السلام عليكم ورحمة الله وبركاته ،

يعطيك العافية يا قمر

وشاكرين لإلتزامك واحترامك لمتابعيك رغم قلة التفاعل وانعدام الردود


*تثبّت الرواية لمدة اسبوع*


تقبّلي خالص الود

مهند : اقولك بتاكلين غصب
وئام : وانا قايله لك ما ابي
مهند : وئاموه لا تحدينني اقوم وادعس الأكل بفمك
وئام : ماتقدر
مهند : طيب ليه هالعناد بس ابي افهم ؟!
وئام : مو عناد بس قلت لكم ما ابي اكل مو مشتهيه !
مهند : بس غلط ! انتي كذا تأذين نفسك ما تأذين احد
وئام وكأنه اقتنعت بكلامه
كمل مهند : عشان خاطري كولي
وئام : ماتستاهل
تغيرت ملامح مهند لأنه عارف انه ماقالته مزح
وئام : نعم شفيك ؟
مهند : ولا شي
وئام : لايكون حساس وما تتحمل ؟
مهند : لا مو حساس بس ما احب الناس الغير صريحه
وئام : شلون ؟
مهند : يعني الناس الكتومه ما اعرف اتعامل معه تخوفني
وئام : وش دخل ذا ب ذا ؟
مهند: مادري ولا شي ، المهم بتاكلين ولا نقوم ؟
وئام : خلاص باكل بس عشان امي مو عشانك
مهند : اكبر همي عاد


،،،،


كانت واقفه تراقبه من دريشة غرفته ، مازالت تحس بتأنيب الضمير تجاهه
يمكن مو بس بسبب أنيب الضمير اهتمت فيه من الفراغ بعد ..
صح ماتبي الناس ولا عنده الرغبه تقابل احد بس مع ذلك تحس بفراغ كبير والإكتئاب كل ماله يزيد عليه
يمكن لهالسبب صارت تراقبه وصارت تفكر فيه كثير
صار عنده رغبه تعتذر له او تطيب خاطره
لكن مستحيل هالشي ،
يلازمه شعور تحس لو بتطلع من غرفته وتختلط مع الناس وكأنه خانت ابوه ..
؛
رفع راسه بعد ماتعب من الدراسه صار له ساعتين مركز بهالمذكره الي قدامه
انتبه للي قدامه وكأنه فيه شي تحرك ! اي والله ما زال الستار يتحرك اكيد كانت موجوده !
تسلل الفرح لفلبه وابتسم قام من مكتبه الي قدام دريشته وتخبى
بحيث انه يقدر يشوفه بدون ماتدري
دقيقه بالضبط و انتبه للي وقفت بعد ما تأكدت انه مو موجود وقفت واخذته افكاره ونست نفسه ..
قرر غيث يحرجه ويشوف وش ممكن تكون ردة فعله
طلع راسه واشر له يسلم عليه
؛
هي شافته ولا ما شافته ؟؟؟ طارت عيونه و الدنيا فجأه صصصارت حر !
شلون ما انتبهت لوجوده
سكرت الستار و بعدت عن الدريشه معصبه ومفتشله
ماتدري وش تسوي او شلون تتصرف ب مثل هالموقف وده لو تروح له وتقص رقبته

؛

هههههههههههههههههههههههههههههههههههههه غبيه والله ، ودي اكلمه بس هذي اخاف اتصل عليه الحين تقبرني بمكاني !!
اتصل بس وش ورانا

؛

شافت اسمه على جواله وفااار دمه ، صادق ذا ولا يستهبل ؟
: نعممم خير ؟
غيث : ههههههههههههههههههههههههههههههه اعصابك اعصابك شفيك ؟
ملاك : مو امس كنت زعلان وش راضاك ؟
غيث : مافيه احد يراضيني الشكوى لله
ملاك : ولا فيه احد بيراضيك بعد
غيث : افاااا ليه
ملاك : تدري ؟ انت اهلك كانو مسمينك وناسين ال ث الأولى ياغثثثيث
غيث : هههههههههههههههههههههههههههه مقبوله منك ، بس عاد امانه شرايك بالحركه مو حلوه ؟؟
ملاك : بايخه يابايخ
غيث : اكيد بايخه مو طاح وجهك
ملاك : ليه يطيح وجهي اساساً انا كنت واقفه عند الدريشه واتأمل بس ما احد جاب خبرك
غيث : طيب ما احد شي شفيك
ملاك حست انه فضحت نفسه : اقول بس لا يكثر كلامك وهبالك باااي
غيث : ملاك ملاااك !
ملاك : نعم ؟
غيث : بتجين بطلعة بكرا ؟
ملاك : لا
غيث : ليه ؟
ملاك : ما ابي
غيث : والله احسن لك اطلعي واختلطي بالناس كم لك ما اجتمعتي مع البنات ؟
ملاك : انا ما ابي اختلط مع احد
غيث : اجل تدرين ! انا مارح اطلع بقعد
ملاك : على راحتك
غيث : افااا
ملاك : يلا بس باي
غيث : باي

......

