كاتب الموضوع :
الاسطوريه الهلاليه
المنتدى :
المنتدى العام للقصص والروايات
رد: انا بطبعي الوفاء بس في الحب خوان
ام عبدالرحمن مستغربه من تصرف خالد : اني اشوفكم بخير واحسن حال ... ويرجع ولدي فهد بالسلامه
عمه وابوه واخوه وعيال عمه مستغربين تصرفاته
خالد يبتسم : واذا حققت لك وحده من هلامنيات وش لي
ام عبدالرحمن عصبت من برود خالد : اخلص علي وش عندك وبشارتي لك اللي تبيه إذا كان الخبر يسوى
خالد مبتسم : شوفي ياجدتي ويابوي وياعمي ويااخوي ويا عيال عمي
كلهم بصوت متفرقه : اخلص علينا وش عندك تراك طفشتنا
خالد يضحكك عليهم ام عبدالرحمن : بالعصا الحين ان ماتكلمت
خالد : خلاص عندي لكم مفاجاه الحين بجيبها من السياره عط فهد رنه
فهد متوتر خايف ع جدته لايصير فيه شي نزل من سياره متوجهه لهم
خالد بصوت عالي : فهد وصل بالسلامه ي جدتي
ام عبدالرحمن مومستوعبه اللي قاله خالد : صدق وينه فهد يمشي بخطوات واسعه جلس ع الركبتة يسلم ع جدته ع راسها وخدها اليمين والايسر ورجولها و يبكي : يمه انا رجعت لك يمه رجعت شوفيني قدامك
ام عبدالرحمن تبكي وتحضنه : الحمدلله ع السلامه الحمدلله اني شفتك يالغالي طولت علينا بلحييل ليش ماكنت تنزل السعوديه أيام الاجازات ليش
فهد يمسح دموع جدته : لاتبكين الدموعك غالي خفت انزل واهون عن الدراسه بعد ماأشوفك الحمدلله خلصت الدراسه وجيتك رافع راسك هذا اهم شي
العيال وشياب نزلت دمعتهم متأثرين باللقاء الجده وفهد
ام عبدالرحمن : الحمدلله اللي رجعك لي سالم
فهد قام من حضن جدته وقام سلم ع خواله حضنهم باس راسهم ويدهم .فهد :شلونكم خوالي عساكم طيبين ابوياسر: طيبين طاب حالك :انت شلونك.. أبو نواف: شلونك ي فهد وشلون فرنسا معك فهد : الحمدلله انا بخير دامكم بخير سلم ع اخواله وهم جالسين
سلم ع ياسر :هلا والله تو مانورت السعوديه ...فهد يبتسم : النور نورك ي الغلا .... سلم ع نواف وصقر نواف : والله اني مشتاق لك ياولد عمتي الله لايحرمنا منك
فهد يبتسم: ولامنك ي نواف حتى انا ذبحني شوق عليكم صقر: اليوم يجنن وزاد حلاوته بشوفتك
فهد : تسلم ماعليك زود ي صقر ..
أبو ياسر : وشلونك ي وليدي عساك طيب ... خلاص ي خالد سامحتك علشان المفاجاه الحلوه
خالد جلس: ول يبه كنت بتهاوشني اشوى الحمدلله أنقذني فهد
كانو نواف وصقر وياسر واقفين وجلسو بعد ماسلموا ع فهد ....كلهم يضحكون على خالد ههههههه ياسر : علشان كذا قلت بروح وبرجع ولا انت بلعاده تنحاش
خالد يتنهده لانه ذكره بالموضوع : أي كنت بنحاش بس فهد ماخلاني هههههه
نواف : الله يسعدك ي خالد ع هالمفاجاه ..... الحمدلله شفناك ي فهد لك وحشه
فهد : الحمدلله حتى انا اشتقت لكم
صقر : أي والله فقدنا برودك هههههههه
فهد : هههه بس برودي فقدتوه ...بشوفتكم صرت بخير ... جلس جنب جدته مومصدق انه جالس جنبها يحس حلم بيصحى منه يسولف عليهم وش سوى في فرنسا ...
