم قالت: كم معك
رعد يحرك اصبعه السبابه والوسطه : ريلين
دلال طلعت من شنطه ثلاث ريال مدته له:امسك وجيب احلا بساكيت

رعد دخل البقاله
ودلال تنتظره برا
انتظرته عشر دقايق ودخلت بقاله ماعاد لها صبر في الحر ذا
وقفت عند باب بقاله مصدومها بصوت عالي من حسن حظها مافي بقاله الا العامل واطفال صغار:
اقسم بالله نذل حرام عليك هاذي فلوسي لي كم اسبوع اجمعها
رعد اخذ رشفه من الحمضيات: وراحت فلوسك
تقدمت له واخذت الحمضيات وكبته عليه وضربته في ساقه وطشت العلبه وفي جبهته

اضحكو اطفال في سن 11 وتحت واللي قول :رعد ضربته اخته
واللي يقول: بزر
كلام ماله نهايه
رعد قام قال وطلع من جيبه بسكوت ثنين وتكلم : كنت بعطيك هاذولي
بس الحين تحلمين فشلتين قدام البزارين والخبر ينتشر في المدرسه
وطلع من البقاله ركض ماسك كتبه في يده

دلال ناظرت في بزارين وقالت بقهر لما سمعتهم يقول مجنونه وغبيه .. : انقلوع
قال واحد :شوي شوي لا يطلع لك قرون
طلعت من البقاله وقال احد عمال:انت وين روح تعال نظف انت كبه
طنشت وطلعت ناظرت بشوراع فاضيه مافيه الا عمال ناظرت في احد الاولاد
وتكلمت: نواف الحين بتروح البيت
قال نواف ولد تميم(عرفتوه): لا
دلال بتوسل: نواف شاطر تعال معي حرام انا خايفه
نواف: يالله بروحك معك عشانك خوافه
دلال : حتى البزران طلعو لهم لسان



..


في البيت اول مادخل رعد
ساميه امسكته من عند اذنه بعصبيه:انت والحين لما تخلي جوري تجي لحاله وش فيك
رعد :اااه يمه ابفهمك
منال بطيبه : وانت وش فيك على الولد خليه
رعد هو ماسك اذن: انا خلاص اليوم تكفخت وشوي اموت
جوري بسخريه: بسم لله عليك من الموت
ساميه توجهت نظرها اللي رعد: اقول خلصني
رعد : والله يايمه انها راحت بنفسها كنت اناديه وهي طنشني
ساميه: جوري
جوري متوجه لغرفه : ايه صح ماقدرت اصبر في الحر دلال وهو قاعدين يتأملون بقاله
منال بخوف: وين هي دلال
رعد ضرب جبهته : نسايتها
دخلت دلال :يازينك يا منول انت اللي تقولين اسمي صح
ساميه بعصبيه : وانت وين كنتي
دلال قربت من المكيف : رعد خلاني في شارع وش اسوي بس بنتك اذكيه ماراحت
لحالها اخذت نواف ولد فاتن
ساميه : رعد مافيه طلعه اليوم من البيت ولا كوره ولاشي انطق هنا
رعد انسدح على الكنب الارضي :عادي من اتكفخ اللي جاني بريح سنه
دلال بحركه معنها احسن







▪▪


عند صقر دخل البيت اهل بعد ماطلع من شغله
متوجه اللي الحمام
و رجع كل اللي في معدته
مسك بطنه من قوة الالم
فتحت احد دروج اخذ كم حبه واكلها
انسدح على السرير وناظر في جواله يدق
من شددة التعب ماقدر يتحرك
وغفه بدون يحس







▪▪




العصر عند نارا
طلعت مع منذر
قبل ما يطلعون
تكلم ادريس هو منسدح على كنبه كاعدته : وين طالعين
طلع وصفق الباب بقوه ولا رد عليه
ادريس ناظر في الباب : انا اقولك هج مو زمان بس ماتفهم
نزل راشد من الدرج وقال : شكلك انهبلت تكلم الباب
ادريس هز راسه بمعنى بايه وقال بحزن: لان ماحد يكلمني في البيت
راشد : انا والحين وش اسوي قاعد اكلمك
ادريس: لا واقف وتكلمني ههههه
طلع راشد وصفق الباب
توجه ادريس لباب ومسح عليه : تكسر الخاطر
" نقز توه استوعب انه بس هو في البيت مع الخدم :والله لا افل امها وااااو




▪▪



بعد موصل منذر وقف السيارته في وسط الحاره وسأل واحد من عيال الحاره:
وين بيت ام نضال
تكلم اشر على بيتها : هاذك
منذر :العفو ماقصرت
تكلم بسخريه : ترا عادي كلها اشرت على الباب
مشى
طنش منذر وقال لي نارا : انزلي البيت هاذك

..