مر الوقت وصار المساء كلهم مجتمعين ببيت الجده لولوه ينتظرون علي و طلال ...

ليث : لا حول ولا قوة الا بالله علاوي ذا وينه ووويييينه ؟
فيصل : يا اخوي اصبر الحين بينزل
حسام : حياة !
حياة : هلا ؟
حسام : طلال بعد وينه ؟ مرسلين لنا هالوقت المفروض نجتمع !
حياة ابتسمت : الحين يجون طلال انشغل شوي مع رنا
لؤي : عسى مافيهم شي ؟
مازالت حياة مبتسمه : لا الحمدلله ما فيهم الا العافيه
لين : هييي بنت
حياة : وشبك ؟
لين : وش عندك تبوسمين من اليوم ؟
مايا : صدق وراك شي انتي
ضحكت حياة : ماوراي شي اهجدو بس
لين وهي تأشر للبنات على ايده : اققصصصص ايدي يابنات
حياة : هههههههههههههههههههههه ما وراي شي شفيك مسويه قافطه ؟
لين : خبببززز ايدي انتي ياقلبي !
حياة ابتسمت : خير ان شاءالله
عزام : السلام عليكم
الجميع : وعليكم السلام والرحمه
قام فيصل يصافح عزام : هلا ابو سليمان وش اخبارك ؟
عزام : ياربي لك الحمد بشرنا عنك ؟
فيصل : ولله الحمد بخير ونعمه الا تتجي معنا ؟
عزام : ايه ان شاءالله
فيصل : زييين اشوى والله ما توقعتك ابد
عزام : لا قلت بطلع اغير جو وغير ذا عشان عيال عمتي ساره
فيصل : احسن ماتسوي والله
دخل طلال وهو ماسك يد زوجته رنا : السلام عليكم
الكل رد عليه
ليث : جوادوه !
جواد : هلا وش عندك ؟
ليث بهمس وهو يناظر طلال ورنا : وش عندهم كناري الحب ؟
جواد : هههههههههههههههه الله يقطع وجهك يا شيخ اسكت فضحتنا
ليث : ماني بساكت لييييين تزوجوني
جواد : ياولد انت وش جايك على الزواج ؟
ليث : ماتشوف الحلوات الي بالدوام ؟
جواد : طيب ؟ من يومنا نشوف مزز ما عمرنا انهبلنا على الزواج
ليث : عاد والله انا انهبلت ابييييي اعرس
جواد : لا انت انا اعرف حلك
ليث : تكففففى ياولد عمي وش الحل
جواد : الحل يا اخوي لا صفقتك بحفاظة بزر رجع لك عقلك وركدت
ليث : مسوي ولد عمي بعد قممم الله يقطع هالوجه
جواد : هههههههههههههههههههه هذا جزا المعروف ؟
فيصل : وش عندكم انتم ؟
جواد : احاول ارجع له عقله براسه
فيصل : مين ؟ ليث ؟
جواد : ايه
فيصل : ماش هذي صعبه شوي
ضحكو البنات على تعليقه
ليث : خير تضحكين انتي وياه ؟ قال شي يضحك هو قال شي يضحك ؟
طلال : تصدق يافيصل اول مره اتفق معك
لين بضحك : اققققوللل عاد حدكم كل شي ولا ليوثي لاتغلطون عليه
ليث : كفو اخيتي والتفت ل لؤي وانت يالعضيد تضحك ؟ ااببووو هالوجه
لوؤي : انا وانا اخوك احب الصراحه والشفافيه
ليث : اييييهه بس اقول يا رنا
رنا : هلاا
ليث : زوجين وفكين من هالأهل تكفين
رنا : ههههههه اشر انت بس وابشر باللي يسرك
ليث : والله انك كفو مير مادري وش الي قردك وطيح حظك واخذتي بعض الناس
رنا : لا عاااد لاتلمس الحار كذا تخربه بيننا
ليث : لا يلعب عليك بس ادري انك متوهقه و
وما كمل كلامه بعد ما مسكه طلال من ياقته
طلال بمزح : من الي متوهقه ؟
ليث وهو يضحك : ههههه شف انا بسوي اني ضعيف بس عشان اترك لك مجال تتميلح عند ام ماجد
