السلام عليكم ورحمة الله وبركاته

يعطيك العافية يا قمر


لكِ ودي

البارت 16 :


في ليلة ظلماء هادئة طُرقت احد النوافذ ثلاث طرقات متتاليه ، ممار اثار استغراب صاحبتها
صاحبتها التي لم تفارق الغرفه منذ اسابيع ،
وقفت متجهةً الى النافذه لترى مالأمر ؛
ازاحة الستار وفوجئة به واقفاً في ساحةِ منزله المجاور لمنزلهم وبيده الحجاره واليد الأخرى هاتفه الذي اشار به لها بمعنى ان ترد على اتصاله ...
؛

اخذت جواله و لقت منه 15 اتصال ، رن الجوال وردت بسرعه بفضول ورى هالتصرفات وهالجرأة
: نعم ؟
: يا اهلاً وسهلاً وينك من اليوم اتصل فيك ؟
وبإندفاع : وش عندك ؟
: ماعندي شي بس مو هاين علي اشوفك بهالحاله
: وليه تشوفني اصلاً ماتستحي ؟
: ههه افا لا استحي بس مو وانتي بهالحاله
: انا مافيني شي تقدر ترتاح
: اذا كذا ليه ماطلعتي من غرفتك ؟ ماجلستي مع اهلك ؟ ما رحتي للجامعه ؟
: انا احب غرفتي واهلي كلهم مشغولين والجامعه اعتذرت عن الترم
: عمتي ساره فاضيه وجالسه بالبيت 24 ساعه وبالعكس محتاجتك جنبه ، واعتذارك هو اسوء قرار اتخذتيه
: وليه اسوء قرار ؟
: ما احد يلومك على حزنك ومن حقك تزعلين ، بس الي مو من حقك انك توقفين حياتك عند هالحزن و تسمحين له يأثر عليك انتي ادرى وحده بأبوك و وش كثر يبي لك الخير ويبي سعادتك كل الي انتي تسوينه الحين يعذبه بس
: غيث وقف !
غيث : سمي ؟
: من سمح لك تتكلم معي كذا ؟
غيث : انا بس حبيت انصحك لأنك مو هاينه علي
: بس انا ما طلبت نصيحتك !
غيث : امم اوكي ملاك انا اعتذر لو ازعجتك مع السلامه ..

سكر غيث وتوجه لداخل البيت
وقفت ملاك عند دريشته تراقبه وهو يدخل
" ياترى ردي غلط ؟ الولد ما قال شي ليه فشلته كذا ؟ بس ما احد يحس بالي انا احسه مالهم حق يملون علي وش اسوي ! لا لا احسن يستاهل حقه وماجاه "
؛

كانت مكالمه سريعه ولكن الله العالم اصغر الأشياء وش ممكن يصير بسببه ..

...

مشت على اطراف اصابعه خوفاً من جدته لا تكشفه ،
دخلت غرفة الجده بتاخذ المسجل الصغير بما ان الجده في الحديقه الخلفيه مع ام ساره ...
؛

الجده : هلا يمه علي وش اخبارك ؟ وش مسوي ؟ ... حنى ياربي لك الحمد بخير ، انت وش اخبارك عساك مرتاح ؟ ... وين الصور ما اشوفك صورت المكان ابد ؟ شكله ماعجبك ؟ ... اييه ماشاءالله اجل نروح له لنا يوم مع اخوانك وعيالهم ......

؛

سمعت صوت جدته ودورت مكان بسرعه تتخبى فيه ما اسعفتها الغرفه الا بتحت السرير ركضت وتخبت قبل دخول الجده ..
" جدتي وش جابه الحين توني عندهم ولا لها نيه تقوم اخخخ بس يالحظ يارب ما تنتبه لي "

دخلت الجده وهي تدعي لولده جلست على كرسي التسريحه قدام مهره واتصلت على رقم ثاني ..
الجده : هلا يبه سامي .. المعذره ما قدرت اتصل بك اليوم كله كنت مشغوله .. ها بشر فيه شي جديد ؟ ... ايه ؟ .... حلو وانت بتروح تنتظره عشان تاخذه صح ؟
... لا لا الخطه ممتازه يبه وان شاءالله بتمشي كل امورنا صح .. يلا يبه موفق وانتبهو لا يشوفكم احد وتخرب كل مخططاتنا ..

