في مكان بعيد كل البعد عن منطقة الرياض
الوقت كان منتصف اليل
في فيلا هادئة وصوت الرياح يحرك الستاير البيضاء وضوء القمر كان ينير المكان فجاة بدات خطوات متسلسة تخترق امان هالبيت
وصوت انفاس يعلو بعد سماع ها الصوت وبكل شجاعة تمتلكها هذه الفتاة النائمة لى هذا السرير اخذت تخطو بخطوات مترددة اتجاه الباب
مسكت بالفازا الموجودة فوق الطاولة وفتحت الباب ومشت بخوف في الممر مشت اتجاه صوت الخطوات تحديدا غرفة امها وابوها لقت الباب مفتوح وووووووووووووووووووصدمة
شخص واقف جنب ابوها النايم او هذا يالي كانت تعتقده وبكل قوة تمتلكها ضربت ها الشخص بالمزهرية على راسه سقط متاوه
المجهول _اه اه وفقد وعيه وسقط بين الخزانة والسرير
البنت في يد سكر ت فمها ومسكتها
قبل 30 دقيقة من الان
سامر واحد من الامن الخاص _طال عمرك لقينا جاسم الجاسم في احد البيوت في منطقة الجدير
تركي وقف _شنو وين اياني واياكم تضيعوه انا رايح الحين
سامر _طال عمرك احنا نظن انه عند شريكة وهي معه داخل البيت
تركي _اعطني عنوان البيت ومابي اي احد يروح مي انتوا بس راقبوا البيت من برا
سامر _حاضر طال عمرك
الان
الجوري وهي تصارع الموت وتحاول تفك ها اليد يالي كاتمة على نفسها وبسرعة شالها تركي ونزل بها من الدرج والجوري تحاول تصرخ لكن بدوف فايدة خرج تركي من البيت وصعدها لى سيارة سوداء كبيرة مضللة
تركي _مابي اي صراخ فاهمة انا راح انزل ايدي الحين بس يا ويلك تصرخي حركت الجوري راسها بمعنى ايه نزل تركي ايده والمفاجاة ان الجوري صج ما صرخت وجلست هادية بس دموعها تنزل وهي تحاول تغطي وجهها بشعرها لان تركي اخذها بدون عباية وكل عيون يالي في السيارة كانت عليها تركي بسخرية ههه قاتلة وتستحي والله حاله كانت عيون الجوري عليه ولمح فيهم نضرة رجاء
تركي _هههه شتبين يعني طيب خذي نزل جاكيته وحطه فوق راسها والجوري ما صدقت خذته على طول وغطت وجهها وشعرها
تركي _حسن اسرع اكثر عندنا مشوار طويل مع ها الحقيرة
الجوري نضرت له بصدمة لكن ما قدرت تتكلم
تركي _نزلي عيونك احسن ما اعميك بكف الحين
بعد 10 دقايق وصلوا للمقر يالي كان عبارة عن قصر من افخم القصور
الجوري هم شنو يريدو مني يارب ساعدني يارب
مسك تركي ايد الجوري بقسوة _تعالي تعالي خل نتفاهم معك وجاسم يالي كنتي محتمية فيه الحين بين القبضان
الجوري مين هذول ومين هو جاسم اه يارب ابوي وامي شنو صار عليهم
تركي _شنو من سواد ويهك ما صرتي قادرة تتكلمي ادخلي ادخلي واعطاها لاحد الرجال اخذها لاحد الغرف في ه القصر الكبير
الرياض
الصباح كان ربشة وازعاج لا لجنة تنضيم الحفلات اجت عشان تنظم الحفلة في حديقة القصر الكبيرة
نزلت نورس بعياتها وشلتها لتحت ولقت ام جابر وام عبدالرحمن ومشالله 5شباب جالسين جنب ام بدالرحمن على طاولة الاكل
نورس _السلام عليكم
ام عبدالرحمن و 4 من عيالها _وعليكم السلام
ام عبدالرحمن _تعالي يا بنتي تعالي جلسي اعرفك لى عيالي
ام جابر بصرخة _لما اكون موجودة ما ابي اشوفها
نورس بانكسار _اسفة لى الازعاج انا رايحة على غرفتي
نزل معاذ _ليش في اماكن وايد فارغة في الطاولة
ام جابر _تكسر كلمتي يا معاذ
معاذ_ اعوذ بالله بس اذا هي ما جلست ترى انا ماراح اجلس في البيت كله
ام جابر _انا رايحة لعند فاطمة مع السلامة وراحت
معاذ بابتسامة ما قدر يخفيها _جلسي نورس
ردت له نورس الابتسامة وجلست في الكرسي مقابلته
ام عبدالرحمن في نفسها تلعب بالنار يا ولدي والله بالنار

انتضر ردودكم وتعليقاتكم حبايبي
وانتضروا البارت 11 بكرا فيه الكثير من الاحداث المشوقة
ما مصير الجوري وماذا سيفعل تركي عندما يعلم ببراتها