==========================
عند في ومي ولمياء ولمار البنات فصخو العبايات علشان يلعبون لانه العبايه بيطفشون منها اذا كانت عليهم اريح انهم يفصخونها لانهم عارفين مستحيل بيجونهم الشباب علشان كذا خذو راحتهم
في جالسه تتزحلق وطيح ماتعرف منقهره من مي ولمياء حتى لمار تعرف الاهي : مايصير كذا حرررام انتو تعرفون تتزحلقون الا انا مايصير لالالا ظلم كذا في ماتعرف مايصير قامت تتزحلق مرة ثانيه وطاحت ع خشمها خخخخخ
لمياء ومي لمار يضحكون عليها... مي : سوي كذا ي افي حاولي تتوازنين خخخخخ
في تفرك خشمها يألمها طلعت من الملعب صابوني : انقلعو زين قاعدين تتطنزون علي ماأبغى اللعب شافت ام ياسر جات ومعها بدريه
في ماادري ليه حسيت بضيقه كانها حاسه بجيت فهد
: يمه وش فيك ... جيتي هنا انتي وبدريه مع كرشتها كانها بقرة
بدريه بقت عيونها لانه حامل في شهر الرابع: صراحه انتي قليلة ادب يعني موشايفتني يمكن حوالي شهر وهذا استقبالك لي لالالا مايصير
ام ياسر متضايقة من تصرفات في: في وبعدين معك وش هالاسلوب زفت تتكلمين مع بنت عمك كذا
في لاحظت انزعاج أمها منها : اسفه يمه هلا بدريه الحلوه شلونك عساك طيبه
بدريه : وش عقبه ها ... بس يلا بمشيها لك تدرين ليه
في : ليه ... بدريه بضحكه : لاني اطيب منك علشان كذا اسامحك في جات عند بدريه وحضنتها : فديتك ي بنت العم
لمياء ومي طلعو من الملعب يسلمون ع بدريه ولمياء: الاصدق وين جدتي عنكم ومرت عمي
ام ياسر تجلس في الكرسي القريب منها لانها تعبت من المشي.... فيه كراسي وطاولة مثل الحدايق العامة لانه المزرعه كبيره بلحييل اللي يتمشي فيها بيتعب ويحتاج انه يجلس : جدتك معها العيال وأبوك وعمك اما مرت عمك حاولت فيها تجي تتمشى معنا قالت مايحتاج اعرف مزرعتنا عدل انتو روحوا تمشوا ماعليكم مني
بدريه ومي تضايقوا من كلام أمها في تبغى تنسيهم : وش رايك ي لمار نروح نركب المرجيحه يلا
لمار: يلا .... راحت تركض تلعب مع في
مي (الله يسعدك يافي زي ماتسعديني )
===========================
سعاد
ام محمد : يلا يابنتي خلينا نروح السوق نجهز لملكتك
سعاد جالسه ع سريرها ماتبغى تروح : يمه واللي يسلم عمرك ما أبغى اروح عادي اشتري لي أي شي مومهم
ام محمد بضقيه من بنتها الي راسها يابس : خلاص بروح بس اذ ما أعجبك لاتبكين زين ... تصوت لفرح فرح :يمه تعالي أخوك عمر ينتظرنا برا...ام محمد طلعت من غرفة بنتها متوجهه الى السيارة
سعاد تبكي بصمت مقهوره جالسه تبتعد عن أهلها والسبب عامر الله ياخذه ان شاءالله أستغفرالله حررام امه تبغاه ياربي وعمي بعد حرام ادعي عليه لاني اكرهه بس هو مايفهم اني ما أبغى اتزوجه لاهو لاغيره تعبت تعبت من هالحياه أستغفرالله بس
============================
اشواق جالسه تكلم اخوها سمير
اشواق تمشي طالعه من المطبخ متوجهه لصاله لابسه بجامه مخصره ع جسمها ماسكه كوب عصير وتشرب بعدته عن فمها بخبث : خلاص ولا يهمك راح احطه في شنطتها المهم ما أحد يدري صح
سمير يدخن : شطوره اختي تفهمني ع الطاير المهم انتبهي من زوجكك هالغبي
اشواق بصراخ تحط الكوب ع طاولة التلفزيون : لاتسبه فاهم ...بهمس تراه احسن منك
سميرسمعها بس طنش : انتبهي فاهمه والله خطى صغير يوديك في داهيه ترى الموضوع عند الشرطة
