في /أي علشان كذا ماشفته
لمياء/صباح كان عندي جالس وبعد جاءت خالتي ام نادر
ام ياسر /راعية واجب متى جاتك
لمياء /كذا ع ساعه ١٠او١١
في بقهر /عسى نويدرالغثيث جاء اخ بس يقهر كان طفشته الىن قلت بس اخوانك ماينقدر عليهم ياسر ونادر
لمياء/أي بسال ليه تكرهينه مع انه اخوك من الرضاعه
في /كذا مااطيقه ودي بس ابرد حرتي فيه ،ام ياسر تغير السالفة لانها عارفه في بتطول السالفة وهي قصيره /في دقي ع خالد خليه يجي ياخذنا
في /ان شاءالله
لمياء/ يمه تو الناس
ام ياسر /بروح اريح شوي باقي ع اذان المغرب نص ساعه
لمياء /الله يعطيك العافيه يمه تعبتك معي
ام ياسر /تعبك راح
في :يمه خالد بيجي بعد شوي انا بنام مع لمياء
يقطع كلامهم طق الباب
في /مين
خالد بغرور/ابوالوليد معكك
في تضحكك/ادخل لا بعد مسمي ولدك مابعده جاء ع الدنيا ولا بعد ياليتك متزوج علشان تسمي نفسكك أبو الوليد
خالد ابتسامه / قريب يجي ان شاءالله
ام ياسر /ان شاءالله اشوفكم عريس
خالد بضحكة/امين ،الا وش لونك يالمياء الحين كذا تروعينا عليك
لمياء بهدوء/اشوف غلاتي عندكم
خالد/انتي غاليه من زمان بس لا تعذبين نفسك ع شي انتهى وراح والحياه ماتوقف ع احد
في بغيره /وانا مو غاليه صح
خالد يضحكك ع غيرة اخته في /انتي بذات قلبي لك كله بهمس وبخبث بس في ناس ثانيه بتنسيك خالد وطوايف خالد
في /اول شي مشكور ياخوي أي هذا الكلام صح ثاني شي وش تقول انت قاعد تتكلم بصوت واطي ارفع صوتك ماسمعتك
خالد/لا لا ولاشي أتكلم مع نفسي
في /حمدلله وشكر اخوي استخف ،الا يمه بكره بنروح بيت جدتي بمر ع مي معي
ام ياسر /زين تسوينا
خالد بتكشيرة/انا ابغى اعرف مــي هذي وش مسوي لك علشان تحبينها هالكثر
في بفلسفة زايده/شوف اخوي بس انت اجلس معها دقيقة ع طول تحبها
حساسه رومانسيه في سكتت وسرحت بتفكيرها وكانت تفكر بصوت عالي ماحد انتبه لها الا خالد (انا عندي إحساس انها تحب بس موعارفه من هو)
خالد تضايق من كلام في بس موعارف سبب ضيقه (وش فيك ياقلبي يوم عرفت انها تحب زعلت ليكون لا لالالالالالالالا والف لا مااحبها ام كشه)
في بصراخ/خالد وين سرحت امي تناديك
خالد يفوق من سرحانه من صراخ في /هلا نعم يمه وانتي ياست في مهبوله انا اجلس مع مي ولا بعد ياليتها تحل لي هبلة انتي وش رايك يمه في كلام في تقولي اجلس مع مي خبله اختك استخبلت هههه
ام ياسرتضحك / أصلا في متى كانت عاقله هي مهبوله من عمرها ي الله خلنا نمشي
في / يمه وش فيك علي ترى ولدك مهبول يكرهها بدون سبب حرررام عليه
ام ياسر /عاد تقولي له اجلس معها انا ادري انه خانك تعبير بس لو تسمعك أمها والله ماترحمك
في /تنقلع عني هذي بس صح كلامك يمه خاني تعبير
خالد يضحك /ههههههععع (يتخيل نفسه جالس مع في ومي مايصير هههه)ي الله يمه ،يالمياء ماتشوفين شر ها في تروحين معنا
لمياء /شر مايجيك
في تصد عن اخوها زعلانه منه/لا بنام مع لمياء
************************
في بيت أبو ياسر
بعد يومين
لمياء طلعت من مالستشفى ياسر اقنع ابوه ،لمياء فرحت انه باوها رفض رجال بس قال لها اذا جاك رجال وخطبك ماراح ارفض راح اوافق عليه
لمياء وفاقت ع كلام ابوها قالت في نفسها اذجااء ذاك الوقت يحلها ربي ويفرجها ان شاءالله
بدريه ومي عرفوا انه لمياء دخلت مستشفى تحمدو لها بسلامه وقالو بتزورنها قريب
لمياء وفي جالسين فـ صاله يشوفون تلفزيون
في بضحر/اف ملللل حتى تلفزيون مافي شي زي ناس
لمياء تقراء كتاب رفعت عيونها عن الكتاب/انتي كل شي عندك ملل قومي اقري أي كتاب او اقري قران او اجلسي ع نت بكذا مايصير مللل ع قولتك
في بضيقة وطفش/انتي دايم عندك حلول
لمياء بضحكهه/أي وإذ تبغين غيرها عندي
في /خليها لك ماأبغاها في تصراخ تقول/تعالي لقيتها
لمياء تضحك ع اهبال اختها/ههههههههه وش اللي لقيتيه لدرجه تصرخين والله لو اني هنا كان كفنتك
في /وش رايك نروح بيت جدتي ،أي والله الحمدلله امي موهنا كان صدق جاني ذاك الطراق ع وجهههي
لمياء /هههههه مالي خلق اطلع من البيت توني طالعه من المستشفى ابغى ارتاح بعدين ازورها
في /كيفك ترى انا مااغصب احد
لمياء/اكيد كيفي اجل بكيفك
في /حمدلله والشكر اروح اكلم مي احسن لي من مقابل وجههك
لميا/تضحك ع خبل اختها
*******************
في بيت أبو نواف /العصر
نواف وبو نواف دخول البيت بعد ماجاو من مسجد /السلام عليكم
ام نواف /وعليكم السلام ورحمة الله وبركاته
بونواف يجلس /فوزيه ماعليك امر صبي لي قهوة
ام نواف /ان شاءالله الا بغيت اسالك وش سويت اليوم في شغل عساه ماشي بس
ابونواف /الحمدلله كل الأمور تمام ولله الحمد كل هذا من فضل ربي
ام نواف /الحمدلله ع كل حال ،تمد له فنجال القهوه
أبو نواف /الا مي وصقر وحمد وينهم ماشوفهم
ام نواف /مي تصلي في غرفتها وحمد نايم ماصحى للحين وصقر راح يصلي للحين مارجع
ابونواف بحده/ليش ان شاءالله ماصحيتي حمد لصلاه ان شاءالله
ام نواف بدون اهتمام /صحيته عججزت منه مايصحى نومه ثقيل وش اسوي له انا
ابونواف /انتي امهم مسؤله عنهم ويوم القيامه راح تتحاسبين عليهم
ام نواف بتتكلم بس نواف قطع عليهم كلامهم لانه عارفه امه بتقلبها هوشه
/يبه يمه يسلمون عليكم بيت عمي بو ياسر
ام نواف بتكشير بدون نفس:الله يسلمهن
أبو نواف :الله يسلمهم من زمان عنهم وش رايكم نعزمهم في المزراعه
ام نواف بضيقة/لاماابغاك تعزمهم انا ماأطيقهم في عرش الله هالمره تقوم تعزمهم ناقصه انا بعد مغثه
ابونواف بعصبيه من كلام زوجته/اسمعي يا فوزيه كل تصرفاتك امشيها بمزاجي وأطنش بمزاجي الا انك تغلطين ع أهلي ادوسكك برجولي هم في كفه وانتي في كفه فاهمه
أم نواف خافت من عصبيته وسكتت
نواف /يبه يمه مايصير كذا اهدو من حالكم يبه اللي تبغى بيصير بس اهد حالك
ابونواف يحاول يهدي من اعصابه /استغفرالله العلي العظيم كلمهم وعزمهم
نواف/حاضر يبه
ام نواف عطت نواف نظرة لوم تقول له لالي صار من شوي انت سببه
نواف زعل من نظرات امه انه تلومه (واصلا هي اللازم تجلس مع ابوي اللازم تتسبب في مشكله الله يهديك ي يمه متى بس نرتاح)
**********************************
فوق في غرفة مي
مي كانت بتنزل تحت بس سمعت هواش امها وابوها راحت غرفتها تبكي يمه ليه تكرهينهم ان اماشفت منهم شي
يقطع سرحانها رنين جوالها مي تشوفه باسم (في)ينور شاشه مي تمسح دموعها تحاول تعدل من صوتها /هلا فيونه
في عصبت منها لانها نادتها فيونه ماردت عليها/
مي ابتسمت/خلاص فهمت ماحد يدلعك يعني
في/شوفي هالمره سماح ،تعالي ليه صوتك كذا صاير شي لك
مي بكذبه/توني جالسه من نوم
في (تعرف انه مي ماتنام الى العصر الانادر وتعرف بعد اني مي تكذب عليها اكيد انه أمها وابوها في سالفه)/اها نوم العوافي ،تعالي اليوم بروح بيت جدتي تبغين امرك ولا لا
مي تضحكك/اسال اول ي مي بتروح ولا بعد قولي امرك ،الله يعافيك
أي والله مشتاقه لها مره خلاص بروح معكم
في بتهديد/أصلا مايحتاج اسالك لاني عارفه انك بتوافقين ع طول أي ع فكره ياوليك ان جيتك مالقيتك جاهزه فاهمة
مي تضحكك لانها دايم تنتظرها برا/تعالي من بيوصلك
في بغير اهتمام/خالد
