كاتب الموضوع :
d3do3a
المنتدى :
القصص المكتمله من وحي قلم الاعضاء
رد: روايتي الثالثه : طفوله ملوثه بالواقع / بقلمي
الفصــــــل الثامن عشــر ....
مغمــضه عينها على سريرها
سامعه خطوآت جايه لعندها بس ماتحركت
تحسها تقــرب اكتر
وفجأه مسكتها من رقبتها وتخنقــهآ
شدت باأياديها اللحاف وهيا تحاول تقااوم
حركت رجولها على السرير
ورفعت جسمها بســرعه وهيا تطــآلع حولينها ومافي احــد
تاخد انفاسها بشكل سريع رفعت يدها على رققبتــها : بسسم الله
امــها سارت رعـب لو ماجات في الحقيقه تجيها بحلمـها
دارت راسها على الكومدينه والمنبه بس يدق ..
عقدت حوآجبها سحبت جوآلها وقفلــته
وقفت وهيا يومها بادئ بنكــد بسبب الحلم
فجأه ماتحركت
لانت ملامحها
ابتسمت
زادت الابتسامه
قربت بخطوات هاديه للتسريحه
اخدت باقه الورد
وحست بحراره بوجهها
وقلبها يدق يسـرعه
كل ماتتذكر كيف كآن جالس امس على سريرها
جا خلى يومها يعدي بكل بساطه
وتنآم مرتاحه البال وراح بكل هدووء
رجعت الباقه لما اتذكرت اخوآنها
تبا واحد يوديها الجامعه ..
خرجت بسرعه من الغرفــه
شافتهم الاتنين بيفطـرو وامهم معاها
ضمت اياديها لبعض لما جات عينها باأمها
اما ام لمى وقفت وكأنها شايفه شي مو طايقته ودخلت المطبــخ
حاولت ماتركز فيـها
نقلت عدسه عينها على اخوانها اللي محد اصلا طالع فيـها ...
لمى ماجا ف بالها انهم زعلانين
عمرهم مازعلو منها : مين يقدر يوديني الجامعه
تميم ولا رد
تامر بيده اليمين كآسه العصير وبيده اليسار جوآله وكأنه تكلم نفسها ..!
عيله كبـرت على انو كل شخص يحترم التـآني
عيله اساسها الاحترام
مو زعلانين لأنه انفجرت فوقهم على تـررف
لا
لأنها كسرت كلامهم
لأنه بيقولولها لاتحرجينا وهيا خاصرتهم ولا اهتمت
لانها بترفع صوتها وكلهم بيقولولها اسكتي
خلاص
انكتمي
وهيا كأنها مو سـآمعه شي
محترمين خوفـها
بس هيا كمان لازم تحترمهم
لمى بااستغراب : سمعتوني !!
تميم طالع فيها وقال ببرود : انا مو فاضيلك !
تامر ولا رد
لمى مرا انفجعت من اسلوبه بالكلام وملامحه ..
نقلت عدسه عينها على تامر وقالت بضعف : تامر توديني
: طيب لاتتاخري ماشي دحين
لمى بدأت تستوعب انهم زعلانين : تقدر تقول لماما عشان تتجهز
تامر : طيب
لمى ماتحركت من مكانها تطالع فيهم الاتنين
وبعدها سحبت نفسها وقفلت الباب بشويش ...
جلست على السرير وكل تفكيرها انهم زعلانيــن عشان ترف اكيد
اول ماجا موضوع ترف سارو يعاملوها كدا
قامت من السرير وماتبى تبكي اخدت ملابسها وراحت تتجهـز
بزبــط ربـع ساعه وخرجت لابسه عبايتها وشايله كتبـها ...
تتحاشى تطالع ف امـها واقفه وضامه كتبها ومستنيه تامر يجي ..
تامر خرج لابس ثوبـه وشماغه : يلا
بس قال دي الكلمـه ومحد اتكلم بعدها حتى في الـطريق
صمت
صمـــت
لمى خرجت جوالها من شنطتها ولقت عدي ددوبه مكلمها واتس
عدي " صباح الخير يابرنسيستي"
لمى ابتسمت " صباح النور "
عدي " اتصل ؟ "
لمى : لا انا ف السياره "
عدي : انا مستنيكي من اول
لمى زادت ابتسامتها : خمسه دقايق ممكن واوصل
عدي مرا مبسوط انها بتتكلم معاه عادي : طيب انا برا عندالبوابه استناكي
لمى : لا ادخل
عدي : مافي مادخل بدون مرتي انا
لمى كآنت بتضحك الا مسكت نفسها رفعت عدسه عينها ولقت تامر يطالع فيها بالمرايه وامها مو داريه عن شي نزلت عدسه عينها وحاولت ماتبين بتعابير وجهها شي بس مو قادره : الله يخليك ادخل
عدي : ليش !
لمى ماتبى مامتها تشوفه وتسويلها هرج زايد : خلاص لما اجي حكلمك
عدي : مافيا حيل كسلت اتحرك
لمى ارسلت فيس بيبكي
عدي على طول كتبلها " انا دخلت القاعه خلاص "
لمى رفعت يدها على فمها وهيا تكتم ضحكتها
امـآ تامر كل شويـآ يطالع فيـها
غصبا عنه ابتسم
اول مرا يشوف اخته كدا مبسوطه
يتمنى بجد يطلـع ولد حلال ويبسطها طول العمـر
يتمنى انو يقدر يعوضها عن كل شـي مرت فيـه
وقـف قدآم الجامعه ونزلت لمـى وامها معـآها
وتامر كل اللي قالو : مع سلامه ياأمي
لمى تحس الموضوع مرا جارحها قفلت الباب ومشيت بعد امها ماجلست مكـآنها كالعاده
لمى تمشي وهيا مسـرحه ونسيت فجأه عدي
ماتتخيل انها ترجع البيت ترف
ماتتخيل انها تشوف حتى اخوانها يطالعو فيها ولا يحبوها
اخوانها لها بــس
ماتباها ماتباها
صوت من وراها : بوووه
فززت مفجوعه ودارت بسرعه ..اول ماشافتو
ضمت كتبها لصدرها اكتتر وقالت بخوف : فجعتني
عدي ضحكتــه تخلي الكل يطالع فيــه جاه قرب منها وسلم على خدها : هههههههههه وحشتيني
لمى طالعت حولينها باإحراج ورجعت على ورى
نسيت الفجعه الاولى وسارت مفجوعه من الكلمه اللي قالها
تشد على كتبها وقلبها يدق بسرعه مو طبيعيه
بلعت ريقها وضايع كل الكلام
اما عدي حوط يده على كتفها ويمشي وهوا مابيطالع ف طريقه يطالع فيها ويتكلم : كيفك
منكمشه على نفسها وندمت انها جــآت اشرت براسها ووجهها محمر
عدي : فطرتي ؟
لمى اشرت براسها ةقالت بصوت يادوب يطلع : ايوا
عدي : صبحتي على ورد حبنا
لمى زي الآله تأشر براسها وبــس
عدي : هههههههههه ايش بك
لمى بااحراج قالت : شيل يدك
عدي ابتسم وسحب يده دخل يده بجيبه : ها اشغلها عشان ماأمسكك
لمى ضحكت بااحراج : متى اختبارك ؟
عدي خخرج يده بنرفزه وماعلق عليها : اووف طيب امسكي يدي عشان لاتضيعي
لمى تبا تضحك عليه الا يبا يمسكها وهيا ماتبى تمسكه مستحيه : ابا اجلس خلاص
عدي اشرلها على الكراسي البيضــآ الطويله : تعالي هنا
لمى اتوجهت للكرسي حطت كتبها جمبـها وهوا جلس جمبـها : كيفك بعد امس
لمى تحرك يدها بشنطتها اللي حطتها بحضنها: تمام
عدي جلس جمبها طبعه من الناس اللي يحرك رجله
متنرفز مو متنرفز
لازم كدا مربوووش مايقدر مايتحرك
عدي : كيف اخوانك معاكي لساتك زعلانه
لمى طالعت فيه وتتكلم بصوتها الهادي اللي يحزنه ونظرتها الزعلانه : صحيت محد رضي يكلمني
عدي كدا بعيونه بان انو انقهر عليها
حقد حقد عليهم : ليش
لمى : زعلانين
عدي : عارف يعني ايش سويتيلهم
لمى نزلت عينها على الشنطه وهيا تفك السحاب وتقفلو : عصبت عليهم عشان زعلوني
عدي تجبلو انفصام بحركاتها ابتسم ويكلمها كأنها صغيره : قوليلي كيف عصبتي طيب
لمى على نفس وضعيتها وتتكلم بااسلوبها المدلع : بكيت وصرخت عليهم وهما زعلو
وجهه باين انو متخرفن لين خلاااص
عيونه كدا سهتانه ويطالع فيها
وابتسااامه حب
ابتسامه واحد نفسو يبوسها ف كل مرا تقول زعلوني وزعلو وزعلانين
عدي : طيب مين الغلطان
لمى سكتت وبعدها قالت : كلنا
عدي : هههههههههههههه الله يحفظكم عيله فله
لمى ضحكت بهدوء سارت مبسوطه وهيا تشوف نظرته دي
واضحه نظرتو ايش يعني
طالع ف يدها وهيا تلعب بشنطتها
مو قادر مايمسكها
مد يدو ومسك يدها : ليش مو لابسه الدبله
لمى حاطه عينها بعينه وتهرج : كبيره كل ماأتوضى تتزحلق
يطالع ف اصابعها : اخد والله اصغر مقاس في الليل حجي اخدها >> يطلع اي عذر عشان يجي
لمى طالعت ف يدو : طيب انتا لييش مو لابسها
قال بمزح وهوا يتكلم بجديه : بعدين البنات مايسيرو يكلموني
رفعت حاجبها وقالت بعدم استيعاب : نعم !
اول مرا اول مرا يشوفها جديه وتبا تتضارب ضحكك ودفها من كتفها :ياقويه انتي
تطالع في كتفها مفجوعه مسكت يدها وتقول بفجعه : اااي عورتني
قرب على طول وباس كتفها ويتكلم بااسلوبه العبيط بعد مابعد : اسفين واللهي ناسي انك حساسه
يعني حتى لما يسوي شي كيوت مايكمله بكلامه
طالعت قدامها مفجوعه
مشاعرها متضاربه
تستحي ولا تتنرفز ماتعرف
قلبها يدق وعقلها متنح كدا جبلها شلل بعواطفها
عدي حسها زعلت : ترا والله انا امزح مع اختي زي كدا يعني معليش ماعرف اتعامل معاكي
لمى بهدوء : لا عادي
عدي بجديه هرج خايف ف يوم يسرلهم زي علا ولؤي بسبب انو مايكون صريح : اسمعي بديكي هيا على بلاطه اعرف انو بدري واهلي قالولي بشويش على البنت ودي البلاهات لكن صراحه انا حاليا قاعد احاسب على كل تصرف بسويه عشان لاأفجعك
لمى كدا مفجوعه وهوا بيحاسب لو ماحاسب ايش يسرلها !!
عدي كمل : وانا مو كدا يعني _ قال وهوا يتمسكن _ احس انو مافي وحده حتستحملني
حزنت طالعت فيه
عدي كمل : يعني احب امزح مزحي تقيل مثلا مرا كنت امزح مع اخويا ودفيتو من الدرج واتكسر فاهمه
لمى بس ترمش مافي اي ردة فعل
مفجوعه
مفجوعه
المشكله انو بيكملل ولا كأنه في وحده حتخرج عينها مع الصدمه وقلبها يدق مع الفجعه
: مرا كنت العب مع اختي يوم ملكتها وحرقت شعرها بالغلط ..مرا كنت زعلان من ابويا وفقعت كفراته والسياره انقلبت فيه
هنااااااا خلااااص قالت : ايششش !!
قالتها بااسلوب وحده تبا تبككي
اما هوا ضحك من قلبــه : هههههههههههههه لا الاخيره ماسارت انا ممكن اكسر ناس ممكن اشوه احد _ اتكلم بصوت بريئ وهوا يحرك راسه _ بس ماأموت احد يعني ماأحب احد يموت
مو عارفه دا يمزح ولا ايش بس نفسها تشـــرد
صمت
صمت
عينها بعينه
ومازال الصمت
ومازال برضو الصمممت
وقلبها يدق
فجااه قرب وجهه بسرعه منها وقال : بوووه
انفجججججججججعتت
شالت شنطتها وضربتتتتتو كدا مرا ورا بعععض
وهوا يضحك يضحكك ويدمع من الضحكك
الكل يطالع فيهم وهوا ولا كأنه
ف حياتها مسارات فرجه
ف حياتها ماكان لها ردة فعل كدا قوويه
بس فجعها كانت بجد تطالع ف عينه ومســرحه
تفكر في مستقبلها كيف معععاه تفكر كيف حتموت
كانت تتخيل انها حتموت على يد امها او ليث
بس طلع مجنون تالت ف حياتها
وقفت وهوا مسك يدها ولساته جالس وتاني جسمه ويضحكككك : تعالي
لمى تحاول تسحب يدها وهوا ماسكها بقوه وميت ضحك : هههههههههههههههههههه اااه يااابطني
لمى خلاص حتبكي : قلتلك سيبني _ قالت بقهر _ ا نتا واحد مجنون
زاد ضحكه وكأنها قالت نكته يضحك لدرجه انو مو قادر يتنفسسس
رفع جسمو وسحبها بالقوه جمبه جلست على طول وضمت يدها بقهر
رفع يده وهوا يمسح دموعه :هههههههههههههههههه معللليش والله ماتوقعتك كدا حتنفجعي
ولاردت عليه تطالع قدامها وبـس
عدي ماسك ضحكته: لمىى
ولاردت عليه
عدي : ابوسك عشان تردي عليا
لمى طالعت فيه على طول بنظرة وحده حتتمشكل
عدي حط اياديه الاتنين على فخده ويتكلم بطريقه كيوت : خلاص ها ماحسوي شي
لمى بالقوه مسكت نفسها ماتضحك
نقلت عدسه عينها بااتجاه تاني وهيا مو عارفه تتعامل معاه
بس في الكمم دقيقه دي حست بكدا شي
فضفت
ضحكت
انحرجت
خافت
انفجعت
مو عارفه تكون بمود واحد وهيا معاه مربوش وربش مشاعرها
طالعت فيه بجمود تهرج : متى اختبارك
عدي بيحاول يمسك نفسه : لسى الساعه 1
: ماعندك محاضرات
عدي : لا جاي اقعد معاكي
رفعت يدها وهيا تعدل طرحتها وهوا ابتسم
لمى كملت : روح ذاكر
عدي : ماقدر
لمى طالعت فيه : ليش
عدي يتكلم بشويش وبجديييييييييه : عارفه كل مافتح ورقه اقرا اول كلمتين وبعدين اسرح افكر فيكي وفجاه القى عدت ساعتين كيف مدري
لمى استحت بس سارت متوتره خايفه تعيش الجو وفجاه يستهبل ينرفزها
عدي :احس اني حرسب دي السنه
لمى بردة فعل سريعه : من جدك !
عدي : والله طول الوقت افكر فيكي <<< كأنه سنه يعرفها
رجعت مسكت شنطتها بتوتر وخددوها حمرت
عدي يحس قلبه يدق بسـرعه قال بجديه : احسك غير عن كل البنـآت
نزلت عدسه عينها على الشنطه وهيا تبا تمووت من الحيا
عدي ابتسم وهوا يكمل : مع اني ماعرفك بس سرت اعشق لما تستحي
لمى تبا تموت
ايش الفصله القووووويه دي
مافي شي بتدريج مرررا !!!!
رفعت عدسه عينها تطالع فيه لقته يتأملها ومبتسم
رجعت تلعب بالشنطه بتوتر وشويه وتكسر السحاب
: عيووني
طالعت فيه
وهوا اتحولت ملامحه وكأننو يطالع في بيبي : وه يناااسو اللي تعرف انها عيوني
كدا كتير كتير وبقوه
تبا تبكي من كتر الحيآ
اتذكــر
ووضرب على فخذها وهوا يهرج : يابنت متى محاضرتك
ضربها لدرجه انو طلع صوووت
طععععع
شي مرا مو كيوت
مايناسب الجو اللي هيا فيه حاليا !!
تطالع في يده اللي على فخذها لسى وهوا شالها ويتكلم : لو محاضرتك متأخره تعالي نخرج نتمشى
لمى رمشت كدا مرا وبعدها اتكلمت وتبا تفوق من الصدمه : ماقدر اخرج
عدي : عندك محاضره دحين ؟
لمى : لا مو دحين بس ماما برا
عدي : اممااا _ وقف ويعدل بلوزته _ تعالي اسلم عليها
لمى بردة فعل سريعه : لا لا مو وقته
عدي عقد حوآجبه : ايش تقول بلله عني
لمى : مو لازم خلاص
عدي : هيا ايش جات تسوي ؟
لمى : تستناني
عدي لسى ماستوعب الوضع : ليش ايش فيه ؟
لمى خلاص الوضع عادي عندها : لا هيا دايما تستناني
عدي برضو ماستوعب انو الموضوع شك : هههههههه عشان لو احد زعلك تخرجي تشتكيلها
لمى طالعت فيه بااستفزاز
وهوا ضحك على تشميقتها
رجع جلس : بلله ليش تجي دايما !
لمى : عادي
عدي : ايش اللي عادي !!!
لمى تبا تصرف اي هرجه : هيا تخاف عليا
عدي : يختتتتتتي
لمى : ههههههههههه
عدي قرب منها وقال : قوليلهم زوجي معايا لاتخافو عليا
لمى تبا تبكي من المشاعر المخبصه
اتنهد بصووت مسموووع
وهيا قلبها طاح خلاص
قال : وربي مرا جوعت تجي ناكل .؟
تقوم تضربه !!!!
تقوم تهبده !!!
تقوووم ايش تسوي فيه مااتدري
بلعت ريقها وقالت بااستسلام وخلاص تبا تبكي : طيب
طبــعا انتشر الخبر في الجامعه كلها انو عدي خطب لمـى اللي محد كآن يعرفها اصلا
فاأي احد جمبهم يطالع فيـهم
لمى تمشي جمبه ومرا مو متعوده كدا الكل يطالع فيها
ماتحب لفت النظر قربت منـو وهيا تحسس بتوتر
طالع فيها ومد يدو اخد كتبها :معليش دوبني انتبه
لمى : لا عادي هاتها
عدي مسك كتبها : لا خلاص
جـآ وآحد وقف يسلم عليه وهيا شويا بعدت سمعته وهوا يهرج
غرريب غرررريب
ابتسمت لاشعوريا
فجأه واحد محترم وكلامه يشدها ..تحس قلبها يدق بســرعه
لأول مرا ف حيــآتها تحس بدي السعاده
تحس بدقات قلبها سريعه بس مو لأنها خايفه
مو لأنها مرعووبــه
لأنها مبسوطه
حست انها تبا تبكي لما فكرت بس بدا الشي
طفوله ملوثه بالواقع ..