اشواق خافت : كم مره قلت لي الحين خلاص الموضوع في ايدي امينه
سمير : خلاص بعطيك الأغراض يوم السبت خشيهم عندك والتنفيذ يوم الاحد سامعه
اشواق تجلس ع الكنبه و تأخذ نفس : زين اوكي خلاص سلام
سمير : سلام ............. مسكينه ي رحييل نهايتك قربت ع يدي والفضل لاخوي سمير
سمير رسل رساله لخويه الغامض مايدري ليه بس حب يبلغه(اسمع راح ننفذ الخطة ع بنت عمي يوم الاحد )
=============================
في
جالسه تلعب بالمرجيه تطير فوق في الجو بس ماتدري ليه حاسه بضيقه تجي وتروح : اوووووو حلو رحت اندونيسا مع السلامه ماراح اهبط بصير معلقه فوق
مي تضحكك وتأرجح لمار
: مهبوله يافي صح لمار في مجنونه تأشر بيدها ع راسها علامة الجنون
لمار نزلت من المرجيحه: أي مجنونه في وتنحاش تبغى تروح لجدتها وفي افهمت عليها انها تبغى تلعب معها في انزلت من المرجيحه : حان الان موعد هبوط الطياره لرجوع الى السعوديه ......قامت الحقت لمار.: انا ي لمار مجنونه لاتسمعين كلام خالتك هي المجنونه تعالي
ام ياسر: الله يكملها بعقلها هالبنت مجنونه بتطلع القرون الي في راسي .... جنبها لمياء وبدريه مقابله لهم .......ولمياء جالسه تصورسناب وتنزل في قصتها ع العام عندها نت بيانات ’باقي شوي ويأذن المغرب’ مي جاءت جلست جنب اختها : خالتي لاتزعلين من في تراها توسع صدورنا الله يسعدها
بدريه ماسكه جوالها ترسل في الواتساب تكلم أبو الشباب رفعت عيونها لمرت عمها: يمكن يي خالتي انتي تشوفين الي تسويه هبال بس هي عندها سعة صدر
ام ياسر : الله يهديها ان شاءالله ... كلهم : امين
============================
لمار جات وقعدت في حضن جدتها ام عبدالرحمن : وش فيكك حبيبتي من يلحقك ... فهد جالس عند جدته الكل قام يبغون يأخذ راحته مع جدته
في جات تركض وكانت مولابسه عبايتها لانها فصختها في الملعب الصابوني ..في من مسافة قريبه لمار انا جيتك
لمار تضحكك ولبدت ورى فهد منزل راسه يلعب مع لمار ويضحكك معها..... فهد بسخريه (مهبوله من عمرها ماتغيرت كأنها بزره جالسه تلعب مع لمار )
في جات عند الجلسه كانت لابسه بلوزه طويله لونها وردي فاتح تحت الركبه وتحتها بنطلون لونه اسود طويل وشعرها كان يحرك الهواء وخشمها صاير أحمرمن الطيحه ما انتبهت ل فهد : تعالي لمار ... انتبهت انه في رجال هنا .. خافت الحين بتهاوشني جدتي توها بتنحاش
ام عبدالرحمن ساكته لانها تبغى في تشوف فهد..... وفهد يشوف في علشان كذا ماتكلمت انها تمنعها انها تجي
فهد رافع راسه لما حس انه اختفى صوتها كأنه الزمن وقف عندهم يناظر في (ي الله ي في طلعتي جميله حد النخاع ...شعرها اسود طويل ...عيونها كبيره رموشها كثيففه ولا بعد مكحلتهم زاد جمالهم ...ولا حبة الخال قريبه من شفايفها حكايه ثانيه .... ما الوم سيف يوم حبك ي في .... بس انا ماحبيتك ... مادري وش صاير فيني الحين احس قلبي يدق بسرعه ) لغة العيون تتحدث في ما بينهم