مي بارتباك/لالالالا بخلي سواق اوحمد يوصلني
في بعصبيه خفيفه/ماسمعتك عيدي وش قلتي
مي تترجها/يالله ي في تكفين ماابغى اتعبك معي انتي واخوانك
في تنهي الموضوع/لا مافيه انتي عادي ياسر خالد لا فاهمتك انا تروحين معي يعني تروحين ترى ع فكر خالد ماياكل لحوم بشر
مي تضحكك /يمه منك ماحد يقدر عليك إلي في راسك تسوينها
في /أي ماتجين الا بالعين الحمر
مي تضحكك /ههههههههههههه
في تبتسم لانه غيرت جو مي /ي الله السلام عليكم
مي /وعليكم السلام ورحمة الله وبركاته
مي سكرت من في/الله يحفظك لي يافي ولانفترق عن بعض ونعم بنت العم غيرت جوي الله يسعدها
*********************
في المستشفى
عند ام زيد
جمان نايمه في الكنبه في الغرفه
ام زيد جالسه تنادي ع جمان /جمان يمه
جمان صحت من نوم راحت تركض عند أمها /نعم يمه امري
ام زيد /ابغى مويه الحلق ناشف
جمان/ان شاءالله
جمان تعطي أمها عبلة المويه تسال/يمه انتي الحين احسن
ام زيد توها تنتبه انها مو في البيت /أي بس انا وين فيه
جمان /انتي في مستشفى مو متذكره شي
ام زيد/لايمه ماحسيت بنفسي الا الحين كم ساعه
جمان /ساعه الحين ٦المغرب
ام زيد بصدمه وضيقه انها اخرت صلاه/استغفرالله يارب سامحني ع تاخيرالصلاه قوميني اصلي صلواتي الفايته
جمان /معليه يمه انتي عندك عذرك كنتي نايمه ونالايم حتى يستيقظ
ام زيد/ادري بس الواحد يستغفر ربه يتوب ويجدد التوبه علشان ربي يغفرله ساعديني خليني اروح الحمام ،جمان ساعدت أمها ع دخول الحمام
ام زيدصلت صلواتها الى فاتتها جلست تستغفر اللهم انت سلام ومنك السلام تباركت ياذا جاللال والاكرام خلصت /جمان جمان
جمان /نعم يمه
ام زيد /الابسالك من وصلنا هنا
جمان /الوليد بعده راح يجيب لك غيار ولي
ام زيد / الله يعطيه العافيه تعبناه معنا
جمان / أي والله لو الله ثم هو كان ماعرفت اتصرف
ام زيد / جمان دقي ع اخوك قلتي له علشان مايرتاع علي
جمان / لايمه
طق الباب يقطع عليهم كلامهم
ام زيد / من
الدكتور ماجد بأدب / يمه انا دكتور ماجد
تغطت جمان وعطت أمها الغطاء
ام زيد / تفضل ياوليد
الدكتور ماجد يدخل بابتسامه / لا شكله صحتك اليوم عال العال بس حبيت انبهك يمه لا تستهينين بمرض سكر خذي دواءك بنتظام ياليت ماتكثرين من الحلا وتمر لانه يرفع نسبة سكر عندك نبغى اذا جيتي مره ثانيه علشان نقيس السكر يكون بحاله مستقره متوسطه يعني مايكون مرتفع ولانازل
ام زيد / ان شاءالله ي دكتور ماجد بس انت عارف اني ماأشرب القهوة لا مع تمر
ضحكك دكتور ماجد /ههههههه صحتك اهم من القهوة صح ولا لا
ام زيد / أي والله كلامك صحيح تسلم ي دكتور ماقصرت
الدكتور ماجد/ماسويت الاالواجب يمه ياليت تناديني ماجد حاف انا مثل ولدك عن اذنك
ام زيد/اتشرف انك تكون مثل ولدي اذنك معك
طلع الدكتوربعد خمس دقايق وصل الوليد
الوليد يدخل / السلام عليكم
ام زيد وجمان /وعليكم السلام ورحمة الله وبركاته
الوليد يعطي جمان شنطه يمهس لها /شلونك اليوم ي حلوه
جمان بخجل عفوي /حمدلله بخير
الوليد يبتعد عن جمان وراح يسلم ع خالته يبوس راسها/وش اخبارك خالتي الحين احسن ان شاءالله
ام زيد /حمدلله احسن الحين تعبناك معنا ي وليدي
الوليد بزعل/ افا انا تقولين لي هالكلام ليه يعني مو معتبرتني ولدك زعلت منك خلاص انا مو مكلمك
ام زيد تضحك ع كلامه/الا وليدي وليدي لي ماجبته بطني بس
الوليد يبتسم لانه خله خالته تضحك يقاطعه/ لا بس ولاشي خلاص مادام تعتبريني ولدك دقي علي رقم جوالي تلقين عندك في أي وقت
ام زيد /الا بسالك ياوليدي كلمت زيد
الوليد يناظر جمان مشتاق لها /أي كلمته يمه تعرفين في شغله كان بيترخص من شغل بس انا حلفت عليه يمكن يزورك
ام زيد /زين سويت علشان مايرتاع لاني عارفه عدل بار فيني ولايوم مايزورني كل يوم وهو عندي في البيت الله يوفقك ويوفقه
الوليد /امين ينظار جمان يبغاها تلحقه برا الغرفه /ي الله يمه تبغين شي مني انا استاذن
ام زيد /لا سلامتك ياوليدي ماابغى شي الله يعطيك العافيه سلم ع الاهل
الوليد يبتسم لخالته/الله يعافيك ولو حاضرين لطيبين ان شاءالله يوصل تامرين ع شي ويحط يده ع رقبته يقول رقبتي سداده
ام زيد /تسلم وانتبه ع نفسك وانت تسوق
الوليد يطبع بوسه ع راس خالته/ان شاءالله السلام عليكن
ام زيد /بحفظ الرحمن
الوليد طلع برالغرفه ينتظر جمان
ام زيد/يمه روحي لحقي عليه يمكن يبغى يكلمك
جمان/لالا يمه ماأعتقد يبغاني كان ناداني
ام زيد بحده وصرامه / جمان روحي شوفي زوجكك
بر الغرفه الوليد جلس ينتظر
جمان طلعت وهي ماتبغى تطلع له
الوليد قام لما سمع صوت الباب يفتح، جمان تشوف الوليد
الوليد /كيف عرفتي اني ابغاك بمزحة/ليكون قلبي قال لك
جمان بحياءعفوي/لا بس امي قالت لي اشوفك كان تبغى مني شي
الوليد يحرجها زود/أي ولاأنتي ماتبغين تشوفيين لو ماكنا في المستشفى كان لي تصرف ثاني معك
جمان صار وجهها الوان من الاحراج هي تعرف الوليد انه جرئ موهامه احد بس الحين رحمه
الوليد برحمه /لاياقلبي ماأبغى شي بس حبيت اجلس معك لو شوي لاني مشتاق لك بحلييل بس المكان مو مناسب
جمان تحاول تغير موضوع لانه جالس يحرجها زود بكلام الغزل / مشكور ي الوليد ع كل شي سويته معنا
الوليد بعصبيه متجاهل شوق لها/وش قلنا من قبل
جمان خافت من عصبيته /لا لا خلاص ماراح أقول شكراً مرة ثانيه زين كذا
الوليد يبتسم/أي خليك كذا تفهميني ع طول وهي طايره
جمان تضحك ع كلام ههههههه
الوليد تخدر من ضحكتها ابتسم /فديت انا اللي يضحك ياويل حالي انا ترى راح اتهور بسبب ضحكتك
جمان استحت ماتكلمت بعده بس الوليد فجاه باسها ع خدها انحرجت اكثر شوي وتبكي صوتها فيه البكيه/الوليد لاتسوي كذا حنا في مكان عام
الوليد ابتسامه/خلاص لاتبكين بعد انا ماسويت شي غلط ترى انتي حلالي مال احد دخل عندي فاهمه وانتي انتبهي تضحكين قدامي ترى ضحكتك تخليني اتهور
جمان وجهها صار احمر من كثر الاحراج وشوي وتبكي /الوليد تكفى خلاص
الوليد حس فيها انها راح تبكي عارفها عدل خجوله بلحيييل هذا لي حبه فيها انها خجوله/خلاص حبيبي بطلنا نحرجكك يالله ياقلبي اخليك بين الو اوكي يالله روحي اخالتي
جمان تحاول تعدل في صوتها لانه فيها البكيه/طيب ان شاءالله تنادي عليه/الوليد مين راح يطلعنا من المشفى
الوليد يلتفت عليها/يمكن انا او زيد ساعة ١٠باليل اوالعصر بكره ع حسب كلام دكتور،جمان/خلاص ماشي
الوليد /يالله مع سلامه
جمان/بحفظ الله ورعايه
جمان دخلت عند أمها حصلتها نايمه
**************************************
في بيت جدها ام عبدالرحمن

جرس يرن ام عبدالرحمن/رحيمه روحي شوفي من عند الباب
رحيمه جين ماما .رحيمه تفتح الباب
ابوياسر/السلام عليكم رحيمه انتي كويسه
رحيمه /وعليكم السلام انا جين واجد
أبو ياسر يضحك ع كلامها ركيك/ماما انا وين
رحيمه /ماما تدكل غرفها مال هو يصلي مقرب
ابوياسر/زين روحي جيب قهوة وشاي
رحيمه/جين بابا رحيمه راحت المطبخ، ابوياسر يدخل غرفة امه شافها تصلي جلس ع الكنبه ينتظرها تخلص
