البارت 13 ..

"" أنا ما بدي إياك بس ما بدي تنساني
اللي عشتو معي ممنوع تعيشوا مع حدا تاني
ضلك حبني عن بعد واتخيل إنا مع بعض
حسسني وأنا قدامك إنو وقفت فيك الأرض ""

ياكبر الشيء بعيوننا بعد ما نفقده او نحس اننا فقدناه ..
وقته تبين اقدار اشخاص بالنسبه لنا ..


كانت تراقبه ، ماتدري شلون قلبه سيطر على كل حواسه وعلى كل جزء من اجزاء جسمه وساقه ورى من عاشت سنين تكابر على حبها له
من دون شعور جلست بسيارته تراقبه وتراقب ملامحه ضحكته الي اشتاقت لها لدرجه هي ماكانت متوقعته !
تراقب هو شلون منسجم مع هالغريبه الي فجأه دخلت حياته وقلبت كل الموازين ، كيف ماخذه عقلع بأنوثته الطاغيه ..
هي كيف ممكن تبعده عنه ؟ لا يمكن تقدر تتحمل تشوفه مع غيره

قطع تفكيره صوت جواله ..

جمان : سمي يمه ؟
ام جمان : هلابك يمه وينك ؟
جمان : بالطريق ياقلبي
ام جمان : تعشيتي ؟
جمان : لا
ام جمان : طيب وش رايك تطلعين انتي واختك لعله تتكلم معك !
جمان : صححح ، بس ماتشك !
ام جمان : لا ما اتوقع
جمان : زين اجل انا اكلمه ونطلع
ام جمان : الله يعافيك يمه ...
جمان : هلابك ياقلبي ، وينه هي بالبيت ؟
ام جمان : ايه بغرفته من اليوم
جمان : غريبه ماراحت لبيت امي لولو ؟!
ام جمان : راحت ومالقت احد
جمان : اها حلو اجل يلا توصين شي ؟
ام جمان : سلامتك ياروحي


،
جمان : هلا ميمي وش اخبارك ؟
مهره : هلابك بخير وانتي ؟
جمان : الحمدلله كل شي تمام ، الا اقول مهره
مهره : سمي ؟
جمان : اءءء تعشيتي ؟
مهره : لا ليه ؟
جمان : بس ودي اطلع اتعشى وابي احد معي قلت اشوف عنك
مهره : اهااا لا والله ما اشتهي
جمان : تعالي بس وتصيرين تشتهين
مهره : لا جمان مالي حيل اقوم والبس
جمان : وين الي تقول ابي اختي ترجع مثل قبل وابي نرجع خوات نطلع ونروح ونجي ونضحك جميع ؟ يلا امشي بس لك خمس دقايق تجهزين
مهره : زين يلا شوي وانزل لك
جمان : انتظرك ..


،


اميره : ريمان !!
ريمان : هممم
اميره : شوفي من كلمني بالتويتر !!!
ريمان : مين ؟!
اميره : شوفي
ريمان : هئئئئئئئئئ هههههههههههههههههههههههههههههههههههههههههههههههههه ياويلك اكيد عرف
اميره : لا ان شاءالله مالي خلق ابببد
ريمان : احسن احسن هذي حوبتي ، تكفين ردي ابي اشوف وش يقول
اميره : لا مارح ارد عليه
ريمان تحاول تقنعه : الا ردي دام اني معك عشان اساعدك بالردود وغير ذا تبين يجي يكلمك بالجامعه ؟ هااا تبين ؟
اميره : لااا تكفين ! خلاص ارد عليه الحين بس يفكني
ريمان : يلااا

"
معاذ : اميره !

اميره : نعم ؟
بعده ب دقيقتين

معاذ : هلابك ، وش اخبارك ؟

اميره : بخير ..

معاذ : وانا الحمدلله بخير :)

اميره : وش بغيت ؟

معاذ : بسألك عن محاضرة اليوم كاتبته ؟

""

ريمان : هووو !
اميره : غريبه ماقال شي ؟
ريمان : تتوقعين ما قال له عشان مايحرجك ؟
اميره : مادري ما اتوقع بس بعد هالعلة لو هو عارف ما كان سكت
ريمان : الله اكبر مسويه خبره بالرجال
اميره : لا والله هو مايخليك لو وش ينشببببب لك تبين يحصل مثل هالفرصه ويسكت ؟
ريمان : مادري عموماً الحمدلله احسن
اميره : اي والله صدقتي

""

اميره : ايه كاتبتها

معاذ : كامله ؟

اميره : ايه ، تبيها ؟

معاذ : طيب ولا عليك امر ممكن تصورينه لي ؟

اميره : خلاص انا اطبعه واعطيك بكرا والي مب واضح أشر عليه و انا اوضحه لك

معاذ : اي والله تسوين خير مشكوره

اميره : اهلاً وسهلاً

معاذ : بس ليتك تكملين جميلك وما تحشين بالخلق مع خويتك ..

""

اميره : هئئئئئئئئئئئئئئ ريمااااان علق علق الكلب انا قايلة لك مايوفر شي
ريمان : اشوف اشوف !
اميره : وش اقول له الحين ؟!!!
ريمان : هههههههههههههههههههههههههههههههههههههههههههههههه يا شينه وهو الحمار اسلوبه يفشلك زياده
اميره : مب وقت ضحكك وجع
ريمان : هههههههههههههه احسن ضحكي ولا شي عند الي سويتيه بي
اميره : والله يا انتي ذليتيني بعد !
ريمان : اش بس
اميره : المهم الحين وش ارد عليه ؟
ريمان : مادري اسكتي لا تردين
اميره : لا يا شيخه هذي الي بتساعد ؟؟؟
ريمان : هههههههه هو ترك لنا مجال نساعد او نلقى رد ؟
اميره : اففف بس وش اقول الحين ؟

""

بعد 5 دقايق
معاذ : اشوفك مارديتي ؟

اميره : اش بس دور لك احد يطبع لك المحاضره

معاذ : ههههههههههههههههههههه لا خلاص امزح معك بس اطبعيه

اميره : خير ان شاءالله ..

""

اميره : الله يقلعه ريمان تكفين تعالي بكرا معي وانتي اعطيه المحاضره
ريمان : لا والله وش دخلني بكم انا ؟
اميره : حسبي الله عليك ماتنفعين بشيء
ريمان : طيري بس ههههههههههه


،

علي : هلا طلال .. هلابك هلا والله ... اي على اتفاقنا ، بس وش صار عليك انت وحياة ؟ .... حلو جزاكم الله خير ... والبنات موافقين على المكان ؟ .... ماعليك ماعليك من عيال ساره بنطلعهم غصب المهم ان باقي البنات ماقالو شي ... زين خير خير اجل يلا توصي شي ؟ ... الله يسلمك يلا بحفظ الكريم ....