ما مصير الحب السري بين نورس ومعاذ
ماهي ردة عبدالرحمن وام جابر
انتضركم

البارت الحا11ي عشر
في منطقة الشرقية
تركي _هشام اسمع احنا ضروري نمسك جاسم تراه داهية كبيرة وانا راح اوكلك هالمهمة واتمنى تكون قدها
هشام _تم طال عمرك واتمنى اكون عند حسن ضنك
دخل في ها الوقت احد الرجال لعند تركي
سلطان _طال عمرك البنت يالي كانت مع جاسم مو راضية تنطق باي كلمة
وقف تركي تركي _شنو على كيفها هي والله لااوريها الكلبة مسويا نفسها بريئة
مشى تركي في القصر الين وصل الى السرداب او بمعنى اخر مكان الاستجواب دخل غرفة في اخر الممر فتح الباب وكان في الغرفة طاولة وكرسيين فقط واحد كانت جالسة عليه الجوري ومنزلة راسها والثاني جلس عليه تركي
تركي بغضب واستفزاز _انتي تعتقدي ان بسكوتك هذا راح تطلعين بسهولة هههههههههه انسي انتي اقل شئ ينحكم عليك مؤبد لانك شاركتي في قتل شخصين وماخفي كان اعظم عشان شذي تكلمي عشان نقدر نخفف عليك الحكم
الجوري في نفسها هذا من يقصد انا شاركت في قتل شخصين كيف مستحيل ليكون يقصد يمه ويبه لا لا لا مستحيل مستحيل هذا يكذب علي وامي وابوي اكيد الحين يدورون علي اكيد اي اكيد لكن وبدات الدموع تتجمع في عيون الجوري يارب يارب ساعدني كيف اطلع من ها الورطة يارب ياليت اقدر اتكلم عشان اساعد نفسي ساريت
تركي _انتي كيف تعرفتي على جاسم
بقت الجوري ساكتة
تركي _انتي كيف تعرفتي على جاسم تكلمي احسن لك
ونفس الشئ بقت الجوري ساكتة لانها للاسف ما عادت تقدر تتكلم بعد ما اصيبت بصدمة بسبب موت اخوها قبل سنة بحادث سيارة كانت هي تشوفه
تركي _انتي كيف تعرفتي على جاسم ولاخر مرة اعيد عليك السؤال
بقت الجوري ساكتة واحست الا بالكف الي اعطاه تركي لها وخلها تطيح على الارض بوجع
الجوري _ااااااا
تركي وهو جنب الباب _من اليوم هذي هي المعاملة يالي انتي تستاهلينها
طلع تركي وضلت الجوري تبكي على حالها
في الرياض بالتحديد جناح نورس
الكوافيرة _لو سمحتي اتركيني اشوف شغلي انا بعرف شو الميكاب يالي يناسبك
شمس _نونو اتركي الكوافيرة تشوف شغلها يالا
نورس _اوك اوك سوي يالي تبين
الكوافيرة _اي هيك منيح واخيرا
شمس ونورس _ههههههههههههههه
في الحديقة تحت كان في جمع كبير لارقى السيدات في السعودية
ام جسار _هههه والله مصخرة الحين بنتهم ما لقوها الا بعد 16 سبحان الله ويقولون مو هم يال حصلوها هي يالي اجتهم لحالها
ام فواز _خليك منهم انتي بس وقولي لي لقيتي بنت مناسبة لولدك
ام جسار _والله جسار معند الا يابي وحده عيونها خضر وسمراء ومن طبقة راقية منين احصلها انا الحين اذا لقيت العيون الخضر ما القى السمار
ام فواز _ما عليه بدور انا بعد معك
ام جسار _والله تسوين فيني خير
كانت ام عبدالرحمن وسعاد هم يالي يستقبلوا الضيوف ام عبد الرحمن بابتسامة طيبة وحنونة وسعاد بابتسامة كره ومجاملة
سعاد وام عبد الرحمان _حياكم الله شرفتونا والله تفضلوا
المراة _تسلمين حبيتي
بعد مدة نزلت نورس وكانت حورية بفستانها الاسود ومكياجها اللبناني الهادي وعيونها الخضر نزلت من الدرج بهدوء وابتسامة وكانت عيون الكل عليها

وكانت عيون حسد وعيون اعجاب وعيون كره
الحريم مشاءالله مشاءالله
ام فواز _والله لقيتي يالي تدورين عليها يا ام جسار
ام جسار _لا مستحيل
ام فواز _وليش مستحيل
ام جسار _بعدين نتكلم في ها الموضوع
في الحديقة ابتدت نورس تسلم على الحريم لين ما اجاتها بنت حلوة ومملوحة وايد بيضاء وجسمها جنان لابسة فستان احمر منفوش اجت واحتضنت نورس
صفاء _نورس حبيبتي ما اصدق انك جنبي الحين ولساتك عايشة ما اصدقك الحمدالله يارب