ام عبدالرحمن تسلم من صلاة السلام عليكم ورحمة الله وبركاته عن يمينها وشمالها /استغفرالله استغفرالله اللهم انت سلام مونك سلام تباركت ياذا الجلال والكرام
ابوياسر يوقف يوبس راسها ويدها ورجولها/تقبل الله منك وشلونك يمه عساك تمام ان شاءالله
ام عبدالرحمن تطوي سجادتها /ومنك ان شاءالله طلعو من غرفتها جلسو في صاله علشان يتقهون ام عبدالرحمن بهجوم وسخريه/حمدلله طيبه من دونكم انت واخوك ولي الله خير الحافظين زين افتكرت عندك ام وانت غريبه بالعاده ماتقاطعني الايوم اويومين ياظالم أسبوع كامل ماتسال عني ميته حياه
ابوياسر باسف وعتاب ع نفسه انه قاطع امه هلمده طويله /عذريني يمه مع انه مالي عذر عنك بس شغلي ماخذ وقتي كله الى درجه مااقدر احك راسي بسم الله عليك جعل عمرك طويل بطاعة الله جعلي يومي قبل يومك
ام عبدالرحمن تضياقت/بسم الله عليك الله يحفظك لـ عيالك تلف يمين ويسار
ابوياسر/وش تدورين يمه
ام عبدالرحمن/الا ع طاري عيالك وينهم ماشوفهم جاو معك
أبو ياسر بضيقة/كانو بيجون بس قبل يومين بنتي لمياء اغمى عليها ودها ياسر المستشفى الحمدلله الحين طلعت من المستشفى وتارهم يسلمون عليك يقولون لك عذريهم وان شاءالله يجونك بكره
ام عبدالرحمن بروعه/وش فيها لمياء عساها بخير معذورين اذاكان هذا سبب للي منعهم من الجيه
أبوياسر مايبغى يقول لامه سبب الحقيقي في طحيت لمياء/ الحمدلله مافيها الا العافيه كل من قلت الاكل
ام عبدالرحمن بترجي /ياوليدي قوم ودني بيتكم اشوفها
أبو ياسر/يمه انتي تروحين لها هي تجيك ان شاءالله بس خليها تخف شوي وتجيك بعد بخليها تنام عندك ولااوصيك عليها خليها تاكل مثل الناس امري تدللي لو تبغين عيوني عطيتك اياها
ام عبدالرحمن دموعها ع خدها/مسكينه هالبنيه ماتهنت في حياتها الله يعوضها ان شاءالله تسلم عيونك ياوليدي
أبو ياسر حضن امه/امين يمه تكفين لاتبكين دموعك تحرقني وغاليه علي
يمه بسالك ليه ماتحبين تسكنين عندي اريح لك ولنا وبيتي وهوبيتك احنا طالعين وانتي داخله
ام عبدالرحمن تمسح دموعها بشيله حقتها/ ماني طالعه من بيتي لو تسوي اللي تسوي سمعت وبيتك جعله عامر باهله
أبو ياسر /اللي يريحك يمه وهو يوقف،ام عبدالرحمن /وين تروح
أبو ياسر /بروح شركه بعدين ارجع البيت
ام عبدالرحمن/بحفظ الرحمن سلم ع زوجتك وعيالك ويسعدك وين ماكنت
أبو ياسر يبوس راسها وينزل يبوس رجولها/الله يسلمك يوصل أي يمه كثري من هالدعوات
ام عبدالرحمن /ولايهمك روح الله يحفظك انت واخوك وعيالكم
بو ياسر /امين
طلع ابوياسرمن بيت امه متوجه الى شركه
__________________

كــــــــــت
ان شاءالله يعجبكم البارت
وعطوني تعليقاتكم هي تشجعني اكتب اكثر

لسلام عليكم ان شاءالله ماطولت عليكم كثير
بس للأسف المشاهدات ترتفع بس بدون ردود ع الاقل كلمة شكر
انا زعلانه بالحييل شكل روايتي ماعجبتكم بس بكمل علشان فيه ناس تقراء وترد علي حتى لو كان عددهم قليل
أتمنى اشوف ردود تفرحني هالمره جبت لكم بارتين واتمنى اشوف ردود او تعليق بسيط يعني اشوف كان اعجبتكم او لا واسفة اذ كان فيه أخطاء املائيه قراءه ممتعه

&البارت خامس&

‏الفراق دمعه مره وإشتياق قاتل
الفراق جرح عميق تبقى أثاره موجوده
الفراق سهم قاتل مسموم لا نجاة منه
الفراق ذكرى موجعه للقلب لا تمحى!💔 منقول
ابومحمد جلس في المجلس الخارجي يقراء ملفات حق الشغل يفكر (انه يزور اللي ينقال له ابوياسر يبارك له على المناقصة اللي رست عليه)
يقطع سرحانه دخول عامر عليه يسلم ع بحب خشوم:السلام عليكم ي عمي وش اخبارك جبت لك ملف اللي طلبته مني
ابومحمد يبتسم له يحب هالولد:وعليكم السلام ورحمة الله وبركاته ي هلا الحمدلله انا بنعمه وبخير هذا من فضل ربي
انت وشلونك عساك طيب مشكور ياوليدي تعبتك معي
عامر يجلس هو يبتسم لعمه :الحمدلله انا بخير دامك بخير ماسويت الا الواجب وانت تأمرين في آي وقت وانت قلتها انا ولدك
ابومحمد :لي الشرف والله انك ولدي
عامر :تسلم ، عامر برتباك وخجل من عمه:عمي بطلب منك طلب ولاتردني خايب الرجى
ابومحمد :ماعاش من يردك ي بوعبدالله انت تامر بس اذا قدرت عليه انا حاضر
عامريبتسم: تسلم ي عمي وهذا العشم فيك وانت تقدر ان شاءالله
ابومحمد :قول ياوليدي ولاتستحي تراني ابوك
عامر :انا أعتبرك ابوي الثاني من زمان انا جايك اطلب يد بنتك سعاد
ابومحمد بفرحه بدون تردد: أعطيك إياها وهذي الساعه المباركه وتشرفني انك تأخذ بنتي لو انها ذبيحة ماعشتك
أصلا انا أتمنى انك تكون نسيبي
عمر (لو ادري كان جيتالعمي من زمان بدل ماخطبها من نفسها وهي ترفض)بخبث ومكر:تسلم ياعمي بس انا أخاف بنتك ترفضني لاني خطبتها من قبل ورفضتني عن طريق اختي منيرة
ابومحمد مستغرب:انا عطيتك كلمه ولاماتثق في كلامي وبنتي لك من الحين
عمر بابتسامه عريضه ع وجهه وبسرعه:لالالالالالا ي عمي انا اثق فيك لو مااثق فيك ماكلمتك من أصلا مشكور ماقصرت انا بغيت اخذ موافقتك بعدين افاتح اهلي بالموضوع
ابومحمد:الله يتمم على خير ماسويت شيء
عامر يقوم يبوس راس عمه :مشكور ياعمي مره ثانيه الله يحفظك لي وعن اذنك
ابومحمد :مع سلامه يانسيب سلم ع الاهل
عامر يبتسم ع كلمة النسيب :الله يسلمك يوصل ان شاءالله
عمر طلع من بيت عمه وهو مستانس على اللي سواه، ركب السياره وسند نفسه عالكرسي ورجع راسه ع وراء مسترخي ويفكر(سويت اللي ابغاه بنشوف ي سعاد وش راح تسوين ،انتي لي حتى لو ماتحبيني مش مهم انك تحبيني الحين اول شي املك عليك بعدين نعطيك دروس في الحب وعلمك الحب ع اصوله اخليك تشاهقين بسمي يضحك ههههههههههه خليني احرك قبل لاحد يشوفني ويقول استخف خخخخخخ)حرك سيارته متوجههه الى بيتهم
***********************************
٪‏
٪
٪‏
بعد أسبوع
في بيت ابومحمد الساعه تسع الصباح يوم السبت
ام محمد وأبو محمد جالسين في الحديقة يتقهون
سعاد جاتهم :السلام عليكم ورحمة الله بركاته
امها وابوها :وعليكم السلام
سعاد :صباح النور لأ احلى ابوين في الدنيا
ام محمد تضحك :انتي ماتجوزين عن طبعك
سعاد ببراءه:لا وانا صادقه انتو احلى ابوين عندي
ابومحمد يوجهه لها الكلام:فطرتي
سعاد وهي تحاول ترتب كلامها :لا للحين بروح افطر بس حبيت ابلغكم موافقتي ع الخطبة (ماحبت تقول مازن)
ابومحمد بفرحه: مبروك اجل بكلم اخوي وبالغه بالموافقه
سعاد بإستغراب (وش دخل عمي الحين): ليه تكلم عمي وش السالفه
ابومحمد أستغرب هو بعد:اجل انتي من موافقه عليه
سعاد بهدوء:ع مازن ولد خالتي
أبو محمد بعصبيه خفيفة ويوجهه الكلام لزوجته:ام محمد ماقلتي لها انه عامر خطبها مني وانا وافقت عليه
ام محمد بإسف:اسفة نسيت السالفه راحت عن بالي لا ماقلت لها
ابومحمد بعصبيه:ذا موضوع ينسي ولاتبغينها تأخذ ولد اختكك
ام محمد بضيقة : وش فيه ولد اختي ماشاءالله عليه متربي وخلوق الله يحفظه لاهله
ابومحمد :مافيه شيء بس انا أعطيت عامر كلمه ومحد يرد كلمتي فاهمين وانتي ي سعاد جهزي عمرك للملكه
سعاد ترد ع ابوها:انا مابغى عامر انا وافقت ع مازن يعني أتزوج مازن ولد اخوك مابغاه