الجده : علاوي وش عندك ؟
علي : بطلع مع البنات والشباب نغير جو عيال ساره
الجده : ايييه كثر خيرك يبه
علي : وخيرك يمه
الجده : متى ؟
علي : الخميس الجاي
الجده : ايه زين وترى الخميس الي بعده عزيمة جهاد واهله
علي : هوو تونا يمه ! شلون تعزمين وهذا وضع ساره ؟
الجده : كلمته وهي الي وصتنا اننا ما نتأخر على الناس وبعدين هي حتى لو خلصت عدتة ماله نفس هالإجتماعات والطلعات بعد المرحوم
علي : والله انتم ابخص مع اني اشوفه شينه
الجده : لا شينه ولا شي الحمدلله ، هذي سنة الحياة وطريقٍ كلنا سالكينه
علي : خير ان شاءالله ، المهم توصين على شي ؟
الجده : سلامتك بتنام ؟
علي : ان شاءالله
الجده : نومة العافيه يمه
علي : يعافيك ياقلبي ، يلا تصبحين على خير
الجده : وانت من اهله ..


،،


عزام : السلام عليكم
سليمان : وعليكم السلام هلا يبه
عزام باس راس ابوه : هلا والله امرني يالغالي ؟
سليمان : اههخخ اقعد يبه
جلس عزام : اسلم ؟
سليمان : وش الحل الحين ؟ وش هالمصيبه الي طاحت على روسنا ؟
عزام : الحمدلله على كل حال
سليمان : الحمدلله بس وش الحل يبه ؟ بنت اخوي انا ما ابيه تدري بالموضوع ابد
عزام : عشان نحل هالمشكله لازم نعرف من الي موصل له هالمعلومه !
سليمان : بس شلون نوصل له ؟!
عزام : هنا المشكله
سليمان : دق يبه على جمان قل له تجي
عزام : سم

؛

عزام : هلابك جمان وينك ؟
جمان : هلا والله انا طالعه مع مهره نتعشاء
عزام : لاااه ؟!
جمان : ايه بغيت شي ؟
عزام : لا سلامتك ابوي كان يبيك تجين بس دامك معه زين حاولي تسحبين منه كلام
جمان بزلة لسان : انت رجججع..
عزام : وش قلتي ؟
جمان : لا اقول انت عند عمي ؟
عزام : ايه بس وش قلتي ؟
جمان : سلامتك ، تبي شي ؟
عزام : هه سلامتك

،

سكرت جمان و وجهه احمر " هي شلون نست نفسه ! ياربي معقول سمع وش قلت او شك ؟! لا ياربي فضحت نفسسسي اففف اكره هالشعور :(( "
مهره تأشر لجمان : جمان جمااان وشبك ؟؟
جمان : هااا لا ولا شي
مهره : وش عنده عزام ؟
جمان : اااا عمي بيسأل عن بعض الملفات
مهره : اهااا زين نطلب ؟
جمان : يلا

،

سليمان : وش تقول ؟
عزام : والله يا يبه شكل هالمشكله خير علينا
سليمان : شلون ؟
عزام : جمان طالعه تتعشاء مع اخته
سليمان : ماشاءالله زييييين لعله ان شاءالله مثل ماقلت ، خلاص اجل اقابلك بكرا انت وجمان بالشركه حاولو ماتتأخرون
عزام : سمم ان شاءالله بـ اعطيه خبر
سليمان ك تسلم يبه ، يلا تصبح على خير
عزام : وانت من اهله


،

جمان : ايوه ، وش اخبارك ؟ والجامعة عسى كل شي تمام ؟
مهره بشك : والله الحمدلله كل اموري تمام ..
جمان : الحمدلله ، اختباراتك زينه ؟
مهره : الحمدلله
جمان : ايوه ؟ تعرفتي على احد ماتعرفتي وش تسوين وين تروحين ؟
مهره : جمان وش عندك ؟ وش ورا هالعشاء ؟
جمان : ولا شي بس انتبهت اني فعلاً بعدت عنكم وما ادري عن اي شي ، وهذا غلط
مهره : بس كلنا نعرف انك مشغوله وما عندك وقت
جمان : ولو انا ابي اكون على تواصل معكم وما انقطع
مهره : طيب ليه ماقلتي لجوان تجي معنا ؟
جمان : ااا كلمته وماردت وسألت امي قالت لي نايمه !
مهره : لا ما نامت بس بغرفته
جمان : اهاااا يلا خيره بغيره عموماً انتي وش تسوين وين تروحين وقت فراغك ؟؟
مهره : ما اسوي شي مع البنات
جمان : ليه ماتدورين لك على دوره او اي شي تستفيدين منه ؟
مهره : مالي خلق الجامعه وعسى الحق عليه
جمان : اممم طيب وش تسوين مع البنات
مهره : جمان وش نسوي يعني اكيد نقعد سواليف وضحك وحش بس
جمان : امممم اوكي جاء العشاء ..

" واضح ان امي مكلمته وقايله له ، فيه شي مخبينه بس وش هالشي ؟ و شلون بعرفه ؟ معقوله ابوي مات مقتول ؟ اخخخ اقول له واصارحه ولا اسكت واحاول اعرف ؟؟؟
وبعد مده من التفكير ،،
لقيته ! لا هذي ولا ذي جمان بتعترف لي بدون ما اقول له شي من الي سمعته "

،،


علي : هلابك ابو محمد وش اخبارك اليوم ؟ والأهل ان شاءالله كلهم بخير ؟
خيّال : الحمدلله بخير ونعمه من ربي ، انتم وش اخباركم ؟ وامي لولو شلونه ؟ من زمان ماشفته والله
علي : معذور معذور والله يا ابو محمد ، لكن بغيت اقولك الخميس الجاي عساك فاضي انت و بسام والبنات ؟
خيال : مادري والله وش عندك ؟
علي : ياليت تأكد لي الحين قبل تنامون
خيال: زين بس وش عندك ؟
علي : بنطلع ان شاءالله كلنا طلعه شبابيه وبنوسع صدورنا ونغير جو
خيّال : لا والله يا ابو عزوز اعذرون مالي حيل جمعات اخواني مادري عنهم اسألهم وارد لك خبر
علي : اقول انت اولهم وكيفك عاد
خيال : يا ابن الحلال مالي حيل كيفكم انتم اطلعو
علي : لا تحدنا نجي نسحبك من فراشك بتجي يعني بتجي ، طلال وحياة لهم يومين يجهزون لهالطلعه
خيال : خير خير ان شاءالله
علي : يلا الله يخليك تأكد لي الحين من اخوانك قبل انام
خيال : زين يلا تامر على شي ؟
علي : سلامتك
خيال : الله يسلمك


،،

: ليه كذبتو علي ؟ ليه خبيتو عني لهالوقت ؟؟
جمان : بسم الله وش جاك ؟ متى كذبنا عليك ؟
مهره بتمثيل : جمان خلاص عاد انا عارفه ان هالطلعه هذي عشان الكلام الي قلته لأمي اليوم ، الى وين بتوصلون بلعبتكم هاا ؟
جمان : الله يهديك مهره اي لعبه ؟ حنى مالنا علاقه بأي شي صار ولكن ماقلنا لأحد مانبي تتعب نفسياتكم
مهره : وليه تقررون عن ؟ مالي شخصيه مالي رأي ما اعرف اقرر انا بنفسي ؟
جمان : هووو مهره تستهبلين ؟ يعني لو سمعتي ان ابوك انقتل بتقررين وقته انتي تتماسكين او تنهارين ؟؟

لحظة صمت وعلامات دهشه اعتلت وجه مهره

ضربت جمان راسه وعرفت ان اخته ما كان عنده خبر ، ماهي الا لحظات وطاحت مهره على الأرض
صرخت جمان تطلب المساعده
،،


خيال : ملاك
ملاك : همممم
خيال : عندك شي الخميس الجاي ؟
ملاك : لا
خيال : زين

طلع من غرفته بدون مايقول له اي شي يعرف رده ، اذا هو الي المفروض يتماسك ما قوى هي وش بيكون وضعه ..