في رجولها موشايلتها من صدمتها تبغى تتحرك تبتعد عن المكان الي هم فيه(لالا مستحيل هذا فهد شلون وصل وكيف ما أحد عطاني خبر لو أدري قعدت مكاني ولا جيت هنا ..... الحمار صاير وسيم فهد عمره 27 جميل لما سافر كان اسمر ام الحين صايرابيض شكله من تغيرات الجوا تشوف انه زادت وسامته طويل ...عريض الاكتاف... حواجبه خفيفه محدده... وعنده غمازه..جنب ذقنه ...شعره ناعم وقاصه ومرتبه الى رقبته .. عيونه لونها بني غامق الرموش كثيفه وطويله .. مسوي للحية ديرتي ...فاسخ نظارته الشمسيه وحطها في جيبه العلوي... لاحظت انه جالس يناظرها التقت عينها بعينه بس بعدت عيونها بسرعه لانها لاحظت نظرات السخريه من فهد انا وش موقفني هنا خليني أتحرك أبتعد بدال ما أقابل وجهه ) في تضغط ع رجولها المهم تبتعد من هنا .... فعلا أبتعدت من الجلسه وهي تركض تحاول انها تكون وحدها ... ما تبغى تشوف احد دخلت الفله داخل صعدت بخطوات واسعه ...راحت جناحهم فتحت الباب كانت منهاره جدا دخلت غرفتهم الي ينامون فيها..... في دموعها نزلت ما تغير فيك شي ي فهد نفس نظرات السخريه البارده انا اكرهككك وش رجعك ظليت فرنسا ما نبغاك ليش رجعت ليش ترجع ليش في رمت نفسها ع السرير جلست تبكي بحرقه لانها تحب واحد ما يبغاها ولا بعد يكرهها وعدت نفسها ما تحب احد
ام عبدالرحمن تبتسم ل فهد : اها ي فهد وش رايك في (في) هذي النظره الشرعيه علشان ترتاح تقول غشتني جدتي
فهد ماينكر انها عجبته بس ما يحبها يكرهها: لا لاجدتي انتي الخير والبركة مومهم الشكل اهم شي الاخلاق وانا ي جدتي راضي اني اتزوج في وانا عطيتك الموافقه قبل اربع سنوات
ام عبدالرحمن فرحانه انه فهد ما غير رايه الى الحين : الله يتمم عليكم
فهد يبتسم: امين .... لمار كانت جالسه جنب فهد وحاضنها بيده اليمنى بهمس: شكر لمار(لانها هي الي جابت في الى عنده وشافها ...ماينكر انها شغلت عقله اه ي في الله يعينني عليك ) ...لمار ما فهمت شي بس قالت : عفون
==================================
بعد أسبوع اليوم الخميس ملكة سعاد وعامر الساعه 8 العشاء
أبو محمد عزم القريب منه ..وخاصةً أبو ياسر يبغى العلاقة تكون قويه ....... ما قصر أبو محمد كلشي كان في خاطرهم جابه بيتهم يعج بضوضاء
انوار البيت شغاله الي يشوف الانوار يعرف ان عندهم مناسبه مجهزين السماعات الكبار مشغلينهم ع الشيلات والسماعات صوتها مرتفع بالحيل حاطينهم في زاويه الصاله شبكتهم ع جوالها ببلوتوث حق الشيلات الصاله مرتبه واسعه وتكفي كل ضيوفهم ..الكنبات من بداية الصاله الى النهايه .. في الوسط طاولات الخدمه طاوله كبيره ووسطهم حاطين فوقها دلال القهوة والشاي والعصيرات البارده والغازيات والمويه الباردة مقبلات و المعجنات بجميع اشكالها ..الحلويات البقلاوة الورق عنب ام محمد جابت بنات يقهوون الحريم يعني ملكتهم مرتبه من والى البوفيه طلبوا من برا...... ام محمد لابسه جلابيه فخمه لونها ذهبيه ع ابيض مطلعها كأنه صغيرة مسويه تسريحة ويفي شعرها رافعته كله وكثيف مكياجها ناعم مره لابسه طقم الماس ناعم... البيت يعبق عليه رائحة البخور والعطوارت الفخمه... الضيوف ماحد جاء..الى الحين
ام محمد تكلم ماري وهي تبخر شعرها:اسمعي حطي البيالات والفنجايل ع الطاوله
ماري: يس مدام
ام محمد تنادي فرح .....تقصر ع السماعات علشان تسمع فرح من فوق: فرح تعالي يمه
فرح جات تنزل شوي شوي لانها لابسه كعب طويل الاصابع : هلا يمه امري
ام محمد : مايأمر عليك عدو ها اختك خلصت ولا بعدها مطفشه الكوفيره...