ابومحمد يضرب سعاد كف ع وجهها :قليلة الادب تراددين ابوك وتقولين لي في وجهههي بكل وقاحه ابغى مازن ليكون تحبينه وتكلمينه ،بعد وتبغين تنزلين راس ابوك في الارض انا اعطيت عامر كلمه ماراح أتراجع فيها والله لو انه ماخطبكك كان عرضتك عليه رجال وينشرى
سعاد الدموع ع خدها :لا ماحبه ولا أكلمه وانا أصلا مابغى اتزوج خير شر لا مازن ولاغيره جعلي اموووت ولا اخذ عامر راحت تركض غرفتها
ام محمد تحاول تهدي أعصاب ابومحمد :اهدء انت الحين وكل شي يجي بهدوء
ابومحمد يهدي اعصابه:هالبنت مجنتني انتي ماتدرين انه عامر خطبها من قبل عن طريق اختها ورفضتها
ام محمد مستغربه من السالفه :معقوله ماقلت لي والله مو ع كيفها ترفضهه انا أقول ليه وافقت ع مازن علشان تقهر عامر ولايهمكك انا ماوفقه بعد ع عامر الله يكتب اللي فيه الخير
ابومحمد :اللهم امين
***********************************
في بيت ابونواف
نواف جلس مع اخواته وقبالهم شاي وقهوة والحلا يسالهم: صحيح انه لمياء كانت في المستشفى
مي مستغربه ان اخوها يسال عن لمياء بس طنشت:انت وين عايش صار لها أسبوع من طلعت
بدريه :مسكينه لمياء تعالي ماقلت ليه تعبت وخلوها تتنوم في المستشفى
مي :لا ماقلت بس في تقول سوء تغذيه
بدريه تفكر :ماعتقد هذا السبب اللي خلاها تنام في المستشفى يومين أتوقع فيه سبب ثاني
مي تحرك كتوفها يعني :مادري عنهم ماقلت في الا كذا
نواف بإصرار:انا لازم اخطبها قبل ماتروح مني
بدريه بفرح:أيه ياخوي ودنا من زمان بفرح
مـي بابتسامة :أي والله هي تناسبك بالحيييل انت هادي وهي هاديه
نواف استانس من كلامهم :بس في مشكله صغير
مـي وبدريه في وقت واحد:وش هي هالمشكله
نواف بحزن :امي <مسكين ي نواف تحسب مشكله صغيرة طلعت مشكله كبيرة
توها بدريه بتكلم الا ام نواف تدخل الصاله وسمعت كلامهم كلها :صح كلام نواف انا مو موافقه ولاراح اوفق اسمع ي نواف ان خطبت لمياء لا انت وليدي ولاعرفك سامع هذا الناقص بعد تأخذ وحده مطلقة ويا ليت تزوجت ودخل عليها لا تطلقت وهي مملك عليها ماطلقه ناصر الا شايف عليها شي
مـي بضقيه:موزين الشماته يمه وترى عندك بنات
ام نواف بصراخ :أسكتي انتي بالذات مابغى اسمع صوتك فاهمة
مي أضطرت تسكت لانها عارفه أمها وش راح تسوي اذا ردت عليها راح تحرمها منهم يعني ماتزورهم ولاتشوف عيال عمها
ام نواف لجمتهم كلهم:كلامي ماينعاد مره ثانيه ان سويتها ياوليك مني ولارحت وقلت لابوك راح تشوف شي عمرك ماشفته في حياتك كلها تعرف امك انت كيف تفكر تأخذ وحده مو مرة رفضتك الا مرتين
نواف والغصه في حلقه تعيي تنزل الدموع في عيونه شوي تنزل تعرفون قهر الرجال شي يوجع (تدرين ليه يمه رفضتني مو علشان انها ماتبغاني لا قالت لاخوها ياسر قول ل نواف هو والنعم فيه ويشرفني أكون زوجته بس ماقدر امه أصلا ماتبغاني خير شر علشانك انتي يمه رفضتني )طلع من البيت هو مقهور فقد الامل الأخير اللي بيجمعه مع لمياء
بدريه بقهر :ليه تسوين في نواف كذا هو دايم يسمع كلامك ولا مره فرحتي قلبه بس دوم تحطمينه
مـي:يمه حررررام عليك
ام نواف تصرخ :حرمت عليكم عيشتكم قولوا امين انتم اسكتو مالكم دخل انا ووليدي نتفاهم فاهمين هذا انا احذركم ان قلتو لابوكم والله ان عرف بشيء راح ارويكم شي عمركم ماشفتوه خلني اروح عرفتي ومااقبل وجيهكم
بدريه ومي :فاهمين (عارفين امهم زين تخلق المشاكل مع ابوهم فراح يضطرون يسكتون عن موضوع نواف)
الله يعينك يانواف ع امـك
************************************
في بيت ابوناصر
رجع ابوناصر من الشغل دخل البيت شاف اشواق بالحالها في الصاله :السلام عليكم
اشواق:وعليكم السلام ورحمة الله وبركاته كيف حالك عمي
ابوناصر يجلس ع الكنبه بحنيه:حمدلله كيفك انتي يابنتي وعساك مرتاحه مع ناصر
اشواق بحقد وخبث هذا اللي تبغاه وصلت انه عمها يسألها عن حياتها مع ناصربتردد :عمي ناصر
ابوناصر بخوف صاير لناصرشي:تكلمي وش فيك وش صاير
اشواق مش مهتمه بتهديد ناصر :ناصر ي عمي كله يضربني ويهددني اذا قلت لك شي ياويلي منه
أبو ناصر بعصبيه:ان ارويكك فيه بس خله يرجع اوريك فيه الحين هو وينه فيه
اشواق بطيبه مصطنعه:هو راح الشغل عمي تكفى لا تكلمه بعدين يزعل مني وانا مارضى عليه
أبو ناصر يبتسم من طيبة اشواق :كفو ي بنتي وترى ناصر مايستاهلك
اشواق :تسلم ي عمي تبغى اسوي لك حاجة تشربها
أبو ناصر :لايابنتي لاتتعبين حالك انا اذا بغيت شي بنادي الخدامه تسوي لي الا وين رحيل وخالتك
اشواق بحقد مانتبه عليها عمها. (الله والخاله):خالتي في غرفتها اما رحيل مادري عنها ماشفتها اليوم
ابوناصر يوقف :يالله ي بنتي بروح اشوف خالتك
اشواق :اذنك معك عمي (بنشوف يا ناصر وش راح تسوي مع عمي مو انا لي انهان بنت بوعبداللطيف دايم راسها مرفوع الا ع طاري اهلي بروح أكلم اختي بشوف وش اخبار اهلي)
***********************************************
‏ فوق في غرفته ام ناصر
ابوناصر يدخل الغرفه:السلام عليكم
ام ناصر كانت تصلي العصر وعليكم السلام ورحمه الله وبركاته
ابوناصر يسالها: ولدكك وينه فيه
ام ناصر مستغربه وش صاير بعد:وليدي راح شغله ليه وش فيه بعد
ابوناصر بنرفزه:ولدك مجنني قلت يمكن ااذ تزوج يعقل زوجناه زاد خباله
ام ناصربعصبيه خفيفه :انت وش فيك ع ولدي بسم الله عليه من الخبال
(اكيد العقربه قالت له اللي صار الله يستر بس)
أبو ناصر بعصبيه:الا خبل وخبل بعد وش عندك عندك اعتراض ع كلامي بعد لو انه عاقل كان احترم زوجته
ام ناصر سكتت (لاحول ولاقوة الا بالله) :و ش مسوي علشان انت تعصب عليه
ابوناصر بسخريه: ماشاءالله عليه مؤدب ماسوا شيء بريء بسم الله عليه
وبعصبيه ضرب بنت عمه وتقولي لي وش ماسوى ترى ضرب المراة مو رجوله
ام ناصر بهدوء:هو وزوجته احرار مالنا دخل فيهم
ابوناصر :انا ماتدخلت البنت جات عندي تشتكي منه من طيبتها تترجاني ماأهواشه
ام ناصر (لو فيها خير ماجات اشتكت عندك حيه من تحت الى تحت )
**************************************
في الصاله تحت
ناصر يدخل البيت شاف اشواق جالسه في الصاله مر ولاعبرها كانها والكنب واحد
اشواق وقفت انقهرت منه انه ماعبرها،ناصر دخل جناحه ودخلت وراه
قلت :داخل ع اليهود ماتسلم
ناصر بكراهيه :اسف يامدام مانتبهت لوجودك في حياتي
اشواق بحزن :اكيد ماتنتبه عايش في عالمك الخاص انت ليه ماتحبني وانا ولاشيء في حياتك
ناصر بدون نفس :الحمدلله عرفتي قدرك عندي, كرهي لك كذا منه والطريق ,ماحبك احسك واقفه في حلقي غصه ماتنزل
اشواق انقهرت من كلامه والدموع في عيونها راحت غرفة تبديل الملابس علشان مايشوف دموعها وتركته وحده
ناصر :بطقاق اللي انا ميت ع شوفتكك الحين ،يشيك ع جواله الايفون بلس 7
غريبه ابوي داق علي عشر مرات و بسخريه من زود حبه لي بروح اشوفه وش يبغى
طلع من غرفة النوم اشواق سمعت تسكيرت الباب
اشواق طلعت من الغرفه راحت الصاله تدور ع ناصر :وين راح طلع من الجناح بكبره لهالدرجه مايطيق يجلس معي في سقف واحد وانا بعد بديت امل منه
*******************************************
في اجلت الروحه لبيت جدتها بعد اسبوع لمياء غيرت رايها
قالت احسن اروح اغير جو عند جدتي
•
•
•
في السيارة.