دخل غرفة ماريا وجلس على طرف السرير : ماريا عندك شي الخميس الجاي ؟
ماريا : لا
خيال : زين ترى خالي علي دق يقول بنطلع جميع
ماريا : مالي نفس يا خيال اعتذر لي منهم
خيال وهو يمسح على راس اخته : ياقلبي كلنا مالنا نفس بس خلينا نطلع نغير جو ، ترى ما فكر خالي بهالفكره الا عشاننا
ماريا : مادري خيال يصير خير
خيال : ابد يصير خير ، يلا ياقلبي تبين شي ؟
ماريا : سلامتك
خيال : يلا تصبحين على خير
ماريا : وانت من اهله

طلع خيال متوجه لغرفة هتون

: بسام هنا ! زيين
بسام : هلا وش بغيت ؟
خيال : بسألكم عندكم شي الخميس ؟
بسام : لا بس وراي اختبار الأسبوع الجاي وودي ادرس
هتون : ولا انا ماعندي شي
خيّال : متى اختبارك ؟
بسام : الثلاثاء
ضحكت هتون
خيّال : حتى هتون ضحكت عليك
بسام : وشش تبي ؟
خيّال : الخميس خالي علي والشباب والبنات بيطلعون ولازم نطلع معهم
هتون : زين نغير جو
خيال : ايه احسن
بسام : مادري ياخي ودي ادرس الماده صعبه
خيال : طيب تعال معنا لو شوي وارجع
بسام : مادري مادري يصير خير
خيال : المهم تبون شي ؟
هتون - بسام : سلامتك
خيال : يلا تصبحون على خير
: وانت من اهله
هتون : خيّال !
خيال : هلا ؟
هتون : امي من بيقعد معه ؟
خيّال : خالاتي مايقصرون وجدتي اكيد بتجي اذا عرفت اننا طالعين
هتون : تمام
خيال : حتى ملاك اتوقع ترفض مره تطلع
بسام : هي اكثر وحده لازم تطلع
تنهد خيال : الله يهديه بس
بسام - هتون : اممين


،،

جمان : خلاص دفعت يلا نرجع ؟
مهره ساكته بس دموعه ماوقفت
مسكته جمان و سندته

ركبت السياره وتنهدت : تكفين مهره لا تضيقين صدري انتي بعد ترى الي فيني مكفيني والله
مهره اخيراً نطقت : شلون ؟
جمان : اااههه كنت طالعه معه بعد مارجعنا دخلت البيت قبله ، وفجأه سمعت صوت كان قوي وقرييييب طلعت بسأل ابوي عن هالصوت وشفته عالأرض وفيه رجال واقف قريب منه ما كان واضح منه شي اول ما شافني هرب
مهره مع كل كلمه كان صوت انينه يزيد
جمان : للأسف ماقدرت اسعف ابوي ولا هو تحمل وصاني عليكم وما قال لي اي شي عن الشخص الي قتله
مهره : ليه ماقلتو لنا
جمان : شلون نقولكم يا مهره ؟
مهره : شلون تحملتي بكل مره كنت الومك على برودك ؟
جمان : انتي اختي !
مهره صاحت اكثر ، ولا مره شكت اصلاً بوفاة ابوه ..

جمان اخذت نفس ومسحت دموع مهره ومسكت كتوفه
: مهره ، اسمعين انا عرفت انك سامعه شي من احد ، الحين صياحك وانهيارك مارح يفيد بشي ابوي راح والله يرحمه ، وموضوعه تسكر بعد ما فقدنا الأمل بأننا نعرف القاتل وعمرنا ما تكلمنا بهالطاري ، لكن انه ينفتح بعد هالسنين هالشي ماينسكت عنه ، لذلك امسحي دموعك وارفعي راسك وقويّ نفسك وحاولي تساعديننا
مهره : مين انتم ؟
جمان : انا وعمي سليمان وعزام
مهره : من يعرف بوفاة ابوي ؟
جمان : انا وامي وجدتي وعمي سليمان وياسر وعزام وملاذ بسسس ، والحين الكلام الي سمعتيه من مين ؟؟
مهره : جدتي !
جمان بتعجب واندهاش : جدتي ؟
مهره : ايه
جمان : وش قالت بالضبط ؟ و شلون سمعتيه ؟
مهره : كانت تكلم وماتدري اني موجوده
جمان : ماتعرفين تكلم مين ؟
مهره : مادري كانت تكلم واحد اسمه سامي !
جمان : سامي ؟ سامي سامي سامي ياربي مر علي الأسم بس ويييييين ؟؟؟ طيب وش بعد ؟
قالت مهره لجمان كل شي سمعته من الجده !
،،

جمان : يعني امي لولو كانت تعرف هالمجرم من البدايه وساكته !!!
مهره : اعتقد انه ناويه تنتقم
جمان : وشكل المجرم مو هين بس وش جابه لأبوي ؟ يعني انا عمري ما سمعت ان ابوي عنده عداوات او مشاكل !
مهره : نسأل امي ؟
جمان : ممكن ، المهم بكرا بعد الجامعه بتجين معي
مهره : وين ؟
جمان : عمي سليمان وعزام ، على اساس كنت بسحب منك كلام ونحاول نعرف من الي موصل لك هالمعلومات قبل تعرفين ، بس الي حصل انك انتي الي سحبتي الكلام من
مهره ابتسمت : اهه الله يعين بس ..


،،

صباح يوم جديد مليئ بالأحداث ...

: اممميره !
؛

اميره : افف هذا شفيه يصارخ !