فتح عينه على سريره الكبيــر المريح ...واول ماجا ف باله
سميـــه ..!
بس الموضوع ماطول لما اتذكر هديل
ابتسم وملامحه كلها نوم
دار على جنبه اليومين واخد جوآله
اتصــل على وآحد هنآك ..طلب اللي يباه منـو .. وقفــل
احــسآس حلو اللي يمر فيه
شي حلو اول ماتفتح عينك تتذكر شي جميـل وتبتسم
قد ايش مرتاح ..طول عمره يقعد على سريره نص ساعه عشان يقدر يخرج كل شي
يوجعه ..يحرقه ... يقهره
وبعدها يبدأ يومـه
بس دحين ببسـآطه صاحي وهوا بس بيفكر
انها نايمه على سريره
انها قاعده ف ببيتــه
صح قلبه محروق عليها وماينسى شكلها امس
بس بيحاول اليوم يعوضها
بيحاول اليوم ينسيها اللي سار امس ..
ومو صعب عليه يسوي دا الشي
دق الجوال بيده وغمض عينه بتملل لما شاف الاسم ..
له تلاته ايام مطنشها
رد وحط الجوال على اذنه : هلا عنود
عنود بنرفزه : وااا والله فيك الخير انك رديت
بعد جوآله وهوا يضحك ورجع اتكلم : معليش انشغلت
عنود بنفس الاسلوب : اممم انشغلت تلاته ايام وانتا ماعندك اي وظيفه صرااحه صدقتك
بشار مبتسم ويتكلم مضحكه اسلوبها : ليش حكذب
عنود بهجوميه : اسئل نفسسك شوف يابشار بجد بجد انا اديتك وجه وحاولت ماأصدق احد لكن انتا بتلعب عليا صح
بشار بيحاول يخرج هديل من راسه ويكمل يديها اي مبرر
بس مو قادر : قلتلك والله انشغلت
عنود : ليش بتتكلم بببرود كدا
بشار بعباااطه: مني فاهم ليش تبينا نتضارب
عنود : بسئلك بسئلك انتا تحبني بجد ؟
بشار : ايوا
عنود : اججل انا ماعندي استعداد اتحمل دا الحب اللي مافيه اي اهتمام دي الفتره بحاول اعذرك لكن تعبت تعبت وانا انحرق كل يوم وانتا ولاهمك
بشار دوبه بيهرج الا قفلت بوجهه ..على اساس انو يحزن او يرجع يتصل ويبرللها
بس طالع في الشاشه وحط الجوال جمبــه " لما ابا شي من ابوها اصالحها "
بكل برود غمض عينه ونـــــــــآآآم ...
امــآ في شقتـه اللي ماكانو يتوقعه في يوم ينامو بمكآن بدي الفخامه
بدا الأمان والاراحيــه
نزلت دموعها على المخده البيضا الكبيره ومسحتها لما حست روان اتحركت
على قد مو مرتاحه بالمكان على قد مو مرعوبه ومو قادره تنسى امــس
بالقوه قدرت تخرج كريم من رآسـها
ودحين رجع تــآني بعد موقف امـس
الاتنين بمعاملتهم ذكروها باإنها مالها قيمه
مالها اهل
مالها سنــد
مآلها ولاشــي ..
: صاحيه ؟
دارت جسمها وابتسمت : ايوا
روان جلست وهيا تتمطع : آه ياااشيخه مابى اقوم من هنا
هديل : ههههههه ليا ساعه صاحيه ونفس الاحساس مابى اقوم
روان طالعت فيها : اول مرا استفيد من دا الكلب
هديل : ههههههههه هوا إنتي حتسميه خلاص الكلب ولا ايش
روان : طبعا وربي هوا انجس من الكلاب
هديل جلست وضحكت : يااربي على الصباح دا
روان نزلت رجولها في البلاط البارد ووقفت
هديل ماتت ضحك : كمااان لابسه بلوزته
روان : ايوا حستفيد من كل شي عنده
لابسـه بلوزته اللي واصله لنص فخذها : ولا بس انتي اللي تلبسي ملابسه
هديل مو احسن منها نفس الشي اخدت بلوزته الرماديه كمها طووويل
ولابسينها اقمصـه : ضايفني الجينز والبلوزه
روان : تعالي براا مرا بردد
خرجت وهيا تمشي على اطراف اصابعها وضامه اياديها
واول ماخرجت ابتسمت ونطت على الكنبــه
هديل خرجتلها وابتسمت كمان
شكل الطــآقه الكبيـره اللي داخله اشعه الشمس منها ومنوره كل المكــآن
والبحر منظظر يجيب الراااحه
هديل اتوجهت للطاقه على طول : الله
روان : اماااانه قوليله نبا نعيش هنا
هديل دارت عليها : اسسسري
روان : هديل والله مااستفيد منك
هديل : برضو اسري ماحتقنعيني
دق البـآب وطالو ف بعـض
هديل ولا اتحركت قلبها طااح
خـآفت : ميين !
روان قاممت واتوجهت للباب : ميين ؟
هديل همستلها مابين انو يكون واحد حقير نفس امس وبشار : لايكون بشار
الرجال اتكلم وروان مافهمت ايش يقلو رجعت : دقيقه اللبس جينز مو صوت بشار
دخلت غرفه النوم اخدت جينزها اللي مرمي على السرير ولبسته وهديل دخلت غرفه النوم تلبس برضو
فسخت بلوزتـه وابتسمت
طبقتها وحطتها على السرير
دقــآيق الا روان قفلت الباب ونادتها : تعااااااااالي
هديل خرجت على طول : ايش داا
قربت من العربيـه اللي عليها
الفطوور المشهي والخبــز والعصيـر الطبيعي وحلى البآن كيك وجمبو العسـل ..
روان تقول بمجاغه : يقول انو من مستر بشار
هديل ضحكت بصدمه اخدت الورقه اللي مكتوب عليها صباح الخيـر
وتحس قلبها يدددق بسـرعه
وعلى طول سابت روان ودخلت الغرفه تتصل عليـه
روان : ياااعبيطه فين راايحه اكل اكككل
هديل تهرج بصوت عالي : دقيييقه
مسكت جوالها وجلست بطرف السرير
جوالها الجديد اللي ف حياتها ماتوقعت تمسك زيـو
فكت الرقم السري واتصـلت عليـه
حطت جوآلها على اذنها وهيا مبتسمه وتحاول تضبط انفـآسها
بس كل شي اتخبص لما جاها صوتو النآيم ومن غير مقدمآت قلها : فطرتي ؟
لانت ملامح وجهها وقفت مع الارتبـآك
تحس جسمها كلو يتنآفض .. : لسى
بشار ماستوعب : ماجاكي الاكل ؟
هديل رجعت تجلس ومو عارفه ايش تسوي : الا بس قلت اكلمك اول
بشار ابتسم وهوا مغمض عينه وشبه نايم لساته : شايفه كيف ادلعك حتى وانا مو فيه
رجعت شعرها ورا اذنها بتوتر قالت من قلبها : شكرا
فتح عينه : ف العصر حتستناكي سياره تحت توديكي لشغلك ولما تخلصي حجي اخدك ننبسط شويا
قلبها حيوقف الاحساس غريب انها تتعامل دي المعامله
معامله ف حياتها ماحستها : لاتكلف على نفسك
بشار : عشان لاتشغلي بالي
هديل ماعرفت ترد وجهها محمر
بشار : خلاص افطري وبعدها كلميني
هديل اشرت براسها وكأنه شايفها : طيب
قفــل منها وغمض عينه تاني وهوا مبتســم
وتختفي ابتسامته تدريجيا لما دخل بنومــه تاني
اما هيــآ
مشاعرها ملخبطه قلبها يدق بجنون
مو قادره تتحكم بمشاعرها
كذابه لو تقول حتقدر تقاوم دا الاحساس اللي تحسـه
كذابه لو ماتبتسم اول ماتسمع صوته
او تشوف شكــلو
كل شي فيــه يجنن ومجننها ...
وقفت لما روان نادت عليها
عدلت شعرها باارتباك وبتحاول تكون طبيعيه وتخرج تآكل
بس ماقدرت مبتسمه وبـــس ..
روان تاكل وبس تطالع فيها كل شويـآ
مو عاجبها الوضع
مو عاجبها انو هديــل بدأت تعجب فيـه
رجعت تتذكر امس وكيف كآن واقف قبالها
وحتى هيا مو فاهمه اذا هوا بيضحك عليها ولا لا
بس خـــآيفه
وماتثــق في اي احد من عيله الرايـد
اكلــت اللز اكل ممكن تـآكله ودخلت تستحمى
في المويـآ الدآفيه اللي رجعتلها روحها
ياألله تتمنى ماتخرج من دا الحمـآم
خرجت ونشقت شعرها : هدددديل انا لازم امشي
هديل لساتها على الكنبه وكآنت مسرحه : طيب فيه المفتاح وفيه بطاقه _ بعدين استوعبت _ نسيت خلاص حرجعلو هيا
روان خرجت من الغرفه وقالت بقهر : غبييه ماقدر اقول غير كدا
هديل : ههههههههه شكرا
روان لمت شعرها وشالت شنطتها وخرجت : يلا انا ماشيه
هديل : طيب طمنيني عليكي لما توصـلي
روان : ان شاءلله
دوبها ادتها ظهرها وبتخرج الا شهقت ورجعت : انا مااااقلتلك
هديل : ايش !!
روان جات عندها وجلست : تخيييلي لؤي كان خاطب
هديل : اما
روان : وتخيلي مين
هديل : ميين !!
روان : بنت خالتو دي اللي كنت تشتغلي عندهم
هديل هنا اتفاجئت : من جدككك !!!
روان : ورربي ترا مرا مرا يحزن والله يحبها قهرني
هديل اتحمست : ايش ايش الهرجه
روان : مسكت محفظته ولقيت صورتها محتفظ فيها المهم كلمه مني وكلمه منو قلي اني انا احبها واحنا انفصلنا وققعد يحكيني والله ف حياتي ماحزنت عليه زي ماحزنت على دا الموضوع كدا كان نفسي اديه كف واقلووو رووح كلمها دحين بس بحاول مااحشر نفسي عشان لايندم انو حكاني
هديل : هههههههه كويس عارفه نفسك بس والله فاجئتيني
روان : وسخ قاعدين نحكيه كل شي وهوا مايهرج مو فالح يقول غير عن تاله
هديل : ههههههههه اهو هرج ايش تبي انتي
روان : هرج عشان انا شوفت الصوره مو عشان يبا يحكيني
هديل : انتي ايش تبي من الادمي
روان : هههههههههههههه ولاشي نتبادل اطراف الحديث انقهرت اني حكيتو كل شي وهوا لا
هديل : على اساس دحين هوا يدري انك تشتغلي عند جاسم كل واحد يخبي الشي اللي مايبى يقولو
روان وقفت بتملل : ياربي ياربي حكم ونصايح من صباح ربنا
هديل : ههههههههههه انا امك ياقلبي لازم أنصحك واديكي حكم قبل لاتروحي شغلك
روان :ههههههه خليها لنفسك ياقلبي سلااام
خــرجت واول ماقفـلت الباب وراها
اختفت ابتسـآمتها
" انا امك "
الكلمه وجعتـها
دي الفتره سايــر عندها برود من جوتها للحياه بشكل فضيـع
تحس نفسها تبـكي بس كل شي محبوس جوتها
نفسه احد يفهم ايش بتمر حاليا
انه بعد فتره طويله من عمرها تكتشف انو احتمال يكون عندها اهـل .!
بس مو قادره توصـلهم
وبنفس الوقت احتمال يكون مجرد استنتاج غلط ..!
يعني شي مخليها مو عارفه تبكي ولا تفرح ولا ايش
خلاص زي الهم على قلبها شي خانقها وبــس
مشيت في الشوارع بدون ماتوقفلها تـآكسي
تبا تمشي وبــس ..تبا تخبي عن الكل دموعها اللي بعينها
ماتبى احد يشوفها كدا عشان حتضعف وتبـكي
خرجت جوالها من الشنطه بتشوف الساعه كم
الساعه اللي بيدها وقفـت
الا الجوال مطفي ..!
نسيت ماتشحنه .." اووف لما اوصل عندهم اشحنه "
وقفت في طرف الرصيف ومدت يدها وهيا تبا توقف تاكسي
امـآ عند هديـل وقفت وقبل لاتتصل على بشـآر
قالت ترتب البيت وماتسبلو هوآ كدا
دخلت غرفه النوم رتبت اللحاف وهيا مبتسمه ومتخيله انو المرا الجايه
حيكون هوا نايـم هنآ
شالت البلوزتين اللي لبستها هيا وهديل وحطتها بشنطتها بس تغسلها حترجعلو هيـآ
دخلت غرفه الملابـس الصغيـره
نظارتو الشمسيـه
عطرو
ساعته
كل شي له تمسكه ومبسوطه انها واقفه بدا المكان
فكت الدرج بتدخل اغراضه
الا انتبهت لكميـه الاوراق
عقدت حوآجبها
دوبها بتدخل يدها الا دق جوالها وفزت مفجوعه
قفلت الدرج وخرجت ...مسكت جوالها رقم غريب
ردت
: الو ... الو
: ايوا
اتقشعر جسمها من الصوت ماتعرف مين بس صوت الرجال يفجع
قفلت على طــول وجلست على السرير خـآيفه
دقت على طول على بشـآر
بنبره صوتها اللي تخوف : بشااار
بشار كآن نايم وجلس على طول : ايش بكك ايش سااار
هيا انفجعت من ردة فعلــو
كانت خايفه بس فجأه راح الخوف : ولاشي
بشار بنفس الفجعه : عهوود اههرجي .؟
هديل متنحه ومصدومه : والله مافيا شي
بشار حط يدو على قلبه وقال بعد ماستوعب: فجعتيني بصووتك والله
هديل تسمع صوت تنفسه السريع
نبرة صوته لما انفجع
رفعت رجولها على السرير وسندت جسمها على المخدات
امـآ بشار
جايبتلو الرعـب بعد امس
دوبه كآن يحلم انو قاعد يضرب ناس يبو ياأذوها
دايما احلامه كلها عنـف
مع طبيعه عمـله
اساسا اي احد يصحيه لازم يقوم مفجوع
: معليش
بشار على نفس وضعيتها رجع على السرير وسند جسمو على المخدات
بلع ريقه وقلبه يدق لساته بسرعه: الله يهديكي
هديل : معليش والله بس جاني اتصال من رقم غريب رديت وسمعت صوت واحد انفجعت
بشار مو عارف ليش بتخاف بذات لأنو ابوها اللي ضربها زي ماقالت : وليش تخافي
هديل استوعبت ايش يقصد : عشان قاعده لوحدي
بشار : خايفه ؟
هديل بهدوء تهرج : مو خايفه , كدا احس اي شي يفجعني
بشار حزن عليها : طيب اتكلمي معايا لين مايجي وقت دوآمك
هديل ابتسمت : من 9 لين 4 ؟
بشار : ماعندي غيرك عادي
هديل وجهها محمر وقالت بدون ماتحس : فين البقيه
بشار وقف وهوا مبتسم وغنالها بروقان ولا كأنو دوبه صاحي : وش حيلتي لاصرت لي ف الدنيا هذي حاجتي مع إني ماكنت اعتقد ذا الحب يلقابي مكــآن
ضحكت على الفصله الغريبه : هههههههههههه اشرد اشرد من السؤال
بشار يمشي في البيت ويتكلم: مابشرد
هديل عادت تاني : طيب فينهم
بشار رجع يغنــي : هزمتتتني هزمتني واقلقت فيني راحتي كم قلتها ماراح احب خدعني برك يالأمان
هديل : هههههههههه طيب يابشار
بشار اكيييد يبا يشـرد
لو تشوف كميه المحادثات اللي في جواله خاصرها ومابيرد عليها
تنفجـع : ايش لك بدي المواضيع قوليلي فين تبيني اوديكي اليوم
هديل حاولت ماتدخل بحياته كتير : مدري
بشار : خلاص انتي بس اول ماتخلصي دوآم امر عليكي
هديل : ايش الدلع دا كلو
بشار : هههههه دا جزآتي دحين
هديل : لا بس انا مانعطي وجه بعدين حتعود
بشار دخل المطبخ : عادي وايش فيها لو اتعودتي
امـه صحيت من نومـها .. طالعت في الساعه وقالت تقوم قبل لاتجي روان ...
حور في الجـآمعه وقالتلهم بتروح عند صحبـآتها نهايه الدوآم
دوبها بتروح حمامها استغربت من صوت بشار
مشيت بشوويش
وراحت بااتجاه المطبـخ وسامعته ..لاشعوريا ابتسمت
ماتتذكر متى اخر مرا ضحك كدا
ابتســم كدا
دايما مضاربات
دايما متضايق
دايما مخنووق ويبا يشرد من البيت
: هههههههههههه بلا بلاهه اقول ... هههههههههههههههههه ايش المفروض اسوي يعني .