ساميه :رعد قوم افتح الباب
رعد قام متوجه لباب هو يتحلطم: خلاص كل شي رعد قوم يارعد سو كذا يارعد
وانتم تضربوني
فتح الباب ناظر في الرجال والواضح عليه الغنى بثوبه وشماغه وجزماته
:غلطان يالخو
قبل لا يقفل الباب
تكلم منذر :هذا بيت ام نضال
رعد بستغراب:ايه ادخل المجلس
دخل هو نارا من سيب صغير يودي اللي المجلس اصغر بعد

رعد هو يشر اللي مجلس : منال في واحد معه حرمه في المجلس يبغونك
منال:تعرفهم
رعد:لا
ساميه قامت :روحي لهم انا بحضر القهوه اصلن هي جاهز
منال بستغراب:طيب
لبست العبايه توجهت اللي مجلس
من وراء الباب : الله يحيهم قلت تبغوني
منذر : ادخل ياخاله بكلمك بموضوع ونارا عندي هنا
منال الحين تأكدت شكوكها انها نارا اللي سبب دخول ولدها نضال السجن
دخلت وجلست وغطها على وجها
تكلم منذر : حنا جاين مو قصرين معكم شي كنا بندفع عبدالعزيز ديه لكنه رفض
منال قامت بعصبيه : ما نحتاج منكم شي '"ناظرت اللي نارا : وانت جاءيه البيت بكل برود
ماعندك اي ضمير " بصوت عالي :انت السبب بموت عبد العزيز ودخول
نضال السجن مابي اشوف وجهك هنا

برا المجلس رعد سمع كل اللي قالوه







نهاية البارت

7)اوراق صفراء تساقطت على الرصيف







تكلم منذر : حنا جاين مو قصرين معكم شي كنا بندفع عبدالعزيز ديه لكنه رفض
منال قامت بعصبيه : ما نحتاج منكم شي '"ناظرت اللي نارا : وانت جاءيه البيت بكل برود
ماعندك اي ضمير " بصوت عالي :انت السبب بموت عبد العزيز ودخول
نضال السجن مابي اشوف وجهك هنا

برا المجلس رعد سمع كل اللي قالوه
..
نارا تكلمت بهدو كاعادته حتى لو تهماوها بشي ماله دخل في
:لسى تدفعين لعبد العزيز
وانا بعرف ايش دخلني في هم ..

اكتفت ذي الكلمتين وطلعت قبل منذر
منال قالت لمنذر بعصبيه غير عادته :انت وش تنتظر مانبي منك شفقه
قبل لا يطلع منذر : ياخاله والله ماهي شفقه انتم اهل صاحبي ولازم اوقف معكم
لو محتاجين شي قولولي
وطلع
وناظر سيارتهم الاولاد متجمعين عليها
واللي يميزها
كانهم اول مره يشوف سياره في حياتهم
اللي مستغرب الناس واضح عليهم الغنى جاين في حاره فقيره
حزن على حالهم
..

ساميه قالت منال: منال وش فيك هاذي ماهي سوات تسوينها
منال : والله مادري حسيت ودي اذبحهم
ساميه : هم ماقصرو منعا بشي حتى فاتورة الكهربا اهم اللي يدفعوها
منال بتساؤل: من متى وليه ماعندي علم
ساميه : لو قلتك بترفضين وحنا يادوب معنا فلوس نصرفها اللي عيال
منال : ساميه حنا صح محتاجين ولا نبي منهم شفقه
ساميه : موتي في الفقر
دلال واقفه قدام الباب المجلس: يمه رعد ليه يبكي
ساميه بخوف : وينه
دلال ماهي فاهمه شي: في المطبخ
ساميه راحت المطبخ ركض : رعد علامك
رعد بصوت باكي: كله من منال لو ولدها ماذبح زوجها
ولا ابوي تركك وعشنا بالفقر ذا ولا رحتي تفرين من بيت اللي بيت تنقشين رجول
الحريم
ساميه ناظرت بمنال حزنت عليها الحين تحس بذنب: وشغل مو حرام
دلال تكمل كلام رعد : ولا رحتي تبيعن قمصان ماتسوى عشرة ريال
ولا اضحكو علي صباحتي
رعد: ولا احد قال جاء ولد نقاشه وراح ولد نقاشه.. ولا احد يضحك يقول امه امس نقشت رجلي امي
دلال بحزن : ولا قالو تطبخ للناس وهم يادوب يلقو شي ياكلونه
ودخلت جوري من صراخهم قالت برود : خلاص ماضي راح خلوني انام
منال راحت وقفلت عليها الغرفه اللي يشركون فيها ساميه ودلال جوري هي بس
غرفه وحده ورعد ينام في المجلس
جوري دق الباب: منال بنام افتحي الباب منال
ساميه بتعب: خليها انت لازم تنامين
جوري بتافف جلست في صاله

رعد مر من صاله وراح الباب وفتحه
ساميه :رعد وين رعد
..