تقدم معاذ لأميره : السلام
اميره : وانت خليت به سلام ؟ خير وشبك تصارخ مابقى احد ماعرف انك تبيني
معاذ : ساعه اناديك ماتسمعين
اميره : خير وش تبي ؟
معاذ ابتسم : المحاضره
اميره : اي محاضره ؟
معاذ : تستهبلين ؟!
اميره طلعت الأوراق من شنطته: خلاص خلاص لا تصيح خذ
معاذ اخذ الأوراق : خلاص شكراً حبيبتي
طارت عيون اميره : خخخخييير ؟؟؟
معاذ : هههههههههههههههه اوهه صحح لا بسم الله عليك
اميره : معاذوهههه اففف ماتسوى علينا حشينا بك
قرب معاذ بضحك لأميره و ضرب طرف خشمه بأصبعه : عشان مره ثانيه تتوبين انتي وخويتك وتبطلون حش يلا باي اشوفك بالمحاضره
غمز له ومشى تاركه ، اميره تشنج كل جزء بجسمه ماتوقعته بهالجرأه " شلون يقرب لي لهالدرجه ويسوي هالحركه ؟ وقدام الكل ، ااااهههه الحمدلله ريمان مب فيه ولا كان وش يفكن من لسانه "


،،


: هلا والله حياك خالتي تفضلي
: زاد فضلك يمه هلابك هلا وش اخباركم ووش مسوين ؟ بشرين عنكم يابنتي ؟
: والله الحمدلله كل شي تمام ، تفضلو تفضلو
،

دخلت وتفحصت البيت كله وطاحت عينه على المرأه الكبيره الي واضح انه من شدة التعب تحريك عيونه بس يتعبه و الطفل الصغير البريء الي كان ممكن يعيش حياة افضل بكثير ، حالتهم واضحه بدون ماتسأل عنهم ..
كبر بعينه حفيده الي ماترك هالناس المحتاجه وحاول يساعدهم قد مايقدر ..

قدمت له صاحبة البيت القهوه العربيه : تسلمين
: ياهلا والله حياك خالتي ، طمنينا عنك وش اخبارك ؟ وش مسويه ؟ وكيف تركيا معك ؟
: والله الحمدلله كل شي تمام ، اطمنيني عنك انتي ؟
: ياربي لك الحمد عايشين بخير ونعمه ..
: ااا هذي جدتي اول ماقلت له عن وضعك حبت تساعدك هي بنفسه
ساره : يا قلبي والله ماتقصرون لكن والله ماله داعي حنى الحمدلله عايشين بنعمه من ربي
الجده لولوه : طيب يا ساره كلميني عنك وش تسوين و وش نظامك ؟ وين تروحين ؟ و وش وضع امك و ولدك وابوه وينه ؟
انصفق وجه ساره بس جزء منه ارتاح لأنه تأكدت ان مهند ما قال شي لجدته : ااا والله انا بفضل ربي ثم مهند صرت اشتغل عندكم بالشركه و دوامي مسائي لأني الصبح بالجامعه او مع امي و ولدي ، و بالنسبه لأبو
قاطعه مهند بسرعه : ما اعترف به يمه .. و أشر لجدته تسكت بحيث انه تعرف ان الموضوع حساس
ابتسمت ساره والتزمت الصمت
الجده : ماشاءالله ، ممتاز الي تسوينه صعب جداً متى تلقين وقت لنفسك
ضحكت ساره : ههه ابداً
الجده : ربك يعين
ساره : امين ، بس الحمدلله دام اننا مستورين وبخير ف هذي نعمه
الجده : الحمدلله ، ااامممم ساره ؟
ساره : سمي ؟
الجده : انا بعرض عليك عرض وانتي لك الأختيار ، ولا تظنين ان هالعرض بدافع الشفقه ! ابببداً لو انا شفقانه كان جبت لك احد يعتني بأمك و ولدك ، لكن هالعرض لمصلحتك ومصلحتي
ساره : ايوه ؟
الجده : بببيتي فيه بيت منفصل للضيوف كامل متكامل فيه كل شي انتي تبينه ، غير انه قريب من الجامعه والشركه ، وفيه خدم بيعتنون بولدك ،يعني بتروحين لدوامك وانتي مرتاحه ، هذا بالنسبه لمصلحتك اما بالنسبه لمصلحتي ، ف هي امك انا ابي احد اقعد معه واسولف واخذ واعطي ابي احد يوسع صدري ف بفرح كثير لو قبلتي عرضي ..
ساره : مادري خاله انا ما اقدر اقبل هالشي
مهند : ساره وش الي ماتقبلينه قالت لك مب بس عشانك حتى هي له مصلحه من الموضوع ، خلاص عاد بلا دلع و وافقي
ساره : مب مسألة دلع والله بس صعبه
الجده : لا صعبه ولا شي ، صدقين لو جيتي مالي بك ايييي دخل
ساره : ممكن اوافق بس على شرط !
مهند: الي هو ؟
ساره : ادفع اجار شهري
مهند : ساره تستهبلين ؟؟

اعجبت الجده كثييير ب كبرياء ساره وعزة نفسه ، بنت مثله كان ممكن ماتعرف للكرامه درب بس صدمته !
الجده : خلاص والإيجار مهند بيحدده
ساره : اوكي
مهند : انا لو علي ماتدفعين ابد
الجده : خله على راحته يا مهند لاتضغط عليه
ساره : مشكوره وجزاك الله خير انا مارح انسى لك هالمعروف طول حياتي ، لا انتي ولا مهند الله يسعدكم ويرزقكم كثر ما اسعدتوني واكثر
الجده : اللهم امين ولو حنى اهل ، لا يمكن اشوفك بهالحال و اتركك ..
ساره : جزاك الله خير ..
الجده : يلا انا استأذن
ساره : تو الناس يا خاله خلك
الجده : كان ودي والله ولكن عندي شغله ولازم اطلع الحين
ساره : الله يساعدك تفضلي

طلع مهند مع جدته
ركبت الجده السياره وساره وقفت مهند عند الباب ومسكت ايده تحت انظار جدته : مشكور مهند ماقصرت بكل مره تخليني احتار شلون ارد لك جميلك
ضحك مهند : واجبنا ، يلا تبين شي ؟
ساره : سلامتك ، انتبه لنفسك
مهند : ان شاءالله وانتي بعد ، لا سلام


.....

انتهى البارت 13

البارت 14 :

: خييييال !
خيال : هلا والله ابو عزوز وش جايبك ؟
علي : هذا سلامك مالت عليك ؟
خيال : هههههههه لا والله بس استغربت وش جايبك ماتستحي على وجهك انت ؟
علي : و ليه ان شاءالله ؟
خيال : عيب عليك منتصف بالثلاثين وتجي هنا وش جايبك
علي : الله اكبر عاد الي يشوفك يقول ابو 19 تراك ابو 25 شيبت عرعرت بالجامعه انت الي ماتستحي على وجهك ؟
خيال : ههههههههههههههههه يلا هانت هالترم بس ، اخلص هالماده وافتك من الجامعه وغثاه
علي : ايييه بيجيك الي اردى منه
خيال : الي يسمعك يقول ذابحك الدوام ما كأنك ساحب عليه
علي : تراي عطيتك وجه عاد احترم خالك يالبزر
خيال : خير ان شاءالله
علي : ههه المهم ابو محمد وش صار عليكم ؟
خيال : سألتهم كلهم ماعندهم شي بس ترى ما اتوقع ملاك تجي
علي : ليه ؟
خيال : ياشيخ مره تعبانه نفسيته وماتبي تشوف احد ولا احد يشوفه
علي : لأنه تعبانه لازم هي تطلع وقبلكم كلكم
خيال : انا اشوف اننا نخليه على راحته ، حتى امي تقول هتون وماريا وبسام كيفكم اغصبوهم على الطلعه بس ملاك لا تضغطون عليه ، هي مارح تساعده الطلعه ب شيء
علي : وش الحل طيب ؟ نخليه كذا على وضعه ؟ لا تشوف احد ولا تطلع ولا شي ؟؟
خيال : الحل هو الوقت
علي : الله يعين بس
خيال : امين
علي : زين اجل توصي على شي ؟
خيال : على وين ؟
علي : بروح للشركه من زمان مارح
خيال : ههههههههههههه اجل جايك الي اردى ؟؟ المهم اقعد معي بس ، محاضرتي بعد نص ساعه
علي : اقوللل بس وخر تبين انا اقعد مع هالمبزره ؟
خيال : هههههههههههههههههه تغير الكلام اشوف ؟
علي : ههههههههههههههههه حسب الحاجه
خيال : هههههههههههههههههههههههههه ملع** والله
علي : احمممم احترم خالك اقولك !
خيال : وانا اقولك خير ان شاءالله
علي : يلا يلا بس مع السلامه
خيال : بحفظ الكريم
علي : بحفظ الرحمن