سمعت كلامه ورجعت دخلت مبسوطــه
اما هوآ فاصل ضحك :ههههههههههه طيب اسمعي والله انا مرا اكره اسمك شوفيلك حل
هديل ضحكت ماتدري كيف جا ببالها عهود : بالعكس حلو
بشار : يعني مو لايق عليكي فاهمه
هديل : زي اسمك برضو
بشار : مو ف صالحك تفتحي دا الموضوع وانا رايق
هديل : ههههههههههههه خلاص طيب _ ماتدري ايش بها بس تبا تستفزه _ ترا المفروض اليوم اروح لديك البنت
بشار على طول التعليق جاهز : ماحتقدري اعتذريلها
هديل بعدت الجوال وهيا تضحك ومستمره تستفزه : ليش قد ايش حقعد معاك ؟
بشار : دا اليوم حقتي انسي تروحي مكان
هديل : طيب يعني بكرا اقولها
بشار : حتى بكرا
هديل : ههههههههه ايش هوا متى انا حسوي شغلي
بشار يتكلم باأمر : لما انا اقولك متى
هديل : لا بلله
بشار : مو عاجبك كلامي ؟
هديل : طبعا مو عاجبني
بشار : برضو حيسير
هديل : ههههههههههههههه ليش بتتكلم بدي الثقه
بشار : عشان اعرف انك ماتبي تزعليني
هديل انكتمت
قالت بتردد : وليش حتزعل لو روحت
بشار
مايبى يتكلم اوضح
مايبى يتورط
مو عشــآن نفسه
عشانها مايحس يبا يجرحها
وخايف من مشاعره دي اللي جات ناحيتها فجأه
دايما عادي يتكلم
دايما لما يعجبه شي يقول عجبني
بس خايف يقولها ويكسرها او يجرحها
هوا بنفسه مايثق بتفكيره وعقليته : مو انا اخوكي الكبير ولا نسيتي
هديل ابتسمت : برضو شغلي ضروري
بشار عارف نفسه انو ماحيخليها تروح لو ايش : طيب طيب
هديل : هههههه بتسلكلي انتا
بشار : خلينا حبايب ولانخسر بعض
هديل : قول الكلام دا لنفسك
بشار : انتي العبيطه
هديل وسعت عينها : تستهبل ؟! انتا ماتباني اروح بدون سبب
بشار بنرفزه : لا فيه سبب عشان الكلب اللي هناك لايستهبل على قفا اهلك
هديل مرا انفجعت قالت بهدوء : وليش تسبه ؟
وجهه لوحده حكــآيه
يلعب بالسكين ويحكها بالدولاب ولاهمه الصوت المزعج االلي طالع منها
غيران
غيــران
يحس انو الكلمه اللي قالتها
حرقتـــه حرقتــه مزبوط
لدرجه انو لو قدامه عزآم حيضربه بدون مايفكر
اول مرا يحس بحريقه الغيره
اول مرا يحس انو حيسير مجنون لسبب تافه
هديل سامعه صوت غريب قال بااستغراب : معايا ؟
بشار بنبرة صوت هاديه بس تخوف : ايش قلتي دوبك ؟
ماكان يبا يبين بس ماقدر
هديل انفجعت نبرة صوته خوفتها بجــد
ماتدري تكمل ولا تقفل الموضوع
حست بلاهه تتضارب معاه وهيا قاعده ف بيته
حتحاول تسحب كلامها : خلاص قفل الموضوع
بشار : لا لا ليش تقفليه مقهوره عشان سبيته هاا
هديل مازلت مفجوعه من اسلوبه : لا مو مقهوره
بعدت الجوال عن اذنها وهيا تاخد نفسها وترها وبقوه
دق جرسس البيت وخرج وهوا لسى يتكلم
هديل كملت : مني عارفه ليش ينرفزك الموضوع
بشار بااستنكار : مين قال اني متنرفز
يستهبببل عبيط عينه قووويه
من صوته باين انه يبا يقتله ويقولها مو متنرفز : معليش انا مجنونه
بشار شاف روان واقفه برا بالكميرا ..ضغط الزر وفكلها البـآب ....
يمــشي على الرصيــف وهوا ماسك حبلين الشنطه اللي على كتفـو
مسـرح وكل تفكيره باأمس والرسايل اللي قرأها
كرههم كرههم ولو ماوعد امــه كان راح اتضــآرب مع تامر
بس اكيد حيتصل عليه هنا مايعرف حيرد ولا حيطنشـه
رفع راسـه لما سمع اسمــه
شافها تنطنط عند بوآبه المدرسه وجمبها محمود واقف مبتسم
مايدري ليش يستنوه هنـآ
ابتسملهم وجاهم
انفـآل : اخخيرا من اول نستناك
سامي متعوود على تعامله مع محمود : محد قلك استنيني
عقدت حوآجبها وقالت بقهر : انا اصلا مع محمود واقفه وهوا اللي بيستناك
محمود بطفش :لو حتبدأو تتضاربو قولولي من دحين امشي واسيبكم
انفال شمقت : مدري عنه
سامي ولا كأنه احد كلمو : حنتأخر
مشي قدامهم وخصـرهم الاتنين ولا كأنهم كآنو يستنوه
ماسار عارف يتعامل مع محمود بسبب انفـآل
ومايعرف يتعامل مع انفـآل لأنو ردوده كلها جفصه
كل واحد جلس مكـآنه الا انفال اللي ساحبه طاولتها وكرسيها وقاعده لوحدها وراهم ..
وكل شويـآ تدف راس واحد فيهم عشان تشوف
سامي دار عليها معصب : تعالي مكاني طفشتيني
انفال : مابى بعدين انتا ومحمود ماتتكلمو
سامي : هيا لو قلتيلي ماشوف ياويلك
محمود طالع فيه : ايش خسران لو بعدت راسك يعني
انفال : من جد مجنون بس يبا يضارب
سامي مو عارف يتنرفز على مين اول ...الاتنين ا ستفزوه
: احد كلمك ؟
محمود انفجع : بس بقولك يعني
سامي : خلاص انا بهرج معاها لاتدافع عنها عندها لسان تتكلم
طالع قدآمه وهوا يكتب ومعصب منهم الاتنين
محمود طالع في انفـآل وضحك وهيا ضحكت وقالت بهمس : مجنون
عصصصصصصصصصصب
سار يكتب وهوا ضاغط على الورقه من القهر
محموود طالع فيـه : سااامي
سامي بنرفزه : اسري يامحمود
محمود يقرب منو : خلاص ماحدخل بينكم هيا حره
سامي ولا طالع فيـه
محمود يترجاه ودفو من كتفو : خلااااص بقولك لايسير دمك تقيل والله والله ماحتدخل بينكم تاني
سامي طالع فيه : ولو حشرت نفسك مرا تانيه ؟
محمود : لاتكلمني واخصرني خمسه ايام
سامي: هيا انتبه على نفسك
محمود : ههههههههههه يااخي لاتطالع زي كدا تفجعني
سامي نقل عينه للدفتر وكمل كتـآبه
باين لساته مقفـل
اما محمود طالع ف انفال وقال بنرفزه : هيا ارتحتي
انفال انفجعت : انا اشلي دحين
محمود : من يوم ماجيتي واحنا سرنا نتضـآرب
انفال مرا انقهرت : خلاص طيب لحد يكلمني فيكم
سندت جسمها على الكـرسي وضمت يدها وهيا مبوزه ححاول محمود معاها ولا ردت عليـه
اما سـآمي ولا طالع حتى فيـها ...
عدى الكلاس الاول والكلآس التاني وجا التالت ...
وكآن الموضوع عن كل شخـص يعبر عن حـآجه مهمه ف حيـآته
او شي يحب يسـويه
كل وآحد قام قال موضوع
لين ماوقـف واحد من الاولاد واتكلــم عن ابوه
اتكلم عن كل شي سـآمي يتمنـآه
اتكلم عن كـل شي انفـآل مفتقدته
يسمعولو وكأنو قاعد يكلمهم وسايب الكل
كل وآحد يسمع الكلام وجوته شي خانقـه
انفال قربت للطاوله وحطت راسها وغمضت عينها ماتبى تسمع
وتبا تبكي بس ماسكه نفسـها
سامي لساته عينه معلقه على الولد وهوا يهرج
يهرج عن اهتمــآم ابوه فيـه
يهرج عن كيف بيتعلم ويبا يسير زي ابوه ف كل تصرفاته
عن متعته وكيف ابوه بيحققله كل اللي يتمنـآه ..ويحاول يشتغل ويتعب عشان مايرفضلهم شي
واول ماجلس سامي قرب للطاوله وشتت نفسه بالكتاب وهوا يقلبه
المدرس نادى : anfal
كآن دورها ..ألكل طالع فيـها وهيا مارضيت ترفع راسـها
محمود دار وناداها وهيا سامتعهم بس خاصرتهم كلهم : انفاال
سامي همسلو : سيبها _ رفع صوته وقال للمدرس بالانجليزي _ انفال تعبانه
سابها المدرس ونقل للطالبه اللي بعدها
وسامي رفع كتـآبه قدام وجهه وسند جسمو على الكرسي وهوا يهمسلها : وقفي حركه رجلك ولا حقول للمدرس انك مو تعبانه وكذابه
وقفت حركـت رجلها
وهوا ابتسم بلهه
رجع هرج تـآني وهوا مخنوق وحاسس فيها : ايش تبيني اشتريلك لو نزلت
ماتحركت قالت وهيا مسدوحه : ولاشي
سامي : طيب بكيفك _ بتردد قال _ اصلا بعد البريك ماحرجع الكلاس
عارف نقطه ضعفها رفعت راسها وقالت بشويش : فين حتروح
سامي يطالع في المدرس وبعدها يهرج وهوا عينه على الكتـآب : حشرد حقعد في الدرج
محمود سامعه ومو مستوعب من متى سامي يشرد
مايحب دي الحركات
انفال ابتسمت : طيب ابا اجي معاك
سامي : بس حتسمعي كلامي ولا لاتجي
انفال ضحكت بصوت واطي : طيب ماحزعلك
سامي مبتسم دار عينه على محمود لقى محمود يطالع فيه مفجوع
كشـر لما انحرج وقال بهجوميه : ايش بك
محمود انفجع رفع كتفه : ولاشي
سامي رجع كتابه على الطاوله وقدم جسمه واتكى
الا فجاه اترمتلو ورقه طالع ورا لقاها مبتسمه
فتح الورقه راسمتلو " وجه مبتسم "
قلب الورقه ورسملها وجه معصب ورمالها الورقه
اول مافكتها ضحكت نفس وجهه لما تنرفزو
اما هوا يطالع كل شويـآ فيها مو صعب الواحد يبسطها
حس انو انبسط انو قدر يخليها مبسوطه
عارف قد ايش يخنق الموضوع
دا وهوا ماحس ايش يعني اب
كيف هيـآ الي حست بالشعور وانحرمت منـه
امـآ تـرف صحيت على رسايل سـآمي في الوآتس
حتى لو مافكرت تروح الدوآم بسببه حتروح اتجهزت ولبــست
دوبها قفـلت الباب اتذكرت انو براء ماحيجي ..!
قلبها قبضـها
خلاص انتهى كل شي قبل لايبدأ ..!
الموضوع ضايقـها
خنقها
مو عارفه ايش تبـآ
دا احسن له اكيـد
" ايش الفايده اعذبو حوليا وفي النهايه ينصدم بكل شي "
" ليش ينصدم انا ماغلطت .."
" بس حيدخل ف مشاكل مع اخواني ولو قاسم جا ماحيرحمو "
بلعت ريقها وهيا تحس قلبها يوجعها بس دا احسن شي لها ولــه
مو شـآيفه له فايده من القصه دي
ليش تبدأها وهوا اللي حيتعذب ..هيا متعوده على حياتها والكئابه اللي عايشتها
ليش تسحبه لكئابتها ليش تضــره وهيا تحبـه .؟
" احبــه ..؟! "
ابتسمت بغبااء " حرموني من كل شي حتى الحب وجاه يقولي سامحيني . "
وقفتلها تاكسـي ..
واتوجهت للمول واول مادخلت المحــل مالقتـه ..سلمت على ميـرنا وجلست مكانها
كرهت المحل وهوا موفيــه
قد ايش تحس انها مشتاقتله بس تبا تشوفه ماتبى شي تاني
ماتبى تتكلم معاه بس اتعودت يكون واقف وراها
فجأه دموعها اتجمعت حولين عينها
اخدت نفسها بصوت مسموع وهيا تحاول تتمالك نفسها
كل تفكيرها انه خلاص ماحتشوفـه تاني
تحرك رجلها بقهر وفجأه نسيت انها كانت تبا تبعده عنها
تباه يرجع
دا اللي تباه وخلاص اللي يسير يســير
هنـآك مو احسن منـها واقف قبال المحل اللي الفروض يشتغل فيـه
مو قادر يدخل
اخر مرا عرف انها تعبـآنه
ولا اطمن عليـها
كل اللي يعرفه انها انسـآنه احتمال تكون حق رجآل
شي مجننه
مايبى يتكلم معاها
بس يبا يشوفها
قبض على يده وهوا كاره نفسـه
ايش البنت اللي مجننته لدي الدرجه
لدرجه انها تكون حقت سجون وهوا لساته يبا يشوفها
قدم خطوه ورجع وقــف
مو قادر مو قادر
يبا بس يطمن عليـها
رجع لسيارته وشغل السياره ... سب نفسه الف مرا على الاحساس اللي هوا فيـه
على الغباء اللي وصــله
مرا مو شعور عاجبه اللي يحسه
مو شعور حلو انو ماسار قادر يتحكم بتصرفـآته بسبايب وحده ماكلفت نفسها
تبرر موقفها ولا تدافع عن نفسها ..
مستحيل يبين نفسه ضعيف وانو جاي عشانها ..
اول ماوصـل وقف سيارته دخل المول ..
وبيمشي ودقات قلبه تزيــد
" يمكن ماجات اصلا "
شويا يدعي انو تكون فيه وشويا يقول يارب ماأشوفها
شعور متضـآرب
بس كل اللي يعرفه انها ماخلت فيه عقـل
اول ماوقف عند المحل يحس فجأه ماحس بنبضات قلبــه
جالسه وتحرك يدها على جينزها بتملل
اول مارفعت عينها عليه
دقات قلبه ورا بععض بطريقه تفــجع
براء شتت نظره ودخــل وهوا مو سامع الا نبضاااته
امـآ هيا اخر شي كانت تتوقعه انها تشوفه
كأنو احد لطشها كف مع الفجعه
مو عارفه تبتسم ولا ايش تسوي
كدا ملامح دهشـه وبس
ميرنا : كيفك غريبه جيت
براء اتوجه للطاوله : نسيت اغراضي
ميرنا : حسبت رجعت هنا
براء : لا لا ماشي دحين
اول ماشافها وحس بالألم ف قلبـه حس انو مايقدر يقعــد
امـآ هيا ماتباه يروح
ماتباه
اول ماشافتو عرفت ايش يعنيلها
جسمها يتنافض ونفسها تقوم تكلمه وبنفس الوقت مو قادره
ماعندها جرأه تحس
مو متعوده تتمسك بشي غير سـآمي
صوتـه لوحده جبلها البكى
نظرته وعدم اهتمامه فيها زي اول خنقتها
تباه براء اللي ماينزل عينه من عليها
اللي تتحرك بالمحل وتعرف انو يطالع في كل حركه تسويها
انو يسمع كل كلمه تقولها
اخد ورقه وطوآها وخرج بكل هدوء زي مادخل ...
تحس رجولها تقــيله
تبا تروحله بس مو قادره تتحرك
" ماحشوفو تاني ... ماحشوفو تاني ...ماحشوفو تاااني "
تكرر دا الكلام جوتـها
وفجأه قامــت وبخطوات سـريعه خــرجت من المحل
وهوا واقف براا ماقدر يمشي
كل اللي يفكر فيه انو دي اخر مرا حيشوفها وخــلاص
دوبـه بيمشي الا نادته وهيا تتنفس بسرعه وتبا تبككي : برااااء
طالع فيها
مصــدوممم !!!
مو عارف ايش تبى
مايبى مايبى يتفائل وبعده يتحطم
ماتحرك هيا اللي جاته ووقفت قباله مو عارفه ايش تقول
باين انها مرتبكه
ترفع يدها وترجع خصلات شعرها ورا اذنها
: ايوا ؟
ترفع عدسه عينها وترجع تنزلها
تبا تقول اي كلمه بس لسانها تقيل
مو متعوده
رفعت عدسه عينها تاني عليه وقالت بتردد : لاتروح
كلمـه بسيطه
كلمه بسيطه منها قلبت كل شي فيــه
مو عارف ايش تبا منو
قاعده تعذبه وبـس
باين بوجهه انو ضعيف باين انو تعبان وهيا قريبه منو : ليش ؟
ترف رفعت كتفها ودموعها بعينها
وكأنه تقوله مدري
اتنهد بتعب : ترف ولو لمره ف حياتك قولي اللي تحسيه ولو لمره كملي كلامك
تحس نفسها طفلــه عنده
تحس انها صغيره وماتعرف تتكلم
ماتعرف تعبر
ماتعرف تسوي شي
كل اللي تعرفه انه تباه يكون جمبـها حاليا
بس ايش مصير علاقتهم ماتدري
نزلت دموعها
وهوا حرك راسه بقهر : لا يااترف الله يخليكي وربي اللي فيا مكفيني
رفعت يدها ومسحت دموعها قالتلو : خلاص
كآنت بتمشي الا مسك يدها : ترف لاتجننيني ترا وربي مو مخليه فيا عقللل
طالعت حولينها وبعدين فيه
قرب منها وقال بضعف : قوليلي ايش تبي مني
قال بصوت وحده مخنوقه : مدري
جننته الكلمه : ترف ترف لاتجننيني ايش اللي ماتدري
ترف تطالع بنظرتها اللي تكسره
اللي تخليه ولاشي وبكل ترجي قالت: ماباك تروح يابراء
ملامحه كلها لانت
اسمه لوحده منها تعبـه
ساب يدها واتكلم : تبيني اجلس حجلس بس طلبتك شي واحد عشان ارتاح قوليلي ليش اتسجنتي وانا مستعد اقعد انا مستعد اسوي اللي تبيه بس اديني الشي اللي يريحني فهميني ولاتخليني واقف في نص مكاني مو قادر اوصلك ولا قادر ابعد عنك
ترف وماسكه نفسها لاتبكي : مابى اتكلم مابى افتح دي السيره
براء بقلة حيله وهوا عينه تنطق بالحب : اسمعي انا وربي اعشقك .. ليا كم يوم مو قادر اخرجك من راسي ابا الشي اللي يرييحني ابا اعرف انتي ايش ..سامي كيف جا ابا كلمه وحده تريحني كلمه وحده تخليني انام مرتاح
ترف تطالع فيـه
كل اللي تعرفه انها حاسه براحه مو طبيعيه وهيا جمبه
ماتباه يمشي تباه جمبها
تبا الحضن اللي مو ملاقيته ف كل مكـآن
نزلت دموعها وقالت : والله كلهم ظلموني والله ماغلطت بحق احد ولا كنت وسخه ف يوم
براااء كأنو كبو عليه مويـآ بارده
كأنه ماصدق قالت شي مايبى تفاصيل لاحق على التفاصيــل
مستتعد يستنى شهر شهرين ويسمع منها التفاصيل لكن كل اللي يباه واللي يبا يسمعو
هيا مظلومه ولا لا
طالع حولينه وهوا يشوف كيف الناس تطالع ابتسم وهوا مقرب مرا منها : امسحي دموعك
رفعت يدها على طول ومسحت دموعها ..طالعت فيه ونظرتــه وترتها
براء مايبى يستبــق الاحداث نفسو يقول كلام كتيــر بس
بدأ يحس انها كآنت تبعده لأنها خـآيفه : تعالي نشرب قهوه ؟
اشرت براسـها وبالقوه ماسكه نفسها ماتبكي
مشيت وفجأه حست بيدو مسكت يدها.. طالعت فيه على طول وهوا هرج من غير مايطالع فيها : على قد مو محتاج اسمع منك ايش سرلك على قد كلمتك انك مظلومه من غير اي هرجه تانيه خلتني مابى ابعد عنك
تحس ماتبى تسحب يدها من يدو وبنفس الوقت منحرجه
لأول مرا تمشي ورا واحد وماتكون قلقـآنه
محتـآجته جمبـها
تباه وبــس
ماعلقت على كلامـه
دخلـو ستاربكــس
وطلب طلبــه وجات هيا طلبت وخرجت فلوسها من جيبها الا براء طالع فيها : دخلي فلوسك
ترف : لا انا حدفع
حطت فلوسها للرجال
وبراء شالها : خلاص اهجدي
ترف رجعت خرجت فلوس تانيه : ماحب احد يدفعلي
براء : هههههههههه عشاني رجال برضو
ترف ابتسمت وحطت الفلوس بعناد مرا تانيه : عشاني ترف
براء ابتسملها وقال بهدوء : ودا اللي مجنني
استسلم ماقالها لا وهيا اتمنت انها ماتفلسفت شردت على طول للطاوله الصغيره الدائـريـه وهوا جا وراها وجلس قبالها
مقرب جسمه للطاوله وهيا سانده جسمها للكرسي ...