في فاتحه المحادثه مع مـي في الواتس ترسل لها مـي ترى حنا عند الباب ي الله اطلعي
مي :طيب بس خمس دقايق) فعلاً تأخرت خمس دقايق طلعت من بيتهم
وتركب سيارة وراء جنب لمياء بهمس :السلام عليكم
لمياء وفي وعليكم السلام ورحمة الله وبركاته
خالد معصب لانها تاخرت عليهم وحرك السيارة: ليكون سواق ابوك علشان تخليني انتظر بره

مـي اف من هالغثيث قلت ل في اجي مع اخوي عيت الاغصب مع خالد اف :اول شي رد السلام مو حنا يهود علشان ماترد وثاني شي انت وش دخلك فيني اخوي عمي ابوي تراك ماتحل لي علشان تكلمني فاهم
خالد بغرور اذا كانت الناس تستاهل ارد عليها ولي دخل ولأني ولد عمك مرة ثانيه بس تسمعين انه خالد هو للي بيوصلك تطلعين بره تنتظرين عند الباب فاهمه
مـي بصوت وطي :الله ول خالد الحين
خالد بشوفة نفس وسمعها:تاج راسك زين
مـي سكتت لانها عارفه خالد راح يجرحها اكثرمن كذا وثاني شي من قلة الادب انها ترد عليه هو مايحل لها دموعها ع خدها
في تقطع عليهم هواشهم بصارخ : بس اسكتوا ماصارت ذي على كل شي تتهاوشون عليه كل ماتقابلتوا
مي بهمس:اسالي اخوكك مو انا
خالد بدون نفس :اسكتوا انتي وياها ، خالد لبس النظارات جالس يناظر في مـي في المراياه بدون ماتحسسس عليه ابتسم انه انتصر عليها
لمياء بهمس وهي تكلم مـي:مي حبيبتي لاتزعلين من اخوي تاره مايحب احد يتاخر عليه
مي بنفس الهمس: لا مازعلت ولاشيء ولا تهتمين انا ماخذ ع كلامه(من وراء قلبها هالكلام )
لمياء: الحمدلله اهم شيء لاتضيقين عمرك(الله يعينك ي مي ع اخوي)
**************************************
عند باب بيت الجده ام عبدالرحمن الساعه التاسعه مساء
وصلوا بيت جدتهم
لمياء:خالد بتنزل ولا تمشي
خالد :اكيد بنزل اوصل عند باب البيت وماسلم مايصير
في ومي انزلوا قبلهم
لمياء:انزين خالد قبل لاتنزل ابغى أكلمك عن مي
خالد بحنان :اسئلي يابعد عمري اللي تبغين وانا راح اجاوبك
لمياء تبتسم لحنان اخوها :تسلم انت ليه تعامل مي كذا وتراها ماتحل لك مايجوز تهاوشها كنها اختك ولا المشكله ان في ماتهاوشها ومدلعه تدلع
خالد بضيقه لانها قالت مثل اختكك:مادري مادري بس اللي اعرفه اني احب انرفزها ،استغفرالله ادري انها ماتحل لي بس في شيء يخليني اتصرف معها كذا
لمياء ترمي القنبله في وجهه اخوها: ياخوفي انك تحبها هذا يدل ع تصرفاتك
خالد بسرعه وكأنه لدغته عقربه:لا لا لا تخسي الا هي خليني انزل الحين وسكري ع هالموضوع بدأ ينرفزني اكثر وسيرة مي هالغثيثه
لمياء تهز راسها (الله يهديك ي اخوي والله عندي إحساس انك تحبها)
في الصاله، داخل البيت فـي ومـي يركضون من يوصل لجدتهم اول
مي وصلت قبل في مـي وفـي:السلام عليكم
ام عبدالرحمن بوجههه منور وفرحانه بجيتهم:وعليكم السلام هلا وسهلا ببناتي وشلونكم وش علومكم عساكم زيون
في ومي: الحمدلله طيبين طاب حالك انتِ شلونك عساك طيبه
ام عبدالرحمن : طيبه والحمدلله ،بتشره :انتوليه ماتزورون جدتكم ولاتسالون عني ولانسيتوني بعد
مي باسف: نساك الموت اسفه والله كنه بنجي بس اجلناها والحمدلله جينا اليوم
في :والله انتِ دايم في البال بس وش اسوي الدراسه ماخذه كل وقتي
خالد ولمياء ادخلو خالد: آحم آحم
ام عبدالرحمن بتتكلم الا قاطع كلامها حنحنت خالد
مي تقوم :ي الله انا بطلع فوق في اذا طلع خالد ناديني مو تنسيني
في :طيب ، خالد سمع مي وحساد بيجلس عند جدته مده طويله مثل ماخلته ينتظر في السيارة مده طويله >خالد أقول اترك البنت في حالها ، خالد: أقول هايدي وشوفي شغلك وانتي ساكته هايدي : يمه منك الله يعين مي عليك خالدههههههه<
لمياء جاءت عند جدتها باست راسها :شلونك يمه
ام عبدالرحمن اذرفت دموعها: هلا هلا وغلا بحبيبة جدتها الحمدلله بشوفتك صرت بخير اشلونك عساك احسن الحين
ليماء: انا بخير يوم شفتك بخير وليه يمه تبكين ترى دموعك غاليه علي
ام عبدالرحمن تمسح دموعها بشيلتها: يابنتي تعالي اجلسي جنبي هذي دموع الفرح بشوفتك بخير
في بطفش: لنا الله حنا دخلنا قبل مارحبتي فيني هالترحيب الحار
ام عبدالرحمن :لمياء غير عنك تعلمي منها الذرابه
في تسوي حالها بتبكي: اهي اهي بقهر وهي تتحلطم : وش هالتفرقه حرررام عليكم كلكم علي امي ياسر وانتِ جدتي لا لا ظلم كذا شكلي بهاجر من هالعالم كله
ام عبدالرحمن طنشتها تهذر لحالها ، خالد يبوس راس جدته: وشلونك يمه عساك طيبه والله لك وحشه
ام عبدالرحمن: الحمدلله ي وليدي عاش من شافك انا بعد مشتاقه لسوالفك اللي مأمل منها
خالد بغرور : تسلمين ي احلى جده في الدنيا
ام عبدالرحمن :شلون شغلك ي وليدي عسى خلصت من الدوره
خالد : الحمدلله يمه ماشي الشغل الا باقي يمكن تطول او تقصر ع حسب ظروفي هناك
ام عبدالرحمن : الحمدلله الله يسهل امورك ان شاءالله الا وين ياسر ماشوفه جاء معكم
خالد :ياسر في الشغل بس يخلص يمر عليك ع طول
ام عبدالرحمن : ماشاءالله عليه ياسر هو الوحيد فيكم يزورني مو انتو قاطعين
في بمكر:جدتي انا عذري معي عندي جامعه ،اما هم وش عندهم ماعندهم شيء ي الله حيلك فيهم
لمياء :جدتي اسفه مفروض اجي عندك وازورك بس ظروف الواحد تجبره يبعد
خالد بغرور:عاد انا جدتي عذرتني صح
ام عبدالرحمن عارفه نيته في: لمياء وخالد عذرتهم ام انتي ي مرجوجه ماني عاذرتك
في بقهر :لالالالا انا انهانة كرامتي بروح يبتنا احسن لي
ام عبدالرحمن تطفشها اكثر:مسكتك انا روحي الباب يفوت جمل
في :لا لالا جدتي قلبت علي وبقوه اروح عند مـي احسن لي ،خالد ولمياء ماتو ضحكك ع فـي ، في طلعت فوق
ام عبدالرحمن تلتفت ع لمياء: ي بنتي مايصير اللي تسوينه في نفسك
اكلي وتغذي واللي راح راح ،ماراح يرجع اهتمي في نفسك
لمياء : ان شاءالله يمه عن اذنك بروح اريح بكره لنا جلسه
ام عبدالرحمن :اذنك معك روحي ي بنتي ريحي، طلعت فوق
ام عبدالرحمن بفلسفه ع خالد: ي وليدي الحين انت اشتغلت صح وانت قلت لي اذا اشتغلت اخطبي لي ها ماجاء الوقت لي اخطب لك
خالد توهق وش يطلعه الحين من هالسالفه: جدتي اخطبي لياسر اول مايصلح تزوجيني قبل ياسر هو الكبير بعدين فكري فيني انا توي صغير
ام عبدالرحمن بعصبيه: انت تضحكك علي بهالكلام
خالد: انا عند كلمتي ماعاش من يضحكك عليك بس ي جدتي الله يحفظك صرفي ع هالموضوع بعدين انا افكر في هالموضوع انا لازم اختار شريكة حياتي بنفسي
ام عبدالرحمن بصرار: ي وليدي مابقى من العمر كثرمامضى والبنت موجوده بس انت ازهم علي وانا اخطبها لك
خالد بإستغرب من هي هالبنت: بسم الله عليك جعل عمرك طويل بالطاعة الله ولايهمك انا بإقنع ياسر انك تخطبين له وانا بعدين فكري فيني يرضيك هالحل
ام عبدالرحمن :مافي فايده من اختك في نفس الطبع الموت حق علينا يرضي هالحل اذا كنت صادق مو اذا جيت افتح معك هالموضوع تغير السالفه وتلعب علي بالكلام
خالد: لا ان شاءالله اني بجيك واقولك اخطبي لي واكيد فـي اختي بتاخذ طبعي،وبفضول : الا جدتي من هي الي تبغيني اخذها
ام عبدالرحمن :فيه غيرها حبيبة جدتها
خالد بوقاحه: يمه بلى لف ودوران قولي اسمها
ام عبدالرحمن بحده:تكلم بإدب واحترام انا جدتك موواحد من اخوياك واللي اتمناك تاخذها مـي
خالد بصدمه (الحمدلله اني ماطلت في السالفه مابقى الا ام كشه علشان اخذها الله يعين ي خوي ياسر سامحني حطيت سالفه ع راسك ههههههه)
ام عبدالرحمن: خالد خالد ، خالد انتبه ان جدته تناديه:نعم يمه وش بغيتي
ام عبدالرحمن :اناديك لي ساعه وين سرحان فيه
خالد :اسف يمه (مايبغى يقول لها سرح يفكر في مــي كان مايخلص من السالفه) لا ماسرحت بس شوي مرهق بروح البيت اريح
ام عبدالرحمن حسته فيه انه يفكر في مـي: الله يوفقك ي وليدي وي ماتروح انت وش رايك يمه اخطبها لك
خالد ي الله متى نخلص من السالفه تروح وترجع لها:يمه بعدين افكر في هالموضوع مثل ماقلت لك وإذا فكرت أو إقتنعت جيتك وقلت لك اخطبي لي البنت اللي تبغينها لي