سكرت الجده وهي تدعي لسامي وتدعي على الظالم ، طلعت مهره من تحت السرير بعد ما تأكدت ان جدته راحت
صار عند معلومات بسيطه يمكن ما تفيده بشي لكن بتتأكد من المسجل يمكن تستفيد من شي ثاني راحت لكرسي التسريحه الي ثبتت المسجل تحته وقبل تطلع الشريط ...

؛

" : متى اعطيك المذكره ؟
...
: متى ماتبي
...
: ينفع الحين ؟
...
: ما كأن الوقت متأخر ؟
...
: الا بس كيفك خلاص اجيبه معي بكرا
...
"

جلست تفكر اميره بما ان امه وابوه نايمين ماعنده مشكله لو جاء واعطاه المذكره ، بس الحراس ؟!

"
: معاذ خلاص برسل لك الموقع
...
: اوكي شويات وجاي
...
: انتظرك بس قبل تقرب للبيت ارسل لي عشان اصرف الحراس
...
: ان شاءالله
"

قامت اميره بسرعه تتجهز كانت لابسه بجامته لبست فوقه روب واكتفت بشيله لفته اي كلام وكل شعره طالع اكتفت ب مسكرا وشوية كحل مع مرطب
كانت تعرف وش حكم الي تسويه كله بس كأنثى حب الجمال طغى عليه وماقدرت تمنع نفسه ،
بعد ربع ساعه ارسل له انه قريب ، بسرعه اتصلت على الحراس
: اهلاً مصطفى لو سمحت اريدك ان تأخذ جميع الحراس وتذهبو لتتأكدو من الحديقه الخلفيه فقد كنت هناك قبل قليل و كأنني لمحت 3 رجال فيه الحديقه ، اذهبو جميعكم وتوخو الحذر فقد يكونو مسلحين ، وارجوك الا تخبر ابي وباقي اخوتي فقد نامو حديثاً ولا اريدهم ان يفزعو ..
مصطفى : حسناً يا سيدتي لا تخافي انا وباقي الحراس سنقوم باللازم
اميره : شكراً لك
؛

بعد ما تأكدت ان الحراس كلهم راحو ارسلت لمعاذ ..

وقفت سيارته قدام الباب ونزل والمذكره بأيده
كانت واقفه عند الباب وماسكه حجابه وروبه بخوف وهي تتلفت تخاف الحراس يرجعون او احد اخوانه ينتبه له
معاذ بهمس : السلام
اميره : وعليكم السلام هات بسرعه
معاذ : مشكوره وماقصرتي
اميره ابتسمت له ابتسامه ذوبت قلبه ونسته نفسه : ولو ماسويت شي بس يلا يلا رح لا يشوفنا احد


؛؛؛

مهره : يمه !!
الجده : مهره ! وش تسوين هنا ؟
مهره : يماااه انااا اممم
الجده : وشبك يمه ؟
مهره : انا جيت ادور بخور كان عن
الجده تركت مهره وهي تراقب دريشة غرفته الجانبيه
مهره : يمه ! وشبك ؟
الجده : هذي اميره ؟
مهره بإستغراب : اي والله !
الجده : ومن الي معه ؟
مهره : مادري والله اول مره اشوفه !
الجده : لا حول ولا قوه !؟
مهره : يمكن زميله شوفي الي بأيده
الجده : وليه جاي هالوقت مارح يشوفه الصبح ؟ وهي ليه طالعه بهاللبس وحجابه ليه كذا ؟ والحراس وينهم ؟
مهره : مادري يمه بس خلينا نحسن الظن
الجده : لا اله الا الله كل شي واضح يمه
مهره : ولو ياقلبي
الجده : انا لازم اكلمه والله لو يشوفه احد اخوانه او ابوه ان مايصير له طيب مب صاحيه ولله
مهره وهي فرحانه وتدعي لأميره الي نست جدته موضوعه : ابد كلميه بكرا يلا انا استأذن
الجده : زين زين

..