براء : والله مو مصدق انو شياطينك هجدت وجيتيني
ترف ضحكت بااحراج : شياطيني !
براء : وربي ف حياتي محد جنني زي ماسويتي
ترف قلبها يدق بجنون من نظرتــه تحاول تحاول تتكلم طبيعي : ماسويتلك شي
براء : ههههههههه والله يااشيخه لو تعرفي ايش احس دحين ماتصدقي
ترف وجهها محمر : ايش ؟
براء : احس من جنانك حتقومي فجأه وتفصلي عليا وتقوليلي لا عاد تتكلم معايا ولا حتجيبي اي صرفه عشان نتضارب تاني
ترف ضحكت من قلبها : مجنوونه قالولك !
براء : هههههههههه مدري كل شي كنتي تسويه معايا اول ف راسي مافيه اي منطقيه فاسرت افكر باأي حاجه يعني دحينن انا مو مرتحلك فاهمه
ترف : هههههههههههههههههه ايش اللي مو مرتحلي دي
براء من كتر ماجننته مو قادر يصدق اللي بيسير وانهم قاعدين بسلام : والله انتي غريبه _ سكت وبعدها قال _ واحب غرابتك دي مخليتني مجنون وكل يومي مافي غيرك ف راسي
ترف لعبت بالورقه اللي بيدها باارتباك وماردت ولا طالعت فيه
براء : مستحيه ؟
ترف رفعت حاجبها وطالعت فيه : لا
براء : ههههههههههه ليش وجهك كدا محمر وغمازاتك واضحه
ترف بهجوميه : مني مستحيه ليش استحي
براء : هههههههههه ليش طيب تبي تضاربي ترا عادي مو عيب انك تستحي
ترف مو عارفه عيب ولا مو عيب
ماتبى تكون ضعيفه وبــس : مابى اتضـآرب بحاول اكون كيوت وانتا تبا تتمشكل معايا
براء اشرلها بيدها : تعالي تعالي
ترف قربت للطاوله وسندت جسمها عليه : ها
براء مسك خدها وقال بااسلوب يحرجها وبشوووويششش من قلبببه قالها: اعشقكك
تـرف وجهها مو بس حمر كل جسمها فجأه تحسه يــرجف رجعت سندت جسمها على الكرسي
وهوا قال : استحييتي ؟
اشرت براسها ومات ضحك : ههههههههههههههه عرفت كيف اتعامل معاكي
ترف طالعت فيه حاولت تتكلم بس مستحيــه
بتسب نفسها على الشعور الغبــي
سكتت سكتت وبعدها طالعت فيه : براء ماحب احد كدا يسويلي
براء سند خده على يده وهوا يحب يسمع عباطتها : يسويلك ايش
ترف اشرت : يعني انك تعاملني كدا وتسكتني وماعرف اتكلم
براء : ههههههههههه انتي ايش لك خلاص عرفت نقطعه ضعفك اتغزل فيكي
ترف : لاتتغزل ماحب دا الكلام
براء : بعد المرمطه اللي شوفتها دي الايام ماحقدر اكبت مشاعري
ترف : عادي ماحسير اداوم
براء : ههههههههه اووه تعرفي تلوي ذراعي
ترف على قد مو مستحيه على قد مو مبسوطه انها بتهرج ومهي زي لمى الكلام ضايغ منها لأ تعرف تتكلم : ايوا ايش تحسب
براء ابتسملها وراح جاب القهوه ورجع جلـس
تلعب بالمصاص بيدها وهوا يهــرج معاها
تبا تعيش كل يوم بيومه تعــبت باإنها تفكر ببكرا
تعبت انها تكب مشاعرها اتجاهه عشان خايفه من اللي حولينها
لين متى حتعيش زي كــدآ لين متى ماحتحقق ولاشي نفسها فيــه عشان كلهم راعبينها
تلعب بالمصاص وتطالع فيه وهوا يتكــلم
وهوا يحكيها
تحس انها مرتاحه وهيا جمبــو
ودا الشي يكفيــها وبقووووووووه
نفسـه يقولها ابا اتقدملك
نفسه بقول كلام مرا كتيــر بس مو عارف يبدأ يتضارب مع اهله على دا الموضوع
ولا يفاتحها اول ...!
ماحيقدر يصبـر كتير مو صغير عشان لما يعترف لوحده بحبـه يبا يعيش قصـه حب
يباها ...يباها له وبـــس
طفوله ملوثه بالواقع
ذالك الشــآب الهادئ ... لاأحد يعلم تفكيره
لاأحد يعلم مابدآخــله ..
نزل من سيـآرته وعدل شمـآغه ودخل الشـركه وهوا يدخل مفتاحه بجيبـه
يحس بنظرات الكــل دايما
واكتر شي البنـآت يكرهوه كره مو طبيـعي
ومايهمه دا الموضوع ...
ماأدى وجه كالعاده لأحد بس السلام وهوا ماشي ضغط على المصعد ودخل بهدوئـه وريحة عطره المنتشره
بكل المكان عدل سـآعتـه الفضيـه
ودخل لمكتبـه وجلس على كرسيـه الجلد الاسود الكبيـر
اتنهد وقـآل : بسم الله ..
يطالع في الملفات اللي على المكتب ومو عارف من فين يبدأ
قرب كرسيه للمكتب وكالعاده قبـل لايبدأ
يبدأ يفكر بميه شي مايقدر يفكر فيه بالبيـت ...
مخنــوق من حيـآته
مخنوق من نفسـه
تميم بدأت تتغير جياته لما اتعرف على رشـآ
هوا مو قادر يتقبل اي بنت
كل ماتجي وحده تتكلم معاه ردوده هاديـه وكلمه ورد غطاها
يكره ياخد ويدي مع احد
مايبى يدخل بنت ف حياته
هوا مايعرف غير امه ولمى وترف وكل وحده قاعده تتعذب
ماعنده قوه يتحمل وحده رابعه ف حيـآته
تميم انسان يعــبر ..يعبر عن قهره حزنه
ليـث يعبر بعصبيـته واسلوبه الجفص
هوا مايقدر
كل شي مكبوت جوتـه
عمل ..بيت ...عمل ...بيت ...عمل ... بيت
دا وضعـه
مافي شي بحيـآته غير دا
وطبعا المشاكل لللي تتخلل بين العمل والبيت ..
كل وحده في الشركـه حاولت تاخد وتدي معاه
سار يحس الموضوع تحدي مين تقدر تتكلم معاه
لين ماستوعبـه انو مستحيل يدي وجه لأحد وهنا سارو يكرهوه
دقت باب الغرفـه ودخلت بهدوء
رفع عدسه عينه عليها وهيا صوت كعبها مرا عالي
وصلت عند المكتب : صباح الخير
: صباح النور
جلست على الكرسي اللي قباله
وهوا فتح الملف اللي قباله : ايش فيه .؟
رفعت حاجبها : ماحتبطل جفاصه
ولارفع عينه من على الملف ولا رد اصلا
يقلب بالورق وبـس
: المهم منتا حابب تتكلم
تامر : فيه حاجه تخص الشغل _ رفع عينه وطالع فيها _ اتكلمي فيه حسمعك
ابتسمت بشكلها المرتب ولبسها اللي يدل على اناقتها ومكياجها الرايق مع الصباح : انتا عارف انا ليش جايه
تامر نزل عدسه عينه : اجل ماعندي شي اتكلم فيه معاكي
: كل مرا حتشرد من الكلام معايا ..انتا ليش زي كدا
تامر ولاكأنه ادميه قدامه يقلب بالاوراق وهوا خاصرها
: تااامر بهرج معاك
تامر طالع فيها : سلمى ماعندي شي اتكلم فيه معاكي افهممي قلتلك انا انسان ماليا خلق لدي الهروج
وقفت وجات بااتجاهه : ليش ..ليش مصر تتعامل معايا بدا الاسلوب
تامر جات لعنده ورا المكتب : سلمى احنا في المكتب
سلمى : ايش يعني
تامر بقله صبــر : ياابنت الناس انتي ماتفهمي
سلمى : لا ماافهم مو قادره ابعد عنك انتا ليش ماتحس فا
تامر وقــف : سلمى اطلعي براا
ضمت يدها تحت صدرها وتبا تبكي : ليش مصر تتكلم معايا كدا ياتامر
تامر بعصبيه : يااابنت الناس اخرجي من رااسي لا أبى اتمشكل معاكي ولا مع اهلك
سلمى : انتا شايل هم قاسم ؟
تامر كشر حوآجبه : اشيل همو ليش ؟
سلمى : مدري اديني سبب يخليك ماتباني
سلمـى دآود
عايشــه باأفخم حيـآه عايشه باأحسن قصــر
ميـة شخص يتمناها ويتمنى السلطه اللي تحت يدها وهيا مو قادره تتخيل انو مو قادره تخلي دا يعجب فيها
تامر : شوفي من النهايه انا عارف انك مو محتاجه دا الشغل وبتسوي دا كلو لحاجه معينه وانا وربي اخر شي ممكن تتخيليه اني اديكي هيا فاخلاص الله يخليكي بطلي دي الحركات
عصبـها ..قهرها
مو متعوده على احد يرفضـها
وكمان يرفضها بااسلوب جفص ..
قدمت خطوتين وهيا تبا تقهره : سؤال بس _ وقفت قباله وهيا تحس انه من جوتها ملخبطه تعشق ملامحه تعشق كل شي فيـه بس تبا ترد حقـها _ انتا مو قادر تتقبل البنات عشان اللي سوته ترف _ ضيقت عينها وقالت بااسلوب مستفز _ لدحين مجروح
يطــآلع فيها مفجووع
مايتذكر متى اخر مرا احد عايرهم بدا الموضوع
قبل 5 سنوات يمكــن
عقد حوآجبه وقال بعدم استيعاب : ايش قلتي
عرفت انها قهرته ضحكت وبعدت من قدآمه : سلاامتك ..بس كنت بتأكد من شي وطلع صح
اتوجهت للباب فكتـه وفجاه قفل الباب بعصبيه
فجعها طالعت فيه وهوا ساند يده على الباب وقال بكل حقـــد وهوا ينطق كلمه كلمه: والله لو جبتي سيرتها ثاني لاأخوكي ولا الحرس حقونك يقدرو يفكوكي مني ..اختتي اشرف منك
سلمى تحاول تكون قويه مع انها مرعوبه منـو : اووه والدليل العشره السنين
مرر اسنانه على شفايفه وهوا نفسه يخنقها :انتي ايش وضعك لما تجيني تشحتي عند رجولي وتترجيني اديكي وجه , لو اديتك ايش حتسوي .؟! وربي لو ابوكي مو داود مداكي اكبر فاج"" ف الدوله بس قادرين اهلك يسترو على فضايحك لدحين
عينها بعينه وحاقده حاقده من قلبها رفعت صباعها بتهديد : اتذكر كلامك دا
جات تفك الباب رجع قفله بعصبيه وماخلاها تخرج وقال بتهديد : اوزني كلامك لما تفكري تهرجي معايا تاني _ فتح الباب وقال بااسلوب مستفز _ اطلعي بس
طالعت فيه وخــرجت وهيا محروووووووقه
" طيب ياااتامر "
قالتها بكل وعيــد ...
وحده مو متعوده تتعامل كدا وحده اسمها لوحده يتعملها الف حساب لما ينطقوه
وهوا بكل مرا توقف قباله ماتلقى غير نظرات مالها معنى واليوم هانها مزبـــوط
اما هوا قفــل الباب وراح جلس على الكــرسي واخلاقه قفــلت
مرر يده على جبينــه ويحس ماشفى غليله قهرته بسيرة تــرف
ماعرف يــرد
ماعرف يدافع عن اختـه كالعاده
ودا الشي اللي كاسرهم طول عمرهم ....
طفوله ملوقه بالواقع
قفــلت من بشـآر وهيا حـآسه بشعور مرا حلو
يغار
ينقهر عليـها
اسلوبه مجننها حتى لما يغار عنيف على قد ماتخاف ويفجعها على قد مايعجبها
يمكن لأنه ناقصها بحياتها انسان بدي القوه
انسان بدي الثقه
انسان لما يقول كلمه قدها ومايتردد للحظـه
اتذكرت الدرج وراحت تفكه اللقافه قاتلتها
خرجت الاوراق والملف وتقلب فيـه مو فاهمه ولاشي
كلها تواريخ وشحنات وكلام مو عارفه معناه شافت صور جلال
وبرضو مو عارفه مين دا
الصور اغلبها وجهه مشطوب
فجعها شكل الصوور
ماحست انو له فايده دا الشي جات تدخله الا طاحت صوره على الارض
دخلت كل شي ونزلت جسمها اخدت الصوره
ورفعت يدها على فمها بصدمـه : روان !!
قلبها يدق بســـرعه ومفجووعه
راحت ببسرعه ويدها تتنافض اخدت جوالها
وتتصل على روان
مره ومرتين وتلاته بس ماردت
جلست على طرف السرير
" عشان كدا بشار يعاملها بجفاصه عارف انها سميه "
: اووووف ياروان ردددي
طفوله ملوثه بالواقع
امـآ روآن حطت جوالها في الشاحن وبتشتغل في البيـت ... مافي غير بشار وامـه
نظفت غرفه امـه وحور وكل شويـآ كانت تمسك حاجه \غرفتها كلها دلــع
كلها اشياء تفتح النفس
من العطور للمكيـآج للتحف الصغيره والفوآحات المشعتره بالغرفه
تعشق الفوآحات تلملم فيهم وكل يوم تخترلها ريحه على حسب مزآجها
رجعت كل شي مكانه وقالت بقهر " دا كلو من فلوسي اللي كنت اسرقها "
" بس اصبرو عليا "
سحبت عفش التنظيـف للصاله وطالعت في بشار اللي ابتسملها بوساااخه
ابتسامته مستفزززززززه
نفسها تشيل العصايه وتضربو
رفع جوآله لما دق وشاف ابوه يدق صمت الجوال وسابو يباه يولــع
دام بيتصل كل شويا يعني الموضوع مرا مهم عنده يعني بشار حيماااااطل ويولعه زياده
مسحت الطاولات وجات عند الطاوله الكبيره اللي قباله دوبها بتمسحها الا رفع رجوله الاتنين عليها وسند جسمه على الكنبه
جالسه على ركبها جمب الطاوله وتطالع بقهر وهوا يطالع فيـها : شيل رجولك
بشار بصوت واطي : شيليها انتي
وسعت عينها مفجوعه ..أمه طالعت فيـه وهوا نزل رجوله وقال بصوت عالي : معليش مانتبهت انك بتنظفي
سند جسمه وكأنه ماقال شي
" اهجدي ياروان اهجدي ياااروان "
مشيت وسابت الطاوله من غير ماتمسحها راحت تنفض الكنب
وهيا معصبه باااين العصبيه من عفاشتها
وبشار ولا كأأأأنه مبسوط انه قاهرها
شايفها انسانه اخدت سعادتهم وبــس
انفتح بـآب الصـآله وقالت بفجعه : جااااسم
عن مية لحظه مرعبـــه قد مرت فيـها
قلبها طاااح مع الاسم
ماتدري كيف اتربشت رمت اللي بيدها
دخلت بردة فعل سريـعه للمطبــخ
اما جاسم لمح وحده تدخل عقد حوآجبه : مين دي ..!!!
بشار جلس نص جلسه كدا مو مستوعب ايش سااار
ابوه ماعرفها !!
ابوه ماعرف انها تشتغل هنا !
حسب امس من كلامه انو دري ..!
وهيا شردت !!!