ام عبدالرحمن بخبث وعلشان يتحرك :اذا انت ماخذتها ياسر ياخذها
خالد ببرود اعصابه بس فيه شيء داخله يقول قول لا جدتك انا ابغاها لا لاواعرف انه جدته تبغى تتوقع فيه:الله يوفقه ان شاءالله انا افرح ل اخوي الله يسعده معها
ام عبدالرحمن :الله يهديك بس مافيه فايده اجيبه شرق تروح غرب ،ياسر الله يسعده ان شاءالله اذا جاء وشفته راح اخطب له البنت اللي يبغاها
خالد :امين تكفين جدتي غيري الموضوع
***************************************
فوق في جناح البنات في بيت جدتهم اذا بغوا ينامون عندها والجناح كامل فيه مطبخ وصاله وغرف نوم والمطبخ مليان اكل بجميع الأنواع حتى لوازم السهره اذا صار الأولاد جالسين عند جدتهم مايحتاج يروحون المطبخ اللي تحت ، مي تروح وتجي رايحه وراده
في : خلاص اجلسي تراك خليتيني حوله من كثر مانتي رايحه وجايه
مـي بقهر:اخوكك نذل شوفي الحين كم الساعه جالس عند جدتي يوم سمعني اني بجلس معها جلس عندها ولا بالعاده ينحاش علشان ماتفتح معه موضوع الزواج
فـي وهي تاكل ليز بالكتشاب وتشرب بيبسي وبخبث :ماشاءالله عليك كل هذا تعرفينه عن اخوي وانا ماعرف شيء عنه وتوي ادري انه ما يجلس عند جدتي بسبب هالموضوع ههههههههههه مسكين ي خوي الله يعينك ع جدتي
مـي بارتباك وتغير الموضوع تخاف تفضح نفسها: روحي شوفي طلع ولا ترى طفشت من الجلسه هنا
في بهدوء: عاش مصرف معليه بمشيها لك هالمره ، في نزلت تحت
في تدخل الصاله حصلت جدتها وخالد : الحمدلله انك هنا ي خالد مابعد رحت
خالد: ليه وش بغيتي مني توي بطلع
في بدهاء علشان تحصل لها اكل جوعانه تعرف خالد بيرفض يجب لها اكل بيقول لها اطبخي لك بكذب :مـي تبغى اكل من المطعم روح جيب لها مسكينه ميته جوع
خالد (هذا اللي ناقص بعد اجيب حق ام كشه): نعم لا ماراح اجيب تروح تطبخ لها حتى لو انتي جيتي قلت لي جيب لي من المطعم ماراح اجيب لك
في تفكر( علشان كذا انا قلت مي علشان تجيب ل مـي بس طلع مافيه فايده فيك)
ام عبدالرحمن تقطع ترد ع خالد:روح ي وليدي جيب لها هذي اول مره تطلب اكل من المطعم
خالد مستغرب :من صدقك يمه وين عايشه هذي في الجاهليه الحين نص البنات مايعرفون يطبخون كله من المطعم اولهم اختي في والله انها غريبه
ام عبدالرحمن :أي ي وليدي هي ماتاكل من المطاعم ولاتحبه انا مستغربه انها طلبت من المطعم مو مثل اختك في عجوز
في بضيقه :جدتي وش فيك اليوم علي خلاص بطلع بروح البيت اذا كل شوي تتكلمين علي
ام عبدالرحمن بسخريه:روحي احد رادك اوامسكك
في شوي تبكي:اسكت احسن لي مادري وش فيك علي احد قال لك عني شي
ام عبدالرحمن طنشتها ماعتطيها وجههه
خالد يضحك ع في :هههههههههههههههه،وعلشان جدته ولاهي مافكر فيها:ان شاءالله بروح اجيب لهم ، خالد طلع يجب لهم اكل
في رسلت ل مي ع الواتس ( تعالي خالد طلع ، مـي طيب: الحين انزل )
مي نزلت تحت :يا انا ولهانه عليك ي جدتي مشتاقه لك مره مي جلست جنب جدتها
ام عبدالرحمن وهي تحضن مـي : وانا بعد ولهانه عليك وش اخبار الدراسه
مـي : تمام
ام عبدالرحمن: شدي حييلك وتخرجي من الجامعه علشان اشوفك عروس
مـي بدلع : لا جدتي توالناس ع الزواج بعدين لاحقين ع اللهم
ام عبدالرحمن : وحنا أيام كنا صغار كنا نتزوج وعمرنا١٣ أو١٤ والحين انتم جيل هالزمن يتدلعون مايبغون يتزوجون الين يتخرجون او لين يتوظفون الىن يطوف عليهم قطار الزواج وتجلس ببيت اهلها ولاأحد يطل عليها
في :والله الزواج هم وضيقة خلق جدتي لاتدعين لي اتزوج انا كرهت الزواج من تجربة اختي لمياء وأخذت فائده وعبره
ام عبدالرحمن :مو كل الرجاجيل ناصر وبطنزه:ماشاءالله عليك الشيء اللي في مصحلتك تاخذين فائده وعبره والله عليك حركات ي في
مي تقوم: جدتي عن اذنك بروح اصلح لي اكل
في توهق ( استغفرالله حبل الكذب صغير )توها بتنحاش
ام عبدالرحمن بصدمه: الاكل الي بيجيبه خالد موانتي طالبته
في تاشر ع مـي تكفين قولي لها انك طلبتي
مـي بخبث تهز راسها لالا : جدتي لا موانا تعرفين اني ماحب اكل من المطاعم
ام عبدالرحمن بإنزعاج من تصرف في:تكذبين ي في ع اخوك يالمجنونه صدق انك ماتستحين تعالي جنبي خليني امردغك بهالعصاء
في بضيقه:اف انا اسفة بس اذا قلت له اني ابغى اكل من المطعم مارح يجيب لي بيقول روحي اطبخي لك وانا كلش مالي خلق اطبخ
ام عبدالرحمن بضجرمنها :في انتي الى متى بتعقلين كل مالك واستهبالك واستهتارك يزيد وترى هالخبال اللي فيك ماحبه وماكذبت يوم قلت عنك عجوز واكيد كلامي الحين دخل في اذن وطلع من الاذان الثانيه اعرفك انا ماتسمعين الا لنفسك بس انا وراك مراح اخليك على هبالك
في تتحلطم (اف اف بس طلبنا من مطعم وكذبت كذبه صغيره سوتها سالفة جدتي من يطيح بين يدينك ماسلم ولازم تعطيني محاضره،هين ي مـي اقول لهاأقول لي ترفض كان ماعطتني هالمحاظره كلها)
مي طلعت من الصاله متوجههه للمطبخ تصلح لها اكل ،مي معطيه الباب الخليفي للمطبخ ظهرها مانتبهت لدخول خالد كانت مجهزه الاكل حقها ع الطاوله :رحيمه جيبي بيبسي ٢ بسرعه خليني اروح اكل ميته جوع
خالد انقهر هو راح وتعب نفسه علشان يجيب لهم اكل وست مـي مسوي لها اكل يعني مابغى منك شي هين ي مـي جلس ع طاوله الطعام وقال ببرود :تصدقين الاكل اللي مولك يصير طعمه ولا الذ من كذا خاصه اذا احد تعب عليه همممم لذيذ ،اجل تبغين من مطعم ها والله انها حركه سخيفه مثل وجههك البومه قلتي خليني أتعبه ويروح ع الفاضي تدرين انك حقيره مثل حقارتك ماشفت ولا ابغى اشوف
مـي كانه احد صب عليها مويه بارده مابغت ترد عليه لانه قليل الادب جلس يستفزني وانا ماحل له بس كلامه يوجع بقهر:اول شي أطلع برا لانك داخل المطبخ بدون احم ولادستور وانا ماحلك افهم عاد تراك مسخته بزياده وثاني شي الاكل حقي خله مكانه ،مالك حق تاكل شي مولك من سمح لك تاخذه
خالد بغرور :انا متعلم قبل ماأشوف وجههك ، من زينك علشان أحاول اشوف وجهههك ترى تفكيرك وسخ مثلك وانا ماأستئذن من احد اذا بغيت شي اسويه يعني اسويه وانتي لي اطلعي برا مو انا
مي دموعها ع خدها بضيقه وهي بتطلع من المطبخ وهي معطته ظهرها يعني ماشافها :بسالك انت وش تبغى مني وليه انا بذات تعاملني كذا وش هالكراهيه لي شمسويه لك انا
خالد بتكبر:تصدقين مادري بس احب اشوفك منهانه ومنذله أتمنى اسمعك تبكين مو دموع الدم ههههه
مي خافت يسمع صوتها وهي تبكي ويتشمت عليها طلعت من المطبخ ع طول صعدت فوق
ام عبدالرحمن : وين مـي تاخرت حيل روحي شوفيها
بعد طلوعها بدقايق جات في المطبخ تنادي ع مي :مي وينك ، وتدور عليها علشان تهاوشها ليه ماسكتت لما سالتها جدتها انها تبغى مطعم ولا لا شافت خالد :اسالتها متى جيت ، شفت مـي هنا
خالد جلس يتلذذ بالاكل عليها نفس ال****** بكذبه:توي جاي مادري عنها انا شايفتنني ابوها والا اخوها علشان تساليني عنها
في :يمه كله سؤال واسفين اذا غلطنا ع حضرت جنابك،انتبهت له انه جلس ياكل الاكل الي مجهزته مـي لها
في بصدمه:ليه تاكل اكل مـي وتراها تعبت وهي تطبخ لها
خالد بصدمه منها:ماشاءالله عليك موتوووك تقولين روح جيب اكل ل مي ولي وليه تروح تسوي لها اكل انا اروح اجيب أوتعب وهي تسوي حركة نذاله يعني ترى مالها داعي ذي الحركه
في بقهر ع مي، انه أكل الأكل كله عنها : لامي ماتسوي حركات نذاله مثلك بس انا كذبت عليك علشان تجيب لي انا موهي
خالد تضايق انه صرخ ع مٓي وجرحها البكلام وظلمها وحركة اختى مالها داعي: المفروض ي في تقولين لي ي خالد جيب لي اكل مو تكذبين و مرة ثانيه ان كذبتي ياويلك مني زين
في :زين انت وجدتي سوتوها سالفه خلاص ماراح اطلب منك مره ثانيه
في طلعت من المطبخ تركت اخوها راحت تشوف مـي وينها فيه دخلت غرفة نومهم وحصلتها نايمه ودموعها ع خدها ونزلت تحت
بتهاوش اخوها اكيد له يد في السالفه
في دخلت المطبخ بصرخ:انت وش قايل حق مـي
خالد بارتباك:مسرع مشتكت لك ماسويت لها شي بعد تتبلى علي