نورس بصدمة _عفوا بس انا ما عرفتك
صفاء _نورس انا صفاء نسيتيني نسيتي لما كنا نسرق الحلاوة من عند جدوه ونشرد
نورس والدموع مالية عيونها _مستحيل صفاء انتو انتقلتو لبريطانيا من زمان
صفاء _اي بس رجعنا بس ما لقيتك اشتقت لك وايد
حضنت نورس صفاء مرة ثانية بس ها المرة بحب
برى عند الرجال في المجلس الكبير
كان موجود ابوجابر وعياله سالم وحمد وعيالهم نواف ابن سالم وهو صديق عبدالرحمان المقرب وجابر ومحمد عيال حمد وكان موجود عبدالرحمن ومعاذ واخوانهم غسان 24ونايف 20 وحمد وحمدان توام 19

السلام عليكم ورحمة الله تحياتي لكم اليوم انا حبيت اخبركم ان احداث الرواية راح تتغير وتتجه عكس التيار واتمنى تعطوني رايكم في هذه التغيرات واعذروني لى التاخير لكن بعض الضروف تهزم الرغبة
البارت 12
في مجلس الرجال الكبير
معاذ _يبه انا طالبك طلبه
ابوجابر بشهامه _عطيتك انت تامر
معاذ_ابي اتزوج بنت عبدالله
هالكلمة كان لها وقع على نفوس العديد من الموجودين لكن تاثيرها كان مختلف من شخص الى اخر كره ............حب.........صدمة ..........حقد ...........فرح .............ترقب ...
ابو جابر بفرح وهدوء _والله يا ولدي زين ما اخترت بس تدري لازم شور البنت في الاول
معاذ _اكيد يبه ويالي كاتبه الله هو يالي بيصير
ثم سكت معاذ وغاص في تخيلاته وحبه ولم يعلم بالمصيبة التي ستقع عليه بعد قول هذه الكلمات
عاد جميع من في المجلس الكلام على العديد من الامور من بينهما الشركات والميراث وغيره
في الحديقة عند الحريم
شمس _نورس شوفي ها المرة ما نزلت عيونها من عليك
نورس بغرور مصطنع _من جمالي يا حلوة ههههههههه
صفاء _هههه مو لايق عليك الغرور والله مو لايقك
اكملوا السهرة بفرحة وضحكة بكره وحقد
في مكان اخر تحيط به الكابه من كل جهة
سلطان_ طال عمرك من الصبح هي تصرخ وتبكي ما ندري شنو فيها
تركي بغضب _خلاص خلاص انا رايحة لها راح تركي للغرفة المحبوسة فيها الجوري وسمع الصراخ من بعيد دخل وهو ناوي على شر بس لما شاف حالتها تاكد ان فيها شيء
تركي يكلم الحراس يالي جنب الباب _شنو فيها شنو صار لها تكلمو
احد الحراس _والله طال عمرك ما ندري شنو فيها بس احنا كنا نتكلم عن الرجال وحرمته يالي قتلهم جاسم
تركي _الله يلعنكم هي اكيد خايفة انها تروح قصاص
دخل تركي لعند الجوري
تركي _اهدي بس اهدي انتي ماراح يصيرلك شئ بس تعاوني معي عشان اقدر انا بعد اساعدك
الجوري بدون وعي تصرخ لا لا مستحيل يمه ويبه ماتو لا كيف من بقى لي انا من وينك يمه اشتقت لك وينك اه اه اه اه
تركي مع عرف شنو يسوي غير انه يحضنها
تركي _خلاص اهدي خلاص
الجوري بكت بقوة في حضن تركي وبعد ربع ساعة هدت وبعدت عن تركي
تركي _واخيرا ما بغيتي تسكتين
الجوري وهي تاشر بيديها يعني ورقة وقلم
تركي انتي ما تتكلمين كيف وطلب من احد رجاله يعطيه ورقة وقلم
تركي اعطى الورقة والقلم اخذتهم الجوري بسرعة وكتبت
تكفى قول ان ابوي وامي ما ماتوا تكفى
تركي قرى الورقة _كيف يعني انتي بنت كامل سلطان
الجوري حركت راسها يعني ايه
تركي بصراخ _لا تكذبين ما فيه بنت تقتل امها وابوها
امتلت عيون الجوري بدموع وكتبت
والله انهم ابوي وامي والله وانا ما قتلت احد والله وجاسم هذا ما اعرفه كل
يالي صار اني كنت نايمة وسمعت صوت خطوات خفت على ابوي وامي انه يكون حرامي فا اخذت الفازا وانا ناوية اضربه بها ضربته وبعدها انت جيت على طول والله
تركي _مو مشكلة اذا انتي صادقة فا راح تنحل المشكلة بس اذا انتي كذابة يا ويلك مني ياويلك
الجوري هزت راسها يعني موافقة طلع تركي وترك الجوري تبكي على اهلها يالي راحو في غمضة عين