فرح لابسه فستان احمر على الجنبين خط ذهبي مخصر ع جسمها ناعم لا ضيق ولا وسيع كعب احمر ع ذهبي لابسه طقم ذهب ناعم شعرها مفتوح ....ناعم مكياجها ناعم حييل بارز لها جمالها : أي يمه الحمدلله هذا ثالث مرة وهي تحط لها ماغير تبكي حتى دمووعها نشفو... أي بسالك يمه جاوا بيت عمي
ام محمد : على وشك الوصول ..... المهم يمه خليك جنب اختك مادري وش بتسوي ..... رجعت طولت ع السماعات
فرح وهي تمشي فيها رقصه : ان شاءالله يمه ...صعدت فوق عند سعاد
=========================
سعاد
لابسه فستان وردي غامق نص كم جاي ع جسمها أمها اختارت لها ....الحذيان وردي الكعب حقه متوسط يعني موكعب حييل لانها طويله شوي مكياجها ناعم زاد من جمالها حطت لها ظل العيون ورسمت عيونها وحطت لها ماسكره شعرها مفتوح بس مسويته لها كيرلي
الكوفيره : بخز العين ماشاءالله عنك طالعه ائمر
فرح دخلت تأخذ نفس كانت تمشي بصعوبه بسب العكب :ها خلصتي
الكوافيره : أي مشاءالله هاصبيه كتير جميله المكياج بس زاد من جمالها بس
فرح : أي والله ي سعاد تجنني تجننين روعه الله يعطيك العافيه راح يغمى ع عامر من جمالك
الكوافيره تحط اغراضها في الشنطة لبست عبايتها : يلا الله يوفقك.... فرح راحت توصلها الى عند الباب
سعاد وقفت قدام المرايه لو ما حلفت أمها انه توقف بكي كان بكت الحين من هي هذي ما اعرفها نزلت عيونها ليدها اللي ترجف بقوه خايفة و صدرها يصعد وينزل من الخوف تحس انها موسعاد هذي وحده ثانيه
فرح صعدت فوق مرة ثانيه تحاول انها تمشي بخطوات واسعه: سعاد يلا وصلوا بيت عمي الحين راح يجي محمد وعمر
سعاد من جلست اليوم ما أكلت ولا تكلمت ماخذه وضعيه الصامت بهمس وبخوف: طيب جاء الشيخ يكتب العقد ....طيب حنان جات
فرح راحت تحضن اختها: وأخيرا تكلمتي خفت القط اكل لسانك أي ومحمد جاي بالكتاب ..... لا لسى بتجي في الطريق تقول أتصلت عليك كثير ماتردين
سعاد رجعت صامته مرة ثانيه جلست ع كرسي التسريحة
عمرو محمد كاشخين كل واحد يقول الزود عندي كانهم معاريس دخلوا من الباب الخلفي محمد معه الكتاب صعدوا فوق ...متوجهين لغرفة سعاد
عمر يطق الباب :ندخل عادي
فرح : أي عادي ادخلوا.... ادخلو عمر : ماشاءالله تبارك الله صايرين تهلبون بالحيل الله يحفظكم
عمر راح يسلم ع سعاد خلها توقف حضنها وباس راسها: تهبلين ي سعاد الله يحفظك ... أبتعد عنها
محمد بعد قرب منها مد الكتاب لفرح تمسكه حضن سعاد : مشاءالله تبارك الله ي حظ عامر فيك ... لاحظ في عيونها الخوف ويدها ترجف همس لها : لاتخافين وانا اخوك عامر راح يصونك ان شاءالله .. فرح عطيني الكتاب
فرح مدت له الكتاب محمد اخذه وفتحه لها وعطها القلم
يأشر :وقعي هنا يلا سعاد
سعاد مسكت القلم بيدها اللي ترجف ..................
الكت
القفله خفيفه صح
أهم شي تعليقاتكم تشجعني اعطوني توقعاتكم
أتقبل الرأي الناقد والحاقد ...الناقد يصحح مساري الحاقد يزيد إصراري
ما احلل ولا اسامح اللي ينقل الرواية بدون ذكر اسمي هايدي فتاة صحراء
سبحانك اللهم وبحمدك، أشهد أن لا إله إلا أنت، أستغفرك وأتوب إليك، لا إله إلا الله وحدهُ لا شريك له، لهُ الملك وله الحمد ووهو على كل شيء قدير.
|
07-10-17, 03:57 PM
جديد مواضيع قسم المنتدى العام للقصص والروايات
العرض العادي