في بذكاء:تدري انه مي ماتشتكي لي بس انا شفتادموعها ع خدها عرفت انه انت ،انت وش تبغى منها ترى اللي جالس تسويه غلط اوكبر غلط بعد ترا فيها شرف فاهم
خالد بطفش وغرورر:وليش تبكي ان شاءالله استغفرالله ترى انا ماتعرضت لها وتتهميني بشرفي ترى ماتوصل لهدرجه وانتي ماتثقين في اخوكك
في بعصبيه اول مره ترفع صوتها ع اخوها :ي خالد ماتحس أنت البنت ماسوت لك شي علشان تسوي كذا وليت يكون عندك إحساس وللمره لالف ابتعد عن مي فاهم
خالد :كيفي ماطيقها خير شر وانتي ليه ترفعين صوتك علي علشان مين علشان ست مـي
في بخبث وهي تدعي : روح ي خالد ان شاءالله يجي الرجال اللي تتمناه و تستاهله يدافع عنها وعلشان تعرف انه كيف تغلط عليها
خالد بغرور:من هو الي تتمناه ليكون انا
في بستهزاء :واثق الأخ انها تحبك أصلا هي تكرهك ماتطيق تشوف رقعت وجههك اخ بس لو اعرف من هو الي تحبه أتمنى تأخذ ياسر ولا نايف
خالد بعصبيه خفيفة :مي مي مي ترك غثتيني فيها وشي ثاني المفروض ماتقولي هالكلام لي تراها قلت ادب اذا كانت تحب و حقيره أيه بعد لاتوقفين معها ضدي سامعه
في اول مرة تشوفه معصب كذا :خلاص ماراح أقولك هالكلام مره ثانيه واسفه اذا طولت صوتي عليك استغفرالله ترى مـي موكذا انا مرضى عليها حتى لو تكون انت ي خالد
خالد طلع معصب من بيت جدته (لو مـي تزوجت ماراح اطفشها او أتهاوش معها حس بضيقة مجرد تفيكران مـي تكون لغيري ليكون احبها مستحييل احبها انا بس أتعاطف معها ايه صح متعاطف معها)
***************************************
بيت ابوناصر
ناصر يطق غرفة ابوه وامه
ابوناصر جالس ع السرير توه بينام : مين
ناصر :انا يبه انت متصل علي اكثر من مرره امر
ابوناصر بنزعاج: توك تفكر تجي وينك من العصر
ناصر : اسف توي اشوف الاتصال
ابوناصر :رح الصاله تحت انا بجيك الحين
ناصر بضيقة: ان شاءالله راح انتظرك
ابوناصر لحق ولده ع الصاله : السلام عليكم
ناصر: وعليكم السلام هلا يبه امر
ابوناصر بهدوء : مايامر عليك عدو انا ابغى اعرف ليه تسوي كذا في بنت عمك المسكينه وش مسويه لك هي
ناصر(مسرع ماشتكت حق ابوي ،وبتهديد هين اشواق دواك عندي): يبه هي زوجتي وانا وهي نحل مشاكلنا بس انها توصل فيها المواصيل ترفع صوتها ع امي وانت تعرفني يبه مارضى أي احد مهما كان يرفع صوته ع امي
ابوناصر بسخريه: تقوم تضربها ذي رجوله عندك ماشاءالله عليك ونعم التربيه رجال
ناصر بقهر: انا رجال يبه وغصبن عنها اذا سمعتها بس ترفع صوتها مره ثانيه ع امي مو بس اضربها الا بطردها من البيت مره وحده
ابوناصر ضرب ولده كف ع وجهههه: ي الله ورني رجولتك وش بتسوي يعني
ناصر يحاول يكتم غيضه لانه مايبغى يرفع صوته ع ابوه: يبه اسمع هذا اني اقولها لك انت جبرتني عليها وتزوجتها غصب عني بس ماراح تجبرني احبها او اني اخلف منها عيال وراح تنتظر كثير ع ماتسمع كلمة ي جدي
ناصر طلع من الصاله بعد ماقال كل اللي في خاطره متوجههه الى جناحه ( والله لرويك ي اشواق الزفت راح اطلع الكف من عيونك شافت احترامي لابوي خوف راح ارويك صبرك عندي)
ابوناصر حس بصدمه وضيقة من كلام ولده ماتوقع ولده يقولها له في وجههه كذا انه هو سببب تعاسته ان ادري اني ظلمتك ي ناصر بس ُمنى عيني اشوف عندك ولد يحمل اسمك بس ماأبغاك تظلم بنت عمك معك وانتي ي اشواق ظلمتك انك اخذتي ناصر وهو قلبه وعقله معلق في البنت اللي يبغاها بس الكل راح في حال سبيله الله يهديك ي وليدي
***************************************
في جناح ناصر واشواق
ناصر معصب: ي زفت ياشــــــــواق وينك
اشواق طلعت من الغرفه وهي خايفة وترجف: نعم وش بغيت
ناصر عطاها كف قوي علشان يبرد حرته فيها قرب منها ومسكها مع شعرها وقطع لها شعرها من كثر مايشد فيه شوي ويقلعه من راسها وبهمس : يعني سويتيها ورحتي حق ابوي وانا حذرتك خلاص طفح الكيل منك انا مابغاك وماطيقك ولا ابغاك في حياتي عفستي حياتي كلها صرت ماطيق ارجع البيت والسببب انتي فيه ياليت ظليت بدون زوجه والحين انتي
اشواق : لا لا لا الله يخليك لاتقولها ابوس رجولك توبه ماراح اعيدها اسوي كل تبغاه بس لاتطلقني
ناصر بكل إشمزاز منها: انتي طالق ولاعاد يهمني احد حذفها ع السرير وكانه ماسك شيء مقزز ،وطلع برا البيت
اشواق تبكي : ليه ي ناصر وبصراخ عالي ليــه انا بس احبك انت ماتفهم >بس اشواق فاهمه الحب خطاء عندها حب تملك أي شي تبغى تسويه بس وش النتيجة هي اخذت ناصر بالغصب حتى لو كان موراضي شفتي النتجية حب من طرف واحد مستحيييل ناصر يحبه الله يعينك ي اشواق ع نفسك
*****************************************
ناصر بعد ماطلع من بيتهم يبغى يجلس في مكان هادي لحاله مايبغى احد حوله توجهههه الى احد المقاهي وجلس فيه (يارب يسر أموري ووفقني لما تحبه وترضه انا والله ماودي أكون بهالوحشيه مع اشواق بس تستاهل اكثر استغفرالله الله يهديها لنفسها)
طلب له قهوة تركيه سرح يتذكر اليوم اللي انعفست فيه حياته كان اليوم الهدوء اللي يسبق العاصفه رجع بذكرياته الى قبل شهرين مرو في حياته وكنا الشهرين سنوات مو أيام معدوده هاليوم ليلة زواجه من لمياء في خلال ٢٤ساعه صار زواجه من لمياء الى اشواق كيف صار كذا مايدري بس يحس بغصه واقفه في حلقه لو يقدر يغير شي من حياته كان ماتزوج اشواق
ناصر فرحان وسعيد جدا باقي ٢٤ساعه وتصير لمياء قدامي ي الله راح الكثير وباقي القليل
ناصر: يمه ناقصكم شي تبغون شي ترى انا حاضر
ام ناصرمبتسمه لفرحة ولدها:لا ايوليدي الله يعطيك العافيه ماتقصر ويتمم ع خير ويوفقك مع لمياء
ناصر من قلب : امــــــين
في هالحظه يدخل ابوناصر بحده وجههه متغير مايبشر بالخير: ناصر تعال ابغاك في المجلس
ناصر الله يستر وش صار وجههه مايبشر بالخير ابد: ان شاءالله يبه ، قام يلحق ابوه : نعم يبه امر
ابوناصر: اسمع اللي بقوله لك يتنفذ وأفضل انه يتنفذ من طيب نفس موغصب
ناصر خاف : وش صاير يبه عسى ماشر
ابوناصر بهدوء: موصاير الا كل خير بس يرمي القنبله في وجهه ناصرانا ابغاك تتزوج اشواق
ناصربصدمه: نعم ليه وش اصير علشان تباغني اتزوج اشواق وكذا بدون سبب طيب ماباقي شيء على زواجي من لمياء
أبو ناصر بحده :اسمع انا ماقلت لك طلق لمياء انا ابغاك تتزوج اشواق بعد زواجكك من لمياء بشهر بشهرين تتزوج اشواق
ناصر : يبه مايصير كذا عطني سبب واحد يخليني اتزوج ع لمياء
بوناصر بعصبيه : اسمع زوجتك عندها ضعف في الحمل الا يمكن ماتجيب عيال
ناصر بضيقة: من وين جايب هالكلام كله كاب
ابوناصر بحده: لا كذب ولاشيء ويحذف عليه تقرير من المستشفى شوف ي الله قولي كانه كذب (وطبعاً تقرير مزور واللي مزورته اشواق كل هذا علشان ناصر يتزوجها ولا ياليته يحبها او يبغاها وهي السببب في تدمير حياته مع لمياء، ناصر ل يومكم هذا مايدري من هو اللي كذب ع ابوه لو يعرف انها أشواق راح يخلص عليها هو ماصدق انه التقرير صحيح حاس انه مزور وفيه أحد ورى هالسالفه)
بس وش يقنع ابوه اللي يشوفه قدام عيونه هو الصح ناصر بقهر:يبه وش هالكلام لا مو متزوجها خليها تولي واصلا ماصدق كل اللي قلته لي
ابوناصربعصبيه: اسمع ان ماتزوجتها اطلع من بيتي لا انت ولدي ولاأعرفك وترى بنت عمك أولى من الغريبه
*
*
*
*
*
كـــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــت

بكتفي بـ هذي البارتات اذا شفت تفاعل وردو
كملت نقل قراءه ممتعه الجميع

&البارت السادس &

‏لا ضاق فيك الدرب لا ترجع ورى
إصبر وغامر والعمر حظ ونصيب
أحدن لقى في مقبل أيامه ذرى
و أحدن رمى لكن عيا لا يصيب. منقول

ناصر بضعف >على فكره ترى ناصر ضعيف شخصيه قدام ابوه مايقدر يفرض رايه او يسوي شي وهذا شي استغلته اشواق في مخطط انها تتزوج ناصر بضعف وقهر: يبه تكفى ماآبغاها لاتجبرني على شي مابغاه يا يبه تكفي اذا كان تقرير صحيح راح اتعالج معها وطب تطور