،،

جمان : الو هلا مهره انا عند الجامعه بلا ماخلصتي ؟
مهره : الا الا خلاص بطلع
جمان : يلا انتظرك استعجلي
مهره : طيب طيب

؛

لمحه من بعيد و واضح عليه مستعجله ، استغرب وش بيطلعه والمحاضره مابقى عليه شي ! و توجه له
: مهره !!
ردت مهره وهي ماله نفس تشوفه بس تحس انه متعاطفه معه : نعم ؟؟
: وش اخبارك ؟
مهره : بخير الحمدلله بغيت شي ؟؟ مستعجله بطلع
خيال : اشوفك واستغربت على وين المحاضره مابقى عليه شي ؟!
مهره وهي متنرفزه منه : افف رحت استأذنت من الدكتور وسمح لي
خيال : على وين ؟!
مهره : بطلع مع جمان بس سؤال وش دخلك ؟؟
خيال : لا بس عسى مابكم شي ؟
مهره : لا ما فينا الا العافيه الحمدلله
خيال : الحمدلله ، الله يساعدك
واختفت مهره من قدامه قبل يكمل حتى كلامه ، استغرب انه طالعه مع جمان و ومستعجله ! اكيد صاير شي


،،

مهره : سلام ! تأخرت ؟
جمان : ايه وينك ؟؟
مهره : صادفت خيال وانا جايه ونشب بحلقي
حركت جمان متوجهه للشركه : وش عنده ؟؟
مهره : ملقوف لو يشوفني اتنفس قال ليه تنفسين
لفت جمان وابتسمت له وعينه بعين مهره
مهره : خير ؟ وش هالنظره
جمان : ولا شي بس استغربت
مهره : اوكي
رجعت جمان لفت وضحكت نفس الضحكه
مهره : خخخخييير جمانوه ؟؟؟
جمان : ههههههههههههههههههه وشبك ؟ حرام اضحك ؟
مهره : اضحكي بس لا تناظرينني
جمان : كيفي اشوف الي ابي
مهره : ترى بدقك
ضحكت جمان بقوه
ممهره : سخيفه والله
جمان : وش تبييييين كيفي
مهره : اش بس
جمان : ههههههههههه زين انا بنزل اخذ لي كوفي تبين ؟
مهره : ايه
جمان : زين يلا انزلي
مهره : يلاا روحي قبلي بس بدخل جوالي

نزلت جمان قبل مهره وطاحت عينه على الغريب وخافت يجي وتشك مهره ب شيء خاصه ان وضعه غريب وهي مافهمت وش سالفته الى الآن
" اففف هذا بكل وقت موجود ؟ مايمل ؟ ماعنده بيت ؟ ماوراه عيال ؟الله يستر بس مايجي واتوهق مع مهره "

وقفت بتطلب وقام الغريب متوجه له على دخلة مهره ..


،،

" ههههه كيف وانا احمسكم ؟ "

وقف عند الباب وركبت السياره وهي ماله حيل تشوفه ، مب طايقته " الله يستر اذا عرفت وش اخر الأحداث وش بتسوي ؟! "’
وئام : السلام
مهند : وعليكم السلام
وسيطر السكوت عليهم للحظات ..
وئام : اليو
قاطعه صوت جوال مهند
بدون مايعطيه مهند اي اهتمام رد على الاتصال

" اهخخخخ اكرهه هالحركه ، هو انا ناقصه اكرهك زياده ؟ "

مهند : يا هلا هلابك يمه ... ايه بكرا ان شاءالله بينقلون .... لا ليه شركة الشحن من كثر اغراضهم ؟..... اثاث مارح تاخذ شي واغراضه تكفين شايفه البيت انتي
.... لا لا متأكد مايحتاج ..... اللولو انا ابخص بساره واهله مايحتاجون

لفت وئام منصدمه وش نقله ؟! و وش دخل جدته ! انتبه له مهند وبعد ما سكر من جدته : خير وشبك ؟
وئام : وش السالفه ؟
مهند : مايخصك
وئام : ياكرهك بعد
مهند : وئاموه
......
مهند : وئام !!
وئام : ايه تقول اسمي على سنع اصغر بزرانك انا تقول لي وئاموه ؟
مهند : ماعلينا ، نرجع لموضوعنا
وئام : اي موضوع ؟
مهند : وش قايله ل هتون عن ؟
وئام : ليه تحس نفسك مهم لهالدرجه ؟
مهند ابتسم بيستفز وئام : لأن هذا الواقع
وئام :تبطي والله
مهند : اخلصي بس
وئام : مارح اقولك
مهند : وئااام اخلصي قايلته قايلته الله لا يعوق ب شر
وئام : صدق ؟؟ و شلون ان شاءالله بقوله ؟

وقف مهند السياره على جنب بسرعه ومسك قميص وئام من عند الصدر وقربه له بقوه وعيونه بعيونها
: بتقولين ولا اتفاهم معك بطريقه ثانيه ؟
طارت عيون وئام وخافت ، ماتدري تخاف ان كل شي صار بثانيه ولا تخاف من هالخبل الي قدامه " وش يفكر به و وش يحس به ؟ ماتسوى عليه جابت طاريه "
: ااا ماقلت شي بس الموقف الي صاار و اااا مم امي تبين اعتذر
مهند ب شين نفس : بس ؟
و وئام طايره عيونه و شوي وتصيح : ايه
مرت ثواني كأنهم دهر على وئام ومهند لا زال ماسك قميصه وفجأه تركه و ...