تركه طلال : ههههههههههههههههههه لا ياشيخ
ليث يغمز ل طلال : بس ماعليك بس بيننا ما احد بيدري
طلال : ههههههههههه ثور والله العظيم ثثثور ، شف انا بخليك عشانك قلت ام ماجد بس
ليث : ايه ايه الله يخليه لنا ام ماجد بس ليته تستعجل وتخطب لي
رنا : لا خلاص هونت ماش
ليث : افاااا كل ذا عشان طلول
رنا : ههههههه ايه مو يقولون المحبوب براحه
حياة : اكشخخ طلول
طلال : تشوفين بس
ليث : ايييييه الله يالدنيا حتى انتي يا حياة ؟ نسيتي نسيتي يوم انا اللعبك واوسع صدرك واترك العيال عشانك ؟
حياة : لا والله انا اذكر الكور الي حفرت بطني و وجهي منك
طلال : تبين ادقه لك ؟ " اضربه "
اميره : دقه لنا كلناااا
لوؤي : هههههههههههههههههههههههه شكلك معنفهم كلهم
مايا : طبعاً الا وئام وهتون
ليث : هههههههههههههههه هين ذولي ما اتجرأ اقرب منهم ولا حتى الحين
اكتفت هتون بإبتسامه
ريم : كفوو اخيتي كنتي ولا زلتي مهيبتهم وممشيتهم على الصراط المستقيم
ليث : ريم صح ؟
ارتبكت ريم : ايه
ليث : ايييههه انتي بالذات حللين
ريم : ليه ؟
ليث : ياما سويت بك سوايا الله يغفر لي بس
رائد : وش مسوي ؟
ريم : ما اذكر ؟!
ليث : هذا البلا انك ماتعرفين
لؤي : وش مسوي يالطعس ؟
ليث بضحك واستهتار : كانت حليله وعلى وجهه فا كنت اي مصيبه اسوي احطه براسه وهي الي تاكله الضعيفه ، باقي البنات قويات يغثونن فا اتفاهم معهم بالضرب بس
ما اعجبت ريم بلهجة ليث بالكلام ولا طريقة وصفه له بهالشكل واكتفت بالإبتسامه
عزام : خلاص خلاص ياقلق اقعد والله بنزوجك بس اهجد
ليث : يا اخوي مليت علاوي ذا وينه
عزام : الحين يجي بس اهجد
دخل علي وخيال معه : سلاااام
: وعليكم السلام
فيصل : اخيراً ياخوي مابغيت
علي : ما عليه على التأخير بس كنت عند ملاك احاول به تجي معنا
هتون : رفضت ؟
علي : مع الأسف
صفق علي : انتبهو معي
بعد ما الكل ركز وسكت : بكرا طلعتنا ان شاءالله من الصبح الى اخر الليل المكان يبي له اتوقع ساعتين او ساعتين وشوي مادري بس عموماً الساعه 7:30 تتأخر دقيقه بس بنخليك زيين ؟
حسام : ما كأنه بدري ؟
علي : لا يبه بنروح يوم واحد بس وهذا غير الطريق الي بياخذ من وقتنا ، وعلى كلام طلال وحياة انهم مرتبين لنا طلعه وفعاليات كثيره
مهند : ماقصرتو الله يعطيكم العافيه
علي : والحين من الي مارح يجي غير ملاك عشان نحسب حساب العشاء ؟
ملاذ : غيث
علي : ليه ؟
ملاذ : ما ادري بس غالباً عنده اختبار ولا مايترك الطلعه
علي : خير ان شاءالله انا اكلمه واشوف ، مهره !
مهره : هلا ؟
علي : جمان بتجي ؟
مهره : ايه ان شاءالله
علي : حلو يعني الأغلب موجودين
مايا : اميره !
اميره : هلا ؟
مايا : ليه ما تقولين لريمان تجي ؟
وئام : ايه تكفين اميره نبيه
ريم : ولا كانت مارح تجي ؟؟ هييي اول وحده بنات
اميره تناظر علي وكأنه تنتظره يقرر : لا بنات اتوقع هي مشغوله
علي : قولي له اذا تبي تجي ماعنده مشكله بس عطين خبر
فرحت اميره وشوي وتروح تضم البنات وحده وحده : زين الله يعافيك