وضــع غبي من الآخر
ايش بيسير مايدري وقــف وقال : جبت لأمي وحده تشتغل عندها
امها مسكت اياديها ف بعض وهيا متوتره : قلتلو مايحتاج
جاسم طالع فيـه وساب ام الموضوع : انتا ليش مابترد على جوالك
بشار جواله بيده رفعه : مانتبهت عارف هوا بيدي طول الوقت بس انتا لما تتصل مدري ليش ماركز
قالها بااسلوب اهبل مستفز كدا بس بيولع ابوه عشان يقلو انا كذاب ومابى ارد
يحرك مفاتيح السياره بيده وهوا يطالع بولده عارف انو حيتنرفز كتيـر : حدخل اغير ملابسي وجاي اتفاهم معاك
بشار اشرله على غرفته : تعرف فين غرفتك ولانسيت
امه بحده : بشاااار
بشار جلس وطالع بجواله وقال : شوف ملابسك تجي قدك ولا اتغير مقاسك من كتر منتا مختفي
ضحك ضحك من قلبه ينكت مع نفسه ولا يطالع حتى فيـــه
امه بتنجلط من تعليقاتــه
اما جاسم وقف ونفسه يضربه نفسه يتضارب معاه صوت تنفســه العالي واضح
اما بشار كل صدمــه ياخدها منهم يضعف وبعدها يسير مستفز اكتر من زمــآن
في كل مرا ينحرق كم يوم مايعرف يتصرف وبعدها يسير ماينطــآق
عارف انو ابوه مايعرف يرد عليـه
لأنه ردوده كلها استفزازيه
مشي بعصبيـه لغرفته جاسم ... وامه صرخت عليه : انتا بتجنني
بشار طالع فيها وماسك نفسه لايضحك : ليش زعل دحين ايش قلت
امه : بشااار ابوك مايجي الا فين وفين ارحمنا من المشاكل
رجع نزل عينه على جواله : ححاول والله ماأوعدك ياأمي
امه بتافف : لاحول ولا قوه الا بلله
دخلت وراه وهوا على طول قــآم وراح للمطبــخ
امــآ في المطبخ رجولها تتنـآفض يدها جسمها كل شي كل شي فيها يرجف
بتموت على نفسها صوته جبلها الرعب .. اصلا بس لما سمعت اسمه حست الدنيا دارت فيـها
سندت جسمها على دولاب المطبخ وهيا حاطه يدها على قلبها وتتنفــس بصوت مسموع
" ايش بك ياروان مو كنت ابا اوقف قدامه ليش سايره ضعيفه "
" ليش سايره كدا ... ليش مااوقف قدامه واقلو ليش بتدور عليا بدا الشكل .."
" مو انا عمري ماكنت ضعيفه قدام احد "
" بس جاسم عمري ماكنت قويه قدامه "
" لأنه كنت احسبه طيب طللع وسخ خليني افضحه قدام اهله كلهم "
دموعها اتجمعت بعينها وهيا مو عارفه ايش تبــآ تسوي
سمعت صوت خطوات جايه للمطبــخ
وخلاص قلبها يدق بشكل مجنون لين ماوقف بشـآر عند الباب : ليش خايفه
تطــآلع فيه وتبا تكون قويــه
كاسرينها دي العيله كلـهم
يمشي بخطوات هاديـه وهوا رافع حاجبه ومتجه عليها
روان : من ايش حخاف
وقف قبالها بزبـط : مدري عنك شردتي اول ماشفتي ابويا
روان ارتبكت كانت حتمشي وتجيه من الناحيه التانيه وقف قبالها : ماخلصت كلامي
روان حاولت تكون قويه وهيا تبا تبكي : انتا ايش بك هااا
بشار : ابا اعرف ليش جايه تشتغلي عندنا
روان : ليش حجي ابا ادور رزقي
بشار ضيق على عينه : اوه سميه تدور على رزقها لدي الدرجه محتاجه
روان قلبها طاح وسعت عينها بصدمه
وهوا كمل : مني اهبل تطقطقي على راسي بالكلام الفاضي دا ..قوليلي ليش جايه تشتغلي هنا ..ليش بتسوي كدا من ورا ابويا
روان : بعدد بقولك
بشااااار
صوت جاسم ينادي عليـه من بعيد
بشااااار
بشار يهرج برعب : اوووه جااااه اخخيرا اخيرا حيشوفك تشتغلي ف ببيته
روان تطالع بتشتت على الباب وبعدين فيــه
بشار قرب منها وهيا لصقت ف الدولاب : قوليلي تبيني اخرجك من دا المكان ؟
طالعت فيه كأنها تقوله ايوا من غير ماتهرج
ابتسملها بهدوء وبعدها قال وهوا ينطق كلمه كلمه : قوليلي ..تكفى ... يابشاار ... خرجني
جاسم وصوته يقرب : بشاااااار
تطالع فيـه وخلاص اكتر من كدا عمرها ماخافت
يباها تترجاااه
تسمع صوت جاااسم
وولده بكل وساخه واقف قدامها ويباها تتخضعله
يكفي سنين عمرها اللي راحت وهيا تشتغل عند ابوه او بمعنى اصح ابوها
كان يعاقبها زي بققيه البنات لو نقصت بالفلوس
يخليها تســرق
يخليها تجري من داك وداا عشان لاتنضرب عشان لاتتمسك وتترمي في السجون
بلعت ريـقها وخلاص عارفه انو دي نهايتها
بس ماحتكون ضعيفه
شدت على حوآجبها وقالتله بقهر : اذا انتا تعرف انا سميه فاأمك ماتعرف ..اختك ماتعرف خليني اقول للكل انا مين
بشاااااااااااااااار
يطالع بعينها
بنات عمه كلهم زي حور مدلعيــن
دي غيــر
دي زيه وزي اعمــآمه
قلبه يدق بسـرعه وهوا مايبى امه تعرف دي مين
مايباها تنصدم
مايبى اختـه تبكي
بس ماكسـرته
ولا كســرها
واقفين قبال بعض وكل واحد يتحدى التـآني
سامعين خطوات جاسم قربت وبعدها زوجتـه نادته : جاااسم ...تعااال
بشار ملامحه كساها الزعل : اوووه _ مد يدو ومسك ذقنها _ بنات الرايد غير , وانتي غير حبيتك
دفت يدو وهيا مو فاهمه ايش يقصد : لاتلمسني
بشار يتكلم بااسلوبه الوسخ : انا حر انتي ف بيتي اسوي اللي اباه فيكي ..انتي تشتغلي عندي ,,بفلووسي .. انا اللي اصرف عليكي
روان بنفس اسلوبه هرجت : وربي انا صرفت عليكم كتتتتير انا البنت اللي اكلتك وشربتك من وانتا صغير _ بكل حقد _ عشتو كلكم بخيري بشار مو فاهم ايش تقصد وكل اللي فهمه انو امها عندها فلوس وابوه بياخد كان منها : وجا الوقت اللي اردلك الجميل
روان : جميلك اخدو وادوس عليه برجلي
بشار رفع حاجبه من ردها صدمته : مني فاهم الكبرياء دا وف النهايه جايه تشتغلي عندنا ايش تبي ؟
روان : مابى شي عادي
بشار : تتوقعي حسيبك تكملي ؟
روان رفعت كتفها : بكيفك بس صدقني صدقني انتا الكسبان لو خليتني
بشار : هههههههه ف ايش كسبان
روان وكل مالها تثق بنفسها زياده : لاتخلي ابوك يشوفني وانا مستعده اتكلم معاك بكل شي
بشار يطالع فيها بتفكيـر : وايش تتوقعي انا ابا اسمع وبعدين انتي ليش بتقولي ابوك ابوك لدي الدرجه ناكرته
روان : ايش تباني اقول _ ضغطت على الكلمه _ جااااسم طيب مو مشكله لاتخلي جاسم يشوفني وانا مستعده اقولك حاجات كتير
بشار كان يقصد انه تقول بابا بس حسها حاقده وكل واحد يفسر كلام التاني على كيفه : ههههههههههه عجبتيني
روان : الكلام اللي حقولك هوا انتا تبا تسمعه وقاعد تدور عليه
بشار : لدحين مو عارف ايش ممكن اخد منك بس مو خسران شي _ ميل راسه وهوا يتأملها _ شكلي حتفق معاكي كتير
روان بملامح وحده مو طايقته : انا مستحيل اتفق معاك حخلص مصلحتي معاك وكل واحد يروح بطريقه
بشار ردودها يحسها في الجبهه : حلوو حلللو بس خلي شي في بالك _ رفع يده وحركها على راسها _ لو فكرتي تستهبلي عليا انتي الخسرانه
روان دفت يده ف نص كلامه وقالت : قول دا الكلام لنفسك طول عمري قد كلامي
بشار: سؤال بس قبل لاأروح _يقلدها _ لجاسم ..
روان : نعم ؟
بشار : ليش تكرهيه ؟
روان : قولي ليش ححبه اصلا ؟!
بشار : حور تحبه
روان عقدت حوآجبها :بنته هيا حره
بشار لانت ملامحه ودوبه بيتكلم الا امه دخلت وقالتله : ايش بتسوي هنا يابشار
رجع على ورا وطالع في امه ..كان مرا قريب من روان : ولاشي كنت بتفاهم معاها
امه ماعجبها الوضع مرا .... بشار لساته مشتت من كلامها
امه : ابووك يبااك
بشار طالع ف روان وهوا لساته يبا يتفاهم معاها ..ايش اللي بنته هيا حره !!! : طيب
خرج من المطبـخ
ومالقى ابوه في الصاله عرف انو ف مكتبــه راح وهوا مو عارف ابوه ف ايش حيهـرج
اذا سميـه طلع مو عارف انها هنـآ
اجل ايش قصدو باأخر مكالمـه ..!!!!
روآن اول ماخرجت للصـآله وشافت مافي احد راحت اخدت شنطتها وشافت كميـه المكالمات من هديـل
اسئذنت وخرجت بدري عن دايمــآ
جاسم بنفس البيــت ايش الرعـب دا ...
اصلا تمشي وكل شويا تطالع وراها لين مابعدت وحست برآحــه مو طبيعيــه . . .
امـآ بشار دخل المكتـب بخطوات هاديــه جلس قبال مكتب ابوه وابوه قاعد بالكنبه اللي قبـآله
: ايوا ف ايش كنت تباني
جاسم : من امس بتصل عليك مابترد
بشار : قلتلك ماكان ليا خلق ارد
جاسم : تتكلم معايا بااحترام ولا اطلع براا
بشار وقف وهنا جاااسم اتنرفففز : تستتهببل انتا
بشار طالع فيـه : الأب اللي مايقدر يخلي الكل يحترم اهله ..حيجي يوم حتى اهله مايقدروه دا انتا اللي جبتو لنفسك لما تخلي اخوك يهرج عن امي وانتا ساكت وقاعد ف بيته ... فدي المعامله اللي حتشوفها مني
جاسم : ياااابن ال""""" انتا اشلك بيني وبين اخووويا
بشار لما ابوه سب نفســه : رحم الله امرأ عرف قدر نفسـه والله كدا انتا انهيت كل النقاشات اللي ممكن تسير
جاااسم بعصبيه شال اللي قدامه ورماه بالارض
بشار طالع بالشي اللي اترمى بالارض ورجع طالع في ابوه : ريلاااكس يااارجل
بارد بااارد
مستفز
جااسم بكل صوته : لاتجننني واتكلم معايا بااسلوب عدل
بشار رجع جلس : اهو جلستلك تبا تهرج اهرج انا سامعك
جاسم مو قادر يتكلم
مو قادر يمسك نفسه
ولده ذال اهله باإسلوبه المستفز
ولده كاااااسره ومخليه تافه وهوا بيهرج معاه بدا الاسلوب
بس يبا يعرف فين سميه ودا اللي اللي خلاه يضغط على نفسه
وجهه محمر عروقه بارزه بس اتكلم بقهـر : فين سميـه
بشار : قصدك قول فين بنتي
جاسم انفجع ضغط على اسنانه وقال تاني : فين سميــه
بشار : مدري ليش بتسئلني
جاسم : لاتستهبل ترا داري انك عارف مكانها وداري انك
بشار قاطعه : دام بتعرف دي المعلومات كيف مو قادر تجيبها ؟
جاسم : لأني مو عارف مكانها
بشار : كيف عرفت طيب اني اعرف مكانها .؟
جاسم : انا اللي بسئل جاوبني وخلي النفس عليك طيبه يابشار
بشار : جاوبني وحجاوبك
جاسم مو غبي عشان يتعاد معاه موقف اخر مرا ويتكلم وف النهايه بشار يمشي : انا جيت ابا اعرف ليش انتا بتسوي كدا
بشار وقــف : اجل فكر بينك وبين نفسك ولما تبا تجاوب اتصل على جوالي
مشــي وجاسم يناديه يناااااديه وبشاار ولا كأنه فتـح الباب وخـرج ...
محروووق على امه ويبا يحرق قلبـ ابوه بردة فعله البـآرده
سار مايثق فيـه
كان يقول ابوه ياأذي اي احد
بس اهل بيته اكيد ماحيرضى عليهم اي اذيــه
بس مو دا اللي شافــه
روآن تمشي في الشارع وبدأت تقلق على هديـل اتصلت عليـها ...
جا ف بالها من كتر الاتصــآالات مصيبـه
: الو
هديل : انتي فينك من اول وقفتيلي قلببي
روان : ايش بك ياابت
هديل : شوفتي بشار
روان ابتسمت : ايوا كآن بيننا حديث مطول
هديل : رووان ترا يعرف انك سميـه
روان : عارفه قلي
هديل انفجعت : نعم !
روان : تخيلي جاسم جا وانا عندهم
هديل : ايييش
روان : ههههههه اصبري دا الكلب ذل اهلي يباني اترجاه عشان مايخلي جاسم يشوفني
هديل :ترا مو فاهمه شي
روان :اووف جاسم جا وانا في الصاله وشردت للمطبخ والزفت حقتك لحقني وجاسم كان جاينا الا يقولي اتشحتيني عشان اساعدك
هديل : تمزززحي
روان : كلب قلتلك مالو امان المهم على حظي مرتو نادتو وراح ,,وطبعا ماكنت حترجاه لو ايش ذليت نفسي له بما فيه الكفااايه بس انا اوريه حمشيه بااسلوبي اللي نسيتو دي الفتره والله ماحخلي واحد فيهم يكسـرني تاني
هديل خايفه على نفسها تنكفــش : روان احنا بدينا نستهبل كتير
روان : بالعكس انا دووبني وصلت للي اباه بشوف بشار ليش بينبش على ابوه ولإيش حيوصل
هديل : روان وربي مستحيل يسجن ابوه حطي دا الشي ف بالك
روان : لا لا ياقلبي انا بنفسي حسجن جاسم
هديل : ياااللله ياااروان وربي خايفه
روان : هههههههههههه مالك صلاح انتي بشي
هديل : انا ابا اسجنه انا مستنيه اليوم اللي اشوفه يتجر زي الحيوووان بس خايفه
روان : من ايش
هديل طبعا من بشـآر : ولاشي المهم قوليلي ايش سار معاكي كمان
روان قعدت تقولـها كل كلمه قالها وكل حاجه ردت فيها
هديل مفجوعه منهم : يااااربي انتو الاتنين تفجعو
روان : ههههههههههههه مخمخني الكلب والله يااشيخه نظرتو وكلامه اداني قووه اني ادخل بعينه كنت خايفه وقلبي احسو حيوقف بس مدري فجأه كدا احس جاتني قوه
هديل : الله يستر من الايام الجــآيه
هديــل قفــلت ودموعها بعيـنها مو قادره تكذب عليه اكتر من كدآ
حاسه انو حينكفشو قـــريب يعرف منها ولا يعـرف بالصدفـه
خلاص حتحط حد لدا الموضوع دام عـرف سميه ايش يعني لو يعرفها كمان
طفوله ملوثه بالواقع
لابـس الكمامـه على وجهه وفي يده القلوفـز بعد جسمه عن المريـض اللي مسدوح على السرير
وبعد الكمـآمه وهوا يحاول يـركز
يحاول يتكـلم معاه وبـآله اصلا مو معاه
ماصدق يخـلص منه ويخرج
فسخ الاب كوت الابيض .. جلس على كرسيـه وهوا مخنــوق
يشخمط على الورقـه البيضـآ وهوا يتذكر كلام تـرف
" بابا لما قال سامحيني قلتلو الله يحـرق قلبك "
اتذكـر كلام ابوه زمـآن مع وآحد بالجوال ماينساها ولدحين ف راسـه
" ظلمتها انا بس ربنا فوق حياخد حقي وحقها منك "
بس لما جلس معاه حلفو على المصحف مايقابلوها ولايكون لهم اي صله فيـها !!