مهند : هههههههههههههههههههههههههههههههههههههههههههههههههههههههههههه هههههه اههه ههههههههههههه اخخخخخ بطني !!! وش اهههه وشبك خفتي هههههههههههههههه
تجمعت الدموع بعيون خويتنا وضربت مهند : اششش كل ت**
مهند لف له وضحك : اوهه اوهه هههههههههههههههههههههههه وش دعوا بتصيحين ههههههههه وين الي بتدقن والي تحجر مهند بالزاويه ؟ هااا هههههههههههههههههه
وئام : مهند اش
مهند : هههههههه والله وجاء الوقت الي اخذ ثاري منك
سفهته وئام و لفت وجهه عنه


،،

واقفه جمان و قدامه مهره والغريب ، وداخله تدعي بس لا يصير شي خلاص يعني مافيه مجال ماتنتبه له مهره
قرب الغريب لجمان وتكلم
: جمااان
لفت جمان لأخته بسرعه وراحت له : سمي ؟
التفت الغريب وانتبه ان معه احد

مهره : معك فلوس ؟
جمان : ايه ليه مامعك ؟
مهره : ناسيه البوك
جمان : طيب مافيه مشكله

لفت بترجع وتنفست الصعداء بعد ما تأكدت انه اختفى
" ركزو لي على تنفست الصعداء ههه "

،،

اميره : ريمان يا تبن لو تدرين وش صار
ريمان : ههههههههههههه وش صار تكفين ؟
اميره : اخخ بس
ريمان : اخلصي وش صار ؟؟
اميره : تعالي بيت امي الولو وهناك اقولك
ريمان : زين انتي بتطلعين الحين ؟
اميره : اي خلاص هذاي ركبت مع السواق
ريمان : زين يلا نتلاقى هناك
اميره : بمر اجيب لنا شي نروق عليه
ريمان : استعجلي انا ترى مايبي لي شي 5 دقايق واوصل
اميره : اييييه عادي تكفين خلاص من حمام الدار انتي
ريمان : هههههههههههههههههههه ياخزياه
اميره : اش امشي بس بسرعه
ريمان : يلا يلا اشوفك هناك ..
اميره : اوكي

،،

علي : هلا قلبي ؟
الجده لولوه : هلا امي وش اخبارك ؟
علي : هلا بك بخير يا عسى هالوجه بخير ؟
الجده لولوه : يارب لك الحمد ، ابقولك تعال للبيت
علي : ليه ؟
الجده : بسم الله اصبر اكمل وش بلاك مطفوق
علي : هههههههههههههههه المعذره يا ام علي
الجده : اولاً انا ام ابتسام ثانياً ابيك تجي الححححين تشيل اغراضك من بيت الضيوف
علي : هو ! ليه ؟ من بيجي ؟
الجده : ماعليك لا تناقش تعال ضف اغراضك وانت ساكت
علي : افاااا
الجده : ايييه يلا بسرعه ولا بخلي الخدم يشوفون شغلهم
علي : زين زين خلاص انا بجي بس لا احد يلمس شي
الجده : يلا ابوي انت

،،

ارسلت ريمان لأميره " يلا ترى انا وصلت البيت "

نزلت متوجه لداخل البيت و وقفته السياره الي "سفطت " جنب البيت ( ههههه عجزت اجيب له مصطلح ثاني نسيت وش نقول ؟)
شافت علي ينزل من السياره طارت عيونه ولفت بسرعه بتدخل قبل ينتبه له، هي ماتنسى موقفه معه ولا يمكن تقدر توقف او تسلم عليه بعد الي صار حتى لو مو متأكده انه سمع او انتبه

علي " من ذي ؟ ملاذ ؟؟ ، انتبه لشنطته و عرفه ، اففف كنت بجيب العيد مو كفايه موقف المسبح ! اروح اكلمه ولا شينه ؟ اففف والله شينه بس مارح احصله لحاله ابد ، اقول بس بستغل الفرصه واكلمه "
: ريمااان !!

سمعته وانتفضت كملت طريقه و ما كأنه يناديه " اففف حتى يابعد البيت صار ! من الييييوممم انا اكره القصور والبيوت الكبيره ! وخخ وش زينه بيوتنا باب الشارع بباب البيت "

" تصيقه ذي ؟؟ تستهبل افففف "
ركض علي و وقف قدامه

ريمان : هئئئ بسم الله
علي يقلده : هئئئ بسم الله ، مسويه ماتسمعينن ليه ؟؟
ريمان : وشبك ؟
علي تذكر الموضوع وارتبك شوي شلون بيقدر يقول له : ااااااءء احمم مادري شلون افتح الموضوع الصدق
ريمان تأكدت انه سمع وبيكلمه بهالموضوع تمنت تنشق الأرض وتبلعه : اااا خلاص مافيه داعي دام ماتقدر مب لازم .. تعدته بتدخل البيت
علي : لا لا تعالي وين
ريمان : وشبك ؟
علي : ااههههخخ احم شوفي يابنت الناس انا سمعت البنات يمزحون معك ذاك اليوم وملاحظ عليهم كثير حركات وتلميحات بوجودك ، بس بغيت اقولك كان ببالك شي انسيه ، لأن لايمكن يصير بيننا شي ، انا مادري البنات صادقين او يمزحون لكن على كُلٍ بغيت اقولك عشان ما نحط انفسنا بموقف بايخ
طارت عيون ريمان " وش هالثقه والغرور ؟ ميته عليه انا ؟ شلون يتجرأ يقول لي هالكلام ؟ حتى لو جايه واعترف له مايقول كذا ؟ الواحد يستحي شوي ! يمه وش ارد عليه ذا ؟ ثقه ثقهههه " : تستهبل ؟
علي حس انه حط نفسه بموقف بايخ بس استفزته وماقدر يسكت : لا جد مابي تحلمين بأشياء مارح تصير كله من البنات ومزحهم
ضحكت ريمان ضحكة القهر والفشيله : لا صدق صدق تستهبل ؟ صاحي انت ؟ انت تدري كم بيني وبينك ؟ شايب وش ابي بك افكر بك واحلم تكفى عاد الي مقطعك الملح و الزين
مابك حسنه الا الفلوس والفلوس عندك و عند غيرك وش ابي بشايب اكبر من ب 12 سنه لا وركبه وفوق ذا كله شايف بروحه شوفه ! حمدلله والشكر بعد بس احسب عندك سالفه
علي وده يقوم ويسحبه مع شوشته قهرته وفشلته ، صح هو الي جاب لنفسه بس رده وقح !!
توجه لبيت الضيوف و هو منقهر من كلامه و بباله كلمته " شايب " معقوله انا شيبت صدق ! ثلاثين لسى صغير ليه كلهم يشوفون اني شيبت ؟!!!