: السلام !
الجميع : وعليكم السلام والرحمه
: ما عليه قاطعتكم
البنات مابينهم يتهامسون ( من ذي ، بسم الله من وين طلعت ، وش عنده ؟ )
و وئام تناظره بنظرات غريبه
مهند : ساره تعالي تعالي اعرفك عليهم
الكل استغرب من مهند الي ماسك ساره من كتوفه
مهند : شباب وبنات ساره صديقتي مستأجره لبيت جدتي بيت الضيوف
وبدا يعرفه على الموجودين
نغزت هتون وئام : اااههه وشبك ؟
هتون : يكفي خز اكلتي البنت بعيونك
وئام : بعد زين ماقمت اذبحه هي والعله الي واقف معه
: وهذيي ااا وئام يمكن شفتيه بالجامعه
ابتسمت ساره : لا والله ما حصل لي الشرف
ردت له وئام الإبتسامه من غير نفس
مما اثار مهند و استغربت منه ساره

" هذي حركاتك يا وئاموه ؟ زين الحين تشوفين والله لا اخليك تعرفين ان الله حق الشرهه علي انا الي مداريك انتي ومكابرك "
: الا اقول ساره !
ساره : هلا
مهند : بكرا طالعين من الصبح لليل نوسع صدورنا ونغير جو ، ليه ماتجين معنا ؟
طارت عيون وئام هي ماصدقت بيطلعون يستانسون وذا بينكد عليه
ساره : لا والله ما عليه ما اقدر وما ابي ازعجكم
ليث : وش تزعجينا الا والله مثل العسل على قلوبنا تعالي بس
مهند لف على ليث : ليثوه اعتدل لا والله كف
تغيرت ملامح وئام والتقت عيونه بعيون مهند ولأول مره تكون حتى نظراته صريحه وماتقدر تخبي غيرته
علي : والله يا اختي الحين حنى جيران وان جيتي وتعرفنا عليك اكثر نفرح بك
حياة : صدق ساره تعالي جدتي له كم يوم ماله سيره غيرك تحمست والله اتعرف عليك
ساره : يا قلبي ماتقصرون والله بس ما اظن اقدر
علي : ابد الي يريحك

مهند بهمس : عشان الشغل والجامعه ؟
ساره : ايه وامي والولد شلون اخليهم
مهند : كله محلوله بس انتي قولي تم وتعالي بكرا
ساره : لا ما اقدر حتى بكرا عندي اختبار لازم يعني اروح
مهند : كيفك اجل ما اقدر اقول شي
ساره ابتسمت له : مشكور
مهند : ولو

وئام قاعده بعيد و منفقعه مرارته وده تعرف وش يتكلمون فيه !

ساره : يلا انا استأذنكم الله يعطيكم العافيه ويوسع صدوركم
: هلابك ، هلا والله ، اهلاً وسهلاً

وئام : تشوفيييين تشوفين شلون يعامله ؟
هتون : وئام بقولك شي بس لا تزعلين
وئام : شفيه ؟
هتون : جسمه ناااااار يصيححح !
وئام : اففف ايه الرقاصه اكيد بيصير زين
هتون : وئاموه استغفري
وئام : افف استغفرالله انا اخر شي بتهبل بي
هتون : يابنت الحلال ماعليك منه بعدين الله اكبر عليك ابو خشم يستاهل تغارين عليه ؟
وئام ضحكت على تعليق هتون : هههههههه الله يقطع ابليسك ابو خشم والله انك صادقه ! اففف بعد انا ماعليه هتون والله اني ما استحي انتي خلقه مالك خلق شي وانا قاعده اتشكى لك
هتون : وش دعوى وئاموه ؟ مابيننا وبعدين انا محتاجه احد اسولف معه وينسين
وئام : يابعد قلبي انتي ودي اخمك بس مالي خلق تعليقات العيال
هتون : هههههه فكينا تكفين
لفت وئام وشافت مهند جالس قدامه ويغمز له بمعنى " وش تقولين ؟ " و تذكرت موقفه الي قبل بس عشان يعرف وش دار بينه وبين هتون ...

...

بعد ما الكل رجع لبيته ..
طق باب غرفة ملاذ
: تفضل
عزام : السلام
ملاذ : وعليكم السلام
عزام : فاضيه ؟
ملاذ : ايه تعال !
عزام : ابي منك مساعده
ملاذ : امر ؟
مد له عزام شي صغير اصغر حتى من حجم الأصبع: ابي هالشي بغرفة امي لولوه
ملاذ : وشو ذا ؟
عزام : بعدين اقولك وشو بس المهم انه ماتعرف اببببد لازم تكونين فطينه ومنتبهه
ملاذ : يمه عزام وش وراك ؟
عزام : كل خير
ملاذ : طيب متى الحين ؟
عزام : لا الحين لو رحتي بتكشفك بكرا الصبح روحي
ملاذ : اوكي خلاص
عزام : مشكوره ياقلبي
ملاذ : يا هلا

..

