كاتب الموضوع :
فيتامين سي
المنتدى :
قصص من وحي قلم الاعضاء
رد: جنون المطر (الجزء الثاني) للكاتبة الرائعة / برد المشاعر
صباح النور والسرور ،،
بررررد ي قلبي وش هالجمال إبداعتي إبداعتي ماشاء الله ،، دخت من اللقاءات المتفجرة بهالبارت ،، وصفك للأحداث وكانها تتمثل أمامنا بكل دقه ماشاء الله ،،
حاله البلاد من الداخل ذكرني بحال بعض الدول العربيه وكيف بعضها انتهى بها الحال زي ماذكرتي دخلوا الأجانب واستغلوا خيرات البلد باسم الدفاع عنه .. الله يحفظ جميع بلاد المسلمين ..
يمكن اللحين بالجزء الثاني بدأت استوعب حجم تضحيتهم عشان الاستقرار الأمن والامان ،، واذا الروح وأغلى مايملك الشخص يفديها للوطن فالأحباب وغيرهم ممكن يجون من ضمن هالتضحيات ..
المحزن بالموضوع انه كله اعتماده ع مطر ،، يعني لو مطر ميت كان رجع حال البلاد للي قبل ،، ماكان في حل جذري كل الموضوع معتمد ع مطر ماحبيت هالنقطه ،، كل التضحيات والخساير كان ممكن تضيع ،،
يمكن الغلط من شراع اللي ماخلى له خليفة رجل حكيم يخلفه بالحكم يكون من اختياره من أول ما تعين رئيس للبلاد هذي النقطه تعزز الاستقرار وماكان صارت هالفوضى ،،
جبران كيف يخون وطنه بهالشكل وهو ولد شراع ،، كيف يكون سبب الفتنة ويدمر اللي سواه ابوه ،، عجيب أمره وكأنه انضرب ع راسه من بعد ترك غسق له،،
يعقوب خاين لوظيفته وللوطن قبل مايخون شراع ،، هذا ماهو تفكير واحد قائد المفروض يضرب بيد من حديد ع كل اللي يحاول يزعزع استقرار وطنه لا جبران ولا غيره فيه شي يشفع لهم اللي يسونه،، لو شراع حي ماترك ولده يفسد في الارض ،،
الشي اللي يعجبني بيعقوب انه يرفع ضغط مطر ويخليه يتجنن ،، اللحين يلقاه طاب بيته ويدافع عن غسق ويطالب بحضانه بنتها وانه بينهم القانون ومطر وقتها من قوة العصبيه يطب ميت هههههه
مطر قاهرني وهو يتفشخر قدام شاهر وانه قادر يصلح اللي بينه وبين غسق بنفسه ،، والحمدلله انه غسق ماحولها رضى عليه.. يارب تقوي قلبها وتصمد مو تخربها اللحين وترضى ..
تيما تقهر بعد ماعند الا للأبد للأبد مين قالها انها بتعيش عند امها للأبد ،، ماتعرف شي اسمه مؤقتا..
تكفييين برد بررردي قلبي في مطر وماادري وش اللي ممكن يبرد قلبي ،، ليه يخفي عليها الحقيقه ،، وهي اللي بتغيير تفكيرها ،، لايكون يبغي ياخذ دور المظلوم وهي اللي ظالمته ولا عرفته ولا عرفت كيف يفكر ؟
هالمغرور شايف نفسه .. لااحد يناقشه بشيء ولا احد يقوله شي .. والعذر ايش هو اعتاد وتربي كذا ،، لايكون يحسب نفسه ملاك مااحد له حق يحاسبه ،،
على كثر مانلوم شاهر ع تركه لام تيّم ،، اقلها كان ماخذ رضاها كانت راضيه عنه وتدعي لها ،، عكس مطر اللي راح بدون اعذار او وعد برجوع او الانتظار ،،
طول عمره ماقصر للوطن وطول عمره مقصر مع غسق ،،
لو الوطن ماكان محتاجه هل بيرجع عشان غسق ؟؟
مقدره تضحيته بس هل كان من ضمن التضحيه مافي جبر خاطر او تبرير ؟
رجعت تيّم عشان ماريه وعشان مايصير بتفكيره انه ضعيف زي ابوه ترك امه ،، لقاءه مع قيس ع انه خلى قلبي يذوب من الوصف الا انه يستاهل ليته اكثر بعد ،،
اتوقع ياخذها معه المشكله بالكريهه اللي لاصقه فيه افف ياكرهها تيموثي تيموثي حومة بكبدي هالنشبه ليته يقتلها ويفكنا منه ،، ملاحظ هالانجليزيات يرمون نفسهم رمي وحده عنده ووحده عند وقّاص 😑
وقّاص جا ع وجهه .. مايحتاج زيزفون تتعب نفسها هو اللي بيخرب علاقته مع جده،،
انا اللي مستغربته زيزفون ايش اللي نمى حقدها لهالدرجة ومين قالها عن تفاصيل اللي حصل لابوها و جدتها ؟؟ معقوله تكون امها ،،
بعدين ليه هالحراسه والغرفه المحبوسه فيها ماتفتح الا من الخارج كانها في قفص،،
فاطمه اتوقع انها ماتت قبل عكرمه بس كيف عايش معه لحالها ؟ اذا كانت فاطمه عايشه ليه راحت المصحه ؟
زيزفون كملت تعليمها ولا ضاع عليها بعد مارجعت لهم ؟
جمانه ثقتها بنفسها معدومه 24 ساعه تبكي .. وهي حاطه املها ع ان العمليه بترجع ثقتها ،، الثقه تكون نابعه من الداخل ،، والمظهر الخارجي والمقومات الاخر مجرد تزيد أو تنقص من مقدر الثقه ماهي الأساس .. اتوقع انها تموت من العمليه او يجيها عيب دائم منها ،،
ساندي اتوقع انها بترفع قضيه ع رواح تفلسه ع الاخر كان لازم ياخذ موافقتها ،،
أبان خطة فاشله بتنكبه وخطه ناجحه بطلع يمامه من اللي هي فيه ،، الجميل في إبان انه مسوي نفسه ذكي وجات ع رأسه ،، جوزا بيان انها أعجبت فيها وهي تربي بزرين : )
شاهر يستاهل غيسانه تطلع عيونه وهي تستاهله يضيق عليها ويرفع ضاغطها ،، اتوقع انها بتاخد الجنسيه البريطانية وتقلب عليهم ،،
وجود ماريه قريبه من تيّم بتأثر عليه وهي اللي بتخليه يقدر يسامح اللي يحوّله ،،
تسلمين برد وتسلم الايادي اللي تكتب ،، فصول جمييله ومشبعه وخذي راحتك ي قلبي احنا بانتظارك باي وقت ،،
ام جمال الله يعطيك العافيه ويسعد قلبك دايما
ع الموعد ،،
|
04-09-17, 08:30 AM
جديد مواضيع قسم قصص من وحي قلم الاعضاء
العرض العادي