،،،

اميره : هلا هلا خلاص عند الباب
ريمان : لا تنزلين انا بجيك وبنطلع اي مكان
اميره : وشبك ؟!
ريمان : الحين اقولك باي
اميره : ب ... وسكرت بوجهه

،،،،

دخل علي البيت : يمممهه .. يممممه
الجده لولوه : هلا هلا يبه وشبك ؟
علي : خلاص ترى شلت اغراضي
الجده لولوه وهي تنزل له : كثر خيرك يبه
انتبهت لريمان الي مرت وناظرت علي بنظره ماتبشر بالخير ، طلعت ولا انتبهت للجده
وعلي يراقبه و واضح انه مقهور منه ..
الجده : علي يبه !
علي وهو مازال يراقب ريمان : سمي يمه ؟
الجده : ابوي اكلمك انا !
علي : هلا هلا يمه امري ؟
الجده : وش عندك انت و البنت ؟ ليه تناظرك كذا
علي : مادري عنه !
الجده : علااااوي ؟؟؟ اعرفك انا وش مزين للبنت
علي : هو يمه ماسويت له شي وشبك علي
الجده : اجل ليه تناظرك كذا لا وطلعت وما انتبهت لي من المغثه ؟
علي : نفسيه
الجده : ايييه خير ان شاءالله ، عموماً لا اسمع ان احد منكم مضايقه او متعرض له بنت الناس اهله مأمنينه عندنا تسمع ؟
علي وهو متنرفز ولا يبي امه تنتبه له : على هالخشم
الجده : خير ان شاءالله
علي : يلا تبين شي ؟
الجده : على وين ؟
علي : بروح للشركه
الجده : ماشاءالله اخيييراً تكرمت
علي : لا حول وشبك علي اليوم يمه ؟!
الجده : هههههههههه وانا صادقه متى فكرت تروح انت ؟
علي : هه هذاي بروح
الجده : موفق موفق الله يثبتك
علي : هههههه امين يالغاليه
الجده : الله يحفظك
علي : وياك ياقلبي

،،

كانت ريمان واقفه برى تنتظر اميره
طلع علي وهو مايشوف الي قدامه ، وو صلت اميره
مر علي جنب ريمان وناظرها نظره ارتعشت منه ، اول مره تشوفه معصب ولا معصب منه ..
نزلت اميره من السياره : هلا علاا
ركب علي سيارته وحرك بدون مايلقي اي بال لأميره
لفت اميره على ريمان : وشبه ذا ؟
ريمان : مريض استغفرالله
اميره : هو وش صاير ؟
ريمان : الحين اقولك امشي
اميره : متهاوشه معه ؟
ريمان : ايه
اميره : طيب خلاص خالي وطلع تعالي ندخل والله مالي خلق اطلع مكان عام ابد
ريمان : امشي تكفين
اميره : اقول بعقلك بترك التسدح امشي بس البيت مافيه الا جدتي وهالوقت اكيد بغرفته ، وانتي ابخص بجدتي ماتحب تجي وتضايقنا تحب تخلينا على راحتنا امششششي
ريمان : افففف القاه منك ولا من خالك
اميره : ههههههههههه ياي الي يشوفك يقول ام عزوز على هالتحلطم عليه
ريمان : مزحه ثانيه عنه بتجيب اجلك
اميره : يا كااافي شكله صاير شي كايد

دخلو البنات للبيت تحت انظار عيون تراقب كل تحركاتهم ، عيون مر عليه كثييييير وفاهمه بالضبط وش الي قاعد يصير بين هالأثنين


،،

جمان : يلا وصلنا انزلي
مهره : يمه تدرين اول مره ادخل الشركه ؟
جمان : وش الي يخوف
مهره : مادري فيه هيبه بالموضوع
جمان : انزلي يا مريضه
مهره نزلت من السياره : ههههههههههههه والله العظيم شعور مُهيب
جمان : شعورك انتي بس
مهره : هين انتي مو مقياس جيبي اي وحده من البنات وبتقول مثل كلامي
جمان : كلكم سخيفات
مهره : يااااايييي
جمان : هههههههههههههههه امشي بس عمي وعزام ينتظروننا
مهره : يلا

دخلو الأصنصير و مهره تبسم بوجه جمان
جمان : وش عندك ؟
مهره : بسأل سؤال بس لا تهاوشين
جمان : لا تسألين
مهره : جمان وجععع
جمان : ههههه وش تبين السؤال واضح انه يضايق لذلك لا تسألين لأني مارح اجاوب
مهره : ماتدرين وش بسأل
جمان : ادري
مهره : يلا وشو سؤالي ؟
جمان : مادري
مهره : قسسسسسم بالله انك مريضه
جمان : ههههههههههههههههههههههههههههه
مهره : بسأل غصب
جمان : نعم قولي ؟
مهره : وش اخبار عزام ؟
جمان : تبن ،، هذي اخباره
مهره : افااا ليه ؟
جمان : وشو الي ليه ؟
مهره : صاير بينكم شي ؟
جمان : لا
مهره : اجل ؟
جمان : ولا شي وخلاص لا يكثر كلامك ، امشي وصلنا
مهره : خير ان شاءالله يلا


طلعو من الأصنصير متوجهين لمكتب العم سليمان ..

جمان : السلام عليكم
سليمان + عزام : وعليكم السلام
مهره : السلام
سليمان : يا هلااااا ويا مرحباا تو مانورت الشركه !
مهره : اهه ههه بوجودك ياعمي
قام العم سليمان وتوجه لمهره يسلم عليه : هلابك يمه وش اخبارك يالغاليه ؟ وش مسويه ؟
مهره : بخير عساك بخير ؟
سليمان : ياربي لك الحمد الله يديم عليك الصحه والعافيه
مهره : اجمعين يارب

بزاويه ثانيه عزام يأشر ل جمان مستغرب وجود مهره وجمان سافهته مقهوره منه كثييير كل ما شافت وجهه تذكرته معه وضحكته الي مافارقته ابد وهالشي يزيد غيرته ..
سليمان : تفضلو تفضلو يمه

بعد ما جلسوا العم سليمان : اييه يمه مهره وش مناسبة هالزياره الحلوه ؟
ابتسمت مهره : يا عم !
سليمان : سمي يمه ؟
مهره ابتسمت له وهي تهز براسه : تسلم ، انا عارفه كل شي مافيه داعي تخبي عن ..
سليمان وعزام انصدمو ماتوقعو ان جمان ممكن تخاطر وتقوله ، والي زاد حيرتهم تماسك مهره ، فرق كبير ما بينه وبين جمان ..
سليمان : شلون عرفتي ياقلبي ؟
مهره اخذت نفس بس سبقته جمان بالكلام : مهره قويه ومافيه شي يخفى عنه ، امس ماقدرت اسحب منه الكلام بس صار العكس
سليمان : و وش اخبارك الحين يمه ؟
مهره : اكذب لو اقول بخير
سليمان : ربك يعين
مهره : امين
جمان : عموماً مهره قولي لعمي كل شي سمعتيه ومن مين

بعد ماسردت لهم مهره كل شي سمعته من جدته
شهقت جمان : سامي !!! تذكرته
عزام : مييين ؟
جمان سفهته و تكلم عمه : فيه مره مريت كوفي قريب من الشركه و صادفت جدتي ومعه واحد يمكن بأخر العشرين اول الثلاقين هه كذا
سليمان : ايوه ؟
جمان : سألت جدتي وقته وقالت لي انه يشتغل بالشركه وهي حبت تتطمن عليكم بما انكم جدد على هالمجال
مهره : هذي اكيد كذبه
سليمان : الحين انا الي فهمته ان امي تعرف القاتل وتسعى له ، بس السؤال ليه ساكته وجاحده ؟! ومن ممكن يكون هالقاتل ؟
عزام : وش الحل ؟ نسأله مباشره ولا نحاول نعرف بطريقه ثانيه ؟
جمان : انا اشو
قطع كلامه عمه علي الي دخل
: السلاا ، وش عندكم مجتمعين ؟
عزام : ماعندنا شي شغل
علي : ومهره وش عنده ؟
مهره : جايه اسلم
علي : امممم
جمان كانت معطيه عمه علي ظهره و تأشر ل عمه سليمان وبعد مافهم مقصده : اهحممم علي تعال اقعد اقعد
علي : وشبك ؟
سليمان : فيه شي ماتعرفونه ، وصار وقت انك تعرفه وتساعدنا ..
علي وعلامات التعجب تملى وجهه هز راسه بحيث ان سليمان يكمل ..