رعد طلع برا ولا رد عليها
لقى اصحابه يلعبون برا بالكره
دخل معهم وشاد الكوره بقوه في بطن واحد من العيال اللي يتكلم عن امه يستهزا
الولد مسك بطن جلس على الارض صارخ من قوة الألم
تكلم صاحب الولد: والله وتعرف تضرب ياولد الخدامه مدري نقاشه
واحد ثاني : هههه خرمه اولا في بقاله ضربته اخته وكبت الحمضيات عليه والحين يتقوا علينا '"قرب من عنده ومسك ثوبه قربه من خشمه:رحتك ياللحين حمضيات
تكلم اللي انضرب بالكوره: ماعنده ماء يغسل ثوبه ولا يتروش
رعد : خف علينا انت ياهمور
تقدم منهم وضرب اللي اولا ضربه بالكوره
رعد ضرب رجله في بطنه وطاح الولد على الارض
بعدها هجموم عليه اصحاب الولد هو الوحده
قام بعد عنهم ويمسح دم اللي فمه وناظر في الصحابه اللي مفهين: سمير وش
فيك تناظر تعال مخلي خويك
وتقدم اصحابه
بدات الهواش بين اصحاب رعد الولد

..
فاتن تناظر من الشباك ورفعت ولدها نواف وشرت البيت اللي مقابلهم قالت
:نواف روح لبيت هذا قول ولدكم رعد يتضارب مع الاولاد
نواف: طيب
طلع ركض البيتهم ودق الباب
فتحت له دلال: نواف وش تبي
نواف براءه ويحرك يده عشوائي: اقول رعد يتهاوش مع العيال وضروبه مره
دلال بصراخ :يمه الحقي على رعد
ساميه : وش فيه
دلال : اضربوا عيال الحاره
ساميه بالخوف سرعه البست العبايه طلعت برا
:رعد اتركو وليدي
جاءت وسحبت رعد منهم : انتم مالكم شغل يالله كل واحد ينقلع اللي بيته
تكلم واحد بستهزاء: ام رعد تعالي نقشي امي
واحد ثاني :هههه لا روحي اطبخي لنا جوعان
رعد بعصبيه:يمه فكيني والله ياورع"ونزل جزمته ورماه على واحد من اللي تهاوش
معهم

ساميه مسكت من اذنه ودخلت البيت وهي وتحلطم : كانهم جالسين على بنك
وكل واحد افقر من ثاني
رعد :يمه خلاص بعد انتي تضربيني
دلال بضحك: هههه
رعد نزل جزمة ثانيه وحذفها عليها وقال: اسكتي لا يجيك ضرب مثل ماضربتهم
دلال: انت اللي ضربته ولا هم هههه
رعد راح يغسل وجه من التراب ناظر في وجه مكان اثر ضرب
ساميه:رعد يارعد قوم روح جيب جزمتك من برا ترا ماعندي الفلوس اشتريلك
رعد من العصبيه ضرب رجله في المغسله







â–ھâ–ھ



عند صقر
قام على رن جواله
فتح بكسل
لقى مكالمتين من سديم وخمس من جدته
وفتح الواتس لقى رسايل من القروب اصحابه
خالد :صقر شكلك ساحب علي وين الهدايه والعطورات😢😢
ورساله الثانيه من خالد بعد : صقر والله لا احسب عليك وانا زياد
ورساله من زياد : لا ماني ساحب على صديق عمري
ورساله الثالثه من خالد : والله اني عارف انك بخيل ..خبل انا خبل مصدقك😞😞
ورسايل الباقيه كلها إيموجي
"ابتسم واكتب : كلها دقايق وامرك ترا اذا ماشفتك عند الباب باروح لزياد
كلها ثواني وكتب زياد
:امنا صقوري ابي هدية حرام تفرق بيني وبين خالد
وانا وش اسوي في عقلي خبل ماعرف اجاوب امانه لاتخليه يضحك علي 😟
ارسل خالد : انت مسرعك تكتب
ورساله ثانيه من خالد: من اليوم وانا اراقبه وهو متصل
ههه شكله يحتريك تكتب
زياد : ماني فاضي مثلك صقر وين بتروح اي محل
صقر كتب :تعال محل #### وابشر
خالد :من صدقك صق😲😲
زياد: والله اني كفو ماخليتك في حالك هه💪