حرك معاذ و اميره ركضت لداخل البيت قبل يرجعون الحراس او يشوفه احد ..
بعد ما دخلت غرفته اخذت نفس عممممييييييق ودقات قلبه كل ماله تتزايد ضمت يدينه لصدره و ابتسمت بحب ورضاء بعد ما شافت نظرات معاذ الي ارضت غروره كا أنثى هي تعرف لأي درجه انفتن بجماله وشكله ...

؛

طلعت مهره بسرعه لغرفته واتصلت ب جمان
ردت جمان بكسل : هممم وش عندك
مهره : جدتي بكرا وراه شي بس مافهمت وشو ؟
قامت جمان بسرعه : وش سمعتي ؟
مهره : تخيلي باخذ الشريط وجت بس الحمدلله صار شي ونستني
جمان : وش عنده بس ؟
مهره : تخيلي سمعته تكلم سامي وتقوله انه ماقدرت تكلمه طول اليوم لانه مشغوله والي فهمته من ردوده ان بكرا فيه شي بيصير مع هالمجرم والعميل وسامي بيروح ياخذ العميل
جمان : ايوه ؟
مهره : بس
جمان : ماعرفتي الوقت المكان اي شي ؟
مهره : لا بس هذا الي قالته
جمان : اخخخ حسافه ، عموماً دام كذا انا الحين لازم اروح لعمي ندورعلى اي واحد اسمه سامي بالشركه وندور بيته لعلنا نقدر نتتبعه
مهره : اوكي قولي لي وش يصير انا ما اقدر اطلع لو طلعت جدتي بتشك بوضعي
جمان : ايه مهره تكفين انتبهي ترى جدتي نبيهه وما يطوفه شي
مهره : لا توصين حريص انا بنت جدتي
جمان : ههههههه اي والله وانا اشهد
مهره : هههههههههههههه يلا بسرررعه علميني وش يصير
جمان : يلا مع السلامه ..
؛

لبست اول لبس قدامه وطلعت لبيت عمه بسرعه واتصلت على عزام ...

عزام ونصه نوم : الو ؟
جمان : عزام ! بسرعه صحصح
اعتدل عزام خاف صاير شي : هلا وشبك وش صاير ؟؟؟
جمان : كل خير كل خيير بس عمي قايم ولا لا ؟
عزام : لا نايم من زمان
جمان : لا تقوله
عزام : وش عندك ؟
جمان : انا جايتكم بسرعه ورانا شغل
عزام : اقوم ابوي ؟
جمان : لا خلاص حرام لا تنكد عليه نومته
عزام : زين يلا انا انتظرك بالمكتب
سكرت جمان وهي ماتدري شلون بتتعامل معه بعد الصبح ولكن الموضوع ابوه هي لازم تتناسى كل شي وتركز بهالعمليه

دخلت البيت وتوجهت للمكتب ..

جمان : السلام عليكم
عزام بدون ما يناظره : وعليكم السلام ، تقولين وش الموضوع ؟
جمان : الموضوع هو .......
عزام : مافيه بالشركه سامي غير اثنين واحد منهم تركي والثاني سعودي
جمان : والله ؟ حلو عندك صوره للسعودي ؟
عزام : مادري والله خلينا ندخل حساب الشركه ونشوف
جمان : يلا ، بس زين انا توقعت بنضطر نروح للشركه ونشوف ملفات الموظفين
عزام : وهذا الي بيصير
جمان : ليه ؟
عزام : شلون بنعرف بيته
جمان : اييييه صح ، طيب مالقيت له صوره ؟
عزام : لا مالقيت شي
جمان : افف شكل ليلنا طويل اليوم
عزام : لقيته لقيته
جمان : اشوف ؟!! لاا عزام مب هو متأكد مافيه سامي غيره؟
عزام : قومي نروح للشركه ونشوف
جمان : يلا

....