،،،

وقف مهند عند نفس محل الآيس كريم بدون مايسأل وئام .
" افف الله ياخذك اخلص ابي ارجع البيت !! يمه انا وشبي ليه لهالدرجه خانقتن العبره ؟ اوف يا وئام عطيتيه اكبر من حجمه خلقه مصدق نفسه "

لحظات وطلع مهند ومعه نوع وئام المفضل ..
ركب السياره : اههه امسكي
وئام مازالت سافهته ولافه وجهه للجهه الثانيه
مهند : وئاموه خلاص عاد ماتسوى علي مزحت معك خوذي
لفت وئام بقوه وصوته بدا يروح ويجي وتجمعت دموعه : هذا تسميه مزح ؟؟؟
مهند : اوف اوف وش دعوا وئام والله لو اعرف بيضايقك ماسويته
نزل مهند الآيس كريم وسحب وئام و ضمه
شوي وبعدت وئام وقامت تمسح دموع وتتكلم وصوته يروح ويجي : اااهه اصص اصلاً مادري لي ليه اصيح اهئئ مافيههه شي يصيح !!
مهند : هههههههههههههههه خبله من يومك وش الجديد ؟
وئام ساكته ومازالت تمسح دموعه
وترتب وجهه
مهند : وئام ؟
وئام : نعم ؟
مهند : انتي شايله علي ؟ مزعلك ب شي انا ؟
وئام بعد ما تماسكت وحاولت تضبط نفسه : لا مافيه شي بس ضغط دراسه و بعد وفاة خالي محمد كتمت شوي وطلعة عليك
مهند يحاول يلطف الجو : اهااا حلو يعني عادي اسوي الحركه مره ثانيه
وئام لفت له : ياويلك
مهند : هههههههههههههههههه مازلتي تهايطين حتى ودموعك مانشفت
ضحكت وئام على نفسه
مهند : ايه هه هذي وئام الي اعرفه اخيراً مابغيتي تضحكين ؟
ابتسمت وئام وماعلقت
مهند : زين خوذي لا تستحين ادري بك ترى ام بطين
وئام : انت ماتعرف تكمل جميلك ؟
مهند : ههههههههههههههههههههههه لا مع الأسف
وئام : حطبببه
مهند : وجع جيبي جيبي والله ما تستاهلينه
وئام : وخخخر بس لا تزعجني وانا اكل
مهند : ههههههههههههه لا حمدلله رجعتي لطبيعتك
وئام : اص بس
مهند : هذي الي بدقه !
وئام : خلاااص بس يا ابن الحلال ركز بطريقك وانت ساكت
مهند : يحق لك يحححق لك يالأميره
وئام : هه



،،

علي مسك راسه بعدم تصديق : وليه ماقلتو لي ليه مخبين عن ؟؟؟؟
مسك سليمان كتف علي يحاول يهديه : يا ابن الحلال ماهي بـ بشاره عشان نمشي ونقول للخلق والموضوع كان حساس وافضل حل اننا نسكت عنه
بعد علي يد سليمان بعنف : وانا اي احد يا سليمان ؟؟
قام عزام واشر له سليمان يجلس
سليمان : انا ما الومك على ردة فعلك ولا احاسبك ولكن الحين حنى بوقت محتاجينك فيه اترك الزعل لوقت ثاني
علي : لا يا شيخ وقت الحاجه جيت تقول لي ولا لو مالك حاجه كنت مثلي مثل الغريب
سليمان : ولدددد اهجد واحترم نفسك تكلم اكبر اخوانك انت
علي : ياااا رجال وخرر

طلع علي هايج وثاير كل هالأشياء صارت بوقت واحد ، خاصة وان صدمة قتل اخوه كانت صعبه عليه استصعب كل شي وماهضم الموضوع حس انه بخاطره ينعزل ويفكر بكل شي ...

،

سليمان : عزاااام اقعد
عزام : يبه ماشفت شلون يكلمك ؟؟
جمان : لا تلومونه يا ناس كل شي جاء جميع ، عرف عن اخوه و اننا مخبين عنه كل هالسنين وعرف عن جدتي الي مادري وش ناويه عليه ، انا اعرف علي اصبرو عليه وهو بيجي من حقه يثور بعد ما عرف كل هالأشياء بوقت واحد
سليمان : صح بس حنى ماعندنا وقت
مهره : طيب ممكن انا اروح انام عند جدتي !
سليمان : صح !
جمان : توافق امي ؟
مهره : اكيد
سليمان : خلاص اجل نعتمد عليك
مهره : ازهله يا عم
سليمان : ههههه كفو والله
عزام : يا مهره لازم تفتحين عيونك زين وتنتبهين لكل حركات جدتي و لا تخلينه تختلي بنفسه وحاولي تحصلين رقم هالسامي من جواله لعلنا لو وصلنا له نقدر نعرف اكثر
جمان : صح سامي ممكن يساعدنا كثير خاصه وانهم تكلمو عن جاسوس لابد وان الجاسوس يقابل سامي و ممكن نوصل للقاتل منه
سليمان : بس اصصصحك تحس عليك امي اصحك يامهره
مهره اخذت نفس : ااهه ان شاءالله
سليمان : الله يعين يمه
مهره + جمان : امين


،،

اميره : ايوه اسلمي ؟ قولي وش صاير ؟
ريمان : اخخخخخ قهرني قهرني والله
اميره : وش مسوي ؟
ريمان : تخيلي سامعكم ذاك اليوم بالمطعم وملاحظ تلميحاتكم وهبالكم وطقطقتكم علي وجاي الاخ يقول لي ما اببيك تتأملين من البنات ترى بيننا مارح يصير شي !!!
اميره : احلفي
ريمان : متخيله ؟ ماكلمته انا ماجيته ، مادري من وين جايب هالثقه ماشاءالله
اميره : هههههههههههههههههههههههه صدق خالي وشبه الله يهديه وانتي وش رديتي علي ؟
ريمان : فشلته قلت من زينك شايب وش ابي بك مابك زين غير الفلوس والفلوس عندك وعند غيرك
اميره : احلفي هههههههههههههههههههههههههههههههههههههههههه بايعته ريمان
ريمان : والله قطعٍ يقطعه
اميره بتعابير تستفز ريمان : هيه ترى خالي ما ارضى علي
ريمان : يقطعتس معه
اميره : هههههههههههههههههههههههههههههه افا لهالدرجه غثك
ريمان : المهم ماعلينا انتي وش صار عليك ؟
اميره قالت له وش صار مع معاذ و استرسلو بالسواليف شوي شوي
وفيه من يسمعهم وهو مستمتع عارف وش نهاية هالموضوع ..


...

نهاية البارت 14