دخل عزام على غيث وشافه لابس السماعات وجالس على مكتبه ويكلم
: انا قلت ما ابي اروح معهم .. لا بقول عندي اختبار صعب .. كيفك دامك بتقعدين انا مالي روحه ومع العلم انه بخاطري .. هيه وين رحتي ؟ الوو الو .. وشو ؟
والتفت ل عزام الي واقف ويستمع له
غيث قام بإرتباك : ااا عزام وش تسوي هنا ؟
عزام : الا انت الي وش قاعد تسوي ؟
غيث : ااامم ولا شي بس اكلم وحده معي الكلاس
عزام : امممم والي معك بالكلاس شافتني ؟
غيث : اففف لحظه
ملاك انا اكلمك بعدين ، سكر الجوال ولف ل عزام
: تفصل اجلس
عزام : وش براسك انت ؟
غيث : عزام لا تحسسني اني مسوي مصيبه ! هذا انت وجمان من عمر الدنيا مع بعض وما احد قالكم شي !
عزام : غيث لا تصير بزر ، وبعدين لا تخلط الأمور ببعضه
غيث : وانت بعد من الحين اقولك لا تحط موت عمي شماعه لأفعالكم
عزام : لا ما احطه شماعه وانت تدري زيين اني مع جمان من قبل يتوفى عمي وبعلمه لأني رجال و ما اخون ثقة احد ، انت ما فكرت لو عرف خيّال وش بيسوي فيك ؟
والله ان يلعنك لعن ويمسح فيك الأرض ، انت ابخص الناس ب خيال عند هالأمور وش عاد لا صارت هالأمور بين اخته و ولد خاله !
غيث : اووههه اشغلتونا تراكم خيال وخيال خلاص عاد يبه ماسويت شي قاعد اكلم البنت وماتعديت حدودي وبعدين خيال الي يستشرف على روسنا ذا انا انا بنفسي شايفه مع مهره اكثر من مره
عزام : استح على وجهك تتكلم عن ولد عمتك انت ! وش بلاك انت وش الي مغيرك
غيث : انا ماتغيرت بس ياخي غثيتونا كلللل شي حرام علينا وحلال عليكم خلاص مليت وانا اسمع لكم ، لا اعتدلت انت وياه تعالو عطوني نصايحكم
عزام : لا انت منتهي
غيث : عزام لا منتهي ولا شي البنت وانا حابه وقايل لأبوي يخطبه لي يعني ماخنت ثقة احد ولا اذيت احد ومع هذا انا ماتعديت حدودي
عزام : والي قبل شوي وشو ؟ بقعد ومارح اروح عشانك ؟
غيث : البنت من وفاة ابوه بغرفته ماطلعت ولا راحت ولا جت ولا تبي تشوف احد او تسمع احد ياخي فكر اني قاعد اقدم له المساعده ك دكتور نفسي
عزام : لا تستغل شغلك بهالأمور
غيث : ما استغليته
قام عزام : عموماً انا كنت جاي بكلمك عن الطلعه بس واضح انك منتهي
غيث : والله يوسع صدوركم بالعافيه
التفت عزام ومسك اخوه من كتوفه : يا اخوي ان قلت لك شي او نصحتك ف كله عشان مصلحتك انتبه لنفسك وللبنت ولا يغرك الشيطان
غيث : مشكور والله يعافيك ان شاءالله
عزام : يلا سلام
غيث : سلام

.....

انتهت هالليلة بدون احداث زياده منتظرين ايامهم الجايه ومفاجأتها ..

طلع الصبح والكل يتجهز بحماس لهالطلعه

مهره : الو
جمان : هلا مهره صباح الخير
مهره :هلابك صباح النور وش عندك ؟
جمان : اممم ياختي كأني تراجعت عن الطلعه معكم
مهره : ليييه !
جمان : مادري مو مرتاحه احس لازم احد يقعد عند جدتي
مهره : جمان بلا غباء تعالي ، عزام وفر جهاز التنصت و رجال بيراقبون جدتي 24 ساعه
جمان : ولو مو مرتاحه
مهره : والله لو قعدتي مب ازين لك دقايق واشوفك عندي انتي وجوان
جمان : اففف خير ان شاءالله
مهره : يلا سلام انا بروح لجدتي وعلاوي مره منخرشين والشباب بدو يجون
جمان : زين يلا سلام
مهره : سلام

....


دخلت ملاذ وسلمت على جدته وعمه علي
ملاذ : يمه !
الجده : سمي يمه ؟
ملاذ : بغيت اسألك عندك بخور ؟
الجده : ايه يمه بس وش تبين به ؟
ملاذ : امي تبي
الجده : زين يمه روحي شوفيه بغرفتي
ملاذ : زين الله يعافيك
الجده : هلابك ياقلبي

رقت ملاذ وهي خايفه لا تطيح عليه جدته وتتوهق
مهره : ملاذ !
ملاذ : هلا مهره وش اخبارك ؟
مهره : بخير بس وش عندك ؟
ملاذ : اااامم بروح لغرفة جدتي ابي بخور
مهره : عزام ارسلك ؟
ملاذ : مافهمت
مهره : ادري ملاذ
ملاذ : والله !! متى ؟
مهره : قبل كم يوم
ملاذ : يابعد قلبي انتي
مهره : المهم جدتي ماشكت ؟
ملاذ : لا ليه ؟
مهره : لأن كلنا ماعندنا حجه الا البخور ، وانا طاحة فيني امس
ملاذ : ههههههههه والله ؟
مهره : اي والله
ملاذ : هو صدق وش تقولين له غير البخور !
مهره : صادقه
ملاذ : المشكله اني ارتبكت يوم سألتني وش تبين به وقلت لأمي
مهره : يوهه ليتك قلتي لعمي
ملاذ : اييه اخاف امي تفضحنا
مهره : ماتقدرين تصرفين امك بأي شكل ؟
ملاذ : لا وش اقول له ؟
مهره : ليت وئام وهتون يعرفون والله ان يخترعون لك كذبه بثانيه
ملاذ : ههههههههههههههههههه مثلي مره
مهره : ممممررررهههه
ملاذ : يلا عاد وخري لا تجي جدتي
مهره : اصبري بجي معك
ملاذ : زين يلا

...