مسك راسه من امس صـآحي
مانام
مالو نفـس ياكل
يتذكر تفاصيل التفاصيل من هوا صغيـر
يحس في شي ناقص
شي مو قادر يفهمه
ترف بتتكلم وكأنها مظلومه
بتدعي عليهم ولا واحد فيهم مرتاح بحياته
لو غلطت بحقهم ماحتكون بدي القوآيــه
دايما احلامه غريبه
دايما احلامه انو ظالم انسـآن
يفسر من شيــخ لشيــخ
وكلهم يقولولو نفـس الكلام
" حياتك ماتتعدل لين الشخص اللي ظلمتـه مايسامحك "
" انتا ظالم انسان "
" انتا باني سعادتك على حساب شخص قريب منك "
الكلام سار هاجس وراعبـه مخليه مو قادر ينبسط
مافي غيرها
هيا الوحيده اللي بيحاولو يكملو حياتهم ومو عارفين كيف عايشه
مخنوووق
يبا يبــكي
شكلها امس مو راضي يخرج من رآسـه
مرر يده على جبينه وهوا يضغط على راسه باألم
مسك جوآله واتذكر رشـآ
طبـعه غريب لما ينخنق مو من الناس اللي يروح يشتكي
يقعد لوحده
مايحب يتكلم مع احد
بس مايباها تزعل
زعلها يهمو
دق وهوا مالو خلق يهرج بس بيحاول يتكلم معاها ..وقف واخد مفاتيحه والاب كوت بيدو وخرج من الدوآم
ولاردت عليـه
طول اليوم ساحب عليها وامس متضـآربين
بس ماقدر يتصـل مشكله لمى وتفكيره طول اليوم بتـرف اخد كل يومـه
فتح الواتس وكتبلها
" لساتك زعلانه "
قرأت كلامه ولا ردت
رجع كتـب
" انتي عارفه انو ولد عمك دا ماطيقو وماقدر امسك اعصابي لما تجيبي سيرته "
قرأت ولا علقت
" براحتك يارشـآ "
ركب سيارته وهوا كل شويا يطالع بالجوال
مستنيها ترد بيتجنن من تطنيشـها
وشويا لقاها تكتب
" انا مو محتاجه بحياتي انسان غيرته تعميه عن ثقته فيا انا بقولك كل شي ياتميم
لما انتا تختلط مع بنات وتحكيني المفروض انا اتقبل الموضوع وطبيعي
بس لما انا اكون مع ولد عمي وقدام بابا سار من حقك تتنرفز عليا وتقول كلام مالو داعي
ماما وبابا اطلقو بسبب جنان بابا انا ماحتحمل اني اعيش نفس التجربه اللي انتقدتها واللي عانيت منها "
يقرأ كلامها مرا ومرتــين ومو قادر يستوعب
كأنه ناقــص احد يزيـد عليه
اتصـل عليها وهوا يسووق وعينه بالطريـق
ردت عليـه بدون ماتعلق كانت دموعها تنزل بس بتسوي انها قويـه ومابينت حتى بصوتها : نعم ؟
تميم : مني فاهم ايش تبي توصليله بكلامك
رشا : كلامي واضح ياتميم انا مابقولك لاتغار بس بقولك لما تغار احترمني لاتستفزني بكلامك وتخلي غيرتك تسير طبع اكرهه فيك
تميم يحس كل شي ضايع منو مو عارف يهرج : رشا بس اهدى يسير اتكلم معاكي بالموضوع اهجدي ولاتقولي كلام اكبر مننا انتي عارفه اني شاريكي ومستحيل افكر اني اسيبك خلي دا الشي ببالك
رشا مقهوره لأنه مطنشها : طيب وكم حياخد منك انك تهدى يوم تاني ولا يومين ولا تلاته
تميم : حبيبي الله يسعدك وربي مشغول مع اهلي بس اديني شويه وقت وانا حكلمك
رشا بقهر وببرود : عادي ياقلبي خد راحتك متى ماتفضى وترتاح تعال كلمني وقتها انا اكون انحرقت وانحرقت وسرت ماتفرق عندي
تميم غمض عينه وفتحها واتنهد بضيـق مايبى يخسرها وبنفس الوقت عنده مشاكل اكبر من دا الموضوع : رشا وربي وربي مو ناقص شي يزيـد عليا
مايتكلم
مايعبرلها
ومو عارفه ايش سار اصلا معاه لأنه ببساطه مايهرج قالت بجمود : خلاص انا حقفل بروح اقعد مع ماما
تميم : لاتزعلي يارشا قلتلك لما افضى حتكلم معاكي
رشا : طيب
تميم عارف انها زعلانه : مع سلامه
مرا انقهرت انو حيقفل : سلام
قفـلت على طول وكأنها لو قفلت قبـله حتبرد قلبها
مسحت دموعها اللي كانت تنزل طول ماتكلمه بس مو داري عنها
اما هوآ بيحاول يرككز بالطريــق
متمسك بللي حيسويــه
اخته تـرف
قبل كل حـآجه وبعدين حيبرر لرشــآ
وقف سيارته عند المول ... ونزل لسى عندو امـل يتفاهم معاها
خايف تتعب بس بنفس الوقت مو قادر يسـكت
حيحاول كل يوم فيها لين ماتـرضى
يمشي وهوا يدور على المحـل مو متردد بقراره
امـآ تــرف ابتسامه بسيطه بارزه الغمازتين اللي بوجهها تطالع فيه كل شويـآ وتشتت نظرها
ماقدر يتحمل النظرات ساب اللي بيده وجا لعندها : ايش رايك بعد الدوآم نخرج نتعشا
ترف : لا ماينفع
براء : ليش ؟
ترف :امم مابى اكدب على سامي
براء : طيب ايش رايك اعزمكم الاتنين
ترف وسعت عينها : ههههههههههههههه نعم يافله انتا
براء ابتسم لضحكتها : ماينفع ؟
ترف : لا طبعا
براء مد يدو : هاتي يدك
ترف مدت يدها بتردد ومسكها وحطها على صدره
دقات قلبه ورا بعض ورا بعض بشكل مجنون : عاجبك اللي بتسويه ؟
سحبت يدها ووجهها محمـر قالت بتوتر : انا اشلي
براء : دا كلو وانتي ايش لك نظرتك لوحدها تتعبني عارفه انك مشتتني طول اليوم
ترف مرا متوتره مو عارفه ترد مو متعوده على دا الكلام ...اول مادخلت بنت صرفت وقالت : خليني اروحلها
براء : هههههههههه اشردي اشردي
ضحكت وعلى طول راحت وهوا رجع للطاوله مانزل عينه من عليها
مفضووووح
ترف سارت متوتره وهيا تتعامل مع اي احد كلهم يطالعو في برااء
وهوا ولا هامه احــد
جات لعنده وتهمس : ترا حشرد وربي
براء : ههههههههههههههههه ايش بك
ترف : فضحتني عند الكل
براء : هههههههههههههههه عادي خلي الكل يعرف اني احبك
ترف طالعت فيه بضعف ومشيت
تشرد كل شويـآ منو
ماسارت عارفه تتعامل معـآه خلاص
جلست على طاولتها وفكت شعرها ورجعت تلمو تــآني
يطالع فيـها وهيا تلم شعرها
كل شي مجننه يبا يـخــف يبا يسيبها بحالها بس مو قادر
ميـرنا كالعاده سابتلهم المحـل وراحت مع شموخ
وصـل للمحل واول ماوقـف طالع فيها وهيا تلعب بالساعه اللي بيدها ومبتسمـه
ابتسم لاشعوريا اشتـآق لإبتسامتها ماتغيرت
براء واقـف ورا الطاوله وطالع فيــه قهره وهوا شايف وحده يطالع فيها كدا
الاتنين بنفــس اللحظـه اتوجهه لتـرف
وآحد حــآقد
والتــآني ضـآيع
ترف فجأه حست بشين فوق راسها رفعت راسها على صوت براء : خير ؟!
طالعت في تميم ووقفت مصدومـه
تميم طالع ف بـراء مو عارف ايش يبـآ مو عارف يش وضعه
بس ماداه اهميـه طالع ف تـرف : اقدر اهرج معاكي
تـرف اشرت براسها بلا بدون ماتتكلم
دقـآت قلبها ورا بعـض
: قلتلك مابى اتكلم معاك
سحبت نفسها ودخلت على طول المخزن تشرد منـه وبس
يطالع فيــها بقهر كان بيلحقها الا براء وقف قبـآلـه عرف انو اخوها : انتو ايش تبو منها
تميم طالع فيه مفجوع : انتا ايش لك
براء : شوف انا ماحقدر اوقف قدام اخ واخته بس بقولك خاف ربك فيها
تميم طالــع فيـه وهوا مو عارف
مين دا
وايش وضـعه
بس واضح يعرفها مزبــوط
عدآه ودخل لتــرف وبراء ماوقــف قبـآله
دول اهلها ف النهايه ماحيقدر يجي يسوي نفسه البطل الخارق ويبعدهم وهوا مو عارف
مين الطيب ومين البطال
وايش وضعها معاهم
وايش الهرجه
واقــف ومستنـي اي ردة فعـل منها قابض على يده وكاره انو يكون بدا الموقف
كاره انو مايكون بحياتها حاجه
دا الموقف اثبتلو انو يبـى يتقدملها يبى اي واحد من اخوانها لو وقف قدامها يكون له كلمه عليـه
اما تــرف واقفـه وضامه يدها تحت صدرها طالعت فيـه لما دخل وهيا تاخد انفاسها بسـرعه : قلتلك لاتجي قلتلك مابى اشوفك ماتفهم
تميم : لين متى ؟ تبي تصرخي عليا بكل مرا تشوفيني صرخي اهم شي اقول اللي عندي
ترف تحس جسمها يتنـآفض ضعيفه قدام اخوانها
ضعيفه قدام اي شخص جرحها
نزلت دموعها : سيبوني ف حـآلي ماباكم ماااااباكم
تميم : ترف والله من يوم ماشوفتك مانومت ولا ارتحت و
قاطعته : انا من يوم ماسبتوني وانا اتعذب كل يوم ..تعبت انتا ف يوم واحد عشان مانومت عدل
حست رجولها مو شايلتها مو قادره توقــف
مســكت بالكرسي البلاستك الابيض وجلست عليه رفعت يدها وغطت وجهها تبــكي
قدم بخطوات تقيـله مو عارف ايش يقول مو عارف ايش يتكلم بس حيترجاها
اذا الكل بيقول عنها غلطت احلامه كلها تقول انها مظلومه
وانو هوا الظالم هوا بيظلمها زي البقيــه
وصل لعندها نزل على ركبــه بالارض وحط اياديه الاتنين اللي قابضها بكل قوتـه على ركبـها
وقفت بكا سمعت صوت بكـآه
شالت يدها بتردد وطالعت بيده اللي عليها وتتنافض منزل راســه ويقول بصوت قطعلها قلبـها : قوليلي كيف ارضيكي قوليلي الله يخليكي
جالس عند رجولها !
جالس بكل ضعــف
صوته مايكذب !
جسمه اللي يرجف !
عروق يده اللي بارزه من كتر مو ضاغط على يده
زاد صوت تنفسها مو قادره تستوعب
مارفع راسه قال وهوا بيحاول يتمالك نفسـه ويتكلم : عارف انك اتعذبتي كتير وماليا عين اطالع فيكي وانا اطلب انك تسامحيني ..ترف الله يخليكي اديني فرصه بس
رفع يده وهوا يمسح دموعه اللي مو شايفتها
ماقدرت
ماقدرت تشوف اخوها بدا المنظر
كســرها شكلو
وبنفس الوقت تحس شي جوتها مكسـور
بس ماقدرت تتقبل تشوفه بدا الضعـف سحبت نفسها وقامت وهوا سند يده على الكرسي الفاضي ووقف
ضغط على عيونه بيده اليسار ومسح دموعه
طالع فيها وهوا مضيق على عينـه كان بيتكلم ونزلت دموعها وقالت بضعف : خلاص ياتميم خلاااص
تميم : وربي ندمان وربي لو ضيعت كل سنيني وانا ارضيكي ماحقدر اردلك اللي راح انا عارف
قرب منها ووقف قبـآلها : ترف لو ماتقدري تسامحيني لاتسامحيني بس بقولك اديني فرصه اثبتلك عارف انو ماحتقدري تتقبليني بس لاتقفليها بوجهي
ترف عينها بعينه وقلبها يدق بسـرعه
مشتاقتله
مشتـآقتله من قلبـها
بكل ضعف هرجت: ايش حتسوي لو اديتك فرصـه
تميم : حكون لك كل شي تبيه حسوي اي شي يرضيكي
مسحت دموعها : ليش دحين !!!
تميم : لاتسأليني ماححرق قلبك بردي
كمل ووجهه باين انو ضعيف ومتعذب نفسيا : انا مو ليث ولا تامر ..اباكي تسمعيلي وتنسي اللي قالوه اخواني حكون لكي اللي تبيه حوقف بوجه اي واحد يفكر يجرحك ولا يسوي شي انتي مو راضيه عنو
كيـف ترفض شي زي كدا
كيـف ترفض انو ممكن بسببه تحس بالسلام اللي مو قادره تلقاه بحيـآتها
حاسه انو صادق ..ومابيكذب
بس فيه شي جارحهها لسـى
لكن ماحترفض حتسوي اي شي يحميها هيا وسـآمي
قالت بتردد : مابى اتكلم معاك حاليا مو مسامحتك وبنفس الوقت ماحقولك ماباك توقف معايا _ كان حيتحرك رفعت يدها ووقفته _ دحين سيبني سيبني ومرا تانيه نتفاهم
سـآمي دخل المحـل دوبـه جـآي ...حياخد امه بنفسه وماحيخليها تروح وتجي لوحدها
ماسار مطمن بعد هـرجه ليث
اول مادخل عقد حوآجبه وطالع ف براء : فينها ماما
وقبل لايرد سمع صوتها واتوجه على طول للمخزن
ماكان داري مين اللي واقف قبـآلها ...مديه ظهره
ترف طالعت بااتجاه الباب : سامي !
تميم دار وسامي اول ماشافه اتوجه له بكل جنون ودفففه : انتااا ايش تسوي هنننا
ترف انفجعت حاولت تمسك يدو بس سامي يسحب نفسه منها ويصرخ على تميم : وااللله اللي اشوفه مقرب منها ياااويله
ترف : سااامي خلاااص
تميم شاف الكره والحقققد بعينــه
ماتوقع اخته عندها ولد يعتمد عليـه
يدافع عنها
: ماحسوي شي لأمك دي اختي ايش بكك
سامي وترف ماسكه يده بالقووه سحب نفسه تاني وقال بقهر : دوبك اتذكرتهاا هااا فينكم من اول
ترف رفعت صوتها : خلاااص ياااسامي بقولك خلاااص
ماحب يكسر كلمتها يتنفس بصوت مسموع ..عينه على تميم اشر على ترف وقال : عشانها بس ماحتكلم ولا قول لخالي ليث لو لمسها تاني ماعندي إشكال اضيع عمري كلو بالسجن بس اخد حقها منكم
ترررررف مفجووووعه
تميم مفجووع
مو عارفه من فين جاب دا الكلام وكيف خلتو بيوم واحد يحقد عليهم كدا ..!!!
تميم مو مستوعب انو دا ولدها ..!
الاتنين يطالعو فيه بس هيا خايفه على ولدها وهوا خايف على امــه
كلهم بيحمو بعض بس من جوتهم اصلا مرعوبين
بيسو نفسهم قويين لكن قلبهم يدق بكل خوووف
اما تميم حس نفسه بدي اللحظه مجرم , وسخ , حقيـر كل حاجه قال وهوا بيحاول يكون هادي : لو ليث قرب منها تاني انا اللي حجيب حقكم _ طالع ف ترف وهوا بيسحب نفسه كاره نظره سامي له كاره نظره طفل له وكأنو انسان ظالم _ انا ماشي حسيبك تفكري بكلامي
سحب نفســه من المكــآن وهوا حاسس بنظرة سامي له
خرج من المخزن ولقى بــراء يطالع فيــه
دوبه بيطلع من المحل الا براء دخل لتــرف وسـآمي
وقف عند المحـل
ميــن دا ..!
مين دا اللي بيوقف معاهم ..!
مين دا اللي يتجرأ يقوله خاف ربك فيها .!
وبيدخل وولدها فيه !
قبض على يده بقهر وهوا عارف انو مالو حكم لا على لبسها ولا على تصرفاتها ولا حتى على الرجال اللي معاهم دا
خرج من المووول بكــبره بتعب وخلاص نظرة سامي محفوره براســه
نظرتـه تحرق ...
ترف جات عند سامي حوطت وجهها بيده وهيا شايفته يتنفس بقهر ويبا يبـــكي : حبيبي ايش بك
سامي على طول نزلت دموعه يهدد وهوا خـآيف بس المفروض يكون رجال ويدافع عنها : ليش جاكي هنـآ
ترف : بس كنت بتفاهم معاه
سامي بعد يدها وبنرفزه : ماباكي تتفاهمي معاهم ماباهم يجو
ترف للحظات ندمت لأنها خلته يقرا الرسايل : سامي ايش بك
سامي : مو كلهم واحد مو قلتيلي كلهم مافيهم خير _ شاف برااء داخل وعلى طول وجهلو الكلام _ ليش خليتو يدخل هنا وانتا عارف خالي التاني ايش سوا
براء جا لعندو وهرج بهدوء : لأني شايف دا مو نفس المجنون الاول ,,عارف من وجهه انو يبا يتكلم ومن حقو يتكلم معاه
سامي : لا مو من حقه
ترف : سامي ياقلبي انا اعرف ايش بسوي
سامي مسح دموعه : ماباهم انا خلاص مابا ولا واحد فيهم
ترف : طيب انا ماقلت اباه بحياتي انا ماقلتله اني مسامحته
سامي صرخ عليها : احنا مو محتاجينلهم ايش ضمنك دا ايش كان حيسوي فيكي حطي في بالك انو مستحيل اخليكي تشوفيهم تاني
ترف وسعت عينها بصدمه ولدها يتأمر فيها : ساممممي
سامي بنفس اللاسلوب : لاتقوليلي غير داااا الكلام
طالعت في براء ولأول مرا يصرخ عليها سامي قدام احد دايما يتضاربو لوحدهم ف البيت
براء مررررا اتنرفز من اسلووبه : ترف اطلعي شوويا
قدم لعندها وعاد كلامه : اطلعي بهرج معاه
صمممت لين ماخــرجت ... وبعدها براء طالع فيـه وسامي باين العصبيـه ومو ندمان على كلامه
براء بنبره حاده : اول شي احترم امك ولا تتكلم معاها كدا
سامي بنفس النبره : انتا ايش تعرف
برااء : سااامي !
سامي حس بنفسه وانفجع من براء
براء : انا بتكلم مع رجال دحين اسمعني عدل وارخي صوتك وانتا تكلمني
سامي سااااكت
براء : امك تعرف ايش بتسوي ..مهي صغيره عشان انتا تديها تعليماتك
سامي : هيا قالتلي على خالي ليث وقالتلي انو انتا لو ماكنت فيه ماتدري ايش كان سوا فيها
براء : طيب وقتها ماكانت تبا اصلا تتكلم معاه هوا لحقها .. اما دا جا لين عندها وسامعو يترجاها ايش ماكان بينهم انا ماعرفو بس دا خالك لما تشوف امك واقفه وتقولك اسكت فاإنتا تسكت وتسيبها ,, لما تقرر هيا ترجع تتكلم معاه تاني انتا مو من حقك تقول لا
سامي وعينه كلها دموع : الا من حقي انا مابى يسرلها شي
براء للحظه حزن عليه : اسمع انا مو أهبل حشوف واحد يبا يسويلها حاجه واخليه حط دا الشي ببالك لما تكون هنا بالمحل كل العيون عليها وف مكان عام ولما تكون عندك انتا رجال وتقدر تدافع عنها بس لاتكسر كلمتها هيا عارفه ايش بتسوي
سامي سـآكت
براء اشرلو براسه : روح اعتذرلها لاتجننها انتا كمان
سامي مو عارف ايش وضع براء بينهم
بس مرتـآح ومو خايف على امو وهيا بالمحل
براء :يلا
اشر براسه بطـآعه وقال بهدوء : طيب
خـرج ولأول مرا يحـس انو فيه احد واقف معـآهم اتوجه لترف اللي جالسه على طاولتها وجمب الملابس سلم على راسها وقال : انا اسف
رفعت راسها تطالع فيه بقهر : كدا تتكلم معايا قدامه !