بوناصريسكرع الموضوع وبحده: لو ابغاك تتعالج معها ماقلت لك تزوج اشواق ان قلت كلمتي تمشي ، طيب تزوجهها بسر لاتخبر زوجتكك
ناصر توه بيقول شي بس ابوه قاطع عليه : اسمع ماعندي وقت اضيع معكك انا اعطيك امر موجاي اشاورك انت عليك تنفيذ بدون عناد اسمع نفذ الي قلت لك عليه وبس
ناصر بقهر بغبنه: ان شاءالله ، حسبي الله ونعم الوكيل عليك يااشواق
******************************
في بيت ابوياسر كان وقت العصر من اليوم الخميس
لمياء مسيكنه منقشه يدها ورجولها علشان ليله الزواج وكنات مستعده لكل شي يتغير في حياتها ماتدري وش ينطبخ من وراها كانت منسدحه وتفكر ي الله الحين حياتي بتتغير بطلع من بيت اهلي واروح بيت اهل زوجي
فاقت ع اتصال جاءها من رقم غريب وكانت محادثه واتس اب
(هلا بالي نايمه في العسل انتي اليوم راح تكونين عروس صح لالالالا
مسكينه ماأظن انك بتكونين عروس راح تحل محلك وحده ثانيه واحسن منك بكثير روحي شوفي ناصر وش يسوي اليوم لالا وش اليوم الا قولي قبل ساعتين ملك ع بنت عمه باي ي حلوه أي لحظة وإذا مو مصدقتني كيفك عمرك. ماصدقتي سلالام )
لمياء مصدومه: لالا شكلها تكذب مو معقوله ناصر يسوي فيني كذا بعد شكلها واثقه من نفسها ي الله كيف اتاكد الحين أي خليني ادق ع ناصر
لمياء تتصل ع ناصر ، وناصر مايرد وش السالفه وش اسوي يارب
رجعت رسلت لها رساله ثانيه(أي ع فكره الحين ناصر في بيتهم بعد ملك ماحب يطلع روحي تاكدي اذ تبغين تشوفين كلامي كذب ولا صدق 😂😂😂😂😂😂تصدقين تكسرين الخاطر💔 باي(
لمياء بدون تفكير لبست عبايتها كلمت ألسواق يوصلها بيت اهل ناصر
**********************************************
بيت ابوناصر
ناصر بعد الملكه جلس وهموم دنيا كلها ع راسه منسدح ع رجول امه، امه تمسح ع راسه: يمه ليش انا حظي كذا ليش بذات انا والله اني عندي إحساس انه لمياء بتضيع مني
في هاللحظه يضرب الجرس الباب
ام ناصر مستغربه :من هو الي يضرب الباب الحين
ناصر قام :ماأدري بس بروح اشوف من هو ،طلع من صاله متوجهه الى باب شارع مين
لمياء: انا ،وهي تبكي صح الي سمعته ي ناصر
ناصر مصدوم كيف عرفت: وش الي سمعتي ي لمياء
لمياء ودموعهاع خدها وتصرخ: انك ملكة ع بنت عمك اشواق
ناصر نزل راس وبضيقة : أي للاسف ماقدرت اسوي شي ابوي حلف علي انه ماراح يسامحني الى يوم القيامه قلت خلاص ان ابغى لمياء وبس ماأبغى غيرها حاولت فيه بس رفض
لمياء انهارت من البكي تشاهق : ليه ليه الحين وش معنى الحين وش اللي الفرق كان سويته من قبل
ناصر بضعف وقلة حيله : ماأدري لا تساليني عن شي
لمياء بصراخ : من اسال اجل اذا انت ماعندك رد
ناصر: خليها تولي عنك انتِ زوجتي وام عيالي بعدين أصلا انا ماأبغى غيرك انتي زوجتي الوحيده

لمياء: للأسف ياناصر ماراح أكون زوجتك ولا ام لعيالك لاني ابغاك تطلقني وألحين ماأبغى تدخل علي ضره
ناصر بروعه: لالالالالا ي لمياء مايصير كذا انا ماأقدر أعيش من دونك كل شي له حل
لمياء باصرار وبصراخ: لالالا لازم الحين تطلقني وش تقدر تسويه انت ماقدرت ع ابوك ، الحين بتغير شي ماينفع لانه اذ فات الفوت ماينفع صوت
ناصر بحزه وضيقه قرب منها وحضنها : خلاص ي لمياء قطعتي قلبي لاتبكي مافي شي يستاهل تبكين علشانه حتى لو كان انا ، والله صعب علي الفراق ويعز علي حتى اني موقادر انطقها
لمياء تتمسك فيه لانها اللحظات الأخيره الي بتجمعهم مع بعض : تكفى ي ناصر انطقها وخلني اروح في حال سبيلي
ناصر دموع القهر ع خده بالمووووت نطقها بهمس في اذنها: لمياء انتي طالق طالق طالق
لمياء تحس بثقل في جسمها خلاص انهارت خلاص مافي ناصر بعد اليوم : شكرا ع كل شي سويته لي انا ماراح انساك اوعدك اني راح اظل طول عمري اتذكرك يمكن يجي يوم وانساك وانسى اسمك بعد شكرا مرة ثانيه انت كنت كل حياتي الحين طلعت من حياتي الله يوفقك مع اشواق
ناصر بغصه في الحلق لاتصعبينها علي يالمياء: تكفين يالمياء لاتدعيني لي بتوفيق معها انا من الحين اكرهها
لمياء عطته ظهرها ماردت ع ناصر طلعت من بيت اهل ناصر منهاره والكل عرف انه لمياء تطلقت بس ماعرفو وش سبب طلاق من تسبب في طلاقهم لانهم كانوع وفاق
فاق ناصر من سرحانه الدموع ع خده: الله يوفقك ي لمياء وين ماكنتي ، مسح الدموع قال خليني اروح البيت احسن لي
*******************************************
بعد يومين
*
*
*
في بيت أبو عامر (غرفة سعاد)
جالسه ع سرير تبكي من يوم ماقال لها ابوها انها ل عامر وهي تبكي حابسه عمرها في غرفتها ماتبغى تطلع ولا تشوف احد جاءت فكره في راسها لازم تسويها أخذت جوالها طلعت من غرفتها متوجههه الى غرفه اخوها محمد علشان تأخذ رقم عامر من الجوال وبسرعه رجعت غرفتها قبل لاأحد يشوفها تنفس :اوف الحمدلله ماحد شافني ادري اللي اسويه غلط وأكبرغلط بس لازم علشان أقول له اني ماأبغاه واكيد بينسحب من موضوع الزواج مره وحده هههه اذا مطلوب
*******************
في العمل، عامر جلس في المكتب ( يفكر اكيد سعاد عرفت بلموضوع ي ترى وش سوت المشكله ماتعرف اني شاريها اخ تعبت منها انا احبها وهي تكرهني صحيح مايجبر قلب ع قلب بس مستحييل تكون لغيري يارب ساعد ني يارب تيسر الملكه ويكون كل شي تمام ليتك تحسين فيني وانت ياقلبي ماحبيت الا سعاد وهي ماتحبني تعبت )
فز من سرحانه صوت الجوال ايفون ٧ أبتسم بتغلي لما عرف هوية المتصل حافظ رقمها عدل عامر برسميه وكانه ماعرفها: الو السل م عليكم من معي
سعاد بكراهيه: تسوي حالك ماعرفتني من سمحلك تخطبني انا ماأبغاك ماتفهم وانت كم مرة خطبتني ورفضتك ماعندك كرامه
عامر بضيقة بوجع من كلامها جرحت كرامتة : اول شي ردي ع السلام ترى السلام الله مو لي
سعاد : أصلا انت حتى السلام حرام عليك وعليكم السلام انا ماأبغاك فهمت ولاأشرح لك
عامر بعصبيه خفيفة : تراك من أتصلتي وانتي ماغيرتقولين لي انا ماأبغاك مابأغاك فهمنا تراك غثيتني وليه شايفتني ماعندي عقل ماافهم شوفي مومهم انك تبغين المهم انا ابغى
سعاد تصرخ:انت ماتفهم كيف تأخذ واحده ماتبيك ماتطيقك ماتشتيه فاهم عاد
عامر برود أعصاب: انتي ماتبيني مره انا مابأغاك الف مره
سعاد بصدمه من كلامه واهانه لها: طيب ليش تبغى تتزوجني
عامر يحرق اعصابها زي ماتحرق اعصابه بكلامها: مـــــــزاج
سعاد بعصبيه لانه مافي فايده معه اللي ف راسه بيسويه سكرت الجوال ع وجههه
عامر بصدمه : انا تسكرين الجوال في وجههي طيب ماعليه بس لما تكونين عندي راح اعلمك الادب
سعاد بعد ماسكرت الجوال تبكي : حقير نذل واطي بس يبغى يلعب فيني والله ماأخليك زواج مولعبه
**********************************
تحت في صاله بيت أبو محمد
ام محمد بحزن ع حال بنتا : فرح انزلت اختك تتغداء
فرح بنرفزه من اختها: لا يمه ليه هي كذا ترى ماله داعي تزعل وشفيه عامر علشان ترفضه يمه الاأ بغى اسالك صحيح مازن خطبها زين ليه توافق ع مازن وترفض عامر تراهم الاثنين ماشاءالله عليهم بس عامر ولد عمي اقرب
ام محمد بضيقه: والله ماأدري وش فيها ع عامر ما شاءالله عليه الكل يتمناه وخاص بنات خالته من قال لها ابوها وهي قافله عليها غرفتها أي صح عامر أولى من مازن ومازن الله يسعده مع غير بنتي
فرح : الله يهديها بعد انتو دلعتوها كل شي تبغاها تجبون لها حتى لو صعب وإذا شي مابغته قلتو خلاص مولازم تاخذين والحين تحسبكم بتوقفون معها في قرارها بس هي انصدمت انه الكل مع عامر وعلشان كذا تحبس نفسها في الغرفه علشان تقولون لها خلاص سعاد اطلعي بنرفض عامر علشانك
ام محمد تضايقت من كلام فرح ولا نه كلامها صحيح سكتت ماعنداه رد وش تقول صح حانا دلعناها للي تبيه تأخذ وإذا شي ماتبغى ماتاخذه بس عامر ان شاءالله انه لها وهذا فرح أصغر منها وفاهمه وهي الكبير كانه بزره
في لحظه دخل محمد وهوفرحان: السلام عليكم ي قوم
ام محمد وفرح: وعليكم السلام ورحمة الله وبركاته
ام محمد : اشوفك مروق وش عندك
محمد يستهبل :يمه ماتبغين استانس أكون فرحان