وئام وريم : السلام
الجده : وعليكم السلام والرحمه
علي : يلا يلا تعالو شيلو لا تقعدون
وئام : وش نشيل ؟
علي : خوذي هالأغراض وانتبهي ينكب شي
وئام : وين اتركه طيب ؟
علي : خليهم عند الباب لا تركبون شي بالسيارات
ريم : وانا وش اسوي ؟
علي : انتي شوفي من جاء من العيال و السيارات الموجوده كم عددهم
ريم : اوكي

...

وئام : ملاذ وخري
مهره : بسم الله متى جيتي ؟
ملاذ : وليه شايله هالكيس الي اكبر منك ؟
وئام : خالي علي قال لي اشيله للباب
ملاذ : يلا يلا مري

وهي تمشي متوجهه للباب
مهند : وئام !
وئام : هلا ؟
مهند : جيبي
وئام : لا انا اقدر اشيلة
اخذه مهند منه : اقققولل جيبي بس
وئام رغم انه يساعده بس تقهره حالة البرود الي فيه اوقات


...

ريم : علاوي
علي : هاهه ؟
ريم : السيارات 3
علي : بس !!
ريم : ايه فيصل يقول تكفي ماله داعي نروح بأكثر
علي : طيب كلهم موجودين ؟
ريم : لا
علي : افف من باقي ماجاء ؟
ريم : جمان و جوان واميره وحسام حياة بس راحت تجيب لعبه مجهزته لنا وليث مو متأكده انه جاء
علي : اميره وحسام وينهم ؟ وليث تأكدي لي منه
ريم : راحو يجيبون ريمان
علي : اففف
ريم : وشبك علي تبي اساعدك بشي
علي بشين نفس : لا ابيك تروحين تمسكين ورقه وقلم وتقسمين البنات والشباب على السيارات وتقولين للبنات الي بتتميلح تقعد لا تجي
ريم وهي مستغربه من طريقة علي : طيب !

طلعت ريم بالحديقه ومعه ورقه وقلم
وئام : ريم وشبك ؟
ريم : مادري عنه علي منفس وينافخ
هتون : عادي ريومه هذا هو علي اذا ورانا طلعه او سفره
ريم : اخخ زين ترى طلب مني اقسم السيارات ويقول قولي للبنات الي بتتميلح لا تجي
وئام : وش قصده ؟
ريم : انه اركبي السياره ومو مهم من معك
وئام : اهااا
لين : كم عدد السيارات ؟
ريم : 3
فرات : زين مب كثار
لؤي : بس 3 !!
فيصل : ايه
لؤي : مب شويات !
فيصل : لا يا ابن الحلال ماله داعي نروح بأكثر
لؤي : والله مادري عنكم انتم ابخص
فيصل : تكفي ماعليك ، ريمم
ريم : هلا
فيصل : تعالي انتي والورقه والقلم نقسم معك
جلست ريم قريبه منهم وعطت فيصل يقسم
فيصل : الحين عندنا 3 سيارات
ريم : طيب
فيصل : اول سياره من بيسوق شباب ؟
طلال : انا ومعي علي
فيصل : طيب من بيروح معه من البنات والشباب
خيال : انا
ليث : السلام تأخرت عليكم ؟
الجميع : وعليكم السلام
فيصل : لا بس ليث تروح بأول سياره مع طلال وعلي
ليث : ايه ايه دايخ وابي انام
طلال : وجععع
ليث : ههههههههههههههه وش بلاك ياخوي ماعندك روح رياضيه ؟
فيصل : من بعد ؟
جواد : انا
فيصل : طيب والبنات ؟
طلال : رنا وحياة ؟
رنا : ايه انا معك
طلال : حياة وينه ؟
ريم : راحت تجيب غرض عموماً انا وحياة معهم
فيصل : خلصنا من اول سياره ، الثانيه
خيال : الحين سؤال ؟
فيصل : هلا ؟
خيال : ليش تقسمون ؟
فيصل : لأننا كثار وكلنا بنروح جميع مب كل عايلة لحاله وتخبر " تذكر " بكشتتنا قبل العام كلٍ اتكل على الثاني ونسينا خالاتي
خيال : امممم خير
فيصل : يلا السياره الثانيه ؟ من بيسوق ؟
حسام : انا
فيصل : زين ومن بعد بيجي ؟
مهند : انا معه
بسام : انا ورائد
لؤي : وانا
فيصل : اتوقع خلصنا الشباب مابقى الا انا وعزام
عزام : ايه
فيصل : طيب الحين نشوف المهم البنات ؟
وئام : انا وهتون
فرات : انا معكم
ماريا : وانا بعد
فيصل : زين يبقى اخر سياره انا وعزام وباقي البنات مين ؟
لين : انا ومايا و جمان وملاذ ومهره واميره
مايا : وجوان وريمان
فيصل : 8 ؟
رنا : مب كثار ؟
ريم :الا وحده منكم تجي معنا حنى 3 بس
فيصل : لا خليهم احسن انتم معكم الشباب
ريم : مادري عنكم
فيصل : عموماً خلصنا ؟ ولا باقي احد !
مهند : خلصنا انا عديت معك بالضبط وزادت ريمان بس
فيصل : زين
مهره : مهند وش صار على ساره ؟ مره ماتقدر ؟
مهند : لا
مهره : حسافه والله كان ودي تجي نتعرف عليه
مهند : الجايات اكثر ان شاءالله