سامي شتت نظره وماطالع فيها : كنت خايف عليكي
ترف : ايش حيسويلي يعني وانا هنا
سامي : مافكرت بس شفتو انفجعت
ترف طالعت بعينه شافته يبا يبـكي انقهرت : طيب سامحتك
سامي لساته خايف والموقف لدحين فاجعه انو يتضارب مع رجال كبيـر رجال حجمو اضعاف اضعافه دا شي لوحده لدحين مأثر فيه
وقفـت ومسكت يده : نرجع البيت ؟
سامي اشر براسه وهيا ضغطت على يده : حبيبي ايش بك
سامي : ولاشي
ترف حاسته خـآيف : حجيب شنطتي واجيك
دخلت المخزن لقت براء واقف ودوبو بيولع سجارته اخدت شنطتها وابتسمتلو وقالت بصوت واطي : شكرا
براء ابتسملها ونزل السجاره : طمنيني عليكي لما توصلي
وجهها حمر اشرت براسها: طيب
خرجت من المحل واول ماشافت سامي حاولت تخفي ابتسامتها الغريبه
مسكت يده وشدت عليها : خلاص تعال نشتريلنا اكل وبعدها نسهر احلى سهره
سامي : بكرا عندي دوام
ترف : عادي ساعتين بس ماحتاخد من وقتك
سامي : عشان اول حصتين اكون نايم
ترف تبا تأذيه : هههههههه ايش يعني حتخصرني عشان حصص انا امك امك
سامي يحاول يتكلم عشان الخوف اللي فيه يروح : حضيع كل مستقبلي عشان هرجه امك امك
تــرف : طيب يااسامي نام وشوف كيف لما انا انام واكون غضبانه عليك ايش حيسرلك حتدخل جهنم على طول
يخاف من دا الموضوع : ايش حتدعي عليا
ترف : مايحتاج ادعي , ربي عارف اني نايمه وانا مو راضيه عنك
سامي : هههههههههههههههه ياماما من جدك !
ترف : ايوا والله
سامي بفجعه : خلاص حنسهر مع بعض
ترف علقت يدها على طول ف يده : يلا طيب نشتري حاجات تسلينا وبعدين نروح البيت
سامي : ياااربي والله حتهزأ بكرا
ترف : هههههههههههههه بللله قول لمحمود يصورك وانتا تتهزأ
سامي مفجوع : بجد ترا انتي والله شريره
ترف مازالت مبتسمه : عادي شريره واحبك
سامي : مدري انبسط ولا ازعل
ترف : هههههههههه
ممده جسمها على الكنبـه وبس تدق على جواله عندها امل انو يــرد
وماسابتو ف حـآله لين مارد عليـها : هلا ياستي
: لؤي فينك
بتصريف : كنت مشغول
: يعني يسير كدا ادخل المستشفى ولا تجي تطمن عليا
لؤي بردة فعل سريعه : سلااامتك ايش بك
: والله تعبت ياولدي في الظهر والله يرضى عليه عزام وداني دوبني صحيت لقيت الكل متصل يطمن عليا الا انتا
لؤي : سلامتك حبيبي وربي مدري
: الله يسلمك ماحتجي تشوفني
لؤي بدا يتلكك : انتي دحين احسن يعني ولا
قاطعته وعارفه ليش ماحيجي : مافي علا ماحتجي اليوم الا متأخر تعال منها انا ابا طمن عليك
لؤي مالو نفس يجي عشان لاتحقق كمان معاه : معرف حشوف لو
قاطعته للمره التانيه وهيـآ مصـره على كلامـها : والله حـزعل لو ماشوفتك
لؤي بتردد : خلاص انا اشوف لو خلصت شغلي بدري حجيكي
مال صوتها للحزن : طيب براحتك ياولدي
قهرته نبرة صوتها : لو جيتك ماحطول هيا نص ساعه وحمشي
قفــل ومقهور لأنه رد وبنفس الوقت مايقدر يطنش مكالماتها ..نفسه يجلس معاها بس حاليا اول شي حتسئله عــلا
ماله نفـس يدخل بدا المود
فاضي ماعنده شي كالعاده ..طالع بالوقت الساعه 6 ... حتتأخر خليني اروح دحيـن احسن
اشترى من البقاله مشروب بارد ورجع لسيارتـه
امـآ ف حوش بيتـهم حاتط الجوال على اذنه ويتكلم معاها : اخيرا فضيتي
لمى جالسه على سريرها ومتربعه : ايوا كنت انظف
عدي : يختتي ايش الشغل دا اللي مايخلص من يوم مارجعتي من الجامعه
لمى : لسى حقوم اكوي شويا
عدي : ايش رايك اجيب شغاله على حسابي بس اقعدي واتكلمي معايا
لمى : هههههههههههه ماما تطردها وتطردك
عدي مرا انبسط بدأت تنكت كمان : هههههههههههه يختي اللي دمها خفيف
لمى انفجعت استحت ,مايمر شي الا ويعلق عليـه يحرجها ماردت
عدي : طيب حطي السماعات واتكلمي عادي
لمى : ماما ماتحب
عدي : هههههههههههه ايش طقوس امك يعني مو اهم شي تشتغلي
لمى : ايوا بس برضو تكره احد يهرج بالجوال وهوا يشتغل
عدي : انا خطيبك خطيبك ابا اتناقش وادخل بحوارات معاكي مامدايا اقول كلمتين الا وامك نادتك لين متى يعني
لمى : ايش اسوي
عدي : طيب قوليلي ليش دحين انتي حزينه
لمى : اخواني في العصر محد فيهم كلمني ووقت الغدى تميم مارضي ياكل شكلو عشان عرف انا اللي طابخه وتامر اكل لقمتين ودخل غرفته
عدي : دام مقهوره كلميهم ولا اعتذريلهم
لمى : انا مازعلتهم
عدي نفسو يتغزل فيها وهيا تشتكي بس ماسك نفسها وبيحاول يكون متفهم : هما اخوانك الكبار ف النهايه اعتذريلهم
لمى : حشوف اكلمهم ف الليل لما يرجعو
عدي : حبيبي انتي لاتزعلي نفسك اهم شي ...ابا اجيكي اخد الخاتم
لمى : لما يجي واحد من اخواني اقولك تعال
عدي : ايش فيها بس من عند الباب واسلم على امك
لمى : لا بلاشي ماما ماتحب دي الحركات بس يجي تميم او تامر حكلمك
عدي بااستغراب : ايش بها امك ؟
لمى ارتبكت : ايش بها !
عدي يعني بس كم يوم وبدأ مستغرب من امها هرجه الجامعه والتنظيف وماخلتو يسلم عليها بالجامعه ودحين مايجي : ولاشي خلاص ..مو مشكله استنى اخوانك اهم شي اشوفك
لمى استحت
عدي : ايش تبيني اجبلك وانا جي
لمى : ولاشي
عدي : اجبلك دبدوب تاني
لمى : هههههههههه لا واحد يكفيني
عدي : حبيبي انا القنوعه والله امليلك بيتنا دباديب وعرايس بكل مكان
لمى : هههههههههههه حفنجع كدا
عدي : يختي ضحكتك تجنن انتي كلك تجنني والله نفسي كدا ابوسك ابوسك وماأسيبك بحالك
لمى مفرصعه عينها وترمش ووجهها محمر
ضاع الكلام ايش تقول
حتى الضحكه ماسارت تبا تضحك
اما عدي مات ضحك من سكوتها ناداها بكل الاسامي ولا ردت : بيبي ,,, عمري ,, لموش ,,, دلوعتي
لمى بصوت يادوب طلع : ها
عدي : هههههههههههههه ايش بك اختفيتي
لمى : استحيت
عدي كان جلس على الدرج حط راسه على ركبته بتعب مع الكلمــه واتنهد : يختي متى اشوفك وحشتيني
لمى ابتسمت واختفت ابتسامتها اول مانادتها امـها عدي على طول : اووووف اووووف
لمى تبا تضحك بس خايفه لوحدها بالبيت ماتبى تستهبل : خلاص بعدين بعدين اكلمك
قالتها بصوت وحده متوتره
خايفــه
وقفـلت على طول ...
فتح الواتس ويتكلم مع اصحابه بنرفزه ..مرا قاهرته امها بدأ مايطيقها
ومو عارف لدحين ايش هرجه عيلتها امها ليش كدا اخوها ليث ايش وضعه نفسه يسألها بس
بيحاول يتقرب منها اكتـر
نص سـآعه وسمع جرس البيــت قام من الدرج وفك الباب : هلااااا واللله
لؤي ابتسم غصبا عنه : اهليين
سلم عليه ولؤي هرج : فين قروشتك ليا ماسار لك حس
عدي : والله من عينكم مو قادر اتكلم معايا زي الأوادم
لؤي : هههههههههههه ليش بدينا مشاكل
عدي : يااخي امها غتيته
لؤي : هههههههههههه اجل ماحترتاح الا لو اتزوجتو
عدي : هيا خدلك متى الزواج كل يوم ازن عليهم يقدموه ويقولولي اهجد
لؤي : والله اللي يتكلم معاك يحس انكم مخطوبين لك شهر ولا شهرين
عدي : انا انسان دمي حار احب الشغل سريع سريع اكره المماطله
لؤي ضربو على ظهره : طيب ياابو دم حار ممكن اشوف ستي
عدي : ادخل ف الصاله تلقاها
لؤي : تعال
عدي رفع جواله : عندي هرجه مع واحد وشويا وجاي
لؤي : تمام
دخــل وقاعد يدعي انو يلقى احد معاها ..وابتسم اول ماشافهم مجموعيــن كلهم من غير عـلا ..
جلس بكل راحه واتكــلم معاهم ..وانبسط وكل شويا يطالع بالوقت ومايبى يطول
لكن عزآم وابوها من موضوع لموضوع ومو قادر يصـرف نفسه
غير ستـه اللي كل مايخلصو هرجه تقعد تشتكيلو من جسمها ومن كل حاجه
مو عارف ليش بتسوي زي كدا بس بيقول مع الكبر ونفسها تقعد معاه
علا نزلت من السيـآره والسوآق راح يوقـف .. عدي كآن في الحـوش يعرف صوت سيارتها لما توصل
ابتسم بهبـآله وقام يبا يفجعها جا عند الباب يعني لو فكت الباب حيتغطى
دخلت مفاتيــحها وفتحت الباب ودخلت الا جا من وراها ودفها على الجدااار وهوا يصرخ
ف اذنها بصوت يفجع
صرخت بكل صووتها ماجا ف بالها الا انو حرامي ولا انسان بيأذيها
بس ايش جابو الحوش وليش بيصرخ بدي البلاهه ماكان فيه وقت مع الفجعه تفسسسر
هيا تصرخ وتغطي وجهها وهوا يصـــرخ ويدفدها ..
جــوآ اول ماوصلهم صوت عــلا وصرختها المعروفه فيـها اول واحد فز من مكانه لللؤي
ماستوعب انو ابوها يطالع فيه
انو امها موجوده
اخوها طيــب !
كل اللي ف راااسه علا سرلها شــي
خرج يجرري وعزآم ورااه .. جالسه بالارض وعدي قدامها
لؤي جا لعندهم ونزل جسمه بااتجاههم وقال بخوف: ايش سسسرلك
علا طالعت فيه واختفت ابتسامتها هيا وعدي
منظرو سااار غبي
غبــــي
عدي بتناحه : كنت بفجعها
علا مرا ارتبكت وجهه باين انو مفجوووع عليها
طالعت في عزآم اللي واقف وراه وكلهم شايفين لؤي
بنظره تـآنيه
كلهم يحسبوه خلاص خرج علا من راسه بس حركته مرا ماتدل على دا الشي
وجهه المفجوع مايدل على كدا
بدأت تخف دقات قلبه بلع ريقـه ووقف : ماتبطل بلاهه
عدي حاسس بااحراج لؤي ومقهور عليـه : طول عمرك منقذنا وشهم واالله
لؤي عارف انو عدي بيرقعلو ...دخل من غير مايرد عليــهم
عزآم بهمس : والله ماتستحي
عدي طالع ف علا وعلا ولا وقفت مع الاحراج نزلت راسها ووجهها محمر
عدي يحك رقبته بااحراج موقف مايتمنى اي واحد يكون فيــه
مو قادرين يدخلو يطالعو فيــه ..
امـآ لؤي دخل وجلس وهوا من جوتــه محروق ..
: يستهبلو صح ؟
لؤي : ايوا
الام : انا عارفه عدي برا عشان كدا اتوقعت هوا ورا الصرخه
لؤي يحرك رجله ومو طايق ام الجلسـه مو قادر يطالع بعينهم
خلوه بمنظر غبي وبس سحب جواله من على الطاوله : يلا عن اذنكم انا ماشي
محد عارضــه
محد قلـه شي
كلهم انفجعو اصلا من خوفــو
مشي ودوبو بيخرج الا علا داخله عدا من جمبها بكل صمــت وخرج
شاف عدي وعزآم ف الحوش حاولو فيــه يجلس بس ماقدر ..كاره نفســه بشكل مو طبيــعي
_________________________________
قـآعده تضـحك مع سـآمي ومبســوطه الا دق جـرس الباب .. سامي قام بسـرعه ودقيقتين رجع لأمو وهوا شايل شنطه بيده وكيس صغيـر
ترف عقدت حوآجبها : ايش دا
سامي : صاحب العماره يقول انو اللي كانو ساكنين تحت نسيو دي الحاجات وبيتصل مابيرد عليهم
ترف : طيب ؟
سامي : مدري جارتنا اللي جمبهم قالتلو انك تعرفيهم
ترف : ماعرفهم هيا مرتين بس صادفتهم
سامي : والله مدري _ حط الاشياء جمبها _ فيه جوال اتصلي على اي رقم عندها
ترف اخدت الشنطه وفكتها وخرجت الجوال القديــم .. فتحت جهات الاتصال
وتقــلب بالاسامي لين ماوصلت عند اسم روان : اللي كانت ساكنه تحت اسمها روان تتوقع هيا ودا جوال صحبتها .؟
سامي جلس جمبها وهوا يتثاوب : مدري جربي اتصلي
ترف اتصـلت على الرقم ورفعت جوآلها وثانيتين وروان ردت مفجوعه : نعم !
ترف : هلا _ مو عارفه ايش تقول _ انتي روان اقصد تعرفي صحبة دا الجوال
روان : ايوا هديل
ترف : طيب انا جارتها اللي فوق وهيا خرجت من الشقه وسايبه اغراضها شكلو فاااداني هيا صاحب العماره
روان تمشي في الشارع :ايوا انا ساكنه معاها خلاص شويا امر اخدها منك
ترف ابتسمت حست الموضوع بسرعه مشي : طيب
سامي اول ماقفلت طالع فيها وعينو خلاص نعسانــه : ماما والله حنام على نفسي
ترف حزنت عليه : خلاص حبيبي نام حزنتني
سامي وقف على طول قبل لاتغير رايها : الحممممممممممداللله تصبحي على خير
وشرد على طول لغرفته وقفل على نفسه الباب وفتح المكيــف ودقايق وهوا بسابع نومــه
اما هيـآ فرطت مسكت جوآلها اللي من اول ماتدري عنـه
فكت الوآتس وابتسمت لما لقت براء مكلمها " عادي اكلمك قبـل لاأنام ؟ "
ماتبى اتصـآل حاسه بتوتر كتبتلو " عادي هنـآ نهرج "
استنت استنت وقالت اكيد نام دوبها بتسيب الجوال الا كتبلها " زي ماتبي "
ترف " حسبتك نومت "
براء " لا مافيا نوم اصلا "
براء كآن نايم وف سابع نومــه وقام على طول اول ماشافها كاتبـه
رفع جسمه من على السرير وسند جسمه بتعب وهوا بينام على نفسـه
بس ماصدق يتكلم معاها ...
طفوله ملوثه بالواقع
أحب البقاء بمسـآفه آمنـه عن الجميــع لســت بالقرب الملآم والا بالبعيـد المنسي ..
موجـــود وغير مرئــي
حتى رأيتــك واصبحت تلك المسـآفات تحيرني وتجعلني اريــد التقرب
ولاأستطيـع ان اخرج عن هويتــي
جعلتيني اقف بالمنتصـف اريد الوصول اليـكي
واخاف من الوصــول ...
خرج من عنـد ابوه وبعد المضــآربه يدور على روآن ومو ملاقيـها ... اتنرفز لما عرف انها مشيـت
كيف حيوصلها تاني مو عـآرف
دخل غرفتــه غير ملابســه
وكآن حياخد مفاتيحه الا شاف مفتـآح شي مايستخدمه كتيــر
ابتسم وزادت الابتسامه وهوا بيتخيل شكل هديــل
دا الشي المجنون اللي يباها تســويه
بس وهيا معــآه
سحب المفـآتيح وخرج قبل لايتواجه مع ابوه
يباه يتجنن كدا ينحرق كم يوم وبعدها يفهم هرجتـه
سميه وخلاص بجيبــه
يبا ينبسط ويروووق ...
خرج للقراج وشـآل
الغطـآ من على الدبـآب النينجـآ
لونــه اسود وفضــي
يمرر يده علييه وهوا مايتذكر متى اخر مرا ركبـو
فتح بـآب القرآج
وشال الكراتين اللي قدآمه وبالغلــط طاح جواله ولا انتبهلـــو ..
ركب الدبـآب وشغلـه واول ماطلــع الصوت المزعج ابتسسم من قلبــه
لبس خوذتــه ووراه اليوم مشاااوير لين ماتخلــص هديــل
حاسس بسعاده جوتـه مو طبيعيه وحرك الدبــآب بشويش وخرج من القراج شاف السواق وقلو يقفل كل شي
وبثانيـــه حرك وبسبب شوارعهم الفاضيــه
ســرع من قلبـــه
عينه بس اللي واضحه من قزاز الخوذه
مبتسسسم
يعشــق السـرعه
كآن محتـآج دا الاحساس من اول
امـآ هديل جالسه بسياره طالبها بشار من نفس الفندق ...
مو قادره تستوعب ايش قاعد يسوي عشانها ...اليوم مرا مو طبيعي
" اكيد فجعتو بشكلي امس حيحزن "
" كان سوى زي لؤي مو طول الوقت يباني معاه ويتصل على الجوال "
قلبها يدق بسـرعه ممو عارفه كيف اصلا حتجلس معاه وهوا يعـرف عن سميه
تعترفله وخلاص
حتى لو زعل اسمنها كل واحد راح بطريقـه وهيا ضميرها مرتـآح
خايفه خايفه من اللحظه اللي يعرف فيها وتحسها كل مالها قـربت
اهتمامه ونظرتـه وصوته لها اتغيرت عن اول
ودا الشي معذبها زيـآه
نزلت من احسن سياره عشان
تمسح بالممسحه عند رجول الحريم اللي يطالعولها بنظرات واضح الحزن فيـها
وتعدي من جمبهم لو يشوفها بدي الحاله ايش يسوي
بلعت ريقـها ودخلت الحمام غسلت يدها بعد ماخلصت شغلها وطالعت بنفسـها
بلبسـها اللي انعدم وريحتـه المعقمات اللي تنظف فيـها
مرت لحظـآت وبعدها وسعت عينها وخرجت بسـرعه من الحمام طلعت للدور اللي فوق وهيا تدور على البنت اللي تعرفها
واول ماشافتها وهيا تتنفس بسـرعه : معليش بس فاكره الكيس اللي اديتك هوا اخر مرا
: حق الملابس ؟
هديل : ايوا فينو الله يسعدك
: في الغرفه حق العرايس حتلقيها بالدولاب الابيض
هديل الابتسامه اترسمت على وجهها : شككرا
وراحت بسرعه اخدت الكيس دا اللبس اللي اشترتو لروان ونسيت تديها هوآ
خرجت الكيس ومرا مرا متحمسـه
للبس كاجوال مرا يناسب روان
تيشيرت لليموني فاتـح وعليه رسمه صغيره من عند الصدر ميكي ماوس
وجينــز سماوي مشقوق من عند الركبـه
نزلت تاني بحماس ودخلت الحمام لللبســت وراحت توقف قدام المرآيـه
رفعت شعرها لفووق وسار نازل وملفت كالعاده بطوله وكتـرته ..