توجهو للشركه وهم على امل يعرفون هالسامي لأنه املهم الوحيد ..

؛

" معاذ : شافك احد ؟
...
اميره : لا الحمدلله
...
معاذ : اشوى انتبهي مره ثانيه تطلعين كذا
...
اميره بإستغباء : شلون ؟؟
...
معاذ : بدون حجاب سنع وب بجامتك
...
اميره : بس لابسه الروب فوق بجامتي :(
...
معاذ : بس مافاد ب شي جسمك كله كان واضح
...
توهقت اميره وماعرفت ترد : امممم ان شاءالله
...
معاذ : ??
...
اميره : يلا تصبح على خير ، تبي شي ؟
...
معاذ : ان شاءالله ما ازعجتك بس ؟
...
اميره : ابداً ??
...
معاذ : حلو اجل وانتي من اهله وما ابي الا سلامتك ، نوم العوافي
...
اميره : الله يعافيك
"
انتهت محادثتهم وكل واحد بداخله مستغرب شلون الامور فجأه وصلت لهالنقطه ما صار لهم مدة كل واحد فيهم وده لو يذبح الثاني

...

انتهت هالليله الا على ثلاث ، جمان وعزام المتوجهين للشركه و وئام الي بغرفته وذابحه التفكير والغيره ..

" هو انا ليه غبيه ؟ ليه اتركه وارسله لها ؟ اعوذ بالله من هالكرامه الزايده الي بتخسرني كل شي ! وهو ليه ما حاول يقعد معي وش شايف بهالإنسانه زود ؟ افف استغفرالله بس وش اسوي ؟ ابي اكلمه اعرف وينه الحين ! لا يكون عنده :( شلون اعرف ؟ ما اقدر اطلع من البيت !
مهره !! مالي الا مهره تروح وتشوف لي هو عنده ولا لا ، بس وش اقوله ؟ اكيد بتشك بشي م اقدر اففف وش اسوي :( "
طلعت لصالة فوق المقابله لبيت خالته اسيل شافت سيارته موجوده بس مع ذلك ما ارتاحت نزلت وطلعت للحديقه متجهه للبوابه الي بين بيتهم وبين بيت جدته تعدت بيت جدته رايحه لبيت الضيوف بس بتشوف اذا فيه اضاءه او لا
شافت البيت هادي واضاءته خفيفه واضح ان الموجودين كلهم نايمين ..
رجعت وهي تحس انه نوعاً ما مرتاحه
وعلى رجعته انفتح الباب ولفت خايفه ..
طلع مهند من بيت ساره وهي وراه
سلم مهند على ساره ولف ..

وئام نست نفسه بعد ماشافته ايده على خصره و يسلم عليه من خده ما صحت لنفسه الا بعد ما انتبه له مهند لفت بترجع لبيتهم و مهند وراه
وقبل تدخل بيتهم مسكه و سحبه بقوه وطاحت عليه ، مسكه مهند بسرعه وبعد ما توازنت بهمس سأله : وش جايبك هنا ؟
وئام بصوت مخنوق : راجعه من بيت امي لولو
مهند : لا تكذبين امي نايمه من زمان ومافيه احد بالبيت صاحي
وئام : ايه انا كنت ناسيه اغراضي عندهم ورحت اخذه
مهند : والله ؟ و وين هالأغراص ؟
وئام : هاه ؟ مادري مالقيتهم اكيد الخدم شايلينهم
مهند : اييههه خير ان شاءالله
ناظرته وئام بنظرات وكأنه تلومه وتسأله ليه هو موجود معه
مهند ومازال ماسك وئام : بخاطرك شي بتقولينه ؟
وئام وش اقول و وش اخلي ؟ : لا
تنهد مهند وهو تعبان من مكابره : طيب على راحتك
فكت يدينه وئام وتوجهت للبيت بدون ولا حرف زياده تحس وكأن سكين مغروزه وسط قلبه ..
مهند ظل يراقبه من وراه وهو مقهور منه و خايف عليه بس لا يمكن يقول له اي شي قبل ماتترك عنه هالمكابر

...