،

وئام تهمس لهتون : اقوم ادققققه اقوم ؟
هتون : هههههه حرام عليك ماتدري عن شي هي !
وئام : ولو ليه اللقافه
هتون : ههههههه لا صدق انبهلتي رسمي انتي
وئام : ترى بدقك انتي بداله
هتون : يمه يمههه
وئام : ايه من خاف سلم وانا اختك
هتون : اقول دزي بس
وئام : وشي ذي بعد ؟
هتون : مادري اشوف العالم طافين به
وئام : وانتي إمعه اي شي تسمعينه تقولينه ؟
هتون : دزي بس
وئام : هههههههههههههههههه ياحماره
هتون : هههههههههههههههههههههههه

،

التفت مهند على وئام
لين : هيه انتم من تحشون به ؟
وئام شافت مهند واستانست لأنه عرفت انه شك : نحش فيك انتي ياقلبي
لين : هين اوريك انتي وياه
مايا : يالخونه تحشون به بدوني ؟
لين ضربت كتف مايا : وججعععع
ليث : ايه اييييه كفو عطيه وحده ثانيه وانا اخوك
لين : ابشششر بالسعد
مايا : اح اح وش انا مسوية لكم ؟

دخلت حياة : السلام تأخرت ؟
رنا : لا ياقلبي بس تراك معنا بالسياره انا وطلال وريم
حياة : ايه عادي اي شي
خيال : الحين علي وينه ؟ وش يزين
عزام : يا ابن الحلال هذا هو علي ماتعرفه يعني ؟
فرات : اصلاً اميره وحسام ماجو الى الحين
هتون : وينهم هم ؟
ريم : رايحين يجيبون ريمان
هتون : اييييههه اشوى وافقت !
فرات : بالموتت يالله وافقت
لين : ايه اشوف اميره امس تهوش عليه
فرات : ايه امس صكت روسنا كلنا بالبيت وهي تحاول تقنعه
وئام : المهم بالنهايه وافقت
فرات : ايه
جمان و جوان : السلام عليكم
مهره : اخيراً مابغيتو !
جوان : بسم الله ردي السلام طيب
مهره : ايه عمي علي شايش مره
علي : هااا كلكم موجودين ؟
هتون : لا باقي اميره وحسام ماجو
علي : لا حول ولا قوة دقي عليهم وشوفي كان يبيلهم وقت نرسل لهم الموقع ويجوننا مارح ننتظر
لفت هتون على وئام وهمست : بسم الله ياربيه ترى اليوم مب طاير وشبه ذا
وئام : ههههههههههههه احسن تستاهلين هذي حوبتي قبل شوي منقهره وانتي تضحكين خلك
هتون : ههههههههههههههههههههههه اش
علي : يلا اتصلي وش تنتظرين ؟
هتون : طيب خلاص هذاي
علي : ريم !
ريم : هلا ؟
علي : سويتي الي قلت لك ؟
ريم : ايه
علي : خلاص كلٍ عارف دربه ؟
فيصل : ايه خلاص يا ابن الحلال انت كانك خلصت خلاص اركب السياره ولا تتدخل بأي شي ثاني
علي : يلا اساساً الأغراض وركبتهن بالسيارات تحركو انتم يلا
هتون : تقول اميره عند الباب
علي : زين يلا انا وين اروح مع مين ؟
طلال : بسيارتي
علي : جب المفتاح
طلال : لا ريح انت انا بسوق
علي : على هواك ، يلا توكلنا

....
راحو كلهم وركبو السيارات وحركو ..