خرجت وهيا مقتنعه بنفسـها لبسها كآن مناسب للوضع اللي مجهزلها هوا بشار وكأنها عارفه انو وراها يوم مجنون
اول ماشافتها ماقدرت ماتعلق : ليش ماتسوي روج صارخ
هديل طالعت فيـها
حشريه تحب تدي رايها بكل حاجه بس لجو هديل مرا يناسبها دا الوضـع : اممم زي ايش
مسكت يد هديل : تعاالي
باين انو هديـل بتتشيك عشان احد بذات لأنها دخلت مبهدله وخارجه متشيكه
ادتها روج مايل للعودي
هديل اول ماشافت شكلو انفجعت : لا لا مو متعوده على دي الألوان
: والله حيطلع عليكي يجنن بس لازم ترسمي حوآجبك
هديل تطالع باللون مرا غااامق صح لبسها فاتح ودايما تسوي وردي
وحيكون شكلها مجنون
اتحمسـت للفكره
حلو تغير ستايلها شويـه
وقفت قدام المرايه وسوت الروج وتحس شكلها اتغير كليااا : لا لا مرا اوفر اللون
: هههههههههه والله يجنن تعالي بس ارسملك حوآجبك
ماتعرف ليش دايما يساعدو بعض بدي الموآقف
بس ماقالت لا كالعاده رسمتلها حوآجبها وهيا تتكلم : ماشاءلله زي كل مرا حقولك انو شكلك يعجبني
هديل ابتسمتلها رسمتلها حوآجبها وخلتها تسوي مسكرا وقالتلها كدا خلاص
مع رفعه شعرها وروجها المجنون ولبسها الكاجوآل كآن شكلها ببسـآطه حيجنن ببشـآر
اخدت شنطتها وسابت كالعاده لبسها التـآني
خرجت من المكـآن واتصلت كدا مرا على بشـآر مايرد
رفعت يدها وهيا تطالع بالوقت
بدأت تتضايق من نظرات اللي يمشو وكآنت حتدخل الا وقفــها صوت الدبـآب اللي الكل طــآلع فيـه : مجنوون
دارت جسمها بتدخل الا سمعت صوتـه نقلت عدسه عينها واخر مكان كانت تتخيل انها تشوف بشار فيه الدبــآب
وسعت عينها مصدومه وقدمت بخطوات تقيلـه لين ماوصلتلو
حرك شعره لما اتخبص مع الخوذه ونزل يده بهدووء لما قربت منو وشاف شكلها
كأنو اول مرا يشووف بنت
متجنن عليها قال بهدوء : شكلك حلو
هديل ولا اهتمت بالغزل تطالع في الدباب : ايش دا يابشار
بشار حاول يفوق ويتكلم معاها : اليوم حتسوي اللي انا اباه
هديل لسى ماستوعبت : ايش حنسوي !
بشار اشر براسه : اركبي
هديل وسعت عينها : ايشششش مجنون انتا مستحيل
بشار : اركبي ولا حسحبك غصبا عنك
هديل ضحكت بصدمه : بلا بلاهه _ تطالع حولينها _ ايش .. مجنون
بشار : هههههههههههه ايوا مجنون اركبي
هديل : ماابى
بشار مد يدو وسحبها لعندو وقال بحده : اركبي ولا حتزعليني
هديل وجهها محمر : اخاف
بشار رفعلها حاجبه : وانتي معايا ؟
هديل تكذب عليــه لو قالتلو ايوا ...وهيا معاه تحس بالامان وبــس حتى لو بتسوي شي مجنون هيا مع بشــآر
عمرها ماحست بدا الاحساس بحياتها طول عمرها محرومه منـه
روان اللي كآنت دايما تحميها لأنها ضعيفــه واليوم اخوهــآ اللي اخد مكـآنها
مد يدو وهوا يديــها الخوذه : اللبسي
طالعت فيه من الجنان اللي حتســويه وهوا ابتسملها
ابتسملها الابتسامه اللي ماتقدر بعدها تقول لا ولا تتردد لبست وهوا لبـس خوذتـه ورفعت جسمها وقلبــها يدق بسـرعه وركبت
بينهم مسافه بسيــطه مسكت بلوزته من الناحيتين وقالت بكل صوتها : بشووويش يابشااار
ضحك ومافهمت ايش الضحكــه
بس مشي وكآنت سرعتـه متوسطــه وهيا تصــرخ : اممممانه بطططئ كمان قلبي يوجعني
ولا سامعها مع صوت صووت الدباب لين ماوصــل للشارع العــآم
وتحت اضائات للمبــآت الشوارع والهوآ الخفـــيف الللي فجأه سااار مرا قووي
بسبب السرررعه
صرخت بكككل صوتها وغمضت عينها ومسكته بكل قوتها
لما ســــرع
ســــرع بجنون تفك عينها وماتشوف شي من الســرعه
تصصصرخ وتحس روحها تتطلع
تمسك فيه بزيــآده
والهوآ مرااااا قووووي
تفتح عينها تاني وتشوف نفسها مشيت من جمب شاحنه . وسياااره
تسمع اصوووات بواااري
اصوات حاجات مدموجه في بعض ومو قادره تستوعب ايش اللي بتحســه
غير انه قلبها حيوقف ف اي لحظه
لحظه جناااامن
مدموجه بالمتعه
مدموجه بالثقــه بالشخص اللي ماسكه فيــه
لحظـــه عن ميـــة لحظه
دارت راسها لقدام وفكت عينها وترجع تغمضها / بشاااااااااار
سمعت ضحكتـــه
بس مركز بطريــقه ومستمتع
مستمتع وهيا ماسكــه فيــه
مجنون دبابات مو اهبــل عشان يسـرع بدي السرعه وهيا معاه
يخاااف عليــها
ومستحيل يجازف فيـها لو مآكآن واثق من نفسـه
وقــف الدباب وهيا تحس خلاص مع الصــريخ جاها صدااااع
مو مصدقه اصلا انو وقــف نزل من الدباب وشال اللي براســه
وابتسامه مجنونه راسمــها : ايش رايك
تطالع فيـه ومو قادره تعلق
شال الخوذه من على راسها وهيا رفعت يدها تعدل شعرها
مد يدو : انزلي
وجهها مصفررررر
مدت يدها ونزلت وحطت اياديها الاتنين على ركبها اللي تتنافض واياديها : آآآه يااااقلبي
بشار : هههههههههههههه
هديل مو قادره توقف عددل مع الرجفه اللي بجسمها : ااااه وربي عمري ماحسيت بدا الاحساس
بشار : هههههههه انبسطتي
هديل رفعت جسمها وهيا مو عارفه ايش الاحساس اللي جوتها مبسوطه ولا لا مو عارفه
بس فيه شي مجنون جوتها يقول وااااوووو وفيه شي يرجف جوتها مو مخليها تفكر : مدري _ رفعت اياديها الاتنين _ شووف كيف تتنفض
بشار : لسى ماخلصنا ترا
هديل حطت يدها على قلبها : تبا تموتني اليوم ولا ايش
بشار : هههههههه لا حخليكي تلفي دبي كلها بس تعالي كلي اول
هديل : اكللل ايش هوا انا حقدر اكل
بشار : هههههههههه طيب تعالي نشرب شي يبرد على قلبك
هديل لساتها على نفس المود : لاتجبلي سيره الاكل ولا المشروبات
بشار مسك يدها ومشي وهيا مشيت معاه بكل طاعه
هديل : والله مو قادره امشي رجلي ترجف وربي انتا ليش مو راضي تستوعب اني كنت حاسه نفسي حموت بااي لحظه
بشار : ههههههههه مو امس قلتلك تثقي فيا وقلتيلي ايوا
هديل : ههههههه ايش حتخليني اندم يعني على دي الكلمه ولا ايش
بشار سكت فجاه وهوا يطالع فيـها وبعدها طالع قدامه وكمل مشي
هديل نظرتـه لوحدها جننتــها
الاتنين شكلهم ملفتيــن اكتــر من بعض
بكــآمل انوثتها وكالعاده هوآ بكامل رجولتــه
وسيـــم وسيــم وكل وحده تمشي تطالع فيــه
جذاابـه وماتقل عنــه ف الجمـآل
هديل استغربت من هدوئـه : ايش بك !؟
بشار رجع طالع فيـها : اقولك شي بس ماتستغربي
هديل تخاف من نبرته دي توتر
نظرتــه اصلا واضحــه : ايش ؟
لحظه انو يتعدى الخط اللي كآن يحطو بينه وبين ميــة شخص سواء بنت ولا ولد ولا مايتعدآه
لحظــه انو يتقرب من شخـص غير امــه واختـه
قال بتردد : مدري ليش احس اني ابا اسعدك
جمله بسيطه قالها
بس قلبت كل شي فيها
باين الارتباك فيه وكأنه عمره ماتغزل ف وحده
قال شي من قلبــه حاسه
من قلبه بينطقــه
يمشو بين النــآس والازعاج بس الازعاج وللخبطه المشاعر اللي جوتهم اقوى من اي حـآجه
تطالع قدامها وقلبها يدق يدق يدق بطريقـه مجنونه
تحس نفسها تاخد نفسها بصوت عالي
تحس انها مكتومه وماتبى تبينلو طريقه تنفسها وتوترها
بتحاول تكون طبيعيه
بشار ماطالع فيـها كلهم خايفين من الاحساس
هوا لأنو اول مرا يثــق باإنسـآنه
لأول مرا يقرر يخرج من ورا القنــآع اللي يحطو للكل
وهيا لأنها ببساطه كذابــه
لأنها تحس انها بدأت تعشقــه ومو عارفه كيف تنهي الكذبـه دي
كيف تبدأ تصارحه وهوا قاعد يلمحلها بحبـه ليها
وجا الشي اللي وقف الف تفكيـر لما كمل كلامـه : عارف انو بعض الاحيان اسلوبي غبي زي على هرجه ابن ال""" دا اللي بتجيبي سيرته كل شويا
هديل انفجعت بس ماعلقت مستنيه بقيه الكلام
بشار : بس احس ماقدر امسك نفسي ودا اوسخ طبع فيـا
هديل تبلع ريقها ومشاعرها ملخبببببطه ماتباه يقول غير دا الكلام
وبالفعل ماقال غير دا الكلام طالع فيـها وقال بمزح عشان يغير جو التوتر: لحستي مخي من النهايه
هديل نفسها تبكي مو تضحك
ابتسمت بتوتر وهوا وقف ووقفت مشي ورجع مسك يدها : تعالي هنـآ
دخلـو لمحل حلــى يذوقها اكتـر شي يحبـه من كل حـآجه
دخلها محل كب كيك ويطلب ميني كب كيك ويمد يدو يذوقها تبا تاخد مو مخليها : ذووقي
تفتح فمها وهوا ياأكلها : ها كييف
حطت يدها على فمها وتمضغ وبعد مابلعت : مرا لزيز
اخدلها كم حبـه عشان تاكل وهما يمشو دخل اشترالها عصيــر على مزآجها بعد ماشربت العصير
مسحت شفايفها وسارت محمره بس من للون اللروج اللي مارضي يخرج مزبــوط
يطالع فيها كل شويـآ وكأنه ايش ماسوت بنفسها تغريه بجمـآلها وبـس
وقفـو قدآمم الناففوره الراقصــه والموسيــقى
واقفه جمبـه وتحس بشي حلو
للحظـآت تحسه انو ملكها لوحدها
شايفه كيف البنات يطالعو فيــه وهوا متنح بس عليها
كان دا الشعور عن الف شعور تحســه
سند جسمـه على السور الاسود وجمبـهم المصــآبيح الموزعــه بطريقه مرتبـه ومنوره المكان بكل رووقان
وهيا قبــآله وتطالع فيـه : انتي عارفه انو حنرجع دحين على الدباب
هديل : هههههههههه لا مابى لسى مافوقت من الصدمه
بشار : انا ماباكي تفوقي
هديل بجديه : والله كدا حسيت براحه بعد ماصرخت
بشار : هههههههه شايفه كيف
هديل : احس نفسي اعيدها وبنفس الوقت اتذكر اصوات السيارات وكيف كنا مسرعين واخاااف
بشـآر : خليكي ماسكتني زي اول وانتي ماحتخافي
هديل وجهها حمر وطالعت حولينها وهيا تغير الموضوع : غريبه ماشربت اليوم قهوتك
مالحقت تتنفس بعد الكلمه الا مسك يدها وسحبها : يلا موعد قهوتي
هديل :ههههههههه لاتقول راجعين للدباب
بشار : اييوا
هديل تشد على رجلها : لا لا مااابى
وبشار يسحبها بالقوه : امممشي
وهيا ولا كأنها شاده على رجلها بالارض
مجنووون
ماعنده كنترول لتصرفــآته
دار جسمه وبلحظه رفعها من الارض ومممشي : هههههههههه اوريكي كيف انااا
ماحست بنفسها ف ثانيه رفعها قالت بخوف بفجعه : اماااانه ااامانه نزلني
بشار نزلها على طول وهوا يحس انو قلبــه حيوقف اصلا
سابها ووقفت قباله بزبط
قلبها يدق بســـرعه رفعت عينها وطالعت فيه
وهوا ابتسم ومو قادر يتحكم بمشاااعره وهيا قدامه
ضعيـــف وهيا جمبــه
ف مكــآن مرا بعيــد عنهم ... مرتبكين واقفين مفجوعيــن
: خلاص قلتلو يطلع كل الارقام اللي باإسمو يمكن نوصله
: استغففففرالله ...ايش الحل الغبي دا
: ماتدري يمكن عنده رقم مانعرفه خلاص مافي اصلا غير دا الحل
نظرتـــه توصــف قد ايش متجنن فيــها
قد ايــش عاجبتــه بس بنفس الوقـت خايف من نفســه مايبى يجرحها ودا كل همــه
اصلا لما شالها خاف انها زعلت عشان كدا نزلها على طووول
بس مو فاهم نظرتها دي
دق جوالها فجأه وفوقها من احساسها ابتسمت باارتباك وبعدت عنــو
بعدت عنو وهيا تفك الشنطه والشي الوحيد اللي حتسويه انها حتعترفلو وخــلاص
ردت على الرقم الغريب بدون ماتركز بس تبا تبعد عنو عشان قلبها تخف دقــآته
: الو
: هلا
هديل : مين ؟
: اممم معليش اختي بس ايش تقربي لبشار ؟
هديل عقدت حوآجبها وهيا تطالع فيه ورجعت نزلت عينها : ماأقربله مين معايا
باارتباك : الله يخليكي تقدري تقوليلي كيف نوصله لنا 6 ساعات لاإحنا ولا اهله قادرين نكلمه
هديل خافت :هوا معايا فيه شي ..؟
بلع ريقه وقال : هوا جمبك ؟
هديل : لا بعيد
زاد ارتباكه وقال : اختـه حور اتوفت
فجأه تحس قلبها طاح
صدمـــه
صدمــه
رفعت عدسه عينها عليه ولقتو يطالع فيها وبعدها ابتسملــها
____________________________
جــآلس بمكتبـه الساعه 11 ونــص ... خلاص تعــب قفل اخر مــلف
وقـآم من على الكـرسي ..أمين أمين ف شغلــه
دوبـه بيقوم الا دق جوآاله اخد مفاتيحه وكل اغراضه وفتح الجوال وهوا بيمشي
مقطـع فيديو على الوآتس وصلـو من رقم غريب
كآن حيقفل الا انكتب " يهمك المقطع شوفو "
تـآمر فجأه وقــف مشي فتح المقطــع
وبعدها عقــد حوآجبه
" محاكمــه تــرف !"
قلبه يدق بســرعه وهوا شايف منظره عمره ماتخيلــه
سامع كــلام ماتخيل يسمعه
كآنت بريئه للحظـآت بعينه
تقول انها بتخرج دايما من المدرسه بعد ليث مايوصلها !
تقول انها تقابل كدا واحد مو شخص واحد
عشان كدا ماتعرف مين الاب !
قالت كلام ماتقوله وحده بعمرها
قالت كلام جننه وبــس
اول ماخلص المقطع كتبتلو " دي اللي اشرف مني ؟ "
كيف جا المقطع بيدها ماتدري
شد يــدو على الجوال وخرج من مكتبــه بكل عصبيـه
دي اللي جايه تهدد تميم بكل عين قويـه
دي اللي مسويه قدام تميم انها بريئــه
ركــب سيارته وبدون تفكيــر
اتوجــه لبيتها
انفـــآسه ورا بعض
دا اللي ليث سمعو عشان كدا كارهها وحاقـد عليـها ..!
وقف قبال عمارتها طلع الدرجات وهوا عارف بتحديد فين ساااكنه
ودق البااااب بجنوون
دق وراا بعض
للحـظه كانت تحسبها روان وفكت واول ماشافتــه قالت : تااامر !!!!!!
سحبها من لبسها بااتجاهه وحط الجوال قدامها وهوا يعيد المقطــع : ااايــش دااا
يتعاد المقطــع قدام عينها
يتعاد قدامها اسووء لحظــه بحياتها
ابشع موقـف قد مرت فيــه
عيونها مانزلت تسمع وبــس
الاتنين يتنفسو بسـرعه
بس واحد بكل حقــد
ووحده بكــل صدمــه ووكل موقــف بشـع عاشتـه بيرجع قدامها تـآني ...
نهايه الفصل
|
18-12-17, 08:39 PM
جديد مواضيع قسم القصص المكتمله من وحي قلم الاعضاء
العرض العادي