قفل الجوال بعد ما كلم جدته

جهز نفسه

â–ھâ–ھ



عند خزامى
في صاله وهي وراكان
يلعبو بلايستشين
خزامى بحماس : انقلعي عني .. ونقزت لما سجلت هدف :جبت هدف والله جبت يالله
راكان ما يعترف بالخساره: اقسم انك فاشله هذا لعب شفتك مسكينه وخليتك جبين
هدف عشان ماتزعلي علي
خزامى: اقول بلا كذب كل الهداف القديمه وين راحت
راكان : اصلن اشك انك ولد " ورماه بالمخده : مين علمك العب
خزامى تبعد عنها المخده: راكان
راكان هو يعدل جلسته: باقي شوط ثانيه
خزامى بغرور:طير والله ماجيبها " سوت في يدها العدد ثلاث وقربت اصابعه عند وجه:ثلاث صفر يالله اقولي كيف جيب
راكان : تعلمي شوفي وترا يمكن مااكمل فيني النوم"يتثاوب
خزامى :نايم الظهر وبعد تنام الحين
راكان:فيني مرض النوم
خزامى بتسليك: اجل في مرض النوم
راكان يناظر في الشاشه ويلعب بحماس:مادرستي يعني
خزامى :لا انت درسته
راكان :طبعا يعني وش عرفني
خزامى : على بالي ان حياتك كلها نوم حتى في الحصص ..صح انت علمي ولا ادبي
راكان : اخوك ماتعرفين وش جايب
..
واخر المباره
اجاب رعد اربع
خزامى ثلاث
راكان يحط يده على فمه يتثاوب : يالله بروح انام مبروك علي الفوز
خزامى رمت عليه المخده
راكان :خليني انام "وانسدح على الكنب
ورمى عليها مخده مفتوح سحاب حقها وطلع القطن
وبعدها رمي بالمخاد

..


دخلت البيت هو زوجها بعد ماتعشو من المطعم
ساره ناظرت في المكان: ياويلي وش ذا
ابو راكان : في غير عيالك
ساره : شكلها بنتك راكان عاقل مايسوى كذا
ساره بصراخ :خزامى ..خزامى
جاءت : ها
ساره : ليه البيت كذا
خزامى : والله كله من ولدك اللي بدأ
راكان على الكنب: يمه انا ولدك تربيتك اسوي كذا
ابو راكان : يالله الكل على فراشه قبل ذا نظف انتي هو المكان
راكان : انا من كرف في بيت العجوز وهنا بعد
ساره : انا انظف لو سمعت تنادي العجوز مره ثانيه خليك تغسل المواعين
â–ھâ–ھ








صقر في السياره مع صاحبه خالد
تكلم :وش بلاك طعاتش
خالد : مزكم "عطش
صقر : يرحمك الله .,لاتقول من زياد
خالد : الا منه خبل بصراحه احس ناقص عقل
صقر :لا يسمعك يثور بك


وصل المحل
وزياد واقف قدام باب المحل
تقدم وفتح الباب لصقر وبحركه ينزل يده تحت: تفضل
صقر ناظر في خالد : خالد هذا مو زياد ولا هذا شبيه
خالد نزل وجاء جنب زياد : الا هو بس تراه راعي مصلاح لاغيرك وش سوي
زياد ضربه في راسه: اسكت خلني اكمل المصلحه
خالد: بعد يعترف
زياد ينزل نظارته: نعم
خالد : اليوم صدق اثبتنا غباءك احد يلبس نظاره في الليل
زياد دخل المحل :اقلد صقر في الكشخه تعال ادفع الفلوس ترا اخترت عطرين بخمس مئه
صقر : متحمس بس رايحتني "وناظر في خالد :يالله بسرعه







â–ھâ–ھ
ادريس واقف عند الفلة مع صاحبه غيث
غيث بملل: انت ايش جابك في الليل والبرد ذا
ادريس: سياره جابتني.. كم دبرت فلوس
غيث:ثلاث الاف
ادريس:واااو انا طلعت روحي انا امدح ابوي وامي هههه ماحصلت منهم الا خمس الاف
ادريس ركب السياره ومعه صاحبه غيث
وقف عند احد عماره فقيره
ادريس : نزل وحط الفلوس
غيث: انا دايم احط الفلوس
ادريس: ترا مافيها تعب
غيث بتأفف نزل وراح العماره القديمه
اللي يشوفها يقول مسكون
تقدم من الباب الشقه ودخل الظرف من تحت الباب





النهاية البارت



توقعاتكم
ايش قصة ادريس وصاحبه غيث

السلام عليكم ورحمة الله وبركاته ،

مرحباً بك بيننا

واتمنى ان لا يحبطك قلة التفاعل وذلك لكثرة الروايات المعلقة من قِبَل كاتباتها
ولكن واصلي ولا تنقطعي وستجدي ما تتمنينه إن شاء الله.

و اتمنى ان تجدي التفاعل الذي تتمنينه والنجاح ..


تقبلي مروري وخالص ودي