السياره الأولى :

ليث : اخخ زين صرت معكم
علي : من حظك
ليث : مب من زينكم يبه
علي : اياالهيس ! اجل وش عليه ؟
ليث : دايخ ابي انام
علي : يعني حنى نجيب النوم ؟
ليث : والله علاوي انت لحالك يمكن زين بس لا اجتمعت مع طلول وخيال اعوذ بالله
علي : اقول كل تبن ونم
ليث : سم طال عمرك
،
ريم بهمس : وهه ليتنا مع البنات بسياره وحده احس مع الشباب كذا ما اقدر اقول شي ولا اقدر اضحك ولا اعلق ولا شي
رنا : الشكوى لله بنمسك انفسنا لييين الله يفرجه
حياة : لو جايبين وئام معنا
ريم : ايه صادقه هي الي تشجعنا بالعاده
التفت ليث عليهم
: ريم خلاص اص
ريم : خير ؟
ليث : اص
سفهته ريم ومسكت جواله
ليث : هههههههههههههه امزح امزح ياخي خوذي من لسان اختك شوي بس
علي : ليث اهجد لا اهجدك انا
ليث : يااا علاوي لا تسوي شخصيه عند البنات يقالك خالهم
التفت علي ومسك يد ليث ولفه
ليث : ههههههه اهه اه علاوي امزح
ريم : ايه تكفى علي عليك به لا تخليه
علي : قاهرك ؟
ريم : اي والله فاقع مرارتي من امس لا تخليه
علي : على هالخشم
ليث : افاااا يالريم وش دعوا نمزح
علي شد على ايده : من عمتك ؟
ليث : ااا عمتي ابتسام وابتهال وساره واريج واسيل
علي وشد اكثر : من بعد ؟
ليث : اهه هههههه ريم ريم
علي : اييه غصبٍ عليك ، هاه يالريم يكفي ؟
ريم : اممممم يكفي بس عشانك انت ماتتعب
ليث : اخسي
ضرب علي راس ليث : خلك مؤدب مع عمتك
ليث : خلاص عاد وخر خل انام
جواد فك السماعه : ليثوه يا انت قلق خلاص انثبر خابرك بتنام !
ليث : اششش
جواد : هذا الي بسطره !

...

السياره الثانيه ..

عزام : فيصل تعرف الموقع ؟
فيصل : لا والله مانعرفه ماشين ورا طلال
عزام : ولا ارسل لوكيشن ولا شي ؟
فيصل : لا ابد
عزام : ليه طيب فرضاً حصل شي واضطرينا نتأخر عنهم
فيصل : والله وانا اخوك مادري عنه يقول بيفاجأنا ومايبي نشوف المكان قبل
عزام : خير خير
فيصل : الا بسألك
عزام : اسلم ؟
فيصل : من قال سالم ، انت وعلي وشبكم ناقد عليكم هاليومين
عزام : ماهنا الا كل خير بس حصلت مشكله صغيره و بتنحل ان شاءالله
فيصل : اييه خير
،

اما بالخلف ف كان الهدوء يغلب على البنات
ملاذ وجمان اخذتهم السواليف و لين ومايا غلبهم النوم
جوان كانت تقراء كتاب ومهره بجواله
اما اميره وريمان ..
ريمان بهمس : كله منك ياكلبه انا بعد ليه اقتنعت ليه اجي ؟!
اميره : ريمانوه لا تكرهينني الطلعه خلاص عاد ترى كله يوم !
ريمان : بس ولو انا مابي اشوف خالك !
اميره : مارح تشوفينه !
ريمان : ماشاءالله شلون ؟؟؟
اميره : ريمان خلاص اص الحين انتي جيتي ومارح يرجعك شي زين !
ريمان : افففف اففف


.....

السياره الثالثه ..

مهند : شباب وشبكم ساكتين !
لؤي : يا ابوي احد له خلق يسولف على هالصبح !
وئام : ايه مهند
مهند : ايه عادي واذا صار صبح يعني تصوم عن الكلام ؟
وئام : والله ودي اوزع سواليف مهند عليكم كلكم انا متأكده تكفي وزياده
مهند : لا يكون مزعجينك انسه وئام ؟
وئام : والله يعني تقدر تقول
مهند : اخسي
رائد : لا حححول انا وش قردني وركبت مع هالأثنين
لؤي : صدقت والله !
حسام : المرات الجايه كل واحد بسياره
هتون : ليه ان شاءالله ؟ والله لو عليكم انتم حامت كبدنا خلهم يتهاوشون اقله مسوين لنا جو
مهند : ياعمري بس ياهتون
بسام : خير ان شاءالله ؟ تقل انك تمون بزياده
مهند : يا اخوي وشبك من زين عمري عاد ؟ فكر به
بسام : تصدق اقنعتن !
مهند : هههههههههه مع الأسف
ماريا : بس ترى مع ذلك هاجدين مب على هبالكم
فرات : يابنت الحلال اسكتي خليهم
لؤي : ههههههه عيب عليك يا مهند مزعج فرات
فرات : تتطنز انت ووجهك ؟
لؤي : لا ابد سلامتك
فرات : انننن
لؤي : وشي ذي اننن ياخي المراهقات مشكله
فرات : هههههه وجعع !
حسام : يوووههه وش ركب الشيبان معنا
...
..

ومر الوقت وهم يتحارشون وما احد ترك الثاني بحاله ...
وبعد ساعتين وصلو لوجهتهم الي مخبيه لهم الكثيير من الأحداث

نهاية البارت 17 ..